ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ ،،،،،،،، ،،،،،،،،،،،،،
#ﻫﺒﺔ_ﺭﻳﺢ ،،،،،،،،،،
رفل الكناني
#بارت٣٤
ﻟﻴﺘﻨﺎ ﻛَﺮُﻣﻮﺵ ﺍﻟﻌﻴﻦ ﻧﻠﺘﻘﻲ
ﻛُﻞ ﺛﺎﻧﻴﺔ ﺑﺪﻭﻥ ﻣﻮﻋﺪ
ﻭﻋﻨﺪﻣﺎ ﻳﺄﺧُﺬﻧﺎ ﺍﻟﺘﻌﺐ
ﻧﻨﺎﻡُ ﻓﻲ ﺃﺣﻀﺎﻥ ﺍﻟﺠﻔﻮﻥ ﻭﻧﺨﺘﻔﻲ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﺍﻟﻮﻟﺪ ﻃﺨﻨﻲ ﻭﻃﻠﻊ ﻭﺍﻧﻲ ﺟﻤﺪﺕ ﺑﻤﻜﺎﻧﻲ ﺛﻮﺍﻧﻲ ﻏﻤﻀﺖ ﻭﻓﺘﺤﺖ ﻭﻗﺒﻀﺖ ﺍﻳﺪﻱ ﻭﺍﻧﻲ ﺍﺳﺘﻐﻔﺮ
ﺳﺘﻐﻔﺮﺍﻟﻠﻪ ﻳﺎﺭﺑﻲ ﺍﻧﻲ ﻭﻳﻦ ﻭﺍﻟﻨﺎﺱ ﻭﻳﻦ ﺑﻌﺰ ﺍﻟﻬﻮﺳﻪ ﻭﺑﺎﻟﻲ ﻳﻢ ﺿﺮﺍﺭ ﻭﺍﺗﺨﻴﻞ ﺍﺳﻤﻪ ﺑﻜﻞ ﻣﻜﺎﻥ ﻫﺎﺟﺮ ﺣﺴﻲ ﻋﻠﻰ ﺩﻣﺞ ﺷﻮﻳﻪ ﺍﻣﺞ ﺑﻤﺼﻴﺒﻪ ﺍﻭﻛﻔﻲ ﻭﻳﺎﻫﻪ ﻭﻃﻠﻌﻲ ﺿﺮﺍﺭ ﻣﻦ ﺑﺎﻟﺞ ﺍﺩﺭﻱ ﻋﻘﻠﺞ ﺿﺮﺏ ﻭﻛﻤﺘﻲ ﺗﺘﺨﻴﻞ ﻃﺎﺭﻱ ﺍﺳﻤﻪ ﺑﻜﻞ ﻣﻜﺎﻥ
ﻣﺴﺤﺖ ﻭﺟﻬﻲ ﻭﺗﻌﻮﺫﺕ ﻣﻦ ﺍﻟﺸﻴﻄﺎﻥ ﻭﺭﺟﻌﺖ ﻳﻢ ﺍﻣﻲ ﺑﻬﻞ ﺍﺛﻨﺎ ﺷﺎﻟﻮ ﺑﻴﺒﻲ ﻭﺍﻣﻲ ﺻﺎﺭ ﺣﺎﻟﻪ ﻳﺒﺠﻲ ﺣﻀﻨﺘﻪ ﻭﺍﺑﺠﻲ ﻭﻳﺎﻩ ﻋﻠﻰ ﺣﺎﻟﻪ ﻭﺍﺑﻮﺱ ﺑﻴﻬﻪ ﺍﺭﻳﺪ ﺑﺲ ﺍﺳﻜﺘﻪ ﻭﻣﺎﺗﺴﻤﻌﻠﻲ ﺳﺎﻋﺎﺕ ﻣﺮﺕ ﻋﻠﻴﻪ ﺣﻴﻞ ﺻﻌﺒﻪ ﻭﺍﻧﻲ ﺑﻨﺺ ﻧﺎﺱ ﻣﺎﻋﺮﻓﻬﻢ ﻭﺍﻣﻲ ﺑﻴﻦ ﺍﺩﻳﻪ ﻣﻜﺴﻮﺭﻩ ﻭﻣﺎﻛﺪﺭ ﺍﺳﻮﻳﻠﻪ ﺷﻲ ﺗﻌﺒﺖ ﺣﻴﻞ ﻭﺍﻧﻲ ﻫﻢ ﺗﻌﺒﺖ ﻭﺍﻧﻲ ﻻﺯﻣﺘﻪ ﻭﺧﻮﺍﺗﻨﻪ ﺳﺎﻋﻪ ﻳﺒﺠﻦ ﻋﻠﻰ ﺍﻣﻬﻦ ﺳﺎﻋﻪ ﻳﺒﺠﻦ ﻋﻠﻰ ﻓﺮﺍﻛﻬﻦ ﻋﺎﺩ ﺍﻛﻮ ﻣﺮﻩ ﺍﺟﺘﻲ ﻛﻌﺪﺕ ﻛﺒﺎﻟﻨﻪ ﻭﺗﺒﻮﺱ ﺑﺎﺍﻣﻲ ﻭﺗﻬﺪﻳﻪ ﺷﻮﻳﻪ ﺍﻣﻲ ﺗﺠﺎﻭﺑﺖ ﻭﻳﺎﻩ ﻭﺣﺠﻴﻪ ﻳﺮﻳﺢ ﺍﻟﻜﻠﺐ ﺻﻔﻨﺖ ﻋﻠﻴﻪ ﻭﻫﻴﻪ ﺩﻛﻠﻪ
ﻣﻨﻰ ﻻﺗﺴﻮﻳﻦ ﻫﻴﺞ ﺑﺮﻭﺣﺞ ﺣﺮﺍﻡ ﻳﺨﺘﻲ ﺍﻟﻤﺮﻩ ﺟﺒﻴﺮﻩ ﻭﻫﺬﺍ ﻳﻮﻣﻬﻪ ﻭﻛﻠﻨﺎ ﻋﻠﻰ ﻫﺬﺍ ﺍﻟﻄﺮﻳﻖ
ﺍﻣﻲ ﺗﺒﺠﻲ ﺑﺤﺮﻛﻪ ﻭﺗﺠﺎﻭﺑﻪ
ﺭﺟﺎﺀ ﻣﺎﻛﺪﺭ ﻣﻮﺑﻴﺪﻱ ﻳﺎﻧﺎﺱ ﻫﺎﻱ ﺍﻣﻲ ﻭﺣﺮﻣﺘﻨﻲ ﺳﻨﻴﻦ ﻣﻨﻬﺎ ﻭﻣﻦ ﺟﻴﺖ ﺍﺷﻮﻓﻪ ﺗﺮﻭﺡ ﻣﻨﻲ ﻣﺜﻞ ﻟﻤﺢ ﺍﻟﺒﺼﺮ
ﻣﺎﻳﺨﺎﻟﻒ ﺍﻧﺘﻲ ﻣﻮﻣﻨﻪ ﻭﺍﻟﺼﺎﺭ ﻗﻀﺎﺀ ﻭﻗﺪﺭ ﻭﺭﺑﺞ ﺍﻟﻪ ﺑﻲ ﺣﻜﻤﻪ ﻛﻮﻣﻲ ﻏﺴﻠﻲ ﻭﻛﻌﺪﻱ ﺯﻳﻦ ﺷﻮﻓﻲ ﺷﺼﺎﺭ ﺑﺤﺎﻟﺢ
ﺻﺪﺕ ﻋﻠﻴﻪ ﻭﺑﺒﺘﺴﺎﻣﻪ ﺧﻔﻴﻔﻪ ﻛﺎﻟﺖ
ﺍﻧﺘﻲ ﺑﻨﺘﻪ
ﻫﺰﻳﺖ ﺭﺍﺳﻲ ﺍﻱ
ﻳﺎﺻﻠﻮﺍﺕ ﻋﻠﻰ ﻣﺤﻤﺪ ﺍﻟﻠﻪ ﻳﺤﻔﻀﺞ ﺗﻌﺎﻱ ﺍﺣﺒﺞ
ﻟﺰﻣﺖ ﻭﺟﻬﻲ ﺑﺜﻨﻴﻦ ﺍﺩﻳﻪ ﺑﻮﺳﺘﻨﻲ ﻭﺻﺎﺣﺖ
ﻭﺭﺩﻩ ﻳﻤﻪ ﺗﻌﺎﻱ
ﺍﺟﺘﻲ ﺑﻨﻴﻪ ﺣﻨﻄﻴﻪ ﺑﺲ ﺣﻠﻮﻩ ﻛﻠﺘﻠﻬﺎ
ﻛﻮﻣﻲ ﻋﻤﺘﺞ ﻭﺑﻨﺖ ﻋﻤﺘﺞ ﺩﻟﻴﻪ ﺍﻟﺤﻤﺎﻡ ﺧﻠﻪ ﺗﻐﺴﻞ ﻭﺟﻴﺒﻲ ﺩﻭﺷﻚ ﺗﻜﻌﺪ ﻋﻠﻴﻪ ﻋﻤﺘﺞ ﺷﻮﻓﻲ ﺷﺼﺎﺭ ﺑﺤﺎﻟﻪ
ﺍﻣﻲ ﺑﺎﻭﻋﺖ ﻋﻞ ﺑﻨﻴﻪ ﻭﻣﺴﺤﺖ ﺩﻣﻮﻋﻪ ﻭﺗﺤﺎﺟﻲ ﺍﻟﻤﺮﻩ
ﻫﺎﻱ ﻭﺭﺩﻩ ﻣﻮﻭ
ﺍﻱ ﻫﺎﻱ ﻭﺭﺩﻩ ﻭﻫﺴﻪ ﺍﺻﻴﺤﻠﺞ ﺭﻏﺪ ﻭﺿﺤﻴﻮﻩ ﺑﻴﺖ ﺭﺟﻠﻪ ﻫﺴﻪ ﺍﻟﺼﺒﺢ ﺗﺴﻤﻊ ﺑﺨﺒﺮ ﺟﺪﺗﻪ ﻭﺗﺠﻲ
ﺍﻣﻲ ﻓﺘﺤﺖ ﺍﺩﻳﻪ ﻟﻮﺭﺩﻩ ﻭﺭﺩﻩ ﺟﻴﺘﺖ ﻋﻠﻴﻪ ﺗﺤﺎﺿﻨﻦ ﻭﺍﻣﻲ ﺭﺟﻌﺖ ﺗﺒﺠﻲ ﻭﺩﻛﻠﻪ ﻛﺒﺮﺍﻧﺎﺕ ﻭﺻﺎﻳﺮﺍﺕ ﻧﺴﻮﺍﻥ ﻭﺍﻟﻤﺤﺮﻭﺱ ﺍﺑﻨﺞ ﺷﻠﻮﻧﻪ
ﺳﻮﺩﻩ ﻋﻠﻴﻪ ﻣﺎﻳﺪﺭﻱ ﺫﻛﺮﺗﻴﻨﻲ ﺍﻛﻮﻡ ﺍﺧﺎﺑﺮﻩ ﻛﻮﻣﻲ ﻭﺭﺩﻩ ﻳﻤﻪ ﺳﻮﻱ ﻣﺜﻞ ﻣﺎﻛﺘﻠﺞ
ﻋﺎﻓﺘﻨﻪ ﻭﻛﺎﻣﺖ ﻭﺭﺩﻩ ﻛﻮﻣﺘﻨﻪ ﺍﻧﻲ ﺳﺎﻧﺪﻩ ﺍﻣﻲ ﻭﺑﻠﺤﻮﻟﻲ ﻫﻮﺳﻪ ﻫﺎﻱ ﻫﺴﻪ ﻣﺎﺗﺖ ﻭﺍﻟﺪﻧﻴﻪ ﻧﺺ ﺍﻟﻴﻞ ﻭﻫﻠﻜﺪ ﻧﺎﺱ ﺑﺎﺟﺮ ﺷﻠﻮﻥ ﻣﺎﺩﺭﻱ
ﺑﺲ ﻣﺒﻴﻨﻴﻦ ﻛﻠﻬﻢ ﻛﺮﺍﻳﺐ ﻭﺍﻣﻲ ﺑﺪﺍﻝ ﻣﺎﺍﺧﺬﻩ ﻟﻠﺤﻤﺎﻡ ﻟﺰﻣﺘﻬﻢ ﺳﺮﻩ ﺗﺒﻮﺱ ﻭﺗﺤﻀﻦ ﻭﺗﺮﺟﻊ ﻟﻴﻮﺭﻩ ﻻﻭﺍﻧﻮﺏ ﺗﻌﺮﻓﻬﻢ ﻋﻠﻴﻪ ﻭﺗﻌﺎﻱ ﺑﻮﺳﻲ ﺣﺘﻰ ﺣﻠﻜﻲ ﻧﻌﻮﺝ ﻋﺎﺩ ﺑﻌﺪﻳﻦ ﺍﺧﺬﺗﻪ ﻟﻠﺤﻤﺎﻡ ﻏﺴﻠﺖ ﻭﺷﻮﻳﻪ ﺭﺗﺎﺣﺖ ﺍﻫﻮﻥ ﻣﻦ ﻗﺒﻞ ﺷﻮﻳﻪ ﺭﺟﻌﺘﻪ ﻟﻠﻐﺮﻓﻪ ﻟﻜﻴﺘﻪ ﻓﺎﺭﺷﻴﻠﻪ ﻛﻌﺪﺕ ﺑﻴﻦ ﺧﻮﺍﺗﻪ ﻭﺍﻧﻲ ﺑﺼﻔﻪ ﻭﺍﻟﻌﺘﺐ ﺇﻟﻪ ﺍﻭﻝ ﻣﺎﻟﻪ ﺗﺎﻟﻲ ﺟﺎﺑﻨﻬﻪ ﻣﻦ ﻳﻮﻡ ﺍﻣﻲ ﻃﻠﻌﺖ ﻣﻨﺎ ﻟﻬﺎﻱ ﺍﻟﺤﻀﻪ ﺍﻟﺠﻴﻨﻪ ﺑﻴﻬﻪ ﺣﺘﻰ ﻧﻌﺴﺖ ﻭﺗﻌﺒﺖ ﻣﻦ ﺍﻟﻜﻌﺪﻩ ﻭﺭﺗﺠﻴﺖ ﻋﻠﻰ ﺟﺘﻔﻬﻪ ﻭﻧﻤﺖ ﻣﺎﻛﻌﺪﺕ ﺍﻝ ﻋﻞ ﺻﻮﺕ ﺍﻣﻲ ﻭﻫﻴﻪ ﺗﺒﺠﻲ ﻗﻮﻱ ﻭﺗﻜﻬﺪ ﻛﻤﺖ ﻣﻔﺰﻭﻋﻪ ﻭﺷﺎﻟﻲ ﻣﻔﺘﻮﺡ ﺍﺑﺎﻭﻉ ﺍﻧﻲ ﺑﻠﻐﺮﻓﻪ ﻭﻧﺴﻮﺍﻥ ﻛﻮﻣﻪ ﺑﺲ ﺍﻣﻲ ﻣﺎﻛﻮﻭ
ﻃﻠﻌﺖ ﻣﺖ ﺍﻟﻐﺮﻓﻪ ﻟﻜﻴﺘﻪ ﻋﻞ ﺩﺭﺝ ﻛﺎﻋﺪﻩ ﻭﺗﺒﺠﻲ ﻭﻳﻤﻪ ﺯﻟﻢ ﻭﺧﺎﻻﺗﻲ ﻣﺎﻫﺘﻤﻴﺖ ﻛﻞ ﻫﻤﻲ ﺍﻣﻲ ﺑﻌﺪﺗﻬﻢ ﻭﻛﻌﺪﺕ ﻛﺒﺎﻟﻪ ﻣﺨﺮﻭﻋﻪ
ﻣﺎﻣﺎ ﺷﺒﻴﺞ ﻋﻔﻴﻪ ﺷﺴﻮﻳﺘﻲ ﺑﻨﻔﺴﺞ
ﺍﺩﻳﻦ ﻃﺒﻄﺖ ﻋﻠﻰ ﺿﻬﺮﻱ ﺭﻓﻌﺖ ﺭﺍﺳﻲ ﺭﺟﺎﻝ ﺟﺒﻴﺮ ﻣﺸﻴﺐ ﻭﻫﻮﺍﻱ ﻳﺸﺒﻪ ﺍﻣﻲ ﻭﺍﻧﻮﺏ ﻛﺎﻟﺘﻲ ﻛﻮﻣﻲ ﺳﻠﻤﻲ ﻋﻠﻰ ﺧﻮﺍﻟﺞ ﺣﺠﺘﻪ ﻣﻜﻄﻊ ﻛﻤﺖ ﻭﺍﺧﺬﻭﻧﻲ ﺑﻼﺣﻀﺎﻥ ﻭﺍﻟﺸﺒﺎﺏ ﺍﻟﻮﺍﻛﻔﻴﻦ ﻭﻟﺪﻫﻢ ﻛﻞ ﻫﺬﺍ ﺑﺎﻟﻲ ﻣﻮﻳﻤﻪ ﺑﺎﻟﻲ ﺍﻣﻲ ﺷﺒﻲ ﺣﺎﻟﻪ ﻣﻜﻠﻮﺏ ﻧﺪﺭﺕ ﺑﺎﺏ ﻏﺮﻓﻪ ﻣﻔﺘﻮﺡ ﻭﺭﺟﺎﻝ ﻣﺪﺩ ﻭﻋﻴﻮﻧﻪ ﻣﻔﺘﺤﻪ ﻭﺗﺠﺮﻱ ﺩﻣﻊ ﻋﺮﻓﺘﻪ ﻫﺬﺍ ﺧﺎﻟﻲ ﺣﺎﺗﻢ ﻋﻜﻀﺖ ﻭﺟﻬﻲ ﻭﺻﺪﻳﺖ ﻋﻞ ﺍﻣﻲ ﺟﺮﻳﺘﻪ ﻣﻦ ﺍﺩﻳﻪ ﺟﻮﻩ ﺣﻀﻨﻲ ﻭﻣﺸﻴﺘﻪ ﺭﺟﻌﺘﻪ ﻟﻠﻐﺮﻓﻪ ﻛﻌﺪﺗﻪ ﻭﻛﺘﻠﻪ ﺍﺟﻴﺐ ﻋﻼﺟﺞ ﻭﺍﺟﻲ ﺑﺎﻭﻋﺖ ﻋﻞ ﺳﺎﻋﻪ ٧ﻭﺧﻤﺴﻪ ﺗﺬﻛﺮﺕ ﺍﻣﻲ ﺑﺪﻭﻥ ﻋﺸﻪ ﺍﻟﺒﺎﺭﺣﻪ ﺭﺣﺖ ﻟﻠﻤﻄﺦ ﻟﻜﻴﺘﻬﻢ ﻣﺨﺒﻮﺻﻴﻦ ﻭﻋﻠﻰ ﺭﺃﺳﻬﻢ ﺍﻟﻤﺮﻩ ﺍﻻﺳﻤﻪ ﺭﺟﺎﺀ ﺿﻠﻴﺖ ﻭﺍﻛﻔﻪ ﻣﺴﺘﺤﻴﻪ ﺍﻛﻠﻪ ﺍﺭﻳﺪ ﺭﻳﻮﻙ ﺍﻻﺍﻣﻲ ﺣﺘﻰ ﺗﺸﺮﺏ ﻋﻼﺟﻬﺎ
ﻫﻴﻪ ﻣﻦ ﺷﺎﻓﺘﻨﻲ ﺍﺟﺘﻲ ﻳﻤﻲ ﻭﻛﻔﺖ ﻭﺟﻬﻪ ﻳﺸﻊ ﻧﻮﺭ ﻭﺑﻜﻞ ﺍﺭﻳﺤﻴﻪ ﻛﻠﺘﻠﻲ
ﻫﺎﺍﺍ ﻳﺤﻠﻮﻩ ﻣﺤﺘﺎﺟﻪ ﺷﻲ
ﺧﺠﻠﺖ ﺑﺲ ﻣﻀﻄﺮﻩ ﺷﺴﻮﻱ ﻫﻤﺴﺖ
ﺧﺎﻟﻪ ﻋﻔﻴﻪ ﺍﻣﻲ ﺗﻌﺒﺎﻧﻪ ﻭﻋﺪﻫﻪ ﻋﻼﺝ ﻻﺯﻡ ﺗﺸﺮﺑﻪ ﺑﺲ ﻣﻤﺘﺮﻳﻜﻪ
ﺍﻱ ﻳﻌﻤﺮﻱ ﻣﻮﺗﺪﺩﻟﻴﻦ ﻭﻟﻴﺶ ﻣﺴﺘﺤﻴﻪ ﺗﺮﻩ ﺍﺣﻨﺎ ﺍﻫﻞ ﻫﺴﻰ ﻳﺠﻴﻜﻢ ﺍﺣﻠﻰ ﺭﻳﻮﻙ
ﺗﺴﻠﻤﻴﻦ ﺧﺎﻟﻪ
ﺻﺪﺕ ﻋﻠﻰ ﺑﻨﺎﺗﻪ ﻭﺟﻬﻬﺘﻬﻦ ﻳﻤﻜﻦ ﻭﺣﺪﻩ ﻭﺭﺩﻩ ﻭﺍﻟﺜﺎﻧﻴﻪ ﺭﻏﺪ ﻭﻣﻦ ﺿﻤﻦ ﺍﻟﺤﺠﻲ ﺍﺳﻤﻌﻪ ﺩﻛﻠﻬﻦ
ﻧﻄﻴﺘﻦ ﻫﺪﻭﻡ ﻟﺨﻮﺟﻦ ﺗﺮﻩ ﺭﺍﺩ ﺩﺷﺪﺍﺷﺘﻪ ﻭﺭﺩﻩ ﻳﻤﻪ ﺣﻀﺮﺗﻴﻪ
ﻳﻤﻪ ﻧﻄﻴﺘﻬﺎ ﻭﻟﺒﺴﻪ ﻭﻃﻠﻊ
ﺟﺎ ﺧﻮﺵ ﻋﻮﺩ ﺗﺮﻩ ﺳﺒﺢ ﻻﺗﺨﻠﻦ ﻫﺪﻭﻣﻪ ﺑﻠﺤﻤﺎﻡ ﻭﺍﻟﻨﺎﺱ ﺩﺍﺷﻪ ﻃﺎﻟﻌﻪ ﺧﻀﻨﻬﻦ ﻭﺷﺮﻧﻬﻦ ﺣﺘﻰ ﻟﻮ ﺭﺍﺩﻫﻦ ﻣﺎﻳﺨﺒﺼﺠﻦ ﻭﺗﻀﻠﻦ ﺩﻭﺭﻥ
ﺍﻱ ﻳﻤﻪ ﺻﺎﺭ
ﺍﺳﻤﻊ ﻭﺍﻛﻮﻝ ﺍﻟﻠﻪ ﺷﻜﺪ ﺣﻠﻮ ﻫﺬﺍ ﺍﻟﺸﻌﻮﺭ ﻭﺣﺪﻩ ﻋﺪﻩ ﺍﺧﻮﻩ ﻳﺼﺨﺮﻩ ﻭﺗﻬﺘﻢ ﺑﻜﻞ ﺍﻣﻮﺭﻩ ﻭﺗﺨﺎﻑ ﻣﻨﻪ ﻋﺸﺖ ﻃﻮﻝ ﻋﻤﺮﻱ ﺍﺗﺤﺼﺮ ﻋﻠﻰ ﻫﺬﺍ ﺍﻟﺸﻌﻮﺭ ﺟﻨﺖ ﻭﻛﺎﻓﻪ ﻭﻣﺮﺗﺠﻴﻪ ﻋﻞ ﻣﺠﻤﺪﻩ ﻭﺍﻓﻜﺮ ﻭﻧﺤﻄﺖ ﺍﻟﺼﻴﻨﻴﻪ ﻛﺒﺎﻟﻲ ﻭﺍﻟﺒﻨﻴﻪ ﺩﻛﻠﻲ
ﺷﺴﻤﺞ ﻳﺤﻠﻮﻩ ﺗﺮﻩ ﻣﺎﺗﻌﺮﻓﻨﻪ
ﺑﺘﺴﻤﺖ ﻭﻋﺪﻟﺖ ﻭﻛﻔﺘﻲ ﻭﺟﺎﻭﺑﺘﻪ
ﺍﺳﻤﻲ ﻫﺎﺟﺮ
ﻭﺍﻧﻲ ﻭﺭﺩﻩ ﻭﻫﺎﻱ ﺍﺧﺘﻲ ﺭﻏﺪ ﻭﺫﻳﺞ ﺍﻟﺸﺎﻳﻠﻪ ﺍﻟﻄﻔﻞ ﺍﺧﺘﻲ ﺿﺤﻰ ﻭﻫﺎﻱ ﺷﻴﻤﺎ ﻭﺫﻳﺞ ﺃﺧﺘﻪ ﺻﺒﺎ ﻭﻭﻭﻭﻭﻭ ﺿﻠﺖ ﺗﻌﺪﺩ ﻭﺧﺘﻤﺘﺎ ﻛﻠﻨﻪ ﺑﻨﺎﺕ ﻋﻤﺎﻣﺞ ﻭﻫﺴﻪ ﺗﻮﺻﻞ ﺍﻟﻮﺟﺒﻪ ﺍﻟﺜﺎﻧﻴﻪ ﺑﻨﺎﺕ ﺧﺎﻻﺗﺞ
ﻣﺎﺷﺎﺍﻟﻠﻪ ﺗﺮﻩ ﻣﺎﺣﻔﻀﺘﻜﻢ ﻛﻠﻜﻢ ﺑﺲ ﺣﻠﻮﻳﻦ ﺍﻟﻠﻪ ﻳﺤﻔﻀﻜﻢ
ﺗﺴﻠﻤﻴﻦ ﻭﺍﻧﺘﻲ ﻫﻢ ﺣﻠﻮﻩ ﺍﺧﺬﻱ ﺍﻟﺮﻳﻮﻙ ﺍﻟﻌﻤﻪ ﻣﻨﻰ ﻭﺑﺲ ﺗﻔﺾ ﺍﻟﻬﻮﺳﻪ ﻋﻮﺩ ﻧﻜﻌﺪ
ﺍﻭﻙ
ﺍﺧﺬﺕ ﺍﻟﺼﻴﻨﻪ ﻭﻛﻮﻩ ﻛﺪﺭﺕ ﺍﻭﻛﻞ ﺍﻣﻲ ﻛﻢ ﻟﻜﻤﻪ ﻭﺷﺮﺑﺘﻪ ﻋﻼﺟﻪ ﻭﺑﻌﺪ ﻣﺎﺗﺤﺮﻛﺖ ﻣﻦ ﻳﻤﻬﻪ ﻭﺑﺪﺍﺕ ﺍﻟﻨﺎﺱ ﺗﺘﻮﺍﻓﺪ ﻣﺸﺎﻳﻔﻪ ﻫﻴﺞ ﻓﺎﺗﺤﻪ ﺑﺤﻴﺎﺗﻲ ﻛﻞ ﻣﺎﺍﺳﻜﺖ ﺍﻣﻲ ﺗﺠﻲ ﻭﺣﺪﻩ ﺗﻌﻴﻂ ﻭﺩﻙ ﻭﻟﻄﻢ ﻭﻫﻮﺳﺎﺕ ﺗﺮﺝ ﺍﻟﻠﻴﺖ ﺗﺨﻠﻲ ﺍﻣﻲ ﺗﺸﻴﻞ ﺑﺮﻭﺣﻪ ﻭﺗﻠﻄﺦ
ﻟﻠﻀﻬﺮ ﺍﻟﺼﺎﻟﻪ ﺻﺎﺭﺕ ﻣﺘﻨﻄﺐ ﻭﻧﺺ ﺍﻟﻨﺴﻮﺍﻥ ﻃﻠﻌﻦ ﻟﻠﺤﻮﻟﻲ ﻛﻌﺪﻥ ﻭﺍﻧﻲ ﺭﺟﻠﻴﻪ ﺗﻜﺴﺮﺕ ﻭﺭﺍﺳﻲ ﻭﺣﻒ ﻣﻦ ﺍﻟﺼﻮﺕ ﻭﺍﻟﻌﻴﺎﻁ ﻭﻟﻠﻴﻞ ﻭﻋﻠﻰ ﻫﺬﺍ ﺍﻟﺤﺎﻝ ﻋﺎﺩ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﺑﺎﻭﻋﺖ ﻋﻞ ﻧﻔﺴﻲ ﺍﺩﺭﻱ ﺷﺒﻴﻪ ﻟﻴﺶ ﻳﺒﺎﻭﻋﻦ ﺍﻟﻨﺴﻮﺍﻥ ﻋﻠﻴﻪ ﺟﻨﺖ ﻻﺑﺴﻪ ﺑﻨﻄﺮﻭﻥ ﺭﺻﺎﺻﻲ ﻣﻄﺎﻁ ﻭﻣﺎﻧﺘﻮ ﻟﻠﺮﻛﺒﻪ ﺭﺳﻤﻲ ﻫﻢ ﺭﺻﺎﺻﻲ ﻭﺷﺎﻝ ﺍﺳﻮﺩ ﻳﺠﻮﺯ ﻳﺒﺎﻭﻋﻮﻥ ﻋﻠﻴﻪ ﻻﻥ ﺍﻟﻮﺣﻴﺪﻩ ﻻﺑﺴﻪ ﺍﻟﻮﺍﻥ ﻭﻫﻤﻪ ﻛﻠﻬﻢ ﺍﺳﻮﺩ ﺑﺲ ﺍﺣﻨﺎ ﺟﻴﻨﻪ ﺑﻴﺒﻲ ﻋﺎﻳﺸﻪ ﺷﻤﺪﺭﻳﻨﻲ ﺭﺍﺡ ﺗﻤﻮﺕ ﺣﺘﻰ ﺍﻟﺒﺲ ﺍﺳﻮﺩ ﺍﻣﻲ ﺧﺎﻻﺗﻲ ﻟﺒﺴﻨﻪ ﺑﺲ ﺍﻧﻲ ﺑﻘﻴﺖ ﺑﻤﻼﺑﺴﻲ ﺍﻭﻭﻱ ﻫﺴﻪ ﺍﻧﻲ ﺷﻌﻠﻴﻪ ﺑﻴﻬﻢ ﻭﺑﻨﻀﺮﺍﺗﻬﻢ ﻟﺰﻣﺖ ﻳﺪﻩ ﺍﻟﺒﺎﺏ ﺩﺍﻃﻠﻊ ﻃﺨﻨﻲ ﺷﻤﺎﻍ ﻣﻌﻠﻚ ﻭﺭﺍﻩ ﺑﺎﻭﻋﺘﻪ ﺍﺣﻤﺮ ﻭﺍﺳﻮﺩ ﻏﻤﻀﺖ ﻋﻴﻨﻲ ﺗﺬﻛﺮﺕ ﺿﺮﺍﺭ ﻫﺰﻳﺖ ﺭﺍﺳﻲ ﻭﻃﻠﻌﺖ
ﺧﺘﻨﻜﺖ ﺣﻴﻞ ﻫﺬﺍ ﺍﻟﻨﻬﺎﺭ ﻣﺎﻣﺮ ﻋﻞ ﺑﺎﻟﻲ ﺟﻨﺖ ﺑﺲ ﺻﺎﻓﻨﻪ ﺑﻬﻮﺳﺖ ﺍﻟﻔﺎﺗﺤﻪ ﻭﻫﺴﻪ ﺍﻟﺸﻤﺎﻍ ﺫﻛﺮﻧﻲ ﺑﻲ ﺍﺍﺍﺍﺍﺥ ﺿﺮﺍﺭ ﻭﻳﻦ ﻣﺎﺭﻭﺡ ﻻﺯﻡ ﺍﻟﻜﻪ ﺷﻲ ﻳﺬﻛﺮﻧﻲ ﺑﻴﻚ ﺍﻟﺒﻴﺖ ﻫﺪﻭﺀ ﻭﺍﻟﺪﻧﻴﻪ ﺛﻠﺞ ﻳﻌﻨﻲ ﻫﻨﺎ ﺍﻟﺒﺮﺩ ﻣﻮﺑﻨﺼﺎﻑ ﺣﺘﻰ ﺑﻴﺖ ﻋﻤﻪ ﻫﻨﺎ ﻣﻮ ﻫﻴﺞ ﻭﻟﻮ ﻫﻨﺎﻙ ﺃﻛﺜﺮ ﺑﺮﺩ ﺑﺲ ﺗﺪﻓﺌﺘﻬﻢ ﻣﺮﻛﺰﻳﻪ ﻭﺟﻨﺖ ﻣﺤﺎﺳﻪ ﺑﺸﺘﺎ ﺑﺲ ﻫﻨﺎ ﺍﻟﻠﻪ ﻳﺴﺎﻋﺪﻫﻢ ﻭﻟﻮ ﺷﻠﻮﻥ ﻳﺪﻓﻪ ﺍﻟﺒﻴﺖ ﻭﺍﻟﺒﻮﺏ ﻛﻠﻪ ﻣﻔﺘﺤﻪ
ﺻﺎﺭﺕ ﻛﺒﺎﻟﻲ ﺍﻟﻄﺮﻣﻪ ﺣﺘﺎﺟﻴﺖ ﻫﻮﻩ ﻧﻘﻲ ﻃﻠﻌﺖ ﺍﻣﺸﻲ ﻭﺍﺗﻠﻔﺖ ﺍﻛﻮ ﻛﺮﺍﺳﻲ ﻣﺼﻔﻄﻪ ﺳﺤﺒﺖ ﻭﺍﺣﺪ ﻭﺍﺧﺬﺗﻪ ﻭﻛﻌﺪﺕ ﻋﻠﻰ ﺻﻔﺤﻪ ﺧﻠﻴﺖ ﺍﺩﻳﻪ ﺑﺠﻴﻮﺏ ﺍﻟﻤﺎﻧﺘﻮ ﻭﺷﺒﻜﺖ ﺭﺟﻠﻴﻪ ﻭﺩﻧﻜﺖ ﻭﺍﺧﺬﺗﻨﻲ ﺃﻓﻜﺎﺭﻱ ﻟﻌﺎﻟﻤﻪ ﻭﻟﺠﺮﺣﻪ ﻭﻟﺬﻳﺞ ﺍﻻﻳﺎﻡ ﻭﺍﻟﺼﺪﻣﺘﻲ ﻭﺍﻟﺼﺎﺭ ﺑﻴﻪ ﺍﺗﺬﻛﺮ ﻭﻋﻴﻮﻧﻲ ﻣﺪﻣﻌﻪ ﺑﺲ ﺷﻮﻳﻪ ﺻﺪﺭﻱ ﻓﻚ ﻣﻦ ﻏﻤﺘﻪ ﺍﻟﺒﻴﺖ ﻭﺃﺟﻮﺍﺀ ﺍﻟﻔﺎﺗﺤﻪ ﻫﻤﺰﻳﻦ ﺍﻣﻲ ﻧﺎﻣﺖ ﺣﺘﻰ ﻣﻴﻀﻞ ﺑﺎﻟﻪ ﺍﺫﺍ ﺗﺎﺧﺮﺕ ﺑﻜﻌﺪﺗﻲ ﻫﻨﺎ
ﻃﻠﻌﺖ ﻓﻮﻧﻲ ﺧﺎﺑﺮﺕ ﺍﺳﻴﻞ ﻭﺣﺠﻴﺘﻠﻪ ﻛﻠﺸﻲ ﺿﻠﺖ ﺗﺒﺠﻲ ﻋﻞ ﻣﺎﻣﺎ ﺁﺧﺮ ﺷﻲ ﻫﺪﻳﺘﻪ ﻭﻃﻤﻨﺘﻪ ﻭﻛﺘﻠﻪ ﺑﺎﺟﺮ ﺍﺧﻠﻴﻪ ﺗﺨﺎﺑﺮﺝ ﺳﺪﻳﺘﻪ ﻭﻳﺎﻩ ﻭﺭﺟﻌﺘﻪ ﺑﺠﻴﺒﻲ ﻭﺑﻘﻴﺖ ﻛﺎﻋﺪﻩ ﻟﻮﻛﺖ ﻣﺘﺎﺧﺮ ﻟﻬﻨﺎﻙ ﻭﺍﺷﻮﻑ ﺷﺨﺺ ﻓﺎﺕ ﺩﻧﻜﺖ ﺑﺲ ﺍﺑﺎﻭﻋﻠﻪ ﺑﻄﺮﻑ ﻋﻴﻨﻲ ﻫﻤﺰﻳﻦ ﺍﻧﻲ ﻭﺭﻩ ﺍﻟﺤﺎﻳﻂ ﺑﺠﻬﻪ ﺍﻟﻤﻨﻮﺭ ﻣﻴﺸﻮﻓﻨﻲ ﻭﻻ ﺍﻧﻲ ﺍﺷﻮﻑ ﻭﺟﻬﻪ ﻻﻑ ﺷﻤﺎﻍ ﻋﻠﻴﻪ ﻭﻻ ﺑﺲ ﺩﺷﺪﺍﺷﻪ ﻓﺎﺕ ﺷﺎﻳﻠﻪ ﻟﺤﺪ ﺭﻛﺒﻪ ﺍﻛﻮ ﻣﻐﺴﻠﻪ ﻭﺣﻤﺎﻡ ﺧﺎﺭﺟﻲ ﻭﻛﻒ ﻛﺒﺎﻝ ﺍﻟﻤﻐﺴﻠﻪ ﻳﻤﻜﻦ ﻧﺰﻉ ﻣﺤﺒﺴﻪ ﻭﺳﺎﻋﺘﻪ ﻣﺎﻋﺮﻑ ﺷﻨﻮ ﺍﻧﻲ ﻣﺎﺷﻮﻑ ﻛﻠﺶ ﻻﻥ ﻣﺪﻧﻜﻪ ﺑﺲ ﺣﺴﻴﺖ ﻫﻴﺞ ﺷﻲ ﻓﺎﺕ ﻟﻠﺤﻤﺎﻡ ﺭﺩﺕ ﺍﻛﻮﻡ ﺑﺲ ﻛﻠﺖ ﻻﺧﺎﻑ ﻳﻄﻠﻊ ﺧﻞ ﻳﺮﻭﺡ ﻓﺪﻧﻮﺏ ﻭﺍﻛﻮﻡ
ﺷﻮﻳﻪ ﻭﻃﻠﻊ ﻭﻛﻒ ﻋﻞ ﻣﻐﺴﻠﻪ ﺻﺎﺭ ﺿﻬﺮﻩ ﻋﻠﻴﻪ ﻏﻤﻀﺖ ﺣﻴﻞ ﻋﻘﻠﻲ ﺑﻄﻨﺶ ﻭﻣﺪﺭﻱ ﺷﺪﻳﻔﻜﺮ ﺍﻟﻄﻮﻝ ﻭﺍﻟﺠﺴﻢ ﻭﺍﻟﻬﻴﺌﻪ ﻧﻔﺲ ﺍﻝ ﺑﺎﻟﻲ ﺍﻭﻭﻭﻭﻭﻑ ﻳﻤﻜﻦ ﺻﺎﺭﺕ ﺑﻴﻪ ﺣﺎﻟﻪ ﻧﻔﺴﻪ ﻛﻤﺖ ﺷﺸﻮﻑ ﺑﺎﻟﻲ ﻳﺮﻭﺡ ﻳﻢ ﺿﺮﺍﺭ ﻭﻋﺎﻧﻲ ﺻﻮﺗﻪ ﻣﻦ ﻛﺢ ﻗﻮﻱ ﻭﻟﻒ ﺷﻤﺎﻏﻪ ﻭﻃﻠﻊ ﻳﻢ ﺑﺎﺏ ﺍﻟﺸﺎﺭﻉ ﺩﻳﻄﻠﻊ ﻓﺪﻧﻮﺏ ﻭﺭﺟﻊ ﺻﺎﺡ ﺑﺼﻮﺕ ﻣﺨﻨﻮﻙ ﻻﻥ ﻟﺸﻤﺎﻍ ﻋﻠﻰ ﺣﻠﻜﻪ
ﻭﻭﻭﺭﺩﻩ
ﻫﻨﺎ ﻛﻠﺖ ﻋﻘﻠﻲ ﺷﺨﻂ ﻓﺪﻣﺮﻩ ﻭﺍﻟﻠﻪ ﺣﺘﻰ ﻟﻮ ﻭﺍﻛﻒ ﻫﺬﺍ ﺍﻟﻮﻟﺪ ﺍﻝ ﺍﻛﻮﻡ ﻗﺒﻞ ﻣﺎﺍﺗﺨﺒﻞ ﺷﻨﻮ ﻛﻤﺖ ﺣﺘﻰ ﺍﺗﺨﺎﻳﻞ ﺻﻮﺕ ﺿﺮﺍﺭ ﻫﻤﻴﺖ ﺳﺮﻳﻊ ﻭﺍﻧﻲ ﻣﺪﻧﻜﻪ ﻓﺘﺖ ﻣﻦ ﻳﻤﻪ ﺣﺘﻰ ﺗﻼﻃﻤﺖ ﺑﻮﺭﺩﻩ ﻭﻫﻴﻪ ﺩﻛﻠﻪ ﻫﺎﺍﺍ ﺧﻮﻳﻪ ﺟﻴﺘﻚ ﻣﺎﺑﻮﻋﺖ ﺑﻮﺟﻬﻪ ﻭﻻﻋﺘﺬﺭﺕ ﻋﻠﻰ ﻃﺨﺘﻲ ﺍﻟﻪ ﺭﺣﺖ ﻛﻌﺪﺕ ﻳﻢ ﺭﺃﺱ ﺃﻣﻲ ﻭﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﻭﻛﻤﺖ ﺍﺑﺠﻲ ﺍﻟﻐﺮﻓﻪ ﺟﺎﻧﺖ ﻛﻞ ﺍﻟﻨﺴﻮﺍﻥ ﻣﺠﻄﻠﻪ ﻭﻧﺎﻳﻤﻪ ﻭﻫﺎﻱ ﺟﺎﻧﺖ ﻓﺮﺻﺘﻲ ﺑﺲ ﻫﻞ ﻣﺮﻩ ﺍﺑﺠﻲ ﻋﻞ ﻧﻔﺴﻲ ﺍﺩﺭﻱ ﺷﺒﻴﻪ ﻛﻤﺖ ﺍﺗﺨﻴﻠﻪ ﺑﻜﻞ ﻣﻜﺎﻥ ﻫﻴﺞ ﺣﺘﻰ ﺭﺍﺡ ﺍﺗﺨﺒﻞ ﺩﻗﺎﻳﻖ ﻭﺍﻳﺪ ﻧﺤﻄﺖ ﻋﻠﻰ ﺍﺩﻳﻪ ﺭﻓﻌﺖ ﺭﺍﺳﻲ ﺧﺎﻟﻪ ﻧﻮﺭﻳﻪ ﺍﻟﻌﺮﻓﺘﻲ ﻋﻠﻴﻪ ﺍﻣﻲ ﻣﺴﺪﺕ ﻋﻞ ﺭﺍﺳﻲ ﻭﻛﺎﻟﺖ
ﺍﻛﺪﺭ ﺍﺣﺠﻲ ﻭﻳﺎﺝ
ﻣﺴﺤﺖ ﺩﻣﻮﻋﻲ ﻭﺟﺎﻭﺑﺘﻪ ﺑﺨﻨﻜﻪ
ﻛﻮﻟﻲ ﺧﺎﻟﻪ
ﺗﻌﺎﻱ ﻭﻳﺎﻱ
ﻛﻤﺖ ﻭﻳﺎﻩ ﺍﺧﺬﺗﻨﻲ ﻟﻐﺮﻓﻪ ﻛﺎﻟﺖ ﺍﺭﻳﺪﺝ ﻗﻮﻳﻪ ﻣﺜﻞ ﻣﺎﺣﺠﻮﻟﻲ ﻋﻨﺞ ﻭﻃﻮﻟﻲ ﺑﺎﻟﺞ ﻭﺍﻧﺎ ﻫﻨﺎ ﻳﻢ ﺍﻟﺒﺎﺏ ﺑﺲ ﻛﻮﻟﻲ ﺧﺎﻟﻪ ﺗﻠﻜﻴﻨﻲ ﻓﻮﻛﺎﺝ
ﻋﻦ ﺷﻨﻮ ﺩﺗﺤﺠﻴﻦ ﺧﺎﻟﻪ ﺷﻨﻮ ﺍﻟﻤﻮﺿﻮﻉ
ﻫﺴﻪ ﺗﻌﺮﻓﻴﻦ ﻳﺎﺑﻌﺪ ﺧﺎﻟﺘﺞ ﻭﺍﻫﻠﻬﺎ
ﻃﻠﻌﺖ ﻭﻃﺒﻜﺖ ﺍﻟﺒﺎﺏ ﺧﻔﺖ ﻭﻛﻠﺐ ﺩﻙ ﻓﺘﺤﺖ ﺍﻟﺒﺎﺏ ﺩﺍﻃﻠﻊ ﺩﺧﻞ ﺿﺮﺍﺭ ..........
ﺿﺮﺍﺭ .... ﺳﺪﻳﺘﻪ ﻭﻳﻪ ﺭﺿﺎ ﻭﻛﻠﺖ ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ ﺍﻟﻠﻪ ﻳﺮﺣﻤﺞ ﺟﺪﻩ ﺗﻨﻬﺪﺕ ﻭﺭﻛﺒﺖ ﺳﻴﺎﺭﺗﻲ ﻭﺭﺣﺖ ﺑﻨﺺ ﺍﻟﻄﺮﻳﻖ ﺭﺿﺎ ﺧﺎﺑﺮﻧﻲ ﻛﻠﻲ ﻣﺘﻠﺤﻚ ﺍﺣﻨﺎ ﻃﻠﻌﻨﻪ ﺍﻟﺠﻨﺎﺯﻩ ﺍﻻﺍﻓﻀﻞ ﻧﺘﻼﻛﻪ ﺑﻄﺮﻳﻖ ﻛﺘﻠﻪ ﻭﺍﻧﺎ ﻫﻢ ﻫﻴﺞ ﺍﻛﻮﻝ ﺗﻔﻘﻨﻪ ﻧﺘﻼﻛﻪ ﺑﻤﻜﺎﻥ ﺑﻄﺮﻳﻖ ﺍﻟﻨﺠﻒ ﻭﺻﺪﻙ ﻭﺻﻠﺖ ﻗﺒﻠﻬﻢ ﻭﺿﻠﻴﺖ ﺍﻧﺘﻀﺮﻫﻢ ﻓﺎﺗﻮ ﻣﺸﻴﺖ ﻭﺭﺍﻫﻢ ﻟﺤﺪ ﻣﺎ ﻭﺻﻠﻨﻪ ﻭﻋﺰﻳﺘﻬﻢ ﻭﺑﺪﺍﺕ ﺇﺟﺮﺍﺀ ﻭﻣﺮﺍﺳﻢ ﺍﻟﺪﻓﻨﻪ ﻭﻛﻤﻠﻨﺎ ﻛﻠﺸﻲ ﺣﺴﺐ ﺍﻻﻭﺻﻞ ﺑﻠﺠﻴﻪ ﺭﺿﺎ ﺻﻌﺪ ﻭﻳﺎﻱ ﻭﺣﺠﺎﻟﻲ ﻋﻠﻰ ﺍﻟﺼﺎﺭ ﻭﻋﻠﻰ ﻋﻤﺘﻲ ﻣﻨﻰ ﺷﻠﻮﻥ ﺟﺎﻳﻪ ﺳﻮﻟﻔﻠﻲ ﺍﻟﻤﻮﻗﻒ ﻫﺘﺰﻳﺖ ﻣﻮﻗﻒ ﺣﻴﻞ ﺻﻌﺐ ﻭﺭﻩ ﻫﺎﻱ ﺍﻟﺴﻨﻴﻦ ﺗﺘﻼﻛﻪ ﺍﻟﻤﺴﻜﻴﻨﻪ ﺑﺎﺍﻣﻪ ﻭﺗﺎﻟﻲ ﺗﻤﻮﺕ
ﺍﻟﻚ ﺑﻴﻬﻪ ﺃﺭﺍﺩﻩ ﺭﺑﻲ ﺟﻨﺖ ﺣﻴﻞ ﻣﺘﺸﻮﻕ ﺍﺷﻮﻓﻪ ﺷﻌﻮﺭ ﺣﻠﻮ ﻋﻨﺪﻙ ﺷﺨﺺ ﺗﺴﻤﻊ ﺑﻲ ﻭﺗﺘﻤﻨﻰ ﺗﺸﻮﻓﻪ ﻭﺍﺟﻪ ﻫﺬﺍ ﺍﻟﻮﻗﺖ ﺷﻜﺪ ﻣﺎﻣﺘﻜﺪﺭ ﻋﻠﻰ ﻭﻓﺎﺀ ﺟﺪﺗﻲ ﺑﺲ ﻓﺮﺣﺎﻥ ﺑﺠﻴﺖ ﻋﻤﺘﻲ ﻳﺠﻮﺯ ﺟﺪﺗﻲ ﺍﺫﺗﻨﻲ ﺻﺤﻴﺢ ﺑﺲ ﺗﺒﻘﻰ ﻋﻘﻞ ﻣﺮﻩ ﻭﻣﺮﻳﻪ ﺟﺒﻴﺮﻩ ﺭﺍﺣﺖ ﺍﻟﺪﺍﺭ ﺣﻘﻬﻪ ﻭﺍﻟﻠﻪ ﻳﺴﺎﻣﺤﻪ ﻭﺻﻠﻨﺎ ﺍﻟﺼﺒﺢ ﻟﻜﻴﺖ ﺍﻟﺪﻧﻴﻪ ﻣﻜﻠﻮﺑﻪ ﺑﻠﺒﺎﺏ ﻭﺑﻠﻐﻮﻧﻲ ﺍﺑﻮﻱ ﺻﺤﻪ ﻣﻦ ﺍﻟﻐﻴﺒﻮﺑﻪ ﻋﻠﻰ ﺇﺛﺮ ﺍﻟﻌﻴﺎﻁ ﻭﺍﻟﺼﺎﻳﺢ ﺳﺒﺤﺎﻥ ﺍﻟﻠﻪ ﻳﺎﺧﺬ ﺷﻲ ﻭﻳﻨﻄﻲ ﺷﻲ ﺍﻣﻲ ﺑﻠﺤﻮﺵ ﺗﻠﻜﺘﻨﻲ ﺳﻮﻟﻔﺘﻠﻲ ﻭﺗﺒﻮﺱ ﺑﻴﻪ ﻣﺸﺘﺎﻛﺘﻠﻲ ﻭﺍﻧﻲ ﺍﺭﻳﺪ ﺑﺲ ﺍﺩﺧﻞ ﺍﺷﻮﻑ ﻋﻤﺘﻲ ﻣﻨﻰ ﺳﺌﺎﻟﺖ ﺍﻣﻲ ﻛﺎﻟﺖ ﻫﺎﻱ ﺍﻟﻤﺴﻜﻴﻨﻪ ﺍﻟﻜﺎﻋﺪﻩ ﻋﻞ ﺩﺭﺝ ﺷﻮﻓﻪ ﺟﺎﻧﺖ ﻳﻢ ﺍﺑﻮﻙ ﻭﻫﺴﻪ ﻃﻠﻌﺖ ﻣﻦ ﻏﺮﻓﺘﻪ ﻭﺷﻮﻑ ﺣﺎﻟﻪ
ﺣﺠﺘﻪ ﺍﻣﻲ ﻭﻋﺎﻓﺘﻲ ﻭﺭﺍﺣﺖ ﻋﻠﻴﻪ ﻭﺍﻧﻲ ﺗﻴﺒﺴﺖ ﺧﻄﻮﻩ ﻣﺎﻛﺪﺭﺕ ﺍﺧﻄﻲ ﺑﺲ ﻋﻴﻮﻧﻲ ﻣﺮﻛﺰﻩ ﻋﻠﻴﻪ ﻳﺎﺭﺑﻲ ﺍﻧﻲ ﻣﻮﻣﺨﺒﻞ ﻫﺎﻱ ﺍﻟﻤﺮﻩ ﺍﻧﻲ ﺷﺎﻳﻔﻪ ﺳﺘﻐﻔﺮﺍﻟﻠﻪ ﻳﺎﻟﻠﻪ ﺍﻡ ﻫﺎﺟﺮ ﻭﺍﻟﻠﻪ ﻫﺎﻱ ﺍﻡ ﻫﺎﺟﺮ ﻋﺪﺕ ﻣﺮﺍﺕ ﺷﺎﻳﻔﻪ
ﺍﻫﻮﻭﻭﻭﻭ ﺿﺮﺍﺭ ﺷﺒﻴﻚ ﺷﻜﻮ ﺗﺒﺒﺴﺖ ﻣﺎﺳﻤﻊ ﻳﺨﻠﻖ ﻣﻦ ﺍﻟﺸﺒﻪ ﺍﺭﺑﻌﻴﻦ ﺍﺍﺍﺍﺥ ﺍﻟﻠﻪ ﺍﻣﻨﺖ ﺑﺎﻟﻠﻪ ﺑﺲ ﻣﻮﻫﻴﺞ
ﺑﻴﻦ ﺍﻟﺘﻔﻜﻴﺮ ﻭﺍﻟﺸﻚ ﻭﺟﺎﻥ ﺍﻧﺼﺪﻡ ﺻﺪﻣﻪ ﻋﻤﺮﻱ ﻣﻦ ﻫﺎﺟﺮ ﻃﻠﻌﺖ ﺗﻤﺸﻲ ﻭﺛﻨﺖ ﻛﺒﺎﻝ ﺍﻣﻪ ﻭﺑﻌﺪﻳﻦ ﻭﻛﻔﺖ ﻭﺣﻀﻨﻪ ﻋﻤﻲ ﻛﺮﻳﻢ ﻭﻋﻤﻲ ﺭﺷﺪﻱ ﺑﻠﺤﻀﺘﻪ ﺗﺮﺍﺟﻌﺖ ﺧﻄﻮﺗﻴﻦ ﻟﻴﻮﺭﻩ ﻭﺍﺣﺲ ﺻﺎﺭ ﺷﻠﻞ ﺑﻜﻞ ﻣﻜﺎﻥ ﺑﺠﺴﻤﻲ ﻳﻌﻨﻲ ﺷﻨﻮ ﻭ ﺍﻟﻠﻪ ﺣﺘﻰ ﻣﺎﻛﺪﺭ ﺍﻟﻔﻀﻪ ﺷﺠﺎﺏ ﻋﻠﻰ ﺟﺎﺏ ﻫﺎﺟﺮ ﻭﻋﻤﺘﻲ ﻣﻨﻰ ﻭﺑﻐﺪﺍﺩ ﻭﺍﻧﻲ ﻻﻻ ﺍﻧﻲ ﻛﺎﻋﺪ ﻧﺎﻳﻢ
ﺍﻭﻛﻒ ﺿﺮﺍﺭ ﺷﺒﻴﻚ ﻛﻤﺖ ﺗﺨﺒﻂ ﺍﻧﺖ ﺭﺟﺎﻝ ﺻﻔﻄﻬﻦ ﻭﺣﺪﻩ ﻭﺣﺪﻩ ﺍﻟﻜﺪﺍﻣﻲ ﻋﻤﺘﻲ ﻣﻨﻰ ﺍﻱ ﻫﻴﻪ ﺍﻣﻲ ﺍﺷﺮﺗﻠﻲ ﻋﻠﻴﻪ ﻭﻫﺎﺟﺮ ﺍﻧﻲ ﻣﺎ ﺍﻏﻠﻂ ﺑﻴﻪ ﻭﻫﺎﻱ ﺻﻮﺕ ﻭﺻﻮﺭﻩ ﻛﺪﺍﻣﻲ ﻳﻌﻨﻲ ﺷﻨﻮ ﻣﻌﻨﺎﻩ
ﺍﻟﻨﺎﺱ ﺗﻄﺐ ﻭﺗﻄﻠﻊ ﻭﺍﻧﻲ ﺗﺨﺸﺒﺖ ﺑﺎﺏ ﺍﻟﺤﻮﻟﻲ ﺑﺲ ﻋﻠﻰ ﺻﻔﺤﻪ ﻣﻦ ﺭﻫﺒﺖ ﺍﻟﻤﻮﻗﻒ ﻟﺰﻣﺖ ﺍﻟﺸﺒﺎﻙ ﺍﺳﺘﻨﺪ ﺑﻲ ﻻﻥ ﺣﻴﻠﻲ ﻛﻠﻪ ﺭﺧﻪ ﻋﻤﺘﻲ ﻧﻮﺭﻳﻪ ﻃﻠﻌﺖ ﺷﺎﻳﻠﻪ ﺑﻴﺪﻩ ﺟﺮﺟﻒ ﺍﺧﺬﺗﻪ ﻣﻦ ﺍﺩﻳﻪ ﺷﻤﺮﺗﻪ ﻭﺳﺤﺒﺘﻪ ﻟﻮﺭﻩ ﺍﻟﺒﻴﺖ ﺿﻠﺖ ﻣﺘﻔﺎﺟﻪ ﺑﺘﺼﺮﻓﻲ ﻭﺟﻬﻲ ﺍﻟﻤﺨﻄﻮﻑ ﻭﻛﻼﻣﻲ ﺍﻟﻜﻮﻩ ﺟﺎﻱ ﺍﺟﻤﻌﻪ
ﺧﺎﻳﺐ ﺿﺮﻳﺮ ﺷﻤﺎﻟﻚ ﻭﺍﻟﻠﻪ ﺟﻔﻠﺘﻨﻲ
ﺍﺑﻠﻊ ﺑﺮﻳﻜﻲ ﻭﺍﺣﺠﻲ ﻭﺍﺗﻠﻔﺖ
ﻋﻤﻪ ﺍﻟﻜﺎﻋﺪﻩ ﻋﻞ ﺩﺭﺝ ﻣﻨﻮ
ﻣﻨﻮ ﺷﻤﺪﺭﻳﻨﻲ ﻫﻴﻪ ﻫﻮﺳﻪ
ﻻ ﺍﻟﻤﺮﻩ ﺍﻟﺪﺗﺒﺠﻲ
ﻗﺼﺪﻙ ﻋﻤﺘﻚ ﻣﻨﻰ
ﻣﺎﺩﺭﻱ ﺍﻧﻲ ﺟﺎﻱ ﺍﺳﺌﻠﺞ
ﺍﻱ ﻳﺎﺑﻌﺪ ﻋﻤﺮﻱ ﻫﺎﻱ ﻣﻨﻮﻩ ﻋﻤﺘﻚ ﺣﻘﻚ ﻣﺘﻔﺎﺟﺎﻩ ﻋﺒﻨﻚ ﻣﺎﺷﺎﻳﻔﻪ ﻭﻓﺎﺗﻚ ﻣﻮﻗﻒ ﺍﻟﺒﺎﺭﺣﻪ ﺍﻟﺼﺎﺭ ﺑﺠﻴﺘﻪ
ﺯﻳﻦ ﻭﺍﻟﻴﻤﻪ ﺍﻟﺒﻨﻴﻪ
ﺑﻨﺘﻪ ﻋﻤﻪ ﺑﻨﺘﻪ ﺍﻡ ﺍﻟﺮﺻﺎﺻﻲ ﻏﻴﺮ
ﺿﺮﺑﺖ ﻛﺼﺘﻲ
ﻳﺎﺧﺎﻳﺐ ﺷﺠﺎﻙ
ﻋﻤﻪ ﺑﻨﺘﻪ ﺷﺴﻤﻪ
ﻳﺎﺍﺍﺍ ﺿﺮﻳﺮ ﺍﻧﺖ ﻣﺼﺨﻦ ﺷﺒﻼﻙ ﻫﻴﺞ ﺗﺴﺌﻞ
ﻋﻤﻪ ﻭﻟﻴﺮﺣﻢ ﻭﺍﻟﺪﻳﺞ ﺟﺎﻭﺑﻲ ﻭﺭﻳﺢ ﻛﻠﺒﻲ
ﻭﻟﻚ ﻣﺎ ﺗﺬﻛﺮ ﻫﻴﻪ ﺑﻬﺎﻱ ﺍﻟﻬﻮﺳﻪ ﺍﻧﺸﺪ ﺍﻧﺎ ﻋﻞ ﺍﺳﻤﻬﻪ
ﺯﻳﻦ ﺍﻧﺎ ﺭﺍﺡ ﺍﻛﻠﺞ ﻭﺍﻧﺘﻲ ﺑﺲ ﺭﻳﺤﻲ ﻛﻠﺒﻲ ﻭﻛﻠﻴﻠﻲ ﺍﻱ ﻳﻮ ﻻ
ﺩﻛﻮﻝ ﻋﺎﺩ ﻣﻮﺟﻬﻚ ﺗﻴﺒﺲ ﻣﺎﺩﻛﻠﻲ ﺷﺒﻴﻚ
ﺣﺠﻴﺘﻪ ﻣﺘﻘﻄﻌﻪ ﻭﺍﻧﻲ ﻣﺘﺎﻛﺪ ﻣﻨﻬﻪ ﺑﺲ ﻋﻘﻠﻲ ﺭﺍﻓﺾ ﻳﺼﺪﻙ
ﻋﻤﻪ ﺍﺳﻤﻪ ﻩ ﻩ ﻫﺎﺟﺮ
ﺍﻱ ﻭﻟﻚ ﻳﻤﻜﻦ ﺍﻱ ﺍﻱ ﺍﺳﻤﻪ ﻫﺎﺟﺮ
ﻋﻤﺘﻲ ﺍﻛﺪﺗﻠﻲ ﺑﻌﺪ ﻣﺎﺗﺤﻤﻠﺖ ﺳﺘﻨﺪﺕ ﻋﻞ ﺣﺎﻳﻂ ﻭﻛﻌﺪﺕ ﺑﻠﻜﺎﻉ ﺑﺴﺮﻋﻪ ﻋﻤﺘﻲ ﺛﻨﺖ ﻛﺒﺎﻟﻲ ﻭﺑﻜﻞ ﺧﻮﻑ ﻛﺎﻟﺘﺎﻟﻲ
ﻋﻤﻪ ﺷﺒﻴﻚ ﺷﺒﻼﻙ ﻳﻤﻪ ﻭﻟﻴﺪﻱ ﻭﺟﻬﻪ ﻧﻄﻌﻦ ﺿﺮﻳﺮ ﻋﻤﻪ ﺧﺎﻳﺒﻴﻦ ﻭﻳﻨﻜﻢ ﺗﻌﺎﻟﻮ ﻟﻴﻪ
ﻟﺰﻣﺖ ﺍﻳﺪﻩ .. ﻋﻤﻪ ﺻﻮﺗﺞ ﻻ ﺗﺨﺎﻓﻴﻦ ﻣﺎﺑﻴﻪ ﺷﻲ ﺻﺪﻣﻪ ﻭﻃﺮﻛﺎﻋﻪ ﻭﻛﻌﺖ ﻋﻠﻰ ﺭﺍﺳﻲ ﻭﺟﺎﻱ ﺍﺳﺘﻮﻋﺒﻪ
ﺧﻴﺮﻙ ﻳﺎ ﺳﺎﺗﺮ ﺻﺪﻣﺘﻴﺶ
ﻋﻤﻪ ﻭﺍﻟﻠﻪ ﻣﺼﺪﻛﻴﻦ ﺍﺫﺍ ﺍﻛﻠﺞ ﻻﻥ ﺍﻧﻲ ﻧﻔﺴﻲ ﻣﻤﺼﺪﻙ
ﻳﺎﺑﻌﺪ ﻋﻤﺘﻚ ﺍﺣﺠﻲ ﺗﺮﻩ ﻣﻦ ﻳﻤﻲ ﺧﻔﺖ
ﻋﺼﺮﺕ ﻭﺟﻬﻲ ﻭﺧﻠﻴﺖ ﺍﻳﺪﻱ ﻋﻠﻴﻪ ﺩﻛﻴﺖ ﺭﺍﺳﻲ ﺑﻠﺤﺎﻳﻂ ﻭﺍﺭﺩﺩ ﻻ ﻻ ﻣﻤﻌﻘﻮﻟﻪ ﻣﺮﺍﻫﻤﻪ ﻻﻻ ﻣﻮ ﻟﻬﻞ ﺩﺭﺟﻪ
ﻭﻟﻚ ﻋﻤﻪ ﻋﻴﻮﻧﻚ ﺟﻤﺮﻥ ﻻﺗﺨﻮﻓﻨﻲ ﻋﻠﻴﻚ ﻛﻠﻲ ﺷﻔﺖ ﻭﺷﺒﻴﻚ
ﻋﻤﻪ ﺑﺲ ﺧﻞ ﺍﺭﺗﺎﺡ
ﺟﺎ ﺷﻠﻮﻥ ﻣﻮﺍﻧﻲ ﻭﺟﻴﺖ ( ﺷﺘﻌﻠﺖ )
ﻃﻠﻌﺖ ﺟﻜﺎﺭﻩ ﻭﺭﺛﺘﻪ ﺍﻳﺪﻱ ﺗﺮﺟﻒ ﺍﺳﺤﺐ ﻧﻔﺲ ﺻﺪﺭﻱ ﺿﻴﻚ ﻭﺍﻟﺪﺧﺎﻥ ﻋﻤﺎﻧﻲ ﻋﻴﻮﻧﻲ ﻏﺮﻏﺮﻥ ﻣﻨﻪ ﻋﻤﺘﻲ ﻋﺒﺎﻟﻪ ﺭﺍﺡ ﺍﺑﺠﻲ ﻛﺎﻣﺖ ﺗﻨﻮﺩ ﻭﻛﻠﻲ ﻓﻬﻤﻨﻲ ﺷﻤﺎﻟﻚ ﻛﻤﺖ ﺍﺳﺤﺐ ﻧﻔﺲ ﻭﺭﻩ ﻧﻔﺲ ﺍﺭﻳﺪ ﺗﻄﻠﻊ ﺍﻟﻐﺼﻪ ﺍﻟﻤﻜﺘﻮﻣﻪ ﻭﺑﻌﺪ ﻣﺎﺑﻴﻪ ﻣﺠﺎﻝ ﻧﻬﺎﺭﻳﺖ
ﻋﻤﻤﻪ ﺭﺍﺡ ﺍﻛﻠﺞ ﺑﺲ ﺑﻴﺒﻨﻲ ﻭﺑﻴﻨﺞ ﻭﺍﺭﻳﺪﺝ ﺗﺴﺎﻋﺪﻳﻨﻲ
ﺟﺎ ﻛﻮﻝ ﻭﺭﻳﺢ ﻓﺎﺩﻱ
ﺑﺪﻳﺖ ﺍﺣﺠﻲ ﺍﻟﻌﻤﺘﻲ ﻣﻦ ﺍﻭﻝ ﻳﻮﻡ ﺷﻔﺖ ﺑﻲ ﻫﺎﺟﺮ ﻟﺤﺪ ﻫﺎﻱ ﺍﻟﻠﺤﻀﻪ ﺷﻔﺘﻪ ﺑﻴﺘﻨﻪ ﻭﻋﻠﻰ ﺍﺑﻮ ﻣﺎﺟﺪ ﻭﺷﻐﻠﻪ ﺑﺲ ﻣﻮﺑﻌﻤﻖ ﻛﺎﻣﺖ ﺩﻙ ﻭﺗﻠﻄﻢ ﻋﻠﻰ ﺭﺟﻠﻴﻪ
ﺧﺎﻳﺐ ﻳﻤﺼﺨﻢ ﻫﺎﻱ ﺷﺼﺎﻳﺮ ﺑﻴﻚ ﻣﻦ ﺑﻼﻭﻱ ﻳﺒﻮﻭﻭ ﺩﻫﺮ ﻃﺮﺝ ﺭﺟﻮﻩ ﻭﻟﻚ ﺷﺤﺠﻲ ﻭﺷﻜﻮﻝ ﻭﻋﻠﻰ ﺷﻨﻮ ﺍﺟﺎﻭﺑﻚ ﻫﺎﻱ ﺑﻐﺪﺍﺩ ﻛﻠﻪ ﻣﺎﻋﺸﻜﺖ ﺍﻝ ﺑﻨﺖ ﻣﻨﻰ ﻭﺷﻠﻮﻥ ﻟﻔﺎﻙ ﺍﻟﺤﺾ ﻋﻠﻴﻬﻪ
ﻭﻫﻮﻩ ﻫﺬﺍ ﺍﻟﺮﺍﺡ ﻳﺨﺒﻠﻨﻲ ﻣﺘﺸﻮﻓﻨﻲ ﻣﺼﺪﻭﻡ
ﻭﺷﻐﻠﻚ ﻭﺷﻐﻠﻚ ﻳﻤﺼﺨﻢ ﺷﻠﻮﻥ ﺑﻲ
ﻋﻤﻪ ﺑﺮﻭﺡ ﺟﺪﺗﻲ ﺍﻟﺒﻌﺪﻩ ﺗﺮﺍﺑﻪ ﺑﻬﺪﻭﻣﻲ ﻣﺎﺣﺠﻴﺘﻠﺞ ﺳﺎﻟﻔﻪ ﺷﻐﻠﻲ ﺍﻟﻪ ﻻﻥ ﻫﺎﺟﺮ ﺗﺮﻛﺘﻨﻲ ﺑﺴﺒﺒﻪ ﻭﻣﺎﺭﻳﺪ ﺍﺣﺪ ﻳﺪﺭﻱ ﺑﻴﻬﻪ ﻻﻥ ﺍﻧﻲ ﻣﺎﺷﻲ ﺑﻴﻪ ﻫﺴﻪ ﻭﻣﺎﺭﻳﺪ ﺷﻲ ﻳﺨﺮﺏ ﺍﻟﺒﺪﻳﺘﻪ ﻭﺍﺭﻳﺪ ﺍﻛﻤﻞ ﺍﻧﺘﻘﺎﻣﻲ ﻟﻼﺧﻴﺮ
ﻭﻟﻚ ﻋﻠﻰ ﻫﺬﺍ ﺣﺠﻴﻚ ﻋﻠﻴﻬﻢ ﺍﻧﺖ ﻭﻳﻦ ﺗﻜﺪﺭﻟﻬﻢ
ﺍﻛﺪﺭ ﻭ ﺍﻟﻠﻪ ﺍﻛﺪ ﻫﺴﻪ ﻋﻮﻓﺞ ﻣﻦ ﺷﻐﻠﻲ ﺧﻠﻴﻨﻲ ﺑﻬﺎﺟﺮ ﻭﺷﻠﻮﻥ ﻟﻮ ﺷﺎﻓﺘﻲ
ﺗﻤﻮﺕ ﻭ ﺍﻟﻠﻪ ﺗﻤﻮﺕ ﺧﺎﻳﺐ ﺍﻧﺎ ﻫﺴﻪ ﺭﺍﺡ ﻳﻐﻤﻰ ﻋﻠﻴﻪ ﻭﺍﻧﺖ ﺷﻮﻑ ﻧﻔﺴﻚ ﺷﺼﺎﺭ ﺑﻴﻚ
ﻋﻤﻪ ﻭﺍﺫﺍ ﺻﺎﺭ ﻋﻠﻴﻪ ﺷﻲ ﺍﻧﺎ ﺍﻣﻮﺕ ﻭﺍﻟﻠﻪ ﻋﻤﻪ ﺑﻐﻼﺗﻲ ﻋﻨﺪﺝ ﻭﺍﻧﺎ ﺍﻋﺮﻓﺞ ﺷﻜﺪ ﺗﻌﺰﻳﻨﻲ ﺳﺎﻋﺪﻳﻨﻲ
ﻋﻴﻮﻧﻲ ﺍﻟﻚ ﺑﺲ ﻛﻠﻲ ﺷﺴﻮﻱ ﻭﺍﻧﺎ ﺍﺳﻮﻱ
ﺍﻧﺎ ﺍﻛﻠﺞ ﻫﺴﻪ ﻻﺯﻡ ﻫﺎﺟﺮ ﻣﺘﺸﻮﻓﻨﻲ ﺻﺪﻓﻪ ﺍﺭﻳﺪﺝ ﺗﻬﻴﺌﻴﻠﻲ ﻣﺠﺎﻥ ﻭﺍﺷﻮﻓﻪ ﺣﺘﻰ ﺍﻋﺮﻑ ﺷﻠﻮﻥ ﺍﻭﺍﺟﻬﻪ ﺍﻛﻴﺪ ﺭﺍﺡ ﺗﻨﺼﺪﻡ ﺃﻛﺒﺮ ﻣﻦ ﺻﺪﻣﺘﻲ ﻭﺻﺪﻣﺘﺞ
ﺍﻱ ﻭﺍﻟﻠﻪ ﻭﻫﺬﺍ ﺍﻟﺨﺎﻳﻔﻪ ﻣﻨﻪ ﻣﻴﺨﺎﻟﻒ ﺑﺲ ﺗﺨﻒ ﺍﻟﻨﺎﺱ ﻭﺍﻧﺎ ﺍﺩﺑﺮﻩ
ﻻﻋﻤﻪ ﺷﺘﻜﻒ ﺍﻟﻨﺎﺱ ﺍﺭﻳﺪﺝ ﺑﺎﻗﺮﺏ ﻓﺮﺻﻪ ﻟﺘﺮﻭﺡ ﺗﺸﻮﻓﻨﻲ ﺗﺴﻤﻊ ﺑﻴﻪ ﻫﺎﻱ ﻣﺎﺗﺘﺤﻤﻠﻞ ﻫﻴﺞ ﺻﺪﻣﻪ
ﺯﻳﻦ ﺍﺻﺒﺮ ﻟﻠﻴﻞ ﻭﺣﺎﻭﻝ ﻻﺗﻔﻮﺕ ﻟﻠﺒﻴﺖ ﻭﺍﻟﻴﻮﻡ ﺍﻥ ﺷﺎﻟﻠﻪ ﻧﻨﻬﻲ ﻛﻠﺸﻲ ﻭﻧﺸﻮﻑ ﺷﻠﻮﻥ ﺍﻧﺤﻠﻪ
ﺍﻱ ﻋﻔﻴﻪ ﻋﻤﻪ ﻣﺎﻭﺻﻴﺞ ﺑﻌﺪ
ﺍﻭﻭﻭﻭﻑ ﻳﺎ ﺿﺮﺍﺭ ﻣﻦ ﺯﻏﺮﻙ ﻭﺍﻧﺖ ﻣﻌﻠﻌﻞ ﻭﺣﺘﻰ ﻣﻦ ﻋﺎﺷﻚ ﻫﻢ ﻣﻌﻠﻌﻞ ﺑﻌﺸﻜﻚ
ﺍﺍﺍﺍﺍﺍﺍﺥ ﻋﻤﻪ ﻻﺗﺰﻳﺪﻳﻦ ﺍﻟﻬﻤﻮﻡ ﻋﻠﻴﻪ ﺍﻧﺎ ﻛﺎﻳﻠﻪ ﺍﻧﺎ ﻣﺎﻋﻨﺪﻱ ﺣﺾ ﻣﻦ ﺍﻧﻌﻞ ﺣﻀﻲ
ﺣﺠﻴﺘﻪ ﻭﻛﻤﺖ ﻛﺘﻠﻪ
ﻋﻤﻪ ﺑﺲ ﺍﺳﺒﺢ ﻭﺍﻃﻠﻊ ﻭﺑﻌﺪ ﻣﺎﻓﻮﺕ ﻟﻠﺒﻴﺖ ﻟﺤﺪ ﻣﺪﺑﺮﻳﻪ
ﺧﺎﻑ ﺗﺸﻮﻓﻚ ﻋﻤﻪ ﺭﻭﺡ ﺍﺳﺒﺢ ﺑﻴﺖ ﻋﻤﻚ ﺭﺷﺪﻱ ﺍﻗﺮﺏ ﺷﻲ
ﻻ ﺩﺧﻴﻠﺞ ﻋﻤﻪ ﻛﻠﺸﻲ ﻭﻻﺑﻴﺖ ﻋﻤﻲ ﺭﺷﺪﻱ ﻫﺎﻱ ﺳﺎﻟﻔﻪ ﺑﻌﺪﻳﻦ ﺍﻛﻠﺞ ﻋﻠﻴﻪ ﺩﺍﻣﺞ ﻛﻠﺸﻲ ﻋﺮﻓﺘﻲ
ﺟﺎ ﺧﻮﺵ ﻣﻮﻛﺘﻪ ﺍﻟﻮﺍﺩ ﺷﻮﻑ ﺑﺪﺕ ﺗﺠﻲ ﺭﺍﺡ ﺍﻛﻮﻝ ﺍﻟﺨﻮﺍﺗﻚ ﻳﺰﻫﺒﻠﻚ ﺍﻟﺤﻤﺎﻡ
ﺭﺍﺣﺖ ﻋﻤﺘﻲ ﻭﺍﻧﻲ ﻛﻌﺪﺕ ﺍﺿﺮﺏ ﺍﺧﻤﺎﺱ ﺑﺴﺪﺍﺱ ﻭﻋﻘﻠﻲ ﻣﺠﺎﻱ ﻳﺸﻞ ﺍﻟﻔﻜﺮﻩ ﻭﻻ ﺭﺍﺿﻲ ﻳﻘﺘﻊ ﺑﺲ ﻋﻴﻨﻲ ﺷﻠﻮﻥ ﺍﺟﺬﺑﻪ ﻭﻫﻴﻪ ﺷﺎﻓﺖ ﺑﻌﻴﻨﻪ ؟
ﺗﻮﺟﻴﺖ ﻋﻞ ﻛﺎﻉ ﻭﺍﻟﻠﻪ ﻫﻞ ﺷﻮﻓﻪ ﻫﺪﺕ ﺣﻴﻠﻲ ﻭﺯﻟﺰﻟﺖ ﻛﻴﺎﻧﻲ ﻭﻣﺎﺩﺭﻱ ﻫﺎﺟﺮ ﺷﻠﻮﻥ ﺭﺍﺡ ﺗﺴﺘﻮﻋﺐ
ﻋﻤﺘﻲ ﺳﻮﺗﻠﻲ ﺩﺭﺏ ﺍﻓﻮﺕ ﺍﺳﺒﺢ ﻻﻥ ﻫﺪﻭﻣﻲ ﻛﻠﻪ ﺗﺮﺍﺏ ﻣﺎﻝ ﺍﻟﺪﻓﻨﻪ ﺩﺧﻠﺖ ﻟﺒﻴﺘﻨﻪ ﻭﺍﻭﻝ ﻣﺮﻩ ﺍﻓﻮﺗﻠﻪ ﺧﺎﻳﻒ ﻣﻮﻣﻦ ﺷﻲ ﺑﺲ ﺍﺣﻴﺎﻧﺎ ﺍﻟﻤﻮﺍﺟﻬﻪ ﺗﻜﻮﻥ ﺍﺻﻌﺐ ﺣﺘﻰ ﻣﻦ ﺍﻟﺤﺮﺏ
ﻓﺘﺖ ﻣﺪﻧﻚ ﻭﺑﻮﺟﻬﻲ ﻟﻠﺤﻤﺎﻡ ﻧﺰﻋﺖ ﻣﻼﺑﺴﻲ ﻋﻠﻜﺘﻬﻦ ﻭﺑﺪﻳﺖ ﺍﺳﺒﺢ ﺍﺳﺒﺢ ﻭﺑﺮﻭﺩﻩ ﺳﺮﺕ ﺑﺠﺴﻤﻲ ﺑﻨﺺ ﺍﻟﻤﻲ ﻭﻗﺎﺑﺾ ﺍﻳﺪﻱ ﻭﻣﺒﺘﺴﻢ ﺭﻏﻢ ﻛﻞ ﺍﻟﺼﺪﻣﻪ ﻭﺍﻟﺼﺎﺭ ﻣﺤﺒﻮﺑﺘﻲ ﺭﺩﺗﻠﻲ ﻭﻫﻞ ﻣﺮﻩ ﻣﺎﻓﺮﻁ ﺑﻴﻬﻪ ﻟﻮ ﻳﺼﻴﺮ ﺍﻟﺪﻡ ﻟﺮﺟﺎﺏ ﻫﻴﻪ ﻣﺎﻟﺘﻲ ﻭﺍﻟﻠﻪ ﺿﺎﻣﻪ ﺍﻟﻴﻪ ﺷﻮﻑ ﺍﻟﺪﻧﻴﻪ ﺷﻠﻮﻥ ﻓﺮﺗﻪ ﺣﺘﻰ ﺍﻋﻮﻓﻪ ﻭﺗﻄﻠﻊ ﺑﻨﺖ ﻋﻤﺘﻲ ﻭﺗﺠﻲ ﻟﺒﻴﺘﻲ ﻭﺍﺷﻮﻓﻪ
ﻃﻴﺮﻩ ﻭﻃﺎﺭﺕ ﻣﻨﻲ ﻭﻫﺴﻪ ﺣﻄﺖ ﻓﻮﻙ ﺑﻴﺘﻲ ﻭﺍﻟﻠﻪ ﻻﺻﻴﺪﻩ ﻟﻮﺍﻋﺮﻑ ﺍﺩﻓﻊ ﻧﺺ ﻋﻤﺮﻱ
ﻛﻤﻠﺖ ﺍﻟﻤﺮﺍﻳﻪ ﻛﺒﺎﻟﻲ ﻣﺴﺤﺖ ﻟﺤﻴﺘﻲ ﻣﻦ ﺍﻟﻤﻲ ﻭﻻﺍﺭﺩﻳﻦ ﺿﺤﻜﺖ ﻫﺎﺟﺮ ﺑﻨﺖ ﻋﻤﺘﻲ ﻳﻌﻨﻲ ﻣﺎﻳﻤﻨﻌﻨﻲ ﺑﻌﺪ ﻣﻨﻬﺎ ﺑﺲ ﺍﻟﻠﻪ
ﺻﺤﺖ ﻋﻞ ﻫﺪﻭﻣﻲ ﻧﻄﻮﻧﻲ ﺍﻟﺪﺷﺪﺍﺷﻪ ﻣﺤﻀﺮﻳﻪ ﻟﺒﺴﺘﻪ ﻭﻟﻔﻴﺖ ﺍﻟﺸﻤﺎﻍ ﻋﻠﻴﻪ ﻭﻃﻠﻌﺖ ﻛﺒﻞ ﺑﺮﻩ ﺍﻟﺒﻴﺖ ﻟﻜﻴﺘﻬﻢ ﻳﻨﺼﺒﻮﻥ ﺑﻠﺠﺎﺩﺭ ﺑﺎﺏ ﻋﻤﻲ ﻛﺮﻳﻢ ﻭﺑﺪﺃ ﻳﺤﺠﻮﻥ ﺑﻠﻔﺎﺗﺤﻪ ﻭﺷﻠﻮﻥ ﺭﺍﺡ ﺗﺼﻴﺮ ﻭﺍﻧﻲ ﺑﺎﻟﻲ ﻣﻮﻳﻤﻬﻢ ﻳﻜﻠﻮﻟﻲ ﺍﻟﻨﺴﻮﺍﻥ ﺑﻴﺘﻚ ﻭﺍﻟﺰﺍﻡ ﺑﻴﺖ ﻋﻤﻲ ﻛﺮﻳﻢ ﻭﺍﻧﻲ ﺑﺲ ﺍﻫﺰ ﺭﺍﺳﻲ ﻣﻮﺍﻓﻖ ﺭﺿﺎ ﺃﻛﺜﺮ ﻣﻦ ﻣﺮﻩ ﻳﻜﻠﻲ ﺿﺮﺍﺭ ﺷﺒﻴﻚ ﻭﺍﻧﺎ ﻓﺎﺻﻞ ﻓﻴﺸﻪ ﻣﻦ ﻛﻠﺸﻲ
ﺍﻟﻨﻬﺎﺭ ﺧﻠﺺ ﻭﺍﻟﻔﺎﺗﺤﻪ ﺍﺟﺘﻪ ﻧﺎﺱ ﻣﻦ ﻛﻞ ﻣﺠﺎﻥ ﻭﺻﻮﺏ ﻭﺍﻧﻲ ﻭﻻ ﺑﺎﻟﻲ ﻛﻞ ﺷﻮﻳﻪ ﺭﺟﻠﻲ ﺗﺎﺧﺬﻧﻲ ﻟﺒﻴﺘﻪ ﺍﺭﻳﺪ ﺍﺷﻮﻓﻪ ﻭﺍﺭﺩ ﻏﻴﺮ ﺍﻣﻲ ﺍﻟﻜﻞ ﺷﻮﻳﻪ ﺩﺍﺯﺗﻠﻲ ﺟﺎﻫﻞ ﻳﻜﻠﻲ ﺍﻣﻚ ﺩﻛﻮﻝ ﺗﻌﺎﻝ ﺳﻠﻢ ﻋﻠﻰ ﻋﻤﺘﻚ ﻭﺍﻧﺎ ﺍﻃﻠﻊ ﺣﺠﻪ ﺍﻱ ﻭﻫﺴﻪ ﺍﻟﻌﺸﺎ ﻧﺼﺐ ﻭﺍﻟﻨﺎﺱ ﻛﻔﺖ ﻭﻫﺎﻱ ﺍﻧﺎ ﻻﺭﻳﻮﻙ ﻭﻻﻏﺪﻩ ﻭﻻﻋﺸﺎ ﻭﻻﻧﻮﻡ ﻣﻦ ﺍﻟﺒﺎﺭﺣﻪ
ﺑﺲ ﺣﺶ ﺟﻜﺎﻳﺮ ﻭﺗﻔﻜﻴﺮ ﺷﻠﻮﻥ ﺭﺍﺡ ﻧﺘﻮﺍﺟﻬﻪ
ﻟﻠﻴﻞ ﺣﻴﻞ ﺟﺒﺮﺕ ﻧﻔﺴﻲ ﻭﻓﺘﺖ ﻏﺴﻠﺖ ﻭﻋﻤﺘﻲ ﻧﻮﺭﻳﻪ ﻣﺎﻣﻨﻬﺎ ﺧﺒﺮ ﺑﻌﺪ ﻣﺎﺗﺤﻤﻠﺖ ﺻﺤﺖ ﻭﺭﺩﻩ ﺣﺘﻰ ﺗﺼﺤﻠﻴﺎﻩ ﻭﻣﺎﺣﺲ ﻏﻴﺮ ﻫﺎﺟﺮ ﺗﺨﻄﻒ ﻣﻦ ﻳﻤﻲ ﻣﺪﻧﻜﻪ ﻏﻴﺮﺭ ﺍﻧﺎ ﺍﻟﺮﺟﺎﻝ ﺍﻟﻬﻴﺒﻪ ﺭﺩﺕ ﺍﻭﻛﻊ ﻣﻦ ﻃﻮﻟﻲ ﺟﺎ ﺷﻠﻮﻥ ﺭﺍﺡ ﺍﻛﻒ ﻛﺒﺎﻟﻪ ﻣﺎﺩﺭﻱ
ﺍﺟﺘﻲ ﻋﻤﺘﻲ ﻧﻮﺭﻳﻪ ﺷﺎﻓﺘﻨﻲ ﺷﻠﻮﻥ ﺍﻟﻮﺏ ﻭﺍﺭﻭﺡ ﻭﺍﺟﻲ ﺑﻠﺤﻮﺵ ﺍﺷﺮﺗﻠﻲ ﺍﺻﺒﺮ ﺿﻠﻴﺖ ﺍﻛﺮﺽ ﺑﺮﻭﺣﻲ ﻭﺍﺷﻌﻞ ﺟﻜﺎﺭﻩ ﻣﻦ ﻭﺣﺪﻩ ﻟﻮﺣﺪﻩ ﻟﺤﺪ ﻣﺎﻃﻠﻌﺖ ﻭﻛﻠﺘﻠﻲ ﻓﻮﺕ ﻣﻨﺘﻀﺮﺗﻚ ﺑﻐﺮﻓﺘﻚ ﺩﺳﺖ ﺍﻟﺠﻜﺎﺭﻩ ﺑﺮﺟﻠﻲ ﻭﺑﺴﺖ ﺭﺃﺱ ﻋﻤﺘﻲ ﻭﻫﻴﻪ ﺩﻛﻠﻲ ﻻﻳﻄﻠﻊ ﺻﻮﺗﻜﻢ ﺍﻟﺒﻴﺖ ﻣﻠﻴﺎﻥ ﻧﺎﺱ ﻻﺗﻔﻀﺤﻮﻧﻪ ﺍﻟﻄﺮﻳﻖ ﺻﺎﺭ ﻟﻐﺮﻓﺘﻲ ﺳﻨﻪ ﻭﺣﻴﻠﻲ ﻛﻠﻪ ﺭﺧﻪ ﻣﻦ ﺍﻳﺪﻱ ﺻﺎﺭﺕ ﻋﻞ ﻛﻴﻠﻮﻥ ﺳﻤﻴﺖ ﺑﺴﻢ ﺍﻟﻠﻪ ﻭﻓﺘﺖ .....
ﻫﺎﺟﺮ .. ﻣﻦ ﺻﺎﺭ ﻛﺒﺎﻟﻲ ﺿﺮﺍﺭ ﺻﺪﻣﻪ ﺷﻜﺪ ﻣﺎﻛﻌﺪ ﺍﺷﺮﺡ ﻋﻨﻪ ﻣﺤﺪ ﻳﺘﺨﻴﻠﻪ ﻟﺤﻀﻪ ﺣﺴﻴﺖ ﻧﻔﺴﻲ ﺑﻴﻪ ﺟﻨﻲ ﻭﻛﺎﻡ ﻳﺨﻴﻠﻲ ﻣﺮﻩ ﺻﻮﺗﻪ ﻣﺮﻩ ﺷﻜﻠﻪ ﻣﺮﻩ ﺷﻤﺎﻏﻪ ﻭﻫﺴﻪ ﺧﻼﻩ ﻭﺍﻛﻒ ﻛﺪﺍﻣﻲ ﺭﺩﺕ ﺍﻋﻴﻂ ﻣﻦ ﻛﻤﻴﺖ ﺍﻟﺮﻋﺐ ﺍﻟﺼﺎﺭﺕ ﺑﻴﻪ ﺑﺲ ﻫﻮﻩ ﺳﺒﻘﻨﻲ ﻭﻗﻔﻠﻨﻲ ﺑﺤﻀﻨﻪ ﻛﻤﺖ ﺍﺿﺮﺏ ﺑﻲ ﻭﺍﺻﻴﺢ
ﻭﻭﻭﻭﻭﺧﺮ ﻣﻨﻲ ﺍﻧﺖ ﺷﺠﺎﺑﻚ ﻫﻨﺎ ﻻﺗﺨﺒﻠﻨﻲ ﻭﻭﻭﻭﺧﺮ
ﺣﻘﺞ ﻭ ﺍﻟﻠﻪ ﺣﻘﺞ ﻣﺼﺪﻭﻣﻪ ﻭﺍﻧﻲ ﺃﻛﺜﺮ ﻣﻨﺞ ﺑﺲ ﻧﻄﻴﻨﻲ ﻣﺠﺎﻝ ﺧﻞ ﺍﻓﻬﻤﺞ
ﻟﻚ ﺍﻧﺖ ﺻﺪﻙ ﻣﺠﺮﻡ ﺷﺠﺎﺑﻚ ﻭﺭﺍﻱ ﻟﻬﻨﺎ ﻟﻚ ﺷﺸﺸﺠﺎﺑﻚ ﻟﺒﻴﺖ ﺧﻮﺍﻟﻲ
ﺍﺣﺠﻲ ﻭﺍﺩﻓﻊ ﺑﻲ ﻭﻫﻮﻩ ﻳﺤﺎﻭﻝ ﻳﻠﺰﻣﻨﻲ ﻫﻤﺴﺖ
ﻫﻮﻩ ﺍﻧﺎ ﺧﻮﺍﻟﺞ ﻳﺎﺑﻌﺪ ﻛﻞ ﺧﻮﺍﻟﻲ
ﺟﻤﺪﺕ ﻭﺑﺘﻌﺪﺕ ﻣﺮﻋﻮﺑﻪ ﻭﺻﻮﺗﻲ ﺧﺘﻔﻪ ﻛﺎﻡ ﻣﻴﻄﻠﻊ ﺻﺎﺭ ﻛﺒﺎﻟﻲ ﻭﻳﺸﺮﻟﻲ ﺑﻴﺪﻩ ﻋﻼﻣﻪ ﺍﺻﺒﺮﻱ ﻭﻳﺤﺠﻲ ﻭﻳﻜﻠﻲ
ﻫﺎﺟﺮ ﺍﻧﺎ ﻣﺜﻠﺞ ﻣﺼﺪﻭﻡ ﻭﻣﺎﺩﺭﻱ ﺑﻴﺞ ﺑﻨﺖ ﻋﻤﺘﻲ ﻣﻨﻰ ﻭﺍﻟﺤﻤﺪ ﺍﻟﻠﻪ ﻣﻦ ﻋﺮﻓﺖ ﻗﺒﻠﺞ ﻳﻌﻨﻲ ﻟﻮﻣﺘﻼﻛﻴﻦ ﺑﻠﺒﻴﺖ ﺻﺪﻓﻪ ﺟﺎﻥ ﺍﻟﻠﻪ ﺍﻟﻴﻌﻠﻢ ﺷﺼﺎﺭ ﺍﻟﻌﻘﻠﺞ ﻟﻮ ﺍﻟﻌﻘﻠﻲ
ﺣﻴﻠﻲ ﺑﺎﺩ ﻭﺭﺟﻔﻪ ﻃﻜﻄﺖ ﺿﻠﻮﻋﻲ ﻭﺻﻮﺗﻲ ﻭﻛﻼﻣﻲ ﻛﺎﻡ ﻛﻮﻩ ﻳﻄﻠﻊ
ﺍﻧﺖ ﺷﺪﺗﺤﺠﻲ ﺷﺪﺩﻛﻮﻝ ﺷﻨﻮ ﻗﺼﺪﻙ ﻳﻌﻨﻲ ﺍﻧﺖ ﻣﻨﻮ ﻭﺍﺑﻦ ﻣﻨﻮﻭ
ﺍﻧﺎ ﺍﺑﻦ ﺧﺎﻟﺞ ﻭﺍﻧﺘﻲ ﺑﻨﺖ ﻋﻤﺘﻲ
ﺍﻭﻛﻒ ﺍﻭﻛﻒ ﺍﺑﻦ ﺧﺎﻟﻲ ﺍﻧﺖ ﺷﺪﺗﺨﺮﺑﻂ ﺯﻳﻦ ﻣﻨﻮ ﻣﻦ ﺧﻮﺍﻟﻲ ؟
ﺩﻧﻚ ﻭﺍﻳﺪﻩ ﺑﺠﻴﺐ ﺩﺷﺪﺍﺷﺘﻪ ﻭﺍﻟﺜﺎﻧﻴﻪ ﺭﺟﻊ ﺑﻴﻬﻪ ﺷﻌﺮﻩ ﻟﻴﻮﺭﻩ ﻭﻛﻮﻩ ﺳﻤﻌﺖ ﻣﻨﻪ
ﺍﻧﺎ ﺍﺑﻦ ﺧﺎﻟﺞ ﺣﺎﺗﻢ
ﻳﻤﻜﻦ ﻫﺎﻱ ﺍﻟﻜﻠﻤﻪ ﺟﺎﻧﺖ ﺍﻟﻘﺎﺿﻴﻪ ﻭﻋﻠﻰ ﺍﺛﺮﻩ ﻓﻘﺪﺕ ﺁﺧﺮ ﺫﺭﻩ ﺑﻌﻘﻠﻲ ﻛﻤﺖ ﺍﺿﺮﺏ ﺑﻲ ﻭﻫﻮﻩ ﻗﻴﺪﻧﻲ ﻭﺍﺻﻴﺢ
ﺍﻧﻮﺏ ﺍﺑﻦ ﺧﺎﻟﻲ ﺣﺎﺗﻢ ﺍﻟﺴﻮﺩ ﺣﻴﺎﺕ ﺍﻣﻲ ﻟﻚ ﺍﻧﺖ ﺷﻨﻮﻭﻭ ﻳﻮﻣﻴﻪ ﺍﻛﺘﺸﻒ ﺑﻴﻚ ﺷﻲ ﻣﺠﺮﻡ ﻭﺍﺭﻫﺎﺑﻲ ﻭﻫﺴﻪ ﻛﻤﻠﺘﻪ ﻃﻠﻌﺖ ﺗﻀﺤﻚ ﻋﻠﻴﻪ ﺣﺘﻰ ﺗﻜﻤﻞ ﺍﻧﺘﻘﺎﻡ ﺍﺑﻮﻙ ﺑﻴﻨﻪ
ﻟﺞ ﻭﻭﻭﻭﻳﻦ ﻋﻘﻠﺞ ﺷﺨﻂ ﺷﺠﺎﺏ ﻫﺎﻱ ﻋﻞ ﻫﺎﻱ ﻳﺸﻬﺪ ﺍﻟﻠﻪ ﻻﻋﺮﻓﺞ ﺑﻨﺖ ﻋﻤﺘﻲ ﻭﻻ ﺍﺩﺭﻱ ﻭﺣﺒﻴﺘﺞ ﻋﻞ ﻓﻄﺮﻩ
ﺟﺬﺫﺫﺫﺫﺍﺏ ﻫﺪﻧﻲ ﺧﻞ ﺍﻃﻠﻊ ﺟﺬﺫﺫﺍﺏ ﻣﺎﺻﺪﻙ ﺑﻴﻚ
ﺟﻨﺖ ﺍﺑﺠﻲ ﻭﻋﻴﻮﻧﻲ ﻣﺎﺷﻮﻑ ﺑﻴﻬﻪ ﻣﻦ ﺍﻟﺪﻣﻊ ﻭﻣﻨﻔﻌﻠﻪ ﻭﺟﺎﻥ ﺗﻨﺪﻙ ﺍﻟﺒﺎﺏ ﻋﻴﻮﻧﻪ ﺻﺎﺭﺕ ﺑﻜﺼﺘﻪ ﺻﻢ ﺣﻠﻜﻲ ﻭﺣﺼﺮﻧﻲ ﺑﺤﻀﻨﻪ ﺻﺎﺭ ﺿﻬﺮﻱ ﻋﻠﻰ ﺻﺪﺭﻩ ﻭﻳﺤﺠﻲ ﻋﻞ ﻛﻴﻒ ﺑﺬﺍﻧﻲ
ﻟﺞ ﺻﻮﺗﺞ ﻧﺼﻲ ﻫﺎﻱ ﻋﻤﺘﻲ ﻧﻮﺭﻳﻪ ﺟﺎﻱ ﺗﻨﺒﻬﻨﻪ ﺑﺲ ﻫﺪﻱ ﺷﻮﻳﻪ ﻟﻴﺶ ﺩﻭﻣﺞ ﻣﺘﺴﺮﻋﻪ
ﻋﻀﻴﺖ ﺍﻳﺪﻩ ﺍﻝ ﻋﻠﻰ ﺣﻠﻜﻲ ﻛﻔﺮ ﻭﺩﻓﻌﻨﻲ ﻟﺰﻛﻨﻲ ﺑﻠﺤﺎﻳﻂ ﺧﻨﺴﺖ ﻭﻟﺰﻣﺖ ﺍﻟﺤﺎﻳﻂ ﺧﻔﺖ ﻣﻦ ﺷﻜﻠﻪ ﺷﻠﻮﻥ ﻭﺟﻬﻪ ﺻﺎﺭ ﺩﻡ ﻓﺘﺢ ﺩﻛﻢ ﺍﻟﺪﺷﺪﺍﺷﻪ ﺑﻌﺼﺒﻴﻪ ﻭﺿﻞ ﻳﺮﻭﺡ ﻭﻳﺠﻲ ﻛﺒﺎﻟﻲ ﻭﺷﺎﻝ ﺍﻟﺸﻤﺎﻍ ﻣﻦ ﺭﻛﺒﺘﻪ ﺷﻤﺮﻩ ﺑﻌﺼﺒﻴﻪ ﻭﺩﻙ ﻋﻠﻰ ﺭﺃﺳﻪ ﻣﺮﺗﻴﻦ .. ﻧﺘﺮ
ﻳﻌﻨﻲ ﺷﻠﻮﻥ ﺷﺴﻮﻳﻠﺞ ﺍﻧﺘﻲ ﺷﻠﻮﻥ ﺑﻴﺞ ﺩﺍﻛﻠﺞ ﻣﺎﺩﺭﻱ ﺑﻴﺞ ﺗﺼﻴﺮﻳﻠﻲ ﻭﺣﻠﻔﺘﻠﺞ ﺍﻧﻮﺏ ﺗﺘﻬﻤﻴﻨﻲ ﻣﺘﺎﻣﺮ ﻋﻠﻴﺞ ﺍﺩﺭﻱ ﺑﻴﺞ ﻣﺼﺪﻭﻣﻪ ﻭﺍﻟﻒ ﻣﺮﻩ ﻛﻠﺘﻪ ﺍﻟﺞ ﺑﺲ ﻟﺴﺎﻧﺞ ﺑﻮﻳﻪ ﻟﺴﺎﻧﺞ ﻻﺗﺤﺠﻴﻦ ﺣﺠﻲ ﻣﺘﻔﻬﻤﻲ ﺗﺘﻬﻤﻴﻨﻲ ﺍﺭﻫﺎﺑﻲ ﻭﺍﻧﺘﻲ ﻣﺘﺮﺿﻴﻦ ﺗﺴﻤﻌﻴﻨﻲ ﻭﺍﻧﻮﺏ ﺩﻛﻠﻠﻲ ﺗﺪﺭﻱ ﺑﻴﻪ ﺑﻨﺖ ﻣﻨﻰ ﻭﺩﺗﻜﻤﻞ ﻧﺘﻘﺎﻡ ﺍﺑﻮﻙ ﺧﺎﻳﺒﻪ ﻟﻮﺍﺩﺭﻱ ﺟﺎﻥ ﻣﺎﺟﻴﺖ ﺻﻮﺑﺞ ﻭﻻﻭﺻﻠﺖ ﻛﺮﺑﺞ
ﻛﻌﺪﺕ ﺑﻠﻜﻠﻊ ﻭﺍﺑﺠﻲ ﺑﺨﻨﻴﻚ ﺛﻨﻰ ﻛﺒﺎﻟﻲ ﻭﻳﻜﻠﻲ
ﺗﺪﺭﻳﻦ ﺍﺻﺒﺢ ﻣﻦ ﺷﻔﺘﺞ ﺷﺼﺎﺭ ﺑﻴﻪ ﻭﺍﻟﻠﻪ ﻋﺒﺎﻟﻲ ﺗﺨﺒﻠﺖ ﻭﺍﻟﻠﻪ ﺍﻟﻌﻈﻴﻢ ﻳﻮﻣﻲ ﻣﺎﺩﺭﻱ ﺷﻠﻮﻥ ﺧﻠﺺ ﻭﻣﺎﻓﺘﺖ ﺿﻤﻴﺘﺞ ﺑﺮﻭﺣﻲ ﺿﻠﻴﺖ ﺑﺮﻩ ﺧﺎﻳﻒ ﻋﻠﻴﺞ ﻣﻦ ﻫﺎﻱ ﺍﻟﺤﻀﻪ ﻟﺘﻼﻛﻴﻨﻪ ﺑﻴﻬﻪ
ﻣﺎﺣﺠﻴﺘﻪ ﺑﺲ ﺍﺭﺟﻒ ﻭﺍﺑﺠﻲ ﻭﻣﺎﻣﺴﺘﻮﻋﺒﻪ ﻛﻞ ﺍﻟﺪﻳﻜﻮﻟﻪ
ﻫﺎﺟﺮ ﺍﺣﺠﻲ ﻻﺗﺨﻮﻓﻴﻨﻲ ﻋﻠﻴﺞ ﻳﻌﻨﻲ ﺍﻧﺘﻲ ﻟﻮ ﺩﻛﺒﻴﻦ ﻟﻮ ﺗﺴﻜﺘﻴﻦ
ﺿﺮﺍﺭ ﺍﺑﻌﺪ ﺍﻧﻲ ﺍﻧﻲ ﻣﺎﺍﻣﻦ ﺑﻴﻚ ﻭﺧﺎﻑ ﻣﻨﻚ ﻭﺑﺲ ﻳﻄﻠﻊ ﺍﻟﺼﺒﺢ ﺩﻗﻴﻘﻴﻪ ﻣﺎﺍﺑﻘﻰ ﻫﻨﺎ ﺍﻃﻠﻊ ﻗﺒﻞ ﻣﺎﺍﻓﻘﺪ ﻋﻘﻠﻲ ﻭﺍﺻﺮﺥ ﻭﺍﻟﻢ ﺍﻟﺒﻴﺖ ﻛﻠﻪ ﻛﻮﻡ ﻣﻦ ﻳﻤﻲ ﻛﻠﺒﻲ ﺭﺍﺡ ﻳﻮﻛﻒ
ﻣﻴﺨﺎﻟﻒ ﻫﺎﺟﺮ ﺍﺭﺗﺎﺣﻲ ﻫﺴﻪ ﺑﺲ ﻻﺗﻜﺮﻫﻴﻨﻲ ﻭﻧﻄﻴﻨﻲ ﻓﺮﺻﻪ ﺛﺎﻧﻴﻪ ﺣﺘﻰ ﻧﻜﻌﺪ ﻭﺗﻌﺮﻓﻴﻦ ﺿﺮﺍﺭ ﺍﻟﺤﺒﺞ ﺍﻧﺎ ﻧﻔﺴﻲ ﻭﻣﺎﺗﻐﻴﺮﺕ ﻭﻓﺮﺍﻛﺞ ﺫﺑﺤﻨﻲ
ﻫﺰﻳﺖ ﺭﺍﺳﻲ .. ﻣﺎﺻﺪﻙ ﺑﻴﻚ ﺍﻃﻠﻊ ﺑﺮﻩ ﻭﺍﻧﻲ ﺭﺍﺡ ﺍﺧﺬ ﺍﻣﻲ ﻭﺭﺍﺟﻊ
ﻛﺎﻓﻲ ﺗﺤﺮﻛﻴﻦ ﺑﻨﻔﺴﺞ ﻭﺑﻌﺼﺎﺑﻲ ﻫﺎﻫﻴﻪ ﺍﺳﺘﺴﻠﻤﻲ ﺍﻷﻣﺮ ﺍﻟﻮﺍﻗﻊ ﻭﺍﺭﺿﻲ ﺑﻘﺴﻤﻪ ﺍﻟﻠﻪ ﺍﻟﻠﻪ ﻛﺎﺗﺒﻠﺞ ﻭﻛﺎﺗﺒﻠﻲ ﻧﺤﺐ ﺑﻌﺾ ﻭﺣﻨﺎ ﻏﺮﺑﻪ ﻭﺗﻔﺮﻗﻨﻪ ﻭﻫﺴﻪ ﺟﻤﻌﻨﺎ ﻭﺣﻨﺎ ﻛﺮﺍﻳﺐ ﻫﺬﺍ ﺷﻲ ﻻﺑﻴﺪﻱ ﻭﻻ ﺑﻴﺪﺝ
ﺗﻮﺟﻴﺖ ﻋﻞ ﻛﺎﻉ ﻭﻛﻤﺖ ﻛﺎﻡ ﻭﺭﺍﻳﻪ ﺭﺩﺕ ﺍﻓﺘﺢ ﺍﻟﺒﺎﺏ ﻟﺰﻣﻨﻲ ﻣﻦ ﻣﻌﺼﻢ ﺍﻳﺪﻱ ﻧﺘﺮﺕ ﺍﻳﺪﻩ ﺣﻴﻞ ﻣﺎﻫﺪﻧﻲ ﺑﺎﻭﻉ ﺑﻌﻴﻮﻧﻲ ﻭﻳﻜﻠﻲ
ﻻ ﺗﻄﻠﻌﻴﻦ ﺍﻧﺎ ﺭﺍﺡ ﺍﻃﻠﻊ ﻭﺧﻠﻴﺞ ﺭﺍﻛﺪﻩ ﻭﻻﺗﺼﺮﻓﻴﻦ ﺑﻜﻴﻔﻴﺞ ﻭﺗﺨﺮﺑﻴﻦ ﺍﻻﺍﺭﻳﺪ ﺍﺑﺪﻱ
ﺣﺠﺎﻫﻪ ﻭﺧﻼﻧﻲ ﻭﺭﺍﻩ ﻭﻃﻠﻊ ﺭﺟﻌﺖ ﻛﻌﺪﺕ ﻭﺭﺍﺳﻲ ﺑﻴﻦ ﺭﺟﻠﻴﻪ ﻭﺍﺑﺠﻲ ﻣﻦ ﻛﻞ ﻛﻠﺒﻲ ﻋﻞ ﻧﻔﺴﻲ ﻭﺍﻟﺪﺗﺴﻮﻱ ﺑﻴﻪ ﺍﻟﺪﻧﻴﻪ ﺍﺳﻤﻌﻪ ﻳﻢ ﺍﻟﺒﺎﺏ ﻳﻜﻮﻝ ﺍﻟﺨﺎﻟﻪ ﻧﻮﺭﻳﻪ
ﻋﻤﻪ ﻓﻮﺗﻲ ﻳﻤﻬﻪ ﺍﻋﺼﺎﺑﻪ ﻓﺪﻧﻮﺏ ﺗﺤﻤﻠﻴﻪ ﻟﺨﺎﻃﺮﻱ ﻭﻫﺪﻳﻪ ﻭﻓﺮﺷﻴﻠﻪ ﺧﻞ ﺗﻨﺎﻡ ﺍﻧﺎ ﻓﻬﻤﺘﻪ ﺑﺲ ﻫﻴﻪ ﻣﺼﺪﻭﻣﻪ ﻭﻳﺤﺘﺎﺟﻠﻪ ﻭﻛﺖ ﻭﺗﺮﻳﺪ ﺩﻛﻮﻝ ﺍﻟﻌﻤﺘﻲ ﻣﻨﻰ ﺣﺎﺟﻴﻬﻪ ﻭﻓﻬﻤﻴﻪ ﺍﻟﺒﻴﻨﻪ ﻣﻴﻄﻠﻊ ﻭﻣﺎﺭﻳﺪ ﺍﺣﺪ ﻳﺪﺭﻱ ﺑﻲ ﻟﺤﺪ ﻣﺎﺷﻮﻑ ﺷﻠﻮﻥ ﺍﺣﻠﻪ
ﺭﻭﺡ ﻋﻤﻪ ﺭﺗﺎﺡ ﺍﻧﺎ ﻳﻤﻬﺎ ﻭﺫﺏ ﻫﺎﻱ ﺍﻟﺼﺨﺎﻣﻪ ﻣﻦ ﺣﻠﻜﻚ ﺗﺮﺍﻩ ﻛﺘﻠﺘﻚ ﻛﺘﻞ ﺷﻮﻑ ﺻﺎﺭ ﺑﺤﺎﻟﻚ ﻻﺿﻞ ﺗﺸﺮﺏ ﺍﻟﻠﻴﻞ ﻛﻠﻪ ﻭﻫﺎﺟﺮ ﺍﻧﺎ ﺍﻋﺮﻑ ﺷﻠﻮﻥ ﺍﻋﻘﻠﻪ
ﺷﻮﻳﻪ ﻭﺩﺧﻠﺖ ﻋﻠﻴﻪ ﻛﻌﺪﺕ ﺑﺼﻔﻲ ﺑﺘﻌﺪﺕ ﻣﻨﻬﺎ ﻛﻤﺖ ﺍﺧﺎﻑ ﻣﻦ ﻛﻠﺸﻲ ﻭﻛﻠﺸﻲ ﻳﺎﺛﺮ ﺑﻴﻪ ﺗﻘﺮﺑﺖ ﻟﻤﺘﻨﻲ ﺑﺤﻀﻨﻪ ﺗﺒﻮﺱ ﺑﺸﻌﺮﻱ ﻭﺗﻠﻌﺐ ﺑﻲ ﻭﻛﻠﻲ
ﺭﺧﻲ ﻋﺼﺎﺑﺞ ﻭﻻﺗﺸﻨﺠﻴﻬﻪ ﺍﻟﻤﻜﺘﻮﺏ ﻋﻞ ﺟﺒﻴﻦ ﻻﺯﻡ ﺗﺸﻮﻓﻪ ﺍﻟﻌﻴﻦ ﻭﺿﺮﺍﺭ ﻣﻜﺮﻭﺩ ﻭﺷﺎﻑ ﺿﻴﻢ ﺑﺤﻴﺎﺗﻪ ﻭﻋﺸﻜﺞ ﻭﻣﺎﻳﻌﺮﻑ ﻋﻨﺞ ﺷﻲ ﻻﺗﺸﻠﻌﻴﻦ ﻛﻠﺒﻪ ﻳﺎﺑﻨﺘﻲ
ﺭﻓﻌﺖ ﺭﺍﺳﻲ ﻋﻠﻴﻪ ﻭﻋﻴﻮﻧﻲ ﻛﻠﻪ ﺩﻣﻮﻉ
ﺧﺎﻟﻪ ﺿﺮﺍﺭ ﺍﺫﺍﻧﻲ ﻫﻮﺍﻱ ﺣﺒﻴﺒﺘﻪ ﻭﺍﻧﻲ ﻣﺎﻋﺮﻑ ﺷﻲ ﻋﻨﻪ ﻭﺻﺪﻣﻨﻲ ﻃﻠﻊ ﻣﺠﺮﻡ ﻭﻫﺴﻪ ﻳﻄﻠﻊ ﺍﺑﻦ ﺧﺎﻟﻲ ﺍﻟﻲ ﺷﻮﻑ ﺍﻟﻮﻳﻞ ﺍﻝ ﺍﻣﻲ ﺷﻠﻮﻥ ﺗﺮﺩﻳﻦ ﺍﺳﻤﻊ ﻭﺍﺷﻮﻑ ﻛﻞ ﻫﺬﺍ ﻭﻳﻀﻞ ﺑﺮﺍﺳﻲ ﻋﻘﻞ
ﻣﻴﺨﺎﻟﻒ ﺣﺒﻴﺒﺘﻲ ﻛﻞ ﺇﻧﺴﺎﻥ ﻳﻤﺮ ﺑﻔﺘﺮﻩ ﻋﺼﻴﺒﻪ ﻭﻫﺴﻪ ﺍﻧﺘﻲ ﻭﺿﺮﺍﺭ ﻣﺮﻳﺘﻮ ﺑﻬﺎﻱ ﺍﻟﻔﺘﺮﻩ ﻭﻻﺯﻡ ﻭﺍﺣﺪ ﻳﺘﺤﻤﻞ ﺍﻏﻼﻁ ﺍﻟﺜﺎﻧﻲ ﻭﺍﻭﻝ ﻏﻠﻂ ﻫﺴﻪ ﺍﻧﺘﻲ ﻧﻄﻴﺘﻲ ﺑﻲ ﻛﺪﺍﻣﻲ ﻳﻌﻨﻲ ﻟﻮﻣﺎ ﺍﻧﻲ ﺍﺩﺭﻱ ﺑﺸﻐﻠﻪ ﻭﻫﻮﻩ ﻣﺴﻮﻟﻔﻠﻲ ﺟﺎﻥ ﺍﻟﻠﻪ ﻟﻴﻌﻠﻢ ﺷﺼﺎﺭﻟﻲ ﻭﺍﻧﺎ ﺍﺳﻤﻊ ﻫﻞ ﺣﺠﻲ ﻋﻠﻰ ﺍﺑﻦ ﺍﺧﻮﻱ ﻭﻛﻞ ﻫﺬﺍ ﻭﺣﻘﺞ ﺍﻧﺘﻲ ﻫﺴﻪ ﺗﻌﺒﺎﺗﻪ ﻭﻣﺠﺎﻱ ﺗﻔﻜﺮﻳﻦ ﺻﺤﻴﺢ ﺭﺗﺎﺣﻲ ﻭﻋﻮﺩ ﻧﺤﺠﻲ
ﻣﺎﺭﻳﺪ ﺧﺎﻟﻪ ﺍﻧﻲ ﻣﺎﺭﻳﺪ ﺍﺑﻘﻰ ﻫﻨﺎ ﺍﺭﻳﺪ ﺍﺭﺟﻊ ﻣﻨﻴﻦ ﻣﺎﺟﻴﺖ ﻣﺎﻛﺪﺭ ﺍﺗﺤﻤﻞ ﻛﻞ ﻫﺬﺍ ﻋﻠﻰ ﺭﺍﺳﻲ ﺍﻧﺎ ﻋﻔﺖ ﺩﺭﺍﺳﺘﻲ ﻭﻋﻔﺖ ﺷﻐﻠﻲ ﺣﺘﻰ ﺍﻟﻠﻬﺰﻡ ﺑﺮﻭﺣﻲ ﻣﻨﻪ ﺗﺎﻟﻲ ﻳﻄﻠﻌﻠﻲ ﻫﻨﺎ ﻭﻳﻄﻠﻊ ﺍﻧﻮﺏ ﺍﺑﻦ ﺧﺎﻟﻲ
ﻭﺷﺒﻴﺪﺝ ﺗﺴﻮﻳﻦ ﻫﺎﻱ ﺍﺭﺍﺩﺕ ﺭﺑﺞ ﺗﻜﺪﺭﻳﻦ ﺗﻐﻴﺮﻥ ﺷﻲ ﺣﺎﺟﻴﻨﻲ ﺗﻜﺪﺭﻳﻦ؟
ﻣﺎﺑﺎﻭﻋﺘﻠﻪ ﺑﺲ ﺍﺷﻬﻚ ﻭﺭﺩﺩ ﻣﺎﺿﻞ ﻭﺍﻟﻠﻪ ﻣﺎﺿﻞ
ﻋﻮﻓﻲ ﻫﺬﺍ ﺍﻟﺤﺠﻲ ﻭﻳﻦ ﺗﺮﻭﺣﻴﻦ ﻭﺍﺣﻨﺎ ﺑﻌﺰﻩ ﻭﺍﻣﺞ ﺣﺎﻟﻪ ﺣﺎﻝ ﺍﻛﻌﺪﻱ ﻭﺿﺮﺍﺭ ﻣﺎﻳﻮﺻﻞ ﻳﻤﺞ ﻳﺨﻠﺺ ﺍﻟﻌﺰﻩ ﻭ ﺍﻟﻠﻪ ﻛﺮﻳﻢ ﻳﻠﻪ ﻻﺗﻨﺎﻗﻴﺸﻦ ﻭﻛﻮﻣﻲ ﻧﺎﻣﻲ
ﻣﺪﺗﻠﻲ ﺍﺩﻳﻪ ﻛﻮﻣﺘﻨﻲ ﻛﻮﻩ ﻛﻤﺖ ﻋﻠﻰ ﺣﻴﻠﻲ ﻛﻠﺸﻲ ﺑﻴﻪ ﻳﻮﺟﻌﻨﻲ ﻋﺒﺎﻟﻚ ﺍﻟﺼﺪﻣﻪ ﺻﺎﺭﺕ ﺑﻌﻀﺎﻣﻲ ﻃﻠﻌﻨﻪ ﻫﻮﻩ ﻛﺎﻋﺪ ﻋﻞ ﺑﺎﻳﻪ ﻣﺎﻝ ﺍﻟﺪﺭﺝ ﻭﺍﻟﺠﻜﺎﺭﻩ ﺑﻴﺪﻩ ﺑﺎﻭﻋﺘﻠﻪ ﺻﻔﺢ ﻭﺭﺣﺖ ﻟﻔﺮﺍﺷﻲ ﺑﺼﻒ ﺍﻣﻲ ﻣﺪﺩﺕ ﻭﻟﺰﻣﺖ ﺍﺩﻳﻪ ﺍﺑﺎﻭﻉ ﻋﻞ ﻭﺟﻬﻪ ﺍﻟﺘﻌﺒﺎﻥ ﻭﻣﻌﺎﻧﻴﻬﻪ ﺍﻟﺬﺑﻠﺖ ﻫﺎﻱ ﺍﻟﻴﻮﻣﻴﻦ ﻭﺍﺑﺠﻲ ﺑﺴﻜﺘﻪ ﻭﻛﻞ ﺍﻟﺼﺎﺭﻟﻲ ﻣﺪﺍﻛﺪﺭ ﺍﻫﻀﻤﻪ ﻻﻫﻮﻩ ﺣﻠﻢ ﻭﻻﻫﻮﻩ ﻓﻠﻢ
ﻟﻴﺶ ﻫﻴﺞ ﺍﻟﺪﻧﻴﻪ ﺗﻀﻤﻠﻨﻪ ﺍﺷﻴﺎﺀ ﻣﺘﺨﻄﺮ ﻋﻠﻰ ﺑﺎﻟﻨﻪ ﺷﻠﻮﻥ ﺭﺍﺡ ﺍﺳﺘﻮﻋﺐ ﻭﺷﻠﻮﻥ ﺍﻛﺪﺭ ﺍﺗﺤﻤﻞ ﻭﺟﻮﺩ ﺿﺮﺍﺭ ﺑﺤﻴﺎﺗﻲ ﻟﻠﻤﺮﻩ ﺍﻟﺜﺎﻧﻴﻪ ﻭﻳﺼﻔﻪ ﺗﺨﺘﻠﻒ ﻣﻦ ﻛﻞ ﻧﻮﺍﺣﻲ
ﺣﻄﻴﺖ ﺍﻳﺪﻱ ﻋﻞ ﻛﻠﺒﻲ ﻳﺪﻙ ﻣﺜﻞ ﺩﻛﺘﻪ ﻣﻦ ﺟﺎﻥ ﻳﺸﻮﻑ ﺿﺮﺍﺭ ﻗﺒﻞ ﺧﻔﺖ ﺣﻴﻞ ﺧﻔﺖ ﻻﺍﻏﺪﺭ ﺑﻨﻔﺴﻲ ﻭﺍﺭﺿﺨﻠﻪ ﻻﻥ ﺿﺮﺍﺭ ﻣﺎﺗﺼﻮﺭ ﺑﻌﺪ ﻳﻌﻮﻓﻨﻲ ﻭﻻ ﺍﻧﻲ ﺍﺗﻘﺒﻠﻪ ﻓﺰﻳﺖ ﻭﻛﻤﺖ ﻣﻦ ﻓﺮﺍﺷﻲ ﻛﻌﺪﺕ ﻟﺤﻴﻠﻲ ﺍﺑﺎﻭﻉ ﻛﻠﻪ ﻏﺎﻃﻪ ﺑﻠﻨﻮﻡ ﺧﺎﻟﻪ ﻧﻮﺭﻳﻪ ﺍﺟﺘﻲ ﻧﺎﻣﺖ ﺑﻔﺮﺍﺷﻪ ﻭﺩﻛﻠﻲ ﻧﺎﻣﻲ ﻳﻤﻪ ﻧﺎﻣﻲ ﻭﺍﻧﻲ ﺑﻌﺪ ﻣﻨﻴﻦ ﻳﺠﻴﻨﻲ ﺍﻟﻨﻮﻡ ﻟﻠﻔﺠﺮ ﺭﺍﺳﻲ ﺑﻴﻦ ﺭﺟﻠﻴﻪ ﻭﺍﺑﺠﻲ ﺻﺎﺭ ﺍﻟﻤﻜﺎﻥ ﻋﺒﺎﻟﻚ ﺩﻳﺎﻛﻞ ﺑﻴﻪ ﻭﺍﺭﻳﺪ ﺑﺲ ﺍﺻﺒﺢ ﻳﻄﻠﻊ ﻟﻮﺍﻋﺮﻑ ﺍﺭﺟﻊ ﻣﺸﻲ ﻭﻻﺍﺑﻘﻰ ﺩﻗﻴﻘﻴﻪ ﻫﻨﺎ
ﻛﻠﺸﻲ ﺑﻴﻪ ﻳﻨﻔﺾ ﻭﻋﻘﻠﻲ ﺭﺍﻓﺾ ﻛﻞ ﺍﻟﺼﺎﺭ ﺗﻌﺒﺖ ﺗﻌﺒﺖ ﺣﻴﻞ ﻭﺍﺧﺎﻑ ﺟﻨﺖ ﺑﻨﺎﺭ ﻭﺣﺪﻩ ﻫﺴﻪ ﺻﺮﺕ ﺑﻨﻴﺮﺍﻥ ﻭﻣﻨﻴﻦ ﻣﺎﺻﺪ ﺗﺤﺮﻙ ﺑﻴﻪ ﻭﺗﻠﺴﻌﻨﻲ ﻣﺎﺩﺭﻱ ﺷﻠﻮﻥ ﻏﻔﻴﺖ ﻭﻣﺎﻛﻌﺪﺕ
ﻟﺤﺪ ﻣﺎ ﻧﺪﻗﻴﺖ ﻣﻦ ﺟﺘﻔﻲ ﺭﻓﻌﺖ ﺭﺍﺳﻲ ﻃﻠﻌﺖ ﻧﺎﻳﻤﻪ ﻋﻞ ﻣﺨﺪﻩ ﻭﻣﻐﻄﺎﻳﻪ ﺟﺎﻧﺖ ﻭﺭﺩﻩ ﺑﺎﻭﻋﺘﻠﻲ ﻭﻛﺎﻟﺖ
ﻛﻮﻣﻲ ﻧﺎﻣﻲ ﺑﻠﻐﺮﻓﻪ ﺍﻟﻨﺎﺱ ﺑﺪﺕ ﺗﺠﻲ
ﻣﺎﺟﺎﻭﺑﺘﻪ ﺻﻮﺗﻲ ﻣﺒﺤﻮﺡ ﻣﻦ ﺍﻟﺒﺠﻲ ﻭﻋﻴﻮﻧﻲ ﻛﻮﻩ ﻣﻔﺘﺤﺘﻬﻦ ﻛﻤﺖ ﻭﻳﺎﻫﻪ ﺑﺪﻭﻥ ﻛﻼﻡ ﻓﺘﻨﻪ ﻣﻦ ﻳﻢ ﺍﻟﻤﻄﺒﺦ ﺍﻣﻲ ﻭﺧﺎﻻﺗﻲ ﺩﻳﺘﺮﻳﻜﻦ ﺩﺧﻠﻨﻪ ﺍﻟﻐﺮﻓﻪ ﺷﻤﺮﺕ ﻧﻔﺴﻲ ﻋﻞ ﺳﺮﻳﺮ ﻭﺑﻌﺪ ﻣﺎ ﺩﺭﻳﺖ ﺷﺼﺎﺭ ﺟﻨﺖ ﻫﻠﻜﺎﻧﻪ ﻭﻋﻘﻠﻲ ﺗﻌﺒﺎﻥ ﻣﻦ ﻛﺪ ﻣﺎﺧﻠﺼﺖ ﺍﻟﻴﻞ ﻛﻠﻪ ﺃﻓﻜﺮ ﺷﺮﺍﺡ ﺍﺳﻮﻱ
ﻭﻳﻦ ﻭﻛﻔﺨﺘﻨﻲ ﺭﻳﺤﻪ ﻣﺎﻝ ﺟﻜﺎﻳﺮ ﻗﻮﻳﻪ ﻋﻜﻀﺖ ﻭﺟﻬﻲ ﻭﻓﺘﺤﺖ ﻋﻴﻮﻧﻲ ﻟﻜﻴﺖ ﺿﺮﺍﺭ ﻛﺒﺎﻟﻲ ﻓﺰﻳﺖ ﺑﺘﻌﺪ ﻭﻛﺎﻡ ﻟﺤﻴﻠﻪ ﻧﺰﻟﺖ ﻣﻦ ﺍﻟﺴﺮﻳﺮ ﺻﺮﺕ ﻣﻦ ﺍﻟﺼﻔﺤﻪ ﺍﻟﺜﺎﻧﻴﻪ ﺻﺤﺖ
ﺷﻌﻨﺪﻙ ﻫﻨﺎ
ﺑﺘﺴﻢ ﻭﻣﺴﺪ ﻋﻠﻰ ﻟﺤﻴﺘﻪ ﻭﻳﻜﻠﻲ
ﺗﺮﻩ ﺍﻟﻴﻜﻌﺪ ﻳﻜﻮﻝ ﺻﺒﺎﺡ ﺍﻟﺨﻴﺮ
ﺟﺎﻭﺑﺘﻪ ﺑﻨﺘﺮ
ﻭﻣﻨﻴﻦ ﻳﺠﻲ ﺍﻟﺨﻴﺮ ﻭﺍﻧﻲ ﻭﻳﻦ ﻣﺎﺭﻭﺡ ﺍﺷﻮﻑ ﺷﻜﻮﻟﻚ
ﻫﺠﻴﺮﺍﻥ ﺍﻧﺎ ﺷﻠﻮﻥ ﺑﻠﺴﺎﻧﺞ
ﻟﻌﺪ ﺍﺑﻌﺪ ﻋﻦ ﻃﺮﻳﻘﻲ ﺣﺘﻰ ﻣﻴﻠﻮﺣﻚ ﻣﻦ ﻟﺴﺎﻧﻲ ﺷﻲ
ﻛﻞ ﻋﻘﻠﺞ ﻣﺨﺒﻞ ﻋﺎﻗﻞ ﺍﻧﺎ ﻣﺎﻋﻮﺩﺕ ﻟﻜﻴﺘﺞ ﺍﻧﻮﺏ ﺍﻋﻮﻓﺞ ﻫﺎﻱ ﺑﺤﻼﻣﺞ
ﻣﻮﺑﻜﻴﻔﻚ ﻳﻠﻪ ﻭﺧﺮ ﺧﻞ ﺍﻃﻠﻊ
ﺍﻃﻠﻌﻲ ﺣﺘﻰ ﺍﻧﺎﻡ ﺑﻔﺮﺍﺷﻲ ﻭﻋﻠﻰ ﺭﻳﺤﺘﺞ
ﻭﻭﻭﻭﻳﻌﻌﻌﻌﻊ ﻻﺩﻛﻠﻲ ﻫﺬﺍ ﻓﺮﺍﺷﻚ
ﻛﺎﻡ ﻳﺘﻘﺮﺏ ﻭﺍﻧﻲ ﺍﺭﺟﻊ ﺭﺍﻓﻊ ﺗﻚ ﺣﺎﺟﺐ ﻭﻳﻜﻠﻲ
ﺷﺒﻲ ﻓﺮﺍﺷﻲ ﻣﺎﻋﺎﺟﺒﺞ؟
ﺣﺠﺎﻫﻪ ﺑﺴﺘﻔﻬﺎﻡ ﻭﺻﺎﺭ ﺑﻴﻨﻲ ﻭﺑﻴﻨﻪ ﺍﺻﺎﺑﻊ ﻛﻤﺰﺕ ﻣﻦ ﻓﻮﻙ ﺍﻟﺴﺮﻳﺮ ﻋﻞ ﺻﻔﺤﻪ ﺍﻟﺜﺎﻧﻴﻪ ﺑﺤﺮﻛﻪ ﻭﺣﺪﻩ ﺻﺎﺭ ﻗﺒﻠﻲ ﻛﺪﺍﻡ ﺍﻟﺒﺎﺏ ﺩﻛﻴﺖ ﺭﺟﻠﻲ ﺑﻠﻜﺎﻉ ﻭﺻﻜﻴﺖ ﺳﻨﻮﻧﻲ ﻭﻛﻠﻪ
ﻭﻭﻭﻭﻭﺧﺮ
ﺑﻜﻞ ﺟﺮﺍﺀ ﻭﻋﻴﻮﻧﻪ ﺗﺮﻳﺪ ﺗﺎﻛﻠﻨﻲ ﻳﻜﻠﻲ
ﻣﺸﺘﺎﻛﻠﺞ
ﺧﺰﺭﺗﻪ
ﻻﺗﺒﺎﻭﻋﻴﻠﻲ ﻫﻴﺞ ﻟﺞ ﻣﻴﺖ ﻋﻠﻴﺞ ﻭﺑﻌﺪ ﺷﻴﺨﻠﺼﺞ ﻣﻨﻲ
ﻭﻭﻭﻭﻭﻭﻗﺢ
ﺍﻟﻠﻪ ﺷﻜﺪ ﻣﺸﺘﺎﻙ ﻟﻬﻞ ﺟﻠﻤﻪ ﻣﻦ ﺣﻠﻜﺞ
ﻳﻠﻪ ﻭﺧﺮ
ﺻﺎﺭ ﺍﺩﻟﻠﻲ
ﺳﻮﺍﻟﻲ ﻃﺮﻳﻖ ﻃﻠﻌﺖ ﺭﺣﺖ ﻏﺴﻠﺖ ﻭﻛﻌﺪﺕ ﻳﻢ ﺍﻣﻲ ﻃﺒﻌﺎ ﻣﻦ ﺍﺟﻴﺖ ﻟﻬﻨﺎ ﻟﻠﻴﻮﻡ ﻣﻤﺎﻛﻠﻪ ﻏﻴﺮ ﻗﻠﻴﻞ ﺍﻛﻠﻬﻢ ﻣﻴﻨﻬﻀﻢ ﺣﻴﻞ ﺩﺳﻢ ﻣﺎﻋﺘﻘﺪ ﻣﻌﺪﺗﻲ ﺗﺘﺤﻤﻠﻪ
ﺍﻣﻲ ﺷﺎﻓﺘﻨﻲ ﺳﺌﻠﺘﻨﻲ ﺷﺒﻴﻪ ﻋﻴﻮﻧﺞ ﻣﻮﺭﻣﻪ ﺭﺍﺳﻦ ﺑﺠﻴﺖ ﺧﻄﻴﻪ ﻧﻬﺒﻄﺖ ﻛﺎﻣﺖ ﻣﻦ ﻳﻢ ﺍﻟﻨﺴﻮﺍﻥ ﺍﺧﺬﺗﻨﻲ ﻣﻦ ﺍﻳﺪﻱ ﺑﺮﻩ ﺍﻟﻐﺮﻓﻪ ﻭﻛﻔﺖ ﻛﺒﺎﻟﻲ ﻭﺗﻤﺴﺢ ﺑﺪﻣﻮﻋﻲ ﻭﺩﻛﻠﻲ
ﺷﺒﻴﺞ ﻳﻤﻪ ﻋﻴﻨﻲ ﻣﻮﺟﻨﺘﻲ ﻧﺎﻳﻤﻪ ﺷﺒﻴﺞ ﻛﺎﻋﺪﻩ ﺗﺒﺠﻴﻦ
ﻳﻤﻪ ﺍﺭﻳﺪ ﺍﺭﺟﻊ ﻟﺒﻴﺖ ﻋﻤﻪ ﻫﻨﺎ
ﻳﺎﺍﺍ ﻫﺎﺟﺮ ﺷﺒﻴﺞ ﺣﺘﻰ ﺍﻟﻔﺎﺗﺤﻪ ﺑﻌﺪﻩ ﻣﺎﺧﻠﺼﺖ
ﺍﺩﺭﻱ ﺑﺲ ﻣﺎﻛﺪﺭ ﺍﺑﻘﻰ ﺍﺭﻳﺪ ﺍﺭﺟﻊ ﺗﺮﻩ ﻭﺍﻟﻠﻪ ﺍﺭﺟﻊ ﻭﺣﺪﻱ
ﻫﺎﺟﺮ ﺑﻄﻠﻲ ﺩﻟﻊ ﺍﺣﻨﺎ ﻣﻮﺑﻴﺘﻨﻪ ﻭﻣﻨﺎ ﺍﻟﻨﺎﺱ ﻭﻳﻦ ﺃﻋﻮﻑ ﻓﺎﺗﺤﻪ ﺍﻣﻲ
ﻟﻌﺪ ﺍﺑﻘﻲ ﺍﻧﻲ ﺭﺍﺟﻌﻪ
ﻭﻛﻔﺖ ﺍﻟﻒ ﺑﺸﺎﻟﻲ ﻭﺑﻌﺪﻧﻲ ﺍﺑﺠﻲ ﺧﺎﻻﺗﻲ ﻛﺎﻣﻦ ﻭﺭﺍﻩ ﺍﻣﻲ ﻭﻋﻤﺘﻲ ﻧﻮﺭﻳﻪ ﺗﺨﺰﺭ ﺑﻴﻪ ﻭﺍﻟﺒﻠﻤﻄﺒﺦ ﻛﻠﻪ ﻃﻠﻌﺖ ﺗﺒﺎﻭﻉ ﻋﻠﻴﻨﻪ ﻭﺍﻧﻲ ﻣﺎﻣﻬﺘﻤﻪ ﻭﻗﺎﻓﻠﻪ ﺩﻗﻴﻘﻴﻪ ﺑﻌﺪ ﻣﺎﺍﺑﻘﻰ ﻭﻓﺠﺎﻩ ﻭﺍﺳﻤﻊ ﺻﻮﺕ ﺿﺮﺍﺭ ﻣﻦ ﻛﺎﻝ ﺑﺼﻮﺕ ﻋﺎﻟﻲ ﺧﻼﻧﻲ ﺍﻟﺘﻔﺖ
ﻋﻤﻤﻤﻤﻤﻤﻪ ﺷﻠﻮﻧﺞ
.
.
.
.
.
.
.
ﻳﺘﺒﻊ
ﻫﻮﺍﻱ ﻳﺴﺌﻠﻮﻥ ﻋﻠﻰ ﺻﻮﺭﻩ ﺍﻟﻀﺮﺍﺭ ﻭﻋﺪﺕ ﻧﺸﺮ ﺍﻟﺼﻮﺭﻩ ﻟﻠﻤﺮﻩ ﺍﻟﺜﺎﻧﻴﻪ ﺿﺮﺍﺭ ﻫﻮﺍﻱ ﻳﺸﺒﻪ ﻫﺬﺍ ﻣﻦ ﻳﺬﺏ ﺍﻟﺸﻤﺎﻍ ﻭﺍﻟﻲ ﻳﺮﻳﺪ ﺻﻮﺭﻩ ﺑﻠﺸﻤﺎﻍ ﻳﻐﻤﺾ ﻭﻳﺘﺨﻞ ﻫﻞ ﻭﺟﻬﻪ ﺑﻞ ﺷﻤﺎﻍ ﺷﺘﺮﻭﺩﻥ ﺑﻌﺪ 😊😊
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
أنت تقرأ
هبت ريح
Mystery / Thrillerقصة جديدة للكاتبة رفل الكناني😍ومثل كول مرة تبدددع وهاي القصة احلى من جمبذا_ادم ❤️🤩
