هبت ريح

بارت28

#هبة__ريح

رفل الكناني

#بارت٢٨

ﺇﻗﺘﺮﺑﻰ ﻣﻨﻲ ﻭﺃﺳﺄﻟﻨﻲ ﻋﻦ ﺛﻮﺭﺓ ﺷﻮﻗﻲ ..
ﻓﺄﻧﺎ ﻻ ﺃﺷﺘﺎﻕ ﻛﻤﺎ ﻳﺸﺘﺎﻕ ﺃﻟﻌﺸﺎﻕ ..
ﻓﺸﻮﻗﻲ ﻣﺪﻳﻨﺔ ﻋﺸﻖ ﻭﺻﻤﺘﻲ ﻧﺎﺭ ﺗﺤﺮﻕ ﺃﻟﺒﺤﺮ ﻓﻲ ﺍﻷﻋﻤﺎﻕ ..
،،،،،،،،،،،،،،،،،،،،،،
ﻫﺪﻭﺀ ﻗﺎﺗﻞ ﺑﺲ ﺻﻮﺕ ﺷﻜﺎﺗﻲ ﻭﺍﻧﻔﺎﺳﻨﻪ ﺍﻟﻤﻀﻄﺮﺑﻪ ﻫﻤﺴﺖ ﺑﺼﻮﺕ ﻭﺍﻫﻦ
ﺿﺮﺍﺭ ﻭﻳﻦ ﻋﻔﺘﻨﻲ
ﻣﺠﺎﻭﺏ
ﺿﺮﺍﺭ ﺗﺴﻤﻌﻨﻲ ﻭﺍﻟﻠﻪ ﺍﻧﻲ ﺍﺳﻔﻪ ﻣﺎﻋﺮﻑ ﺷﻠﻮﻥ ﻫﻴﺞ ﺳﻮﻳﺖ ﻭﻳﺎﻙ ﺿﺮﺍﺭ ﻭﻳﻨﻚ ﺍﻧﻲ ﻣﻴﺘﻪ ﺑﻠﻴﺎﻙ
ﻭﺷﻴﻔﻴﺪ ﺍﻻﺳﻒ ﻳﺎ ﻫﺎﺟﺮ ﻭﻋﻼ ﺷﻨﻮﻭ ﺗﺘﺎﺳﻔﻴﻦ ﺍﻧﺘﻲ ﻣﺎﻏﻠﻄﺘﻲ ﺍﻧﺎ ﺍﻟﻐﻠﻄﺎﻥ ﺍﻟﻀﺎﻫﺮ ﻻ ﺍﻧﺎ ﻣﻦ ﺛﻮﺑﺞ ﻭﻻ ﺍﻧﺘﻲ ﻣﻦ ﺛﻮﺑﻲ ﻭﻫﺴﺎﻉ ﺍﻟﻠﻪ ﺑﻴﻨﻪ
ﺿﺮﺍﺭ ﻻﺩﻛﻮﻝ ﻫﻴﺞ ﺍﻧﺖ ﻣﺎﺗﻌﺮﻑ ﺷﺘﻌﻨﻴﻠﻲ ﻭﺍﻧﻲ ﺟﻨﺖ ﻣﻮﺍﻋﻴﻪ ﻋﻠﻰ ﺭﻭﺣﻲ ﻣﻦ ﻛﻠﺖ ﺍﻟﻜﻠﺘﻪ
ﻭﻫﺬﺍ ﺍﺣﺴﻦ ﺷﻲ ﺍﻥ ﺍﻻﻧﺴﺎﻥ ﻣﻦ ﻳﻄﻠﻊ ﻣﻦ ﻃﻮﺭﻩ ﻳﺒﻴﻦ ﻋﻠﻰ ﺣﻘﻴﻘﺘﻪ ﻭﺍﻧﺘﻲ ﻣﺎﻛﻠﺘﻲ ﺍﻝ ﺍﻟﺼﺪﻙ ﺍﻧﺎ ﺭﺟﺎﻝ ﻋﺮﺑﻲ ﻭﺍﻧﺘﻲ ﺑﻐﺪﺍﺩﻳﻪ ﻣﺜﻘﻔﻪ ﻭﺭﺍﺡ ﺗﻀﻠﻴﻦ ﻃﻮﻝ ﻋﻤﺮﺝ ﺗﻌﺎﻳﺮﻳﻨﻲ ﺑﻬﺎﻱ ﺍﻟﺴﺎﻟﻔﻪ
ﻳﻨﻜﺺ ﺍﻟﺴﺎﻧﻲ ﻭﺍﻟﻠﻪ ﻳﻨﻜﺺ ﺍﻧﺖ ﻣﺘﺪﺭﻱ ﺷﺼﺎﻳﺮ ﺑﻴﻪ ﺑﻔﺮﺍﻛﻚ
ﻣﺎ ﻳﺼﻴﺮ ﺑﻴﺞ ﺷﻲ ﺟﺎﻥ ﺻﺎﺭ ﺑﻴﻪ ﻣﻮ ﺍﻧﺎ ﺍﺣﺒﺞ ﺃﻛﺜﺮ ﺑﺲ ﻫﺎﻱ ﺳﻨﺖ ﺍﻟﺤﻴﺎﻩ ﻭﻻﺯﻡ ﻭﺍﺣﺪ ﻳﻌﺮﻑ ﺣﺪﻭﺩﻩ ﺣﺘﻰ ﻻﻳﺘﻌﺐ ﺑﻌﺪﻳﻦ
ﺍﻧﻲ ﺍﺩﺭﻱ ﻫﺬﺍ ﺍﻟﺤﺠﻲ ﻣﻮﻣﻦ ﻛﻠﺒﻚ ﻭﺍﺣﻠﻔﻚ ﺑﻠﺤﺐ ﺍﻟﺒﻴﻨﻲ ﻭﺑﻴﻨﻚ ﻻ ﺗﻘﺴﻲ ﻛﻠﺒﻚ ﻋﻠﻴﻪ ﻭﺍﺭﺟﻌﻠﻲ
ﺳﻜﺘﺖ
ﺯﺩﺕ ﺑﻠﺒﺠﻲ ﻭﻛﻤﺖ ﺍﺷﻬﻚ ﺃﻛﺜﺮ .. ﻧﺘﺮ
ﻋﻠﻰ ﺷﻨﻮ ﺗﺒﺠﻴﻦ ﻫﺎﺍﺍ ﻋﻠﻰ ﺷﻨﻮﻭﻭ ﻣﻮ ﻫﺬﺍ ﺍﻟﺮﺩﺗﻲ ﻣﻮﻛﻠﺘﻲ ﻋﻮﻓﻨﻲ ﻣﻮﺍﻧﻲ ﻫﻤﺠﻲ ﻭﻋﺮﺑﻲ ﺷﺘﺴﻮﻳﻦ ﺑﻴﻪ ﻟﺨﺎﻃﺮ ﺭﺑﺞ
ﻣﺎﺣﺠﻴﺖ ﺑﺲ ﺍﺑﺠﻲ ﻛﺎﻝ
ﻫﺎﺟﺮ ﻣﻦ ﺭﺧﺼﺘﺞ ﺍﻧﺎ ﺗﻌﺒﺎﻥ ﻭﺍﺭﻳﺪ ﺍﻧﺎﻡ ﺗﺼﺒﺤﻴﻦ ﻋﻠﻰ ﺧﻴﺮ
ﺳﺪﻩ ﺑﻮﺟﻬﻲ ﻧﻬﺎﺭﻳﺖ ﻟﺰﻣﺖ ﺍﻟﻤﺨﺪﻩ ﺩﻓﻨﺖ ﺭﺍﺳﻲ ﺑﻴﻬﻪ ﻭﺍﻳﺪﻱ ﻣﺘﻤﺴﻜﻪ ﻭﻣﻨﻐﺮﺳﻪ ﺑﺪﺍﺧﻠﻪ ﺑﺠﻴﺖ ﺑﺠﻲ ﺑﺤﻴﺎﺗﻲ ﻣﺒﺎﺟﻴﺘﻪ ﻭﺗﻨﺪﻣﺖ ﻋﻠﻰ ﻛﻞ ﻛﻠﻤﻪ ﻛﻠﺘﻪ ﺍﻟﻪ ﺿﺮﺍﺭ ﺷﺨﺼﻴﻪ ﺻﻌﺒﻪ ﻭﺍﻟﺴﻮﻳﺘﻪ ﻭﻳﺎﻩ ﺧﻼﻩ ﻳﺒﺪﻱ ﻛﺮﺍﻣﺘﻪ ﻭﻋﺰﺕ ﻧﻔﺴﻪ ﻋﻠﻴﻪ
ﻓﺮﺍﻛﻪ ﺩﻣﺮﻧﻲ ﻭﻛﻠﻤﺘﻪ ﺑﻤﻜﺎﻧﻪ ﻣﻦ ﻛﻠﻲ ﺍﺳﻮﻳﻠﺞ ﺩﺭﺱ ﻭﻟﻮﻳﺮﺟﻊ ﺑﻴﻪ ﺍﻟﻮﻛﺖ ﻟﺬﺍﻙ ﺍﻟﻴﻮﻡ ﺍﻟﻮﻛﻔﺖ ﻛﺒﺎﻟﻪ ﺟﺎﻥ ﻣﺎﻓﺘﺤﺖ ﺣﻠﻜﻲ ﺑﺤﺮﻑ ﻭﺗﺠﺎﻭﺯﺕ ﻋﻠﻴﻪ ﺃﻳﺎﻡ ﻭﺍﻳﺎﻡ ﻭﺍﻧﻲ ﻧﺘﻬﺖ ﺣﻴﺎﺗﻲ ﻭﻳﻪ ﻣﺎﺿﺮﺍﺭ ﻧﻬﻰ ﻋﻼﻗﺘﻪ ﺑﻴﻪ ﻭﺍﻣﻲ ﺍﻟﻤﺴﻜﻴﻨﻪ ﻛﺎﻣﺖ ﺗﺘﻌﺐ ﻭﺗﺘﻤﺮﺽ ﻭﻳﻮﻣﻴﻪ ﺑﻠﻴﻞ ﺍﺳﻤﻌﻪ ﺗﺒﺠﻲ ﻭﺍﻋﺮﻑ ﺳﺒﺐ ﺍﻟﺒﺠﻲ ﺍﻛﻴﺪ ﻛﻞ ﻋﺎﺩﻩ ﻋﻠﻰ ﺍﻫﻠﻪ ﻟﺪﺭﺟﻪ ﺣﺴﻴﺖ ﻧﻔﺴﻲ ﺭﺍﺡ ﺍﺧﺴﺮﻩ ﻛﻤﺖ ﺍﺣﺎﻭﻝ ﺷﻜﺪ ﻣﺎﺍﻛﺪﺭ ﺍﻫﺘﻢ ﺑﻴﻬﻪ ﻫﻢ ﺍﺧﻔﻒ ﻋﻠﻴﻬﻪ ﻭﻫﻢ ﺑﻠﻜﺖ ﺍﺧﻔﻒ ﻋﻠﻰ ﻧﻔﺴﻲ ........
ﺿﺮﺍﺭ ..... ﺻﺪﻳﺘﻪ ﺍﻱ ﺻﺪﻳﺘﻪ ﻃﻴﺮﺗﻲ ﺭﺟﻌﺘﻠﻲ ﻭﺧﻠﺖ ﻛﻠﺒﻲ ﻳﻨﻔﺾ ﻭﺗﻬﻴﺞ ﺍﻟﻌﺎﺻﻔﻪ ﺍﻟﺠﻮﺍﻩ ﻭﺗﻄﻔﻪ ﺍﻟﺠﻤﺮﻩ ﺍﻟﻤﺸﺘﻌﻠﻪ ﺑﻲ ﻛﻞ ﺍﻟﻔﺘﺮﻩ ﺍﻟﻔﺎﺗﺖ.بيج قصص عراقيه حقيقيه من واقعنا.روعه الطائي
ﻭﻳﺎﻩ ﻛﻞ ﺩﻣﻌﻪ ﻭﻛﻞ ﺷﻬﻜﻪ ﻭﻛﻞ ﻛﻠﻤﻪ ﺍﺳﻤﻌﻪ ﻣﻨﻬﺎ ﺭﻭﺣﻲ ﺗﻬﺪﺃ ﻭﺍﻋﺼﺎﺑﻲ ﺗﺮﺧﻪ ﺑﺲ ﻛﺮﺍﻣﺘﻲ ﻭﻋﺰﺕ ﻧﻔﺴﻲ ﺗﻨﺘﻔﺾ ﻭﺗﺬﻛﺮﻧﻲ ﺑﻠﺴﻮﺗﻪ ﻗﺴﻴﺖ ﻋﻠﻴﻪ ﺣﺘﻰ ﺗﻌﺮﻑ ﺣﺪﻭﺩﻩ ﻭﻳﺎﻱ ﺑﺲ ﻣﺎﻋﻔﺘﻪ ﻭﺍﺻﺮﻳﺖ ﻋﻠﻴﻪ ﺃﻛﺜﺮ
ﻳﻮﻣﻴﻪ ﻳﻮﻣﻴﻪ ﺟﻨﺖ ﺍﺭﻭﺡ ﻟﻠﻜﻠﻴﻪ ﺣﺘﻰ ﺑﺲ ﺍﺷﻮﻓﻪ ﻭﺍﻟﻌﺼﺮ ﺍﺗﻌﻨﻪ ﻟﻠﻤﺤﻞ ﺣﺘﻰ ﺍﻣﻠﻲ ﻋﻴﻮﻧﻲ ﻣﻨﻬﺎ ﻣﻦ ﺑﻌﻴﺪﺍ ﺍﻟﺒﻌﻴﺪ ﺑﺲ ﻟﺤﻀﻪ ﻣﺎﻋﻔﺘﻬﺎ ﻭﻻ ﺧﻠﻴﺘﻬﺎ ﺗﺸﻮﻓﻨﻲ ﻭﻣﻦ ﻓﺎﺽ ﺑﻴﻪ ﺍﻟﺸﻮﻙ ﻭﺣﺴﻴﺖ ﺭﻭﺣﻲ ﺍﺧﺬﺕ ﺛﺎﺭ ﻛﺮﺍﻣﺘﻲ ﻭﺍﻧﺎ ﺍﺷﻮﻓﻬﺎ ﺷﻠﻮﻥ ﺗﻌﺒﺎﻧﻪ ﺑﻔﺮﺍﻛﻲ ﻭﺷﻠﻮﻥ ﻓﺮﺍﻛﻪ ﺷﻞ ﺣﺎﻟﻲ ﻗﺮﺭﺕ ﺍﻧﻬﻲ ﻫﻞ ﺻﺮﺍﻉ ﻭﺍﺭﺟﻊ ﻟﻘﻔﺺ ﺣﺒﻪ ﻟﺴﺠﻨﺘﻲ ﺑﻲ ﻭﺧﻠﺘﻨﻲ ﻣﺎﺷﻮﻑ ﺑﻌﺪﻩ ﻛﻞ ﺑﻨﺎﺕ ﺣﻮﺍﺀ .......
ﻫﺎﺟﺮ .. ﺳﺒﻮﻋﻴﻦ ﻭﺭﺍﻩ ﻣﻜﺎﻟﻤﺘﻲ ﻭﻳﺎﻩ ﺿﺮﺍﺭ ﻭﺍﻧﻲ ﺣﺎﻟﻲ ﻣﻦ ﺳﻲ ﺇﻟﻰ ﺍﺳﻮﺍﺀ ﺍﺳﻴﻞ ﻋﺮﻓﺖ ﻛﻠﺸﻲ ﻭﻻﻭﻝ ﻣﺮﻩ ﺗﻠﻮﻣﻨﻲ ﻭﺩﻛﻠﻲ ﺍﻧﺖ ﻋﺎﻳﻠﻪ ﻭﺍﻧﺘﻲ ﻣﺘﻌﺮﻓﻴﻦ ﺗﺤﺠﻴﻦ ﻭﺗﺠﻔﺼﻴﻦ ﻫﻮﻩ ﺭﺟﺎﻝ ﺷﻨﻮﻭ ﺗﻌﻴﺮﻱ ﺑﻌﻘﻠﻴﺘﻪ ﻭﺩﺭﺍﺳﺘﻪ ﻟﻌﺪ ﺷﻜﻮ ﺣﺒﻴﺘﻲ ﺍﺫﺍ ﻫﻴﺞ ﺷﺨﺼﻴﺘﻪ ﺑﻨﺼﺮﺝ
ﻟﻴﺎﻟﻲ ﻣﺮﺕ ﻋﻠﻴﻪ ﺑﻀﻴﻢ ﻭﻻﻟﺤﻀﻪ ﺷﻠﺘﻪ ﻣﻦ ﺑﺎﻟﻲ ﺑﻠﻌﻜﺲ ﺃﻓﻜﺮ ﺑﻲ ﺃﻛﺜﺮ ﻭﺍﺭﺩﺩ ﺍﻟﻴﻞ ﻛﻠﻪ
ﺿﺮﺍﺭ ﻳﺤﺒﻨﻲ
ﺿﺮﺍﺭ ﻣﻴﻌﻮﻓﻨﻲ
ﺿﺮﺍﺭ ﻫﺴﻪ ﻳﺮﺟﻌﻠﻲ
ﻭﺷﻬﺮ ﻛﺎﻣﻞ ﻭﺍﻧﻲ ﻋﺎﻳﺸﻪ ﺑﺲ ﺭﻭﺗﻴﻦ ﻳﻌﻨﻲ ﺻﺎﺭ ﺷﻬﺮﻳﻦ ﻭﺍﻳﺎﻡ ﻭﺍﻧﻲ ﻣﻴﺘﻪ ﺑﻠﺤﻴﺎﻩ ﻭﺣﺘﻰ ﻣﺎﻋﻨﺪﻱ ﺟﺮﺍﺀ ﺑﻌﺪ ﺍﺧﺎﺑﺮﻩ ﻭﻻﻫﻮﻩ ﺍﻟﺒﺎﺩﺭ
ﻓﺠﻮﻩ ﻓﺠﻮﻩ ﻭﺩﺧﻠﺖ ﻟﺤﻴﺎﺗﻲ ﻓﺠﺎﺀ ﻭﺣﻄﻤﺖ ﻛﻠﺸﻲ ﺑﻴﻬﻪ
ﻭﺍﻟﻴﻮﻡ ﻭﺑﻌﺪ ﻣﺮﻭﺭ ﻛﻞ ﻫﺎﻱ ﺍﻟﻤﺪﻩ ﺟﻨﺖ ﻃﺎﻟﻌﻪ ﻣﻦ ﺍﻟﺪﻭﺍﻡ ﻭﺭﻥ ﻓﻮﻧﻲ ﻓﺘﺤﺖ ﺍﻟﺠﻨﻄﻪ ﻭﻛﻠﺒﻲ ﻳﺪﻙ ﻭﻳﺎﻩ ﺩﻛﺘﻪ ﻣﺜﻞ ﻛﻞ ﻳﻮﻡ ﻭﺍﻛﻮﻝ ﻫﺬﺍ ﺿﺮﺍﺭ ﻭﻫﻞ ﻣﺮﻩ ﺿﻨﻲ ﻣﺎﺧﺎﺏ ﺻﺪﻙ ﺿﺮﺍﺭ ﻳﺘﺼﻞ ﻋﻠﻴﻪ
ﺍﺭﻳﺪ ﺍﻭﻛﻒ ﺑﻌﺪ ﻣﺎﻛﺪﺭ ﺑﻘﻴﺖ ﺑﻤﻜﺎﻧﻲ ﻭﺍﻟﻄﻼﺏ ﺩﺗﺼﻌﺪ ﺑﻠﺨﻄﻮﻁ ﺟﺎﻭﺑﺖ ﺑﻠﻬﻔﻪ ﻭﻛﻠﺸﻲ ﺑﻴﻪ ﻳﺮﺟﻒ ﺣﺘﻰ ﺍﻟﻨﻔﺲ
ﺍﻟﻮﻭﻭ
ﺳﻤﻌﺖ ﺑﺲ ﺗﻨﻬﺪﻳﺘﻪ ﺍﻟﺸﻜﺖ ﺍﺫﻧﻲ ﻭﺑﻌﺪﻩ ﺳﻤﻌﺖ ﺻﻮﺗﻪ ﻣﻦ ﻛﺎﻝ
ﺷﻠﻮﻧﺞ
ﺭﺩﻳﺘﻪ ﻭﺍﻟﺪﻣﻌﻪ ﻣﺴﺘﻘﺮﻩ ﺑﻌﻴﻨﻲ ﻭﻣﻤﺼﺪﻛﻪ ﺿﺮﺍﺭ ﻫﺴﻪ ﺩ ﻳﺤﺎﺟﻴﻨﻲ
ﻣﻮﺯﻳﻨﻪ ﺿﺮﺍﺭ ﻣﻮﺯﻳﻨﻪ
ﺗﻨﻔﺲ ﺑﻘﻮﻩ ﻭﺻﺪﺍ ﺍﻧﻔﺎﺳﻪ ﺍﺧﺘﺮﻗﺖ ﻛﻠﺒﻲ ﻛﺎﻝ
ﻫﺎﻱ ﺷﺒﻴﺞ ﺗﺼﻨﻤﺘﻲ ﺑﻠﺒﺎﺏ ﺍﺗﺤﺮﻛﻲ ﺍﻟﻄﻼﺏ ﺩﺗﻤﺸﻲ
ﺿﻠﻴﺖ ﺃﺗﻠﻔﺖ ﻭﻳﻨﻪ ﻭﻣﻨﻴﻦ ﺩﻳﺸﻮﻓﻨﻲ .. ﻧﺘﺮ
ﻛﺒﺎﻟﺞ ﻭﺭﻩ ﺧﻄﺞ ﻣﺒﺎﺷﺮﻩ
ﺷﻔﺘﻪ ﻭﻧﺰﻝ ﺍﻟﺘﻠﻴﻔﻮﻥ ﻣﻦ ﺍﻳﺪﻱ ﻭﺿﻠﻴﺖ ﺑﺲ ﺍﺑﺎﻭﻋﻠﻪ ﺧﺰﺭﻧﻲ ﻭﺍﺷﺮ ﺑﺪﻳﻪ ﻋﻼﻣﻪ ﻣﻜﺎﻟﻤﻪ ﺭﺟﻌﺖ ﺧﻠﻴﺖ ﺍﻟﻔﻮﻥ ﻋﻞ ﺃﺫﻧﻲ ﻭﺑﺎﻭﻉ ﻋﻠﻴﻪ ﻫﻤﺴﺖ
ﺷﺘﺎﻗﻴﺘﻠﻚ
ﻧﺘﺮ
ﻻﺻﻌﺪﻳﻦ ﺑﻠﺨﻂ ﺍﺭﻳﺪ ﺍﺣﺠﻲ ﻭﻳﺎﺝ
ﻫﺰﻳﺖ ﺭﺍﺳﻲ ﻭﻋﺒﺎﻟﻚ ﻫﻮﻩ ﻛﺒﺎﻟﻲ ﻓﻴﺖ ﺭﺟﻊ ﻛﺎﻝ
ﺗﺤﺮﻛﻲ ﻋﺎﺩ
ﻭﻳﻦ
ﺑﻠﻐﻲ ﺍﺑﻮ ﺍﻟﺨﻂ ﺭﺍﺡ ﺗﺮﺟﻌﻴﻦ ﻭﻳﺎﻩ ﺍﻗﺎﺭﺑﺞ ﻭﺭﻭﺣﻲ ﺍﺻﻌﺪﻱ ﺑﻬﺎﻱ ﺍﻟﺴﻴﺎﺭﻩ ﺍﻟﺴﻮﺩﻩ ﻟﻜﺒﺎﻟﺞ
ﺑﺪﻭﻥ ﻭﻋﻲ ﻭﺑﺪﻭﻥ ﺗﺮﺩﺩ ﻭﺑﻠﺤﻀﻪ ﻃﻴﺶ ﻳﻤﻜﻦ ﻣﺎﻓﻜﺮﺕ ﻭﻻﻟﺤﻜﺖ ﺃﻓﻜﺮ ﺍﻱ ﺷﻲ ﻛﻞ ﻫﻤﻲ ﺿﺮﺍﺭ ﺭﺟﻊ ﻭﺍﻟﺒﺎﻗﻲ ﻛﻠﻪ ﻳﻬﻮﻥ ﺭﺣﺖ ﺑﻠﻐﺖ ﺍﺑﻮ ﺍﻟﺨﻂ ﻭﻛﻮﻩ ﻗﺘﻨﻊ ﻻﻥ ﻣﺴﻮﻟﻴﻪ ﻋﻠﻴﻪ ﻭﺍﻣﻲ ﻣﺌﺎﻣﻨﺘﻪ ﻛﺘﻠﻪ ﺭﺍﺡ ﺍﺭﻭﺡ ﻻﺧﺘﻲ ﻭﺑﻨﻔﺲ ﺍﻟﻮﻛﺖ ﺧﺎﺑﺮﺕ ﻋﻠﻰ ﺍﺳﻴﻞ ﺧﺒﺮﺗﻪ ﺍﺧﺎﻑ ﺍﻣﻲ ﺗﺤﺲ
ﺿﻠﺖ ﺗﻐﻠﻂ ﻭﺗﺤﺠﻲ ﻋﻠﻴﻪ ﻭﺗﺤﺬﺭ ﺑﻴﻪ ﻣﺎﻫﺘﻤﻴﺖ ﻭﻧﻬﻴﺖ ﻭﻳﺎﻩ ﺍﻟﻤﻜﺎﻟﻤﻪ ﻭﺗﻮﺟﻬﺖ ﻟﻠﺴﻴﺎﺭﻩ ﻟﻜﻴﺘﻪ ﻛﺎﻋﺪ ﺑﺪﻭﻥ ﻛﻠﻢ ﺍﻭﻝ ﻣﺴﺪﻳﺖ ﺍﻟﺒﺎﺏ ﺷﺨﻂ ﺍﻟﺴﻴﺎﺭﻩ ﻭﻃﻠﻊ
ﻗﻄﺮﻩ ﺧﻮﻑ ﺑﻜﻠﺒﻲ ﻣﻨﻪ ﻣﺎﻛﻮ ﺟﻨﺖ ﻣﻴﺘﻪ ﻋﻠﻰ ﺷﻮﻓﺘﻪ ﻭﻧﻀﺮﻩ ﻋﻴﻮﻧﻪ ﻭﻫﻮﻩ ﻧﻀﺮﻩ ﻣﺒﺎﻭﻋﻠﻲ ﺍﻟﺴﻴﺎﺭﻩ ﺗﻤﺸﻲ ﻭﺩﺧﻠﻨﻪ ﻣﻨﻄﻘﺘﻨﻪ ﺑﺲ ﻣﻦ ﻏﻴﺮ ﻓﺮﻉ ﺳﺘﻐﺮﺑﺖ ﻭﺳﺌﻠﺘﻪ
ﺿﺮﺍﺭ ﻫﺎﻱ ﻭﻳﻦ ﺟﺎﻳﻦ ﺟﺎﻭﺑﻨﻲ ﻣﻦ ﻏﻴﺮ ﻣﻴﺒﺎﻭﻋﻠﻲ
ﻫﺴﻪ ﺗﻌﺮﻓﻴﻦ
ﻭﻛﻔﻨﻪ ﻳﻢ ﺑﻴﺖ ﻧﺰﻝ ﻫﻮﻩ ﺿﻞ ﻳﺒﺎﻭﻉ ﻳﻤﻨﻪ ﻳﺴﺮﻩ ﺍﻟﺸﺎﺭﻉ ﻓﺎﺭﻍ ﺭﺍﺡ ﻳﻢ ﺍﻟﺒﺎﺏ ﻃﻠﻊ ﻣﻔﺘﺎﺡ ﻣﻦ ﺟﻴﺒﻪ ﻭﺭﺟﻊ ﻳﺒﺎﻭﻉ ﻋﻞ ﺷﺎﺭﻉ ﻭﺍﺷﺮﻟﻲ ﺍﻧﺰﻟﻲ
ﻧﺰﻟﺖ ﺍﺷﺮﻟﻲ ﺑﻴﺪﻩ ﻋﻮﺩ ﺳﺘﻌﺠﻠﻲ ﺩﺧﻠﺖ ﺳﺮﻳﻊ ﻭﻫﻮﻩ ﻭﺍﺭﻳﻪ ﺳﺪ ﺍﻟﺒﺎﺏ ﺟﺎﻧﺖ ﺍﻛﻮ ﻃﺮﻣﻪ ﺻﻐﻴﺮﻩ ﻛﻠﺶ ﻳﻤﻜﻦ ﻣﺘﺮ ﻭﺍﺣﺪ ﺟﻨﺖ ﺑﺲ ﺍﺑﺎﻭﻉ ﻋﻞ ﺑﻴﺖ ﻭﻋﻠﻰ ﺿﺮﺍﺭ ﻭﺣﺮﻛﺎﺗﻪ ﺷﻠﻮﻥ ﻓﺘﺢ ﺍﻟﺒﺎﺏ ﺍﻟﺪﺍﺧﻠﻲ ﻭﻋﻠﻚ ﺍﻟﻤﻔﺘﺎﺡ ﺑﻠﻤﺴﻤﺎﺭ ﻭﺭﺟﻊ ﺑﺎﻭﻉ ﻋﻠﻴﻪ ﻣﻌﻜﺾ ﻭﺟﻬﻪ .. ﻧﺘﺮ
ﻓﻮﻭﻭﺗﻲ
ﺣﺠﺎﻫﻪ ﻭﻧﺰﻉ ﻗﻤﺼﻠﺘﻪ ﺷﻤﺮﻩ ﺑﻠﻜﺎﻉ ﺗﻤﺸﻴﺖ ﺧﻄﻮﺗﻴﻦ ﺻﺮﺕ ﻛﺒﺎﻟﻪ ﻛﻌﺪ ﻋﻞ ﻛﺮﺳﻲ ﺛﻨﻴﺖ ﻟﻤﺴﺘﻮﺍﻩ ﺻﺎﺭﺕ ﻋﻴﻨﻲ ﺑﻌﻴﻨﻪ ﺑﻌﺪﻩ ﻋﻨﻲ ﺭﺍﻓﻊ ﺗﻚ ﺣﺎﺟﺐ ﻛﺎﻝ
ﻟﻴﺶ ﻗﺒﻠﺘﻲ ﺗﺠﻴﻦ ﻭﻳﺎﻱ
ﻻﻥ ﺍﺣﺒﻚ ﻭﻋﻨﺪﻱ ﺛﻘﻪ ﺑﻴﻚ ﺿﺮﺍﺭ ﺍﻧﻲ ﻣﺠﻨﺖ ﻋﺎﻳﺸﻪ ﺑﺪﻭﻧﻚ ﻭﺟﻨﺖ ﻣﻨﺘﻀﺮﻩ ﻫﺬﺍ ﺍﻟﻴﻮﻡ ﺍﻟﺘﺠﻲ ﺑﻴﻪ
ﻭﺍﻟﺴﻮﻳﺘﻲ ﻧﺴﻴﺘﻲ
ﻣﺘﻨﺪﻣﻪ ﻭ ﺍﻟﻠﻪ ﻣﺘﻨﺪﻣﻪ ﻭﻛﻞ ﻟﻴﻠﻴﻪ ﺍﻣﻮﺕ ﺍﻟﻒ ﻣﻮﺗﻪ ﻭﺍﻧﻲ ﺑﻌﻴﺪﻩ ﻋﻨﻚ
ﺩﻧﻚ ﻭﻫﻤﺲ ﺷﻠﻮﻧﺞ
ﻣﻮﺯﻳﻨﻪ ﺑﻔﺮﺍﻛﻚ
ﺑﺎﻭﻉ ﺑﻌﻴﻮﻧﻲ
ﻭﻻ ﺍﻧﻲ
ﺿﺮﺍﺭ ﺍﺣﺒﻚ ﻻﺗﻌﻮﻓﻨﻲ ﺑﻌﺪ
ﺣﺠﻴﺘﻪ ﻭﺑﺮﻃﻤﺖ ﻭﺍﻟﺪﻣﻌﻪ ﺣﺼﺮﺗﻨﻲ ﺩﻧﻚ ﺣﻀﻨﻪ ﺍﻟﻤﺴﺘﻮﺍﻳﻪ ﻭﻟﻢ ﺭﺍﺳﻲ ﻟﺼﺪﺭﻩ ﺑﻴﺪﻩ ﻛﻤﺖ ﺍﺑﺠﻲ ﺑﻘﻮﻩ ﻭﻫﻮﻩ ﻳﺮﺩﺩ
ﻛﺎﻓﻲ ﻛﺎﻓﻲ ﺍﺳﻜﺘﻲ ﺩﻣﻮﻋﺞ ﻏﺴﻠﻨﻲ ﺧﻠﺺ ﺍﻧﺴﻲ ﺍﻧﻲ ﺳﺎﻣﺤﺘﺞ ﻛﻠﺒﻲ ﻟﻴﺤﺒﺞ ﻏﻔﺮﻟﺞ ﻻﻥ ﻣﻴﻜﺪﺭ ﺑﻠﻴﺎﺝ
ﺿﺮﺍﺭ ﺷﻠﻮﻥ ﻧﻄﺎﻙ ﻛﻠﺒﻚ ﺗﻌﻮﻓﻨﻲ ﺷﻬﺮﻳﻦ ﺷﻠﻮﻥ ﻓﻬﻤﻨﻲ
ﺣﺠﻴﺘﻪ ﻭﺑﺘﻌﺪﺕ ﻟﺰﻡ ﺍﻳﺪﻱ ﺑﻴﺪﻩ ﻭﻳﻜﻠﻲ
ﻣﺎﻋﻔﺘﺞ ﻭﻋﻴﻮﻧﺞ ﻣﺎﻋﻔﺘﺞ ﺑﺲ ﺍﻧﺘﻲ ﺍﺫﻳﺘﻴﻨﻲ ﻭﻛﺮﺍﻣﺘﻲ ﻣﻨﻌﺘﻨﻲ ﺍﺗﻨﺎﺯﻟﺞ ﻫﺬﺍ ﺃﻛﺜﺮ ﺷﻲ ﺫﺑﺤﻨﻲ ﻧﻔﺴﻲ ﻋﺰﻳﺰﻩ ﺑﺲ ﺭﻭﺣﻲ ﺭﺍﻳﺪﺝ ﻭﻣﺎﺗﻜﺪﺭ ﺑﻠﻴﺎﺝ
ﻭﻻ ﺍﻧﻲ ﻭﺍﻟﻠﻪ ﻣﺘﺖ ﻣﺘﺖ ﻣﻦ ﺩﻭﻧﻚ ﻭﻫﺴﻪ ﺗﻨﻔﺴﺖ ﻭﺭﺟﻌﺖ ﺭﻭﺣﻲ
ﺭﺣﺖ ﻓﺪﻭﻩ ﻟﺮﻭﺣﺞ ﻳﺎﺑﻌﺪ ﺭﻭﺣﻲ ﻫﺎﺟﺮ ﻻﺗﻌﻴﺪﻳﻦ ﺍﻟﺴﻮﻳﺘﻲ ﻭﻻﺗﺴﺘﻐﻠﻴﻦ ﺣﺒﻲ ﺍﻟﺞ ﺗﺮﻩ ﻛﻠﺒﻲ ﺭﻫﻴﻒ ﻭﻳﺤﺒﺞ ﻻﺩﺳﻮﻳﻦ ﻋﻠﻴﻪ ﺩﺷﻮﻓﻴﻦ ﺷﻠﻮﻥ ﺣﺎﺟﻴﺘﺞ ﺑﻠﺘﻠﻴﻔﻮﻥ ﻭﺷﻠﻮﻥ ﺗﺼﺮﻓﺘﺞ ﻭﻳﺎﺝ ﻫﺴﻪ ﻣﻦ ﺟﺒﺘﺞ ﻛﻞ ﻫﺬﺍ ﺍﺟﺬﺏ ﻋﻠﻰ ﺭﻭﺣﻲ ﺍﺟﺬﺏ ﻋﻠﻰ ﺭﻭﺣﻲ ﺷﻮﻓﻲ ﺑﺲ ﻧﺰﻟﻦ ﺩﻣﻮﻋﺞ ﺣﺮﻛﻨﻲ ﺣﺮﻙ ﻫﺎﺟﺮ ﻳﺎﻛﻠﺐ ﺿﺮﺍﺭ ﺍﻧﺘﻲ ﺑﻠﺤﺐ ﺍﻟﺒﻨﻲ ﻭﺑﻴﻨﺞ ﻻﺗﻌﻴﺪﻳﻪ ﺑﺸﻨﻮ ﺍﺣﻠﻔﺞ ﻻﺗﻌﻴﺪﻳﻬﻪ
ﻫﺰﻳﺖ ﺭﺍﺳﻲ ﻻ ﻻ ﻭﺩﻣﻮﻋﻲ ﻋﺸﺮﻩ ﻋﺸﺮﻩ ﻭﻫﻮﻩ ﻳﻤﺴﺢ ﺑﻴﻬﻢ ﺣﻠﻔﺘﻠﻪ
ﺿﺮﺍﺭ ﻭﺗﺮﺍﺏ ﺍﺑﻮﻳﻪ ﻭﺣﻖ ﻛﻞ ﺣﺮﻑ ﺑﻠﻘﺮﺍﻥ ﺍﻧﻲ ﻣﺘﻨﺪﻣﻪ ﻭﻏﻠﻄﺎﻧﻪ ﻭﺑﻌﺪ ﻣﺎﻋﻴﺪﻩ ﺍﻥ ﺷﺎﻟﻠﻪ ﺍﻣﻮﺕ ﻭﻻﻳﻤﺮ ﺍﻟﻤﺮﻳﺖ ﺑﻲ ﻣﺮﻩ ﺛﺎﻧﻴﻪ
ﺍﺷﺸﺸﺲ ﺍﺳﻢ ﺍﻟﻠﻪ ﻋﻠﻴﺞ ﻳﻮﻣﻲ ﻛﺒﻞ ﻳﻮﻣﺞ ﻻﻛﻮﻟﻴﻦ ﻫﻴﺞ ﺍﻧﺴﻲ ﺍﻧﺴﻲ ﻛﻠﺸﻲ
ﻫﺪﺍﺕ ﺣﻴﻞ ﻭﻣﺴﺤﺖ ﺩﻣﻮﻋﻲ ﻭﻫﻮﻩ ﻋﻴﻮﻧﻪ ﻣﺎ ﻧﺰﻟﺖ ﻣﻨﻲ ﺑﺘﻌﺪﺕ ﻭﻛﻤﺖ ﻟﺤﻴﻠﻲ ﺍﺣﺎﻭﻝ ﺍﻫﺪﻱ ﺭﻭﺣﻲ ﺍﻟﺪﺗﺮﺟﻒ ﻣﻦ ﻗﺮﺑﻪ ﺑﺎﻭﻋﺖ ﻋﻞ ﺍﻟﻤﻜﺎﻥ ﻛﺘﻠﻪ
ﻫﺬﺍ ﺑﻴﺖ ﻣﻨﻮﻭ
ﺗﻘﺮﺏ ﻣﺒﺘﺴﻢ ﻛﺎﻝ
ﺑﻴﺘﻲ ﻭﻣﺎﺳﻜﻨﺖ ﺍﻝ ﺟﺎﺭﺝ
ﺍﻟﻠﻪ ﺷﻜﺪ ﻣﺸﺘﺎﻗﻪ ﻟﺴﻮﺍﻟﻔﻚ
ﺟﺎ ﻣﻮﻋﻠﺴﺎﺱ ﺍﻧﺎ ﻋﺮﺑﻲ ﻭﻫﻤﺠﻲ
ﺿﺮﺍﺍﺍﺭ ﻣﻮﻛﻠﻨﻪ ﺧﻠﺺ ﻧﻨﺴﻰ
ﺍﻱ ﻭﺍﻧﺘﻲ ﺍﻟﺼﺎﺩﻛﻪ ﻧﻨﺴﻰ ﻳﺎﺑﻌﺪ ﺿﺮﺍﺭ ﻭﺍﻫﻠﻪ
ﺑﺘﺴﻤﺖ ﺑﻔﺮﺡ ﻭﻛﻤﺖ ﺍﻣﺸﻲ ﻋﻞ ﻃﻮﻝ ﺍﻟﻐﺮﻓﻪ ﻭﺍﺣﺠﻲ
ﺣﺒﻴﺒﻲ ﺍﻟﺒﻴﺖ ﺣﻴﻞ ﺯﻏﻴﺮ ﺷﻠﻮﻥ ﻛﺎﻋﺪ ﺑﻲ
ﻳﺎﺑﻌﺪ ﺣﺒﻴﺒﺞ ﻫﺬﺍ ﺍﻟﺤﺼﻠﺘﻪ ﻋﺒﻦ ﺩﻛﻴﺖ ﺭﺟﻞ ﻟﻮ ﻫﻨﺎ ﻟﻮ ﻣﺎﻧﺰﻝ
ﺑﺲ ﺣﻠﻮ ﻋﻠﻰ ﻛﺪﻙ
ﺣﺠﻴﺘﻪ ﻭﻟﺘﻔﺘﺖ ﺻﺮﻧﻪ ﻭﺟﻬﻪ ﺑﻮﺟﻬﻪ ﺭﺗﺪﻳﺖ ﻟﻠﺨﻠﻒ ﺳﻨﺪﻧﻲ ﺍﻟﺤﺎﻳﻂ ﺗﻘﺮﺏ ﻭﺑﻴﻨﻲ ﻭﺑﻴﻨﻪ ﺷﺒﺮ ﺧﻠﻪ ﺗﻚ ﺍﻳﺪ ﻋﻞ ﺣﺎﻳﻂ ﺭﺗﺒﻜﺖ ﺩﻧﻜﺖ ﻛﺎﻝ
ﻣﺸﺘﺎﻛﻠﺞ
ﺗﻮﺗﺮﺕ ﺣﺲ ﺑﻴﻪ ﺑﺘﻌﺪ ﻭﺳﻮﺍﻟﻲ ﻣﺠﺎﻝ ﻭﻋﻴﻮﻧﻪ ﻭﺭﺍﻳﻪ ﺗﻬﺮﺑﺖ ﻭﻛﺘﻠﻪ ﺿﺮﺍﺭ ﻳﻠﻪ ﺭﺟﻌﻨﻲ ﺗﺎﺧﺮﺕ ﺷﻠﺖ ﺟﻨﻄﻲ ﻫﻮﻩ ﻭﺭﺍﻳﻪ ﻟﺰﻣﻨﻲ ﻣﻦ ﺍﻳﺪﻱ ﺭﺟﻌﻨﻲ ﻋﻠﻴﻪ ﻭﻛﺎﻝ ﺑﺤﺪﻩ
ﻣﺮﻩ ﺛﺎﻧﻴﻪ ﻻﺗﺠﻴﻦ ﻟﻮﻃﻠﺒﺖ ﻣﻨﺞ
ﺛﻮﺍﻧﻲ ﻭﻣﻌﺼﻢ ﺍﻳﺪﻱ ﺑﻴﻦ ﺍﺩﻳﻪ ﻭﻋﻴﻮﻧﻪ ﺗﺤﺠﻲ ﺳﻮﺍﻟﻒ ﻟﻴﺎﻟﻲ ﺗﻔﺎﺭﻛﻨﻪ ﺑﻴﻪ ﻭﻫﻮﻩ ﻭﺟﻬﻪ ﺻﺎﺭ ﺩﻡ ﻭﻋﻴﻮﻧﻪ ﺍﻛﻠﺘﻨﻲ ﺧﻔﺖ ﻭﻛﻤﺖ ﺍﻣﺘﻤﺖ
ﺍﺍﺍﺍﺍ ﺿﺮﺍﺭ ﺍﻳﺪﻱ ﺑﺲ ﻫﺪ ﺍﻳﺪﻱ ﻳﻠﻪ ﺭﺟﻌﻨﻲ ﻭﺍﻟﻠﻪ ﺗﺎﺧﺮﺕ
ﻫﺪﻫﻪ ﺑﻬﺪﻭﺍﺀ ﻭﻛﻠﻲ ﺩﻗﺎﻳﻖ ﻭﺭﺟﻌﺞ ﺩﺧﻞ ﺟﻮﻩ ﻭﺍﻧﻲ ﻭﺍﻛﻔﻪ ﺭﻏﻢ ﺗﻮﺗﺮﻱ ﻭﺩﻛﺎﺕ ﻛﻠﺒﻲ ﻟﻤﺘﺴﺎﺭﻋﻪ ﺑﺲ ﻣﺮﺗﺎﺣﻪ ﻭﺷﻲ ﺑﻴﻪ ﻫﺎﺩﻯ ﻗﻤﺼﻠﺘﻪ ﻛﺒﺎﻟﻲ ﺷﻠﺘﻪ ﻣﻦ ﺍﻟﻜﺎﻉ ﺷﻤﻴﺘﻪ ﻋﻄﺮﻫﻪ ﻳﻨﻌﺲ ﺑﻌﺪﺗﻪ ﻭﺧﻠﻴﺘﻪ ﻋﻞ ﻛﺮﺳﻲ ﻟﻜﺒﺎﻟﻲ ﻭﺗﻤﺸﻴﺖ ﺻﺤﺖ
ﺿﺮﺍﺭ ﻭﻳﻦ ﺻﺮﺕ
ﻧﻔﺘﺤﺖ ﺑﺎﺏ ﺯﻏﻴﺮﻩ ﻭﻃﻠﻊ ﻳﺴﺪ ﺑﺤﺰﺍﻣﻪ ﻭﺍﻟﺠﻜﺎﺭﻩ ﺑﺤﻠﻜﻪ ﺧﺠﻠﺖ ﺣﻴﻞ ﻭﺑﻌﺪ ﻣﺎﻛﺪﺭﺕ ﺍﺑﺎﻭﻉ ﺑﺴﺮﻋﻪ ﻃﻠﻌﺖ ﻟﻠﻄﺮﻣﻪ ﻭﻫﻮﻩ ﻃﻠﻊ ﻗﻔﻞ ﻭﻛﻠﻲ
ﺍﻧﺘﻀﺮﻱ ﺍﺷﻮﻑ ﺍﻟﺸﺎﺭﻉ ﻃﻠﻊ ﻭﺭﺟﻊ ﻛﻠﻲ ﻳﻠﻪ ﺑﺴﺮﻋﻪ ﺻﻌﺪﺕ ﻭﺣﺮﻙ ﻋﻞ ﺳﺮﻳﻊ ﺍﻟﻄﺮﻳﻖ ﻛﻠﻪ ﻣﺎﻫﺪ ﺍﻳﺪﻱ ﻭﺍﻧﻲ ﺷﺒﻬﻪ ﻓﺎﺻﻠﻪ ﻭﻣﻤﺼﺪﻛﻪ ﺍﺣﻨﺎ ﺭﺟﻌﻨﺎ ﻭﻛﻞ ﺷﻮﻳﻪ ﺍﺑﺎﻭﻋﻠﻪ ﻟﺤﺪ ﻣﺎ ﻭﺻﻠﻨﺎ ﻓﺮﻋﻨﻪ ﻛﺎﻝ ﺣﺒﻴﺘﻲ ﺍﻧﺰﻟﻲ ﻫﻨﺎ ﻣﺎﻛﺪﺭ ﺍﻭﺻﻠﺞ ﻣﺎﺭﻳﺪ ﺗﺠﻴﺞ ﺣﺠﺎﻳﻪ
ﻧﺰﻟﺖ ﻭﺍﻟﻮﺣﻠﻪ ﺑﻴﺪﻱ ﻭﻫﻮﻩ ﻓﺮ ﺍﻟﺴﻴﺎﺭﻩ ﻭﻃﻠﻊ ﺷﻌﻮﺭ ﻣﺎﻛﺪﺭ ﺍﻭﺻﻔﻪ ﻋﺒﺎﻟﻚ ﺍﻛﺴﺠﻴﻦ ﻣﻦ ﺑﺘﻌﺪ ﻣﺎﺕ ﻛﻠﺸﻲ ﺑﻴﻪ ﻭﻣﻦ ﻗﺘﺮﺏ ﻓﺰ ﻛﻠﺸﻲ ﺑﻴﻪ ﺩﺧﻠﺖ ﺍﻟﺒﻴﺖ ﻟﻜﻴﺖ ﺍﻣﻲ ﺑﻴﺪﻩ ﺍﻟﺴﺒﺤﻪ ﻭﺳﺒﺢ ﺗﻨﺎﺑﻨﻲ ﺷﻌﻮﺭ ﻣﺎﻋﺮﻓﻪ ﻭﻻﺣﺎﺳﻪ ﺑﻲ ﺍﺑﺪ ﺭﺩﺕ ﺍﻓﺴﺮﻩ ﻣﺎﻛﺪﺭﺕ ﺿﻠﻴﺖ ﺑﺲ ﺍﺑﺎﻭﻉ ﻋﻞ ﺍﻣﻲ ﺣﺘﻰ ﻫﻴﻪ ﺳﺘﻐﺮﺑﺖ
ﻳﺎﺍ ﻫﺎﺟﺮ ﻫﺎﻱ ﺷﺒﻴﺞ ﻭﺍﻛﻔﻪ ﻫﻴﺞ ﻛﺒﺎﻟﻲ
ﺍﺭﻳﺪ ﺍﻛﻠﻪ ﻣﺎﺑﻴﻪ ﺷﻲ ﻋﺒﺎﻟﻚ ﻟﺴﺎﻧﻲ ﻧﺮﺑﻂ ﺭﺟﻌﺖ ﻛﺎﻟﺖ
ﻭﻟﺞ ﺷﺠﺎﺝ
ﺿﻐﻄﺖ ﺍﻳﺪﻱ ﻋﻞ ﺳﻴﺮ ﺍﻟﺠﻨﻄﻪ ﺍﻳﺪﻱ ﺗﻜﻮﺭﺕ ﻋﺒﺎﻟﻚ ﺍﺧﺬﺕ ﻣﻨﻬﻪ ﺍﻟﻘﻮﻩ ﻭﺟﺎﻭﺑﺘﻪ
ﻣﺎﺑﻴﻪ ﺷﻲ ﺣﺒﻴﺒﺘﻲ ﺑﺲ ﻣﺮﺗﺎﺣﻪ ﻻﻥ ﺍﻧﺘﻲ ﺍﻟﻴﻮﻡ ﺷﻜﻠﺞ ﺯﻳﻨﻪ
ﺍﻱ ﺍﻟﺤﻤﺪ ﺍﻟﻠﻪ ﺧﻴﺮ ﻣﻦ ﺍﻟﻠﻪ ﻻﻥ ﻣﻦ ﺍﻟﺒﺎﺭﺣﻪ ﺗﺒﻬﺮﺯﺕ ﺯﻳﻦ ﻭﺍﻟﻴﻮﻡ ﺍﻟﺴﻜﺮ ﺭﺣﻤﻪ
ﺍﻟﺤﻤﺪ ﺍﻟﻠﻪ ﺍﻥ ﺷﺎﻟﻠﻪ ﺩﻭﻡ ﻳﺎﺭﺑﻲ ﺭﺍﺡ ﺍﺭﻭﺡ ﺍﺑﺪﻝ
ﺍﻭﻛﻔﻲ ﻗﺒﻞ ﻻﺗﺮﻭﺣﻴﻦ ﻣﻮﻛﻠﺘﻠﻲ ﺭﺍﻳﺤﻪ ﺍﻻ ﺍﺳﻴﻞ ﺍﺷﻮ ﺑﺴﺮﻋﻪ ﺭﺟﻌﺘﻲ
ﻫﻨﺎ ﺍﻝ ﻋﺮﻓﺖ ﺍﻟﺸﻌﻮﺭ ﻟﻨﺘﺎﺑﻨﻲ ﻗﺒﻞ ﺷﻮﻳﻪ ﺷﻨﻮﻭ ﺍﻧﻲ ﻏﻠﻄﺖ ﺍﻱ ﻏﻠﻄﺖ ﻭﺭﺣﺖ ﻭﻳﺎﻩ ﺿﺮﺍﺭ ﻭﺷﻮﻓﺖ ﺍﻣﻲ ﻛﺒﺎﻝ ﻋﻴﻨﻲ ﻭﻋﺘﻨﻲ ﺍﻧﻲ ﺷﻠﻮﻥ ﺳﻮﻳﺖ ﻫﻴﺞ ﺷﻠﻮﻥ
ﻻ ﺍﻧﺘﻲ ﺍﺑﺪ ﻣﻮﺻﺎﺣﻴﻪ ﺍﻧﻲ ﻣﻮﺍﺣﺎﺟﻴﺞ
ﻳﻤﻪ ﺷﺒﻴﺞ
ﺍﻧﻲ ﺷﺒﻴﻪ ﻟﻮ ﺍﻧﺘﻲ ﺩﻛﻠﺞ ﻣﻮﺭﺣﺘﻲ ﻋﻠﻰ ﺍﺳﻴﻞ ﺍﺷﻮ ﺑﺴﺮﻋﻪ ﺭﺟﻌﺘﻲ
ﻳﻤﻪ ﺳﺮﺍﺝ ﻫﻨﺎﻙ ﺩﻳﺘﻐﺪﻩ ﻭﺳﺘﺤﻴﺖ ﺍﺑﻘﻰ ﺑﺲ ﺷﻔﺖ ﺳﻴﻮﻓﻲ ﻭﺭﺟﻌﺖ
ﺯﻳﻦ ﺳﻮﻳﺘﻲ ﺩﺑﺪﻟﻲ ﺩﻧﺘﻐﺪﻩ
ﻣﺎﺭﻳﺪ ﻳﻮﻡ ﺭﺍﺡ ﺍﻧﺎﻡ ﻭﻣﻦ ﺍﻛﻌﺪ ﺍﺗﻐﺪﺍ
ﻳﺎﺍﺍ ﻭﺗﻌﻮﻓﻴﻨﻲ ﻭﺣﺪﻱ
ﻳﻤﻪ ﺗﻌﺒﺎﻧﻪ ﺳﺎﻋﻪ ﻭﺍﻛﻌﺪ
ﺗﻤﻠﺼﺖ ﻣﻨﻪ ﻛﻮﻩ ﻭﺩﺧﻠﺖ ﻟﻐﺮﻓﺘﻲ ﺑﺲ ﻣﺴﻄﻮﺭﻩ ﻛﻠﺸﻲ ﻧﻜﻠﺐ ﺑﻠﺤﻀﺎﺕ ﻭﻛﻞ ﺍﻟﺮﺍﺣﻪ ﺭﺍﺣﺖ ﺍﺭﻳﺪ ﺍﺳﺘﻨﺘﺞ ﺷﻠﻮﻥ ﺳﻮﻳﺖ ﻫﻴﺞ ﻭﻃﺎﻭﻋﺖ ﺿﺮﺍﺭ ﻭﺭﺣﺖ ﻭﻳﺎﻩ ﻣﺎﻛﺪﺭﺕ ﺳﺘﺴﻠﻤﺖ ﻟﻠﻨﻮﻡ ﺍﺗﻬﺮﺏ ﻣﻦ ﻏﻠﻂ ﺳﻮﻳﺘﻪ ﺑﻠﺤﻀﻪ ﻣﻤﺤﺴﺒﺘﻠﻪ ﺣﺴﺎﺏ ﺗﺠﻲ
ﻧﻤﺖ ﻭﻣﺎ ﻛﻌﺪﺕ ﺍﻝ ﻭﺍﺳﻴﻞ ﺩﻕ ﺑﻴﻪ ﺣﻴﻞ ﻭﻣﻌﺼﺒﻪ ﻭﻣﻨﻔﻌﻠﻪ ﺭﻓﻌﺖ ﺭﺍﺳﻲ ﺍﺑﺎﻭﻉ ﻋﻠﻰ ﺷﻜﻠﻪ ﺻﺎﻳﺮﻩ ﻧﺎﺭ
ﺍﺳﻴﻞ ﺷﺒﻴﺞ ﺷﻜﻮﻭ
ﻭﻭﻭﺟﻊ ﻳﻮﺟﻌﺞ ﻭﺍﻟﺞ ﻋﻴﻦ ﺗﺴﺄﻟﻴﻦ ﺷﻜﻮﻭ ﻛﻮﻣﻲ ﺍﻛﻌﺪﻱ ﻛﻠﻴﻠﻲ ﻭﻳﻦ ﺭﺣﺘﻲ ﻭﻳﺎﻩ ﻫﺬﺍ ﺍﻟﻤﺼﺨﻢ
ﺍﺳﻴﻞ ﺻﻮﺗﺞ ﻟﺘﺴﻤﻌﺞ ﺍﻣﻲ ﺷﺒﻴﺞ
ﻭﺷﺒﺖ ﺑﻴﺞ ﻟﺞ ﺍﻟﻒ ﺳﺎﻟﻔﻪ ﺍﺟﺘﻲ ﺑﺎﻟﻲ ﻭﺑﺎﻟﻒ ﻳﺎﻟﻠﻪ ﺭﺩﺕ ﺑﺲ ﺳﺮﺍﺝ ﻳﻄﻠﻊ ﻟﻠﺸﻐﻞ ﺣﺘﻰ ﻳﻮﺻﻠﻨﻲ ﻟﻬﻨﺎ ﻭﺍﺷﻮﻑ ﺻﺨﺎﻡ ﻭﺟﻬﺞ ﻭﺍﻟﺴﻮﻳﺘﻲ
ﻭﺍﻟﻠﻪ ﻛﻠﺸﻲ ﻣﺴﻮﻳﺖ ﻫﻮﻩ ﺑﺲ ﺻﺎﻟﺤﻨﻲ ﻭﺭﺟﻌﻨﻲ
ﻭﻭﻳﻦ ﺍﺧﺬﺝ ﻭﻳﻦ ﻛﻠﻴﻠﻲ
ﻟﺒﻴﺘﻪ ﺣﺠﺘﻪ ﻭﺩﻧﻜﺖ ﻭﻫﻴﻪ ﻟﻄﻤﻪ ﻋﻠﻰ ﻭﺟﻬﻪ ﻭﺟﺮﺗﻨﻲ ﻣﻦ ﺗﺸﻴﺮﺗﻨﻲ
ﺍﻧﺘﻲ ﺗﺨﺒﻠﻨﻲ ﻟﺞ ﺷﻨﻮ ﺍﻟﺒﻴﺘﻪ ﺍﺧﺬﺝ ﻭﺷﻠﻮﻥ ﺗﻄﺎﻭﻋﻲ ﻭﺗﺮﻭﺣﻴﻦ ﻭﻳﺎﻩ
ﻣﺎﺩﺭﻱ ﺍﺳﻴﻞ ﻣﺎﺩﺭﻱ ﻣﻦ ﺷﻔﺘﻪ ﻧﺴﻴﺖ ﺍﻟﻌﻴﺐ ﻭﺍﻟﺤﺮﺍﻡ ﻭﻧﺴﻴﺖ ﻛﻠﺸﻲ
ﺍﻟﻠﻪ ﻻﻳﻮﻓﻘﺞ ﺍﻥ ﺷﺎﻟﻠﻪ ﻫﺎﻱ ﺗﺎﻟﻴﺘﻪ ﻫﺎﺟﺮ ﺗﺮﻭﺣﻴﻦ ﻭﺭﻳﻪ ﺭﺟﺎﻝ ﻏﺮﻳﺐ ﻟﺒﻴﺘﻪ ﻟﺞ ﻣﺎﺧﻔﺘﻲ ﻋﻠﻰ ﻧﻔﺴﺞ ﻋﻠﻰ ﺳﻤﻌﺘﺞ ﻋﻠﻴﻨﻪ
ﺍﺳﻴﻞ ﺑﺲ ﺧﻞ ﺍﻓﻬﻤﺞ ﺿﺮﺍﺭ ﻭﺍﻟﻠﻪ ﻣﻮﻣﻦ ﺫﻭﻟﻪ ﻟﺒﺎﻟﺞ ﺿﺮﺍﺭ ﺟﺒﻴﺮ ﻭﺍﻋﻲ ﻭﻋﻤﺮﻩ ﻣﺘﺠﺎﻭﺯ ﺣﺪﻭﺩ ﻭﻳﺎﻱ
ﻭﺍﻟﺸﻴﻄﺎﻥ ﻳﺎ ﻫﺎﺟﺮ ﻭﺍﻟﺸﻴﻄﺎﻥ ﻭﻳﻦ ﺭﺍﺡ ﺷﻠﻮﻥ ﺍﻣﻨﺘﻲ ﻭﺟﻤﺎﻟﻪ ﺩﻛﻮﻟﻴﻦ ﺍﻻﻣﻲ ﺍﻧﻲ ﻳﻢ ﺍﺳﻴﻞ ﻭﻟﺞ ﺷﻜﻠﺘﻲ ﻟﺮﻭﺣﺞ ﻣﻦ ﺳﻮﻳﺘﻲ ﻫﻴﺞ ﻟﻮ ﺻﺎﻳﺮ ﻋﻠﻴﺞ ﺷﻲ ﺍﻧﻲ ﺷﻜﻮﻝ ﻭﺷﺤﺠﻲ ﻣﻮﻳﺪﺭﻭﻥ ﺑﻴﺞ ﻳﻤﻲ
ﺍﺳﻴﻞ ﺗﺤﺠﻲ ﻭﻛﻼﻣﻪ ﻛﻠﻪ ﺻﺤﻴﺢ ﺍﻟﻤﻔﺮﻭﺽ ﻣﺎﺭﻭﺡ ﻭﻳﺎﻩ ﻟﻮ ﺍﺣﺪ ﺷﺎﻳﻔﻨﻪ ﻟﻮﺍﻟﺸﻴﻄﺎﻥ ﺩﺍﺧﻞ ﻭﺑﺲ ﺍﻧﻲ ﻭﻳﺎﻩ ﺑﻠﺒﻴﺖ ﺗﻨﺪﻣﺖ ﺑﻜﺪ ﺷﻌﺮ ﺭﺍﺳﻲ ﻭﻣﺎﻋﺮﻓﺖ ﺍﺟﺎﻭﺏ ﺍﺳﻴﻞ ﻭﻫﻴﻪ ﺧﺮﻃﺖ ﻋﻠﻴﻪ ﻛﻮﻣﻪ ﻭﺍﻧﻲ ﺑﺲ ﻣﺪﻧﻜﻪ ﻭﺍﻋﺼﺮ ﺑﻴﺪﻱ ﺁﺧﺮ ﺷﻲ ﻛﺎﻟﺘﻠﻲ
ﺭﺍﺡ ﺍﻋﻮﻓﺞ ﺍﻧﺘﻲ ﻭﺿﻤﻴﺮﺝ ﻭﺗﺮﺑﻴﺖ ﺍﻣﻲ ﻭﺗﻌﺒﻪ ﻋﻠﻴﺞ ﻫﻴﻪ ﺗﺤﺪﺩﺍ ﻣﺼﻴﺮﺝ ﺑﻬﺬﺍ ﺍﻟﻮﻟﺪ
ﺣﺠﺎﻳﺘﻪ ﻣﺜﻞ ﺍﻟﻜﻔﺨﺘﻨﻲ ﻋﻠﻰ ﺭﺍﺳﻲ ﻭﻛﻌﺪﺗﻨﻲ ﻭﻳﺎﻩ ﻧﻔﺴﻲ ﺧﻠﺘﻨﻲ ﺍﻛﻠﻪ ﺻﺪﻙ ﺍﻧﻲ ﺷﻨﻮ ﻣﺼﻴﺮﻱ ﺑﻲ ؟
ﺑﻴﻮﻣﻪ ﻣﺎﻃﻠﻌﺖ ﺣﺘﻰ ﻣﻦ ﺍﻟﻐﺮﻓﻪ ﺍﺣﺲ ﺭﻭﺣﻲ ﺧﺎﻳﻨﻪ ﺍﻣﻲ ﻭﺛﻘﺘﻪ ﺑﻴﻪ ﻭﻫﻴﻪ ﻣﻨﻄﻴﺘﻨﻲ ﻣﻄﻠﻖ ﺍﻟﺤﺮﻳﻪ ﻭﻣﺎﻣﻨﻪ ﺑﻴﻪ ﺷﻠﻮﻥ ﻫﻴﺞ ﺳﻮﻳﺖ ﻭﺣﺘﻰ ﺟﺬﺑﺖ ﻋﻠﻴﻪ
ﻟﻠﻴﻞ ﺧﺎﺑﺮﻧﻲ ﺿﺮﺍﺭ ﺣﺘﻰ ﺑﺎﻟﻲ ﺟﺎﻥ ﻣﻮﻳﻤﻪ ﻭﻫﻮﻩ ﺩﻳﺤﺠﻴﻠﻲ ﺷﺼﺎﺭ ﻭﻳﺎﻩ ﺑﻬﻞ ﺷﻬﺮﻳﻦ ﻭﻣﻦ ﺣﺲ ﺍﻧﻲ ﺑﺲ ﺍﺳﻤﻊ ﻭﻣﺎﺷﺎﺭﻛﻪ ﻧﺘﺮ
ﻫﺎﺟﺮ ﺷﻨﻲ ﺳﺎﻟﻔﺘﺞ ﺧﺎﻑ ﺑﻌﺪﺝ ﺯﻋﻼﻧﻪ
ﺑﻌﺪ ﻣﺎﺗﺤﻤﻠﺖ ﺑﺠﻴﺖ ﻭﻃﻠﻌﺖ ﺍﻟﻌﺒﺮﻩ ﺍﻟﺨﺎﻧﻜﺘﻪ ﻣﻦ ﺍﻟﻀﻬﺮ ﻟﻮﺗﺨﺒﻞ
ﺍﺍﺍﺍﺍﺍﺍﺍﺍﺍﺍﻧﺘﻲ ﺩﺗﺒﺠﻴﻦ ﻋﻠﻰ ﺷﻨﻮ ﺑﻮﻳﻪ ﻋﻠﻰ ﺷﻨﻮ ﻫﺎﺟﺮ ﺑﻴﺞ ﺷﻲ
ﺿﺮﺍﺭ ﺍﻧﻲ ﻣﻦ ﺍﻟﻀﻬﺮ ﻣﺨﺘﻨﻜﻪ
ﻟﻴﺶ ﻳﺮﻭﺣﻲ ﺷﺒﻴﺞ
ﻣﺎﺩﺭﻱ ﺿﺮﺍﺭ ﺍﻧﻲ ﻏﻠﻄﺖ ﻻﻥ ﺭﺣﺖ ﻭﻳﺎﻙ ﻟﻠﺒﻴﺖ ﺍﻟﻤﻔﺮﻭﺽ ﻣﺎﺳﻮﻳﻬﻪ
ﻭﺍﻧﺎ ﻫﻢ ﻣﺎﺭﺍﺿﻲ ﻣﺎﺗﺸﻮﻓﻴﻦ ﻛﺘﻠﺞ ﻟﻮﻃﻠﺒﺖ ﻣﻨﺞ ﻣﺮﻩ ﺛﺎﻧﻴﻪ ﺗﺠﻴﻦ ﻻﺗﺠﻴﻦ
ﻟﻌﺪ ﻟﻴﺶ ﺍﺧﺬﺗﻨﻲ
ﺟﺎ ﻭﻳﻦ ﺍﺣﺠﻲ ﻭﻳﺎﺝ ﺑﻮﻳﻪ ﺻﺎﺭ ﺷﻬﺮﻳﻦ ﺍﻧﺎ ﻣﺤﺘﺮﻙ ﻭﻣﻨﻌﻮﻝ ﺍﺑﻮ ﺍﺑﻮﻱ ﺍﻟﺘﻠﻴﻔﻮﻥ ﻣﺎﻳﻄﻔﻲ ﻧﺎﺭ ﻛﻠﺒﻲ ﻭﺍﺫﺍ ﺍﺧﺬﺝ ﻣﻜﺎﻥ ﻋﺎﻡ ﺧﺎﻑ ﺍﺣﺪ ﻳﻌﻮﺩﻟﺞ ﻳﺸﻮﻓﻪ ﺍﺧﺬﺗﺞ ﻟﻠﺒﻴﺖ ﻭﺍﻧﺎ ﻗﺎﺳﻢ ﻳﻤﻴﻦ ﻣﺎﺑﺎﻭﻋﻠﺞ ﻧﻀﺮﻩ ﻭﺻﺨﻪ ﻭﺍﻟﺤﻤﺪ ﺍﻟﻠﻪ ﻋﺪﺕ ﻋﻠﻰ ﺧﻴﺮ
ﺑﺲ ﺍﻧﻲ ﻣﻘﻬﻮﺭﻩ ﻋﻠﻰ ﺍﻣﻲ ﻻﻥ ﺟﺬﺑﺖ ﻋﻠﻴﻪ
ﻻﺗﻨﻘﻬﺮﻳﻦ ﺍﻧﺘﻲ ﻣﺎﻟﺘﻲ ﻭﻣﺮﺗﻲ ﺑﺬﻥ ﺍﻟﻠﻪ ﻭﻣﻦ ﺗﺼﻴﺮﻳﻦ ﻣﻦ ﻧﺼﻴﺒﻲ ﻭﻋﺪ ﻭﻋﺪ ﺍﻟﺤﺮ ﺩﻳﻦ ﺍﺧﻠﻲ ﺍﻣﺞ ﺗﺤﻠﻠﻨﻲ ﻭﺗﻮﺍﻫﺒﻨﻲ ﻋﺒﻦ ﺍﻧﺎ ﺍﻻﺧﺬﺗﺞ ﻭﺍﺩﺭﻱ ﺑﻴﺞ ﺗﺤﺒﻴﻨﻲ ﻭﻣﺎﺭﻓﻀﺘﻴﻠﻲ ﻃﻠﺐ
ﺍﻱ ﻭﺍﻟﻠﻪ ﺿﺮﺍﺭ ﻣﻦ ﺷﻔﺘﻚ ﻣﺎ ﻓﻜﺮﺕ ﺑﺎﻱ ﺷﻲ
ﻣﻴﺨﺎﻟﻒ ﺍﻥ ﺷﺎﻟﻠﻪ ﻧﻜﻮﻥ ﻋﺮﻓﻨﻪ ﻏﻠﻄﻨﻪ ﻭﺍﻧﺘﻲ ﺷﻮﻳﻪ ﻛﻀﻲ ﻟﺴﺎﻧﺞ ﻭﻳﺎﻱ ﺣﺘﻰ ﻻﺗﻌﻴﺪﻳﻦ ﺍﻟﺴﻮﻳﺘﻲ ﺑﻌﺪ
ﺻﺎﺭ ﻭﺍﻟﻠﻪ ﺻﺎﺭ ﻣﺎﺳﻮﻱ ﺍﻟﺴﻮﻳﺘﻪ ﺑﺲ ﻛﻀﻲ ﻳﻌﻨﻲ ﺷﻨﻮ؟
ﺧﺎﺏ ﻳﻌﻨﻲ ﻟﺰﻣﻲ ﺍﻱ ﻟﺰﻣﻲ ﻟﺴﺎﻧﺞ
ﻫﻬﻬﻬﻬﻬﻪ ﺟﺎ ﺍﻧﺖ ﻫﻢ ﻛﺾ ﺍﻋﺼﺎﺑﻚ
ﺑﻮﻭﻭﻭﻭﻭﻳﺎﻱ ﺷﻤﺤﻠﻪ ﺍﻟﺠﺎ ﺑﺤﻠﻜﺞ ﻭﺍﻟﺤﻤﺰﻩ ﻟﻮﺳﻤﻌﺘﺞ ﺍﻣﻲ ﺷﻠﻮﻥ ﺗﺮﺩﻳﻦ ﺗﺘﻌﻠﻤﻴﻦ ﺗﺤﺠﻴﻦ ﻣﺜﻠﻲ ﺟﺎﻥ ﺗﺨﺒﻠﺖ
ﻓﺪﻭﻭﻩ ﻣﺒﻴﻨﻪ ﺍﻣﻚ ﺣﻴﻞ ﺗﺤﺒﻚ
ﺍﻭﻭﻭ ﺍﻡ ﺿﺮﺍﺭ ﺑﻌﺪ ﻭﻋﻠﻴﺞ ﻟﺤﺴﺎﺏ ﻟﻮﻛﻌﺘﻲ ﻳﻤﻬﻪ ﺳﺎﻋﻪ ﺗﻨﺴﻴﻦ ﺍﻟﻐﻪ ﺍﻟﻌﺮﺑﻴﻪ ﻛﻠﻪ
ﺍﻟﻠﻪ ﻋﻠﻴﻚ ﺷﻠﻮﻥ
ﺧﺎﺏ ﺍﻣﻲ ﻛﻠﻪ ﺣﺠﻴﻪ ﺑﻠﻤﻜﻠﻮﺑﻲ
ﺳﻮﺳﻜﻲ
ﻣﺬﺧﺮﺕ
ﺳﻨﺘﻼﻳﺖ
ﺧﻮﺏ ﻫﺎﻱ ﺍﻟﻔﺘﺮﻩ ﻣﺠﻠﺒﺘﻲ ﺗﺸﻮﻓﻨﻲ ﺷﻮﻳﻪ ﺳﻤﻨﺎﻥ ﺩﻛﻠﻲ ﺧﺎﻑ ﺗﺸﺮﺏ ﻣﺪﻛﺴﻦ
ﻫﻬﻬﻬﻬﻬﻬﻬﻬﻬﻬﻬﻬﻪ ﺿﺮﺍﺭ ﺍﻟﻠﻪ ﻋﻠﻴﻚ ﻭﺣﺪﻩ ﻭﺣﺪﻩ ﺗﺮﻩ ﺻﺪﻙ ﻣﺎﻓﺘﻬﻢ
ﺍﺭﻭﺡ ﻓﺪﻭﻩ ﻟﻬﻞ ﺿﺤﻜﻪ ﺟﺎ ﺍﻧﺎ ﻣﺎﺣﺠﻴﺖ ﻫﻴﺞ ﺍﻟﻪ ﺣﺘﻰ ﺍﺳﻤﻊ ﻫﻞ ﻣﻮﺳﻴﻘﻰ
ﻻ ﺑﺪﺍﻋﺘﻲ ﻻﺗﻨﺴﻴﻨﻲ ﺑﺲ ﻛﻠﻲ ﺧﺎﻟﻪ ﺷﻨﻮ ﻫﺎﻱ ﻛﻼﻣﺘﻪ ﺷﻨﻮ ﻣﻌﻨﺎﻫﻦ
ﺍﻧﺎ ﺍﻛﻠﺞ ﺍﺳﻤﻌﻲ
ﺳﻮﺳﻜﻲ .. ﻋﺮﻙ
ﻋﺰﺯﺯﺯﺯﻩ
ﺍﻱ ﻭﻟﻠﻪ ﺍﺳﻤﻌﻲ ﺍﻟﺒﺎﻗﻲ
ﻣﺬﺧﺮﺍﺕ .. ﻣﺨﺪﺍﺕ
ﻫﻬﻬﻬﻬﻬﻬﻬﻬﻪ
ﺳﻨﺘﻼﻳﺖ .. ﺳﺘﻼﻳﺖ ﺍﻟﺘﻠﻔﺰﻳﻮﻥ
ﻫﻬﻬﻬﻬﻬﻬﻬﻬﻬﻬﻬﻪ ﻫﺎﻫﻴﻪ ﺣﺒﻴﺒﻲ ﺍﻟﻠﻪ ﻋﻠﻴﻚ ﺣﺘﻰ ﺑﻄﻨﻲ ﻛﻠﻤﺖ ﺗﻮﺟﻌﻨﻲ ﺍﻻﺧﻴﺮﻩ ﻋﺮﻓﺘﻪ ﻗﺼﺪﻩ ﺩﻛﺴﻦ
ﺍﻱ ﻳﺎﺑﻌﺪ ﺣﺒﻴﺒﺞ ﻫﺎﻱ ﻣﻮ ﺿﻠﻴﺖ ﻓﺘﺮﻩ ﺑﺲ ﻛﺎﻋﺪ ﻣﻦ ﺗﻤﺮﺿﺖ ﻣﺎ ﺷﺘﻐﻞ ﺷﻮﻳﻪ ﺳﻤﻨﺖ ﻭﻫﻴﻪ ﻣﺘﻮﻟﻴﺘﻲ ﺿﺮﻳﺮ ﺍﺧﺎﻑ ﺗﺸﺮﺏ ﻣﺪﻛﺴﻦ
ﻳﺎﺍﺍﺍﺍﺍﻱ ﻣﺘﺸﻮﻗﻪ ﺍﺷﻮﻓﻪ ﻛﻠﺶ ﺑﺲ ﺗﻌﺎﻝ ﺻﺪﻙ ﺫﻛﺮﺗﻨﻲ ﺩﻛﻮﻝ ﺗﻤﺮﺿﺖ ﻭﻣﻦ ﺍﺟﻴﺘﻨﻲ ﻟﻠﻤﺤﻞ ﺟﻨﺖ ﺷﺎﺩ ﺍﻳﺪﻙ ﺷﻨﻮ ﺍﻟﺴﺎﻟﻔﻪ
ﺑﻌﺪ ﻭﻛﺖ ﻳﺎﺑﻌﺪ ﺭﻭﺣﻲ ﺗﻮﺝ ﺗﺬﻛﺮﻳﻦ
ﺣﺒﺒﺒﺒﻴﺒﻲ
ﺧﺮﺏ ﻻﺗﺘﻤﻮﻋﻴﻦ ﺍﻧﺎ ﺷﻜﺎﻳﻠﺞ
ﻟﻌﺪ ﺣﺠﻴﻠﻲ
ﺭﺍﺡ ﺍﺳﺪﻩ ﻭﺁﻟﻠﻪ ﺍﻟﻒ ﻣﺮﻩ ﻛﺎﻳﻠﺞ ﺧﺼﻮﺻﺎ ﺑﻠﻴﻞ ﻟﺘﺘﻤﻮﻋﻴﻦ ﺧﺎﻳﺒﻪ ﻭﻳﻦ ﺃﻭﻟﻲ ﻭﻳﻦ ﺍﻧﻄﻲ ﻭﺟﻬﻲ
ﻭﺍﻧﻲ ﺷﻌﻠﻴﻪ ﻭﺍﻟﻠﻪ ﺍﻧﻲ ﻫﻴﺞ ﺍﺣﺠﻲ
ﺑﻮﻭﻭﻳﺎﻱ ﻭﺗﺼﻴﺮﻳﻦ ﻳﻤﻲ ﺑﻠﻐﺮﻓﻪ ﻭﺗﺘﻤﻮﻋﻴﻦ ﻫﻴﺞ ﻏﻴﺮ ﺍﺧﻠﻲ ﺍﻡ ﺿﺮﺍﺭ ﺗﻜﺴﺮ ﺍﻟﺒﺎﺏ ﺑﺲ ﺣﺘﻰ ﺗﺤﻠﺞ ﻣﻦ ﺍﻳﺪﻱ
ﻣﻤﻤﻤﻤﻢ ﺍﺻﻼ ﺍﻧﻲ ﻋﻠﻰ ﻫﺬﺍ ﺣﺠﻴﻚ ﻋﻦ ﺧﺎﻟﻪ ﺭﺍﺡ ﺍﻛﺎﺑﻠﻪ ﻭﺍﻛﻌﺪ
ﺧﺎﺏ ﻫﺬﺍ ﺣﺠﻲ ﻳﻔﻴﺪﺝ ﺻﻴﺮﻱ ﻳﻤﻲ ﻭﺳﺎﻋﺘﻪ ﻳﺼﻴﺮ ﺧﻴﺮ
ﺿﺮﺍﺭ ﻻﺗﻐﻴﺮ ﺍﻟﻤﻮﺿﻮﻉ
ﺷﻨﻮﻭ ﺣﺒﻴﺒﺘﻲ
ﺷﺒﻴﻪ ﺍﻳﺪﻙ ﻭﻟﻴﺶ ﺗﻤﺮﺿﺖ
ﺍﻱ ﺗﻌﺮﻭﺕ ﻭﺗﻤﺮﺿﺖ ﻣﻦ ﻓﺮﺍﻛﺞ
ﻣﺘﺎﻛﺪ
ﻣﺘﻮﻛﺪ ﻣﺘﻮﻭﻭﻭﻭﻛﺪ ﻭﺑﺼﻮﺕ ﺍﻣﻲ ﻫﻢ
ﺍﻭﻙ ﻳﺠﻲ ﻳﻮﻡ ﻭﺍﺳﻞ ﺧﺎﻟﻪ ﺍﺫﺍ ﺻﺪﻙ
ﻫﺎﺍﺍ ﺑﻮﻳﻪ ﺳﺎﻟﻤﻴﻦ ﺭﺍﺡ ﺗﺼﻴﺮﻳﻦ ﺍﻧﻮﺏ ﺍﺗﺤﺎﺩ ﺍﻧﺘﻲ ﻭﺍﻣﻲ ﻣﻮﻭ
ﺍﻱ ﻟﻌﺪ ﺷﻌﺒﺎﻟﻚ
ﺟﺎ ﺭﺑﺤﻨﻪ ﻭﻛﻤﻠﺖ ﺍﻟﺴﺒﺤﻪ ﺍﻟﻤﻬﻢ ﺍﻧﺎ ﺭﺍﺡ ﺍﻃﻠﻊ ﻋﻨﺪﻱ ﺷﻐﻞ
ﺿﺮﺍﺭ ﻟﺨﺎﻃﺮ ﺍﻟﻠﻪ ﺷﻐﻠﻴﺞ ﺍﻟﺴﺎﻋﻪ ٢ﻭﺭﺑﻊ ﺑﻠﻴﻞ
ﺣﺒﻴﺒﺘﻲ ﺷﺴﻮﻱ ﻣﻮﺩﺍﻛﻠﺞ ﻛﻠﺐ ﺍﺑﻦ ﻛﻠﺐ ﻭﺩﺍﺷﺘﻐﻞ ﻋﻨﺪﻩ
ﺍﺩﺭﻱ ﻭﻳﻦ ﻳﺮﻭﺡ ﺑﻬﺬﺍ ﺍﻟﻴﻞ
ﻟﻠﻤﻌﻤﻞ ﻳﺠﻬﺰ ﺑﻀﺎﻋﻪ ﻏﻴﺮ
ﻭﻫﺬﺍ ﺍﻟﻨﻬﺎﺭ ﻭﻳﻦ ﺟﺎﻥ ﻟﻌﺪ
ﺑﻞ .. ﻻ ﺗﺨﻠﻴﻨﻲ ﺍﺣﺠﻲ ﻟﺴﺎﻧﻲ ﺯﻓﺮ ﻣﻦ ﻳﻨﻄﻠﻖ
ﻻﻓﺪﻭﻩ ﺭﻭﺡ ﻟﻌﺪ
ﻫﻬﻬﻬﻬﻬﻬﻪ ﻳﻠﻪ ﺗﺼﺒﺤﻴﻦ ﻋﻠﻰ ﺧﻴﺮ
ﻭﺍﻧﺖ ﻣﻦ ﺍﻫﻠﻪ
ﺳﺪﻳﺘﻪ ﻭﺍﻧﻲ ﺑﻘﻤﻪ ﺍﻟﺮﺍﺣﻪ ﺑﺠﻴﺖ ﻭﻳﺎﻩ ﻭﺿﺤﻜﺖ ﻭﺭﻭﺡ ﻛﻞ ﻫﻤﻮﻣﻲ ﻭﻋﺪﺕ ﻧﻔﺴﻲ ﻣﺎﺯﻋﻠﻪ ﻭﻻﺍﺧﺴﺮﻩ ﺑﺲ ﺑﻘﺖ ﺍﺳﻴﻞ ﺷﻠﻮﻥ ﺍﺻﺎﻟﺤﻪ ﻭﻫﻴﻪ ﺣﻘﻪ ﺗﺰﻋﻞ ﻋﻠﻴﻪ ﺑﺎﺟﺮ ﺍﺭﻭﺣﻠﻪ ﻭﺷﻮﻑ ﺷﻠﻮﻥ ﺍﻗﻨﻌﻪ ﻻﻥ ﺯﻋﻠﻪ ﻣﻮﻫﻴﻪ ﻋﻠﻴﻪ ﻭﻫﻴﻪ ﺍﻛﻴﺪ ﺣﺠﻴﻪ ﻛﻠﻪ ﻟﻤﺼﻠﺤﺘﻲ
ﻧﻤﺖ ﺑﻌﻤﻖ ﻭﻛﻌﺪﺕ ﺑﻨﺸﺎﻁ ﺩﺍﻭﻣﺖ ﻭﺭﺍﻩ ﺍﻟﺪﻭﺍﻡ ﺭﺣﺖ ﻋﻠﻴﻪ ﻟﻠﺒﻴﺖ ﺑﻠﺒﺪﺍﻳﻪ ﺟﺎﻧﺖ ﻣﺎﺧﺬﻩ ﻋﻠﻰ ﺧﺎﻃﺮﻩ ﻫﻮﺍﻱ ﻭﺭﺟﻌﺖ ﺗﻮﻋﻴﻨﻲ ﺃﻛﺜﺮ ﻭﺗﻨﺼﺤﻨﻲ ﻭﺷﻮﻳﻪ ﺷﻮﻳﻪ ﻓﻜﺖ ﻭﺑﺪﺍﺕ ﺗﺮﺟﻊ ﻃﺒﻴﻌﻪ ﻭﺍﻧﻲ ﻧﻄﻠﻘﺖ ﺍﺳﻮﻟﻔﻠﻪ ﻋﻠﻰ ﺿﺮﺍﺭ ﻭﻧﺪﻣﺠﻨﻪ ﺗﻐﺪﻳﺖ ﻳﻤﻬﻪ ﻭﻛﻀﻴﺘﻪ ﺍﻟﻠﻌﺐ ﺑﺴﻴﻮﻓﻲ ﻭﺿﺮﺍﺭ ﻛﻞ ﺷﻮﻳﻪ ﻳﺨﺎﺑﺮ ﻣﺪﺭﻱ ﺷﺒﻲ ﻳﺘﺨﺒﻞ ﻣﻦ ﺳﺮﺍﺝ ﻭﻣﻦ ﻛﺘﻠﻪ ﻳﻤﻬﻢ ﻣﻦ ﺍﻟﻀﻬﺮ ﻋﺼﺐ ﻭﺣﻠﻔﻨﻲ ﺍﺭﺟﻊ ﻋﺎﺩﺍﺳﻴﻞ ﺳﻮﺕ ﻛﻴﻜﻪ ﻭﺭﺟﻌﻨﺎ ﻳﻢ ﺍﻣﻲ ﺍﻛﻠﻨﺎﻫﻪ ﺳﻮﻩ ﻭﻫﻢ ﺭﺣﺖ ﺷﻮﻳﻪ ﻟﻠﻤﺤﻞ ﻳﻌﻨﻲ ﺗﺪﺭﻳﺠﻴﺎ ﺭﺟﻊ ﻛﻠﺸﻲ ﻃﺒﻴﻌﻲ ......
ﺭﻏﺪ .... ﺟﺎﻥ ﻻﺯﻡ ﺃﻭﺍﺟﻪ ﺃﻣﻴﻦ ﺣﺘﻰ ﺍﻋﺮﻑ ﺭﺍﺳﻲ ﻣﻦ ﺭﺟﻠﻴﻪ ﺷﻨﻮ ﻫﻴﺞ ﺗﻬﺎﻳﻢ ﺗﻮﻛﻊ ﺑﺮﺍﺳﻲ ﻭﺍﻧﻲ ﻣﺎﺩﺭﻱ ﻭﻫﻮﻩ ﻣﺨﻠﺼﻪ ﻛﺎﻟﺐ ﻭﺟﻬﻪ ﻭﻳﺪﺯﻟﻲ ﺍﻣﻪ ﺗﺤﻴﺮ ﺷﺘﺴﻮﻱ ﺑﻴﻪ ﺩﺯﻳﺖ ﻋﻠﻴﻬﺎ ﻭﻳﺎﻩ ﻭﺍﺣﺪ ﻣﻦ ﺟﻬﺎﻝ ﻋﻤﺎﻣﻲ ﻭﻣﺎﺍﺟﻪ ﺷﺘﻠﻨﻲ ﻧﻬﺎﺭ ﻛﺎﻣﻞ ﻭﺍﺟﺎﻧﻲ ﻣﻌﻜﺾ ﻭﺟﻬﻪ ﻭﻳﺤﺠﻲ ﻣﻦ ﻭﺭﺍﻩ ﻧﺴﻤﻪ
ﻫﺎﺍﺍ ﺷﺮﺍﻳﺪﻩ
ﺃﻣﻴﻦ ﺷﺒﻴﻚ ﻭﻳﺎﻱ ﻫﺎﻱ ﻫﻴﺞ ﺍﻟﻮﺍﺣﺪ ﻳﻮﺍﺟﻪ ﺧﻄﻴﺒﺘﻪ
ﻭ ﺍﻟﻠﻪ ﻫﺬﺍ ﺍﻟﻤﻮﺟﻮﺩ ﺷﻮﻛﺖ ﻣﺎﺟﺮﻳﺘﻲ ﻋﺪﻝ ﺗﻠﻜﻴﻨﻲ ﺧﺎﺗﻢ ﻭﺑﻴﻦ ﺍﺩﻳﺞ
ﻭﺍﻧﺎ ﺷﺴﻮﻳﺖ ﺣﺘﻰ ﻫﻴﺞ ﺗﻌﺎﻣﻠﻨﻲ ﺻﺎﺭ ﻣﻴﻪ ﻣﺮﻩ ﺳﺌﻠﺘﻚ ﻫﻞ ﺳﻮﺍﻝ ﻭﻣﺎﺟﺎﻭﺑﺘﻲ ﺟﻮﺍﺏ ﻳﺮﻳﺢ ﻛﻠﺒﻲ
ﻟﻴﺶ ﺍﻧﺘﻲ ﻣﺎﺗﻌﺮﻓﻴﻦ ﺍﺷﻮ ﺧﻠﺼﺘﻴﻪ ﻋﻠﻴﻪ ﺑﺠﻲ ﻭﻧﻮﺡ ﻣﻦ ﺧﻄﺒﻨﻪ ﻟﻠﻴﻮﻡ ﺷﻜﺎﻟﺖ ﻭﺭﺩﻩ ﻭﺷﺤﺠﺖ ﻭﺭﺩﻩ ﺣﻠﻜﻲ ﻳﺒﺴﺘﻲ ﻋﻞ ﻣﺎﻧﺴﻴﺘﺞ ﻫﺎﻱ ﺍﻟﺴﺎﻟﻔﻪ ﺍﻧﻮﺏ ﻃﻠﻌﺘﻴﻠﻲ ﺑﺴﺎﻟﻔﻪ ﺟﺪﻳﺪﻩ ﺧﻠﻴﺘﻲ ﺍﻟﻨﺎﺱ ﻛﻠﻪ ﺗﺤﺠﻲ ﺑﻴﻬﻪ ﺑﻠﻪ ﻣﺪﻛﻠﻴﻠﻲ ﻣﻨﻴﻦ ﺃﺟﻴﺒﻠﺞ ﻭﺳﻮﻳﻠﺞ ﺗﺨﻢ ﺫﻫﺐ ؟
ﻭﻣﻦ ﻛﺎﻟﻚ ﺍﻧﺎ ﺭﺍﻳﺪﻩ ﺫﻫﺐ ﻭﺍﻟﻤﻦ ﺣﺎﺟﻴﻪ ﻏﻴﺮ ﺗﻔﻬﻤﻨﻲ
ﺧﺎﻳﺒﻪ ﺍﻟﺴﻠﻒ ﻛﻠﻪ ﻳﺤﺠﻲ ﺃﻣﻴﻦ ﺍﺧﺬ ﺑﻨﺖ ﻋﻤﻪ ﺑﺲ ﺑﻨﺖ ﻋﻤﻪ ﻣﺎﺗﻨﺠﺮﻉ ﻭﺭﺍﻳﺪﻩ ﻣﻨﻪ ﺫﻫﺐ ﻭﻋﺮﺱ ﻭﺗﺤﻀﻴﺮﺍﺕ ﻋﻠﻰ ﺁﺧﺮ ﺣﺒﺎﻳﻪ ﺭﻭﺣﻲ ﺷﻮﻓﻲ ﻋﻤﺘﺞ ﺯﻫﺰﻩ ﻭﻋﻤﺘﺞ ﻧﻮﺭﻳﻪ ﺷﻠﻮﻥ ﻟﻌﺒﻦ ﺑﻴﻪ ﺟﻮﻟﻪ ﻋﻞ ﺷﻠﻮﻥ ﺗﻄﻠﺐ ﻣﻨﻚ ﻫﻴﺞ ﻭﻻﺗﺴﻤﻌﻠﻪ ﻭﺟﺪﺗﻲ ﺩﻛﻠﻲ ﻫﺪﻩ ﻭﺍﺧﻄﺒﻠﻚ ﺍﻏﺎﺗﻪ
ﺃﻣﻴﻦ ﻻﺗﺨﺒﻠﻴﻨﻲ ﻭﺟﻴﺐ ﺍﻟﻘﺮﺍﻥ ﺍﺣﻠﻔﻠﻚ ﻋﻠﻴﻪ ﺍﺫﺍ ﺍﻧﻲ ﺟﺎﻳﺒﻪ ﻃﺎﺭﻱ ﻟﻬﺎﻱ ﺍﻟﺴﻮﺍﻟﻒ
ﺟﺎ ﺍﻧﺎ ﻟﺤﺎﻟﻲ ﻗﺎﺑﻞ ﻣﺎﺑﺎﻭﻉ ﺑﻮﺟﻬﺞ ﻏﻴﺮ ﻣﻦ ﻧﺎﺭ ﻛﻠﺒﻲ ﻣﻨﻴﻦ ﻣﺎﺻﺪ ﺗﺠﻴﻨﻲ ﺻﻔﻜﻪ ﻣﻦ ﻏﻴﺮ ﺍﻣﻲ ﻟﻜﺎﻋﺪﻩ ﺗﻨﻮﺡ ﻳﻢ ﺭﺍﺳﻲ ﻭﺷﻠﻮﻥ ﻭﺷﻠﻮﻥ ﻭﻣﻨﻴﻦ ﻧﺠﻴﺐ
ﺯﻳﻦ ﻭﺍﻧﺖ ﻣﺼﺪﻛﻬﻢ
ﻭﻟﻴﺶ ﻣﺎﺻﺪﻙ ﺍﻧﺘﻲ ﻛﻠﺸﻲ ﻳﻄﻠﻊ ﻣﻨﺞ ﺟﺎ ﺻﺎﺭﻟﻲ ﻛﻮﻣﻪ ﺍﺭﻛﺾ ﻭﺭﺍﺝ ﻭﻋﻠﻴﺘﻲ ﻛﻠﺒﻲ ﺍﻝ ﻭﺍﻓﻘﺘﻲ
ﺍﻱ ﺑﺲ ﺍﻧﺖ ﺗﻌﺮﻑ ﺍﻟﺴﺒﺐ ﻟﺠﻨﺖ ﺭﺍﻓﻀﺘﻚ ﻋﻠﻴﻪ ﻭﻛﻌﺪﻧﻪ ﻭﺗﻔﻘﻨﻪ ﻧﻨﺴﻰ ﻛﻠﺸﻲ ﻟﻴﺶ ﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ ﺗﺬﻛﺮﻧﻲ ﺑﻲ
ﺍﻧﺎ ﻟﻮ ﺍﻧﺘﻲ ﺍﻟﻮﺭﺩﻩ ﻣﺎﺗﻮﻛﻊ ﻣﻦ ﺣﻠﻜﺞ
ﻭﺍﻟﺤﻞ
ﻳﻌﻨﻲ ﺍﻧﺘﻲ ﻣﺎﻛﺎﻳﻠﻪ ﺍﺭﻳﺪ ﻭﺍﺭﻳﺪ
ﺍﺑﺪ ﻭﺍﻟﻠﻪ ﻭﻏﻼﺗﻚ ﻋﻨﺪﻱ ﻣﻜﺎﻳﻠﻪ
ﺑﺘﺴﻢ ﻭﺟﻦ ﻛﻞ ﺍﻟﺴﻮﺍﻟﻒ ﺻﺎﺭﺕ ﻋﻠﻰ ﻛﺘﺮ ﺗﻘﺮﺏ ﻣﻨﻲ ﻛﺮﺹ ﺧﺪﻧﻲ ﻭﻫﻮﻩ ﻳﻀﺤﻚ ﻭﻳﻬﺰ ﺑﻴﻪ ﻛﺎﻝ
ﺟﺎ ﻣﻦ ﺍﻟﻴﻮﻡ ﺍﻧﺴﻲ ﺍﻟﺼﺎﺭ ﻭﺍﺫﺍ ﺭﺩﺗﻲ ﺷﻲ ﺗﻌﺎﻱ ﻛﻠﻴﻠﻲ ﺍﻟﻲ ﻭﺍﻧﺎ ﻋﻴﻮﻧﻲ ﺍﻟﺞ ﺑﺲ ﺑﻠﻲ ﺍﻛﺪﺭ ﻋﻠﻴﻪ
ﺿﺤﻜﺖ ﺑﺪﻟﻊ ﺍﺧﺬﻧﻲ ﺑﺤﻀﻨﻪ ﻭﺑﺎﺱ ﺭﺍﺳﻲ ﻭﺍﻧﺎ ﺍﻟﻌﺐ ﺑﺪﻛﻢ ﺩﺷﺪﺍﺷﻪ ﻭﺗﻮﻩ ﺭﻓﻊ ﻭﺟﻬﻲ ﺑﻴﺪﻩ ﺩﻳﺒﻮﺳﻨﻲ ﻭﺩﺧﻠﺖ ﻭﺭﺩﻩ ﺷﻤﺮﺕ ﺍﻟﻤﺪﻩ ‏( ﺍﻟﺰﻭﻟﻴﻪ ‏) ﺣﻴﻞ ﻓﺰﻳﻨﻪ ﺛﻨﻴﻨﻪ ﻭﻟﺘﻔﺘﻨﻪ ﺧﺰﺭﺗﻨﻲ ﻭﻧﺘﺮﺕ
ﺍﻧﺎ ﺍﺳﻔﻪ ﻣﺎﺩﺭﻱ ﺍﻧﺘﻮﻭ ﻫﻨﺎ
ﺣﺠﺘﻪ ﻭﻃﻠﻌﺖ ﺿﻠﻴﻨﺎ ﺍﻧﻲ ﻭﺃﻣﻴﻦ ﻭﺍﺣﺪ ﻳﺒﺎﻭﻉ ﻋﻞ ﺛﺎﻧﻲ ﺗﺎﻟﻲ ﺃﻣﻴﻦ ﻣﺜﻞ ﺍﻟﻀﺎﺝ ﻣﺴﺢ ﻭﺟﻬﻪ ﺑﻨﻔﺎﺫ ﺻﺒﺮ ﻭﻫﻮﻩ ﻳﻄﻠﻊ ﻛﺎﻝ ..
ﺍﻧﺎ ﺭﺍﻳﺢ ﻋﻮﺩ ﺑﻠﻴﻞ ﺍﺩﺯﻟﺞ ﺗﻠﻴﻔﻮﻥ ﻭﺧﺎﺑﺮﺝ ﺍﺣﺴﻦ
ﺿﻠﻴﺖ ﺳﺎﻛﺘﻪ ﻭﻣﺎﺟﺎﻭﺑﺘﻪ ﺑﺲ ﺻﺮﺕ ﻧﺎﺭ ﺍﻋﺮﻑ ﻭﺭﺩﻩ ﻣﺘﻌﻤﺪﻩ ﻭﺗﺪﺭﻱ ﺃﻣﻴﻦ ﻫﻨﺎ ﻭﺳﻮﺕ ﺳﺎﻟﻔﻪ ﺍﻟﻤﺪﺍﺕ ﺣﺠﻪ ﻭﻣﺎﻃﺒﺖ ﺍﻝ ﻟﻤﻦ ﺷﺎﻓﺖ ﺷﺤﺎﻃﻪ ﺃﻣﻴﻦ ﺑﻠﺒﺎﺏ
ﺍﺧﺬﺕ ﻧﻔﺲ ﺍﺭﻳﺪ ﺍﺻﺒﺮ ﻭﺍﺷﻮﻑ ﺷﻨﻮ ﺗﺎﻟﻴﻪ ﻭﻳﺎﻫﻪ ﻭﺷﻀﺎﻣﺘﻠﻲ ﺑﻌﺪ .. ﻭﻣﺮﺕ ﺍﻷﻳﺎﻡ ﺃﻣﻴﻦ ﺟﺎﺑﻠﻲ ﺍﻟﺘﻠﻴﻔﻮﻥ ﻭﺩﻭﻡ ﻧﺘﺨﺎﺑﺮ ﺑﺲ ﻗﻠﻴﻞ ﻳﺠﻲ ﻟﻠﺒﻴﺖ ﻭﻛﻠﻪ ﻣﻦ ﺗﺼﺮﻓﺎﺕ ﻭﺭﺩﻩ ﺗﻀﻞ ﺗﺤﻮﻣﻲ ﻳﻤﻨﻪ ﻟﻮ ﺍﺟﻪ ﻭﻣﺎﻧﻜﺪﺭ ﻧﺤﺠﻲ ﻛﻠﻤﺘﻴﻦ ﻋﻠﻰ ﺑﻌﺾ ﺟﻢ ﻣﺮﻩ ﺟﺮﺑﺖ ﺍﺣﺎﺟﻪ ﻭﺍﻓﺘﻬﻢ ﻟﻴﺶ ﻫﻴﺞ ﺗﺴﻮﻱ ﺗﺎﻛﻠﻨﻲ ﺑﻠﺴﺎﻧﻪ ﻭﺗﻀﻞ ﺗﺤﺠﻲ ﻭﺗﺼﻴﺢ ﺣﺘﻰ ﺍﻣﻲ ﻛﺎﻣﺖ ﺗﻼﺣﺾ ﻭﻛﻞ ﺣﺠﺎﻳﻪ ﻭﺍﻟﺜﺎﻧﻴﻪ ﻭﻛﺎﻟﺖ ﺷﺒﻴﺞ ﻭﻳﺎﻩ ﺍﺧﺘﺞ ﻻﺗﻜﺪﺭﻳﻦ ﺧﺎﻃﺮﻩ ﺍﺧﺎﻑ ﺗﻨﻘﻬﺮ ﻻﻥ ﻣﺎﺟﺖ ﻗﺴﻤﺘﻪ ﻭﺍﻧﻲ ﺍﺳﻜﺖ ﻭﺍﺳﻜﺖ ﻭﻣﺎﺩﺭﻱ ﺇﻟﻰ ﻣﺘﻰ ......
ﺿﺮﺍﺭ ..... ﺻﺮﺕ ﻣﺠﺒﻮﺭ ﺍﺷﺘﻐﻞ ﻭﻳﺎ ﺍﻟﺰﻋﻴﻢ ﺍﺑﻮ ﻣﺎﺟﺪ ﺑﺮﺍﺿﺘﻲ ﻟﻮ ﻏﺼﺒﻦ ﻋﻠﻴﻪ ﻣﺎﻛﺪﺭ ﺍﻏﻴﺮ ﺷﻲ ﻧﺎﺱ ﺍﻧﺎ ﻣﻮﺑﻜﺪﻫﻢ ﻣﺎﻓﻴﺎﺕ ﻭﺣﺘﻰ ﺑﻠﺪﻭﻟﻪ ﻋﺪﻫﻢ ﺳﻨﺪ ﺍﺧﺎﻑ ﺟﻨﺖ ﻣﻔﻜﺮ ﺍﺟﺎﺭﻳﻬﻢ ﻭﻭﻛﻌﻬﻢ ﻫﺴﺔ ﺍﻳﺴﺖ ﻋﺒﻦ ﺑﻜﻞ ﻣﻜﺎﻥ ﺍﻟﻬﻢ ﺿﻬﺮ ﺷﻐﻠﻲ ﻭﻳﺎﻫﻢ ﺣﻤﻞ ﻭﺷﺎﻳﻠﻪ ﻋﻠﻰ ﺿﻬﺮﻱ ﻛﻞ ﻳﻮﻡ ﺍﻛﻮﻝ ﺭﺍﺡ ﻳﻨﺰﺍﺡ ﻟﻮﻫﺴﻪ ﻳﻠﺰﻣﻮﻥ ﺍﻟﻴﻮﻡ ﻳﻨﻜﺸﻔﻮﻥ ﺑﺲ ﺑﻤﺮﻭﺭ ﺍﻻﻳﺎﻡ ﺻﺮﺕ ﺣﺘﻰ ﻋﻠﻰ ﻧﻔﺴﻲ ﺍﺧﺎﻑ ﺭﻭﺱ ﻛﺒﺎﺭ ﻣﺸﺎﻳﻔﻬﻪ ﻳﻨﺠﻤﻌﻮﻥ ﻳﺘﻔﻘﻮﺩ ﻭﻳﺴﻄﻮﻥ ﻋﻠﻰ ﻓﻼﻥ ﻭﺍﻧﻲ ﺑﺲ ﺍﺗﻔﺮﺝ
ﺳﻜﺮ ﻭﻋﺮﺑﺪﻩ ﻭﻧﺴﻮﺍﻥ ﻭﺍﻧﻲ ﻣﻘﻴﺪ ﻻﺣﻮﻝ ﻭﻻ ﻗﻮﻩ ﻛﻞ ﺍﻟﻲ ﺍﺳﻮﻱ ﺍﻭﺻﻞ ﺍﺑﻮ ﻣﺎﺟﺪ ﻭﻳﻦ ﻣﻴﺮﺩ ﻭﺍﻧﻲ ﺳﺎﻛﺖ ﻭﻻﺯﻡ ﻣﺎﺍﺳﺌﻞ ﻭﻳﻦ
ﻓﻠﻮﺱ ﻛﻤﺖ ﺍﺧﺬ ﻣﻨﻬﻢ ﻻﻥ ﻣﻨﻴﻦ ﺃﺟﻴﺐ ﻣﻨﻴﻦ ﺍﻧﻄﻲ ﻟﻬﻠﻲ ﻭﻣﻨﻴﻦ ﺍﺻﺮﻑ ﻋﻠﻰ ﻧﻔﺴﻲ ﺑﺲ ﺍﻟﻜﺎﺭﺗﺎﺕ ﺍﻻﺷﺪﻩ ﺣﺘﻰ ﺍﺧﺎﺑﺮ ﻫﺎﺟﺮ ﺭﺍﻳﺪﻟﻪ ﺭﺍﺗﺐ ﻛﺎﻣﻞ ﺍﺑﻮ ١٠ﺍﺷﺪﻩ ﻣﻨﺎ ﻳﺨﻠﺺ ﻣﻨﺎ ﺻﺮﺕ ﻣﺠﻨﻮﻥ ﺑﻴﻪ
ﻭﻳﻦ ﻃﻠﻌﺘﻲ
ﻭﻳﻦ ﺭﺣﺘﻲ
ﺍﻧﺘﻲ ﻭﻳﻦ
ﻣﻨﻮ ﻳﻤﻜﻢ
ﺷﻜﺎﻙ ﻭﻣﺨﺒﻞ ﻣﺎﺗﻔﺎﻫﻢ ﺍﺑﺪ ﻭﻫﻴﻪ ﺍﺧﺬﺕ ﻋﺒﺮﻩ ﻣﻦ ﺍﻟﺴﻮﻳﺘﻪ ﺑﻴﻬﻪ ﻗﺒﻞ ﻛﺎﻣﺖ ﻣﺘﻘﺎﺭﺷﻨﻲ ﺭﻏﻢ ﺍﻧﻲ ﺍﺩﺭﻱ ﺑﻴﻬﻪ ﻟﺴﺎﻥ ﺑﺲ ﺍﻟﻀﺎﻫﺮ ﺍﻟﺴﻮﻳﺘﻪ ﻭﻳﺎﻩ ﺧﻼﻩ ﻫﻮﺍﻱ ﺗﺠﻨﺒﻨﻲ
ﺍﺑﻮ ﻣﺎﺟﺪ ﺳﻠﻤﻨﻲ ﺍﻟﺴﻴﺎﺭﻩ ﻭﺳﻮﺍﻟﻲ ﺑﻴﻬﻪ ﻭﻛﺎﻟﻪ ﻻﻥ ﺟﻢ ﻧﻮﺑﻪ ﻳﻮﻛﻔﻮﻧﻲ ﺍﻟﺴﻴﻄﺮﺍﺕ ﻭﻳﺤﺎﺳﺒﻮﻧﻲ ﻭﺍﻧﻲ ﻣﺎﻋﻨﺪﻱ ﺷﻲ ﻳﺜﺒﺖ ﺍﻧﻲ ﺳﺎﻳﻖ ﺑﻴﻬﻪ ﻭﻣﻦ ﺻﺎﺭﺕ ﺍﻟﺴﻴﺎﺭﻩ ﺑﻴﺪﻱ ﻛﻤﺖ ﺍﻃﻠﻊ ﺑﻴﻬﻪ ﺑﻜﻴﻔﻲ ﺍﺭﻭﺡ ﻟﻠﻜﻠﻴﻪ ﻣﺠﺮﺩ ﺍﻟﻤﺢ ﻫﺎﺟﺮ ﻭﺭﺍﺟﻊ ﻭﺻﺮﺕ ﻣﻄﻤﺌﻦ ﻣﻦ ﺍﺑﻮ ﻣﺎﺟﺪ ﻣﻴﺮﺍﻗﺒﻨﻲ ﻭﺷﺒﻪ ﺗﺄﻛﺪ ﺍﻧﻲ ﻧﺠﺮﻓﺖ ﻭﻳﺎﻫﻢ..بيج قصص عراقيه حقيقيه من واقعنا.روعه الطائي
ﻭﺻﺎﺭﺕ ﺭﻛﺒﺘﻲ ﺑﺪﻳﻬﻢ ﻭﻣﺎﻛﺪﺭ ﺍﺳﻮﻱ ﺍﻱ ﺷﻲ ﺻﺎﺭ ﻛﻠﺸﻲ ﻋﻠﻨﻲ ﻭﻛﻠﺸﻲ ﻋﺎﺩﻱ ﻭﻛﻠﻤﻪ ﺑﺎﺷﺎ ﻣﺘﻨﺰﻝ ﻣﻦ ﺣﻠﻚ ﺍﻟﻜﻞ ﺑﻠﻤﺰﺭﻋﻪ ﺑﻠﻤﻌﻤﻞ ﺣﺘﻰ ﺍﻧﻲ ﻣﻦ ﻳﺼﻴﺤﻮﻥ ﺑﺎﺷﺎ ﺍﻧﺪﺍﺭ ﻟﻮ ﺍﺟﺎﻭﺏ ﻫﺎﺍﺍ
ﻛﻞ ﻫﺬﺍ ﺑﺠﻔﻪ ﻭﺻﻔﺎﺀ ﺍﻟﻤﺪﻫﻮﺭ ﺑﺠﻔﻪ ﻫﺬﺍ ﺣﺎﻟﻪ ﺣﺎﻝ ﺍﻻﻳﺲ ﻣﻦ ﺣﻴﺎﺗﻪ ﻭﻛﻊ ﺑﺤﻔﺮﻩ ﻏﻤﻴﺠﻪ ﻭﻛﺎﻝ ﺍﻧﺎ ﻋﻠﻴﻤﻦ ﻃﺎﻟﻊ ﺍﺧﻴﺮﻱ ﻣﻴﺖ ﻭﺭﺍﺟﻊ ﺟﻮﻩ ﺣﻔﺮﻩ
ﻛﺎﻡ ﻭﻳﺎﻫﻢ ﻭﻳﺎﻫﻢ ﺑﻜﻠﺸﻲ ﻳﺸﺮﺏ ﻭﻳﻠﻌﺐ ﻗﻤﺎﺭ ﻭﻳﺮﻭﺡ ﻋﻞ ﻧﺴﻮﺍﻥ ﻟﻌﺒﺖ ﻧﻔﺴﻲ ﻣﻨﻪ ﻭﺻﺎﺭﺕ ﺟﻨﻴﺘﻲ ﺑﻲ ﻣﻦ ﻳﺠﻲ ﺳﻜﺮﺍﻥ ﻭﺍﻻﺍﺛﺎﺭ ﻣﺎﻟﻴﻪ ﺭﻛﺒﺘﻪ ﺍﻟﺰﻣﻪ ﺍﺻﻜﻄﻪ ﻣﻴﻮﻋﻪ ﻋﻞ ﻧﻔﺴﻪ ﺗﻌﺒﻨﻲ ﺣﻴﻞ
ﻭﻋﺠﺰﺕ ﻭﺍﻧﺎ ﺍﻧﺼﺤﻪ ﺑﺲ ﻣﻴﻔﻴﺪ ﻳﻮﻡ ﻳﺒﺎﺕ ﻳﻤﻲ ﺑﻠﺒﻴﺖ ﻭﻋﺸﺮﻩ ﺑﻠﻤﺰﺭﻋﻪ ﻭﻳﺎﻫﻢ ﻳﺤﻴﺮ ﺷﻴﺴﻮﻱ ﻭﻫﻤﻪ ﻛﻠﻬﻢ ﻋﻠﻰ ﻫﺬﺍ ﺍﻟﺨﻂ ﺍﻧﺎ ﺍﻟﻮﺣﻴﺪ ﺍﻟﺼﺎﻳﺮ ﺧﺎﺭﺝ ﻗﻮﺱ
ﺍﻟﻴﻮﻡ ﺷﺘﺎﻛﻴﺖ ﻟﻬﻠﻲ ﺻﺎﺭ ﻓﺘﺮﻩ ﻣﺎﺭﺍﻳﺢ ﺑﻠﻐﺖ ﺍﺑﻮ ﻣﺎﺟﺪ ﺑﺮﻭﺣﺘﻲ ﻭﻻﻥ ﻳﺸﻮﻓﻨﻲ ﻣﺎﻟﻲ ﺷﻐﻞ ﺑﻴﻬﻢ ﻭﺳﺎﻛﺖ ﻋﻞ ﻭﺻﺎﺧﺘﻬﻢ ﻫﻮﻩ ﻫﻢ ﻛﺎﻡ ﻳﻐﻠﺲ
ﺍﺧﺬﺕ ﺍﻟﺴﻴﺎﺭﻩ ﻭﺭﺣﺖ ﻟﻬﻠﻲ ﺑﻌﺪ ﻣﺎﺗﺴﻮﻛﺖ ﻭﻣﺎﺧﻠﻴﺖ ﺷﻲ ﻳﻌﺘﺐ ﻋﻠﻴﻪ ﺩﺧﻠﺖ ﻟﻠﺒﻴﺖ ﺳﻠﻤﺖ ﻋﻠﻴﻬﻢ ﻭﺍﻟﺒﻨﺎﺕ ﻛﻴﻔﻦ ﺑﺠﻴﺘﻲ ﺍﻝ ﺍﻣﻲ ﻣﺎﺣﺮﻛﺖ ﺳﺎﻛﻦ ﻭﻣﻠﻜﺎﻫﻪ ﻣﻮ ﻣﺜﻞ ﻛﻞ ﻣﺮﻩ ﻭﺗﺒﺎﻭﻉ ﻋﻞ ﺳﻴﺎﺭﻩ ﺻﻔﺢ ﺍﻋﺮﻑ ﻛﻠﺒﻪ ﻳﻠﻌﺐ ﻭﻣﺎﻣﺮﺗﺎﺣﻪ ﺳﺒﺤﺎﻥ ﺍﻟﻠﻪ ﻛﻠﺐ ﻭﺍﻟﺪﻩ ﺑﺲ ﺍﻧﺎ ﺷﺒﻴﺪﻱ
ﻭﻣﻦ ﺷﻔﺘﻪ ﻫﻴﺞ ﺍﺩﺭﻱ ﺑﻴﻪ ﻣﺮﺍﺡ ﺗﺴﻜﺖ ﺑﺲ ﻧﺰﻟﺖ ﺍﻟﻤﺴﻮﺍﻙ ﻭﺍﻟﻐﺮﺍﺽ ﻛﺘﻠﻬﻢ ﺍﺭﻳﺪ ﺍﺳﺒﺢ ﺟﻨﺖ ﻣﺜﻞ ﺍﻻﺗﻬﺮﺏ ﻣﻨﻪ ﻭﻟﻮ ﻭﻳﻦ ﺍﻛﻮ ﻣﻬﺮﺏ ﻣﻦ ﺭﺟﻮﻩ
ﺩﺧﻠﺖ ﺳﺒﺤﺖ ﻭﻃﻠﻌﺖ ﺑﻄﺮﻙ ﺍﻟﻔﺎﻧﻴﻠﻪ ﻭﺍﻟﺸﻮﺭﺕ ﻭﻣﺎﺷﻮﻑ ﻏﻴﺮ ﺷﻴﻤﺎﺀ ﻛﺒﺎﻟﻲ ﺍﻧﺎ ﻣﺸﺎﻳﻔﻪ ﻣﻦ ﻳﻮﻡ ﺳﻮﺍﻳﺘﻪ ﺍﻟﺮﻋﻨﻪ ﻭﻳﻪ ﻫﺎﺟﺮ ﻭﻫﺴﻪ ﻣﻦ ﺷﻔﺘﻪ ﺿﻠﻴﺖ ﺧﺎﺯﺭﻩ ﺑﺴﺮﻋﻪ ﺧﻠﺖ ﻭﻃﻠﻌﺖ ﺍﻣﻲ ﺗﻌﺎﻳﻦ ﻋﻠﻴﻪ ﻛﺎﻟﺖ
ﺿﺮﺍﺭ ﺷﺒﻴﻚ ﺍﺷﻮ ﻣﺎﺳﺘﺤﻴﺖ ﻣﻦ ﺑﻨﺖ ﻋﻤﻚ ﺷﻠﻮﻥ ﻫﻴﺞ ﺗﻮﻛﻒ ﻛﺒﺎﻟﻪ
ﻳﻤﻪ ﺍﺫﺍ ﻫﻴﻪ ﻣﺎﺗﺴﺘﺤﻲ ﻟﻴﺶ ﺍﻧﺎ ﺍﺳﺘﺤﻲ ﻗﺎﺑﻞ ﺍﻧﻲ ﻣﺮﻩ ﻭﻣﺼﻠﺦ
ﻳﺎﺍ ﺍﻧﺖ ﺷﺒﻴﻚ ﺍﺷﻮ ﺣﺎﻟﻚ ﻣﻜﻠﻮﺏ ﻛﻠﺐ
ﻳﻤﻪ ﻋﻴﻨﻲ ﺷﺒﻴﺞ ﺗﺮﻩ ﺗﻌﺒﺎﻥ ﻭﺭﻭﺣﻲ ﻃﺎﻓﺮﻩ ﺍﺟﻴﺖ ﺍﺭﺗﺎﺡ ﺧﻮﻣﺎ ﺭﺍﺡ ﺩﺧﻠﻴﻨﻲ ﺗﺤﻘﻴﻖ
ﺍﻱ ﺟﺎ ﺍﻧﺎ ﻣﺎﻣﺮﺗﺎﺣﻪ ﻭﻛﻠﺒﻲ ﻻ ﺯﻣﻨﻲ ﺍﻧﺖ ﻭﻳﻦ ﺟﺎﻱ ﺗﺸﺘﻐﻞ ﺷﻮ ﺍﻟﺴﻴﺎﺭﻩ ﺗﻌﺠﺐ ﻭﺍﻟﻤﺤﻔﻀﻪ ﻣﻠﻴﺎﻧﻪ ﻓﻠﻮﺱ ﺷﻨﻲ ﺻﺮﺕ ﺑﻠﺒﺮﻟﻤﺎﻭﻥ ﻭﺍﻧﺎ ﻣﺎﺩﺭﻱ
ﻫﻬﻬﻬﻬﻬﻬﻬﻬﻬﻪ ﻳﻤﻪ ﺭﺣﻤﻪ ﺍﻝ ﺍﻟﻠﻪ ﺍﺳﻤﻪ ﺑﺮﻟﻤﺎﻥ ﺗﺮﻩ ﻭﺍﻟﻠﻪ ﺍﻟﻌﻀﻴﻢ ﺭﺍﺡ ﺍﺩﺧﻠﺞ ﻣﺪﺭﺳﻪ ﺑﺲ ﺣﺘﻰ ﻣﺘﻜﻠﺒﻴﻦ ﻗﺎﻣﻮﺱ ﺍﻟﻠﻐﻪ ﺍﻟﻌﺮﺑﻴﻪ
ﺍﻣﺸﻲ ﻭﻟﻚ ﺍﻧﺎ ﻛﺒﻞ ﻣﺎﺩﺷﻴﺖ ﺑﻴﻬﻪ ﻫﺴﻪ ﻣﻦ ﺗﺎﻟﻲ ﻭﻛﺖ ﺗﺮﻳﺪ ﺗﺨﻠﻴﻨﻲ ﺍﻧﺎ ﻫﺎﻱ ﺣﺠﺎﻳﺎﺗﻲ ﻭﻏﺼﺒﻦ ﻣﺎﻋﻠﻴﻚ ﺗﻔﺘﻬﻤﻬﻦ
ﺻﺪﻙ ﻳﻤﻪ ﺗﺮﻩ ﻭ ﺍﻟﻠﻪ ﺍﻛﻮ ﻗﺒﻞ ﻣﺪﺭﺳﻪ ﺍﻧﺘﻲ ﻟﻴﺶ ﺩﺷﻴﺘﻲ ﺍﻻﻣﻴﻪ
ﻳﺎﺍﺍ ﻏﻴﺮ ﺍﺑﻮﻱ ﻳﺨﻠﻴﻨﻲ ﻭﺭﺩ ﻳﺨﻠﻴﻨﻲ ﻭﺭﺩ ﺗﺎﻟﻲ ﺧﻼﻧﻲ ﺑﻠﻤﻴﻪ ﺭﻛﺪﺕ ﻋﺒﻦ ﺷﻔﺘﻪ ﻛﻠﻪ ﻛﺒﺎﺭ ﻭﺩﺭﺍﺳﺘﻬﻢ ﺳﻬﻠﻪ ﻣﻮ ﻣﺜﻞ ﺍﻟﻤﺪﺭﺳﻪ ﻟﻮ ﻣﺎﺣﻔﻀﺖ ﻳﻌﺎﻗﺒﻮﻧﻲ ﻫﺴﺎﻉ ﻋﻮﻓﻚ ﻣﻨﻲ ﻛﻠﻲ ﻣﻨﻴﻠﻚ ﻛﻞ ﻫﺬﺍ
ﺭﻓﻌﺖ ﺍﻟﻪ ﺣﺎﺟﺒﻲ ﺻﺎﺣﺖ
ﻻﺗﻌﺎﻳﻦ ﻫﻴﺞ ﻋﻠﻴﻪ ﻭﺍﺣﺠﻲ ﺍﻟﺼﻜﺪ
ﻳﻤﻪ ﺍﻧﺘﻲ ﻣﻦ ﻳﻤﺘﻪ ﺗﻔﺘﺤﻴﻦ ﻣﺤﻔﻀﺘﻲ
ﻣﻦ ﻭﺍﻧﺖ ﺻﻐﻴﺮ ﻳﺒﻦ ﺑﻄﻨﻲ ﻣﻦ ﺟﻨﺖ ﺍﺧﻠﻴﻠﻚ ﺟﻢ ﻓﻠﺲ ﻭﺗﺮﺩ ﺗﺮﺟﻌﻬﻢ ﻭﺩﻛﻮﻝ ﺍﻧﺎ ﺭﺟﺎﻝ ﻭﻣﺎﺍﺧﺬ ﻓﻠﻮﺱ ﻣﻦ ﻣﺮﻩ ﺑﺲ ﻫﺴﺎﻉ ﻣﻨﻴﻠﻚ
ﻳﻤﻪ ﻗﺎﺑﻞ ﻣﺎﺧﺬ ﻣﻦ ﻣﺮﻩ ﻏﻴﺮ ﺩﺍﺷﺘﻐﻞ
ﺷﺘﺸﺘﻐﻞ ﻭﻫﻠﻜﺪ ﻋﻨﺪﻙ ﻓﻠﻮﺱ ﺿﺮﻳﺮ ﻻ ﺗﻜﻮﻥ ﺑﻨﺖ ﺑﻐﺪﺍﺩ ﻣﺪﻭﻫﻨﺘﻚ ﻭﻣﻮﺭﻃﻚ
ﻭﺍﻟﺒﻨﻴﻪ ﺷﻌﻠﻴﻬﻪ ﺷﺠﺎﺑﻪ ﻋﻠﻰ ﺑﺎﻟﺞ
ﻣﺎﺩﺭﻱ ﺑﺲ ﺍﻧﺎ ﻣﻦ ﻳﻮﻡ ﺷﻴﻤﺎﺀ ﻛﺸﻔﺘﻚ ﻭﺍﻧﺎ ﺍﻟﻴﻞ ﻛﻠﻪ ﺃﻓﻜﺮ ﺑﻴﻚ ﻭﻫﺴﻪ ﻣﻦ ﺷﻔﺖ ﺍﻟﻔﻠﻮﺱ ﻭﺍﻟﺴﻴﺎﺭﻩ ﻧﻤﻐﺼﺖ ﻭﻋﻀﺎﻣﻲ ﻭﻧﻦ
ﺍﺳﻢ ﺍﻟﻠﻪ ﻋﻠﻴﻚ ﻳﻠﻐﺎﻟﻴﻪ ﻻ ﺗﻔﻜﺮﻳﻦ ﺑﻜﻠﺸﻲ ﻭﺍﻟﺒﺖ ﻣﺎﻟﻪ ﺷﻐﻠﻪ ﻭﻻﻟﻪ ﻏﺮﺽ ﺑﻠﺪﻛﻮﻟﻴﻦ ﻋﻠﻴﻪ ﻭﺍﻟﺪﺷﻮﻓﻲ ﻣﻦ ﺷﻐﻞ ﺍﻟﻤﻌﻤﻞ ﻭﺍﻟﺴﻴﺎﺭﻩ ﻣﻮﻣﺎﻟﺘﻲ ﻣﺎﻝ ﺻﺎﺣﺐ ﺍﻟﻤﻌﻤﻞ ﻭﺍﻧﺎ ﺳﺎﻳﻖ ﻋﻨﺪﻩ ﻫﺎﻫﻴﻪ ﻫﺴﻪ ﻋﺮﻓﺘﻲ ﻛﻠﺸﻲ..بيج قصص عراقيه حقيقيه من واقعنا.روعه الطائي
ﺻﻔﻨﺖ ﺷﻮﻳﻪ ﻭﺭﺩﺕ ﻛﺎﻟﺖ
ﻭﻟﻴﺶ ﺟﻮﻩ ﻋﻴﻮﻧﻚ ﺍﺳﻮﺩ ﺷﻨﻲ ﻣﺎﺗﻨﺎﻡ
ﻻ ﻭﺍﻟﻠﻪ ﺍﻧﺎﻡ ﺑﺲ ﻫﺴﻪ ﻛﺘﻠﺞ ﺗﻌﺒﺎﻥ ﻭﺟﻴﺖ ﺍﺭﺗﺎﺡ
ﺍﻱ ﺟﺎ ﻃﺒﻌﺎ ﺗﺘﻌﺐ ﻫﺴﻪ ﺍﻟﻴﻞ ﻛﻠﻪ ﻣﺨﺎﺑﺮﺍﺕ ﻭﺍﻟﺼﺒﺢ ﺗﺮﻭﺡ ﻟﻠﺸﻐﻞ ﺑﻌﺪ ﻣﻨﻴﻦ ﺗﺮﺗﺎﺡ
ﻫﻬﻬﻪ ﻭﺍﻧﺘﻲ ﺷﻤﺪﺭﻳﺞ ﺍﻧﺎ ﺍﺧﺎﺑﺮ ﺍﻟﻴﻞ ﻛﻠﻪ
ﻣﺒﻴﻨﻪ ﻳﻤﻪ ﻣﺒﻴﻨﻪ ﺍﺫﺍ ﺍﻧﺖ ﺣﺘﻰ ﺑﻠﺤﻤﺎﻡ ﻭﺩﻛﺖ ﻋﻠﻴﻚ ﺣﺎﺟﻴﺘﻪ ﺑﻌﺪ ﺷﻠﻮﻥ ﻣﺘﺤﺎﺟﻴﻪ ﺑﻠﻴﻞ
ﻫﺎﺍ ﻳﻤﻪ ﻫﺎﺍ ﺣﺘﻰ ﺑﻠﺤﻤﺎﻡ ﻣﺸﺘﻐﻠﺘﻨﻲ ﺳﺘﺨﺒﺎﺭﺍﺕ
ﺟﺎ ﺷﻠﻮﻥ ﺍﻧﺎ ﺍﻣﻚ
ﺭﺣﺘﻠﺞ ﻓﺪﻭﻩ ﻭ ﺍﻟﻠﻪ ﻭﺗﺎﺝ ﻭﻋﻠﻰ ﺭﺍﺳﻲ ﺑﺲ ﻳﻤﻪ ﺣﻜﻮﻣﻪ ﻭﺩﻛﺖ ﻋﻠﻴﻪ ﺷﻠﻮﻥ ﻣﺎﺣﺎﺟﻴﻪ ﻟﻮ ﻣﻮﺑﻞ ﺣﺎﻡ ﻻﺯﻡ ﺍﺣﺎﺟﻴﻪ ﻳﻤﻜﻪ ﺷﻴﺨﻠﺼﻨﻲ ﻣﻨﻬﺎ
ﻋﻮﺟﺖ ﺣﻠﻜﻪ ﻭﻫﺰﺕ ﺍﺩﻳﻪ ﻭﺩﻛﻠﻲ
ﺑﻌﺪﻙ ﻳﻤﻪ ﺑﻌﺪﻙ ﻛﻠﺸﻲ ﻣﺎﺷﻔﺖ ﻟﻮ ﺗﺸﻮﻑ ﺷﻠﻮﻥ
ﺑﻮﻭﻭﻭﻭﻳﻪ ﺍﻧﺘﻲ ﺟﺎﻱ ﺗﺸﻮﻗﻴﻨﻲ ﻏﻴﺮ ﻟﻮ ﺍﺷﻮﻑ ﻭﺍﻟﺤﻤﺰﻩ ﺣﺘﻰ ﻣﻦ ﺍﻟﻐﺮﻓﻪ ﻣﺎﻃﻠﻊ
ﻛﻮﻡ ﻣﻦ ﻳﻤﻲ ﻛﻮﻡ ﻣﻮﻛﻠﻚ ﺑﻨﺖ ﺑﻐﺪﺍﺩ ﻣﻄﻠﻌﻪ ﻋﻴﻨﻚ
ﺟﺎ ﺍﻧﺘﻲ ﻣﻨﻴﻦ ﻳﺎﺑﻌﺪ ﻋﻴﻨﻲ ﻣﻮﻣﻦ ﺑﻐﺪﺍﺩ ﻣﻦ ﺭﺣﺖ ﻓﺪﻭﻩ ﻟﺒﻐﺪﺍﺩ ﻭﺍﻫﻠﻪ ﻟﻨﻄﺘﻨﻲ ﻫﻴﺞ ﺍﻡ ﻭﻫﻴﺞ ﺣﺒﻴﺒﻪ
ﻳﻴﻴﻲ ﻭﺍﻧﺎ ﻣﺜﻠﻪ ﻭﺍﻟﻠﻪ ﻟﺘﻌﻞ ﻛﻠﺒﻚ ﺍﻧﺎ ﺿﻴﻢ ﺍﺑﻮﻙ ﺳﻮﺍﻧﻲ ﻣﻨﻌﺪﻛﻢ ﻭﻣﺤﺒﻮﺑﺘﻚ ﻟﻮ ﺟﺒﺘﻪ ﺷﺮﺍﺡ ﻳﺼﺒﺮﻩ
ﺗﺼﺒﺮ ﻳﻤﻪ ﺗﺼﺒﺮ ﻋﻠﻤﻮﺩﻱ ﻛﻠﺸﻲ ﺗﺴﻮﻱ
ﺍﻱ ﻋﻮﺩ ﻧﺸﻮﻑ ﺍﻣﺶ ﺍﻟﺒﺲ ﻻﺗﺘﻤﺮﺽ ﻓﺸﻠﺖ ﺑﻨﺖ ﻋﻤﻚ ﻭﺍﻧﺖ ﺑﻬﺬﺍ ﺷﻠﻚ
ﻭﺍﻟﻠﻪ ﺍﻧﺎ ﺍﺳﺘﺤﻲ ﻭﻫﻴﻪ ﻣﺎﺗﺴﺘﺤﻲ ﻣﺎﺷﻔﺘﻴﻪ ﺷﻠﻮﻥ ﺗﺒﺎﻭﻋﻠﻲ ﻳﻠﻪ ﺍﺭﻭﺡ ﺍﻧﺎﻡ ﻳﻤﻪ ﻻﺩﻛﻌﺪﻭﻧﻲ ﺍﺑﺪ
ﻋﻔﺘﻪ ﻭﺭﺣﺖ ﺍﻟﻐﺮﻓﻪ ﺗﻠﻔﻠﻔﺖ ﻭﻧﻤﺖ ﻟﻴﻮﻥ ﺍﻝ ﻛﻌﺪﺕ ﺍﻟﺒﻴﺖ ﺻﻨﺘﻪ ﻭﻫﺎﺟﺮ ﺩﺍﻛﻪ ﻋﻠﻴﻪ ﺧﺎﺑﺮﺗﻪ ﻛﻠﻤﺘﻴﻦ ﻭﻧﻜﻄﻊ ﺧﻠﺺ ﺍﻟﺮﺻﻴﺪ ﻛﻤﺖ ﺑﺪﻟﺖ ﺑﻠﻜﺖ ﺍﺣﺪ ﻣﻔﺘﺢ ﺣﺘﻰ ﺍﺟﻴﺐ ﻛﺎﺭﺕ ﻭﺍﺟﻲ ﻃﻠﻌﺖ ﺿﻠﻤﻪ ﻫﻨﺪﺱ ﺻﻌﺪﺕ ﺍﻟﺴﻴﺎﺭﻩ ﺷﻐﻠﺘﻪ ﻣﺘﻤﺸﻲ ﻛﺎﻋﺪﻩ ﺑﻠﻜﺎﻉ ﻧﺰﻟﺖ ﻭﺍﻟﻜﻪ ﺍﻟﺘﺎﻳﺮﺍﺕ ﻛﻠﻪ ﻣﺪﺟﺠﻪ ﻭﻣﺸﻜﻜﻪ ﻣﻦ ﺍﻻﺭﺑﻊ ﺟﻬﺎﺕ ﻏﻴﺮ ﺻﺮﺕ ﻧﺎﺭ
ﺿﻠﻴﺖ ﺍﺗﻠﻔﺖ ﻭﺍﺩﻭﺭ ﻣﻨﻮ ﺳﻮﻩ ﻫﻴﺞ ﺳﻤﻌﺖ ﺻﻮﺕ ﺑﺎﺏ ﺍﻟﺪﺍﺧﻠﻲ ﻣﺎﻝ ﺑﻴﺖ ﺍﺑﻮﻱ ﻧﻄﺒﻜﺖ ﺭﻓﻌﺖ ﺭﺍﺳﻲ ﺿﻮﻩ ﺍﻟﻤﻄﺒﺦ ﻃﻔﻪ ﺑﺪﻭﻥ ﺗﺮﺩﺩ ﺭﺣﺖ ﺩﻛﻴﺖ ﺍﻟﺒﺎﺏ ﻋﻠﻴﻬﻢ ﺩﻛﺘﻴﻦ ﻭﻧﻔﺘﺤﺖ ﻃﻠﻊ ﺣﻤﻴﺮ ﻓﺎﺗﺢ ﺗﻚ ﻋﻴﻦ ﻣﺴﻮﻱ ﻧﻔﺴﻪ ﺟﺎﻥ ﻧﺎﻳﻢ ﺑﺎﻭﻋﺖ ﻋﻠﻴﻪ ﻣﻦ ﻓﻮﻙ ﻟﻴﺠﻮﻩ ﻭﺟﺎﻥ ﻳﺰﻣﺦ
ﺷﻜﻮﻭ ﺧﻴﺮﺭ
ﺿﻠﻴﺖ ﺳﺎﻛﺖ ﻭﺍﻗﺮﺍﺀ ﻣﻼﻣﺤﻪ ﺷﻜﻠﻪ ﻣﻮﻣﺎﻝ ﻧﺎﻳﻢ ﺑﺎﻭﻋﺖ ﻋﻠﻴﻪ ﻭﻋﻞ ﺳﻴﺎﺭﻩ ﻭﻫﻮﻩ ﺟﻤﺪ ﺑﺲ ﻳﺒﺎﻭﻉ ﻋﻠﻴﻪ ﺩﻓﻌﺘﻪ ﻭﻣﺸﻴﺖ ﻭﺍﻧﻲ ﺍﺣﺠﻲ
ﻣﺎﻛﻮ ﺷﻲ ﺳﻤﻌﺖ ﺻﻮﺕ ﻳﻢ ﺑﺎﺑﻜﻢ ﻋﺒﺎﻟﻲ ﺍﻛﻮ ﺷﻲ ﻫﺎﻳﻬﻴﻪ ﺳﺪ ﺍﻟﺒﺎﺏ
ﻃﻠﻌﺖ ﻭﻣﺎﺷﻔﺖ ﺭﺩﺕ ﻓﻌﻼ ﺑﺲ ﺗﺎﻛﺪﺕ ﺍﻣﻴﺮ ﺍﻟﺴﻮﻩ ﻫﻴﺞ ﺑﻠﺴﻴﺎﺭﻩ
ﺭﺟﻌﺖ ﻛﻌﺪﺕ ﺑﻴﻬﻪ ﺧﻠﻴﺖ ﺭﺍﺳﻲ ﻋﻞ ﺳﺘﻴﺮﻥ ﻭﺩﺍﺧﻠﻲ ﻳﻐﻠﻲ
ﺷﺸﺸﺴﻮﻳﻠﻪ ﺷﺸﺴﻮﻳﻠﻪ ﺍﺧﺎﻑ ﺍﻧﻲ ﻣﺨﻠﻲ ﻋﻠﻰ ﺻﻔﺤﻪ ﻫﺴﻪ ﺑﺴﻮﺍﻟﻔﻪ ﻫﺎﻱ ﺩﻳﺰﺭﻉ ﻧﻔﺴﻪ ﺑﻨﺺ ﺭﺍﺳﻲ ﺑﺲ ﺷﻠﻮﻥ ﺍﻛﺸﻔﻪ ﻫﻮﻩ ﻗﺎﺑﻞ ﺍﻛﻮﻝ ﻗﺮﻳﺖ ﻣﻼﻣﺤﻪ ﻣﻨﻮ ﻳﺼﺪﻛﻨﻲ..بيج قصص عراقيه حقيقيه من واقعنا.روعه الطائي
ﺿﻠﻴﺖ ﺍﻟﻮﺏ ﻭﻛﻞ ﺷﻮﻳﻪ ﺍﻧﺰﻝ ﺍﺑﺎﻭﻉ ﻋﻞ ﺗﺎﻳﺮﺍﺕ ﺻﺎﻳﺮﺍﺕ ﻛﻠﻚ ﻻﺯﻡ ﺗﺒﺪﻳﻞ ﻣﺎﺑﻴﻪ ﻛﻞ ﻣﺠﺎﻝ ﻫﻢ ﺍﺭﺑﻊ ﺗﺎﻳﺮﺍﺕ ﻳﻌﻨﻲ ﺑﺬﺍﻙ ﺍﻟﺤﺴﺎﺏ ﺍﺍﺍﺍﺥ ﺣﻤﻴﺮ ﺍﺷﺮﺏ ﻣﻦ ﺩﻣﻚ ﻭﻛﻠﺒﻲ ﻣﻴﺒﺮﺩ ﻟﻠﺼﺒﺢ ﺍﻧﻲ ﻛﺎﻋﺪ ﺣﺘﻰ ﻧﻮﻣﺖ ﺍﻟﻤﻐﺮﺏ ﻃﻠﻌﺖ ﺳﻢ ﻭﺯﻗﻨﺒﻮﺕ ﻋﻠﻴﻪ ﻫﺎﺟﺮ ﻣﺎﺧﺎﺑﺮﺗﻪ ﻭﻻﺭﺣﺖ ﺟﺒﺖ ﺭﺻﻴﺪ ﺣﺮﺕ ﺑﻠﻤﺼﻴﺒﻪ ﺍﻟﻌﻨﺪﻱ ﺍﻟﻔﺠﺮ ﺑﺮﺩﺕ ﺣﻴﻞ ﻃﺒﻴﺖ ﺟﻮﻩ ﻣﺎﻧﻤﺖ ﻏﻴﺮ ﺳﺎﻋﺘﻴﻦ ﻳﻤﻜﻦ ﻭﻛﻌﺪﺕ ﺭﺣﺖ ﻋﻞ ﺭﺿﺎ ﺟﺒﺘﻪ ﻭﺍﺟﻪ ﻫﻮﻩ ﻳﻔﺘﻬﻢ ﺑﻬﻴﺞ ﺷﻐﻼﺕ ﻛﺎﻝ
ﺿﺮﺍﺭ ﺻﺪﻙ ﺗﺤﺠﻲ ﺍﻟﺴﻴﺎﺭﻩ ﻣﺪﺟﺠﻪ ﻭﻣﺎﻟﻪ ﺟﺎﺭﻩ ﻏﻴﺮ ﺗﺒﺪﻝ ﺩﺑﻞ ﺍﻟﺘﺎﻳﺮﺍﺕ ﻛﻠﻪ
ﻻﺯﻡ ﻳﻌﻨﻲ
ﺍﻧﺖ ﺷﻮﻑ ﺑﻌﻴﻨﻚ ﻭﻋﻮﻓﻚ ﻣﻦ ﻛﻠﺸﻲ ﺗﺮﻩ ﻫﺎﻱ ﺷﻐﻠﻪ ﻣﺘﻌﻤﺪﻩ ﻣﻨﻮ ﻣﺴﻮﻱ ﻫﻴﺞ ﺑﻴﻬﻪ
ﻫﻮﻩ ﻫﺬﺍ ﺍﻟﺮﺍﺡ ﻳﺨﺒﻠﻨﻲ
ﺍﺷﺮﻟﻲ ﺑﺮﺍﺳﻪ ﺗﺠﺎﻩ ﺑﻴﺖ ﺍﺑﻮﻳﻪ ﻋﺮﻓﺖ ﻗﺼﺪﻩ ﻛﺘﻠﻪ
ﺍﻣﻴﺮ ﻗﺼﺪﻙ ﻣﻮﻭ
ﺍﻱ ﺟﺎ ﻣﻨﻮ ﻏﻴﺮﻩ
ﻭﺍﻧﺎ ﻫﻢ ﺷﺎﻙ ﺑﺲ ﺗﻌﺎﻝ ﻫﺴﻪ ﺍﺣﻄﻪ ﻭﺍﺩﻭﺱ ﺑﻄﻨﻪ ﻳﻄﻠﻌﻠﻲ ﻋﻤﻚ ﻳﺴﻮﻱ ﻧﺒﻲ ﺑﺮﺍﺳﻲ ﻭﻧﺼﻴﺮ ﻫﻨﺎ ﺩﻣﺎﻳﻪ ﺍﻧﻲ ﻭﻳﺎﻩ
ﺟﺎ ﺷﺘﺴﻮﻱ ﺑﺪﻝ ﺗﺎﻳﺮﺍﺕ ﻭﺍﻣﺮﻙ ﻟﻠﻪ ﻭﺑﻌﺪ ﻻﺗﻴﺠﺐ ﺳﻴﺎﺭﻩ ﺍﻟﻌﺎﻟﻢ ﻟﻬﻨﺎ ﻋﻤﻲ ﻫﻨﺎ ﻫﻮﺍﻱ ﻧﺎﺱ ﻣﺎﺗﺤﺒﻠﻚ ﺍﻟﺨﻴﺮ ﻗﺎﺑﻞ ﺍﻧﺎ ﺍﻋﻠﻤﻚ ﻣﻮ ﺍﻧﺖ ﺗﻌﺮﻑ
ﺿﻠﻴﺖ ﺑﺲ ﺍﺣﻤﺲ ﺑﻨﻔﺴﻲ ﻭﺭﺣﺖ ﻋﻞ ﻟﺤﻴﺘﻲ ﺑﺪﻟﺖ ﺗﺎﻳﺮﺍﺕ ﺑﺬﺍﻙ ﺍﻟﺤﺴﺎﺏ ﻭﺣﻠﻔﺖ ﻳﺎﺣﻤﻴﺮ ﺍﻟﻜﻠﺐ ﻓﻼ ﻋﻮﻓﻚ ﻭﺧﻠﻴﺘﻚ ﺑﺮﺍﺳﻲ ﻭﺍﻧﺖ ﺍﻟﺠﻨﻴﺖ ﻋﻠﻰ ﻧﻔﺴﻚ ﻭﻛﺮﺑﺖ ﺣﺴﺎﺑﻚ ﻛﺒﻞ ﻣﻮﻋﺪﻩ ﺍﺟﺘﻲ ﺑﺎﻟﻲ ﻓﻜﺮﻩ ﻭﺗﺮﺑﻊ ﺍﻟﺸﻴﻄﺎﻥ ﻭﻛﻌﺪ ﺑﺮﺍﺳﻲ ﻭﺣﻠﻔﺖ ﺣﻤﻴﺮ ﺍﻟﻜﻠﺐ ﻟﻮ ﺍﻧﻲ ﻟﻮ
ﻫﻮﻩ
.
.
.
.
.
.
ﻳﺘﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤