هبت ريح

بارت48

ﺻﺒﺎﺡ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ
ﺍﻟﺒﺎﺭﺕ ﺍﻟﺜﺎﻣﻦ ﻭﺍﻻﺭﺑﻌﻮﻥ ﻣﻦ
#ﻫﺒﺔ__ﺭﻳﺢ

بقلم رفل الكناني
،،،،،،،،،،،،،،،،،،،،
ﻭﻋُﻤﺮﻱ ﺑﻌﻴﻨَﻴﻚَ ﻳﺰﻫﻮ
ﻓﻌﻴﻨﺎﻙَ ﺃﻫﻠﻲ ﻭﺃﻭﻃﺎﻥُ ﺷﺘّﻰ
ﻭﺇﻧّﻲ ﺃُﺣﺒّﻚ ﺣﺘّﻰ ﻳﻮﺍﺭﻱ
ﻓﺆﺍﺩﻱ ﺍﻟﺘﺮﺍﺏُ ﻭﻣﺎ ﺑﻌﺪَ ﺣﺘّﻰ
ﺭﻏﺪ .. ﺟﻨﺖ ﻣﻨﻬﺎﺭﻩ ﺍﺣﺠﻲ ﻭﺍﺑﺠﻲ ﻣﺨﻠﻴﺖ ﺍﻱ ﺷﻲ ﻣﻦ ﺃﻣﻴﻦ ﻭﺭﺩﻩ ﻭﺍﻟﻄﻌﻦ ﺑﻴﻪ ﺇﻟﻰ ﻫﺬﺍ ﺍﻟﻴﻮﻡ ﺧﺎﻟﺪ ﻓﺎﺗﺢ ﻋﻴﻨﻪ ﻋﻞ ﻭﺳﻬﻦ ﻣﻤﺼﺪﻙ ﻋﺒﺎﻟﻚ ﻗﺎﺑﺾ ﺍﻳﺪﻩ ﻳﻬﺰ ﺑﺮﺍﺳﻪ ﺑﻤﻌﻨﻰ ﻛﻤﻠﻲ ﻭﺍﻧﻲ ﻣﺎﻗﺼﺮﺕ ﻃﻠﻌﺖ ﻛﻠﺸﻲ ﺑﺪﺍﺧﻠﻲ ﻣﺎﺍﻧﻜﺮ ﺟﻨﺖ ﺧﺎﻳﻔﻪ ﻣﻦ ﺭﺩﺕ ﻓﻌﻠﻪ ﺑﺲ ﺭﺩﺕ ﺍﺑﺪﻱ ﻭﻳﺎﻩ ﺻﻔﺤﻪ ﺟﺪﻳﺪﻩ ﻣﺎﺑﻴﻪ ﺩﻏﺶ ﻭﻫﻢ ﺧﺎﻳﻔﻪ ﻳﺠﻲ ﻳﻮﻡ ﻭﻳﺴﻤﻊ ﻣﻦ ﻏﻴﺮﻱ ﻓﻀﻠﺖ ﺍﻟﻜﻼﻡ ﻋﻞ ﺳﻜﻮﺕ ﻭﻣﺎﺟﻨﺖ ﺍﻋﺮﻑ ﺷﻨﻮ ﻋﻮﺍﻗﺒﻪ
ﻻﻛﻦ ﺧﺎﻟﺪ ﺟﺎﻥ ﺍﻧﺴﺎﻥ ﺭﺍﻗﻲ ﺑﻤﻌﻨﻰ ﺍﻟﻜﻠﻤﻪ ﻭﻻﺗﻮﻗﻌﺖ ﻫﻴﺞ ﺭﺩﺕ ﻓﻌﻠﻪ ﻓﺘﺤﻠﻲ ﺣﻀﻨﻪ ﺭﺗﻤﻴﺖ ﺍﺑﺠﻲ ﻭﺍﺷﻬﻚ ﻭﻫﻮﻩ ﻳﺮﺩﺩ
ﺧﻠﺺ ﺍﻧﺴﻲ ﺍﻧﺘﻲ ﺑﻨﺖ ﺍﻟﻴﻮﻡ ﻏﻠﻄﺘﻲ ﺻﺤﻴﺢ ﻭﻫﺬﺍ ﺩﺭﺱ ﻻﺯﻡ ﺗﺘﻌﻠﻤﻴﻦ ﻣﻨﻪ ﻭﺭﺩﻩ ﻫﻢ ﻏﻠﻄﺖ ﻭﺍﻥ ﺷﺎﻟﻠﻪ ﻛﻠﻤﻦ ﺍﺩﺭﻛﺖ ﻏﻠﻄﻪ ﻣﻬﻤﺎ ﻳﻜﻮﻥ ﺗﺒﻘﻰ ﺍﺧﺘﺞ ﻭﺍﺫﺍ ﺗﺤﺒﻴﺒﻨﻲ ﻭﺗﺮﺩﻳﻦ ﺗﺜﺒﺘﻴﻠﻲ ﺍﻧﺘﻲ ﺫﺑﻴﻨﻲ ﻛﻠﺸﻲ ﻭﺭﻩ ﺿﻬﺮﺝ ﺗﺴﺎﻣﺤﻴﻦ ﺍﺧﺘﺞ ﻭﺗﻨﺴﻴﻦ ﻛﻞ ﺍﻟﻤﺎﺿﻲ
ﻏﻤﻀﺖ ﻋﻴﻨﻲ ﻫﺰﻳﺖ ﺭﺍﺳﻲ ﻣﺎﻛﺪ ﺍﺳﺎﻣﺤﻬﺎ ﻋﺼﺐ ﻭﻧﺘﺮ ﺑﻴﻪ
ﻣﻌﻨﺎﻩ ﺍﻧﺘﻲ ﺑﻌﺪﺝ ﺗﺤﺒﻴﻦ ﺃﻣﻴﻦ ﻭﻣﺘﺮﺩﻳﻦ ﺗﺴﺎﻣﺤﻴﻦ ﻭﺭﺩﻩ ﻻﻥ ﺣﺮﻣﺘﺞ ﻣﻨﺎ ﻣﺎﻛﻮ ﺗﻔﺴﺮﻳﺮ ﻏﻴﺮ ﻫﺬﺍ
ﺗﺨﺒﻠﺖ ﻛﻤﺖ ﺍﺑﺠﻲ ﺃﻛﺜﺮ ﻭﺍﺣﻠﻔﻠﻪ ﻭﺍﻟﻠﻪ ﺷﻄﺒﺘﻪ ﻣﻦ ﻛﻞ ﺣﻴﺎﺗﻲ ﺑﺲ ﻭﺭﺩﻩ ﺍﺫﺗﻨﻲ ﻛﻠﻲ
ﻭﺍﻥ ﻛﺎﻥ ﻣﺎﻛﻮ ﺍﻧﺴﺎﻥ ﻣﻌﺼﻮﻡ ﻣﻦ ﺍﻟﻐﻠﻂ ﻭﺍﻧﺘﻮ ﻛﻠﻤﻦ ﺷﺎﻑ ﺣﻴﺎﺗﻪ ﻭﺍﺫﺍ ﻭﺣﺪﻩ ﻣﻨﻜﻢ ﻋﺪﻫﺎ ﺣﻖ ﺭﺏ ﺍﻟﻌﺎﻟﻤﻴﻦ ﻳﻄﻠﻌﻪ ﺗﺮﺣﻴﻦ ﻟﻌﺰﻳﻤﺘﻪ ﻭﺗﻬﺪﻳﻦ ﺍﻟﻨﻔﻮﺱ ﺣﺘﻰ ﻟﻮ ﺍﻟﺨﺎﻃﺮﻱ
ﺳﻜﺘﺖ ﻣﺎﺭﺩﺕ ﺗﻔﻜﻴﺮﻩ ﻳﻜﻮﻥ ﺑﻤﺤﻠﻪ ﻭﻳﻔﺴﺮ ﻛﺮﻫﻲ ﺍﻻﺧﺘﻲ ﻋﻠﻰ ﺣﺴﺎﺏ ﺣﺒﻲ ﺍﻷﻣﻴﻦ ﺟﻬﺰﻧﻪ ﻧﻔﺴﻨﺎ ﻭﺭﺣﻨﺎ ﻟﺒﻴﺖ ﻭﺭﺩﻩ ﻣﻦ ﺷﺎﻓﺘﻨﻲ ﺣﻀﻨﺘﻲ ﺗﺒﺠﻲ ﻣﺎﺣﺠﻴﺖ ﺑﻘﻴﺖ ﻛﺎﻋﺪﻩ ﻳﻢ ﺧﺎﻟﺪ ﻟﺤﺪ ﻣﺎﻧﺘﻬﺖ ﺍﻟﻌﺰﻳﻤﻪ ﻭﺑﺮﻭﺣﺘﻲ ﺳﺘﻨﺘﺠﺖ ﻭﺭﺩﻩ ﺍﺑﺪ ﻣﻤﺮﺗﺎﺣﻪ ﻋﻤﺘﻬﺎ ﺣﺎﻛﻤﺘﻪ ﺑﺤﻴﺚ ﻣﺘﻜﺪﺭ ﺗﺘﻨﻔﺲ ﻭﺭﺟﻠﻬﺎ ﻳﺒﺎﻭﻉ ﻟﺤﻠﻚ ﺍﻣﻪ ﺑﺨﺘﺼﺎﺭ ﺣﻴﺎﺗﻪ ﻣﻌﻔﻮﺳﻪ ﻋﻔﺲ ﺭﺟﻌﻨﺎ ﻭﻋﺸﺖ ﺣﻴﺎﺗﻲ ﻭﻳﺎﻩ ﺧﺎﻟﺪ ﻭﻣﺮﺕ ﺍﻷﻳﺎﻡ ﻛﻤﺖ ﻣﻦ ﻧﺮﻭﺡ ﺍﻷﻫﻠﻲ ﺍﻟﺘﻘﻲ ﺑﻮﺭﺩﻩ ﻋﺎﺩﻱ ﻧﻔﺲ ﺍﻟﺒﺮﻭﺩ ﺑﻴﻨﻪ ﺷﻜﺪ ﺗﺤﺎﻭﻟﺖ ﺗﺘﻘﺮﺏ ﻣﻨﻲ ﻭﺍﻧﻲ ﺍﺑﺘﻌﺪ ﻭﺑﻘﺖ ﻋﻼﻗﺘﻲ ﺑﻴﻬﺎ ﻣﺪ ﻭﺟﺰﺭ ......
ﻫﺎﺟﺮ .. ﺍﻟﻴﻮﻡ ﺣﻨﻪ ﺭﺿﺎ ﺑﻬﻞ ﻓﺘﺮﻩ ﺧﻄﺐ ﻭﻛﻠﻬﺎ ﻭﻛﻔﺘﻠﻪ ﻭﺭﻛﻀﺘﻠﻪ ﺣﺘﻰ ﺍﻣﻲ ﻣﺮﺟﻌﺖ ﻟﺒﻐﺪﺍﺩ ﺑﻘﺖ ﻳﻤﻨﺎ ﻭﻳﻤﻬﻢ ﺟﻨﺖ ﺩﺍﻛﻮﻱ ﺩﺷﺪﺍﺷﻪ ﺿﺮﺍﺭ ﺧﺎﺑﺮﻧﻲ ﺟﺎﻱ ﺑﻄﺮﻳﻖ ﺑﺎﻭﻋﺖ ﻋﻞ ﺳﺎﻋﻪ ﺏ٣ ﻛﻠﻬﺎ ﺭﺍﺣﺖ ﻭﺍﻧﻲ ﻣﺘﻨﻀﺮﺗﻪ ﻧﺮﻭﺡ ﺳﻮﻩ ﻭﺣﺪﻱ ﺑﻠﺒﻴﺖ ﺑﺲ ﻣﻘﺎﻓﻠﻪ ﺍﻟﺒﻮﺏ ﻻﻥ ﻃﺎﺑﻴﻦ ﻃﺎﻟﻌﻴﻦ ﻛﻞ ﺷﻮﻳﻪ ﺟﺎﻳﻦ ﻣﺎﺧﺬﻳﻦ ﺣﺎﺟﻪ
ﺳﻤﻌﺖ ﺻﻮﺕ ﺧﺎﻟﻪ ﻧﻮﺭﻳﻪ ﺫﺑﻴﺖ ﺍﻻﻭﺗﻲ ﻣﻦ ﺍﻳﺪﻱ ﺷﺠﺎﺑﻬﺎ ﺧﺎﻟﻪ ﻭﻫﻴﻪ ﻻﺯﻣﻪ ﺍﻟﻄﺒﺦ ﻃﻠﻌﺖ ﻣﻦ ﺍﻟﻐﺮﻓﻪ ﻟﻜﻴﺘﻪ ﺑﻠﺼﺎﻟﻪ ﻻﺯﻣﻪ ﺷﻴﻤﺎﺀ ﺗﻌﺘﻌﺖ ﺑﻴﻬﺎ ﻭﺷﻴﻤﺎﺀ ﺗﺒﺠﻲ
ﺍﻧﺘﻲ ﻭﺗﺎﻟﻲ ﻭﻳﺎﺝ ﻣﺘﺴﺘﺤﻴﻦ ﺗﺮﺍﺝ ﺯﻭﺗﻴﻪ ﻋﺮﻓﺘﺞ ﺭﺍﺡ ﺗﺠﻴﻦ ﻟﻬﻨﺎ ﻭﺟﻴﺖ ﻭﺭﺍﺝ ﺷﻴﻤﺎﺀ ﺍﻋﻘﻠﻲ ﻭﻋﻠﻲ ﻣﻠﻴﺖ ﻣﻨﺞ ﻭﻣﻦ ﺳﻮﺍﻟﻔﺞ ﺍﺩﺭﻱ ﺍﻧﺘﻲ ﻟﻄﺸﻪ ﺧﻮﻣﺎ ﻟﻄﺸﻪ ﺍﻧﻜﺸﺮﻱ ﻛﺪﺍﻣﻲ ﻟﺒﻴﺘﻜﻢ ﻭﺍﻥ ﺟﻴﺘﻲ ﻟﻬﻨﺎ ﺑﻌﺪ ﻟﻜﻮﻥ ﺑﻨﻔﺴﻲ ﺷﺎﻫﺮﺗﺞ
ﻋﻤﻪ ﻟﻴﺶ ﻫﻴﺞ ﺗﺤﺎﺟﻴﻨﻲ ﺍﻧﻮﺏ ﻃﺮﺩﻳﻨﻲ ﻫﺎﻱ ﺗﺎﻟﻴﺘﻬﺎ ﻭﻳﻦ ﺣﻨﺎﻧﺞ ﻟﻴﺶ ﻫﻴﺞ ﻛﻠﺒﺞ ﺟﺴﻪ ﻋﻠﻴﻨﺎ ﻣﻮﺍﻧﻲ ﺑﻨﺖ ﺍﺧﻮﺝ ﺣﺮﺍﻡ ﻋﻠﻴﺞ ﺗﻜﺴﺮﻳﻦ ﺑﻴﻪ ﻭﺗﻔﺮﻗﻴﻦ ﺑﺤﺒﺞ ﺍﻟﻨﻪ
ﺍﻧﺎ ﻣﺎﻓﺮﻕ ﻛﻠﻜﻢ ﻧﻔﺲ ﺍﻟﻤﻌﺰﻩ ﺑﺲ ﺍﻧﺘﻲ ﻛﺮﻫﺘﻲ ﺭﻭﺣﺞ ﺑﺮﻭﺣﺞ ﺍﺛﻜﻠﻲ ﻳﺎﺑﻨﻴﻪ ﺍﺛﻜﻠﻲ
ﻣﺎﺍﺛﻜﻞ ﻭﺍﻟﻠﻪ ﻣﺎﺍﺛﻜﻞ ﺗﻀﺤﻜﻮﻥ ﻋﻠﻴﻪ ﻭﺍﺍﺍﺍﺍﺍﺍﺳﻜﺖ ﺍﺩﺭﻱ ﻟﻴﺶ ﻫﺎﺍﺍﺍﺍﺍﺍﺍﺟﺮ ﻫﺎﺍﺍﺍﺍﺍﺍﺍﺟﺮ ﻭﺍﻟﻠﻪ ﺍﻟﻴﻮﻡ ﻣﺎﺍﺳﻜﺖ
ﺳﻤﻌﺖ ﺑﺎﺍﺳﻤﻲ ﻣﺪﻳﺖ ﺭﺍﺳﻲ ﺟﻨﺖ ﻭﺍﻛﻔﻪ ﻭﺭﻩ ﺍﻟﺒﺎﺏ ﻭﺍﺳﻤﻊ ﺧﺎﻟﻪ ﻟﺘﻔﺘﺖ ﺷﺎﻓﺘﻲ ﺿﺮﺑﺘﻪ ﻋﻞ ﺟﺘﻔﻪ ﻭﻃﻠﻌﺘﻪ ﺩﻓﻊ ﻭﻫﻴﻪ ﺗﺒﺠﻲ ﺿﻠﻴﺖ ﺑﺲ ﺻﺎﻓﻨﻪ ﺳﺪﺕ ﺍﻟﺒﺎﺏ ﻭﺭﺍﻩ ﺑﺎﻭﻋﺖ ﻋﻠﻴﻪ ﺻﺎﺣﺖ
ﻻﺗﺴﺌﻠﻴﻦ ﻭﺩﻛﻮﻟﻴﻦ ﺷﺒﻴﻬﺎ ﺑﻨﺖ ﺍﺧﻮﻱ ﻣﻮﺍﺩﻣﻴﻪ ﻭﺍﺫﺍ ﺍﺧﻮﻱ ﻣﻤﺮﺑﻴﻬﺎ ﺍﻧﺎ ﺍﺭﺑﻴﻬﺎ
ﺑﻬﺖ ﻟﻮﻧﻲ ﺳﺘﻐﺮﺑﺖ ﻛﻼﻡ ﻋﻤﺘﻲ ﻭﻳﺎﻱ ﺑﻬﺎﻱ ﺍﻟﻄﺮﻳﻘﻪ ﺟﺎﻭﺑﺖ ﺍﻣﺘﻤﺖ
ﺷﺒﻴﺞ ﻋﻤﻪ ﻣﻌﺼﺒﻪ ﺑﻌﺪﻧﻲ ﺍﻧﻲ ﺷﺤﺠﻴﺖ
ﺭﺩﺕ ﺑﻌﺼﺒﻴﻪ
ﺍﻱ ﻣﻮﺟﺎﻱ ﺍﻛﻮﻝ ﺧﺎﻑ ﺗﺴﺌﻠﻴﻦ ﻳﺎﻟﻪ ﺍﻧﺎ ﺭﺍﻳﺤﻪ ﺳﺪﻱ ﺍﻟﺒﺎﺏ ﻭﺭﺍﻱ ﻭﺑﻌﺪ ﻻﺗﻔﺘﺤﻴﻪ ﺻﺪﻙ ﺧﺎﺑﺮﺗﻲ ﺭﺟﻠﺞ
ﺍﻱ ﺧﺎﺑﺮﺗﻪ ﻫﺴﻪ ﻋﻞ ﻭﺻﻮﻝ
ﺟﺎ ﺧﻮﺵ ﺳﺪﻱ ﺍﻟﺒﺎﺏ ﻭﻻﺗﻔﺘﺤﻴﻪ ﺍﻝ ﺍﻟﻪ
ﻃﻠﻌﺖ ﻭﺭﺩﺕ ﺍﻟﺒﺎﺏ ﺑﻘﻴﺖ ﺣﺎﻳﺮﻩ ﺷﺼﺎﻳﺮ ﻭﺷﺒﻴﻪ ﺧﺎﻟﻪ ﻣﻤﺘﺤﻤﻠﻪ ﻛﻠﻤﻪ ﻭﺷﻴﻤﺎﺀ ﻟﻴﺶ ﺗﺒﺠﻲ ﺍﻭﻭﻭﻭﻱ ﻫﺴﻪ ﺍﻧﻲ ﺷﻌﻠﻴﺎ
ﺭﺟﻌﺖ ﻛﻤﻠﺖ ﻛﻮﻱ ﻋﻠﻜﺖ ﺍﻟﺪﺷﺪﺍﺷﻪ ﺣﻀﺮﺕ ﻣﻼﺑﺴﻲ
ﺳﻤﻌﺖ ﺻﻮﺕ ﺳﻴﺎﺭﻩ ﻃﺒﻜﺖ ﻋﺮﻓﺘﻪ ﺿﺮﺍﺭ ﻃﻠﻌﺖ ﺑﺎﻭﻋﺖ ﻣﻦ ﺷﺒﺎﻙ ﺍﻟﻤﻄﺒﺦ ﻓﺘﺢ ﺍﻟﺒﺎﺏ ﺍﻟﺨﺎﺭﺟﻲ ﻓﺎﺕ ﺳﺪﻩ ﻭﺭﺍﻩ ﻃﺐ ﻟﻠﺤﻤﺎﻡ ﺍﻟﺒﺮﻩ ﺧﺘﻠﺖ ﻭﺭﻩ ﺑﺎﺏ ﺍﻟﻤﻄﺒﺦ ﻫﻢ ﺟﺎﻡ ﺑﺲ ﻣﻀﻠﻞ ﻃﻠﻊ ﻭﻛﻒ ﻋﻞ ﻣﻐﺴﻠﻪ ﻏﺴﻞ ﻧﺸﻒ ﻭﺟﻬﺎ ﺑﻠﺨﺎﻭﻟﻲ ﻟﻤﻌﻠﻚ ﺗﻤﺸﻰ ﺑﺘﺠﺎﻩ ﺍﻟﺒﺎﺏ ﺩﻧﻚ ﻧﺰﻉ ﺑﻮﺗﻴﻨﺎ ﺧﻠﻪ ﺭﺍﺳﻪ ﻋﻞ ﺟﺎﻣﻪ ﻳﺸﻮﻑ ﺩﺍﺧﻞ ﺍﻟﺒﻴﺖ ﺻﺮﺕ ﺑﻮﺟﻬﻪ ﺑﺘﺴﻢ ﻭﺩﻙ ﻋﻞ ﺟﺎﻣﻪ ﺑﻄﺎﺭﻑ ﺍﺻﺒﻌﻪ ﻓﺘﺤﺘﻪ ﺍﻟﺒﺎﺏ ﺭﺗﻤﻴﺖ ﺑﺤﻀﻨﻪ ﻋﺼﺮﻧﻲ ﻳﺒﻮﺱ ﺑﻴﻪ ﻭﺍﻧﻲ ﻣﺠﻠﺒﻪ ﺑﻲ
ﻣﻨﻌﻮﻟﻪ ﻭﺍﻛﻔﻪ ﻭﺭﻩ ﺍﻟﺒﺎﺏ
ﺍﻱ ﻣﻦ ﺍﻭﻝ ﻣﺎﺩﺧﻠﺖ
ﻫﻬﻬﻬﻪ ﺷﻨﻮ ﺗﺮﺍﻗﺒﻴﻨﻲ
ﺍﻣﻤﻤﻢ
ﻭﺻﻠﻨﺎ ﻏﺮﻓﺘﻨﻪ ﻛﻌﺪﻧﻪ ﻋﻞ ﺳﺮﻳﺮ ﺍﺧﺬﻟﻪ ﺟﻮﻟﻪ ﺑﻠﺤﻀﻦ ﻭﺍﻟﺒﻮﺱ ﻣﻦ ﺗﻤﺎﺩﻯ ﺑﻌﺪﺗﻪ ﻛﺎﻝ
ﺧﺎﻳﺒﻪ ﺷﺒﻴﺞ ﺗﻮﻧﻲ ﻣﻨﺴﻢ
ﺍﻛﻌﺪ ﺭﺍﺣﻪ ﻛﻮﻡ ﺩﺭﻭﺡ ﻣﻨﺘﻀﺮﻳﻨﻪ ﺑﻠﻌﺮﺱ ﺷﻮﻑ ﺑﻴﺶ ﺍﻟﺸﺎﻋﻪ
ﻛﻞ ﻋﻘﻠﺞ ﺍﺫﺍ ﻣﺎﻋﺮﺱ ﻋﻠﻴﺞ ﻣﺎﺍﺧﺬﺝ ﻭﺍﺭﻭﺡ ﺍﺑﺪ
ﺿﺮﺭﺭﺍﺭ
ﺍﺑﺪ ﻻﺿﺮﺍﺭ ﻭﻻ ﻏﻴﺮﻩ ﻳﻠﻪ ﺻﺒﻴﻠﻲ ﺍﻛﻞ ﻭﺭﺍﻫﻪ ﺍﻧﺎ ﺍﻋﺮﻑ ﺷﻠﻮﻥ ﺍﺗﺼﺮﻑ
ﺍﻭﻙ ﻧﺸﻮﻑ
ﺣﺠﻴﺘﻪ ﻭﻃﻠﻌﺖ ﺭﺣﺖ ﺣﻤﻴﺘﻠﻪ ﺍﻻﺍﻛﻞ ﺍﺟﻪ ﻭﺭﺍﻳﻪ ﻟﻠﻤﻄﺒﺦ ﻓﺘﺢ ﺍﻟﺜﻼﺟﻪ ﺷﺮﺏ ﻣﻲ ﻃﻠﻊ ﺑﻄﻞ ﻟﺒﻦ ﻧﺪﺍﺭﻳﺖ ﺍﺧﻠﻲ ﺍﻟﻤﺎﻋﻮﻥ ﺑﺼﻴﻨﻪ ﺷﻔﺖ ﺷﻴﻤﺎﺀ ﻭﺍﻛﻔﻪ ﺗﺨﻮﺯﺭ ﺑﻴﻨﻪ ﺿﺮﺍﺭ ﺟﺎﻥ ﺻﺎﺩ ﻋﻞ ﺛﻼﺟﻪ ﺫﺑﻴﺖ ﺍﻟﻤﺎﻋﻮﻥ ﺣﻴﻞ ﻟﺘﻔﺖ ﺻﺎﺭﺕ ﺷﻴﻤﺎﺀ ﺑﻮﺟﻬﻪ ﺿﻠﻴﺖ ﺍﺑﺎﻭﻉ ﻋﻠﻴﻬﻢ ﺛﻨﻴﻨﻬﻢ ﻭﺍﻷﻛﺜﺮ ﻋﻞ ﺿﺮﺍﺭ ﺟﺎﻥ ﺑﺲ ﺑﻠﺸﻮﺭﺕ ﻭﺍﻟﻔﺎﻧﻴﻠﻪ ﻭﻫﻴﻪ ﺑﻜﻞ ﻋﻴﻦ ﺻﻠﻔﻪ ﺗﺒﺎﻭﻉ
ﺷﻤﺮ ﺑﻄﻞ ﺍﻟﺒﻦ ﻋﻞ ﻣﻴﺰ ﺣﻴﻞ ﻭﻓﺎﺕ ﻣﻦ ﻳﻤﻬﺎ ﻣﺪﻧﻚ ﻟﻠﻐﺮﻓﻪ ﺭﻓﻌﺖ ﺣﺎﺟﺒﻲ ﺟﺘﻔﺖ ﺍﻳﺪﻱ ﻛﻠﺖ ﺑﺰﻣﺦ
ﺧﻴﺮ ﺷﺮﺍﻳﺪﻩ ﺗﻮﺝ ﻧﻄﺮﺩﺗﻲ
ﺑﺎﻭﻋﺖ ﻋﻠﻴﻪ ﻣﻦ ﻓﻮﻙ ﻟﻴﺠﻮﻩ ﻫﺰﺕ ﺍﻳﺪﻩ ﻛﺎﻟﺖ ﺑﺜﻘﻪ
ﻣﺎﺟﺎﻳﻪ ﻋﻠﻴﺞ ﻓﺴﺘﺎﻥ ﻭﺭﺩﻩ ﺑﺠﻨﻄﺘﻪ ﻭﺭﺩﺕ ﺍﻟﺒﺴﻪ ﻭﺍﺟﻴﺖ ﺍﺧﺬﻩ
ﺷﻠﺖ ﺍﻟﺼﻴﻨﻴﻪ ﻣﺮﻳﺖ ﻣﻦ ﻳﻤﻬﺎ ﺗﻌﺪﻳﺘﻪ ﻭﺩﺧﻠﺖ ﻟﻠﻐﺮﻓﻪ ﺭﻛﻌﺖ ﺍﻟﺒﺎﺏ ﺣﻴﻞ ﺿﺮﺍﺭ ﺩﻳﻜﻠﺐ ﺑﻠﻔﻮﻥ ﺭﻓﻊ ﺭﺍﺳﻪ ﺣﻄﻴﺖ ﺍﻟﺼﻴﻨﻪ ﻭﺍﻧﻲ ﺍﺣﺠﻲ ﻋﻞ ﺷﻴﻤﺎﺀ
ﺿﺮﺍﺭ ﺷﻴﻤﺎﺀ ﺷﻜﺪ ﺻﻠﻔﻪ ﻫﺎﻱ ﻟﺨﺎﻃﺮ ﺍﻟﻠﻪ ﺗﺪﺭﻱ ﻗﺒﻞ ﻣﺘﺠﻲ ﺍﻧﺖ ﺟﺎﻧﺖ ﻣﺘﻌﺎﺭﻛﻪ ﺑﻴﺘﻨﻪ ﻫﻴﻪ ﻭﺧﺎﻟﻪ ﻧﻮﺭﻳﻪ ﻭﺗﺒﺠﻲ ﻛﺎﻟﺒﺘﻪ ﻣﻨﺎﺣﻪ ﻭﺧﺎﻟﻪ ﺩﻓﻌﺘﻪ ﻭﻃﺮﺗﻪ ﻋﺠﻴﺐ ﺷﻠﻮﻥ ﻫﺴﻪ ﺟﺘﻲ
ﻻﺯﻡ ﺍﻟﺨﺎﺷﻮﻛﻪ ﻣﺪﻧﻚ ﻭﺍﻧﻲ ﺍﺣﺠﻲ ﻛﻤﻠﺖ ﺭﻓﻊ ﺭﺃﺳﻪ ﻛﺎﻝ
ﻫﺎﻱ ﺷﻮﻛﺖ ﺍﻟﻴﻮﻡ
ﺍﻱ ﺩﺍﻛﻠﻚ ﻗﺒﻞ ﻻ ﺗﺠﻲ
ﻫﺰ ﺭﺃﺳﻪ ﻳﻤﻨﻪ ﻳﺴﺮﻩ ﻣﺎﻓﻬﻤﺖ ﺷﻘﺼﺪﻩ ﺍﻛﻞ ﺑﺲ ﺑﺎﻟﻪ ﻣﻮﻳﻤﻲ ﺟﻨﺖ ﺍﻛﻠﺐ ﻭﺭﺍﻭﻱ ﺷﻨﻮ ﺭﺍﺡ ﺍﻟﺒﺲ ﻭﻫﻮﻩ ﻭﻻﻋﺒﺎﻟﻚ ﺣﺘﻰ ﻣﺎﺍﻛﻞ ﺑﺲ ﻳﺨﻮﻁ ﺗﺎﻟﻲ ﻋﺎﻑ ﺍﻻﻛﻞ ﻭﻛﺎﻡ ﻏﺴﻞ ﺷﻠﺖ ﺍﻟﺼﻴﻨﻪ ﻭﺟﺒﻠﺘﻪ ﺍﻟﺠﺎﻱ ﻛﺎﻝ ﺑﺪﻟﻲ ﺑﻴﻦ ﻣﺎﺟﻲ ﻭﻃﻠﻊ
ﺳﺘﻐﺮﺑﺖ ﻭﻳﻦ ﺭﺍﺡ ﻭﻧﺴﻰ ﺣﺘﻰ ﺍﻟﻜﺎﻟﻪ ﻗﺒﻞ ﺍﻟﻐﺪﺍ ﺍﻧﻲ ﻫﻢ ﺳﺘﻐﻠﻴﺘﻪ ﻓﺮﺻﻪ ﻻﻥ ﻣﻀﻞ ﻭﻛﺖ ﻛﻤﺖ ﺧﻠﻴﺖ ﻣﻜﻴﺎﺝ ﻭﻟﺒﺴﺖ ﻓﺴﺘﺎﻥ ﻃﻮﻳﻞ ﻣﺨﺼﺮ ﻟﻮﻥ ﻗﻬﻮﺍﺋﻲ ﻏﺎﻣﻎ ﺧﻠﻴﺖ ﺣﻤﺮﻩ ﺑﻠﻮﻧﻪ ﺷﺴﻮﺭﺕ ﺷﻌﺮﻱ ﺭﻓﻌﺘﻪ ﻣﻦ ﻛﺪﺍﻡ ﻭﺍﻟﺒﺎﻗﻲ ﺣﻠﻴﺘﻪ ﺻﺒﻐﺖ ﺍﺿﺎﻓﺮﻱ ﻟﺒﺴﺖ ﺫﻫﺒﻲ ﻭﻟﻮ ﺍﻧﻲ ﻣﺎﺍﺣﺒﻪ ﺑﺲ ﺧﺎﻟﻪ ﺭﺟﺎﺀ ﻭﺻﺘﻨﻲ ﺑﻲ ﻗﺒﻞ ﻻﺗﻄﻠﻊ
ﻛﻤﻠﺖ ﻋﻞ ﺁﺧﺮ ﺩﺧﻞ ﺿﺮﺍﺭ ﺑﺲ ﻣﻮﻋﻞ ﺑﻌﻀﻪ ﺣﺘﻰ ﻣﻦ ﺷﺎﻓﻨﻲ ﺑﻬﻞ ﺷﻜﻞ ﻣﺎﻋﻠﻖ ﻻﺗﺤﺎﺭﺵ ﻛﺎﻝ ﺣﻀﺮﻱ ﻣﻼﺑﺴﻲ ﻛﺘﻠﻪ ﺣﺎﺿﺮﺍﺕ ﻃﻠﻌﺖ ﺍﻟﺪﺷﺪﺍﺷﻪ ﻟﺒﺴﻪ ﻭﻟﻒ ﺍﻟﺠﺮﺍﻭﻳﻪ ﻓﺘﺢ ﺍﻟﻤﻠﺤﻖ ﺟﺎﺏ ﺍﻟﻤﺤﺰﻡ ﻟﺒﺴﻪ ﺃﺧﺬ ﺍﻟﻤﺴﺪﺱ ﻣﻦ ﻋﻞ ﻣﻴﺰ ﺣﻄﻪ ﺑﺠﺮﺍﺑﻪ ﻳﺘﺼﺮﻑ ﺑﺲ ﻣﺘﻀﺎﻳﻖ ﺍﻛﻠﻪ ﺷﺒﻴﻚ ﻳﻜﻠﻲ ﺗﻌﺒﺎﻥ ﻣﻦ ﺍﻟﻄﺮﻳﻖ ﺍﻟﻤﻔﺮﻭﺽ ﺍﻧﺎﻡ ﺑﺲ ﺍﻟﻌﺮﺱ ﺷﻠﻮﻥ ﻭﻋﻴﺐ ﻣﻦ ﺭﺿﺎ
ﻃﻠﻌﻨﻪ ﻣﻦ ﺍﻟﺒﻴﺖ ﺑﻌﺪ ﻣﺎﻟﺒﺴﺖ ﺍﻟﺼﺎﻳﻪ ﻭﺫﺑﻴﺖ ﺍﻟﺸﺎﻝ ﺷﻤﺮ ﻭﺻﻠﻨﻲ ﺿﺮﺍﺭ ﻟﺒﺎﺏ ﻟﻤﻄﺒﺦ ﻭﻃﻠﻊ ﻧﺰﻋﺖ ﺍﻟﺼﺎﻳﻪ ﻭﺍﻟﺸﺎﻝ ﻧﻄﻴﺘﻬﻦ ﺍﻟﺨﺎﻟﻪ ﻧﻮﺭﻳﻪ ﻭﺩﺧﻠﺖ ﺳﻠﻤﺖ ﻛﻌﺪﺕ ﻳﻢ ﺍﻣﻲ ﻭﺧﺎﻟﻪ ﺭﺟﺎﺀ ﻭﻳﺎﻫﻴﻪ ﺍﻟﺠﺎﻳﻪ ﻭﺳﺎﺋﻠﺘﻲ ﻣﺎ ﺻﺎﺭ ﻋﻨﺪﺝ ﺣﻤﻞ؟
ﺣﺴﺴﻮﻧﻲ ﺻﺎﺭ ﺳﻨﻴﻦ ﻣﺘﺰﻭﺟﻪ ﻣﻮﺍﺷﻬﺮ ﺧﻮ ﺧﺎﻟﻪ ﺭﺟﺎﺀ ﻣﻦ ﺗﺮﺩ ﺑﺤﺰﻥ ﺍﻳﺴﺖ ﻣﻦ ﺣﻴﺎﺗﻲ ﻋﺒﺎﻟﻚ ﻋﺎﻗﺮ ﻭﺑﻌﺪ ﻣﻴﺼﻴﺮ ﻋﻨﺪﻱ ﺑﻴﻘﻴﺖ ﻛﺎﻋﺪﻩ ﻭﻣﺎﻧﺪﻣﺠﺖ ﻭﻳﺎﻫﻢ ﺍﺑﺪ ﻋﻘﻠﻴﺘﻲ ﻭﻋﻘﻠﻴﺘﻬﻢ ﻛﻠﻤﻦ ﺷﻜﻞ ﺍﻏﺎﻧﻴﻬﻢ ﻟﺒﺴﻬﻢ ﻛﻠﻪ ﻳﺨﺘﻠﻒ ﻭﺑﻌﺪﻫﻢ ﻳﺒﺎﻭﻋﻠﻲ ﺑﺬﻳﺞ ﺍﻟﻨﻀﺮﻩ ﻫﺎﺟﺮ ﺍﻟﺒﻐﺪﺍﺩﻳﻪ ﺍﻟﺘﺘﻌﻴﻘﻞ ﻃﻨﺸﺘﻬﻢ ﻭﺧﻠﺼﺖ ﺍﻟﺤﻨﻪ ﺻﺎﺭ ﺭﻣﻲ ﺑﺮﻩ ﺍﻟﺒﻨﺎﺕ ﻳﻜﻮﻟﻮﻥ ﻫﺬﺍ ﺭﺟﻠﺞ ﺩﻳﺮﻣﻲ ﺧﺎﻟﻪ ﺭﺟﺎﺀ ﻛﻤﺰﺕ
ﻳﻤﻪ ﺍﺑﻨﻲ ﻟﺘﺮﻭﺡ ﺗﺠﻲ ﺟﻴﻠﻪ ﺑﺎﺍﺣﺪ ﻭﻳﺒﻠﻴﻨﻪ
ﻟﺒﺴﺖ ﺻﺎﻳﺘﻲ ﻭﻃﻠﻌﺖ ﻭﺭﺍﻩ ﺍﻟﻄﻠﻌﻮ ﻣﺎﻛﻮ ﺷﻲ ﻓﺎﺗﻮ ﺧﻮﺍﻟﻲ ﺿﺮﺍﺭ ﻭﻳﺎﻫﻢ ﻭﺭﺿﺎ ﺧﺎﻟﻪ ﺟﻴﺘﺖ ﻋﻠﻴﻪ ﺑﻠﺤﺠﻲ ﻟﻴﺶ ﺗﺮﻣﻲ ﻭﻣﺎﺗﺨﺎﻑ ﻫﺒﻄﺘﻨﻲ ﻫﻮﻩ ﻳﻀﺤﻚ ﻭﻳﻜﻠﻪ
ﻳﻤﻪ ﺷﺒﻴﺞ ﻏﻴﺮ ﻋﺮﺱ ﻭﻣﻮ ﺍﻱ ﻋﺮﺱ ﻫﺬﺍ ﺍﻟﻐﺎﻟﻲ ﻣﻮﺑﺲ ﺍﺭﻣﻴﻠﻪ ﺣﺘﻰ ﻫﻮﺳﺎﺕ ﺍﻫﻮﺳﻠﻪ
ﻃﻠﻌﺖ ﺍﻟﻤﺴﺪﺱ ﻣﻦ ﺍﻟﻤﺤﺰﻡ ﺭﻓﻌﻪ ﺑﻴﺪﻩ ﻳﻬﻮﺱ ﺑﻲ
ﺍﻟﻴﻮﻡ ﺍﺳﻤﻊ ﻃﻚ ﺭﺟﻠﻴﻨﻪ ﺍﻟﻴﻮﻡ ﺑﺎﺑﻚ ﻣﺮﻳﻨﻪ
ﺍﻟﻴﻮﻡ ﺍﺳﻤﻊ ﻃﻚ ﺭﺟﻠﻴﻨﻪ ﺍﻟﻴﻮﻡ ﺑﺎﺑﻚ ﻣﺮﻳﻨﻪ
ﻛﺎﻝ ﺑﺲ ﺑﺪﺍﻳﺘﻪ ﻭﻫﻤﻪ ﺍﺧﺬﻫﻢ ﺍﻟﻮﺍﻫﺲ ﻛﻠﻤﻦ ﺫﺑﻠﻪ ﻫﻮﺳﻪ ﻧﺪﻣﺠﺖ ﻭﻳﺎﻫﻢ ﻛﻠﺶ ﺣﻠﻮﻩ ﻫﻮﺳﺎﺕ ﻣﺎﻣﺎ ﺗﻀﺮﺏ ﺑﺠﺘﻔﻲ ﺩﻛﻠﻲ ﺷﻮﻓﻲ ﺭﺣﻠﺞ ﺳﻮﺍﻟﻬﻢ ﻭﺍﻫﺲ ﺣﺘﻰ ﺍﻧﺘﻲ ﻓﺮﺩﺗﻲ ﻭﺟﻬﺞ ﺿﺤﻜﺖ ﻭﻏﺎﺑﺖ ﺍﻟﻀﺤﻜﻪ ﻣﻦ ﺭﻣﻪ ﻃﻠﻘﺘﻴﻦ ﻭﻫﻮﻩ ﻳﺪﺑﺞ ﺗﺮﺍﺟﻌﺖ ﻟﻴﻮﺭﻩ ﺳﺪﻳﺖ ﺃﺫﻧﻲ ﻛﻠﻮﻟﻪ ﻛﺎﻓﻲ ﻛﺎﻓﻲ ﺣﻠﻔﻮ ﺿﺤﻚ ﺻﺎﺭﺕ ﻋﻴﻨﻪ ﻋﻠﻴﻪ ﺣﻂ ﺍﻟﺴﻼﺡ ﺑﻠﻤﺤﺰﻡ ﻭﺗﻘﺪﻡ ﺑﺘﺠﺎﻫﻲ ﺑﻌﺪﺕ ﺍﻳﺪﻱ ﻣﻦ ﺃﺫﻧﻲ ﺍﺧﺬﻧﻲ ﻋﻞ ﺻﻔﺤﻪ ﻭﺭﻩ ﺍﻟﺪﻧﻜﻪ
ﺷﺒﻴﻪ ﺍﻻﻣﻴﺮﻩ ﻣﺎﻟﺘﻲ ﻻﺑﺪﻩ ﻭﺻﺎﻣﻪ ﺍﺫﻧﻪ
ﺧﺰﺭﺗﻪ .. ﺿﺮﺍﺭ ﺟﻔﻠﺘﻨﻲ ﻣﻦ ﺭﻣﻴﺖ ﻭﺍﻟﻠﻪ ﺟﻨﺖ ﺷﻠﻮﻥ ﻣﻨﺪﻣﺠﻪ ﻭﺍﺻﻔﻚ
ﺟﺒﺎﻧﻪ ﻣﻮﺍﻛﻠﺞ ﺣﺘﻰ ﺑﻬﺎﻱ ﺧﺎﻳﺒﻪ ﻛﻮﻱ ﻛﻠﺒﺞ ﺷﺒﻴﺞ ﻛﻞ ﻣﺎﺷﻔﺘﻲ ﺍﻟﺴﻼﺡ ﻧﺮﻋﺒﺘﻲ
ﻣﻌﻠﻴﻪ ﻣﺎﺍﺣﺒﻪ ﻣﻮﺑﻴﺪﻱ
ﺩﻳﻠﻪ ﺍﻣﺸﻴﻨﻪ ﻟﻠﺒﻴﺖ ﻭﻫﻨﺎﻙ ﺍﻋﻠﻤﺞ ﺷﺘﺤﺒﻴﻦ
ﻣﻤﻤﻤﻢ ﺍﺧﺎﻑ ﻣﺜﻞ ﺍﻟﻀﻬﺮ ﺗﻜﻠﺐ ﻋﻠﻴﻪ
ﺍﻓﺎ ﻋﻠﻴﺞ ﺍﻧﺎ ﺿﺮﺍﺭ ﺍﻛﻠﺐ ﺑﻜﻼﻣﻲ ﻭﺳﻔﻪ ﻭﺍﻟﻠﻪ ﻓﺪ ﺍﺿﻬﺮ ﺳﺘﺨﻄﻴﺘﺞ ﻛﻠﺖ ﻭﺭﺍﺝ ﻋﺮﺱ ﻣﺎﺭﺩﺕ ﺍﻋﻄﻠﺞ
ﺩﻣﺸﻲ ﺍﻣﺸﻲ .. ﺳﺤﺒﺘﻪ ﺍﻳﺪﻱ ﺑﻴﺪﻩ ﻃﻠﻌﻨﻪ ﻣﻦ ﻭﺭﻩ ﺍﻟﺪﻧﻜﻪ ﺍﻟﺠﻨﻪ ﻭﺭﺍﻩ ﺻﺎﺭﺕ ﺑﻮﺟﻬﻨﻪ ﺷﻴﻤﺎﺀ ﻏﻤﻀﺖ ﻭﺳﺘﻐﻔﺮﺕ ﺻﺎﻛﻪ ﻋﻞ ﺳﻨﻮﻧﻲ ﺍﺩﺭﻱ ﺟﻨﻴﻪ ﻣﻨﻴﻦ ﻣﺎﺍﺟﻲ ﺗﻄﻠﻊ ﺑﻮﺟﻬﻲ ﺿﺮﺍﺭ ﺣﻚ ﻟﺤﻴﺘﻪ ﻋﺎﻭﺝ ﺣﻠﻜﻪ ﻫﻴﻪ ﺑﺎﻭﻋﺘﻠﻨﻪ ﻭﻃﻠﻌﺖ ﻣﻦ ﺍﻟﺒﻴﺖ ﻭﺍﻫﻠﻪ ﻭﺭﺍﻩ ﻃﻠﻌﻮ
ﺍﺣﻨﺎ ﻫﻢ ﺩﺧﻠﻨﻪ ﺟﻮﻩ ﻛﻌﺪ ﺿﺮﺍﺭ ﺑﺼﻒ ﺧﺎﻟﻪ ﺭﺟﺎﺀ ﻭﺍﻧﻲ ﺑﺼﻔﻪ ﻛﻠﻪ
ﻳﻤﻪ ﻳﻠﻪ ﻣﺎﺩﻛﻮﻣﻴﻦ
ﺟﺎﻧﺖ ﻣﺪﺩﻩ ﻛﻌﺪﺕ ﻟﺤﻴﻠﻪ ﻟﻔﺖ ﺷﻴﻠﺘﻪ ﻛﻠﺘﻠﻪ
ﺷﺘﺴﻮﻱ ﺑﻴﻪ ﺧﻠﻴﻨﻲ ﺑﺎﻳﺘﻪ ﻫﻨﺎ ﻋﻞ ﻭﺍﻫﺲ ﻋﻤﺎﺗﻚ ﺍﺧﺬ ﻣﺮﺗﻚ ﻭﺭﻭﺡ
ﻫﺎﺍﺍ ﻳﻤﻪ ﺍﻟﻴﻮﻡ ﺑﻴﺎﺗﻪ ﻳﻌﻨﻲ ﺳﻬﺮﻩ ﻟﻠﺼﺒﺢ ﺩﺍﻡ ﺑﻴﻬﺎ ﺍﻟﺴﺎﻟﻔﻪ ﻋﻤﺎﺗﻲ
ﺍﻱ ﺷﺘﺮﺩﻭﻥ ﻣﻨﺎ ﺷﻌﺪﻧﻪ ﺧﻠﻨﻪ ﻧﺘﻌﻠﻞ ﻭﻫﺬﺍ ﺍﻟﺒﺤﺰﺍﻣﻚ ﻟﻤﺼﺨﻢ ﺭﺍﺡ ﺗﻤﻮﺗﻨﻲ ﺑﻲ ﻣﺎﺩﻛﻠﻲ ﻣﻨﻴﻠﻚ ﻛﻞ ﻧﻮﺑﻪ ﻭﺍﻟﺜﺎﻧﻴﻪ ﻣﻄﻠﻌﻪ ﻭﺧﺎﻣﻂ ﻛﻠﺒﻲ
ﺣﺠﺘﻬﺎ ﻭﻣﺪﺕ ﺍﻳﺪﻩ ﺗﺠﺮﺟﺮ ﺑﻴﻪ ﺧﻠﻪ ﺍﺩﻳﻪ ﻋﻠﻴﺎ ﻛﻠﻬﺎ
ﻳﻤﻪ ﺷﺴﺎﻟﻔﺘﺠﻦ ﺍﻧﺘﻲ ﻫﺒﻄﻲ ﺟﻨﺘﺞ ﺍﻟﻤﺎﻳﻌﻪ ﺳﺎﺩﻩ ﺍﺫﺍﻧﻪ ﻫﻨﺎ ﻛﻠﻬﻦ ﺟﻢ ﻃﻠﻘﻪ
ﺧﺎﻳﺐ ﻭﺍﻟﺠﻢ ﻃﻠﻘﻪ ﻳﻤﻮﺗﻦ ﺍﻭﺍﺩﻡ ﻭﻟﻮ ﻭﻛﻌﻦ ﺑﺮﺃﺱ ﺍﺣﺪ ﻳﺴﻮﻥ ﻣﺼﻴﺒﻪ ﺍﺭﻛﺪ ﻭﻻﺗﻀﻞ ﺷﺎﻳﻠﻪ ﻭﺑﺪﺍﻝ ﻫﺎﻱ ﺍﻟﻄﻠﻘﺎﺕ ﺍﺭﻣﻲ ﻃﻠﻘﻠﺘﻚ ﺍﻟﺼﺤﻴﺤﺎﺕ ﺑﻬﻞ ﻋﻴﻨﺘﻴﻦ ﺣﺘﻰ ﺗﺠﻴﺒﻠﻨﻪ ﻓﺮﻳﺦ ﻳﻤﻠﻲ ﻋﻠﻴﻨﻪ ﺍﻟﺒﻴﺖ
ﻓﺘﺢ ﻋﻴﻮﻧﻪ ﺑﺎﻭﻉ ﻳﻤﻨﻪ ﻳﺴﺮﻩ ﺻﺪ ﻋﻠﻴﻬﺎ
ﻳﻤﻪ ﺧﺮﺏ ﺷﻨﻮ ﻫﺬﺍ ﺍﻟﺤﺠﻲ ﻭﺍﻟﻜﻌﺒﻪ ﻧﻔﻀﺤﻨﻪ ﻃﻠﻘﺎﺗﻚ ﺷﻨﻮ
ﺟﺎ ﻣﺠﺬﺑﻪ ﺷﻮ ﺗﺮﻣﻴﻪ ﻭﺗﻄﻠﻊ ﺗﺴﺒﺢ ﻭﺍﻟﻴﻞ ﻛﻠﻪ ﻣﺎﺗﺨﻠﻮﻧﻪ ﺍﻧﺎﻡ ﻃﺎﺑﻴﻦ ﻃﺎﻟﻌﻴﻦ ﻭﻟﻴﻬﺴﻪ ﻛﻠﺸﻲ ﻣﺎﺷﻔﻨﻪ ﺷﻨﻲ ﻣﺎ ﺗﻌﺮﻑ ﺗﺼﻮﺏ ﻣﺪﺭﻱ ﻫﻴﻪ ﻣﺎﺗﺨﻠﻴﻚ
ﺿﺤﻚ ﻛﻞ ﻗﻮﺗﻪ ﻏﺺ ﻭﺧﺘﻨﻚ ﻭﺟﻬﺎ ﺻﺎﺭ ﺍﺣﻤﺮ ﺍﻟﻜﺎﻋﺪﺍﺕ ﻟﻴﻐﺎﺩ ﻛﻠﻪ ﺗﺒﺎﻭﻉ ﻋﻠﻴﻪ ﻭﺍﻧﻲ ﻣﺪﻧﻜﻪ ﺿﺎﻣﻪ ﺍﻟﻀﺤﻜﻪ ﺧﺎﻟﻪ ﺩﻙ ﻋﻞ ﺿﻬﺮﻩ ﻭﻣﺎﺗﺴﻜﺖ
ﺧﺎﻳﺐ ﺷﺠﺎﻙ ﻋﻤﻲ ﺑﻄﻠﻨﻪ ﻻﺗﺮﻣﻲ ﺑﻌﺪ ﺣﺘﻰ ﻃﻠﻘﺎﺗﻚ ﺿﻤﻬﻦ ﻳﻤﻌﻮﺩ ﻻ ﺗﻤﻮﺕ ﻭﻟﻚ ﺍﺳﻜﺖ ﺑﻄﻠﺖ ﻣﺎﺍﺣﺠﻲ
ﻛﺎﻡ ﻳﻤﺴﺢ ﺑﻮﺟﻬﺎ ﻭﺟﺘﺎﻓﻪ ﺗﻬﺘﺰ ﻣﻦ ﺣﺮﻛﺎﺗﻪ ﻭﻫﻴﻪ ﺗﺴﻮﻱ ﺣﺮﻛﺎﺕ ﺑﻮﺟﻬﻪ ﻣﻦ ﺗﺤﺠﻲ ﻣﺪﻟﻲ ﺍﻳﺪﻩ
ﻛﻮﻣﻲ ﺑﻮﻳﻪ ﻛﻮﻣﻲ ﺭﺟﻮﻩ ﺭﺍﺡ ﺩﻛﻮﻡ ﺗﺤﺠﻲ ﺑﻠﻘﻠﻢ ﺍﻟﻌﺮﻳﺾ
ﻛﻤﺖ ﻭﻳﺎﻩ ﺳﻠﻢ ﻭﻃﻠﻌﻨﺎ
ﻋﺰﻩ ﺿﺮﺍﺭ ﻫﺎﻱ ﺷﻨﻮ ﺧﺎﻟﻪ ﻳﺎﺑﻪ ﻏﻴﺮ ﻣﺘﺖ
ﻭﻟﺞ ﻫﻤﺰﻳﻦ ﻃﻠﻌﻨﻪ ﻟﻮﺑﺎﻗﻴﻦ ﺩﻗﺎﻳﻖ ﺟﺎﻥ ﻛﺎﻣﺖ ﺗﺤﺠﻲ ﻓﺸﻚ
ﺗﻤﺸﻴﻨﻪ ﻟﺒﻴﺘﻨﻪ ﻧﻀﺤﻚ ﺩﺧﻠﻨﻪ ﻣﺎﻛﻮ ﺍﺣﺪ ﻛﻠﻪ ﺑﺎﺗﺖ ﻫﻨﺎﻙ ﺿﺮﺍﺭ ﺫﺏ ﺩﺷﺪﺍﺷﺘﻪ ﻭﺭﺍﺡ ﻟﻠﺤﻤﺎﻡ ﺑﺪﻟﺖ ﻣﻼﺑﺴﻲ ﺑﺴﻴﺖ ﺍﺳﻮﺩ ﺣﻠﻴﺖ ﺷﻌﺮﻱ ﻃﻮﺧﺖ ﺣﻤﺮﺗﻲ ﻃﻔﻴﺖ ﺍﻻﺿﻮﻳﻪ ﺷﻐﻠﺖ ﺑﺲ ﺍﻟﺘﻴﺒﻼﻡ ﺻﺎﺭﺕ ﺍﺿﺎﺀ ﺧﺎﻓﺘﻪ ﺗﻤﺪﺩﺕ ﻭﺗﻐﻄﻴﺖ ﺷﻮﻳﻪ ﻭﺩﺧﻞ ﻣﺎﺷﻐﻞ ﺍﻟﻀﻮﻩ ﻋﺒﺎﻟﻪ ﻧﺎﻳﻤﻪ ﺍﺟﻪ ﻛﺒﻞ ﻓﺘﺢ ﺍﻟﺒﻄﺎﻧﻴﻪ ﻭﻣﺪﺩ ﻋﻞ ﺿﻬﺮﻩ ﺭﻓﻊ ﺭﺃﺳﻪ ﻳﺴﺘﻨﺸﻖ ﺍﻟﻌﻄﺮ ﻏﻤﺾ ﺛﻮﺍﻧﻲ ﺻﺪ ﻋﻠﻴﻪ ﺧﻠﻪ ﺍﻳﺪﻩ ﺟﻮﻩ ﺭﺍﺳﻪ ﺑﺘﺴﻢ ﻧﺺ ﺑﺘﺴﺎﻣﻪ ﺭﻓﻌﺘﻠﻪ ﺣﺎﺟﺒﻲ
ﺷﺒﻴﻚ
ﻳﻌﻨﻲ ﻣﺎﺗﺪﺭﻳﻦ؟
ﻻ
ﺧﺎﻳﺒﻪ ﻣﺎﺗﺨﺎﻓﻴﻦ ﻋﻞ ﻧﻔﺴﺞ ﻫﻴﺞ ﻣﺴﻮﻳﻪ ﺑﺮﻭﺣﺞ
ﻟﻴﺶ
ﺷﻨﻮ ﻟﻴﺶ ﺭﺟﺎﻝ ﺍﺑﻮﻳﻪ ﻣﺸﻌﻮﻝ ﺻﺎﺭ ﺳﺒﻮﻉ ﻋﺎﻳﻔﺞ ﻭﻫﺴﻪ ﺍﻧﺘﻲ ﻛﺒﺎﻟﻲ ﺑﻬﺬﺍ ﺷﻜﻠﺞ ﻣﺎﺩﻛﻴﻠﻲ ﻣﻨﻴﻦ ﺍﺑﺪﻱ ﺑﻠﻘﺮﺍﻥ ﺍﺧﺎﻑ ﻋﻠﻴﺞ ﻟﻮ ﻟﺰﻣﺘﺞ ﻫﺴﻪ ﺍﻓﺮﻍ ﻧﺎﺭ ﻛﻠﺒﻲ ﻛﻠﻪ ﺑﻴﺞ ﻭﻣﺎﺣﺲ ﻋﻞ ﺭﻭﺣﻲ
ﻣﻤﻤﻢ ﻣﺘﻮﺣﺶ
ﺑﻮﻳﻪ ﻣﻮﻓﺪ ﻣﺘﻮﺣﺶ ﻣﺘﻮﺣﺶ ﻭﻣﺘﻮﻟﻊ ﻭﺍﺻﻞ ﻣﺮﺣﻠﻪ ﺍﻟﻴﻮﻡ ﻣﺎﺧﻠﻴﺞ ﺩﻛﺪﺭﻳﻦ ﺩﻛﻮﻣﻴﻦ
ﻫﻬﻬﻬﻬﻬﻬﻬﻬﻪ
ﺍﻧﻮﺏ ﺗﻀﺤﻚ ﻭﻣﺤﺪ ﺑﻠﺒﻴﺖ ﺍﻟﻴﻮﻡ ﻟﺨﻠﻲ ﺻﻮﺕ ﻭﻧﻴﻨﺞ ﻳﺮﺝ ﺍﻟﺒﻴﺖ ﺷﻮ ﺗﻌﺎﻱ
ﺟﺮﻧﻲ ﻋﻠﻴﺎ ﺍﻧﻔﺎﺳﻨﻪ ﺗﻼﻗﺖ ﻭﻛﻞ ﻋﺎﺩﻩ ﻫﻮﻩ ﺍﻗﻮﻩ ﻣﻨﻲ ﺣﺘﻰ ﺑﻠﺤﻀﻪ ﺿﻌﻔﻪ ﻳﺒﻘﻰ ﻣﺴﻴﻄﺮ ﻭﺍﻧﻲ ﺍﻻﺫﻭﺏ ﻭﺍﻧﺘﻬﻲ ﺑﺤﻴﺚ ﺍﻓﺼﻞ ﺗﻤﺎﻣﺎ ﻭﻣﺎﺣﺲ ﺑﺠﺴﻤﻲ ﺑﻌﺪ ﻳﺘﺨﺒﻞ ﺃﻛﺜﺮ ﻫﻤﺴﺎﺗﻪ ﺑﺬﻧﻲ ﻭﻟﻤﺴﺎﺗﻪ ﻋﻞ ﺟﺴﻤﻲ ﺗﺸﺮﺡ ﺷﻮﻙ ﻭﻟﻬﻔﻪ ﺃﻳﺎﻡ ﻛﺎﺗﻢ ﺑﻴﻬﺎ ﺷﺘﻴﺎﻗﻨﻪ ﻭﺣﺎﺟﺘﻪ ﻭﺻﻮﺕ ﺍﻧﻴﻨﻲ ﻳﻔﻘﺪﻩ ﻭﻳﺎﺧﺬﻧﻪ ﻟﻐﻴﺮ ﻋﺎﻟﻢ
ﺳﻬﺮﻧﻪ ﻟﻮﻗﺖ ﻣﺘﺎﺧﺮ ﻭﺑﻌﺪﻩ ﻛﻌﺪﻧﻪ ﺣﺠﺎﻟﻲ ﻋﻞ ﺷﻐﻠﻪ ﺻﺮﺕ ﺍﺳﺌﻞ ﻋﻞ ﺍﺩﻕ ﺍﻟﺘﻔﺎﺻﻴﻞ ﻭﻛﻞ ﺷﻮﻳﻪ ﺍﻛﻠﻪ ﺷﻮﻛﺖ ﺗﻌﻮﻓﻬﻢ ﻳﻜﻠﻲ ﻣﺎﺿﻞ ﺷﻲ ﻛﺮﺑﺖ ﺍﺧﻠﺺ ﻣﻨﻬﻢ ﺧﻔﺖ ﺣﻴﻞ ﻭﻛﻠﺒﻲ ﻭﺟﻌﻨﻲ ﻣﺎﻋﺮﻑ ﺷﺮﺍﺡ ﻳﺼﻴﺮ ﻭﺷﻤﻨﺘﻀﺮﻧﻪ ﻣﻌﻘﻮﻟﻪ ﻫﻴﺞ ﻋﺼﺎﺑﻪ ﻭﻫﻴﺞ ﻣﺎﻓﻴﻪ ﺿﺮﺍﺭ ﻳﻜﺪﺭ ﻳﺘﺨﻠﺺ ﻣﻨﻬﻢ ﺑﻬﻞ ﺳﻬﻮﻟﻪ
ﺣﺸﻜﺖ ﺭﺍﺳﻲ ﺑﺼﺪﺭﻩ ﻣﺒﺮﻃﻤﻪ ﺍﺭﻳﺪ ﻳﺠﻲ ﻫﺬﺍ ﺍﻟﻴﻮﻡ ﻭﻧﺨﻠﺺ ﻣﻦ ﻫﺬﺍ ﺍﻟﻜﺎﺑﻮﺱ ﻭﺑﻨﻔﺲ ﺍﻟﻮﻗﺖ ﺧﺎﻳﻔﻪ ﺍﻳﺪﻩ ﺗﻤﺴﺪ ﻋﻞ ﺷﻌﺮﻱ ﻳﺒﻮﺱ ﺑﺮﺍﺳﻲ ﻳﻄﻤﻨﻲ ﻭﻳﺮﺩﺩ ﺍﻟﻠﻪ ﺍﻟﺤﺎﻓﻆ ﺍﻟﻠﻪ ﺍﻟﺤﺎﻓﻆ ﻧﻤﺖ ﻭﺍﻳﺪﻱ ﻣﺠﻠﺒﻪ ﺑﻴﺪﻩ ﺗﺘﺮﻗﺐ ﺍﻻﻳﺎﻡ ﺍﻟﺠﺎﻳﻪ ﻭﺗﺪﻋﻲ ﺗﻤﺮ ﻋﻞ ﺧﻴﺮ
ﻟﺜﺎﻧﻲ ﻳﻮﻡ ﺟﺎﻥ ﻳﻮﻡ ﺍﻟﻌﺮﺱ ﻛﻌﺪﻧﻪ ﻭﻗﺖ ﺍﻟﻀﻬﺮ ﺣﻴﻞ ﻋﻞ ﺻﻮﺕ ﻓﻮﻧﻪ ﺗﺼﻞ ﻋﻠﻴﻪ ﺭﺿﺎ ﻛﺎﻡ ﻣﺨﺒﻮﺹ ﺧﺠﻼﻥ ﺷﻠﻮﻥ ﺍﺧﺬﺗﻪ ﺍﻟﻨﻮﻣﻪ ﺳﺒﺢ ﻭﻟﺒﺲ ﺗﺮﺍﻙ ﻭﺍﻛﻒ ﺩﻳﻤﺸﻂ ﺣﻀﻨﺘﻪ ﻣﻦ ﺿﻬﺮﻩ
ﺣﺒﻴﺒﻲ ﻭﻳﻦ ﺩﺍﺳﻮﻱ ﺭﻳﻮﻙ
ﺭﻳﻮﻛﻴﺶ ﻳﺎﺑﻌﺪ ﺣﺒﻴﺒﺞ ﺍﻟﺴﺎﻋﻪ ﻗﺮﻳﺐ ﺍﻟﻮﺣﺪﻩ ﻭﻟﻮﻟﺪ ﺟﺎﻱ ﻳﺼﺒﻮﺏ ﻏﺪﻩ ﺷﻜﺪ ﻓﺸﻠﻪ ﻣﻦ ﺭﺿﺎ ﻏﻴﺮ ﺍﻭﻛﻔﻠﻪ ﺑﻬﻴﺞ ﻳﻮﻡ ﻭﺍﻧﺎ ﻣﻜﻀﻴﻬﺎ ﻣﺒﻄﻨﺶ ﺑﺤﻀﻨﺢ ﻭﺗﺎﺭﻙ ﺍﻟﻮﺍﺩﻡ
ﻫﻬﻬﻬﻬﻪ ﺷﺴﻮﻳﻠﻚ ﺍﺫﺍ ﺍﻧﺖ ﻧﺎﻳﻢ ﻭﺟﻬﻪ ﺍﻟﺼﺒﺢ ﺷﻠﻮﻥ ﺗﻜﻌﺪ ﻣﻦ ﻭﻛﺖ
ﺑﻮﻳﻪ ﻏﻴﺮ ﻣﻦ ﻭﺭﺍﺝ ﺳﻮﺩﻧﺘﻴﻨﻲ ﺍﻟﺒﺎﺭﺣﻪ ﺧﻠﻴﺘﻴﻨﻲ ﺩﺭﺑﻲ ﻣﺎﻧﺪﻟﻪ ﺍﻟﻒ ﻣﺮﻩ ﻛﺎﻳﻠﺞ ﻻﺗﻤﻮﻋﻴﻦ ﺟﻮﺍﻱ ﺗﻮﺭﻳﻨﻲ ﻭﺍﻧﺘﻲ ﺗﻌﺎﻧﺪﻳﻦ
ﺑﺘﻌﺪﺕ ﻣﺒﺮﻃﻤﻪ .. ﺩﺭﻭﺡ ﻣﻮﺻﻮﺟﻚ ﺻﻮﺟﻲ ﺍﺷﻮﻑ ﺍﻟﻴﻮﻡ ﺑﻠﻴﻞ ﻭﻳﻦ ﺗﺮﻭﺡ
ﺑﺤﺮﻛﻪ ﻭﺣﺪﻩ ﻟﺰﻣﻨﻲ ﻣﻦ ﻣﻌﺼﻤﻲ ﺩﺍﺭﻧﻲ ﻋﻠﻴﻪ ﻟﺘﻄﻤﺖ ﺑﺼﺪﺭﻩ ﺭﻓﻊ ﺭﺍﺳﻲ ﻣﻦ ﺣﻨﻜﻲ ﺩﻧﻚ ﺑﺎﺳﻨﻲ ﻣﻦ ﻧﺤﺮﻱ ﺑﻮﺳﻪ ﺣﺴﻴﺖ ﺑﻠﻌﻮﻣﻲ ﻧﻜﻄﻊ ﻧﺼﻴﻦ ﻛﻤﺖ ﺍﻫﺰ ﺑﺮﺍﺳﻲ ﺑﺘﻌﺪ ﻟﻢ ﺷﻔﺘﻪ ﻟﺪﺍﺧﻞ ﺣﻠﻜﻪ ﻋﻴﻮﻧﻪ ﺫﺑﻼﻧﻪ ﺭﺗﺠﻴﺖ ﻋﻞ ﻣﻴﺰ ﻣﺪﻧﻜﻪ ﺍﻓﺮﻙ ﻣﻜﺎﻥ ﺍﻟﺒﻮﺳﻪ ﻧﺪﺭﻳﺖ ﻋﻠﻴﻪ ﺧﺰﺭﺗﻪ ﺭﻓﻊ ﺣﻮﺟﺒﻪ ﺭﻛﺼﻬﻦ ﻭﻳﻜﻠﻲ
ﺍﻣﻮﺕ ﻋﻠﻴﺞ
ﺗﻐﻴﺮﺕ ﻣﻼﻣﺤﻲ ﺗﻘﺮﺏ ﻟﺰﻣﻨﻲ ﻣﻦ ﺧﺼﺮﻱ ﻳﺒﺎﻭﻋﻠﻲ ﺑﻮﻛﺎﺣﻪ ﻳﻌﺪﻝ ﺑﺸﺎﺭﺑﻪ ﺑﻴﺪﻩ
ﺗﻬﺪﺩﻳﻨﻲ ﺑﻠﻴﻞ ﻭﻳﻦ ﺍﺭﻭﺡ ﻣﻮﻭ؟
ﻭﻭﺧﺮ ﺍﺫﻳﺘﻨﻲ
ﺿﺠﺘﻲ ﺗﻌﺎﻱ ﺍﺭﺿﻴﺞ ﻣﺎﺩﺍﻡ ﻫﻴﺞ
ﺳﺤﺒﻨﻲ ﺑﺘﺠﺎﻩ ﺍﻟﺴﺮﻳﺮ ﻛﻤﺖ ﺍﺻﻴﺢ
ﻻ ﻻ ﻭﺍﻟﻠﻪ ﺗﺮﺍﺟﻌﺖ ﺑﻜﻼﻣﻲ ﻭﻟﻠﻪ ﺗﺮﺍﺟﻌﺖ
ﻫﺪﻧﻲ ﻳﻀﺤﻚ ﺑﻤﻜﺮ ﻧﺪﺍﺭ ﻣﻦ ﻧﺎﺣﻴﻪ ﺍﻟﺴﺮﻳﺮ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺷﺎﻝ ﺟﻜﺎﻳﺮﻩ ﻭﻓﻮﻧﻪ ﻭﺻﻞ ﻟﻠﺒﺎﺏ ﺻﺤﺖ
ﺗﻌﺎﻝ ﻭﻳﻦ ﻋﺎﻳﻔﻨﻲ
ﺗﺮﺩﻳﻦ ﺗﺠﻴﻦ
ﺍﻱ ﻟﻌﺪ ﺷﻌﻨﺪﻱ ﺑﺎﻗﻴﻪ ﻭﺣﺪﻱ
ﺑﻮﻳﻪ ﺭﺍﺡ ﺗﻌﻄﻠﻴﻨﻲ ﺭﺍﻳﺪﻟﺞ ﺳﺎﻋﺘﻪ ﺍﻝ ﺗﻜﻤﻠﻴﻦ ﺭﺍﺡ ﺍﺭﻭﺡ ﺍﺷﻮﻑ ﺷﻜﻮ ﻣﺎﻛﻮ ﻭﺍﻧﺘﻲ ﺑﺪﻟﻲ ﻭﻛﻤﻠﻲ ﺑﺮﺍﺣﺘﺞ ﻳﻤﺘﻪ ﻣﺎﻛﻤﻠﺘﻲ ﺧﺎﺑﺮﻳﻨﻲ ﺍﺟﻴﺞ
ﺍﻭﻙ
ﺧﺰﺭﻧﻲ
ﺷﺒﻴﻚ
ﺧﺎﻳﺒﻪ ﺍﻝ ﺍﻭﻙ ﻣﺎﻟﺘﺞ ﺗﺠﻴﺐ ﺍﻟﺘﺎﻳﻬﻪ ﺷﻠﻮﻥ ﺑﻴﻪ ﺍﻟﻴﻮﻡ ﻣﺎﺭﻭﻭﻭﺡ
ﺩﺭﻭﺡ ﻋﺎﺩ
ﻫﺰ ﺭﺃﺳﻪ ﻣﺒﺘﺴﻢ ﺳﺪ ﺍﻟﺒﺎﺏ ﻭﻃﻠﻊ ﺭﺗﺒﺖ ﺍﻟﻐﺮﻓﻪ ﻃﻠﻌﺖ ﻣﻼﺑﺴﻨﻪ ﻏﺴﻠﺘﻬﻦ ﺳﺒﺤﺖ ﺑﺪﻟﺖ ﺑﻔﺴﺘﺎﻥ ﻃﻮﻳﻞ ﻳﺼﻴﺮ ﺩﺍﺧﻠﻪ ﺑﻨﻄﺮﻭﻥ ﻭﺑﻲ ﺗﻼﺙ ﻓﺘﺤﺎﺕ ﻣﻦ ﺍﻟﻨﺺ ﻭﺍﻟﺠﻮﺍﻧﺐ ﺭﺗﺒﺖ ﻭﺟﻬﻲ ﺩﻛﻴﺖ ﻋﻠﻴﺎ ﻣﻐﻠﻖ ﺷﻨﻮ ﺍﻟﺴﺎﻟﻔﻪ ﻗﺒﻞ ﺷﻮﻳﻪ ﻣﻮ ﺧﺎﺑﺮﻭ ﻋﻠﻴﺎ ؟
ﺿﻠﻴﺖ ﺍﻓﺘﺮ ﺑﻠﺒﻴﺖ ﺁﺧﺮ ﺷﻲ ﺩﻛﻴﺖ ﻋﻞ ﻣﺎﻣﺎ ﺳﺌﻠﺘﻪ ﻛﺎﻟﺖ ﻣﺎﺩﺭﻱ ﺍﻟﺰﻟﻢ ﺑﻠﺴﺘﻘﺒﺎﻝ ﺩﻳﺠﻬﺰﻭﻟﻬﻢ ﺍﻟﻐﺪﺍ ﻭﺻﺎﻳﺮﻩ ﻫﻮﺳﻪ ﻭﻳﻦ ﺍﻟﻜﻪ ﺭﺟﻠﺞ ﺭﺍﺡ ﺍﺟﻲ ﺍﻧﻲ ﺍﺧﺬﺝ ﻛﺘﻠﻪ ﻣﻨﺘﻀﺮﺗﺞ ﻟﻔﻴﺖ ﺷﺎﻟﻲ ﺷﻠﺖ ﺟﻨﻄﻲ ﻗﻔﻠﺖ ﺍﻟﺒﻴﺖ ﺩﻗﺎﻳﻖ ﻭﺍﺟﺘﻲ ﺍﻣﻲ ﻃﻠﻌﻨﺎ ﺍﻧﻲ ﻭﻳﺎﻩ ﻭﺻﻠﻨﺎ ﺍﻟﺒﻴﺖ ﺻﺪﻙ ﻫﻮﺳﻪ ﻫﻤﻪ ﺳﻮﻭ ﻣﺜﻠﻨﻪ ﻧﻬﻮ ﺍﻟﺤﻔﻠﻪ ﺍﻟﺒﺎﺭﺣﻪ ﺑﻠﺤﻨﻪ ﺍﻟﻴﻮﻡ ﺑﺲ ﻏﺪﻩ ﻭﻳﺠﻴﺐ ﻋﺮﻭﺳﺘﻪ ﻛﻮﻣﻪ ﺳﻴﺎﺭﺍﺕ ﻭﻧﺎﺱ ﺑﺎﻟﺒﺎﺏ ﻓﺘﺖ ﻣﺪﻧﻜﻪ ﻟﻠﻤﻄﺒﺦ ﺳﻠﻤﺖ ﻋﻞ ﻛﻞ ﺍﻟﺒﻨﺎﺕ ﺩﻳﺜﺮﺩﻭﻥ ﺑﻠﺼﻴﺎﻧﻲ ﺭﺣﺖ ﺳﻠﻤﺖ ﻋﻞ ﺧﺎﻟﻪ ﺭﺟﺎﺀ ﺳﺌﻠﺘﻨﻲ ﻋﻞ ﺿﺮﺍﺭ ﺳﺘﻐﺮﺑﺖ ﻣﺠﺎﻱ ﻣﺴﻠﻢ ﻋﻠﻴﻬﺎ ﻛﺘﻠﻪ ﺧﺎﻑ ﺳﺘﺤﻰ ﻣﻦ ﺍﻟﻨﺴﻮﺍﻥ ﻟﻮ ﻟﺘﻬﻰ ﺑﻠﻐﺪﺍ
ﻧﺸﻐﻞ ﺑﺎﻟﻲ ﻭﻋﻴﻮﻧﻲ ﺩﻭﺭ ﻋﻠﻴﻪ ﺧﺎﻟﻪ ﻧﻮﺭﻳﻪ ﻣﺨﺒﻮﺻﻪ ﺗﻘﺴﻢ ﺑﻠﺤﻢ ﻭﺧﺎﻟﻮ ﻛﺮﻳﻢ ﻭﺍﻛﻒ ﻋﻞ ﺭﺍﺳﻬﻪ ﻳﻮﺟﻬﻪ ﺫﻭﻟﻪ ﻛﻞ ﺍﻟﻮﻟﺪ ﻣﻮﺟﻮﺩﻳﻦ ﺍﺩﺭﻱ ﺿﺮﺍﺭ ﻭﻳﻦ ﺍﻟﺸﻴﻄﺎﻥ ﻟﻌﺐ ﺑﻘﻠﻲ ﻛﻤﺖ ﺍﺩﻭﺭ ﻋﻞ ﺷﻴﻤﺎﺀ ﻣﺎﻛﻮ ﻋﻴﻮﻧﻲ ﻧﻄﻦبيج قصص عراقيه حقيقيه من واقعنا.روعه الطائي
ﺑﺴﻼ ﺿﺮﺍﺭ ﺑﻴﺖ ﺧﺎﻟﻮ ﺭﺷﺪﻱ ﻭﻫﺎﻱ ﺍﻟﺒﻮﻣﻪ ﻫﻨﺎﻙ ﻣﺠﺮﺩ ﻫﻴﺞ ﻓﻜﺮﺕ ﻧﺎﺭ ﻭﺷﺘﻌﻠﺖ ﺑﻴﻪ ﺑﺪﻭﻥ ﺗﻔﻜﻴﺮ ﺑﺎﻱ ﺷﻲ ﻫﻤﻴﺖ ﻭﻃﻠﻌﺖ ﻟﺒﻴﺖ ﺧﺎﻟﻮ ﺭﺷﺪﻱ ﻫﻮﻩ ﺑﺼﻔﻬﻢ ﺑﻌﺪ ﻛﻢ ﺑﻴﺖ ﻭﻻﻭﻝ ﻣﺮﻩ ﺍﻃﻠﻊ ﻭﺣﺪﻱ ﻻﻓﻜﺮﺕ ﺍﺣﺪ ﻳﺸﻮﻓﻨﻲ ﻟﻮ ﺿﺮﺍﺭ ﺷﻨﻮ ﺭﺩﺕ ﻓﻌﻠﻪ
ﺑﺎﺑﻬﻢ ﻣﻔﺘﻮﺡ ﻓﺘﺖ ﺟﻔﺖ ﻭﺻﻠﺖ ﺍﻟﺤﻮﺵ ﻛﺪﺍﻡ ﺑﺎﺏ ﺍﻟﺼﺎﻟﻪ ﺳﻤﻌﺖ ﺻﻮﺕ ﺿﺮﺍﺭ ﻭﺧﺎﻟﻮ ﺭﺷﺪﻱ ﻳﻤﻪ ﻳﻜﻠﻪ
ﺭﻭﺡ ﺑﻮﻳﻪ ﺭﻭﺡ ﻋﻮﻓﻨﻲ ﺍﻧﺎ ﺣﻠﻔﺖ ﻣﺎﻓﻮﺕ ﺑﻴﺘﻪ ﺑﻌﺪ
ﻭﺿﺮﺍﺭ ﻳﺮﺩﻩ
ﺍﻓﺎ ﻋﻠﻴﻚ ﻋﻤﻲ ﺗﺰﻋﻞ ﻣﻦ ﻋﻤﻲ ﻛﺮﻳﻢ ﻟﻮﻣﺎ ﺗﻌﺮﻓﻪ ﻋﺼﺒﻲ ﻭﻛﻠﻨﺎ ﻧﺘﺤﻤﻠﻪ ﻣﻦ ﻳﻬﻴﺞ ﺷﻤﺎﻟﻚ ﻛﺒﺮﺗﻪ
ﺿﺮﺍﺭ ﺍﻧﺎ ﻣﻮﺟﻬﺎﻝ ﻣﺎﻳﺤﺸﻤﻨﻲ ﻋﺎﺯﻡ ﻛﻞ ﺍﻟﺪﻳﺮﻩ ﻭﻏﺪﺍ ﻳﻔﺸﻞ ﺟﺎ ﻋﻠﻴﻤﻦ ﻣﺴﻮﻱ ﻋﺮﺱ ﺧﻮ ﻳﻔﻀﻬﺎ ﻣﻦ ﻟﻴﻠﻴﻪ ﺍﻟﺒﺎﺭﺣﻪ ﻟﺰﻭﻡ ﻳﺨﻠﻲ ﺍﻟﻌﺎﻟﻢ ﺗﺤﺠﻲ ﺑﻴﻨﻪ
ﻋﻤﻲ ﺍﻧﺎ ﺣﻠﻴﺘﻬﺎ ﺣﺼﺖ ﺍﻟﻨﺴﻮﺍﻥ ﻣﻦ ﺍﻟﻠﺤﻢ ﻧﺪﺍﺭﺕ ﻛﻠﻪ ﻟﻠﺰﻡ ﻭﺟﻬﺘﻬﻢ ﻳﺴﻠﻜﻮﻥ ﻟﺤﻢ ﺟﺪﻳﺪ ﺑﻴﻦ ﻣﺎﻳﻐﺪﻭﻥ ﺍﻟﺰﻟﻢ ﻳﻜﻮﻥ ﺻﺎﻳﺮ ﻭﻳﻐﺪﻭﻥ ﺍﻟﻨﺴﻮﺍﻥ ﻫﺴﻪ ﻋﻠﻴﻤﻦ ﺍﻧﺖ ﻣﺘﻜﺪﺭ ﻛﺘﻠﻚ ﺍﻧﺤﻠﺖ ﻭﻫﻮﻩ ﺑﻨﻔﺴﻪ ﺩﺯﻧﻲ ﻋﻠﻴﻚ ﻛﺎﻝ ﺍﺫﺍ ﻣﺎﺍﺟﻪ ﻓﻼ ﺍﺻﺐ ﺍﻟﻐﺪﺍ
ﺭﻭﺡ ﺍﻧﺎ ﺍﺻﻠﻲ ﻭﺍﺟﻲ
ﺍﺑﺪ ﻭﺍﻟﻠﻪ ﺭﺟﻠﻲ ﻋﻞ ﺭﺟﻠﻚ ﺍﻧﺘﻀﺮﻙ ﺗﺼﻠﻲ ﻭﻧﻄﻠﻊ ﺳﻮﻩ
ﺻﺎﺭ ﻫﺪﻭﺀ ﻋﻀﻴﺖ ﺍﺻﺒﻌﻲ ﺍﻧﻲ ﺷﺴﻮﻳﺖ ﺛﺎﺭﻱ ﺍﻛﻮ ﻣﺸﻜﻠﻪ ﺑﻴﻦ ﺧﻮﺍﻟﻲ ﻭﺟﺎﻱ ﻳﺤﻠﻪ ﺍﻧﻲ ﻭﻳﻦ ﻋﻘﻠﻲ ﺷﻄﺢ ﻋﻞ ﺷﻴﻤﺎﺀ ﺧﻞ ﺍﺭﺟﻊ ﻗﺒﻞ ﻻﻳﺤﺲ ﺳﺎﻋﺘﻪ ﻳﺴﻮﻳﻨﻲ ﻟﺤﻢ ﻳﻐﺪﻱ ﺑﻲ ﻛﻞ ﺍﻟﻌﺮﺱ
ﺭﺟﻌﺖ ﺍﺗﻠﻔﺖ ﻫﺴﻪ ﺍﻝ ﺣﺴﻴﺖ ﺑﺤﺠﻢ ﺍﻟﻐﻠﻂ ﺍﻟﺴﻮﻳﺘﻪ ﻟﻮ ﺷﺎﻳﻔﻨﻲ ﺷﻜﻮﻝ ﺑﻠﻪ ﻭﺻﻠﺖ ﺍﻟﺒﻴﺖ ﺣﻠﻜﻲ ﻳﺎﺑﺲ ﻭﺍﺩﻳﻪ ﻣﺜﻠﺠﻪ ﻛﻌﺪﺕ ﻋﻞ ﻛﺮﺳﻲ ﺑﻠﻤﻄﺒﺦ ﻓﻠﻴﺖ ﺷﺎﻟﻲ ﺍﺟﺮ ﺍﻟﻨﻔﺲ ﺧﻼﺗﻲ ﻣﺘﻜﻮﻣﺎﺕ ﻋﻞ ﻃﺒﺎﺥ ﻭﺣﺪﻩ ﺗﺬﺏ ﺑﺠﺪﺭ ﺍﻟﻠﺤﻢ ﺧﻮﺍﺷﻴﻚ ﻭﺣﺪﻩ ﺻﻮﺩﻩ ﻭﺍﻟﻨﺎﺭ ﻧﺎﺱ ﺗﻌﻠﻲ ﻭﻧﺎﺱ ﺗﻨﺼﻲ ﻓﺎﺕ ﺿﺮﺍﺭ ﺻﺎﺡ
ﺑﻮﻳﻪ ﻟﻴﺶ ﻣﻜﺸﻔﺎﺗﻪ ﺷﻠﻮﻥ ﺭﺍﺡ ﻳﺴﺘﻮﻱ
ﺯﻫﺮﻩ .. ﺑﻌﺪ ﻋﻤﺘﻚ ﺷﻄﻠﻌﺘﻠﻨﻪ ﻣﻦ ﺳﺎﻟﻔﻪ ﺻﻔﺢ ﻣﺎﺩﻛﻠﻲ ﺷﺮﺍﺡ ﻳﺴﺘﻮﻯ ﺟﺎﻥ ﺻﺒﻴﻨﻪ ﻫﻮﻩ ﻏﺪﻩ ﻭﻓﺎﻳﺖ
ﻋﻤﻪ ﺻﺪﻙ ﺗﺤﺠﻴﻦ ﺍﺧﻮﺗﺞ ﺭﺍﺩﻭ ﻛﺒﻞ ﺷﻮﻳﻪ ﻳﺘﺬﺍﺑﺤﻮﻥ ﻣﻦ ﻭﺭﻩ ﻫﻞ ﻏﺪﻩ ﻭﻓﺎﻳﺖ ﻭﻛﻮﻩ ﻗﻨﻌﺖ ﻋﻤﻲ ﺭﺷﺪﻱ ﻭﺟﺒﺘﻪ
ﻳﺒﻮﻭﻭ ﻓﺪﻭﻩ ﻟﻄﻮﻟﻚ ﻳﻌﻨﻲ ﺭﺍﺿﻴﺘﻪ ﻭﺟﺒﺘﻪ
ﺍﻱ ﺟﺒﺘﻪ ﻓﺪ ﻻﺗﻀﻠﻦ ﺗﻌﻴﺪﺍ ﻭﺗﺰﻳﺪﺍ ﺑﻬﻞ ﺳﺎﻟﻔﻪ ﺳﺘﻮﻥ ﻏﺪﺍﺟﻦ ﻭﺧﻠﻨﻪ ﻧﻔﻀﻬﺎ ﻋﻞ ﺧﻴﺮ
ﺣﺠﺎﻩ ﻭﻧﺪﺍﺭ ﺩﻳﻄﻠﻊ ﺷﺎﻓﻨﻲ ﺑﺰﺍﻭﻳﻪ ﺍﻟﻤﻄﺒﺦ ﻓﺘﺢ ﻋﻴﻨﻪ ﺗﻤﺸﻰ ﻟﻴﻤﻲ
ﻣﺮﺗﻲ ﻫﺎﻱ ﺷﺠﺎﺑﺞ ﺗﻮﻧﻲ ﺭﺩﺕ ﺍﺟﻲ ﻋﻠﻴﺞ
ﺗﺎﺧﺮﺕ ﺩﻛﻴﺖ ﻋﻠﻴﻚ ﻣﻐﻠﻖ ﺧﺎﺑﺮﺕ ﻣﺎﻣﺎ ﺍﺟﺘﻲ ﺟﺎﺑﺘﻨﻲ
ﺗﻠﻤﺲ ﺟﻴﻮﺑﻪ ﻃﻠﻊ ﻓﻮﻧﻪ ﺭﻓﻊ ﺣﺎﺟﺒﻪ
ﻣﻔﺘﻮﺡ
ﻭﺍﻟﻠﻪ ﻣﻐﻠﻖ ﻣﻦ ﺩﻛﻴﺖ
ﺍﺟﻨﻪ ﺍﺷﻌﺎﺭﺍﺕ ﺭﺳﺎﺋﻞ ﻛﺎﻝ
ﺻﺪﻙ ﻫﺎﻱ ﺣﺘﻤﺎﻝ ﺷﺒﻜﻪ ﺿﻌﻴﻔﻪ ﻳﻄﻠﻊ ﻋﻨﺪﺝ ﻣﻐﻠﻖ ﻫﺎﻱ ﺭﺳﺎﻳﻞ ﺩﺍﻛﻪ ﻋﻠﻴﺎ
ﻃﻔﺎﺀ ﺧﻼﻩ ﺑﺠﻴﺒﻪ ﻛﻠﻲ ﻓﻮﺗﻲ ﺟﻮﻩ ﺭﺍﺡ ﻳﺼﺒﻮﻥ ﻳﻀﻠﻮﻥ ﺍﻟﻮﻟﺪ ﻓﺎﻳﺘﻴﻦ ﻃﺎﻟﻌﻴﻦ ﻫﺰﻳﺖ ﺭﺍﺳﻲ ﺍﻱ ﻭﺩﺧﻠﺖ ﻛﻌﺪﺕ ﻋﻞ ﺩﺭﺝ ﺑﺪﻭﺍ ﻳﺼﺒﻮﻥ ﻭﺑﺎﻟﻲ ﻛﻠﻪ ﻳﻢ ﺷﻴﻤﺎﺀ ﻭﻳﻨﻬﺎ ﻟﻴﺶ ﺍﻟﻴﻮﻡ ﻣﺎﻛﻮ ﻣﺎﺭﻳﺪ ﺍﺳﺌﻞ ﺍﺣﺪ ﻛﻠﻬﻦ ﻳﻌﻮﺩﻟﻬﺎ ﺧﺎﻑ ﻳﻜﻠﻠﻬﺎ ﺳﺌﻠﺖ ﻋﻠﻴﺞ ﻳﻜﺒﺮﻥ ﺭﺍﺳﻪ
ﻛﻤﻠﻮ ﻣﻦ ﺍﻟﺰﻟﻢ ﻛﺎﻣﻮ ﻳﺤﻀﺮﻭﻥ ﻟﻠﻨﺴﻮﺍﻥ ﺍﺑﻦ ﺿﺤﻰ ﺑﺤﻀﻨﻲ ﺍﻟﻠﻌﺐ ﺑﻲ ﻣﺪﻧﻜﻪ ﺍﻛﺮﻛﺮ ﺑﻲ ﻭﺍﺷﺎﻭﺭﻩ ﻭﻫﻮﻩ ﻳﻜﺮﻛﺮ ﺭﻓﻌﺖ ﺭﺍﺳﻲ ﺷﻴﻤﺎﺀ ﻛﺒﺎﻟﻲ ﻭﺍﻛﻔﻪ ﻣﺘﺨﻮﺻﺮﻩ ﻭﻃﻦ ﻣﻜﻴﺎﺝ ﻋﻞ ﻭﺟﻬﻪ ﻻﺑﺴﻪ ﻓﺴﺘﺎﻥ ﺍﺻﻔﺮ ﻭﻫﻴﻪ ﺳﻤﺮﻩ ﺍﻧﻲ ﺟﻨﺖ ﺍﺿﺤﻚ ﻭﻳﻪ ﺣﺴﻮﻧﻲ ﻭﺻﺎﺭ ﻫﺬﺍ ﻣﻨﻀﺮﻫﻪ ﻛﺒﺎﻟﻲ ﺿﺤﻜﺖ ﺍﻗﻮﻩ ﺑﻘﺖ ﻋﻴﻮﻧﻬﺎ ﻣﺘﺸﺨﺼﻪ ﻋﻠﻴﺎ ﻭﺟﻬﻪ ﻳﺮﻳﺪ ﻳﻨﻔﺠﺮ ﺗﻼﺷﺖ ﺿﺤﻜﺘﻲ ﻫﺎﻱ ﺷﺒﻴﻬﺎ ﺿﻠﻴﺖ ﺃﻓﺮ ﺑﺮﺍﺳﻲ ﺧﺎﻟﻪ ﻧﻮﺭﻳﻪ ﺍﺟﺘﻲ ﻭﻛﻔﺖ ﺑﻴﻨﺎ ﻭﺿﺮﺍﺭ ﺑﺎﺏ ﺍﻟﻤﻄﺒﺦ ﻳﺒﺎﻭﻉ ﻋﻠﻴﻨﻪ
ﻭﻳﺒﻠﻊ ﺭﻳﻚ
.
.
.
.
.
. ﻳﺘﺒﺒﺒﻊ
ﻫﺬﺍ ﺑﺎﺭﺕ ﻭﺍﺫﺍ ﺍﻟﻠﻪ ﻗﺪﺭﻧﻲ ﻧﺘﻀﺮﻭ ﺗﻜﻤﻠﺘﻪ ﺑﻠﻴﻞ ﺍﻥ ﺷﺎﻟﻠﻪ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤