هبت ريح

بارت17

#هبة__ريح

رفل الكناني
ﺻﺒﺎﺡ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﺒﻦ ،،،،،،،،،،
#ﺍﻟﺒﺎﺭﺕ_ﺍﻟﺴﺎﺑﻊ_ﻋﺸﺮ

ﻓﻀﻼ ﻭﻟﻴﺲ ﺍﻣﺮﺍ ﻗﺒﻞ ﺍﻟﻘﺮﺍﺀ ﺍﺿﻐﻂ ﻧﺠﻤﻪ ﻭﺗﻌﻠﻴﻖ ﺣﺘﻰ ﻳﻮﺻﻞ ﺍﺷﻌﺎﺭ ﺍﻟﺒﺎﺭﺕ ﻟﻠﻘﺮﺍﺀ ﺍﻟﺒﺎﻗﻴﻦ ....
ﺭﻭﺣﻲ ﺗﺮﻓﻪ ﻭﻋﺸﻜﺘﻚ ﺑﻠﺼﺪﻓﻪ
ﻭﺍﻧﺎ ﺭﻭﺣﻲ ﻣﻌﻠﻤﻪ ﻋﻞ ﺍﻟﻔﺮﻛﻪ
ﺭﻭﺡ ﻣﻨﻲ ﻭﻻﺗﻜﺮﺏ ﺑﺎﻟﻚ ﺗﻤﺮ ﺑﺪﺭﺑﻨﻪ
ﺍﻟﺪﻧﻴﺎ ﻭﺻﺨﻪ ﺗﻌﺜﺮ ﺑﻨﺎﺩﻡ ﺗﻮﻛﻌﻪ
ﻭﺑﻠﻨﻬﺎﻳﻪ ﺗﻜﻠﻪ ﺗﻜﻠﻪ ﺻﺪﻓﻪ
ﺍﺍﺍﺍﺍﺍﺍﺍﺓ ﻳﺎﺻﺪﻓﻪ ﺍﻟﻐﺒﺮﻩ ﻟﻌﻠﻜﺖ ﺭﻭﺣﻲ ﺑﺰﻧﺎﺟﻴﻞ ﺍﻟﻌﺸﻚ
ﻳﺎﺗﺮﻩ ﻫﻴﻪ ﻧﻔﺴﻪ ﺍﻟﻜﺎﻟﻮ ﻋﻠﻴﻪ ﺑﺎﻟﻒ ﻣﻴﻌﺎﺩ 😔
ﻫﺎﺟﺮ ﺳﺎﻟﻢ ﺣﻤﺪﺍﻥ ؛؛؛؛؛؛؛؛؛؛؛؛؛؛
ﺍﻧﻲ ﻫﺎﺟﺮ ﻣﻮﺍﻟﻴﺪ 1988 ﻭﻋﻴﺖ ﻋﻞ ﺩﻧﻴﻪ ﻋﺎﻳﺸﻪ ﺑﻴﻦ ﺍﻣﻲ ﻭﺍﺑﻮﻳﻪ ﻭﺍﺧﺘﻲ ﺍﺳﻴﻞ ﻣﺎﻋﻨﺪﻩ ﺃﺧﻮﻩ ﺃﺳﻴﻞ ﺃﻛﺒﺮ ﻣﻨﻲ ﺑﺴﻨﻪ ﻧﻮﻟﺪﺕ ﺑﻼﺍﺭﺩﻥ ﺍﺑﻮﻳﻪ ﺑﻌﺪ ﻣﺎﻣﺎﺕ ﻭﺍﻟﺪﻩ ﺑﺎﻉ ﻛﻞ ﺍﻣﻼﻛﻪ ﻭﺳﺎﻓﺮ ﻳﻢ ﺍﺧﺘﻪ ﺍﻟﻮﺣﻴﺪﻩ ﻋﻤﺘﻲ ﻫﻨﺎﺀ ﻭﻷﻥ ﺍﻣﻲ ﻋﻼﻗﺘﻪ ﻣﻘﻄﻮﻋﻪ ﻧﻬﺎﺋﻲ ﺑﺨﻮﺍﻟﻲ ﻗﺒﻠﺖ ﺗﺴﺎﻓﺮ ﻭﻳﺎﻩ ﻭﺗﻌﻮﻑ ﺑﻐﺪﺍﺩ ﺑﺴﻨﻪ ﺍﻟﺘﺴﻌﻴﻦ ﻭﺗﺤﺪﻳﺪﺍ ﺑﺤﺮﺏ ﺍﻟﻌﺮﺍﻕ ﻭﺍﻟﻜﻮﻳﺖ ﺟﺎﻧﺖ ﺍﻣﻲ ﺣﺎﻣﻞ 4 ﺍﺷﻬﺮ ﻭﺑﻴﻪ ﻭﻟﺪ ﻫﺬﺍ ﺍﻟﺤﺠﻲ ﺍﻧﻲ ﺯﻏﻴﺮﻩ ﺧﻼﻧﻪ ﺑﺎﺑﺎ ﺑﻴﺖ ﻋﻤﺘﻲ ﻫﻨﺎ ﻭﺭﺟﻊ ﻟﻠﻌﺮﺍﻕ ﺟﺎﻥ ﻣﺼﺮ ﻳﺸﺎﺭﻙ ﺑﻠﺤﺮﺏ ﻭﻳﺴﺎﻧﺪ ﺑﻠﺪﻩ ﺭﻏﻢ ﺍﻣﻲ ﻫﻮﺍﻱ ﻣﻨﻌﺘﻪ ﺑﺲ ﺟﺎﻥ ﺟﻮﺍﺑﻪ
ﺍﺫﺍ ﺍﻧﻲ ﺍﺳﺎﻓﺮ ﻭﺍﻋﻮﻑ ﺑﻠﺪﻱ ﻭﻏﻴﺮﻱ ﻳﺴﺎﻓﺮ ﻭﻳﻠﻬﺰﻡ ﻣﻦ ﺍﻟﺤﺮﺏ ﻟﻌﺪ ﻣﻨﻮ ﻳﻮﻛﻒ ﺑﻮﺟﻪ ﺍﻟﻤﺤﺘﻞ
ﺭﻏﻢ ﺍﻣﻲ ﺟﺎﻧﺖ ﺗﻜﻮﻟﻪ ﺍﺣﻨﺎ ﺍﻟﻲ ﺣﺘﻠﻴﻨﻪ ﺍﻟﻜﻮﻳﺖ ﻭﺍﻛﻮ ﻏﻴﺮﻙ ﻫﻮﺍﻱ ﻭﺍﺣﻨﺎ ﻣﺎﻋﻨﺪﻩ ﻏﻴﺮﻙ ﻻﺗﺮﻭﺡ ﻭﺗﻌﻮﻓﻨﻪ ﺍﺣﻨﺎ ﻣﻨﻮ ﺍﻟﻨﻪ ﺍﺻﻼ ﻣﺎﺻﺪﻛﻨﻪ ﻧﺨﻠﺺ ﻣﻦ ﺣﺮﺏ ﺇﻳﺮﺍﻥ ﺇﻟﻰ ﻣﺸﺎﺭﻛﺖ ﺑﻴﻪ ﻻﻥ ﺟﻨﺖ ﺗﺪﺭﺱ ﻫﺴﻪ ﺗﺸﺎﺭﻙ ﺑﻬﺎﻱ ﺍﻟﺤﺮﺏ
ﻭﻫﻮﻩ ﻳﺮﺩﻩ
ﻭﻷﻥ ﻣﺸﺎﺭﻛﺖ ﺑﺬﻳﺞ ﺍﻟﺤﺮﺏ ﻻﺯﻡ ﺍﺷﺎﺭﻙ ﺑﻬﺎﻱ
ﻭﻟﺘﺤﻖ ﺍﺑﻮﻱ ﻭﻳﺎﻩ ﺃﺻﺪﻗﺎﺀ ﺍﻟﻲ ﻫﻤﻪ ﺣﺜﻮﻩ ﻋﻞ ﻫﺬﺍ ﺍﻟﻤﻮﺿﻮﻉ ﻭﺭﺍﺡ ﺍﺑﻮﻱ ﻭﺧﻠﻪ ﺍﻣﻲ ﺗﻠﻮﺏ ﻫﻴﻪ ﻭﻋﻤﺘﻲ ﻫﻨﺎ ﻭﺭﻩ ﺷﻬﺮ ﺑﻀﺒﻂ ﻣﻦ ﺳﻔﺮﻩ ﺍﺟﺎﻧﻪ ﺧﺒﺮ ﺳﺘﺸﻬﺎﺩﻩ ﻳﻤﻜﻦ ﺍﻧﻲ ﻣﺎﺍﺫﻛﺮ ﻭﻻﻭﺍﻋﻴﻪ ﻋﻞ ﻫﺬﺍ ﺍﻟﺸﻲ ﺑﺲ ﺍﻟﻰ ﺍﻻﻥ ﻭﺑﻬﺬﺍ ﻛﺒﺮﻱ ﺩﺍﺷﻮﻑ ﻣﺌﺴﺎﻩ ﺍﻣﻲ ﻭﻣﻦ ﻋﻴﻮﻧﻪ ﺍﻋﺮﻑ ﺷﻜﺪ ﺗﺤﺐ ﺍﺑﻮﻳﻪ ﻭﺃﻛﺒﺮ ﺩﻟﻴﻞ ﻋﻞ ﺣﺒﻪ ﻭﺇﺧﻼﺻﻪ ﺍﻟﻪ ﻣﻔﻜﺮﺕ ﺗﺰﻭﺝ ﻭﻛﻌﺪﺕ ﺭﺑﺘﻨﻪ ﺑﻤﺴﺎﻋﺪﺓ ﻋﻤﺘﻲ ﻫﻨﺎ ﻭﻋﻼ ﺃﺛﺮ ﺧﺒﺮ ﻭﻓﺎﻩ ﺍﺑﻮﻳﻪ ﺍﻣﻲ ﺍﺟﻬﻀﺖ ﻭﻓﻘﺪﺕ ﺍﻟﻮﻟﺪ
ﻭﺑﻌﺪ ﻣﺎﻧﺪﻓﻦ ﺍﺑﻮﻳﻪ ﺑﻠﻌﺮﺍﻕ ﻭﺳﻮﻟﻮﻩ ﺍﻟﻌﺰﻩ ﺑﻴﻦ ﺧﻮﺍﻟﻪ ﻭﻋﻤﺎﻣﻪ ﺭﺟﻌﻨﻪ ﻟﻼﺭﺩﻥ ﻭﺑﻘﻴﻨﺎ ﻫﻨﺎﻙ ﻟﺤﺪ ﺳﻨﻪ 2004 ﻳﻌﻨﻲ ﻭﺭﻩ ﺍﻟﺴﻘﻮﻁ ﺑﺴﻨﻪ ﻗﺮﺭ ﺯﻭﺝ ﻋﻤﻪ ﻫﻨﺎﺀ ﻳﺮﺟﻊ ﻭﺍﺣﻨﺎ ﺷﻲ ﻃﺒﺒﻌﻲ ﻭﻳﺎﻫﻢ ﻻﻥ ﻣﺎﻋﻨﺪﻩ ﻫﻨﺎﻙ ﻏﻴﺮﻫﻢ ﺑﺎﻋﻮ ﺷﻘﺘﻬﻢ ﻭﺍﺣﻨﺎ ﺑﻌﻨﻪ ﺷﻘﺘﻨﻪ ﻭﺷﺘﺮﻳﻨﻪ ﺑﻴﺖ ﺑﻮﺣﺪﻩ ﻣﻦ ﻣﻨﺎﻃﻖ ﺑﻐﺪﺍﺩ ﺑﻴﺖ ﻛﻠﺶ ﺟﺒﻴﺮ ﻗﺴﻤﻨﺎﻩ ﺍﺣﻨﺎ ﻭﻳﺎﻫﻢ ﻗﺴﻤﻪ ﺣﻖ ﺑﻨﺎﺀ ﻛﺎﻣﻞ ﻳﻌﻨﻲ ﺻﺎﺭ ﺑﻴﺘﻴﻦ ﻭﻣﻨﺎ ﺑﺪﺕ ﻣﺴﻴﺮﻩ ﺍﻣﻲ
ﺍﺑﻮﻳﻪ ﺭﺍﺗﺐ ﻣﺎﻋﻨﺪﻩ ﻻﻥ ﻫﻮﻩ ﻛﻤﻞ ﺩﺭﺍﺳﻪ ﻭﻣﺎﺗﻮﺿﻒ ﺳﺎﻓﺮ ﺑﺲ ﺟﺎﻥ ﻋﺎﻳﺶ ﻣﻦ ﻓﻠﻮﺱ ﺍﻷﻣﻼﻙ ﺍﻟﺒﺎﻋﻪ ﺿﻞ ﻣﺸﻐﻠﻪ ﻫﻨﺎﻙ ﺑﻤﺤﻼﺕ ﻭﻣﻦ ﺭﺩﻧﻪ ﻧﺴﺎﻓﺮ ﺍﻣﻲ ﺻﻔﺘﻬﻢ ﻭﻧﻄﺖ ﺍﻟﻔﻠﻮﺱ ﺍﻝ ﻋﻤﻮ ﺑﻬﺠﺖ ﺯﻭﺝ ﻋﻤﻪ ﻫﻨﺎ ﻭﻫﻮﻩ ﺭﺟﺎﻝ ﺣﻘﺎﻧﻲ ﻭﻳﺨﺎﻑ ﺍﻟﻠﻪ ﻛﻠﺶ ﻓﺴﺘﺎﺟﺮﻟﻪ ﻣﺤﻼﺕ ﺛﻨﻴﻦ ﻭﺍﺣﺪ ﻣﻮﺍﺩ ﺍﻧﺸﺎﺋﻴﻪ ﻭﺍﻟﺜﺎﻧﻲ ﺗﺼﻮﻳﺮ ﻫﺬﺍ ﻛﻌﺪ ﻫﻮﻩ ﺑﻲ ﻻﻥ ﻫﺎﻱ ﻫﻮﺍﻳﺘﻪ
ﺟﺎﻥ ﺍﻟﻮﺍﺭﺩ ﻳﻮﺻﻞ ﻛﻞ ﺭﺃﺱ ﺷﻬﺮ ﺍﻻﺍﻣﻲ ﻭﺍﻣﻲ ﺳﺒﻌﻪ ﻭﺍﻗﺘﺼﺎﺩﻳﻪ ﺗﻌﺮﻑ ﺷﻠﻮﻥ ﺃﺩﻳﺮ ﺃﻣﻮﺭﻩ ﻣﻦ ﺍﻟﺸﻬﺮ ﻟﻠﺸﻬﺮ ﺑﺤﻴﺚ ﻣﺨﻠﺘﻨﻪ ﻧﺤﺘﺎﺝ ﺍﻷﺍﺣﺪ ﺧﻠﺘﻨﻪ ﺑﺄﺍﺣﺴﻦ ﺍﻟﻤﺪﺍﺭﺱ ﻭﻟﺒﺴﻨﻪ ﺍﺣﺴﻦ ﻟﺒﺲ ﻣﺨﻠﺖ ﺑﻨﻔﺴﻨﻪ ﺷﻲ ﻭﺑﻌﺪ ﻣﺎﻛﺒﺮﻧﻪ ﻭﻋﻴﻨﻪ ﺻﺮﻧﺎ ﻧﺴﺌﻞ ﻋﻞ ﺍﻗﺎﺭﺑﻨﻪ ﺧﺼﻮﺻﺎ ﺃﻫﻞ ﺍﻣﻲ ﺟﺎﻧﺖ ﺗﺴﻮﻟﻔﻨﻪ ﻭﻋﻴﻮﻧﻪ ﺗﻬﻤﻞ ﺑﺪﻣﻊ ﺷﻠﻮﻥ ﺍﻣﻪ ﺑﺨﺴﺖ ﺣﻘﻪ ﻭﺷﻠﻮﻥ ﺑﺎﻛﻮ ﺣﺼﺘﻪ ﻭﻫﻴﻪ ﻋﺪﻟﻪ ﻭﺷﻠﻮﻥ ﺣﺮﻛﻮ ﻛﻠﺒﻪ ﻭﺷﻠﻮﻥ ﻛﻞ ﺇﺧﻮﺗﻪ ﻭﺧﻮﺍﺗﻪ ﺿﻠﻮ ﺳﺎﻛﺘﻴﻦ ﻭﻣﺴﺘﺴﻠﻤﻴﻦ ﺑﺴﺒﺐ ﺟﺒﺮﻭﺕ ﺍﻣﻬﻢ ﻭﻛﻞ ﻫﺬﺍ ﻋﻞ ﺷﻨﻮ ﻋﻠﻤﻮﺩ ﻋﻤﻲ ﺣﺎﺗﻢ
ﺍﻭﻭﻭﻭﻑ ﻋﻤﻲ ﺣﺎﺗﻢ ﻭﻣﺎﺍﺩﺭﺍﻙ ﻣﺎﻋﻤﻲ ﺣﺎﺗﻢ ﻣﻦ ﻛﺪ ﻣﺘﺴﻮﻟﻒ ﺍﻣﻲ ﻋﻠﻴﻪ ﺻﺮﺕ ﺍﻛﺮﻩ ﻛﺮﻩ ﺍﻟﻌﻤﻪ ﺍﻧﺴﺎﻥ ﺧﺒﻴﺚ ﻭﻳﺤﺐ ﺑﺲ ﻧﻔﺴﻪ ﻭﻳﻤﻮﺕ ﻋﻞ ﻓﻠﻮﺱ ﻳﻌﻨﻲ ﺑﺎﻉ ﺍﺧﺘﻪ ﻭﺗﺒﺮﻩ ﻣﻨﺎ ﻋﻠﻤﻮﺩ ﺣﺼﺘﻪ ﺑﺎﺍﻣﻼﻙ ﺍﻫﻠﻪ ﻟﻌﺪ ﺷﻜﺪ ﺍﻧﺎﻧﻲ
ﺃﻳﺎﻡ ﻭﻳﺎﻡ ﻭﺍﻣﻲ ﻣﺎﻧﺴﺘﻬﻢ ﻭﻻﻳﻮﻛﻌﻮﻥ ﻣﻦ ﻟﺴﺎﻧﻪ ﺍﺣﺲ ﺣﺘﻰ ﺍﺣﻨﺎ ﻛﻤﻨﻪ ﻧﻌﺮﻓﻬﻢ ﻫﻮﺍﻱ ﺗﺴﻮﺍﻟﻒ ﺑﺨﻮﺍﺗﻪ ﻭﺃﺧﻮﺗﻪ ﺑﺲ ﻛﺮﺍﻣﺘﻪ ﻭﻋﺰﺓ ﻧﻔﺴﻪ ﺃﻛﺒﺮ ﻣﻦ ﺣﺒﻪ ﻭﻫﺬﺍ ﺍﻟﻲ ﺧﻼﻫﻪ ﺗﺘﺨﻼﻩ ﻋﻨﻬﻢ ﻭﺗﻜﻄﻊ ﻛﻞ ﻭﺻﻞ ﻭﻳﺎﻫﻢ
ﻋﺪﺕ ﻣﺮﺍﺕ ﺍﺑﺠﻲ ﻋﻞ ﺑﺠﻴﻪ ﻣﻦ ﺗﻜﻌﺪ ﻭﺗﺴﻮﻟﻔﻨﻪ ﺷﻠﻮﻥ ﺟﺎﻧﺖ ﻋﺎﻳﺸﻪ ﻫﻨﻚ ﻭﺷﻠﻮﻥ ﺣﻴﺎﺗﻬﻢ ﻭﺑﻨﻔﺲ ﺍﻟﻮﻗﺖ ﺷﻠﻮﻥ ﻛﺸﻔﺘﻬﻢ ﻭﻛﻔﺖ ﺑﻮﺟﻬﻢ ﻋﻠﻤﻮﺩ ﺣﻘﻬﻪ ﻭﺷﻠﻮﻥ ﻋﺎﻣﻠﻮﻫﻪ ﺑﺲ ﺍﻧﻲ ﻭﺍﺳﻴﻞ ﺟﻨﺎ ﻣﺎﺧﺬﻳﻦ ﻛﻞ ﺍﻷﺩﻭﺍﺭ ﻭﻧﺘﻀﺎﻫﺮ ﺑﻠﻘﻮﻩ ﻭﻧﻜﻠﻪ ﻳﻮﻟﻮﻥ ﺍﺣﻨﺎ ﻋﻨﺪﺝ ﺍﺣﻨﺎ ﺑﻨﺎﺗﺞ ﺑﻤﻴﻪ ﺭﺟﺎﻝ ﻋﺘﺒﺮﻳﻨﻪ ﺍﺣﻨﺎ ﺍﺧﻮﺗﺞ ﻭﺧﻮﺍﺗﺞ ﻭﺍﺣﻨﺎ ﺳﺎﻟﻢ ﺍﻟﻲ ﻟﻬﺬﺍ ﻳﻮﻣﺞ ﻣﺨﻠﺼﻪ ﺍﻟﻪ
ﺟﺎﻧﺖ ﺗﺒﺘﺴﻢ ﻭﺗﻔﺘﺨﺮ ﻭﺗﺤﺎﻭﻝ ﺗﺒﻴﻦ ﻫﻴﻪ ﻗﻮﻳﻪ ﻭﻓﻌﻼ ﺍﻣﻲ ﻗﻮﻳﻪ ﺍﻟﻤﺮﻩ ﺍﻟﻲ ﻋﺎﺷﺖ ﺑﻠﻐﺮﺑﻪ 14 ﺳﻨﻪ ﺑﺪﻭﻥ ﺭﺟﺎﻝ ﻭﺭﺟﻌﺖ ﻟﺒﻠﺪﻩ ﻭﻛﻤﻠﺖ ﻣﺴﻴﺮﺗﻪ ﻭﺭﺑﺖ 2 ﺑﻨﺎﺕ ﻭﺣﺪﻩ ﻫﺎﻱ ﻣﺜﺎﻝ ﻟﻠﻤﺮﻩ ﺍﻟﺼﺎﺑﺮﻩ
ﻋﺪﺩﺕ ﻣﺮﺍﺕ ﺳﺌﺄﻟﺘﻪ
ﻣﺎﻣﺎ ﺷﻠﻮﻥ ﻛﺪﺭﺗﻲ ﺗﻌﻴﺸﻴﻦ ﻭﺣﺪﺝ ﺑﻴﻨﻪ ﻭﻣﻔﻜﺮﺗﻲ ﺗﺮﺟﻌﻴﻦ ﺍﻝ ﺍﻫﻠﺞ ﻭﺭﻩ ﻣﻤﺎﺕ ﺑﺎﺑﺎ
ﻳﻤﻪ ﺍﻧﺎ ﻣﺎﻋﺸﺖ ﻭﺣﺪﻱ ﺍﻧﻲ ﻭﻳﺎﻱ ﺭﺑﻲ ﻭﻫﻮﻩ ﺳﻨﺪﻱ ﻭﻫﻮﻩ ﺍﻟﻴﻌﻮﺽ ﻋﻦ ﺍﻻﻫﻞ ﻭﻋﻦ ﺍﻟﻮﻟﺪ ﻭﻋﻦ ﻛﻠﺸﻲ ﻫﻮﻩ ﺍﻟﻲ ﻭﻛﻔﻠﻲ ﻭﻋﺎﻧﻲ ﻋﻞ ﺗﺮﺑﻴﺘﻜﻢ ﻫﺬﺍ ﻣﻮﺍﺣﺲ ﻣﻦ ﻛﻞ ﺳﻨﺪ؟
ﻭﻧﻌﻢ ﺑﺎﻟﻠﻪ ﺻﺪﻙ ﺭﺏ ﺍﻟﻌﺎﻟﻤﻴﻦ ﻣﻴﻌﻮﻑ ﻋﺒﺪﻩ
ﺻﺤﻴﺢ ﺑﻴﺖ ﻋﻤﻪ ﻫﻨﺎ ﺑﺼﻔﻨﻪ ﺑﺲ ﻣﻮ ﻣﺜﻞ ﺍﻻﺑﻮ ﺍﻻﺏ ﺧﻴﻤﺔ ﻭﺍﻧﻲ ﻫﺎﻱ ﺍﻟﺨﻴﻤﻪ ﻓﻘﺪﺗﻪ ﻭﻣﺎﺷﺒﻌﺖ ﺣﺘﻰ ﻣﻦ ﺣﻨﺎﻧﻬﻪ ﺑﺲ ﻋﻤﻮ ﺑﻬﺠﺖ ﺍﺧﺬ ﻫﺬﺍ ﺍﻟﺪﻭﺭ ﺍﺑﺪ ﻣﺎﻓﺮﻗﻨﻪ ﻋﻦ ﺍﻭﻻﺩﻩ ﻫﻮﻩ ﻋﻨﺪﻩ
ﻓﺎﺭﻭﻕ
ﻭﺍﺳﺘﺒﺮﻕ
ﻭﻋﺰﻳﺰ
ﻭﺣﺴﻨﺎﺀ
ﻭﻻﻣﺮﻩ ﺣﺴﻴﺖ ﺫﻭﻟﻪ ﺃﻭﻻﺩ ﻋﻤﺘﻲ ﻋﺸﻨﻪ ﺃﺧﻮﻩ ﻭﺍﺑﺎﺋﻨﻪ ﺍﻟﻬﻢ ﺩﻭﺭ ﺑﻬﺬﺍ ﺍﻟﻤﻮﺿﻮﻉ ﺟﺎﻧﻮ ﻣﻴﻨﺎﺩﻭﻧﻪ ﺍﺫﺍ ﺻﺨﺮﻭﻧﻪ ﻭﺍﺣﺪ ﻋﻞ ﺛﺎﻧﻲ ﻏﻴﺮ ﺟﻴﺐ ﺍﺧﻮﺝ ﺍﻭ ﺍﺧﺘﺞ ﺍﻭ ﺍﺧﺬﻱ ﻫﻞ ﺷﻲ ﻣﻦ ﺍﺧﻮﺝ ﺍﻭﺧﺘﺞ ﻓﺘﻌﻠﻤﻨﺎ ﺍﺣﻨﺎ ﺃﺧﻮﻩ ﻭﻫﺬﺍ ﺍﺣﻠﻰ ﺷﻲ ﺟﺎﻥ ﺑﺤﻴﺎﺗﻲ
ﻣﻦ ﺯﻏﺮﻱ ﻭﺍﻧﻲ ﻣﺮﺍﻓﻘﻪ ﻋﻤﻮ ﺑﻬﺠﺖ ﺻﺮﺕ ﺃﺣﺐ ﺍﻟﺘﺼﻮﻳﺮ ﻭﺃﺗﺬﻛﺮ ﻛﻢ ﻣﺮﻩ ﺍﺧﺬ ﻛﺎﻣﺮﺗﻪ ﺑﺪﻭﻥ ﻣﻴﺪﺭﻱ ﻭﺍﺻﻮﺭ ﺍﻱ ﺷﻲ ﻛﺒﺎﻟﻲ ﻭﺑﻌﺪﻳﻦ ﻣﻦ ﻳﻜﺸﻔﻨﻲ ﻳﺒﺘﺴﻢ ﻭﻳﻜﻠﻲ ﺍﻛﺒﺮﻱ ﻭﺷﻮﻓﻴﻨﻲ ﻣﻮﺍﻫﺒﺞ ﺍﺫﺍ ﻫﻴﺞ ﺫﺍﺑﺤﻪ ﻧﻔﺴﺞ ﺑﻠﺘﺼﻮﻳﺮ
ﻭﺻﺪﻙ ﺗﻄﺒﻊ ﻫﺬﺍ ﺍﻟﺸﻲ ﺑﻴﻪ ﻭﺻﺎﺭﺕ ﺭﻭﺣﻲ ﺑﻲ ﻟﺤﺪ ﻣﺸﺘﺮﺍﻟﻲ ﻛﺎﻣﺮﻩ ﺣﺘﻰ ﻳﺨﻠﺺ ﻣﻨﻲ ﻫﻨﺎ ﺧﺒﺼﺘﻬﻢ ﺧﺒﺺ ﺷﺸﻮﻑ ﺍﺻﻮﺭ ﻫﺬﺍ ﺍﻟﺸﻲ ﺟﺎﻥ ﺑﻨﻀﺮﻫﻢ ﻟﻌﺒﻪ ﺍﺗﺴﻠﻪ ﺑﻴﻪ ﺑﺲ ﺑﻨﻀﺮﻱ ﻻ ﻣﻮﻫﺒﻪ ﺟﺒﺎﺭﻩ ﻭﺍﺑﻨﻲ ﻛﻞ ﺃﺣﻼﻣﻲ ﻋﻠﻴﻬﻪ ﻛﺒﺮﺕ ﻭﻛﺒﺮ ﻫﺬﺍ ﺍﻟﺤﻠﻢ ﻭﻳﺎﻱ
ﻭﺑﺪﻳﺖ ﺍﺭﻭﺡ ﻭﻳﺎﻩ ﻋﻤﻮ ﺑﻬﺠﺖ ﻟﻠﻤﺤﻞ ﻭﺍﻗﻀﻲ ﺃﻛﺜﺮ ﻭﻗﺖ ﻭﺑﻨﻔﺲ ﺍﻟﻮﻗﺖ ﺍﺩﺭﺱ ﺣﺘﻰ ﻣﻦ ﺩﺧﻠﺖ ﻛﻠﻴﻪ ..بيج قصص عراقيه حقيقيه من واقعنا.روعه الطائي
ﻭﺧﻠﺼﺘﻪ ﻭﺍﻧﻲ ﻣﺎﺯﻟﺖ ﻣﺴﺘﻤﺮﻩ ﻭﻳﺎﻩ ﻋﻤﻮ ﺑﻠﺘﺼﻮﻳﺮ ﺣﺘﻰ ﻫﻮﻩ ﺃﺩﺭﻙ ﺍﻧﻮ ﺍﻧﻲ ﻣﻮﻫﻮﺑﻪ ﺑﻬﺬﺍ ﺍﻟﻤﺠﺎﻝ ﻭﻳﻌﺘﻤﺪ ﻋﻠﻴﻪ ﻭﻧﻄﺎﻧﻲ ﺍﻟﻀﻮﻩ ﺍﻷﺧﻀﺮ ﺣﺘﻰ ﺃﻗﻨﻊ ﺍﻣﻲ ﻭﺃﺧﺬ ﺍﻟﻤﺤﻞ ﺍﻟﻲ ﻻﻥ ﺍﻛﻴﺪ ﺑﻠﻌﺮﺍﻕ ﺍﻟﻌﻀﻴﻢ ﻭﺭﻩ ﺍﻟﺪﺭﺍﺳﻪ ﺗﺼﻔﻂ ﻭﺗﻜﻌﺪ ﻣﺎﺑﻴﻪ ﻣﺠﺎﻝ
ﻋﻤﻮ ﺑﻬﺠﺖ ﻫﻮﺍﻱ ﺳﺎﻋﺪﻧﻲ ﻻﻥ ﺍﻣﻲ ﺟﺎﻧﺖ ﺭﺍﻓﻀﻪ ﻫﺎﻱ ﺍﻟﻔﻜﺮﻩ ﻓﺪ ﻣﺮﻩ ﺑﺲ ﻛﺪﺭﻧﻪ ﺍﻧﺎﺛﺮ ﻋﻠﻴﻪ ﻭﺗﺤﻘﻖ ﺣﻠﻤﻲ ﻭﺳﺘﻠﻤﺖ ﺍﻟﻤﺤﻞ ﻭﺻﺎﺭ ﻋﻤﻮ ﺑﻬﺠﺖ ﻣﺠﺮﺩ ﻣﺮﺷﺪ ﻳﻮﻛﻒ ﻳﻮﺟﻬﻨﻲ ﻋﻞ ﻛﻢ ﺷﻐﻠﻪ ﺍﻝ ﺍﻥ ﺻﺮﺕ ﻣﺼﻮﺭﻩ ﻣﻀﺒﻮﻃﻪ
ﻭﺍﺟﻪ ﺍﻟﻴﻮﻡ ﺍﻟﻲ ﻫﺒﻄﺖ ﻛﻞ ﻣﻌﻨﻮﻳﺎﺗﻨﻪ ﻣﻦ ﻗﺮﺭﻭ ﻋﻤﻮ ﺑﻬﺠﺖ ﻭﻋﻤﻪ ﻫﻨﺎﺀ ﻳﺼﻔﻮﻥ ﻛﻠﺸﻲ ﻭﻳﻄﻠﻌﻮﻥ ﻟﻠﺸﻤﺎﻝ ﻫﻨﺎﻙ ﻳﻌﻴﺸﻮﻥ ﺑﺴﺒﺐ ﺃﻭﺿﺎﻉ ﺑﻐﺪﺍﺩ ﺍﻟﺘﻌﺒﺎﻧﻪ ﻭﻋﻤﻮ ﻳﺨﺎﻑ ﻋﻞ ﻭﻟﺪﻩ ﻗﻔﻠﻮ ﺍﻟﻤﺸﺘﻤﻞ ﻭﺧﻠﻮﻩ ﻣﻦ ﻳﺠﻮﻥ ﺯﻳﺎﺭﻩ ﻳﻜﻌﺪﻭﻥ ﺑﻲ ﻭﻻﻥ ﻣﺮﺍﺩﻭ ﻳﺠﺎﻭﺭﻧﻪ ﻏﺮﻳﺐ ﺍﺧﺎﻑ ﻳﺎﺫﻳﻨﻪ ﺑﻘﻮﻩ ﻣﻘﻔﻮﻝ
ﻫﻮﺍﻱ ﺗﻮﺳﻠﻮ ﺑﺎﺍﻣﻲ ﺣﺘﻰ ﻧﺮﻭﺡ ﻭﻳﺎﻫﻢ ﺑﺲ ﺍﻣﻲ ﺭﻓﻀﺖ ﻛﺎﻟﺖ ﺍﻧﻲ ﺗﻌﺒﺖ ﻭﻫﻮﺍﻱ ﺗﺒﻬﺬﻟﺖ ﻳﻮﻣﻴﻪ ﻣﺴﺎﻓﺮﻩ ﻭﺭﺍﺟﻌﻪ ﻭﻏﻴﺮ ﻫﺬﺍ ﻛﻠﻪ ﺍﻧﻲ ﺗﻌﻠﻤﺖ ﻋﻞ ﻫﺬﺍ ﺍﻟﺒﻴﺖ ﻭﺭﺍﺡ ﺍﺿﻞ ﻛﺎﻋﺪﻩ ﺑﻲ ﻭﺍﻋﻴﺶ ﺍﻧﻲ ﻭﺑﻨﺎﺗﻲ
ﺍﻳﺎﻡ ﻣﺮﺕ ﺟﺮ ﻭﻋﺮ ﻭﻫﻤﻪ ﻳﻘﻨﻌﻮﻥ ﺑﻴﻬﻪ ﺑﺲ ﺍﻣﻲ ﻗﻔﻠﺖ ﻭﺣﺘﻰ ﺣﺎﺟﺘﻨﺎ ﻛﺎﻟﺖ ﺍﻧﺘﻦ ﻛﺒﺮﺗﻦ ﻭﺗﻜﺪﺭﻥ ﺗﻌﻴﻨﻨﻲ ﻭﺗﻌﺘﻤﺪﻥ ﻋﻞ ﻧﻔﺴﺠﻦ ﺍﻟﻰ ﻣﺘﻰ ﻳﻀﻠﻮﻥ ﺑﻴﺖ ﻋﻤﺘﺞ ﺭﺍﺑﻄﻴﻦ ﻧﻔﺴﻬﻢ ﺑﻴﻨﻪ ﻛﻠﺘﻠﻬﻢ ﺗﻮﻛﻠﻮ ﻭﺍﻟﺪﻧﻴﻪ ﺍﻃﻮﺭﺕ ﺑﺘﻠﻴﻔﻮﻥ ﻭﺍﺣﺪ ﺍﺣﻨﺎ ﻳﻤﻜﻢ ﻭﺍﻧﺘﻮ ﻳﻤﻨﻪ
ﻭﺭﺍﺣﻮ ﺑﻴﺖ ﻋﻤﺘﻲ ﻫﻨﺎ ﻣﺎﺍﻧﻜﺮ ﻣﺎﺗﺎﺫﻳﻨﻪ ﻋﻞ ﻓﺮﺍﻛﻬﻢ ﺑﻠﻌﻜﺲ ﺣﺘﻰ ﻣﺮﺽ ﺗﻤﺮﺿﻨﻪ ﺍﻧﻲ ﻭﺍﺳﻴﻞ ﺑﺲ ﺑﻠﻨﻬﺎﻳﻪ ﺳﺘﺴﻠﻤﻨﻪ ﻟﻼﻣﺮ ﺍﻟﻮﺍﻗﻊ ﻭﺗﺎﻗﻠﻤﻨﻪ ﺃﺳﻴﻞ ﺧﺮﺑﺠﻪ ﻭﻛﺎﻋﺪﻩ ﻭﺭﻩ ﻓﺘﺮﻩ ﻣﻦ ﺳﻔﺮ ﺑﺒﺖ ﻋﻤﺘﻲ ﺗﺰﻭﺟﺖ ﻣﻦ ﺻﺪﻳﻖ ﻋﻤﻮ ﺑﻬﺠﺖ ﺍﺳﻤﻪ ﺳﺮﺍﺝ ﺇﻧﺴﺎﻥ ﻛﻠﺶ ﺗﻌﺒﺎﻥ ﻋﻞ ﻧﻔﺴﻪ ﻭﺧﻠﻮﻕ ﺣﺐ ﺍﺳﻴﻞ ﻭﻏﻤﺮﻩ ﺑﺤﻨﺎﻧﻪ ﻭﺻﺎﺭﻟﻨﻪ ﺭﺟﺎﻝ ﻟﻠﺒﻴﺖ ﺻﺤﻴﺢ ﺑﻐﻴﺮ ﻣﻨﻄﻘﻪ ﺑﻴﺘﻪ ﺑﺲ ﻣﻦ ﺗﻨﺨﺎﻩ ﺍﻣﻲ ﻳﺮﻛﺾ ﺭﻛﺾ
ﻭﺑﻘﻴﻨﺎ ﺑﺲ ﺍﻧﻲ ﻭﺍﻣﻲ ﺑﻠﺒﻴﺖ ﻭﺷﻐﻠﻲ ﺑﻠﺘﺼﻮﻳﺮ ﻣﺎﺷﻲ ﻭﺍﺳﻴﻞ ﻛﻞ ﺳﺒﻮﻉ ﻳﻤﻨﻪ ﻭﺑﻴﺖ ﻋﻤﻮ ﺑﻬﺠﺖ ﻫﻢ ﻧﺰﻭﺭﻫﻢ ﻭﻳﺰﻭﺭﻭﻧﻪ ﻭﺣﻴﺎﺗﻲ ﻫﺎﺩﻯ ﻭﻣﺎﺷﻴﻪ ﺳﻴﺪﻩ ﺍﻟﻮﺿﻴﻔﻪ ﺑﻬﺬﺍ ﺍﻟﺒﻠﺪ ﻏﺎﺳﻠﻪ ﺍﻳﺪﻱ ﻣﻨﻬﺎ ﻟﻬﺬﺍ ﺍﻟﺴﺒﺐ ﺷﻐﻠﺔ ﺍﻟﺘﺼﻮﻳﺮ ﻣﺎﺧﺬﻩ ﻛﻞ ﺗﻔﻜﻴﺮﻱ ﻭﺍﻃﻤﺢ ﻟﻼﻛﺜﺮ ﻭﺩﺍﺋﻤﺎ ﺍﺧﻄﻂ ﺍﺻﻴﺮ ﻓﺪﺷﻲ ﻣﺸﻬﻮﺭ ﻳﻌﻨﻲ ﻣﺤﺎﺻﺮﻩ ﺗﻔﻜﻴﺮﻱ ﺑﺲ ﻋﻞ ﻣﺤﻞ ﺍﻟﺘﺼﻮﻳﺮ ﻻﺍﺗﻤﻨﻰ ﺍﺻﻴﺮ ﻣﺼﻮﺭﻩ ﺑﻘﻨﺎﻩ ﺍﻭ ﺑﺴﺘﺪﻳﻮ ﺟﺒﻴﺮ ﺑﺲ ﻛﻠﻪ ﺃﺣﻼﻡ ﻣﻮﺟﻠﻪ ﻭﻣﺎﻋﺮﻑ ﺷﻮﻛﺖ ﺗﺘﺤﻘﻖ
ﺍﻟﻤﻬﻢ ﻣﻦ ﺧﻼﻝ ﺍﺧﺘﻼﻃﻲ ﺑﻠﻌﺎﻟﻢ ﺍﻟﺨﺎﺭﺟﻲ ﻭﻣﻤﺎﺭﺳﻪ ﻣﻬﻤﺘﻲ ﺗﻌﻠﻤﺖ ﻫﻮﺍﻱ ﺷﻐﻼﺕ ﻭﺍﺟﻬﺖ ﻫﻮﺍﻱ ﻣﻮﺍﻗﻒ ﻭﺍﻭﻟﻪ ﻧﻀﺮﺍﺕ ﺍﻟﺸﺒﺎﺏ ﺟﻨﺖ ﻣﺎﻫﺘﻢ ﻻﻥ ﺷﺒﻪ ﺗﻌﻠﻤﺖ ﺑﺲ ﺑﻨﻔﺲ ﺍﻟﻮﻗﺖ ﻗﻮﺕ ﺷﺨﺼﻴﺘﻲ ﺑﺤﻴﺚ ﻣﺤﺪ ﻳﻜﺪﺭ ﻳﺪﻛﺮ ﺑﻴﻪ ﻭﺇﺫﺍ ﺻﺎﺭﺕ ﻭﺻﺎﺭ ﺷﻲ ﻣﻦ ﻫﺬﺍ ﺍﻟﻘﺒﻴﻞ ﺍﻋﺮﻑ ﺷﻠﻮﻥ ﺍﺧﺬ ﺣﻘﻲ ﻭﺍﻓﻜﺲ ﻋﻴﻦ ﻛﻠﻤﻦ ﻳﺒﺎﻭﻋﻠﻲ ﺑﻨﻀﺮﻩ ﻭﺻﺨﻪ ﺣﺘﻰ ﺍﻣﻲ ﺑﻤﺮﻭﺭ ﺍﻷﻳﺎﻡ ﺑﻄﻠﺖ ﺗﺨﺎﻑ ﻋﻠﻴﻪ ﻻﻥ ﻗﺒﻞ ﺟﺎﻧﺖ ﻣﺠﻨﻨﺘﻲ ﻭﺍﻣﻨﻴﺘﻪ ﺍﻋﻮﻑ ﺷﻐﻠﻪ ﺍﻟﺘﺼﻮﻳﺮ ﻭﺍﻛﺒﺎﻟﻪ ﻭﺍﻛﻌﺪ ﺑﺎﻟﺒﻴﺖ ﺑﺲ ﻭﻳﻦ ﻳﻤﺸﻲ ﻫﺬﺍ ﺍﻟﺤﺠﻲ ﻋﻞ ﻫﺎﺟﺮ ﻫﺎﺟﺮ ﺇﻟﻰ ﺗﻤﺘﻠﻚ ﻛﻞ ﺻﻔﺎﻩ ﺍﻟﻘﻮﻩ ﺍﻟﻌﻨﺎﺩ ﻭﺍﻟﻐﺮﻭﺭﻭ
ﺍﻣﺎ ﺍﻟﺠﻤﺎﻝ ﻫﺬﺍ ﺑﺤﺚ ﺁﺧﺮ ﻣﻄﺎﻟﻌﻪ ﻻﻋﻞ ﺍﻣﻲ ﻭﻻﻋﻞ ﺍﺑﻮﻳﻪ ﺻﺤﻴﺢ ﻫﻤﻪ ﺛﻨﻴﻨﻬﻢ ﻣﻘﺎﺻﺮﻳﻦ ﺑﺲ ﺍﻧﻲ ﻃﺎﻟﻌﻪ ﻋﻞ ﻋﻤﻪ ﻫﻨﺎﺀ ﺇﻟﻰ ﻳﻨﻀﺮﺏ ﺍﻟﻤﺜﻞ ﺑﺠﻤﺎﻟﻪ ﻭﻫﻴﻪ ﻃﺎﻟﻌﻪ ﻋﻞ ﺍﻣﻪ ﻳﻌﻨﻲ ﺑﻴﺒﻴﺘﻲ ﻭﺑﻴﺒﻴﺘﻲ ﺑﻼﺻﻞ ﻣﺴﻴﺤﻴﻪ ﻭﺃﺧﺬﻩ ﺟﺪﻭ ﻋﻞ ﺣﺐ ﻭﺍﺳﻠﻤﺖ ﻣﻦ ﺣﺒﻪ ﺍﻟﺠﺪﻭ ﻭﺍﻧﻲ ﻭﻋﻤﻪ ﻫﻨﺎﺀ ﺍﺧﺬﺗﻪ ﺑﺲ ﺟﻤﺎﻟﻪ
ﻭﺟﻤﺎﻟﻲ ﻫﻮﻩ ﺍﻟﻲ ﻋﻢ ﻋﻠﻴﻪ ﻭﺍﻟﻠﻪ ﻣﺮﺍﺕ ﺍﺑﺎﻭﻉ ﻋﻞ ﺭﻭﺣﻲ ﺑﻠﻤﺮﺍﻳﻪ ﺍﻛﻮﻝ ﻭﺍﻟﻠﻪ ﺍﻧﻲ ﺍﺷﻮﻑ ﻧﻔﺴﻲ ﻃﺒﻴﻌﻴﻪ ﻭﺍﺻﻼ ﺷﺎﻳﻔﻪ ﺍﻷﺣﻠﻰ ﻣﻨﻲ ﻣﻦ ﺍﻟﻨﺎﺱ ﻣﺪﺭﻱ ﺷﺒﻴﻪ ﺑﺬﺍﺕ ﺍﻛﻮ ﻭﻟﺪ ﺧﺒﻠﻨﻲ ﺻﺎﺭ ﻓﺘﺮﻩ ﻭﻳﻦ ﻣﺎﺭﻭﺡ ﻳﺼﺎﺩﻓﻨﻲ
ﺍﻭﻝ ﻟﻘﺎﺀ ﺍﻟﻲ ﻭﻳﺎﻩ ﺑﻼﺍﺳﻮﺍﻕ ﺗﻼﻃﻤﻨﻪ ﺑﺪﻭﻥ ﻗﺼﺪ ﻭﻛﻠﺖ ﻋﺎﺩﻱ ﺗﺼﻴﺮ ﺑﺲ ﺗﻜﺮﺭﺕ ﻭﻛﻤﺖ ﻛﻞ ﻓﺘﺮﻩ ﺍﺷﻮﻓﻪ ﻣﻜﺎﺑﻞ ﺍﻟﻤﺤﻞ ﻟﻮ ﺍﺻﺎﺩﻓﻪ ﻫﻢ ﺑﻼﺍﺳﻮﻕ ﺑﺼﺮﺍﺣﻪ ﺷﻐﻠﻪ ﺗﺤﻴﺮ ﺻﺤﻴﺢ ﺷﺎﻳﻔﻪ ﻫﻮﺍﻱ ﻫﻴﺞ ﻧﻤﺎﺫﺝ ﺑﺲ ﻫﺬﺍ ﻳﺨﺘﻠﻒ ﻭﻫﻮﺍﻱ ﻟﺢ ﻛﻢ ﻣﺮﻩ ﺭﺩﺕ ﺍﻣﺴﺢ ﺑﻲ ﺍﻟﻜﺎﻉ ﻭﺍﻭﻛﻔﻪ ﻋﺪ ﺣﺪﻩ ﺑﺲ ﻣﺎﺍﺗﺠﺮﻩ ﺑﺴﺒﺐ ﺷﻜﻠﻪ ﺍﻟﻲ ﻳﻮﺣﻲ ﺑﻦ ﺷﺨﺼﻴﺘﻪ ﺗﺨﻮﻑ
ﻣﻦ ﻛﺪ ﻣﺎﻛﻤﺖ ﺍﺷﻮﻓﻪ ﺣﺘﻰ ﻓﺼﻠﺘﻪ ﺗﻔﺼﻞ ﻭﺃﻛﺜﺮ ﺷﻲ ﻳﻠﻔﺖ ﻧﺘﺒﺎﻫﻲ ﺍﻟﺸﻤﺎﻍ ﺍﻟﻲ ﻳﻠﻔﻪ ﻋﻞ ﺭﺃﺳﻪ ﻣﺜﻞ ﺍﻟﺠﺮﺍﻭﻳﻪ ﻳﻤﻜﻦ ﻫﻮﻩ ﻣﻮﻣﻦ ﺑﻐﺪﺍﺩ ﺷﻜﻠﻪ ﻫﻴﺞ ﻳﻜﻮﻝ ﺟﺎﻥ
ﺣﻨﻄﻲ ﻭﺻﺎﺣﺐ ﺍﻛﺘﺎﻑ ﻭﻃﻮﻟﻪ ﻣﺘﻨﺎﺳﻖ ﻭﻳﺎﻩ ﺟﺴﻤﻪ ﻭﻋﻨﺪﻩ ﻟﺤﻴﻪ ﺍﻭﻝ ﻣﺘﺠﻲ ﻋﻴﻨﻲ ﻋﻠﻴﻪ ﺍﻛﻮﻝ ﺷﻠﻮﻥ ﻣﺘﺤﻤﻠﻪ ﻣﺘﻀﺎﻳﻘﻪ ﺑﺲ ﻟﻼﻣﺎﻧﻪ ﺣﻴﻞ ﻣﺮﺗﺐ ﻳﻌﻨﻲ ﺍﻟﻠﺤﻴﻪ ﻣﺤﺪﺩﻩ ﺳﻨﺘﺮ ﻭﻟﻔﻪ ﺍﻟﺸﻤﺎﻍ ﺯﺍﻳﺘﻪ ﻫﻴﺒﻪ
ﻭﻫﺎﻱ ﺍﻟﻬﻴﺒﻪ ﺍﻟﺒﻮﺟﻬﻪ ﻫﻴﻪ ﺍﻟﻤﺎﻧﻌﺘﻨﻲ ﻣﻦ ﺍﻥ ﺍﺭﺯﻟﻪ ﻟﻮ ﺍﻛﻠﻪ ﺷﻜﻮ ﻣﻜﺎﺑﻞ ﺍﻟﻤﺤﻞ ﻭﻳﻦ ﻣﺎﺭﻭﺡ ﺍﺷﻮﻓﻚ ﺟﻨﺖ ﻣﻜﺘﻔﻴﻪ ﺑﻠﻨﻀﺮ ﻣﻦ ﺧﻠﻒ ﺟﺎﻡ ﺍﻟﻤﺤﻞ ﺍﻟﻤﻀﻠﻞ ﺑﻠﺴﺎﻋﺎﺕ ﺍﻛﻌﺪ ﻭﺭﺍﻗﺐ ﻛﻌﺪﺗﻪ ﻭﻫﻮﻩ ﺑﺪﻭﻥ ﻣﺎﻝ ﻳﻜﻌﺪ ﻳﺪﺧﻦ ﻭﻳﻨﺘﻀﺮﻧﻲ ﺍﻋﺰﻝ ﺍﻝ ﻳﺮﻭﺡ ﻳﺎﻣﺎ ﺧﺰﺭﺗﻪ ﻭﻧﻀﺮﺗﻠﻪ ﻧﻀﺮﻩ ﻏﻀﺐ ﺑﺲ ﻋﺒﺚ ﻭﻻﻳﻬﺘﻢ ﺍﻝ ﺍﻥ ﺍﻟﻴﻮﻡ ﻗﺮﺭﻧﻪ ﻧﺮﻭﺡ ﻟﻠﺴﻠﻴﻤﺎﻧﻴﻪ ﺯﻳﺎﺭﻩ ﻟﺒﻴﺖ ﻋﻤﻮﻭ ﺑﻬﺠﺖ ﻓﻜﻌﺪﻧﻪ ﻣﻦ ﺍﻟﺼﺒﺢ ﺣﻀﺮﻧﻪ ﺍﻏﺮﺍﺿﻨﻪ ﻭﻣﺎﻣﺎ ﺭﺍﺩﺕ ﻛﻢ ﺣﺎﺟﻪ ﻣﻦ ﺍﻷﺳﻮﺍﻕ ﻛﺘﻠﻪ ﺍﺟﻲ ﻭﻳﺎﺝ
ﻭﻫﻨﺎﻙ ﻭﺍﺷﻮﻑ ﻫﺬﺍ ﺍﻟﻮﻟﺪ ﻳﺎﺑﻪ ﺭﺩﺕ ﺍﻧﻔﺠﺮ ﺑﻮﺟﻬﻪ ﻣﻦ ﺍﻟﻘﻬﺮ ﺍﺩﺭﻱ ﺣﺘﻰ ﻣﻦ ﺻﺒﺎﺡ ﺍﻟﻠﻪ ﺍﺷﻮﻓﻪ ﺑﺲ ﻟﺰﻣﺖ ﻧﻔﺴﻲ ﻭﺳﻮﻳﺖ ﻧﻔﺴﻲ ﻣﺸﻔﺘﻪ ﻣﺎﺭﻳﺪ ﺍﻣﻲ ﺗﻨﺘﺒﻪ ﺍﻭﻭﻭﻳﻠﻲ ﻏﻴﺮ ﻟﻮ ﺍﺳﻮﻟﻔﻠﻪ ﻳﻤﻜﻦ ﺩﻛﻠﻲ ﺍﻟﻴﺘﻴﻤﻪ ﻭﺩﻛﻠﻲ ﻳﺮﻳﺪ ﻳﺨﻄﻔﺞ ﻭﺍﻟﺪﻧﻴﻪ ﻣﻮﺯﻳﻨﻪ ﻭﺍﻭﻝ ﺷﻲ ﻳﺠﻲ ﻋﻞ ﺑﺎﻟﻪ ﺍﻟﺘﺼﻮﻳﺮ ﻭﺗﻀﻞ ﻋﻮﻓﻲ ﻣﺎﻋﻮﻓﻲ ﻫﺎﻱ ﺳﻄﻮﺍﻧﺘﻪ ﻛﻞ ﻣﺎﺳﻤﻌﺖ ﻧﻔﺠﺎﺭ ﺑﻨﻬﺎﻳﻪ ﺑﻐﺪﺍﺩ ﻟﻮ ﺣﺘﻰ ﺑﻠﻤﺤﺎﻓﻀﺎﺕ ﻫﻢ ﺗﺮﺟﻊ ﻋﻞ ﻣﺤﻞ ﺍﻟﺘﺼﻮﻳﺮ
ﻓﻠﺘﺰﻣﺖ ﺍﻟﺼﻤﺖ ﻭﻃﻠﻌﺖ ﻣﻦ ﺍﻷﺳﻮﺍﻕ ﻣﺪﺧﻨﻪ ﺍﻣﺸﻲ ﻭﺍﺣﺲ ﺑﻲ ﻭﺭﺍﻳﻪ ﻭﺍﺩﻭﺱ ﻋﻞ ﻧﻔﺴﻲ ﻭﺍﻛﻤﻞ ﺇﻟﻰ ﺍﻥ ﻭﺻﻠﻨﺎ ﺑﻴﺘﻪ ﻭﺩﺧﻠﺖ ﺍﻣﻲ ﺑﻌﺪ ﻣﺘﺤﻤﻠﺖ ﺻﺎﺭ ﻛﺒﺎﻟﻲ ﺑﺲ ﻣﻦ ﺑﻌﻴﺪ ﺭﻛﻌﺖ ﺍﻟﺒﺎﺏ ﺣﺘﻰ ﺍﻟﺒﻴﺖ ﺭﺩﻥ ﻭﺩﺧﻠﺖ ﺍﻏﻠﻲ ﺍﻏﻠﻲ ﻣﺎﻋﺮﻑ ﺷﻠﻮﻥ ﺑﺪﻟﺖ ﻭﻟﻤﻠﻤﺖ ﻏﺮﺍﺿﻨﻪ ﻭﻃﻠﻌﻨﺎ ﺑﺲ ﺍﻧﻲ ﻭﺍﻣﻲ ﺍﺳﻴﻞ ﻣﺠﺘﻲ ﻭﻳﺎﻧﻪ ﺣﺎﻣﻞ ﺑﺸﻬﺮﻩ ﻭﺗﺨﺎﻑ ﻋﻞ ﻃﻔﻞ ﻭﺍﻣﻲ ﻛﺎﻟﺖ ﻗﺒﻞ ﻣﺘﺠﻴﺐ ﻭﺍﻟﺘﻬﻲ ﻭﻫﻢ ﺿﺎﻳﺠﻴﻦ ﺧﻞ ﻧﺮﻭﺡ ﺟﻨﺖ ﺍﺗﻤﻨﻰ ﺑﺲ ﺗﺘﺎﺟﻞ ﺳﻔﺮﺗﻪ ﻳﻮﻡ ﻭﺍﺣﺪ ﺣﺘﻰ ﺍﻟﻌﺼﺮ ﺍﻟﻌﺐ ﺑﻲ ﻃﻮﺑﻪ ﻻﻥ ﺍﻛﻴﺪ ﺭﺍﺡ ﻳﻜﺎﺑﻞ ﺍﻟﻤﺤﻞ ﻣﺜﻞ ﻛﻞ ﻳﻮﻡ ﺑﺲ ﻟﻼﺳﻒ ﻣﺎﻛﺪﺭ ﺑﻌﺪ ﺍﺑﻄﻞ ﻣﻦ ﺍﻟﺮﻭﺣﻪ ﻭﺣﻨﺎ ﺣﺘﻰ ﺧﺒﺮ ﻣﻨﻄﻴﻬﻢ ﺑﺠﻴﺘﻨﻪ ﺑﺲ ﺍﻻﻳﺎﻡ ﺟﺎﻳﻪ ﻭﻫﻞ ﻣﺮﻩ ﺗﺨﺘﻠﻒ ﻣﺴﺘﺤﻞ ﺍﺳﻜﺖ ﻳﻌﻨﻲ ﻭﺻﻠﺖ ﺑﻲ ﺍﻟﺪﺭﺟﺔ ﻳﻠﺤﻜﻨﻲ ﻟﺒﺎﺏ ﺍﻟﺒﻴﺖ ﻻ ﻛﻠﺶ ﻃﻮﺧﻪ ﺍﺭﺟﻊ ﻭﺍﻋﺮﻑ ﺷﻠﻮﻥ ﺍﺗﺼﺮﻑ ...........
ﺭﻏﺪ ......... ﺍﻟﻴﻮﻡ ﺣﻨﻪ ﺿﺤﻰ ﻗﻮﻳﺖ ﻧﻔﺴﻲ ﻭﻃﻠﻌﺖ ﻣﻦ ﻋﺰﻟﺘﻲ ﻭﻧﺪﻣﺠﺖ ﺑﻔﺮﺣﻪ ﺍﺧﺘﻲ ﺑﺲ ﺍﺧﺘﻲ ﺍﻟﺜﺎﻧﻴﻪ ﻣﻜﺴﻮﺭﻩ ﻭﻛﻠﺒﻪ ﻣﻔﻄﻮﺭ ﻭﺭﺩﻩ ﻭﺍﺳﻤﻪ ﻋﻠﻴﻪ ﺑﺲ ﻫﻞ ﺍﻳﺎﻡ ﺩﺗﺬﺑﻞ ﺑﺴﺐ ﺿﻐﻂ ﺍﺑﻮﻳﻪ ﻋﻠﻴﻪ ﻭﺣﺘﻰ ﺍﻣﻲ ﺗﺰﻥ ﺑﺮﺃﺳﻪ ﻣﻦ ﺷﺎﻓﺘﻪ ﻗﺴﻤﻪ ﺍﻟﺠﺎﻳﺘﻪ ﺯﻳﻨﻪ ﻛﻞ ﻭﺣﺪﻩ ﺑﻴﻨﻪ ﺑﻜﻠﺒﻪ ﺟﺮﺡ ﻭﻧﺤﺎﻭﻝ ﻧﺨﻔﻲ ﻭﻧﺒﻴﻦ ﻓﺮﺣﺘﻨﻪ ﻟﺨﺘﻨﻪ
ﺍﻟﺒﻴﺖ ﺟﺎﻥ ﻫﻮﺳﻪ ﻭﻛﻞ ﻛﺮﺍﻳﺒﻨﻪ ﻣﻠﺘﻤﻪ ﻭﻋﻤﺘﻲ ﻧﻮﺭﻳﻪ ﻣﺤﺰﻣﻪ ﻭﻳﺎﻩ ﺍﻣﻲ ﺣﺘﻰ ﺟﻠﻴﻠﻪ ﻭﺟﺪﺗﻲ ﺍﺟﻮﻱ ﻋﻞ ﺣﺲ ﺍﻟﻄﺒﻞ ﺧﻔﻦ ﻳﺮﺟﻠﻴﻪ ﻭﺟﻠﻴﻠﻪ ﻣﻦ ﻏﻴﺮ ﺷﻲ ﻣﺠﻴﻠﻪ ﺍﻧﻮﺏ ﻋﺮﺱ ﺑﺼﻔﻪ ﺷﻠﻮﻥ ﻣﺎﺗﺠﻲ
ﻭﺿﺤﺎﻭﻱ ﺣﺒﻴﺒﺘﻲ ﻃﺎﻟﻌﻪ ﺗﺨﺒﻞ ﻟﻠﻤﻐﺮﺏ ﻭﺍﺟﺎﻩ ﺍﻟﻮﻟﺪ ﺣﺘﻰ ﻳﺤﻨﻴﻪ ﺟﻨﻪ ﻣﺎﺧﺬﻳﻦ ﺭﺍﺣﺘﻨﻪ ﺑﻠﺒﺲ ﻭﺩﺧﻠﻨﻪ ﺍﻧﻲ ﻭﺭﺩﻩ ﻧﺴﺘﺮ ﻧﻔﺴﻨﻪ ﺑﺪﻟﺖ ﻭﺭﺩﻩ ﻃﻠﻌﺖ ﻭﺍﻧﻲ ﻫﻢ ﺑﺪﻟﺖ ﻭﺩﺍﺭﺟﻊ ﻳﻢ ﺍﻟﺪﺭﺝ ﻭﺍﻳﺪ ﺟﺮﺗﻨﻲ ﻭﺻﺮﺕ ﺟﻮﻩ ﺍﻟﺪﺭﺝ ﺧﺘﻀﻴﺖ ﻭﺟﺴﻤﻲ ﺭﺟﻒ ﻭﻣﻦ ﺍﺑﺎﻭﻋﺖ ﻭﺷﻔﺘﻪ ﺍﻣﻴﻦ ﻗﻄﺮﺓ ﺩﻡ ﻣﻀﻠﺖ ﺑﻴﻪ
ﻭﻫﻮﻩ ﻋﻴﻮﻧﻪ ﺳﻠﻬﻤﺖ ﻭﺿﻞ ﻳﺒﻠﻊ ﺑﺮﻳﻜﻪ ﺷﻔﺖ ﻧﻀﺮﻩ ﻣﻨﻪ ﻋﻤﺮﻱ ﻭﺣﻴﺎﺗﻲ ﻣﺸﺎﻳﻔﺘﻪ ﻳﻜﻮﻟﻦ ﺍﻟﺤﺐ ﻳﺒﺒﻦ ﻣﻦ ﻧﻀﺎﺭﺕ ﺍﻟﻌﻴﻮﻥ ﻭﻫﺎﻱ ﺍﻟﻨﻀﺮﺍﺕ ﺷﻔﺘﻪ ﺑﻌﻴﻮﻧﻪ
ﺛﻮﺍﻧﻲ ﻭﺍﺣﻨﺎ ﻭﺍﺣﺪ ﺻﺎﻓﻦ ﺑﻮﺟﻪ ﺍﻟﺜﺎﻧﻲ ﻭﻣﻦ ﺷﺎﻓﻨﻲ ﺑﺮﻃﻤﺖ ﻣﻦ ﻫﺒﻄﺖ ﺗﺼﺮﻓﻪ ﻛﺎﻝ
ﺭﻏﺪ ﺍﻧﻲ ﺍﺳﻒ ﻭﺍﻟﻠﻪ ﻣﻮﻗﺼﺪﻱ ﺍﺧﻮﻓﺞ ﺑﺲ ﻭﺍﻟﻠﻪ ﺍﻧﺘﻲ ﺟﺒﺮﺗﺒﻨﻲ ﺍﺗﺼﺮﻑ ﻫﻴﺞ ﺍﺩﺭﻱ ﻟﻴﺶ ﻣﺠﺎﻓﻴﺘﻨﻲ ﻭﺣﺘﻰ ﺷﻮﻑ ﻣﺪﺍﺷﻮﻓﺞ
ﺍﻣﻴﻦ ﺭﻭﺡ ﻣﻨﺎ ﻟﺤﺪ ﻳﺸﻮﻓﻚ ﻭﺗﺼﻴﺮ ﺳﺎﻟﻔﻪ ﻳﻤﻌﻮﺩ ﻻﻳﺠﻲ ﺿﺮﺍﺭ ﻭﺍﻟﻘﺮﺍﻥ ﻳﺬﺑﺤﻨﻲ
ﻻﺗﺨﺎﻓﻴﻦ ﻣﺎﻳﺠﻲ ﺍﻧﺎ ﻓﺰﻋﺖ ﺍﻟﻌﺸﻴﺮﻩ ﻛﻠﻪ ﺣﺘﻰ ﺗﻠﻬﻲ ﺧﺎﻃﺮ ﺑﺲ ﺍﺷﻮﻓﺞ
ﺍﻣﻴﻦ ﺷﺮﺍﻳﺪ ﻣﻨﻲ ﻋﻮﻓﻨﻲ ﺍﻟﻠﻪ ﻳﺨﻠﻴﻚ
ﺭﻏﺪ ﺍﺣﺒﺞ ﺷﺘﺮﺩﻳﻦ ﺍﻛﺜﺮ ﻣﻦ ﻫﺬﺍ ﻣﻮﺭﻭﺣﻲ ﻃﻜﺖ ﻛﺎﻓﻲ ﻋﺎﺩ ﻫﺎﻱ ﺛﺎﻧﻲ ﻣﺮﻩ ﺍﻛﻠﺞ
ﻭﻟﻮ ﺩﻛﻮﻟﻪ ﻳﻮﻣﻴﻪ ﻭﻛﻞ ﺳﺎﻋﻪ ﻫﻢ ﻣﺮﺍﺡ ﺍﻗﺒﻞ ﺑﻴﻚ ﺍﺣﺴﻦ ﺍﻟﻚ ﻋﻮﻑ ﻫﺎﻱ ﺍﻟﺴﺎﻟﻔﻪ
ﺭﻏﺪﻩ ﻻﺗﻠﻌﺒﻴﻦ ﺑﻌﺼﺎﺑﻲ ﻭﺍﻻﻧﺰﻝ ﺍﻟﻘﺮﺁﻥ ﺍﻓﻨﻴﺞ ﺍﻧﺘﻲ ﺷﻨﻮ ﺗﺮﺩﻳﻦ ﺗﺬﻟﻴﻨﻲ ﺩﺍﻛﻠﺞ ﺍﺣﺒﺞ ﻭﺍﺑﻦ ﻋﻤﺞ ﻣﺎﺩﻛﻠﻴﻠﻲ ﺷﻨﻮ ﺳﺎﻟﻔﺘﺞ
ﺟﺎﻥ ﻳﺤﺠﻲ ﺑﺤﺮﻛﻪ ﻭﻗﻬﺮ ﻭﻳﺸﻤﺮ ﻭﻳﺎﺷﺮ ﺑﻴﺪﻩ ﻭﺍﻧﻲ ﺩﻣﻮﻋﻲ ﺗﺠﺮﻱ ﻭﺻﻮﺭﻩ ﻭﺭﺩﻩ ﺍﻟﻠﻪ ﺭﺳﻤﻪ ﻛﺒﺎﻟﻲ ﻧﺘﺮﺕ ﺑﻲ ﻭﻛﺘﻠﻪ
ﻭﺍﻧﻲ ﻣﺎﺣﺒﻚ ﻭﻭﻭﻭﻭﺍﻛﺮﻫﻚ ﺗﻌﺮﻑ ﺷﻨﻮﻭ ﺃﻛﺮﻫﻚ ﻭﻟﻮﺗﻤﻮﺕ ﻣﺎﺍﻗﺒﻞ ﺑﻴﻚ
ﻓﺘﺢ ﻋﻴﻮﻧﻪ ﺑﻐﻀﺐ ﻭﺑﻮﺩﻩ ﻳﻤﻮﺗﻨﻲ ﻭﺍﻧﻲ ﻣﻨﻄﻴﺘﻪ ﻣﺠﺎﻝ ﻳﺤﺠﻲ ﻋﻔﺘﻪ ﻭﺭﻛﻀﺖ ﺍﺑﺠﻲ ﺗﻼﻃﻤﺖ ﺑﻮﺭﺩﻩ ﻣﻦ ﺷﺎﻓﺖ ﺩﻣﻮﻋﻲ ﺿﺮﺑﺖ ﺻﺪﺭﻩ ﻭﻛﺎﻟﺖ
ﻳﺎﺍﺍﺍ ﺭﻏﺪ ﺷﺒﻴﺞ ﻋﻞ ﺷﻨﻮ ﻫﺬﺍ ﺍﻟﺒﺠﻲ
ﺟﻴﺘﺖ ﺑﺤﻀﻨﻪ ﻭﺯﺩﺕ ﺑﻠﺒﺠﻲ ﻭﻛﻠﺒﻲ ﻳﻨﺰﻑ ﻭﺃﺗﻤﻨﻰ ﺃﺻﺮﺥ ﻭﺍﻛﻠﻪ ﺍﻟﻲ ﺗﺤﺒﻲ ﻳﺤﺒﻨﻲ ﻭﺍﻧﺎ ﺍﺣﺒﻪ ﺑﺲ ﺍﻧﺘﻲ ﻭﺍﻛﻔﻪ ﺑﻌﻴﻨﻲ ﺍﻟﻴﻮﻡ ﻭﺟﻬﻪ ﺑﻮﺟﻪ ﻛﺘﻠﻪ ﺍﻛﺮﻫﻚ
ﻭﺭﺩﻩ ﻃﺒﻄﺐ ﻋﻞ ﺟﺘﻔﻲ ﻭﺍﻧﻲ ﺍﺷﻬﻚ ﺍﺟﺘﻲ ﻋﻤﺘﻲ ﺯﻫﺮﻩ ﻭﻋﻤﺘﻲ ﻧﻮﺭﻳﻪ ﻭﺳﻌﺎﺩ ﻭﺍﻣﻲ ﻭﺑﻨﺎﺗﻬﻢ ﻭﻛﻠﻬﻢ ﺻﺎﺭ ﺩﺍﻳﺮ ﻣﺪﺍﻳﺮﻱ ﺷﺒﻴﺞ ﻭﺷﺒﻴﺞ ﻣﻦ ﺍﻟﻘﻬﺮ ﺭﺍﺩ ﻳﻐﻤﻰ ﻋﻠﻴﻪ ﺑﺲ ﻣﺎﺭﺩﺕ ﺍﺧﺮﺏ ﻓﺮﺣﻪ ﺿﺤﻰ ﻭﺟﺎﻭﺑﺘﻬﻢ
ﻣﺎﺑﻴﻪ ﺷﻲ ﺑﺲ ﻣﻦ ﺷﻔﺖ ﺿﺤﻰ ﺑﻠﺒﺪﻟﻪ ﻭﺗﺬﻛﺮﺕ ﺑﺎﺟﺮ ﺗﺮﻭﺡ ﻣﻜﺪﺭﺕ ﺍﻟﺰﻡ ﻧﻔﺴﻲ ﻭﺍﻧﻲ ﺍﻓﻜﺮ ﺷﻠﻮﻥ ﺭﺍﺡ ﺗﻔﺎﺭﻛﻨﻪ
ﺍﻧﻮﺏ ﺣﺘﻰ ﺍﻣﻲ ﻭﺭﺩﻩ ﺩﻣﻌﻦ ﻭﺍﺧﺬﻧﻲ ﻋﻤﺎﺗﻲ ﻣﺴﺤﺖ ﺩﻣﻮﻋﻲ ﻭﺭﺗﺒﺖ ﻭﺟﻬﻲ ﻣﻦ ﻏﺼﺒﻦ ﻋﻠﻴﻪ ﻧﺎﺭ ﻭﺷﺎﺑﻪ ﺑﻀﻠﻮﻋﻲ ﺍﻧﻲ ﺷﻠﻮﻥ ﻧﻄﻘﺘﻪ ﺷﻠﻮﻥ ﻛﺘﻠﻪ ﺍﻛﺮﻫﻚ ﻭﺍﻟﻠﻪ ﺣﺴﻴﺖ ﻧﻔﺴﻲ ﻛﺎﻳﻠﻪ ﺑﻮﺟﻬﻲ ﻫﺴﻪ ﺷﺼﺎﺭ ﺑﻲ ﺍﻛﻴﺪ ﺍﻧﻄﺤﻦ ﺍﺫﺍ ﻳﺤﻤﻞ ﻧﻔﺲ ﺍﻟﺤﺐ ﺍﻟﻲ ﺍﺣﻤﻠﻪ ﺍﻧﻲ ﺍﻟﻪ
ﺧﻠﺼﺖ ﺍﻟﺤﻔﻠﻪ ﻭﺍﻧﻲ ﺗﺎﻳﻬﻪ ﻭﺿﺎﻳﻌﻪ ﻭﻛﻠﻤﺖ
ﺍﻛﺮﻫﻚ
ﺍﻛﺮﻫﻚ ﺩﻙ ﺑﺮﺃﺳﻲ ..............
ﺿﺮﺍﺭ ......... ﺭﺟﻌﺖ ﻟﻠﺒﻴﺖ ﺑﻌﺪ ﻣﺎﺳﻠﻤﺖ ﺍﻟﺒﻀﺎﻋﻪ ﻭﻧﻄﺎﻧﻲ ﺍﻟﺴﻴﺎﺭﻩ ﺍﺑﻮ ﻣﺎﺟﺪ ﻃﻮﻝ ﺍﻟﻄﺮﻳﻖ ﺟﻨﺖ ﻣﺤﺴﺐ ﺣﺴﺎﺏ ﺍﺭﺟﻊ ﺍﻟﺴﻴﺎﺭﻩ ﻭﻳﺎﻩ ﺻﻔﺎﺀ ﺑﺎﺟﺮ ﻭﺍﻓﺾ ﻛﻞ ﺍﻟﺸﻐﻞ ﻭﺍﺭﺟﻊ ﻟﻠﻤﺴﻄﺮ ﺑﻌﺪ ﺷﻠﻲ ﺑﺪﻭﺍﺧﻪ ﺍﻟﺮﺃﺱ ﺭﺩﺕ ﺃﺣﺎﺟﻲ ﺻﻔﺎﺀ ﻟﻜﻴﺘﻪ ﻧﺎﻳﻢ ﺑﺪﻟﺖ ﻭﻣﺪﺩﺕ ﻭﻟﺼﺒﺢ ﻋﻞ ﻛﻌﺪﻩ ﻭﺣﺪﻩ ﻭﺣﺶ ﺟﻜﺎﻳﺮ ﺍﻟﻰ ﺍﻥ ﺩﻙ ﻣﻨﺒﻪ ﻋﻞ ﺻﻮﺕ ﻛﻌﺪ ﺷﺎﻓﻨﻲ ﻛﺎﻋﺪ ﻭﺑﺎﻭﻉ ﻋﻞ ﻣﻨﻔﺎﺿﻪ ﻣﻠﻴﺎﻧﻪ ﺟﻜﺎﻳﺮ ﻛﺎﻝ
ﺻﺒﺎﺡ ﺍﻟﺨﻴﺮ
ﺻﺒﺎﺡ ﺍﻟﻨﻮﺭ
ﻫﺎﻱ ﺷﻜﻮ ﺷﻤﺴﻮﻱ ﺷﻜﺪ ﺷﺎﺭﺏ ﻳﻤﻌﻮﺩ ﺷﻮﻑ ﺣﺘﻰ ﺍﻟﻐﺮﻓﻪ ﻣﻘﺒﻄﻪ ﺷﺠﺎﻙ
ﺭﻭﺡ ﻏﺴﻞ ﻭﺗﻌﺎﻝ ﺍﺳﻮﻟﻔﻚ
ﺭﺍﺡ ﻭﺍﺟﻪ ﻭﺍﻧﻲ ﺗﺮﺑﻌﺖ ﻭﻛﻌﺪﺕ ﺍﺟﻪ ﻛﺎﺑﻠﻨﻲ ﻭﻛﻌﺪ
ﺍﻱ ﻛﻮﻝ ﻭﻫﺎﻱ ﻏﺴﻠﺖ ﺍﺣﺠﻲ ﺷﻌﻨﺪﻙ
ﺻﻔﺎﺀ ﺍﻧﻲ ﻣﺎﻟﻲ ﻏﻴﺮﻙ ﻫﻨﺎ ﻭﺇﺫﺍ ﺍﺑﻘﻰ ﺳﺎﻛﺪ ﻳﻤﻜﻦ ﺍﻧﺠﻠﻂ ﺗﻌﺎﻝ ﺷﻮﻓﻠﻲ ﺟﺎﺭﻩ
ﻟﻚ ﺷﻜﻮ ﺧﻮﻓﺘﻨﻲ ﺷﻤﺴﻮﻱ
ﻛﻠﺸﻲ ﻣﺎﻣﺴﻮﻱ ﺑﺲ ﺧﺎﻳﻒ ﻣﻦ ﺍﺑﻮ ﻣﺎﺟﺪ
ﺍﻓﺎﺀ ﻋﻠﻴﻚ ﺿﺮﺍﺭ ﻳﺨﺎﻑ ﻫﺎﻱ ﺍﻭﻝ ﻣﺮﻩ ﺃﺳﻤﻌﻪ
ﺧﺎﺏ ﺭﻛﺰ ﻭﻳﺎﻱ ﺍﻧﻲ ﺧﺎﻳﻒ ﻣﻨﻪ ﻣﻮﺧﻮﻑ ﻣﻦ ﻫﺬﺍ ﻟﺒﺎﻟﻚ ﻻﺑﺎﺑﻪ ﻗﺎﺑﻞ ﺷﻴﺮﻳﺪ ﻳﺴﻮﻟﻲ ﻳﻜﺺ ﺭﺍﺳﻲ ﺑﺲ ﺍﻧﻲ ﺧﺎﻳﻒ ﻣﻨﻪ ﺍﺣﺴﻪ ﻣﻮﺭﺍﺣﻪ
ﺑﻠﻪ ﺷﻠﻮﻥ ﻋﺮﻓﺖ ﻣﺎﺗﻔﻬﻤﻨﻲ
ﺷﻮﻑ ﺍﻭﻝ ﺷﻲ ﻫﻮﻩ ﻭﺟﻤﺎﻋﺘﻪ ﺷﻜﻠﻬﻢ ﻣﻮﺷﻜﻞ ﺗﺠﺎﺭ ﻻﺳﻴﺮﺍﻣﻴﻚ ﻭﻻﻫﺬﺍ ﺍﻟﺨﺮﻳﻂ ﺍﻟﻔﻬﻤﻮﻧﻪ ﻋﻠﻴﻪ
ﻟﻴﺶ ﻫﻴﻪ ﺑﻠﺸﻜﻞ
ﺟﺎﺀ ﺑﻴﻤﻦ ﻣﻮ ﺭﺏ ﺍﻟﻌﺰﺓ ﻳﻜﻮﻝ ﺑﻠﻘﺮﺍﻥ ﺍﻟﻜﺮﻳﻢ
‏( ﺳﻴﻤﺎﻫﻢ ﻓﻲ ﻭﺟﻮﻫﻬﻢ ‏)
ﻭﻧﻌﻢ ﺑﺎﻟﻠﻪ ﺑﺲ ﺍﻧﻲ ﻣﺎﺗﻔﻖ ﻭﻳﺎﻙ
ﺷﻠﻮﻥ ﻳﻌﻨﻲ
ﺍﻧﻲ ﺍﻛﻠﻚ ﻳﻌﻨﻲ ﻫﺴﻪ ﺍﻧﺖ ﻟﻴﺸﻮﻓﻚ ﻳﻜﻮﻝ ﺗﺸﺘﻐﻞ ﻋﻤﺎﻟﻪ ؟
ﺟﺎﺀ ﺷﻴﻜﻮﻝ
ﻳﻜﻮﻝ ﻋﻼﺱ ﺍﻛﺸﺮ ﻭﻣﻀﺤﻢ
ﻟﻴﺶ ﻭﻟﻚ ﻫﻴﺞ ﺩﻛﻮﻝ
ﺧﺎﺏ ﺷﻮﻑ ﺷﻜﻠﻚ ﺑﻠﻤﺮﺍﻳﻪ ﻭﺍﻧﺖ ﺗﻘﻴﺲ ﺟﺴﻤﻚ ﻟﻔﺖ ﺷﻤﺎﻏﻚ ﻟﺤﻴﺘﻚ ﻛﻠﺸﻲ ﺑﻴﻚ ﻣﺎﻳﻮﺣﻲ ﺍﻧﺖ ﺗﺸﺘﻐﻞ ﻋﻤﺎﻟﻪ
ﺍﻛﻠﻚ ﻻﺗﻀﻞ ﺗﻠﻐﻲ ﺑﺮﺃﺳﻲ ﻭﺗﺴﻮﻳﻨﻲ ﻛﻠﺶ ﻋﺎﺩ ﺗﺮﻩ ﺭﻭﺣﻲ ﺯﻫﻜﺎﻧﻪ ﺍﻧﻲ ﻣﺎﺣﺐ ﺍﻟﺼﺒﻎ ﺧﻠﻴﻨﻪ ﺑﻤﻮﺿﻮﻋﻪ
ﻳﺎﺻﺒﻎ ﺑﻨﺘﻼﻳﺖ ﻟﻮ ﻣﻌﺎﺩ
ﺻﻔﺎﺀ ﺭﺍﺡ ﺍﻫﻔﻚ ﺑﻠﻤﻨﻔﺎﺿﻪ ﻭﺍﻟﻜﻌﺒﻪ ﺧﻠﻴﻚ ﻭﻳﺎﻱ ﻭﺑﺮﺩ ﻛﻠﺒﻲ ﻭﻛﻠﻲ ﺍﻧﺖ ﻫﻢ ﻣﺎﻣﺮﺗﺎﺡ ﻣﺜﻠﻲ ﻟﻮ ﺷﻠﻮﻥ
ﻭﺍﻟﻠﻪ ﺿﻠﻌﻲ ﺍﻟﻀﻠﻴﻤﻪ ﺷﻴﻨﻪ ﺍﻧﻲ ﻣﺮﺗﺎﺡ ﻭﻣﻨﺴﻢ ﻭﻟﻚ ﺻﻜﺪ ﺍﻧﺖ ﻣﻮﺟﻪ ﻧﻌﻤﻪ ﺍﻧﺖ ﻣﺎﻳﻠﻮﻛﻠﻚ ﻏﻴﺮ ﺷﻴﻞ ﺍﻟﻄﻮﺱ ﻭﻛﺮﺍﺏ ﺍﻟﻌﻤﺎﻟﻪ
ﺍﻱ ﻭﺍﻟﻠﻪ ﺗﺪﺭﻱ ﺷﻜﺪ ﺟﻨﺖ ﻣﺮﺗﺎﺡ ﻣﻮ ﻣﺜﻞ ﻫﺴﻪ ﺍﺣﺲ ﺭﻭﺣﻲ ﻣﻜﺮﻭﺑﻪ
ﺍﺩﺭﻱ ﻟﻴﺶ ﻏﻴﺮ ﺍﻓﺘﻬﻢ
ﺻﻔﺎﺀ ﺍﻟﺸﻐﻞ ﻛﻠﻪ ﺑﻠﻴﻞ ﻭﺃﺑﻮ ﻣﺎﺟﺪ ﻫﻮﺍﻱ ﻳﺮﻳﺪ ﻳﺮﻏﺒﻨﻲ ﺑﻠﺸﻐﻞ ﻭﺍﻟﻔﻠﻮﺱ ﻭﺍﻟﺒﺎﺭﺣﻪ ﺭﺣﺖ ﻷﻃﺮﺍﻑ ﺑﻐﺪﺍﺩ ﻣﻦ ﺟﻮﻩ ﺑﺤﻴﺚ ﺍﻟﺴﻴﺎﺭﻩ ﺗﻜﺤﻒ ﻭﺍﻧﻲ ﺷﺎﻳﻞ ﺩﻣﻲ ﺑﺨﺎﺷﻮﻛﻪ ﺣﺘﻰ ﻣﻦ ﺍﻟﺸﺪﻫﻪ ﻣﺎﻋﺮﻑ ﺍﻟﺒﻀﺎﻋﻪ ﺍﻟﺸﺎﻳﻠﻪ ﺷﻨﻮ
ﻻﺗﻜﺒﺮﻩ ﺷﺎﻳﻞ ﻗﺎﺑﻞ ﻗﻨﺎﺑﻞ ﻛﻠﻪ ﺷﻜﻢ ﻛﺎﺭﺗﻮﻧﻪ ﻣﺎﻝ ﺳﻴﺮﺍﻣﻴﻚ ﻟﻮ ﻛﺎﺷﻲ
ﻻﺍﺑﺪ ﻳﺴﺘﺤﻴﻞ ﺳﻴﺮﺍﻣﻴﻚ ﺷﻨﻮ ﺍﻧﻲ ﻣﻦ ﺍﻟﺒﺎﺭﺣﻪ ﻣﻤﺮﺗﺎﺡ
ﺍﻛﻠﻚ ﺍﻧﻲ ﺍﻛﻮﻝ ﺍﺭﺟﻊ ﻟﻠﻤﺴﻄﺮ ﻭﻟﻠﻜﺮﻙ ﻭﻟﺸﻴﻞ ﺍﻟﻄﻮﺱ ﻭﺷﺤﺎﻻﺗﻪ ﺍﻟﻴﻞ ﻛﻠﻪ ﺗﻮﻥ ﻣﻦ ﺿﻬﺮﻙ ﺍﻧﻲ ﺍﺷﻮﻑ ﻫﻴﺞ ﺍﺣﺴﻦ ﻋﺒﻦ ﺷﻨﻬﻲ ﺍﻧﺖ ﺍﻟﻔﻜﺮ ﻳﻠﻮﻛﻠﻚ
ﻟﻚ ﻋﺎﺭ ﺳﺎﻗﻂ ﺍﺑﻦ ﺍﻟﺴﺎﻗﻂ ﻟﻴﺶ ﺗﺘﻤﻬﺰﻩ ﻋﻠﻴﻪ ﻣﻮﺩﺳﻮﻟﻒ ﻭﻳﺎﻙ ﻣﺜﻞ ﺍﻻﻭﺍدم..بيج قصص عراقيه حقيقيه من واقعنا.روعه الطائي
ﺟﺎﺀ ﺷﺴﻴﻮﻳﻠﻚ ﺍﻧﺖ ﻏﻨﻘﻴﻨﻪ ﻃﻠﻌﺖ ﻳﻮﻡ ﻭﺍﺣﺪ ﺣﺮﻓﺖ ﺷﻐﻠﻬﻢ ﻭﻃﻠﻌﺘﻬﻢ ﻋﺼﺎﺑﻪ ﺷﻠﻮﻥ ﺑﺠﺎﻳﺎﺕ
ﻭﻫﺬﺍ ﻟﻜﻠﺒﻲ ﻻﻋﺐ ﻣﻨﺎ ﻭﺍﺫﺍ ﻃﻠﻌﺖ ﻣﺮﻩ ﺍﻟﺜﺎﻧﻴﻪ ﺍﻃﻠﻊ ﺑﻬﻴﻢ ﺍﺫﺍ ﻣﺎﻓﺘﺤﺖ ﺍﻟﻜﺮﺍﺗﻴﻦ ﻭﺷﻔﺖ ﺷﻨﻮ ﺑﺒﻬﻦ
ﻳﻤﻌﻮﺩ ﺍﺳﺘﺮ ﻋﻠﻴﻨﻪ ﻟﺨﺎﻃﺮ ﺭﺑﻚ
ﺻﻔﺎﺀ ﻣﻦ ﺍﻷﺧﻴﺮ ﺍﻛﻠﻚ ﺍﻟﺰﻡ ﻫﺬﺍ ﺍﻟﺴﻮﻳﺞ ﺭﺟﻌﻪ ﺑﻌﺪ ﻻﺷﺘﻐﻞ ﻭﻻ ﺍﺑﺪ
ﻭﺍﻟﻠﻪ ﺗﺮﻳﺪ ﺍﻟﺼﺪﻙ ﻫﻴﺞ ﺍﺣﺴﻦ
ﻧﻄﻴﺘﻪ ﺍﻟﺴﻮﻳﺞ ﻭﺣﺴﻴﺘﻪ ﺧﺎﻳﻒ ﻋﻞ ﺷﻐﻠﻪ ﻭﻣﺎﻳﺮﻳﺪ ﻳﺨﺴﺮﻩ ﺑﺤﻴﺚ ﻗﺒﻞ ﺍﺑﻄﻞ ﻭﺍﻋﻮﻑ ﺍﻟﺸﻐﻞ ﻭﻻﻫﻮﻩ ﻳﻨﻀﺮ ﻭﺍﻧﻲ ﻣﺎﺻﺪﻛﺖ ﻋﻔﺘﻪ ﻭﻛﻤﺖ ﺑﺪﻟﺖ ﻭﻛﺒﻞ ﺭﺣﺖ ﻟﺪﻳﺮﺗﻨﻪ ﺭﺩﺕ ﺍﺭﺗﺎﺡ ﻭﺍﻣﺤﻲ ﻛﻞ ﺍﻝ ﺻﺎﺭ ﺑﻬﻠﻴﻮﻣﻴﻦ ﻭﻳﺎﻩ ﻣﺎﻭﺻﻠﺖ ﺿﺮﺑﺘﻪ ﻧﻮﻣﻪ ﻟﺜﺎﻧﻲ ﻳﻮﻡ
ﻛﻌﺪﺕ ﻭﺍﻣﻲ ﺣﺎﺟﺘﻨﻲ ﻋﻞ ﺿﺤﻰ ﻳﺮﺩﻭﻥ ﻳﺎﺧﺬﻭﻩ ﺷﻠﺖ ﻓﻠﻮﺱ ﻭﺣﻄﻴﺖ ﺑﺪﻳﻪ ﻛﺘﻠﻪ ﺟﻬﺰﻳﻪ ﻭﻻﻧﺨﻠﻴﻦ ﺷﻲ ﺑﻨﻔﺴﻪ ﻭﺣﺘﻰ ﻭﺭﺩﻩ ﺿﺤﻰ ﻫﻢ ﻋﺎﺩ ﺍﺧﺬﺗﻬﻢ ﻭﻧﺰﻟﺖ ﻟﻠﻮﻻﻳﻪ ﻭﺍﻧﻲ ﺭﺣﺖ ﻳﻢ ﺍﻟﻮﻟﺪ ﺭﺿﺎﺀ ﺧﻄﻴﻪ ﻣﻦ ﺷﺎﻓﻨﻲ ﺣﻴﻞ ﻛﻴﻒ ﺟﻨﺖ ﺣﻴﻞ ﻣﺸﺘﺎﻗﻠﻪ ﻭﻣﺸﺘﺎﻕ ﻟﻜﻌﺪﺍﺗﻨﻪ ﻭﺳﻮﺍﻟﻔﻨﻪ ﻭﻣﺸﺘﺎﻕ ﺍﻟﻜﻠﺸﻲ ﺑﻠﺪﻳﺮﻩ
ﻫﻮﺍﻩ ﺑﺴﺎﻃﺘﻪ ﺍﻟﺴﺎﻛﻴﻪ ﻭﺭﻳﺤﻪ ﺍﻟﺨﻀﺎﺭ ﻭﺍﻟﺒﺴﺎﺗﻴﻦ ﻭﻣﺸﺘﺎﻕ ﻟﻠﺪﻭﻣﻨﻪ ﻭﺍﻟﻄﺎﻭﻟﻲ ﻭﻟﺴﻬﺮﺍﺕ ﺭﺿﺎﺀ ﻭﺍﻣﻴﻦ ﺑﺲ ﻻﺣﻀﺖ ﺍﻣﻴﻦ ﻣﻮ ﻋﻞ ﺑﻌﻀﻪ ﺣﺎﻭﻻﺕ ﺍﺣﺠﻲ ﻭﻳﺎﻩ ....بيج قصص عراقيه حقيقيه من واقعنا.روعه الطائي
ﺣﻠﻔﻠﻲ ﻣﺎﺑﻲ ﺷﻲ ﻋﺎﺩ ﻋﻔﺘﻪ
ﺍﻟﻴﻮﻡ ﺍﻟﺒﻌﺪﻩ ﺭﺣﺖ ﻋﻞ ﺻﺪﻳﻖ ﺍﻣﻴﺮ ﺍﻟﻲ ﻣﺎﻧﺎﺳﻲ ﺳﺎﻟﻔﻪ ﺑﺲ ﻣﺎﺣﺼﻠﺘﻪ ﻛﺎﻟﻮ ﻳﺸﺘﻐﻞ ﺑﻐﺪﺍﺩ ﻭﻣﺎﻳﺠﻲ ﺻﺎﻳﺮ ﻗﻠﻴﻞ ﺍﺧﺬﺕ ﺭﻗﻤﻪ ﻭﻛﻠﺖ ﺍﻟﺘﻘﻲ ﺑﻲ ﻫﻨﺎﻙ ﻭﺍﻓﺘﻬﻢ ﻣﻨﻪ ﻛﻠﺸﻲ ﻳﺪﻭﺭ ﺑﺎﻟﻲ
ﻳﻮﻣﻴﻦ ﺻﺎﺭ ﻣﻦ ﺍﺟﻴﺖ ﻭﻛﻠﺸﻲ ﻣﺎﻣﻔﺘﻬﻢ ﻏﻴﺮ ﻫﻮﺳﻪ ﺍﻟﻨﺴﻮﺍﻥ ﻭﺧﺒﺼﺘﻬﻦ ﺑﻠﻌﺮﺱ ﻭﻧﺎﺱ ﻃﺎﺑﻪ ﻭﺟﻮﻛﻪ ﻃﺎﻟﻌﻪ ﻭﺑﻴﻮﻡ ﺍﻟﺤﻨﻪ ﻭﺑﻌﺪ ﻣﺎﻓﻀﻨﻬﻪ ﺭﺟﻌﺖ ﻣﺘﺄﺧﺮ ﺩﺍﻧﺎﻡ ﻗﺒﻞ ﻣﺎﺍﺩﺧﻞ ﻟﻠﻐﺮﻓﻪ ﺍﻣﻲ ﻛﺎﻟﺖ
ﻫﺎﺍ ﻳﻤﻪ ﺍﺟﻴﺖ
ﺍﻱ ﻳﻠﻐﺎﻟﻴﻪ ﺃﺃﻣﺮﻳﻨﻲ
ﺳﻼﻣﺘﻚ ﻳﺎﻧﻀﺮ ﻋﻴﻨﻲ ﻭﻫﻮﻩ ﺍﻧﺖ ﻣﺨﻠﻲ ﺷﻲ ﻧﺎﻗﺼﻪ ﺍﻟﻠﻪ ﻳﺮﺯﻗﻚ ﻣﻦ ﻭﺍﺳﻌﻪ ﻳﻔﺘﺤﻪ ﺑﻮﺟﻬﻚ
ﺗﺴﻠﻤﻴﻠﻲ ﻳﺎﺑﻌﺪ ﺭﻭﺣﻲ
ﻳﺴﻠﻤﻚ ﺍﻛﻠﻚ ﻟﻴﺶ ﻣﺎﺭﺗﺮﻭﺡ ﺗﺒﺎﺕ ﺑﻴﺖ ﻋﻤﻚ
ﻟﻴﺶ ﻳﻤﻪ ﺷﻌﺪﺟﻦ
ﻣﺎﻋﻨﺪﻩ ﺷﻲ ﺑﺲ ﺗﻌﺮﻑ ﺍﻟﻴﻮﻡ ﺣﻨﻪ ﺟﺎﻧﺖ ﻭﻫﻮﺳﻪ ﻭﺑﻨﺎﺕ ﻋﻤﻚ ﻭﻋﻤﺎﺗﻚ ﺑﺎﻳﺘﺎﺕ ﻳﻢ ﺍﺧﺘﻚ ﻭﺍﻧﺖ ﺭﻭﺣﻚ ﺻﻐﻴﺮﻩ ﻭﻣﺘﺘﺤﻤﻞ ﺃﺻﻮﺍﺕ ﻭﻫﺮﺟﻪ ﻭﺫﻧﻲ ﻣﻜﺮﻭﺻﺎﺕ ﻭﺣﺴﻬﻦ ﻋﺎﻟﻲ ﻭﺃﺧﺎﻑ ﺗﻌﺼﺐ ﻋﻠﻴﻬﻦ
ﻣﻤﻤﻤﻢ ﻳﻌﻨﻲ ﺍﻟﻴﻮﻡ ﻋﺪﺟﻦ ﺍﺟﺘﻤﺎﻉ ﻭﺗﺮﺩﻥ ﺩﻋﺒﻠﻨﻲ
ﻫﻬﻬﻬﻬﻪ ﻧﺠﺮ ﻭﻛﻠﺸﻲ ﺗﻌﺮﻑ ﻣﺎﻳﻔﻮﺗﻚ ﺷﻲ ﻳﺒﻦ ﺑﻄﻨﻲ
ﻭﻻﻳﻬﻤﺞ ﺍﻡ ﺿﺮﺍﺭ ﺍﺩﻟﻠﻲ ﺭﺍﻳﺢ ﺍﺑﺎﺑﺖ ﻳﻢ ﺑﻴﺖ ﻋﻤﻲ ﺭﺷﺪﻱ ﻭﻫﻢ ﺍﺗﻌﻠﻞ ﻳﻢ ﺍﻣﻴﻦ
ﻳﺎﺑﻌﺪ ﻛﻠﺒﻲ ﻭﺍﻟﻠﻪ ﺍﺭﻳﺤﻠﻚ
ﺟﺎﺀ ﺧﻮﺵ ﺯﻳﻦ ﻳﺼﻴﺮ ﺍﻓﻮﺕ ﺍﺑﺪﻝ
ﻻﻣﻴﺼﻴﺮ ﻣﺤﺘﻼﺕ ﻏﺮﻓﺘﻚ
ﺟﺎﺀ ﻛﻮﻟﻲ ﻫﻴﺞ ﻣﻦ ﺍﻟﺒﺪﺍﻳﻪ ﻫﻬﻬﻪ ﻳﻠﻪ ﺭﺍﻳﺢ ﺗﺼﺒﺤﻴﻦ ﻋﻞ ﺧﻴﺮ
ﻭﺍﻧﺖ ﻣﻦ ﺍﻫﻠﻪ
ﻃﻠﻌﺖ ﻣﺸﻴﺖ ﻣﺴﺎﻓﻪ ﻭﺑﻌﺪﻳﻦ ﺗﺬﻛﺮﺕ ﺗﻠﻴﻔﻮﻧﻲ ﺣﻄﻴﺘﻪ ﻋﻞ ﺷﺤﻦ ﻣﻦ ﺍﻟﻤﻐﺮﺏ ﺭﺟﻌﺖ ﺃﺧﺬﻩ ﺍﻟﺒﻮﺏ ﻛﻠﻪ ﻣﺴﺪﺩﻩ ﺑﺲ ﺑﺎﺏ ﺍﻟﻤﻄﺒﺦ ﻣﺮﺩﺭﻭ ﻭﺍﻟﻀﻮﻩ ﻣﻄﻔﻲ ﻭﺍﻧﻲ ﺭﺍﺳﻦ ﻓﺘﺤﺖ ﺍﻟﺒﺎﺏ ﺿﺮﺏ ﺿﻮﻩ ﺍﻟﺒﺮﻩ ﻋﻠﻴﻪ ﻭﺟﺎﻥ ﺍﺷﻮﻑ ﺍﻣﻲ ﻭﺍﺑﻮﻱ ﻣﻘﻴﺪﻩ ﺑﻴﺪﻩ ﻭﻳﺴﻮﻟﻒ ﻭﻳﺎﻩ ﺑﺼﻮﺕ ﻧﺎﺻﻲ ﻭﻫﺎﻱ ﻣﻮ ﻋﻮﺍﻳﺪﻩ ﺑﺲ ﺷﺎﻓﻮﻧﻲ ﺍﻣﻲ ﺩﻓﻌﺘﻪ ﻭﻫﻮ ﺑﺘﻌﺪ
ﺧﺠﻠﺖ ﺣﻴﻞ ﻭﻻﻣﺮﻩ ﺷﺎﻳﻒ ﺍﻣﻲ ﻭﺍﺑﻮﻳﻪ ﺑﻬﻞ ﻗﺮﺏ ﻧﺪﻛﺖ ﻭﺗﻌﺪﻳﺘﻬﻢ ﺩﺧﻠﺖ ﺍﻟﺼﺎﻟﻪ ﺷﻠﺖ ﺗﻠﻔﻮﻧﻲ ﺧﻠﻴﺘﻪ ﺑﺠﻴﺒﻲ ﻭﻃﻠﻌﺖ ﺻﺎﺭﺕ ﺍﻣﻲ ﻛﺒﺎﻟﻲ ﻛﺎﻟﺖ
ﻫﺎﺍﺍ ﻭﻟﻴﺪﻱ ﺷﻮﺭﺟﻌﺖ
ﻳﻤﻪ ﻧﺴﻴﺖ ﺍﻟﺘﻠﻴﻔﻮﻥ
ﺗﺮﻩ ﺍﺑﻮﻙ ﺟﺎﻥ ﺩﻳﺤﺎﺣﻴﻨﻲ ﻋﻞ ﺍﺧﺘﻚ ﻭﻋﺮﺳﻪ ﻭﺯﻓﺖ ﺑﺎﺟﺮ
ﺑﺘﺴﻤﺖ ﺑﻤﻜﺮ ﻭﺣﻀﺘﻨﻪ ﻭﻛﺘﻠﻪ
ﻭﺷﻜﻮ ﺑﻴﻪ ﻳﻠﻐﺎﻟﻴﻪ ﻳﺠﻮﺯ ﺗﺬﻛﺮ ﻳﻮﻡ ﻋﺮﺳﻪ ﻭﺟﺎﺝ . ﻭﻏﻤﺰﺗﻠﻪ
ﻳﺎﺍﺍﺍ ﻣﺪﻫﻮﺭ ﺍﻧﺖ ﺷﺘﺴﻮﺍﻟﻒ ﺍﺷﻮ ﻋﻴﻨﻚ ﻃﺎﻟﻌﻪ.بيج قصص عراقيه حقيقيه من واقعنا.روعه الطائي
ﺩﻳﻤﻘﺮﺍﻃﻴﻪ ﺣﺠﻴﻪ ﺍﺩﺭﻱ ﺧﺮﺑﺖ ﻋﻠﻴﻜﻢ ﺍﻟﻠﺤﻀﻪ ﻣﻮﻭ
ﺍﻣﺸﻲ ﻭﻟﻚ ﺍﻣﺸﻲ ﺻﺎﻳﺮ ﻟﺴﺎﻧﻚ ﻣﺘﺒﺮﻱ ﻣﻨﻚ ﺷﻴﺴﻮﻱ ﺑﻴﻪ ﺣﻮﻳﺘﻢ ﻭﻋﻨﺪﻩ ﺟﻠﻴﻠﻪ
ﻳﺎﺑﻪ ﻫﺎﻱ ﺍﻟﺠﻜﻤﻪ ﺷﻨﻮ ﻋﻤﻲ ﻫﺬﺍ ﺍﻟﻜﻴﻤﺮ ﻫﻨﺎ
ﻭﻟﺰﻣﺘﻪ ﻣﻦ ﺣﻨﺠﻬﻪ ﺩﻓﻌﺘﻨﻲ
ﺭﻭﺡ ﻧﺎﻡ ﺿﺮﺍﺭ ﺍﺣﺴﻦ ﻣﻦ ﺳﻮﺍﻟﻔﻚ ﻋﻞ ﺣﻮﻳﺘﻢ ﺍﻟﻔﺎﻳﺦ
ﻳﻤﻪ ﻭﺍﻟﻠﻪ ﻗﺒﻞ ﻣﺎﺭﻭﺡ ﺗﺮﻩ ﺍﺑﻮﻳﻪ ﺑﻌﺪﻩ ﺑﻲ ﺣﻴﻞ ﻻﻳﻐﺮﺝ ﺭﺃﺳﻪ ﻟﺒﻴﺾ ﺗﺮﻩ ﺣﻮﻳﺘﻢ ﻣﺜﻞ ﺍﻟﺼﻞ ﻭﺩﺍﻋﺘﺞ
ﻳﺒﻮﻭﻭﻭﻭﻭ ﺳﺎﻋﻪ ﺍﻟﺴﻮﺩﻩ ﺍﺍﻻﺟﻪ ﺑﻴﻪ ﺷﻴﺨﻠﺼﻨﻪ ﺑﻌﺪ ﻣﻨﻚ ﻭﻟﻚ ﻫﺬﺍ ﻣﻀﺮﻭﺏ ﺑﺮﺃﺳﻪ ﻭﺍﺟﻪ ﺍﻟﻴﻮﻡ ﺑﻬﻠﻴﻞ ﺟﻨﻪ ﺣﻠﻤﺎﻥ
ﺍﻛﻠﺞ ﺻﻜﺪ ﺧﺎﻑ ﺷﺎﺭﺏ ﺳﻮﺳﻜﻲ ﻋﻞ ﻛﻮﻟﺘﺞ
ﺿﺮﺑﺘﻲ ﺑﺮﺣﺎﻩ ﺍﺩﻳﻪ ﻋﻞ ﺟﺘﻔﻲ ﻭﻃﻠﻌﺘﻲ ﻭﺍﻧﻲ ﺍﺿﺤﻚ ﻭﺍﺩﺍﻫﺮ ﺑﻴﻪ ﺍﻝ ﺳﺪﺕ ﺍﻟﺒﺎﺏ ﺍﻝ ﺧﻠﺼﺖ ﻣﻨﻲ
ﺭﺣﺖ ﻟﺒﻴﺖ ﻋﻤﻲ ﺻﻨﺘﻪ ﻧﺎﻳﻤﻴﻦ ﺑﺲ ﺍﻣﻴﻦ ﻛﺎﻋﺪ ﺩﺧﻠﻨﻲ ﻭﺟﺎﺑﻠﻲ ﻓﺮﺍﺵ ﻭﻛﺎﻝ ﺭﺍﻳﺢ ﺍﻓﺘﺢ ﺍﻟﻤﺎﻃﻮﺭ ﻋﻞ ﺯﺭﻉ ﻭﺍﺟﻲ ﻛﺘﻠﻪ ﻃﻔﻲ ﺍﻟﻀﻮﻩ ﺑﺪﺭﺑﻚ ﺧﻠﻴﺖ ﻏﺮﺍﺿﻲ ﻳﻢ ﺭﺍﺳﻲ ﻭﻧﺰﻋﺖ ﻓﺎﻧﻴﻠﺘﻲ ﺑﻘﻴﺖ ﺑﻠﺪﺍﺧﻠﻴﻪ ﻣﺎﻋﺮﻑ ﺍﻧﺎﻡ ﺑﻤﻼﺑﺲ ﻣﻤﺘﻌﻠﻢ ﻣﺪﺩﺕ ﻭﺧﻠﻴﺖ ﺍﻳﺪﻱ ﻋﻞ ﻋﻴﻮﻧﻲ ﺟﻨﺖ ﺣﻴﻞ ﻧﻌﺴﺎﻥ ﺩﻗﺎﻳﻖ ﻭﺑﻴﻦ ﺍﻟﻨﺎﻳﻢ ﻭﺍﻟﻜﺎﻋﺪ ﺣﺴﻴﺖ ﺍﻧﻔﺎﺱ ﺣﺎﺭﻩ ﻳﻢ ﻭﺟﻬﻲ ﻭﻋﻄﺮ ﻧﺴﺎﺋﻲ
ﺧﺘﺮﻕ ﺧﺸﻤﻲ ﻣﺪﺭﻱ ﺷﺼﺎﺭ ﺑﻴﻪ ﺑﺤﻴﺚ ﻛﻠﺸﻲ
ﺑﺠﺴﻤﻲ
ﺭﺧﻪ .
.
.
.
.
.
ﻻﺗﻨﺴﻮﻥ ﺍﻟﺘﺼﻮﻳﺖ ﻭﺍﻟﺘﻌﻠﻴﻖ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤