هبت ريح

بارت15

ارفعو ايدكم بلدعاء للعراق اولا

#هبة_ريح

رفل الكناني

#البارت_الخامس_عشر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت للمطبخ صارت كبالي شيماء سوت نفسهه مخترعه شهكت وطار الكلاص من اديه ونجفى كله عليه وعليها كمت انفض بدشداشتي وهيه تمتمت

ااااااا ضرار والله اسفه اعذرني مادري شلون طلعت كدامي وماشفتك

باوعت عليه من فوك بستهزاء وكتله

كل هذا الطول ومشفتي  تره حتى بيني وبينج جانت مسافه

اي ماشفتك اصلا مادري بيك هنا

هزيت راسي مارضي وعفته ورجعت للغرفه لازم مكان الدشداشه المدمر احجي وامشي كتله

ديله  ماصار شي

دخلت الغرفه ومباشره ذبيت الدشداشه بقيت بطرك الفانيله وجان تدخل ورايه لتفتت عليهه كتله

مرخصتج بس ابدل 

بحركه سريعه صارت بصفي حيل وبيده وصله تمسح عل صدري وتحجي

اعذرني كله من ورايه دشداشتك دمرت سوده عليه

يمعوده لاتمسحين ولا ابد وخري هسه راح اغسل

لالا شلون واني السبب كلبي ماينطيني اعوفك هيج امدايه اني شسويت انوب حتى ماسلمت عليك

لزمت وحده من اديه داوخره والثانيه بعده عل صدري وجان تدخل امي ضلت صافنه علينه و عيونه تسعت تقدمت بتجاهنه وكالت

هاااي شنو شدسون

يمه الع

بعدني مامكمل ونطت شيما من يمهه كالت

عمه ضرار جتفه يوجعه دافركله

ضليت صافن هاي شددكول تجذب عينك عينك  بس عليمين هاي الملاعيب على ضرار والله لجوزجج

كلبت وجهي وخزرته وصديت عل امي كتله

يمه شبيج صفنتي بس لاصدكتيهه يمعوده شربت انجفه عليه وهيه مثل الزيطه لحكتني وتمسح بي

ضرار اني زيطه الله عليك هاي فوكاه

فوكاه ونص لعد شنو دافركله اليسمعج شيكول

امي وعت من صدمته واكدت عل كلامي وكلتله

اي صدك شنو افركله موعيب انتي بنيه وحتى اذا نجفى الشربت جان صحتي وحده من خواته خوما داخله الغرفته والوحدكم

عمه شبيج وشكو بيه غير ابن عمي

ابن عمج صحيح بس مايصير بهذا الوضع وحدكم بلغرفه وكل ثنين ثالثهم الشيطان شدكول يمممه

حجته وهيه رافعتلي حاجبه اعرف امي راح تسوي سالفه جريت تشيرت وبجامه من الكنتور طلعت اني والبس بيهن وعفته ترزل بشيما