هبت ريح

بارت6

#هبت_ريح

هدايا قبل فوات الأوان وندم يتبعه اللم

الا من معين

#user65690873

#البارت 6

يمه هاي شكو

كالته ورده وجاوبته

مادري يمه ويلادي ركضي يمه كبلي حيلي باد ورجليه بعد ماتعيني

راحت ورده واني الدرب صار عليه شطوله ربي ويلادي مامنتهم عندك لاتفجعني بيهم كل ما قرب كل ماسمع عياط ورجعت ورده تلهث وتصيح

يمه جدي مات  يمه جدي مات

إلى رحمه لله خطيه عمي والله ميستاهل سرعت بلمشي ودموعي لحالهم جرن واني أتذكر آخر صوره اله من خليت ضرار بحضنه ومن نزلت دمعته نار وصارت بصدري رجال لااذاني ولا يوم سمعني كلمه كان لاحولا ولاقوه وتعذب بمرضه وصلت البيت واشوف الهوسه والبيت مكلوب والعيياط بفلس وديشيلون الجنازه ياربي من شوكت مات لعد من اول ماطلعت اباوع بناته ملخات نفسهم وعمتي رأسه عل عصاته وتبجي وعتني بهيه من كالت

يولي عوفي البجي تره الفرخ ابنج نط من البجي بيد الجهال

يمه وليدي وينه صعدت ركض واشوف ضرار بيد جهال عمه يلطلطون بي اخذته غسلت وجهه وسكته ونزلت بي جوه ومنا بدت الفاتحه الأمه نكلبت البيت كام يغص ويبلع وجليله كاعده يم عمتي جنه هيه ام العزه واحنا بدينه نعزل ونفرغ البيت من الغراض ضرار سلمته ال ورده واكدت عليه ماعليه بكلشي غيره وهيه فطنه يعتمد عليه اكثر شي قهرني نوريه جانت شبه فاقده لان حيل متعلقه بي وهيه مداريته وكلشي يخصه مسوليته انصب الجادر وللضهر وياه جيت الولد من الدفنه ومنشوف غير تدخل منى مفرفحه وتصيح

ولكم مووووووتو اااااابويه ولكم شلتو واني مادري ولاشفته

كعدت بنص الحوش والجادر كباله سحله رشدي دفعه ووصله للمطبخ توجهت عليه دالزمه وشفت امي دخلت عفته و زهرا وسعاد لزمن منى واني حضنت امي ااااااخ شكد مشتاقتله بوسته ونزلنه لمستوى منى دنكومه للغرفه وجان تعيط

ووووووووووخر مني لحد يلزمني

زهرا_منى شبيج تخبلتي منا العالم

ولكم انتووووو تعرفوووون العيب تعررررررفون العالم لو تعرفون العيب جان ماحرمتوني من ابويه وووووووووولكم مات وماشايفته الله لايوفقكم ولا يهنيكم
عمتي اجته دقته بعصاته

انتي يمدهوره شلجيتي موتوه وموته لو ما هوه رجليه ملولحه بلكبر احنا شعلينه

انتي اخر من يحجي حسبي الله عليج لو ميته ااااااانتي ولا هوه

لابارك الله بيج يلملسونه فرجتي العربان علينه كومي نكشري وفارجي ماريد اشوفنج

ووووووووواني مميته عليكم ولوما فاتحه ابوي ماشوف شكولكم يااااااااايابه يابووووويه