هبت ريح

بارت 33

#هبة__ريح

رفل الكناني

ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ ،،،،،،،،
#ﺍﻟﺒﺎﺭﺕ_ﺍﻟﺜﺎﻟﺚ_ﻭﺍﻟﺜﻼﺛﻮﻥ ﻣﻦ،،،،،،،،،،،،
ﻫﺒﺔ ﺭﻳﺢ ،،،،،،،،،،،،،،،،،
ﻣﻼﺣﻈﻪ ﻗﺒﻞ ﺍﻟﻘﺮﺍﺀ
ﺣﺒﺎﻳﺒﻲ ﺑﻬﺬﺍ ﺍﻟﺒﺎﺭﺕ ﺧﺘﺼﺮﺕ ﻫﻮﺍﻱ ﺷﻐﻼﺕ ﺍﻭﻟﻪ ﺍﻣﻴﺮ ﻭﻣﺤﻜﻤﺘﻪ ﻣﺎﺩﺭﺗﻜﻢ ﺗﻤﻠﻮﻥ ﻣﻦ ﺍﻟﺘﻔﺎﺻﻴﻞ ﻭﺧﺘﻤﺘﻪ ﺑﺤﻜﻤﻪ ﻭﺍﻟﺸﻐﻠﻪ ﺍﻟﺜﺎﻧﻴﻪ ﻫﺎﺟﺮ ﻭﻓﺮﺍﻙ ﺿﺮﺍﺭ ﺑﻬﺎﻱ ﺍﻟﻔﺘﺮﻩ ﺣﺘﻰ ﻻﺗﻨﻘﻬﺮﻭﻥ ﺃﻛﺜﺮ
ﻣﺘﺎﺑﻌﻪ ﺷﻴﻘﻪ
ﻟَـﻢ ﺗﻐﺐ ﺭﺅﻳﺎﻙ ﻋﻨﻲ ﻓﻰ ﺍﻟﺪُﺟﻰٰ
ﻭ ﺣﺪﻳﺜﻲ ﻛُـﻠَـﻪُ .. ﻋﻨﻚ .. ﻭ ﻟﻚ !
ﻭ ﺃُﻧﺎﺟِﻴﻚ ﻓﻴﺮﺗﺪ ﺍﻟﺼﺪﻯ ﻣﻦ ﺑﻌﻴﺪ
ﺳﺎﺋﻼً ﻋﻨﻲ ﻭ ﻋﻨﻚ
ﻛﻴﻒ ﺃَﺑﻘﻰ ﺑﻌﺪ ﺇِﻳـﻐـﺎﻝ ﺍﻟـﻨَـﻮﻯ
ﻭ ﺣَـﻴـﺎﺗﻲ ﺳـِﺮُﻫـﺎ .. ﻓﻴﻚَ .. ﻭَ ﺑـِﻚ ؟
ﺍﺑﻮﻱ ﻣﺪﺩ ﻭﻣﻴﺘﺤﺮﻙ ﻣﻦ ﺷﻔﺘﻪ ﺭﻛﻀﺖ ﺟﺮﻳﺘﻪ ﻣﻦ ﺣﻀﻦ ﺍﻣﻲ ﺻﺎﺭ ﺑﻴﻦ ﺍﺩﻳﻪ ﺣﻄﻴﺖ ﺍﻳﺪﻱ ﻋﻞ ﻧﺒﺾ ﻣﻮﺟﻮﺩ ﺫﻧﻲ ﻳﺼﺮﺧﻦ ﻓﻮﻙ ﺭﺍﺳﻲ ﻋﻄﺖ ﺑﻴﻬﻦ ﺧﻨﺴﻦ ﺷﻠﺘﻪ ﻭﺟﺪﺗﻲ ﺗﺼﻴﺢ
ﺧﺎﻳﺐ ﻭﻳﻦ ﻣﺎﺧﺬﻩ ﺟﻴﺒﻪ ﺑﺤﻀﻨﻲ ﻭﺧﻠﻪ ﻳﻤﻮﺕ ﺑﻴﻦ ﺍﺩﻳﻪ ﻳﺒﻮﻭﻭﻭﻭ
ﺻﺪﻳﺖ ﻋﻠﻴﻪ ﻭﺍﻧﺎ ﺷﺎﻳﻠﻪ
ﺟﺪﻩ ﻭﻟﻴﺮﺣﻢ ﻭﺍﻟﺪﻳﺞ ﻭﻳﻦ ﻣﻴﺖ ﻳﻤﻌﻮﺩﻩ ﻋﺎﻳﺶ ﻭﻭﻭﺭﺩﻩ ﺟﻴﺒﻲ ﺳﻮﻳﺞ ﺍﻟﺴﻴﺎﺭﻩ
ﺭﻛﻀﺖ ﻭﺭﺩﻩ ﻭﺍﻧﺎ ﻣﺸﻴﺖ ﺑﻲ ﻋﻞ ﺻﻮﺕ ﻟﺘﻤﺖ ﻋﻤﺎﻣﻲ ﻭﻟﺪﻫﻢ ﺧﻠﻴﺘﻪ ﺑﻠﺴﻴﺎﺭﻩ ﻭﻣﻦ ﺍﻟﺨﺒﺼﻪ ﻣﺎﺷﻔﺖ ﻣﻨﻮ ﺻﻌﺪ ﺑﺼﻔﻲ ﺍﻣﻲ ﺫﺑﺤﺖ ﻧﻔﺴﻪ ﺍﺟﻲ ﻭﻳﺎﻙ ﻣﺠﺎﻭﺑﺘﻪ ﺍﻧﺎ ﻋﺼﺒﻲ ﻭﻫﻴﻪ ﺗﺼﻴﺢ ﻣﺎﺭﻳﺪ ﺍﺯﻋﻠﻪ ﺷﻐﻠﺖ ﺍﻟﺴﻴﺎﺭﻩ ﻭﺍﻟﻘﺮﺏ ﻣﺴﺘﺸﻔﻰ ﻟﺰﻣﺖ ﺍﻟﺸﺎﺭﻉ ﺍﻝ ﺟﺮﻳﺖ ﺍﻟﻨﻔﺲ ﻋﻤﻲ ﺭﺷﺪﻱ ﺑﺼﻔﻲ ﻭﺭﺿﺎ ﻟﻴﻮﻭﺭﻩ ﻭﺍﺑﻮﻱ ﺑﺤﻀﻨﻪ ﻭﻛﻞ ﺷﻮﻳﻪ ﻭﺻﺎﺡ ﺳﺘﻌﺠﻞ ﺿﺮﺍﺭ ﺧﻼﻧﻲ ﻣﺎﻧﺪﻝ ﺩﺭﺑﻲ
ﻭﺻﻠﻨﻪ ﺍﻟﻤﺴﺘﺸﻔﻰ ﺟﺎﺑﻮ ﺳﺪﻳﻪ ﺧﻠﻴﻨﺎ ﺑﻴﻪ ﻭﺍﺧﺬﻭ ﺑﻠﺒﺪﺍﻳﻪ ﻟﻠﻄﻮﺍﻯ ﺑﺲ ﺷﺎﻓﻪ ﺍﻟﺪﻛﺘﻮﺭ ﺣﻮﻟﻪ ﻟﻼﻧﻌﺎﺵ ﻋﻤﻲ ﺭﺷﺪﻱ ﻋﻴﻮﻧﻪ ﻣﺪﻣﻌﻪ ﻭﻳﻜﻠﻲ ﺍﺑﻮﻙ ﻣﻮﺍﺕ ﻣﺒﻴﻦ ﺧﻼﻧﻲ ﻻﺍﺧﺬ ﻭﻻ ﺍﻧﻄﻲ ﻛﻤﺖ ﺍﻓﺘﺮ ﻭﺭﻩ ﺍﻟﺪﻛﺎﺗﺮﻩ ﺍﺭﻳﺪ ﻭﺍﺣﺪ ﻣﻨﻬﻢ ﻳﻨﻄﻴﻨﻲ ﻛﻠﻤﻪ ﻭﻳﻜﻠﻲ ﺍﺑﻮﻱ ﺷﺒﻲ ﺷﻌﻮﺭ ﺍﺑﺪ ﻣﺎﺣﺎﺱ ﺑﻲ ﻗﺒﻞ ﺧﻮﻑ ﻋﻠﻰ ﺣﻨﻴﻪ ﻣﺎﺩﺭﻱ ﺍﻟﻠﻪ ﺷﻠﻮﻥ ﺯﺭﻋﻪ ﺑﻜﻠﺒﻲ ﺑﻬﺎﻱ ﺍﻟﺪﻗﺎﻳﻖ ﺭﻏﻢ ﻛﻞ ﺍﻟﺴﻮﺍﻩ ﺑﻴﻪ ﻣﻦ ﺷﻔﺘﻪ ﺑﻬﺬﺍ ﺍﻟﺤﺎﻝ ﻋﺒﺎﻟﻚ ﻧﺴﻴﺖ ﻛﻠﺸﻲ
ﺳﺎﻋﺎﺕ ﻭﺍﺣﻨﺎ ﻛﺎﻋﺪﻳﻦ ﻛﺪﺍﻡ ﺍﻟﻐﺮﻓﻪ ﻭﺑﺎﻭﻋﻠﻪ ﻣﻦ ﻭﺭﻩ ﺍﻟﺠﺎﻡ ﺭﺑﻄﻮ ﺍﺟﻬﺰﻩ ﻋﻠﻰ ﺻﺪﺭﻩ ﻭﺍﻻﻭﻛﺴﺠﻴﻦ ﻋﻠﻰ ﺧﺸﻤﻪ ﺻﺎﺭ ﻣﻴﺒﻴﻦ ﻣﻨﻪ ﺷﻲ ﻋﻤﻲ ﻛﺮﻳﻢ ﻟﺤﻜﻨﻪ ﻭﺃﻣﻴﻦ ﻭﻫﻮﺍﻱ ﻣﻦ ﻛﺮﺍﻳﺒﻨﻪ ﻭﻟﻨﺺ ﺍﻟﻴﻞ ﻭﺭﻩ ﻣﻄﻠﻌﻦ ﻛﻞ ﺍﻟﻔﺤﻮﺻﺎﺕ ﻭﺍﻟﺘﺤﺎﻟﻴﻞ ﻛﺎﻝ ﺍﻟﺪﻛﺘﻮﺭ ﺿﺎﺭﺑﺘﻪ ٣ﺟﻠﻄﺎﺕ ﻭﺣﺪﻩ ﻣﻨﻬﻢ ﺑﺪﻣﺎﻍ ﻫﺎﻱ ﺩﺧﻠﺘﻪ ﻏﻴﺒﻮﺑﻪ ﻭﺑﻌﺪ ﻫﻮﻩ ﻭﻗﻮﻩ ﺟﺴﻤﻪ ﻭﺍﻟﺜﺎﻧﻴﻪ ﺳﺒﺒﺘﻠﻪ ﺿﺮﺑﻪ ﺷﺮﺟﻲ ﻭﺍﻟﺜﺎﻟﺜﻪ ﺷﻠﺖ ﺃﻃﺮﺍﻑ ﺟﺴﻤﻪ ﻳﻌﻨﻲ ﺍﺩﻳﻪ ﻭﺭﺟﻠﻴﻪ
ﺍﻟﺪﻛﺘﻮﺭ ﻳﺤﺠﻲ ﻭﺍﻧﺎ ﻣﺠﺎﻱ ﺍﺻﺪﻙ ﺍﺑﻮﻱ ﻫﺬﺍ ﺣﻮﻳﺘﻢ ﺍﻟﻘﻮﻱ ﺑﺴﺎﻋﻪ ﻫﻴﺞ ﻳﻨﻬﺪ ﻭﻳﺼﻴﺮ ﻫﺬﺍ ﺣﺎﻟﻪ ﻧﻘﻬﺮﺕ ﺣﻴﻞ ﻭﻋﻴﻮﻧﻲ ﺟﻤﺮﻥ ﻣﻬﻤﺎ ﻳﻜﻮﻥ ﻳﻀﻞ ﺍﺑﻮﻱ ﺣﺘﻰ ﻋﻤﺎﻣﻲ ﺣﺴﻮ ﻋﻠﻴﻪ ﻭﺍﺳﻮﻧﻲ ﺭﺍﺩﻭ ﻣﻨﻲ ﺍﺭﺟﻊ ﻛﺎﻟﻮ ﺳﺎﻟﻔﺘﻪ ﻣﻄﻮﻟﻪ ﻭﺍﺣﻨﺎ ﻧﻀﻞ ﻳﻤﻪ ﻛﺘﻠﻬﻢ ﻻ ﺭﻭﺣﻮ ﺍﻟﻴﻮﻡ ﺍﻧﺎ ﺍﺿﻞ ﻋﻮﺩ ﺑﺎﺟﺮ ﺍﻟﻠﻪ ﻛﺮﻳﻢ
ﺍﻟﻠﻴﻞ ﻛﻠﻪ ﻣﺎﻛﺒﻞ ﺍﻟﻐﺮﻓﻪ ﻭﺳﺎﻋﻪ ﺗﺬﻛﺮ ﺍﻟﺠﺎﻥ ﻳﺴﻮﻱ ﺑﻴﻪ ﻭﺳﺎﻋﻪ ﺍﻧﻔﺾ ﺭﺍﺳﻲ ﻭﺍﻛﻮﻝ ﺍﺑﻮﻱ ﻭﻣﻴﺨﺎﻟﻒ ﻛﺴﺮﺕ ﺍﻻﻧﺴﺎﻥ ﺻﻌﺒﻪ ﻛﺒﺎﻝ ﻋﻴﻨﻚ ﺣﺘﻰ ﻟﻮ ﺟﺎﻥ ﻣﺌﺬﻳﻚ ﻣﻦ ﺗﺸﻮﻓﻪ ﺑﻴﻬﻴﺞ ﻣﻮﻗﻔﻚ ﻳﻨﻜﺴﺮ ﻛﻠﺒﻚ ﻫﺎﻱ ﺍﺫﺍ ﻏﺮﻳﺐ ﺷﺤﺎﻝ ﻭﺍﻧﺎ ﺍﺑﻮﻱ
ﻟﻠﺼﺒﺢ ﺍﻟﺪﻛﺘﻮﺭ ﻛﻠﻲ ﻭﺟﻮﺩﻙ ﻣﺎﻟﻪ ﺩﺍﻋﻲ ﻫﻮﻩ ﻫﺴﻰ ﻣﺎﻳﺪﺭﻱ ﺣﺘﻰ ﺑﺮﻭﺣﻪ ﺍﻓﻀﻞ ﺗﺮﻭﺡ ﻛﺘﻠﻪ ﻣﺎﻛﺪﺭ ﺍﻋﻮﻓﻪ ﻭﺣﺪﻩ ﻧﺼﺤﻨﻲ ﺍﺟﻴﺐ ﺍﺣﺪ ﻭﻳﺎﻱ ﺣﺘﻰ ﻧﺘﻨﺎﻭﺏ ﻋﻠﻴﻪ ﻭﻣﺎﻟﻜﻴﺖ ﻏﻴﺮ ﺭﺿﺎ ﺍﺑﻮ ﺍﻟﻮﻛﻔﺎﺕ ﺑﺲ ﺧﺎﺑﺮﺗﻪ ﺭﺑﻊ ﺳﺎﻋﻪ ﻭﺍﺟﻪ ﻛﺘﻠﻪ ﺭﺍﺡ ﺍﺭﻭﺡ ﻟﻠﺒﻴﺖ ﺍﻧﺎﻡ ﻓﺪ ﺳﺎﻋﺘﻴﻦ ﻭﺍﺑﺪﻝ ﻭﺍﺭﺟﻊ ﻛﻠﻲ ﺍﺧﺬ ﺭﺍﺣﺘﻚ ﺭﺟﻌﺖ ﻭﺍﻟﻬﻮﺳﻪ ﺑﻌﺪﻩ ﺑﻴﺖ ﺍﺑﻮﻱ ﺍﺻﻼ ﻣﻦ ﺳﻤﻌﻦ ﺻﻮﺕ ﺳﻴﺎﺭﺗﻲ ﻛﻠﻬﻦ ﻃﻠﻌﻦ ﻭﻫﺎﺍ ﻭﺷﻠﻮﻧﻪ ﻛﺘﻠﻬﻢ
ﻋﻠﻰ ﺣﺎﻟﻪ ﻭﻣﺎﺻﺤﻪ ﻭﺍﻛﻴﺪ ﻋﻤﺎﻣﻲ ﻛﺎﻟﻮﻟﺠﻦ ﺑﺤﺠﻲ ﺍﻟﺪﻛﺘﻮﺭ ﺍﻟﺒﺎﺭﺣﻪ ﺍﻧﺎ ﺍﺭﻳﺪ ﺍﻋﺮﻑ ﺷﺼﺎﺭ ﻭﺷﻠﻮﻥ ﻭﻛﻊ
ﺟﻠﻴﻠﻪ ﺗﺒﺠﻲ ﻭﻛﺎﻟﺖ .. ﻫﻮﻩ ﺍﻟﺒﺎﺭﺣﻪ ﺍﺟﺎ ﻣﻦ ﺍﻟﺘﻌﻠﻮﻟﻪ ﻣﻦ ﺑﻴﺖ ﻋﻤﺎﻣﻚ ﻭﻣﻼﻛﻲ ﺍﻟﺰﻟﻤﻪ ﺍﻟﺒﻌﻨﺎﻟﻪ ﺍﻟﺒﻴﺖ ﻭﻛﺎﻳﻠﻪ ﺧﻠﺼﺖ ﺍﻟﻤﺪﻩ ﺍﻟﻨﻄﻴﺘﻜﻤﻴﺎﻩ ﻳﻤﺘﻰ ﺗﻔﺮﻏﻮﻥ ﺍﻟﺒﻴﺖ ﻭﺍﺟﺎﻩ ﻳﺸﻴﻞ ﺑﺮﻭﺣﻪ ﻭﻳﻠﻄﺦ
ﻫﺰﻳﺖ ﺭﺍﺳﻲ ﻋﺮﻓﺖ ﺻﺎﻳﺮﻟﻪ ﺷﻲ ﻭﻣﻮﻟﺤﺎﻟﻪ ﺟﻠﻴﻠﻪ ﺿﻠﺖ ﺗﺴﻮﻱ ﺷﻠﻮﻥ ﻭﻳﻦ ﻧﺮﻭﺡ ﻭﺍﺑﻮﻙ ﺷﻨﻮ ﺣﺎﻟﻪ ﻛﺘﻠﻪ ﻫﺴﻪ ﺍﻧﺎﻡ ﻭﺍﻛﻌﺪ ﻭﺍﻟﻠﻪ ﻛﺮﻳﻢ ﺻﺪﻙ ﺍﻧﺎ ﺟﻨﺖ ﺗﻌﺒﺎﻥ ﺍﺣﺲ ﺑﺮﻭﺣﻲ ﺣﺘﻰ ﻛﻤﺖ ﻣﺎﺷﻮﻑ ﻭﺟﺪﺗﻲ ﻣﺎﺗﻤﻞ ﻭﻻﺗﺘﻌﺐ ﻛﺎﻋﺪﻩ ﻭﺗﻨﻮﺡ ﻟﻴﻜﻮﻝ ﻣﻴﺖ ﻭﺍﻣﻲ ﻭﺧﻮﺍﺗﻲ ﻣﺮﺍﺑﻄﺎﺕ ﻫﻨﺎ ﻭﻟﻮ ﻫﻴﻪ ﻛﻠﻪ ﻫﻨﺎﻙ ﻣﻦ ﺍﻟﻬﻮﺳﻪ ﻋﻔﺘﻬﻢ ﻭﺭﺟﻌﺖ ﻟﺒﻴﺘﻨﻪ ﻓﺘﺤﺖ ﺍﻟﺒﺎﺏ ﻭﺭﺩﻳﺘﻪ ﻭﺭﺍﻱ ﺭﺣﺖ ﺍﻟﻐﺮﻓﺘﻲ ﺫﺑﻴﺖ ﻣﻼﺑﺴﻲ ﻧﻔﺘﺤﺖ ﺍﻟﺒﺎﺏ ﻟﺘﻔﺘﺖ ﺷﻴﻤﺎﺀ ﺷﻠﺖ ﺍﻟﺨﺎﻭﻟﻲ ﻭﻋﺒﺮﺕ ﻣﻦ ﻳﻤﻪ ﻭﺍﻧﻲ ﺍﻛﻠﻪ
ﻫﺎﺍﺍ ﺧﻴﺮﺝ ﺷﻌﻨﺪﺝ ﻫﻨﺎ
ﺑﻜﻞ ﻋﻴﻦ ﺻﻠﻔﻪ ﺗﺒﺎﻭﻉ ﻋﻠﻴﻪ ﻣﻦ ﻓﻮﻙ ﻟﻴﺠﻮﻩ ﻭﺍﻧﺎ ﺑﻄﺮﻙ ﺍﻟﺸﻮﺭﺕ ﻭﺍﻟﻔﺎﻧﻴﻠﻪ ﻭﺩﻛﻠﻲ
ﻣﺎﻋﻨﺪﻱ ﺷﻲ ﺑﺲ ﻋﻤﺘﻲ ﺭﺟﺎ ﺩﺯﺗﻨﻲ ﻛﺎﻟﺖ ﺍﺳﺌﻠﻲ ﻣﺘﺮﻳﻚ ﻟﻮ ﻧﺴﻮﻳﻠﻪ
ﺑﺪﻭﻥ ﻣﺎﺑﻮﻋﻠﻪ ﻭﺍﻧﺎ ﻓﺎﻳﺖ ﻟﻠﺤﻤﺎﻡ ﻭﻃﺎﺑﻚ ﺍﻟﺒﺎﺏ ﻛﺘﻠﻪ
ﻣﺎﺭﻳﺪ ﺷﻲ ﺭﻭﺣﻲ ﺍﻧﺎ ﺭﺍﺡ ﺍﺳﺒﺢ ﻭﻧﺎﻡ
ﻓﺘﺤﺖ ﺍﻟﻤﻲ ﻭﺑﺪﻳﺖ ﺍﺳﺒﺢ ﺑﻌﺪ ﻣﺎﺳﻤﻌﺖ ﺭﺩﻩ ﻭﺍﻛﻒ ﺟﻮﻩ ﺍﻟﺪﻭﺵ ﻭﻣﻐﻤﺾ ﻋﻴﻨﻲ ﻭﻃﻴﻒ ﻫﺎﺟﺮ ﻣﺜﻞ ﻛﻞ ﻟﺤﻀﻪ ﻳﻤﺮ ﻛﺒﺎﻟﻲ ﺍﻭﻭﻭﻳﻠﻲ ﺷﻜﺪ ﻣﺸﺘﺎﻛﻠﻪ ﻣﻦ ﻣﺮ ﻃﺎﺭﻳﻪ ﻋﻞ ﺑﺎﻟﻲ ﺭﺗﺠﻴﺖ ﻋﻞ ﺣﺎﻳﻂ ﻭﻏﻤﻀﺖ ﻋﻴﻨﻲ ﺣﻴﻞ ﺭﺩﺗﻪ ﻭﺍﻟﻠﻪ ﺭﺩﺗﻪ ﺑﻜﻞ ﺍﻟﻄﺮﻕ ﻭﺭﻭﺣﻲ ﻻﺑﺖ ﻋﻠﻴﻪ ﺣﺮﺕ ﺷﺴﻮﻱ ﻣﻦ ﺍﻟﻘﻬﺮ ﻓﺘﺤﺖ ﺍﻟﻤﻲ ﺍﻟﺒﺎﺭﺩ ﻭﺍﻟﺪﻧﻴﻪ ﺛﻠﺞ ﺑﻠﻜﺖ ﺍﺻﺤﻰ ﻭﺍﻗﻨﻊ ﻧﻔﺴﻲ ﻫﺎﺟﺮ ﺧﻠﺺ ﺑﻌﺪ ﻣﺎﻛﻮ ﻫﺎﺟﺮ ﻧﺴﺘﻨﻲ ﻫﺎﺟﺮ ﻋﺎﻓﺘﻨﻲ ﻛﻤﺖ ﺍﺳﺒﺢ ﻋﻞ ﺳﺮﻳﻊ ﻭﺟﺴﻤﻲ ﺟﻤﺪ ﺿﺮﺑﺖ ﺍﻟﺤﺎﻳﻂ ﻭﻛﺮﻫﺖ ﻧﻔﺴﻲ ﻋﻞ ﺿﻌﻒ ﺍﻻﻧﻲ ﺑﻲ ﻳﻌﻨﻲ ﻫﻴﻪ ﺑﻨﻴﻪ ﻛﺪﺭﺕ ﺗﻌﻴﺶ ﺑﺪﻭﻧﻲ ﻭﻣﺎﺧﺎﻧﺖ ﻧﻔﺴﻪ ﻭﺑﺠﺬﺏ ﺩﻛﺖ ﻋﻠﻴﻪ ﻭﺍﻧﺎ ﺯﻟﻤﻪ ﻣﻮﻛﺎﺩﺭ ﺍﻧﺴﺎﻩ
ﺳﺪﻳﺖ ﺍﻟﻤﻲ ﻭﻟﺒﺴﺖ ﺑﺲ ﺍﻟﺸﻮﺭﺕ ﻭﻃﻠﻌﺖ ﺑﺲ ﺭﻭﺣﻲ ﻃﺎﻛﻪ ﻓﺘﺖ ﻏﺮﻓﺘﻲ ﺍﻟﻀﻮﻩ ﻣﻄﻔﻲ ﻭﺍﻟﺒﺮﺩﺍﺕ ﻣﻨﺰﻟﻪ ﻣﻨﻮ ﺳﻮﻩ ﻫﻴﺞ ﻣﺎﺩﺭﻱ ﺍﺟﻮﺍ ﻣﻬﻴﺎﺀ ﻣﺎﻝ ﻧﻮﻡ ﺷﻤﺮﺕ ﻧﻔﺴﻲ ﻋﻞ ﻓﺮﺍﺵ ﻣﻦ ﻏﻴﺮ ﺣﺘﻰ ﻣﺎﺗﻐﻄﻪ ﺟﺒﺖ ﺍﻟﻤﺨﺪﻩ ﺣﻄﻴﺘﻪ ﻋﻞ ﺭﺍﺳﻲ ﺣﺘﻰ ﺍﺗﺨﻴﻞ ﻫﺎﺟﺮ ﻭﻧﺎﻡ ﻳﻮﻣﻴﻪ ﻫﻴﺞ ﺍﺳﻮﻱ ﺍﻝ ﺍﻧﺎﻡ ﻭﺗﻮﻧﻲ ﺑﻴﻦ ﺍﻟﻐﺎﻓﻲ ﻭﺑﻴﻦ ﺍﻟﻜﺎﻋﺪ ﺍﺩﻳﻦ ﻧﺎﻋﻤﻪ ﺩﻟﻜﺖ ﺟﺘﻔﻲ ﻣﺎﺗﺤﺮﻛﺖ ﻭﺟﺴﻤﻲ ﺑﺪﺃ ﻳﺮﺧﻪ ﻭﻣﺎﻛﺪﺍﻡ ﻋﻴﻮﻧﻲ ﻏﻴﺮ ﻫﺎﺟﺮ ﺷﻮﻳﻪ ﺷﻮﻳﻪ ﺗﺠﻮﻟﺖ ﺍﻻﻳﺪ ﻋﻠﻰ ﻛﻞ ﺿﻬﺮﻱ ﻳﺎﺭﺑﻲ ﺷﻨﻮ ﺟﺎﻱ ﺍﺣﻠﻢ ﻻﻻ ﻣﻮ ﺣﻠﻢ ﻻﻥ ﺟﺴﻤﻲ ﺩﻳﺘﺎﺛﺮ ﻭﻛﻠﺸﻲ ﺑﻴﻪ ﺗﻔﺎﻋﻞ
ﺑﺲ ﻣﻴﺨﺎﻟﻒ ﺣﺘﻰ ﻟﻮ ﺣﻠﻢ ﻣﺎﺭﻳﺪ ﺍﻛﻌﺪ ﺍﻧﺎ ﺗﻌﺒﺎﻥ ﻭﺍﺭﻳﺪ ﺍﺭﺗﺎﺡ ﻧﻜﻠﺒﺖ ﻋﻠﻰ ﺿﻬﺮﻱ ﻭﺑﻌﺪﻧﻲ ﻣﻐﻤﺾ ﻭﻧﻔﺲ ﺍﻟﺤﺮﻛﺎﺕ ﺗﺠﻮﻟﺖ ﻋﻠﻰ ﺻﺪﺭﻱ ﻫﺠﺖ ﻓﺪﻣﺮﻩ ﺿﻠﻴﺖ ﺍﺗﺤﺮﻙ ﺑﻤﻜﺎﻧﻲ ﻋﺒﺎﻟﻲ ﺟﺎﻱ ﺍﺳﺘﺤﻠﻢ ﻭﻓﺠﺎﻩ ﺷﻔﺎﻳﻒ ﺻﺎﺭ ﻳﻢ ﺷﺎﻓﺎﻳﻔﻲ ﺑﻌﺪ ﻣﺎﺗﺤﻤﻠﺖ ﺟﺮﻳﺘﻪ ﺑﺤﻠﻜﻲ ﻭﺣﺴﻴﺖ ﺛﻜﻞ ﺻﺎﺭ ﻋﻠﻰ ﺟﺴﻤﻲ ﺗﺨﺒﻠﺖ ﺟﺴﻢ ﻭﺻﺎﺭ ﺑﻴﻦ ﺍﺩﻳﻪ ﻛﻠﺒﺘﻪ ﻭﺻﺮﺕ ﻓﻮﻛﺎﻩ ﻭﺑﺪﻳﺖ ﺍﺑﻮﺱ ﺑﻴﻪ ﻭﻣﺎﻭﺍﻋﻲ ﻋﻠﻰ ﻧﻔﺴﻲ ﺑﺲ ﺍﻻﻣﺘﺎﻛﺪ ﻣﻨﻪ ﻫﺎﻱ ﻫﺎﺟﺮ ﻭﺑﻴﻦ ﺍﺩﻳﻪ ﻻ ﻭﺍﻧﻮﺏ ﺩﺗﺒﺎﺩﻟﻨﻲ ﻓﻘﺪﺕ ﻭﺍﻧﺎ ﺍﺑﻮﺱ ﻭﺍﺗﺤﺴﺲ ﺑﻮﺟﻬﻪ ﻭﺍﻣﺸﻲ ﻟﺤﻴﺘﻲ ﻋﻠﻰ ﻭﺟﻬﻪ ﻭﻋﻠﻰ ﺭﻛﺒﺘﻪ ﻭﺍﻧﺰﻝ ﻋﻞ ﺻﺪﺭﻩ ﺗﺤﺮﻛﺖ ﻣﻦ ﺟﻮﺍﻳﻪ ﺑﺤﺮﻛﻪ ﻣﺎﻝ ﺍﻏﺮﺍﺀ ﻧﺮﻓﻊ ﺻﺪﺭﻩ ﺗﺨﺒﻠﺖ ﻛﻤﺖ ﺍﺗﻠﻤﺲ ﺑﻲ ﻣﺎﻻﺑﺴﻪ ﺣﺘﻰ ﻫﺎﻱ ﺍﻟﻴﻠﺒﺴﻮﻩ ﻭﻛﻠﺸﻲ ﺩﻳﺠﻲ ﺑﻴﺪﻱ ﻣﺜﻞ ﻣﺎﺭﻳﺪ
ﺑﻌﺪ ﻣﺎﺗﺤﻤﻠﺖ ﺩﻣﺮﺕ ﻧﻔﺴﻲ ﻭﻫﺎﻱ ﺍﺻﺒﻊ ﻟﺤﻀﻪ ﺍﻟﻮﺍﺣﺪ ﻳﻜﻮﻥ ﺑﻴﻬﻪ ﺑﻐﻴﺮ ﻋﺎﻟﻢ ﻫﻤﺴﺖ
ﻫﺎﺟﺮ ﺷﺴﻮﻳﺘﻲ ﺑﻴﻪ ﺧﺎﻳﺒﻪ ﺳﻮﺩﻧﺘﻴﻨﻲ
ﺣﺠﻴﺘﻪ ﻭﺍﻧﺎ ﺍﺗﺼﺎﺭﻉ ﻭﻳﺎﻩ ﻏﺮﻳﺰﺗﻲ ﻭﺟﺎﻥ ﺍﻧﺪﻓﻊ ﻣﻦ ﺻﺪﺭﻱ ﻭﺻﻮﺕ ﻣﺰﻋﺠﺰ ﻳﻜﻠﻲ
ﺿﺮﺍﺭ ﻫﺎﺟﺮ ﻣﻨﻮ ﺍﻧﺎ ﺷﻴﻤﺎﺀ
ﺍﻧﺎ ﺳﻤﻌﺖ ﻫﻴﺞ ﻟﻮ ﻛﻠﺸﻲ ﻃﺎﺭ ﻣﻦ ﺭﺍﺳﻲ ﻧﻬﻀﺖ ﻣﻔﺰﻭﻉ ﻭﻫﻴﻪ ﻛﺎﻣﺖ ﺗﻌﺪﻝ ﺑﻨﻔﺴﻪ ﻭﺗﺠﺮﺟﺮ ﺑﺜﻮﺑﻪ ﺻﺮﺧﺖ
ﺍﺍﺍﺍﺍﺍﻧﺘﻲ ﺷﺠﺎﺑﺞ ﻫﻨﺎ
ﻭﻛﻔﺖ ﻋﻞ ﺣﻴﻠﻪ ﻭﺗﺘﻠﻔﺖ ﻭﺩﻛﻠﻲ
ﺿﺮﺍﺭ ﺻﻮﺗﻚ ﻷﺣﺪ ﻳﺴﻤﻊ ﺍﺳﻜﺖ ﺍﻟﻠﻪ ﻋﻠﻴﻚ ﺭﺍﺡ ﻧﻨﻔﻀﺢ
ﺷﺎﻟﺞ ﺍﻟﻠﻪ ﻭﻻ ﻟﻜﺎﻙ ﻟﻴﺶ ﻟﻴﻬﺴﻪ ﻣﺎﻧﻔﻀﺤﻨﻪ ﻭﻟﺞ ﺷﻴﺼﻴﺮ ﺃﻛﺜﺮ ﻣﻦ ﻫﺬﺍ
ﻃﻔﺮﺕ ﻣﻦ ﺍﻟﺠﺮﺑﺎﻳﻪ ﺷﻐﻠﺖ ﺍﻟﻀﻮﻩ ﺧﺠﻠﺖ ﻣﻦ ﻧﻔﺴﻲ ﺣﺘﻰ ﺷﻮﺭﺗﻲ ﻣﺪﻣﺮ ﺳﺤﺒﺖ ﺍﻟﻐﻄﻪ ﻋﻞ ﺟﺴﻤﻲ ﻭﻛﻤﺖ ﺍﺻﻴﺢ
ﺍﺍﺍﺍﺍﻃﻠﻌﻲ ﺑﺮﻩ ﺑﻨﺖ ﺍﻟﻨﻌﺎﻝ ﺍﺍﺍﺍﻃﻠﻌﻲ ﺍﻟﻴﻮﻡ ﺍﺟﺮﻡ ﺑﻴﺞ
ﻃﻠﻌﺖ ﻭﺍﻧﻲ ﺳﺤﺒﺖ ﺍﻟﺒﺠﺎﻣﻪ ﻭﺍﻟﺘﺸﺮﻳﺖ ﻭﻃﻠﻌﺖ ﻭﺭﺍﻩ ﻟﻜﻴﺘﻪ ﺑﻠﻤﻄﺒﺦ ﺗﺒﺠﻲ ﻫﻤﻴﺖ ﻋﻠﻴﻪ ﻟﺰﻣﺘﻪ ﻣﻦ ﺍﺩﻳﻪ ﻭﺍﻋﺘﺖ ﺑﻴﻬﻪ
ﺷﺠﺎﺑﺞ ﻳﻤﻲ ﻫﺎﺍﺍ ﻣﻮﻛﺘﻴﻠﻲ ﺗﺮﻳﺪ ﺯﻗﻮﻡ ﻭﻛﺘﻠﺞ ﻻ ﻭﺭﺣﺘﻲ
ﻻﻣﺎﺭﺣﺖ ﻋﺒﺎﻟﻲ ﺗﺮﻳﺪ ﺷﻲ ﻣﻦ ﺗﻄﻠﻊ ﻣﻦ ﺍﻟﺤﻤﺎﻡ ﺑﻘﻴﺖ ﺍﻧﺘﻀﺮﻙ
ﻟﺞ ﺍﻧﺘﻲ ﺷﻜﺪ ﻭﺣﻜﻪ ﻭﺷﻜﺪ ﺻﻠﻔﻪ ﺷﻠﻮﻥ ﻫﻴﺞ ﺗﺴﻮﻳﻦ ﺑﻴﻪ
ﺍﺣﺒﻚ ﺿﺮﺍﺭ ﻭ ﺍﻟﻠﻪ ﺍﺣﺒﻚ ﻭﻟﻮ ﺗﻤﻮﺗﻨﻲ ﻫﻢ ﺍﺑﻘﻰ ﺍﻛﻮﻟﻪ
ﻛﻼﻣﻪ ﻳﺤﺮﻙ ﺍﻷﻋﺼﺎﺏ ﺟﺒﺘﻪ ﺑﺮﺍﺷﺪﻱ ﻭﺩﻓﻌﺘﻪ ﻭﻛﻌﺖ ﺑﻠﻜﺎﻉ ﻭﺭﺟﻌﺖ ﻛﺎﻣﺖ ﺷﺒﺖ ﻋﻠﻴﻪ ﻭﻟﺰﻣﺘﻨﻲ ﻣﻦ ﻓﺎﻟﻴﻨﺘﻲ ﻭﺗﻜﻠﻲ
ﻟﻮ ﻣﺘﻀﺮﺑﻨﻲ ﻟﻮ ﺗﻤﻮﺗﻨﻲ ﻫﻢ ﺍﺣﺒﻚ ﻭﺍﻧﺖ ﺑﻤﺮﻭﺭ ﺍﻟﻮﻛﺖ ﻫﻢ ﺭﺍﺡ ﺩﻛﻮﻡ ﺗﺤﺒﻨﻲ ﺷﻔﺖ ﻧﻔﺴﻚ ﺷﻠﻮﻥ ﻓﻘﺪﺕ ﻭﺍﻧﺎ ﺟﻮﻙ ﺷﻮﻑ ﺷﻮﻑ ﻧﻔﺴﻚ ﺷﺴﻮﻳﺖ ﺑﻴﻪ
ﺗﺤﺠﻲ ﻭﺗﻔﺘﺢ ﺑﺪﺷﺪﺍﺷﺘﻪ ﺧﻠﺘﻨﻲ ﺍﺿﺮﺏ ﻛﺼﺘﻲ ﺻﺪﺭﻩ ﻛﻠﻪ ﻣﻄﻜﻊ ﺍﻧﺎ ﺷﻜﺪ ﺣﻴﻮﺍﻥ ﻭﻫﺎﺟﺮ ﻣﺘﺮﺑﻌﻪ ﻭﻛﺎﻋﺪﻩ ﺑﺮﺍﺳﻲ ﻭﻫﻴﺞ ﻣﺴﻮﻱ ﺑﻬﺎﻱ ﺍﻟﺤﻘﻴﺮﻩ ﺭﺩﺕ ﻛﺎﻟﺖ
ﻫﺎﺍﺍ ﺷﻮ ﺳﻜﺘﺖ ﺿﺮﺍﺭ ﻣﻴﺨﺎﻟﻒ ﺍﻧﺎ ﻗﺎﺑﻠﻪ ﺗﺴﻮﻱ ﻫﻴﺞ ﻭﻟﻮﻣﺴﻮﻱ ﺑﻌﺪ ﺃﻛﺜﺮ ﻫﻢ ﻣﺎﺍﺣﺠﻲ ﺍﻫﻢ ﺷﻲ ﺗﻘﺒﻠﺘﻨﻲ
ﻛﻤﺰﺕ ﻋﻠﻴﻪ ﻟﺰﻣﺘﻪ ﻣﻦ ﺷﻌﺮﻩ ﻭﺍﻋﺘﺖ ﺑﻴﻬﻪ
ﺑﻨﺖ ﺍﻟﻨﻌﺎﻝ ﺑﻨﺖ ﺍﻟﻘﻨﺪﺭﻩ ﺗﻘﺒﻠﺘﺞ ﺷﻨﻮ ﺭﺟﺎﻝ ﻧﺎﻳﻢ ﺗﻔﻮﺗﻴﻦ ﻟﻠﻐﺮﻓﻪ ﻭﺗﻀﻠﻤﻴﻪ ﻭﺗﺸﻤﺮﻳﻦ ﻧﻔﺴﺞ ﻓﻮﻛﺎﻳﻪ ﺍﺩﺭﻱ ﺍﻧﺎ ﻧﺒﻲ ﻭﺍﻛﻌﺪ ﻭﺍﺳﻜﺖ ﺍﻧﺎ ﺍﻟﻠﻪ ﻣﻄﻴﺢ ﺣﻀﻲ ﻭﺭﺟﺎﻝ ﻭﻣﺎﺳﻴﻄﺮﺕ ﺍﻧﺘﻲ ﺷﺒﻴﺞ
ﻭﺍﻧﺎ ﺍﺣﺒﻚ ﻭﺍﻣﻮﺕ ﺑﻠﻤﺴﺎﺗﻚ
ﻟﺞ ﺣﺘﻰ ﺍﻟﻜﺢ ......... ﻣﺘﺴﻮﻱ ﻫﺎﻱ ﺳﻮﺍﻳﺎﺗﺞ
ﻣﻤﻤﻤﻢ ﻳﻌﻨﻲ ﻫﺎﺟﺮ ﻟﺠﺒﺖ ﺍﺳﻤﻪ ﻭﺍﻧﺖ ﺗﺮﻳﺢ ﻧﻔﺴﻚ ﻣﺘﺴﻮﻳﻠﻚ ﻫﻴﺞ
ﻟﺰﻣﺘﻪ ﻣﻦ ﻓﻜﻪ ﺣﻴﻞ ﻋﺼﺮﺗﻪ ﺑﻴﺪﻱ ﻭﻟﺰﻛﺘﻪ ﺑﻠﺤﺎﻳﻂ ﻭﺍﻟﻄﺦ ﺑﺮﺍﺳﻪ
ﻫﺎﺟﺮ ﺷﻨﻮﻭﻭ ﻟﺞ ﻫﺎﺟﺮ ﺗﺸﺮﻓﺞ ﺑﻌﺪﻳﻦ ﺗﺮﻳﺢ ﻧﻔﺴﻚ ﺷﻨﻮ ﻟﺞ ﺑﻜﺪ ﻗﻨﺪﺭﺗﻲ ﺍﻧﺘﻲ ﺷﻤﻌﺮﻓﺞ ﺑﻬﺎﻱ ﺍﻟﺴﻮﺍﻟﻒ
ﻭﻭﻭﻭﻭﺧﺮ ﻣﻨﻲ ﻓﻮﻙ ﻣﺎ ﻣﻌﺘﺪﻱ ﻋﻠﻴﻪ ﺍﻧﻮﺏ ﻫﻮﻩ ﺍﺑﻮ ﺍﻟﺮﺍﻫﻲ ﻭﺧﺮ ﻭ ﺍﻟﻠﻪ ﻫﺴﻪ ﺍﺻﻴﺢ ﻭﻃﻠﻊ ﺻﺪﺭﻱ ﻭﺍﻛﻠﻬﻢ ﺍﻋﺘﺪﻩ ﻋﻠﻴﻪ ﻭﻫﻤﻪ ﺧﻮﺵ ﻣﻠﺘﻤﻴﻦ ﻟﻤﻪ ﺑﻴﺖ ﺍﺑﻮﻙ ﻭﺳﺎﻋﺘﻪ ﺍﺷﻮﻓﻚ ﺷﻜﺪﺭ ﺍﺳﻮﻱ
ﻫﻨﺎ ﻃﻠﻌﺖ ﻣﻦ ﻃﻮﺭﻱ ﻋﻞ ﻭﻛﺎﺣﻪ ﺍﻟﺸﻔﺘﻪ ﻣﻨﻬﺎ ﻟﺰﻣﺘﻪ ﻭﺩﻙ ﺭﺍﺷﺪﻳﺎﺕ ﺍﺿﺮﺏ ﻭﺍﻗﺴﻢ ﻛﻞ ﻳﻤﻦ ﻳﻜﺴﺮ ﺍﻟﻀﻬﺮ ﺍﺫﺍ ﺍﺟﺘﻲ ﻟﻬﻨﺎ ﺑﻌﺪ ﻟﻮ ﻭﺻﻠﺖ ﺍﺫﺑﺤﻪ ﻭﺍﺫﺍ ﺳﻤﻌﺖ ﻃﺎﺭﻱ ﺍﻟﺼﺎﺭ ﻋﻠﻰ ﻟﺴﺎﻥ ﺃﺣﺪ ﺳﺎﻋﺘﻪ ﻳﻜﻮﻟﻮﻥ ﺍﻛﻮ ﺷﻴﻤﺎﺀ ﺧﺎﻓﺖ ﻻﻥ ﺷﺎﻓﺘﻨﻲ ﺣﻴﻞ ﻣﻌﺼﺐ ﻭﻛﻮﻩ ﻫﺪﺕ ﻧﻔﺴﻪ ﻣﻨﻲ ﻭﻃﻠﻌﺖ
ﻛﻌﺪﺕ ﻋﻞ ﺩﺭﺝ ﻭﺍﻳﺪﻱ ﻋﻠﻰ ﺭﺍﺳﻲ ﺍﺭﻳﺪ ﺍﺳﺘﻮﻋﺐ ﺍﻟﺴﻮﻳﺘﻪ ﺷﻨﻮ ﻭﺷﻠﻮﻥ ﻫﻴﺞ ﻧﻌﻤﻴﺖ ﻭﻏﺮﺗﻨﻲ ﻭﺑﻘﻴﺖ ﻣﻐﻤﺾ ﻣﺎﻋﺮﻑ ﺷﺒﻴﻪ ﺣﻴﻠﻲ ﻛﻠﻪ ﻳﺮﺟﻒ ﻭﺟﺴﻤﻲ ﻧﺤﻼﻥ ﻣﻦ ﺍﻟﺼﺎﺭﻟﻲ ﻭﺳﻮﺍﻳﺖ ﻫﺎﻱ ﺍﻟﺤﻘﻴﺮﻩ ﺩﻙ ﺑﺮﺍﺳﻲ ﻛﻤﺖ ﻟﻠﻐﺮﻓﻪ ﺍﺑﺎﻭﻉ ﻋﻞ ﻓﺮﺍﺷﻲ ﺷﻠﻮﻥ ﻣﺨﺮﺑﻂ ﻭﺷﻠﻮﻥ ﺟﻨﺖ ﻋﺎﻓﺲ ﺍﻟﺪﻧﻴﻪ ﺗﻠﻤﺴﺘﻪ ﺧﺎﻑ ﻣﺪﻣﺮ ﻟﻜﻴﺘﻪ ﻣﺎﺑﻲ ﺷﻲ ﻣﺪﺩﺕ ﻭﺍﻳﺪﻱ ﻋﻞ ﻋﻴﻮﻧﻲ ﻭ ﺣﺎﻳﺮ ﺑﻬﺎﻱ ﺍﻟﺮﻋﻨﻪ ﻭﺻﻼﻓﺘﻪ ﻭﻟﺘﺮﻭﺡ ﺗﺴﻮﻳﻪ ﺻﺪﻙ ﻭﺗﺸﻮﻓﻬﻢ ﺻﺪﺭﻩ
ﺳﺘﻐﻔﺮﺍﻟﻠﻪ ﻫﺴﻪ ﺍﻧﺎ ﺷﻜﺪ ﺑﻬﻴﻢ ﺷﺒﺴﻊ ﺳﻮﻳﺖ ﻫﻴﺞ ﻭﺳﺎﻋﻪ ﺍﻛﻮﻝ ﺍﻧﺎ ﺷﺒﻴﺪﻱ ﺍﻟﻐﺮﻓﻪ ﺿﻠﻤﻪ ﻭﻣﺮﻩ ﻭﺟﻮﺍﻳﻪ ﺍﺭﺑﻂ ﺭﻭﺣﻲ ﻗﺎﺑﻞ ﺍﺍﺍﺍﺍﺍﺥ ﺍﻟﻠﻪ ﻛﻠﻪ ﻣﻦ ﻭﺭﺍﻩ ﻫﺎﺟﺮ ﻫﺴﻪ ﻏﻴﺮ ﺗﻄﻠﻊ ﻣﻦ ﺭﺍﺳﻲ ﻫﺴﻪ ﺍﺟﺘﻨﻲ ﺗﺬﺑﻨﻲ ﺑﻠﻮﻩ ﻟﻮﻣﺎ ﺍﻟﻠﻪ ﺳﺘﺮ
ﺍﺭﻳﺪ ﺍﻧﺎﻡ ﻣﺎﻛﺪﺭ ﻭﻓﻜﺮﻱ ﻛﻠﻪ ﻳﻢ ﻫﺎﻱ ﺍﻟﺮﻋﻨﻪ ﻳﺠﻮﺯ ﻫﻴﻪ ﺳﻮﺕ ﻫﻴﺞ ﺣﺘﻰ ﺗﺒﻠﻴﻨﻲ ﺍﻛﻮﻡ ﺍﺭﻭﺡ ﺍﺷﻮﻑ ﺧﺎﻑ ﻓﻜﺖ ﺣﻠﻜﻪ ﺑﻜﻠﻤﻪ ﻭﻻﺻﺖ ﺍﻷﻭﻝ ﻭﺍﻟﺘﺎﻟﻲ
ﻃﻠﻌﺖ ﻟﺒﻴﺖ ﺍﺑﻮﻱ ﻻﻛﺘﻨﻲ ﺍﻣﻲ
ﻫﺎﺍ ﻳﻤﻪ ﺷﻮ ﻣﺎﻧﻤﺖ
ﻳﻤﻪ ﻣﺎ ﺟﺎﻧﻲ ﻧﻮﻡ ﺍﺩﺭﻱ ﺷﻌﺪﻧﺠﻦ ﻫﻨﺎ ﺍﻣﺸﻦ ﻟﻠﺒﻴﺖ ﻟﻴﺶ ﻋﺎﻳﻔﺎﺗﻪ ﻓﺎﺭﻍ
ﻳﺎﺍﺍ ﻭﺷﻜﻮ ﻋﻠﻴﻪ ﻫﺬﺍ ﻫﻮﻩ ﻛﺒﺎﻟﻨﻪ ﺑﻌﺪﻳﻦ ﺷﻠﻮﻥ ﺗﺮﻳﺪ ﻧﻌﻮﻑ ﺍﻟﻌﺎﻟﻢ ﻭﻛﻠﻤﻦ ﻳﺼﺪ ﺑﺼﻔﺤﻪ ﻭﻫﺎﻱ ﺍﻟﻨﺎﺱ ﻛﻞ ﺷﻮﻳﻪ ﺭﺍﻳﺤﻪ ﺟﺎﻳﻪ ﺗﺴﺌﻞ ﻋﻠﻰ ﺍﺑﻮﻙ
ﺍﻱ ﺧﻮﻣﺎ ﻛﻠﺠﻦ ﻫﻨﺎ
ﻫﺴﻪ ﺍﻧﺖ ﺷﺮﺍﻳﺪ ﻣﻨﺎ ﺩﺭﻭﺡ ﻧﺎﻡ ﺩﺭﻭﺡ
ﻋﻔﺘﻪ ﻭﻓﺖ ﻟﻠﺒﻴﺖ ﻭﺍﻣﻲ ﺣﻜﻪ ﺑﻜﻞ ﺍﻟﻜﺎﻟﺘﻪ ﺍﻟﻨﺎﺱ ﻃﺎﺑﻪ ﻃﺎﻟﻌﻪ ﺑﺲ ﺍﻧﺎ ﻣﺎﻋﻨﺪﻱ ﺣﺠﻪ ﻏﻴﺮ ﻫﺎﻱ ﺍﺣﺎﺟﻴﻪ ﺑﻴﻬﻪ ﻭﻫﻴﻪ ﺗﺪﺭﻱ ﺑﻴﻪ ﺭﺣﺖ ﺍﻧﺎﻡ ﺟﺎﻱ ﺍﻃﻠﻊ ﻭﺷﻴﻤﺎﺀ ﺻﺎﺭﺕ ﻛﺒﺎﻟﻲ ﻭﺍﻛﻔﻪ ﻳﻢ ﻭﺭﺩﻩ ﺗﺤﺠﻲ ﻭﻳﺎﻩ ﺧﺰﺭﺗﻪ ﺩﻧﻜﺖ ﺭﺟﻌﺖ ﻟﻠﺒﻴﺖ ﻭﻛﻠﺖ ﻃﺒﻪ ﻣﺮﺽ ﺗﺮﻳﺪ ﺗﺤﺠﻲ ﺍﺣﻄﻪ ﻭﺍﻧﻌﻞ ﺣﻀﻪ ﺿﻠﺖ ﺳﺎﻛﺘﻪ ﺑﻌﺪ ﺍﺣﺴﻦ
ﺭﺣﺖ ﺳﺒﺤﺖ ﺑﺲ ﻣﺘﻘﺰﺯ ﻛﻞ ﻣﺎ ﺗﺬﻛﺮ ﺷﻴﻤﺎ ﺟﺎﻧﺖ ﺟﻮﺍﺏ ﺍﺭﻳﺪ ﺍﺗﻘﻴﻰ ﻭﻣﻦ ﺃﺗﺬﻛﺮ ﺍﻟﺮﺍﺣﻪ ﺍﻻﻭﻝ ﺷﻲ ﻭﺍﺗﺨﻴﻠﻪ ﻫﺎﺟﺮ ﻭﺷﻠﻮﻥ ﺟﻨﺖ ﻣﻨﺴﻢ ﺍﺑﺘﺴﻢ
ﺳﺒﺤﺖ ﻭﻃﻠﻌﺖ ﻭﻫﻞ ﻣﺮﻩ ﻗﻔﻠﺖ ﺍﻟﺒﺎﺏ ﻭﻧﻤﺖ ﻭﺍﻟﻠﻪ ﺯﻣﻦ ﺍﻧﺎ ﺭﺟﺎﻝ ﺍﻗﻔﻞ ﺍﻟﺒﺎﺏ ﻋﻠﻰ ﺭﻭﺣﻲ ﺧﺎﻑ ﺗﺘﻌﺪﻩ ﻋﻠﻴﻪ ﺑﻨﻴﻪ ﺷﻮﻑ ﺷﻠﻮﻥ ﺻﺎﺭﺕ ﺑﻠﻤﻜﻠﻮﺏ ﻋﺎﺩ ﺟﺒﺮﺕ ﻧﻔﺴﻲ ﻭﻧﻤﺖ ﻭﺟﺮﻳﺘﻪ ﻟﻠﻀﻬﺮ ﻧﺪﻛﺖ ﻋﻠﻴﻪ ﺍﻟﺒﺎﺏ ﻛﻮﻩ ﻛﻤﺖ ﻓﺘﺤﺘﻪ ﻭﺍﻟﻨﻮﻣﻪ ﺑﻌﻴﻨﻲ ﻟﻜﻴﺘﻪ ﺍﻣﻲ ﻛﺎﻟﺖ
ﻟﻴﺶ ﻗﺎﻓﻠﻪ ﻳﺎﻳﻤﻪ
ﻣﺎﺩﺭﻱ ﻳﻤﻪ ﻧﺴﻴﺖ
ﻳﻠﻪ ﺍﻟﻤﻬﻢ ﺃﻧﺎ ﺟﻴﺖ ﺍﺣﺎﺟﻴﻚ ﺑﺴﺎﻟﻔﻪ
ﺗﻤﺪﺩﺕ ﺑﻔﺮﺍﺷﻲ ﻭﻛﺘﻠﻪ ﻛﻮﻟﻲ ﻳﻤﻪ
ﺍﻧﺖ ﺳﻤﻌﺖ ﻟﻴﺶ ﺍﺑﻮﻙ ﻭﻛﻊ ﻋﺒﻦ ﺍﻟﺸﺮﺍﻱ ﻳﺮﻳﺪ ﺑﻴﺘﻪ ﻣﻮ ﺻﺤﻴﺢ
ﺍﻱ ﺍﺩﺭﻱ ﻭﺍﻟﺘﺎﻟﻲ
ﻫﻮﻩ ﺍﻧﺎ ﺍﺭﻳﺪ ﺍﻟﺘﺎﻟﻲ ﺍﺭﻳﺪﻙ ﺗﻔﻜﺮ ﻭﻳﺎﻱ ﺟﺪﺗﻚ ﻭﺟﻠﻴﻠﻪ ﺍﻟﻤﺎﺗﺤﺠﻲ ﻭﻳﺎﻩ ﺍﻫﻠﻪ ﻻﻥ ﺗﺒﺮﻭ ﻣﻦ ﺍﺑﻨﻪ ﻭﺍﺧﺘﻚ ﻭﻳﻦ ﺭﺍﺡ ﻳﺮﺣﻮﻥ ﺍﺫﺍ ﻃﻠﻌﻬﻢ ﺍﺑﻮ ﺍﻟﺒﻴﺖ
ﺻﻔﻨﺖ ﻭﺻﺤﺼﺤﺖ ﺻﺪﻙ ﻭﻳﻦ ﺭﺍﺡ ﻳﺮﺣﻮﻥ
ﻫﺎﺍ ﺍﺷﻮﻓﻚ ﺳﻜﺘﺖ
ﻳﻤﻪ ﻭﺍﻟﻠﻪ ﺳﺎﻟﻔﻪ ﺗﺤﻴﺮ ﻭﻳﻦ ﺭﺍﺡ ﻳﺮﺣﻮﻥ
ﺷﺪﻛﻮﻝ ﻧﺠﻴﺒﻬﻢ ﻳﻤﻨﻪ
ﻳﻤﻪ ﺗﺤﺠﻴﻦ ﺻﺪﻙ
ﺍﻱ ﻭﺍﻟﻠﻪ ﺷﺒﻴﻚ ﺷﻜﻮ ﻣﻨﻬﺎ ﺍﻟﻌﺠﻮﺯ ﺗﺒﻘﻰ ﺟﺪﺗﻜﻢ ﻟﻮ ﺷﻤﺎﺳﻮﺕ ﻭﺟﻠﻴﻠﻪ ﻫﻢ ﺷﺘﺴﻮﻱ ﻗﺎﺑﻞ ﺗﻜﻌﺪ ﺑﺸﺎﺭﻉ ﻭﻋﻤﺎﻣﻚ ﻣﺎﻳﻠﻔﻮﻩ ﻧﺴﻮﺍﻧﻬﻢ ﻣﺎﺗﻘﺒﻞ ﻭﻻﻳﺘﺤﻤﻠﻦ ﺟﺪﺗﻚ ﺿﻠﺖ ﺍﺧﺘﻚ ﻫﺎﻱ ﺣﺘﻰ ﻟﻮ ﺑﻨﺖ ﺟﻠﻴﻠﻪ ﺑﺲ ﻣﺤﺴﻮﺑﻪ ﻋﻠﻴﻚ ﻭﺗﺒﻘﻰ ﻋﺮﺿﻚ ﻭﻳﻦ ﺗﺮﻭﺡ ﻛﻠﻲ
ﻛﻼﻡ ﺍﻣﻲ ﻛﻌﺪﻧﻲ ﻋﻠﻰ ﺣﻴﻠﻲ ﻭﻛﻠﻪ ﺻﺤﻴﺢ ﻭﻳﻦ ﻳﺮﺣﻮﻥ ﻭﺍﺧﺘﻲ ﺣﺪﻳﺜﻪ ﻭﻳﻦ ﺍﺧﻠﻲ ﺟﻠﻴﻠﻪ ﺗﺮﻭﺡ ﺑﻴﻪ ﺍﻟﺴﺎﻟﻔﻪ ﻣﺎﻳﺮﺍﺩﻟﻪ ﻧﻘﺎﺵ ﻭﻻﻋﻨﺪﻧﻪ ﻏﻴﺮ ﺣﻞ ﺻﺪﻳﺖ ﻋﻞ ﺍﻣﻲ ﻭﻛﺘﻠﻪ
ﻳﻤﻪ ﻫﺎﻫﻴﻪ ﻛﻼﻣﺞ ﻋﻴﻦ ﺍﻟﻌﻘﻞ ﻭﺍﻟﻠﻪ ﻳﺠﺎﺯﻳﺞ ﻛﻞ ﺍﻟﺨﻴﺮ ﻋﻠﻴﻪ ﺳﻮﻱ ﻟﻴﺮﺣﺞ ﻭﺳﺘﻘﺒﻠﻴﻬﻢ ﺑﻴﺘﺞ ﻭﻛﻔﻮﻭﻭ ﻣﻨﺞ ﻳﺎﺍﻡ ﺿﺮﺍﺭ
ﻳﻤﻪ ﻓﺪﻭﻩ ﺭﺣﺘﻠﻚ ﻭ ﺍﻟﻠﻪ ﺟﻨﺖ ﺧﺎﻳﻔﻪ ﻣﻦ ﺭﺩﻙ ﺑﺲ ﻫﺴﻪ ﻋﺮﻓﺖ ﺍﻧﺖ ﺍﺑﻦ ﺑﻄﻨﻲ ﻭﻋﻞ ﻛﻠﺒﻲ ﻳﻠﻨﺸﻤﻲ ﻳﻠﻤﺎﺗﺮﺿﻪ ﻟﻬﻠﻚ ﺍﻟﺬﻟﻪ ﺑﺲ ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ ﻛﺒﻞ ﻻ ﻳﺠﻮﻥ
ﻋﻴﻮﻧﻲ ﺍﻟﺞ ﻳﻠﻐﺎﻟﻴﻪ
ﺍﺭﻳﺪﻙ ﺗﻠﺰﻡ ﺍﻋﺼﺎﺑﻚ ﻭﻟﺴﺎﻧﻚ ﻋﺒﻦ ﺫﻧﻲ ﺍﻟﺸﻐﻠﺘﻴﻦ ﺑﻴﻚ ﺍﻻﺧﺎﻑ ﻣﻨﻬﻢ ﻭﻣﻦ ﻳﺠﻮﻥ ﻫﻨﺎ ﺗﻄﻮﻝ ﺑﺎﻟﻚ ﻭﺗﺘﺤﻤﻞ ﺛﺮﺛﺮﺕ ﺟﺪﺗﻚ ﻭﺗﻄﻮﻝ ﺧﻠﻚ ﻭﻳﻪ ﺍﻟﻜﻞ ﻭﺍﺫﺍ ﺍﺑﻮﻙ ﻃﻠﻊ ﺑﺨﻴﺮ ﻭﺳﻼﻣﻪ ﻫﻢ ﻣﺎﻟﻪ ﻏﻴﺮﻧﻪ ﺧﻮﻣﺎ ﻧﺬﺑﻪ ﻋﻠﻰ ﺍﺧﻮﺗﻪ ﻭﺍﻧﺖ ﺍﺑﻨﻪ ﻣﻮﺟﻮﺩ
ﻣﻦ ﻫﺎﻱ ﺍﻟﻨﺎﺣﻴﻪ ﺭﺗﺎﺣﻲ ﺍﺑﺸﺮﺝ ﺣﻮﻳﺘﻢ ﻻ ﺍﻳﺪ ﻭﻻ ﺭﺟﻞ ﻫﺎﻱ ﺍﺫﺍ ﻛﻌﺪ ﺍﺻﻼ
ﺟﺮﺕ ﺣﺴﺮﻩ ﻭﻛﺎﻟﺖ
ﻣﺎﻳﺨﺎﻟﻒ ﻛﻠﻪ ﻫﺬﺍ ﺍﺧﺘﺒﺎﺭ ﻣﻦ ﺭﺑﻚ ﻭﺍﻟﻌﻠﻴﻨﻪ ﻟﻮﻧﻨﺠﺢ ﺑﻲ ﻟﻮ ﻧﺨﺴﺮ
ﻭﻧﻌﻢ ﺑﺎﻟﻠﻪ ﻳﻤﻪ ﺷﻜﺪ ﻛﻠﺒﺞ ﺟﺒﻴﺮ ﻭﺳﻤﺢ ﻟﺨﺎﻃﺮ ﺍﻟﻠﻪ ﻋﺠﻴﺒﻪ ﺍﻟﻘﺪﺭﻩ ﻟﻌﻨﺪﺝ ﻭﺍﻟﻠﻪ ﻟﻴﺴﻤﻊ ﻛﻼﻣﺞ ﻫﺴﻪ ﻭﺗﺴﻮﻟﻔﻴﻪ ﺍﻟﺴﻮﻩ ﺑﻴﺞ ﻛﺒﻞ ﻳﺼﺪﻙ ﺍﻧﺘﻲ ﻫﻴﺞ ﺭﺍﺡ ﺗﺠﺎﺯﻳﻬﻢ ﻭﻟﻮ ﺍﺣﻨﺎ ﺑﻤﻜﺎﻧﻬﻢ ﻭﺍﻟﺼﺎﺭﻟﻬﻢ ﺻﺎﺭ ﺍﻟﻨﻪ ﺟﺎﻥ ﺳﻮﻭ ﻫﻴﺞ
ﻭﻟﻴﺪﻱ ﺍﻧﺖ ﻳﺎﺑﻌﺪ ﻋﻴﻨﻲ ﺍﺣﻨﺎ ﻧﺴﻮﻱ ﻟﻠﻪ ﻭﻫﻮﻩ ﻟﻴﺠﺎﺯﻱ ﻣﺎ ﻧﺮﻳﺪ ﻣﻦ ﺍﻟﺒﺸﺮ ﻭﺍﻟﺴﻮﺍﻩ ﺍﻟﻠﻪ ﻳﺠﺎﺯﻳﻬﻢ ﻋﻠﻴﻪ ﺍﺣﻨﺎ ﻣﻮﺭﺏ ﺍﻟﻌﺎﻟﻤﻴﻦ ﺣﺘﻰ ﻧﺠﺎﺯﻱ
ﻭﺭﺏ ﺍﻟﻌﺰﻩ ﻣﺎ ﻗﺼﺮ ﻭﻃﻠﻊ ﻋﻘﺎﺑﻪ ﺣﺘﻰ ﻟﻮ ﻣﺘﺎﺧﺮ
ﻻﺩﻛﻮﻝ ﻫﻴﺞ ﻫﺎﻱ ﺷﻤﺎﺗﻪ ﻭﺍﻧﺎ ﻣﺎﺣﺒﻬﻪ ﻛﻮﻝ ﻣﺘﺤﺎﻥ ﻭﺍﺳﻜﺖ
ﺟﺎ ﺧﻮﺵ ﺗﺎﻣﺮﻳﻦ ﺃﻣﺮ ﻭﺍﻟﻠﻪ ﻟﻮﻳﻨﺼﺒﻮﺝ ﺷﻴﺨﻪ ﺍﻧﺎ ﺍﻭﻝ ﻭﺍﺣﺪ ﺍﺭﺷﺤﺞ
ﺩﻛﻮﻡ ﻛﻮﻡ ﺗﺮﺷﺤﻨﻲ ﻟﻮ ﺗﺮﺷﺢ ﺑﺖ ﺑﻐﺪﺍﺩ ﺍﻟﻌﺎﺷﻜﻪ
ﻣﻦ ﻛﺎﻟﺖ ﻫﻴﺞ ﺩﻧﻜﺖ ﻭﻛﻠﺒﻲ ﻧﻐﺰﻧﻲ ﻗﺮﺑﺖ ﻭﺟﻬﻪ ﻋﻠﻴﻪ ﺭﻓﻌﺖ ﺭﺍﺳﻲ ﺻﺎﺭﺕ ﻋﻴﻨﻲ ﺑﻌﻴﻨﻪ ﺧﺘﻨﻜﺖ ﻭﻫﻴﻪ ﻋﺒﺎﻟﻪ ﺯﻋﻠﺖ ﻭﺟﻬﻪ ﻧﺨﻄﻒ ﻭﺣﺠﺖ ﺑﺠﺪﻳﻪ
ﺿﺮﻳﺮ ﺧﻮﻣﺎ ﺯﻋﻠﺖ ﺗﻌﺮﻓﺘﻲ ﺍﺗﻘﺸﻤﺮ ﻭﻳﺎﻙ
ﻻﻳﻠﻐﺎﻟﻴﻪ ﻟﻴﺶ ﺍﺯﻋﻞ ﻻﻳﻀﻞ ﺑﺎﻟﺞ
ﺣﺠﻴﺘﻪ ﻭﻛﻤﺖ ﺷﻠﺖ ﺑﺎﻛﻴﺘﻲ ﻭﺍﻟﺠﺪﺍﺣﻪ ﻭﻃﻠﻌﺖ ﺍﺩﺧﻦ ﺍﻣﻲ ﻫﻴﺠﺖ ﺟﺮﻭﺣﻲ ﺑﻤﺤﺮﺍﺙ ﺷﻜﻜﻚ ﺻﺪﺭﻱ ﺍﻧﻮﺏ ﻛﺎﻣﺖ ﻛﻞ ﺷﻮﻳﻪ ﺗﺠﻲ ﺩﻛﻠﻲ ﺷﺒﻴﻚ ﻳﻤﻪ ﺧﻮﻣﺎ ﺗﻜﺪﺭﺕ ﻭﺍﻧﺎ ﺍﺟﺎﻭﺑﻪ ﻻ ﺁﺧﺮ ﺷﻲ ﺣﺘﻰ ﺍﻟﻬﺰﻡ ﺑﺪﻟﺖ ﻭﺭﺣﺖ ﻟﻠﻤﺴﺘﺸﻔﻰ ﻭﺭﺿﺎ ﺭﺟﻊ ﻟﻠﺒﻴﺖ ﻭﺍﺑﻮﻱ ﻋﻠﻰ ﺣﺎﻟﻪ
ﻭﻳﻮﻡ ﻭﺭﻩ ﻳﻮﻡ ﻭﻧﻔﺲ ﺍﻟﻮﺿﻊ ﻻﺗﺤﺴﻦ ﻭﻻ ﺍﺑﺪ ﻭﺍﻟﺒﻴﺖ ﻓﺮﻏﻨﺎﻩ ﺍﻟﺮﺍﻋﻴﻪ ﻭﻧﺘﻘﻠﻮ ﺍﻟﺒﻴﺘﻨﻪ ﻭﺟﺪﺗﻲ ﺻﺎﺭ ﺍﻟﺤﻮﻟﻲ ﺳﻨﺘﺮﻩ ﻛﺎﻋﺪﻩ ﻭﺗﻨﻮﺡ ﻋﻠﻰ ﺍﺑﻮﻱ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﺍﻟﻨﺎﺱ ﻛﺎﻣﺖ ﺗﺠﻲ ﺍﻟﺒﻴﺘﻨﻪ ﺗﺴﺌﻞ ﻋﻨﻪ ﻭﺍﻣﻲ ﻧﻄﺘﻬﻢ ﻏﺮﻓﻪ ﺣﻄﻮ ﺑﻲ ﻏﺮﺍﺿﻬﻢ ﻟﻴﺤﺘﺎﺟﻮﻩ ﻭﺍﻟﺒﺎﻗﻲ ﻛﻠﻪ ﺑﺎﻋﻮ ﻭﺍﻟﻔﻠﻮﺱ ﺳﻠﻤﻬﻦ ﻋﻤﻲ ﻛﺮﻳﻢ ﺍﻟﺒﻴﺖ ﺍﻟﺤﺠﻲ
ﺑﻬﺎﻱ ﺍﻟﻔﺘﺮﻩ ﺍﻧﺎ ﺍﺭﻭﺡ ﻟﺒﻐﺪﺍﺩ ﻭﺍﺭﺟﻊ ﻭﺃﺑﻮ ﻣﺎﺟﺪ ﻣﺒﻠﻐﻪ ﺑﺤﺎﻟﻪ ﺍﺑﻮﻱ ﻭﺿﺎﻝ ﺳﺎﻛﺖ ﻣﺪﺭﻱ ﺷﻌﺠﺐ ﻭﻟﻌﺒﺘﻲ ﻭﻳﺎﻫﻢ ﻣﺨﻔﻔﻬﻪ ﻫﺴﻪ ﻻﻥ ﻣﻮﻓﺎﺭﻍ ﺍﻟﻬﻢ ﻭﻣﺎﻣﺴﺘﻤﺮ ﻭﻳﺎﻫﻢ ﺿﻞ ﺍﺭﻭﺡ ﻭﺍﺟﻲ
ﺻﻔﺎﺀ ﻧﺘﺸﺎﻭﻑ ﺧﻄﻒ ﻭﻣﺎﺑﻴﻨﻪ ﺑﺲ ﺍﻟﺴﻼﻡ ﻭﺍﻧﺎ ﻣﺎﻧﻄﻲ ﻣﺠﺎﻝ ﻳﺘﻘﺮﺏ ﻣﻨﻲ ﻫﻴﺞ ﺍﺣﺴﻦ ﻭﺍﺣﺲ ﺭﺍﺳﻲ ﺑﺎﺭﺩ
ﺭﺍﺡ ﻳﺼﻴﺮ ﺷﻬﺮ ﻣﻦ ﺁﺧﺮ ﺣﺎﺩﺙ ﺻﺎﺭﻟﻲ ﻭﻳﺎﻩ ﻫﺎﺟﺮ ﻭﺍﻧﺎ ﺑﻌﺪﻧﻲ ﻟﺤﻀﻪ ﻣﺎﻧﺴﻴﻪ ﻭﻛﻞ ﻣﺎﺟﻴﺖ ﻟﺒﻐﺪﺍﺩ ﻻﺯﻡ ﺍﺭﻭﺡ ﻟﻠﻜﻴﻠﻪ ﻟﻮ ﻟﻠﻤﺤﻞ ﻭﻫﻢ ﻣﺠﺎﻱ ﺍﺷﻮﻓﻪ ﻻﻣﺪﺍﻣﻪ ﻭﻻ ﺍﻟﻤﺤﻞ ﻣﻔﺘﺢ ﺷﺒﻴﻬﻪ ﻣﺎﺩﺭﻱ ﻳﻌﻨﻲ ﻫﻴﻪ ﻭﺭﺍﻩ ﺍﻟﺤﺎﺩﺙ ﻣﻮ ﺩﺍﻭﻣﺖ ﻭﺷﻔﺘﻪ ﻭﺣﺎﺟﻴﺘﻪ ﻭﻧﻬﻴﻨﻪ ﻛﻠﺸﻲ ﺍﺩﺭﻱ ﻫﺴﻪ ﻭﻳﻨﻬﻪ
ﺗﻌﺒﺖ ﻭﺍﻧﺎ ﺍﻓﻜﺮ ﺑﻴﻬﻪ ﻭﻣﺮﺍﺕ ﺑﻠﻴﻞ ﺍﻳﺪﻱ ﺗﺎﺧﺬ ﻋﻞ ﺗﻠﻴﻔﻮﻥ ﻭﺍﺩﻙ ﺭﻗﻤﻪ ﻭﻳﻄﻠﻌﻲ ﺍﻟﺠﻬﺎﺯ ﻣﻐﻠﻖ ﺍﺿﻞ ﺍﻏﻠﻲ ﻭﺭﻭﺣﻲ ﺗﺘﺸﻌﻮﻁ ﻭﺑﺎﻟﻒ ﻳﺎﻟﻠﻪ ﺍﻝ ﺍﻧﺎﻡ
ﺷﻴﻤﺎ ﺧﻨﺴﺖ ﻭﺍﻧﺎ ﺻﺮﺕ ﺣﺬﺭ ﻣﻨﻬﺎ ﺃﻛﺜﺮ ﻣﻦ ﻛﺒﻞ ﺧﺼﻮﺻﺎ ﻫﻞ ﻓﺘﺮﻩ ﺍﻧﺎ ﻣﺘﻮﺍﺟﺪ ﻫﻮﺍﻱ ﻭﺍﺧﺎﻑ ﺗﺴﻮﻳﻠﻲ ﻃﺮﻛﺎﻋﻪ ﻓﻀﻠﻴﺖ ﻣﺘﺠﻨﺒﻪ ﺭﻏﻢ ﻧﻀﺮﺍﺗﻪ ﺍﻟﻮﻛﺤﻪ
ﺳﺎﻟﻔﻪ ﺍﻣﻴﺮ ﻭﺭﻩ ﺍﻟﺠﺮ ﻭﺍﻟﻌﺮ ﻭﺑﻴﺖ ﺍﻟﺤﺠﻲ ﺿﻠﻮ ﻭﺭﺍﻩ ﻭﺭﺍﻩ ﺻﻌﺪﻭ ﺍﻣﻴﺮ ﻭﻫﺎﺷﻢ ﻟﻠﻤﺤﻜﻤﻪ ﻭﻋﻤﻲ ﻛﺮﻳﻢ ﺣﻄﻠﻬﻢ ﻣﺤﺎﻣﻲ ﻭﺭﻏﻢ ﻛﻞ ﻫﺬﺍ ﻧﺤﻜﻤﻮ ٢٠ﺳﻨﻪ ﺫﻧﻲ ﺍﻟﻌﺸﺮﻳﻦ ﺗﻘﺴﻤﺎ ﻋﻠﻰ ﺳﻮﺍﻟﻒ ﻫﻤﻪ ﻣﺴﻮﻳﻪ ﻏﻴﺮ ﺣﺮﻳﻖ ﺍﻟﻤﻌﻤﻞ ﻭﻣﻦ ﻧﻄﻖ ﺍﻟﺤﻜﻢ ﺿﻠﻮ ﻳﺼﻴﺤﻮﻥ ﻛﻠﻪ ﻣﻦ ﻭﺭﺍﻩ ﺿﺮﺍﺭ ﻭﻳﺪﻋﻮﻥ ﻋﻠﻴﻪ ﻭﺍﻧﺎ ﺍﺑﺎﻭﻉ ﻭﻋﻤﺎﻣﻲ ﻣﺘﻔﺎﺟﺌﻴﻦ ﻻﻥ ﺟﺎﺑﻮ ﻃﺎﺭﻱ ﻛﺘﻠﻬﻢ ﻋﺎﺩﻱ ﺍﻣﻴﺮ ﻣﻦ ﻳﻮﻡ ﻳﻮﻣﻪ ﻳﻜﺮﻫﻨﻲ ﻃﺒﻴﻌﻲ ﻻﺯﻡ ﻳﺨﻠﻴﻨﻲ ﺑﻠﻨﺺ ﺣﺠﻴﺖ ﻫﻴﺞ ﻻﻥ ﻻ ﻫﺎﺷﻢ ﻭﻻ ﺍﻣﻴﺮ ﺳﻤﺤﻮﻟﻬﻢ ﻳﺘﻮﺍﺟﻬﻮﻥ ﻭﻳﺎﻩ ﺍﻫﻠﻬﻢ ﻭﻣﻨﺎ ﻭﻫﻴﺞ ﺭﺍﺡ ﻳﺴﻤﺤﻮﻟﻬﻢ ﺑﺰﻳﺎﻩ ﻋﺎﺩﻳﻪ ﻛﻞ ﺷﻬﺮ ﺣﺎﻟﻬﻢ ﺣﺎﻝ ﺍﻟﻤﺴﺎﺟﻴﻦ ﻣﻨﺎ ﺍﻟﺬﺍﻙ ﺍﻟﻮﻛﺖ ﺍﻛﻮﻥ ﺍﻧﺎ ﺣﻀﺮﺕ ﺍﻟﺨﻄﻪ ﻟﺒﺎﻟﻲ ﺍﻟﺮﺍﺡ ﺍﻭﺍﺟﻬﻪ ﺑﻴﻪ ﺍﻫﻞ ﻫﺎﺷﻢ ﺍﻣﺎ ﺍﻣﻴﺮ ﻫﺬﺍ ﺑﻌﺪ ﺣﺘﺮﻛﺖ ﻭﺭﻗﺘﻪ ﺑﻠﻨﺴﺒﻪ ﺍﻟﻲ
ﺭﺟﻌﻨﺎ ﻟﻠﺒﻴﺖ ﺑﻴﻮﻡ ﺍﻟﻤﺤﻜﻤﻪ ﻭﻛﻠﻪ ﻣﻨﺘﻀﺮﺗﻨﻪ ﻭﺭﺿﺎ ﺳﻮﻟﻔﻬﻢ ﺟﻠﻴﻠﻪ ﺗﺨﺒﻠﺖ ﻭﻛﻠﺒﺖ ﺍﻟﺪﻧﻴﻪ ﻋﻞ ﺍﺑﻨﻪ ﻭﺍﻟﺒﻴﺖ ﻧﺨﺒﺺ ﻭﺍﻟﻌﺮﺑﺎﻥ ﺻﺎﺭ ﻣﺎﻋﺪﻫﻢ ﺳﺎﻟﻔﻪ ﻏﻴﺮ ﻫﺎﻱ ﻭﺃﻛﺜﺮ ﺍﻟﻲ ﺗﺎﺛﺮﻭ ﻫﻴﻪ ﺟﺪﺗﻲ ﺣﺘﻰ ﺃﻛﺜﺮ ﻣﻦ ﺟﻠﻴﻠﻪ ﺍﻣﻴﺮ ﻣﺪﻟﻠﻪ ﻭﻋﺰﻳﺰ ﻛﻠﺒﻪ ﺧﻮﻣﺎ ﻣﺜﻞ ﺿﺮﺍﺭ ﻣﻦ ﻋﻔﻦ ﺑﻠﺴﺠﻦ ﻭﻣﺤﺪ ﺭﻓﻠﻪ ﺟﻔﻦ ﻏﻴﺮ ﺍﻣﻲ ﺍﻟﻤﺴﻜﻴﻨﻪ ﺍﻟﺤﻄﺖ ﺍﻷﻭﻝ ﻭﺍﻟﺘﺎﻟﻲ ﺣﺘﻰ ﺗﻄﻠﻌﻨﻲ.بيج قصص عراقيه حقيقيه من واقعنا.روعه الطائي
ﻫﺬﺍ ﺍﻟﺨﺒﺮ ﺟﺎﻥ ﺻﺎﺩﻡ ﻟﺠﺪﺗﻲ ﺧﻠﻪ ﺍﻟﻤﺮﺽ ﻳﺪﻛﻪ ﻭﺗﻮﻛﻊ ﺑﻠﻔﺮﺍﺵ ﺑﻠﻮﻗﺖ ﺍﻟﻲ ﺍﻟﺪﻛﺘﻮﺭ ﻛﺎﻝ ﻃﻠﻊ ﺍﺑﻮﻙ ﻣﻦ ﺍﻟﻤﺴﺘﺸﻔﻰ ﺗﺮﻩ ﺿﻠﺘﻪ ﻣﺎﺑﻴﻪ ﻓﺄﻳﺪﻩ ﺧﻠﻪ ﻳﻤﻮﺕ ﺑﻴﻨﻜﻢ ﺍﺣﺴﻦ
ﺑﻌﺪ ﺷﻜﺪ ﺍﺳﻮﻱ ﻏﻴﺮ ﺍﺳﻤﻊ ﻛﻼﻡ ﺍﻟﺪﻛﺘﻮﺭ ﺟﺒﺘﻪ ﻭﺣﻄﻴﺘﻪ ﺑﻠﺒﻴﺖ ﺑﺲ ﺟﺜﻪ ﻭﻧﻔﺲ ﻳﺼﻌﺪ ﻭﻳﻨﺰﻝ ﺍﻧﻮﺏ ﺟﺪﺗﻲ ﻧﻬﺎﺭﺕ ﺃﻛﺜﺮ ﺻﺎﺭ ﺑﻴﺘﻨﻪ ﻓﻨﺪﻕ ﻭﺍﻡ ﺿﺮﺍﺭ ﺗﻌﺰﺏ ﻭﺗﺮﺟﻊ ﻟﻴﻮﺭﻩ ﻭﺍﻧﺎ ﺣﺎﻳﺮ ﺑﻴﻨﻬﻢ ﻭﺑﻴﻦ ﺍﻟﻌﺎﺭ ﺍﺑﻮ ﻣﺎﺟﺪ ﻣﻦ ﻛﺪ ﻣﻴﻨﻚ ﻋﻠﻰ ﺭﺍﺳﻲ ﻭﺍﻧﺎ ﻣﺴﺎﻳﺮﻩ
ﺍﻟﻴﻮﻡ ﻭﺻﻠﺘﻠﻪ ﻟﻠﻤﺰﺭﻋﻪ ﺟﺎﻥ ﺑﺼﻔﻘﻪ ﻭﺍﻟﺘﺴﻠﻴﻢ ﺻﺎﺭ ﻛﺒﺎﻟﻲ ﻓﺮﻳﺖ ﺍﻟﺴﻴﺎﺭﻩ ﻭﺭﺟﻌﺖ ﻟﻠﻔﻨﺪﻕ ﻭﺑﻄﺮﻳﻖ ﺟﻴﻜﺖ ﺍﻟﻜﺎﻣﺮﻩ ﻭﺍﻟﺠﻬﺎﺯ ﺍﻻﻣﻮﺭ ﻛﻠﻪ ﺗﻮﺏ ﻭﻛﻠﻪ ﺷﻐﺎﻟﻪ ﻃﻔﻴﺘﻬﻦ ﻭﺭﺟﻌﺖ ﻛﻠﺸﻲ ﺑﻤﻜﺎﻧﻪ ﻭﺻﻠﺖ ﺍﻟﻔﻨﺪﻕ ﻧﺰﻟﺖ ﺑﻌﺪﻧﻲ ﻋﻞ ﺩﺭﺝ ﻭﺩﻙ ﻓﻮﻧﻲ ﺭﺿﺎ ﻣﺎﺳﻤﻌﺖ ﻣﻨﻪ ﻏﻴﺮ ﺑﺲ ﺍﻟﺒﺠﻲ ﻭﺍﻟﻌﻴﺎﻁ ﺍﻟﻴﻤﻪ ﻛﻠﺖ ﻣﺎﻣﺒﻴﻪ ﻣﺠﺎﻝ ﺍﺑﻮﻳﻪ ﻣﺎﺕ ﻻﻥ ﻫﻮﻩ ﻣﻨﺘﻬﻲ ﺑﺲ ﺻﺪﻣﻨﻲ ﻭﻫﻮﻩ ﻳﻜﻠﻲ
ﺿﺮﺍﺭ ﺟﺪﺗﻲ ﻣﺎﺗﺖ ﺣﺎﻭﻝ ﺗﺠﻲ ﺑﺴﺮﻋﻪ ﺣﺘﻰ ﺗﻠﺤﻚ ﻋﻞ ﺩﻓﻨﻪ .........
ﻫﺎﺟﺮ .. ﺍﻧﻄﻮﻳﺖ ﻋﻞ ﻧﻔﺴﻲ ﻓﺪﻧﻮﺏ ﻭﻣﺎﻛﻤﺖ ﺃﻓﻜﺮ ﻻﺑﻤﺪﺭﺳﻪ ﻭﻻﺑﻤﺤﻞ ﻭﺍﻏﻠﺐ ﻭﻗﺘﻲ ﻧﺎﻳﻤﻪ ﻟﻮ ﺍﺑﺠﻲ ﺃﻛﺜﺮ ﺷﻲ ﺣﺎﺯ ﺑﺪﺍﺧﻠﻲ ﺷﻠﻮﻥ ﻛﺪﺭ ﺿﺮﺍﺭ ﻳﺨﺪﻋﻨﻲ ﺑﺤﺒﻪ ﺷﻜﺪ ﻣﺠﺎﻥ ﻏﺎﻣﺾ ﺑﺲ ﻭﻻﻣﺮﻩ ﺷﻜﻴﺖ ﺑﺤﺒﻪ ﻭﺟﻨﺖ ﺍﺷﻮﻑ ﺍﻟﻮﻟﻪ ﺑﻌﻴﻮﻧﻪ ﻣﻮ ﻃﺒﻴﻌﻲ ﺑﺤﻴﺚ ﺧﻼﻧﻲ ﺍﻣﺸﻲ ﻣﻐﻤﻀﻪ ﻭﺭﻩ ﺣﺒﻪ ﻭﻣﺎﺻﺤﻴﺖ ﺍﻝ ﻋﻞ ﺻﺪﻣﻪ ﻭﻣﻮ ﺍﻱ ﺻﺪﻣﻪ ﻃﻠﻊ ﻣﺠﺮﻡ ﺍﻧﻲ ﺗﺎﻟﻲ ﻋﻤﺮﻱ ﻛﻠﺒﻲ ﻣﻴﺘﻌﻠﻚ ﻏﻴﺮ ﺑﻤﺠﺮﻡ
ﺟﺎﻥ ﻣﻴﺪﻭﺭ ﺑﺎﻟﻲ ﻏﻴﺮ ﺣﺐ ﺿﺮﺍﺭ ﻭﻏﺰﻟﻪ ﻭﺑﻌﺾ ﻛﻠﻤﺎﺗﻪ ﺍﻟﺘﺴﺤﺮﻧﻲ ﻭﺭﺍﺡ ﺍﻓﺘﻘﺪﻩ ﻋﻠﻰ ﺇﺛﺮ ﻫﺬﺍ ﺣﺎﻟﻲ ﺍﻣﻲ ﺗﺨﺒﻠﺖ ﺗﺮﻳﺪ ﺑﺲ ﺗﻌﺮﻑ ﺷﺒﻴﻪ ﺣﺘﻰ ﺍﻃﺒﺎﺀ ﺍﺧﺬﺗﻨﻲ ﻭﺍﻧﻲ ﺟﺎﺭﻳﺘﻪ ﻭﺭﺣﺖ ﺣﺘﻰ ﺍﺧﻠﺺ ﻭﺍﻧﻮﺏ ﻛﻤﺖ ﺍﺧﺬ ﺍﻟﻌﻼﺝ ﻭﺍﻧﺎﻡ ﺍﺳﻴﻞ ﺍﻟﻮﺣﻴﺪﻩ ﺍﻟﻤﺎﻛﺪﺭ ﺍﻛﻠﻪ ﻻﻥ ﺍﺫﺍ ﺍﻛﻠﻪ ﺭﺍﺡ ﺩﻛﻠﻲ ﻳﺎﻣﻪ ﺣﺠﻴﺖ ﻭﻳﺎﻣﻪ ﻧﺼﺤﺘﺞ ﻭﻣﺎﺗﻌﻀﺘﻲ
ﺿﻠﻴﺖ ﺍﻛﻞ ﺑﺮﻭﺣﻲ ﻭﻣﺤﺪ ﻳﻌﺮﻑ ﺍﻟﻌﻠﺘﻲ ﺩﻭﻩ ﺇﻟﻰ ﺍﻥ ﺑﻴﻮﻡ ﻛﻌﺪﺕ ﺍﺻﺒﺢ ﻓﺎﺻﻼ ﻭﺑﺪﻭﻥ ﺗﻔﻜﻴﺮ ﺑﺪﻟﺖ ﻭﺧﻠﻴﺖ ﺍﻣﻲ ﺗﺨﺎﺑﺮ ﻋﻞ ﺧﻂ ﻭﺍﺟﻪ ﺍﺧﺬﻧﻲ ﺟﻨﺖ ﺍﻣﺜﻞ ﻋﻞ ﺍﻣﻲ ﻭﻋﻠﻰ ﺻﺪﻳﻘﺎﺗﻲ ﺑﻠﺨﻂ ﺑﺎﻥ ﺍﻧﻲ ﻛﻠﺸﻲ ﻣﺎﺑﻴﻪ ﻭﺍﻧﻲ ﺍﺫﺍ ﺗﺠﻮﻥ ﻟﻠﺼﺤﻴﺢ ﻋﻠﻰ ﻟﺤﻀﻪ ﺃﻧﻬﺎﺭ ﻭﺍﺻﺮﺥ ﻛﻠﺸﻲ ﻣﺎﺭﻳﺪ ﺑﺲ ﻋﻮﻓﻮﻧﻲ ﻭﺍﻧﻲ ﺍﺩﺭﻱ ﻣﺴﺘﺤﻴﻞ ﺍﺣﺪ ﻳﻌﻮﻓﻨﻲ ﻭﻫﺬﺍ ﺣﺎﻟﻲ..بيج قصص عراقيه حقيقيه من واقعنا.روعه الطائي
ﻫﻨﻪ ﻛﻢ ﻳﻮﻡ ﺍﻣﻲ ﻭﺍﺳﻴﻞ ﺩﺧﻠﻮ ﺍﻧﺬﺍﺭ ﺍﺣﻴﺎﻧﺎ ﺍﻟﻮﺍﺣﺪ ﺑﻬﻴﺞ ﻣﻮﺍﻗﻒ ﻳﺤﺘﺎﺝ ﻳﻜﻮﻥ ﺑﻌﺰﻟﻪ ﻭﻳﺮﺗﺐ ﺃﻓﻜﺎﺭﻩ ﺑﺲ ﺑﻠﺒﻴﺖ ﺍﻟﻌﺮﺍﻗﻲ ﻫﺬﺍ ﺍﻟﺸﻲ ﻣﻤﻮﺟﻮﺩ ﻣﻦ ﻳﻜﻮﻥ ﺣﺎﻟﺞ ﻣﺘﻐﻴﺮ ﻻﺯﻡ ﺍﻛﻮ ﻓﺪ ﻣﺼﻴﺒﻴﻪ
ﻓﺮﺣﺖ ﻟﻠﻜﻠﻴﻪ ﺑﻠﻜﻠﻲ ﺍﻃﻠﻊ ﻣﻦ ﺍﻻﻧﻲ ﺑﻲ ﺍﺷﻮ ﺻﺎﺭ ﺍﻟﻌﻜﺲ ﻣﻦ ﻧﺼﺪﻣﺖ ﺑﻀﺮﺍﺭ ﻭﻧﻬﻴﻨﻪ ﻛﻠﺸﻲ
ﺷﻠﻮﻥ
ﻭﻟﻴﺶ ﻃﻠﻊ
ﻭﺷﻜﻮﺕ
ﻣﺎﺩﺭﻱ ﻭﻻﻧﻄﻴﺘﻨﻪ ﻣﺠﺎﻝ ﻳﺤﺠﻲ ﺍﺻﻼ ﻣﻦ ﺻﺮﺕ ﺑﺲ ﺍﻧﻲ ﻭﻳﺎﻩ ﺑﺴﻴﺎﺭﻩ ﺻﺎﺭ ﺣﺎﻟﻲ ﺣﺎﻝ ﺍﻟﻤﺨﻄﻮﻓﻪ ﻣﻦ ﺍﻟﺴﻤﻌﺘﻪ ﻋﻠﻴﻪ ﺣﺘﻰ ﺍﻟﺤﺠﺎﻩ ﻣﺎﺻﺪﻛﺖ ﺑﻲ ﺑﺲ ﻧﻄﺎﻧﻲ ﻣﺠﺎﻝ ﺍﻧﺰﻝ ﺭﻛﺾ ﻧﺰﻟﺖ ﻭﻛﺘﻠﻪ ﺍﻛﺮﻫﻚ ﻛﻠﻤﻪ ﻣﺎﺟﻨﺖ ﻣﺘﻮﻗﻌﻪ ﺑﻴﻮﻡ ﺗﻄﻠﻊ ﻣﻨﻲ ﻟﻀﺮﺍﺭ
ﻣﻦ ﺳﺎﻋﺘﻪ ﻋﺮﻓﺖ ﺍﻧﺘﻬﻰ ﻛﻠﺸﻲ ﻭﺿﺮﺍﺭ ﻃﻠﻊ ﻣﻦ ﺣﻴﺎﺗﻲ ﻭﺍﻧﻲ ﺍﻟﻲ ﻃﻠﻌﺘﻪ ﺧﻠﺺ ﺍﻟﻴﻮﻡ ﻭﺭﺟﻌﺖ ﻟﻠﺒﻴﺖ ﻭﻗﺮﺭﺕ ﻣﺎﺍﺑﻘﻰ ﻫﻨﺎ ﺍﻱ ﻣﺎﺍﺑﻘﻰ ﻻ ﺍﻧﻲ ﺍﻛﺪﺭ ﻭﻻ ﺿﺮﺍﺭ ﺭﺍﺡ ﻳﻌﻮﻓﻨﻲ ﺍﻧﻲ ﺍﻋﺮﻓﻪ ﺍﺗﺨﺬﺕ ﺍﺳﻮﺍﺀ ﻗﺮﺍﺭ ﺑﺤﻴﺎﺗﻲ ﻳﺠﻮﺯ ﻏﻠﻂ ﻭﻳﺠﻮﺯ ﻣﺎﻓﻜﺮﺕ ﺑﻲ ﺑﺲ ﺍﻧﻲ ﺑﻮﻗﺖ ﺩﺍﺗﺼﺮﻑ ﺑﺪﻭﻥ ﺗﻔﻜﻴﺮ
ﺍﺟﻴﺖ ﻋﻠﻰ ﺍﻣﻲ ﻭﻛﺘﻠﻪ ﺍﺭﻳﺪ ﺍﻃﻠﻊ ﻟﻠﺴﻠﻴﻤﺎﻧﻴﻪ ﻟﺒﻴﺖ ﻋﻤﻪ ﻫﻨﺎﺀ ﺍﺑﻘﻰ ﻳﻤﻬﻪ ﺗﺨﺒﻠﺖ ﺍﻣﻲ ﻭﺿﻠﺖ ﺗﺒﺠﻲ ﻭﺗﺼﻴﺢ ﻟﻴﺶ ﻭﺍﻧﺘﻲ ﺷﺼﺎﻳﺮﻟﺞ ﻭﺷﻠﻮﻥ ﺑﺪﻭﺍﻣﺞ ﻭﻣﺤﻠﺞ ﻛﺘﻠﻪ ﺍﻟﺪﻭﺍﻡ ﺍﺋﺠﻞ ﻫﺎﻱ ﺍﻟﺴﻨﻪ ﻭﺍﻟﻤﺤﻞ ﻣﺎﻟﻲ ﻭﺍﻫﺲ ﺑﻲ ﻣﺎﻗﺘﻨﻌﺖ ﻭﻻﻛﻼﻣﻲ ﻭﺩﻣﻮﻋﻲ ﺍﺛﺮﻥ ﺑﻴﻬﻪ ﻭﻻﺳﻤﻌﺘﻠﻲ ﻛﺎﻣﺖ ﻭﺧﺎﺑﺮﺕ ﻋﻤﻪ ﻫﻨﺎ ﺗﺸﻜﻴﻠﻪ ﻣﻨﻲ ﻭﻋﻤﻪ ﻫﻨﺎ ﺣﺎﻭﻟﺖ ﺗﺤﺠﻲ ﻭﻳﺎﻱ ﺟﻨﺖ ﻗﺎﻓﻠﻪ
ﺷﺪﺕ ﺍﻣﻲ ﻭﻳﺎﻱ ﺣﻴﻞ ﻭﺳﺮﺍﺝ ﻭﺍﺳﻴﻞ ﺣﺎﺟﻮﻧﻲ ﻛﺘﻠﻬﻢ ﻣﺎﻟﻲ ﻭﺍﻫﺲ ﺑﻠﺪﺭﺍﺳﻪ ﻭﺍﻟﻤﺤﻞ ﻣﺎﺑﻲ ﺷﻐﻞ ﻫﻞ ﻓﺘﺮﻩ ﺣﺎﻭﻟﻮ ﻭﻳﺎﻩ ﺍﻣﻲ ﻳﻔﻬﻤﻮﻫﻪ ﺣﺠﺘﻲ ﻣﺎﻗﺘﻨﻌﺖ ﻭﻋﻤﻪ ﻫﻨﺎﺀ ﺿﻞ ﺑﺎﻟﻪ ﻭﻛﻞ ﺷﻮﻳﻪ ﺗﺨﺎﺑﺮ ﻭﻣﺎﺭﺗﺎﺣﺖ ﺍﻝ ﺟﺎﺑﺖ ﻋﻤﻮ ﺑﻬﺠﺖ ﻭﺍﺟﺘﻲ ﻛﻠﺖ ﻫﺎﻱ ﻓﺮﺻﺘﻲ ﻭﺑﻌﺪ ﻣﺘﺘﻌﻮﺽ ﻟﻤﻴﺖ ﻛﻞ ﻏﺮﺍﺿﻲ ﻭﻣﻼﺑﺴﻲ ﻭﻛﻠﺸﻲ ﻳﺨﺼﻨﻲ ﻣﻦ ﺿﻤﻨﻬﻢ ﺻﻮﺭ ﺿﺮﺍﺭ ﺍﺍﺍﺍﺍﺍﻩ ﻳﺎﺿﺮﺍﺭ ﻋﻮﺩ ﺭﺍﻳﺪﻩ ﺍﻧﻬﺰﻡ ﻣﻨﻚ ﻟﻜﻴﺘﻚ ﺣﺘﻰ ﺑﻠﺼﻮﺭ ﻛﺒﺎﻟﻲ
ﺭﺩﺕ ﺍﺫﺑﻬﻦ ﻭﻓﻌﻼ ﺷﻤﺮﺗﻬﻦ ﺑﺴﻠﻪ ﺍﻟﻤﻬﻤﻼﺕ ﺍﻟﺒﻠﻐﺮﻓﻪ ﺑﺲ ﻣﺎﻛﺪﺭﺕ ﺭﺟﻌﺖ ﻣﺜﻞ ﺍﻟﻤﺨﺒﻠﻪ ﺷﻠﺘﻬﻢ ﻭﺍﺣﻀﻦ ﺑﻴﻬﻦ ﻭﺍﺑﺠﻲ ﺗﺎﻟﻲ ﺣﻄﻴﺘﻬﻦ ﺑﻮﺳﻂ ﺍﻏﺮﺍﺿﻲ ﻭﻃﻠﻌﺖ ﺳﺎﺣﺒﻪ ﺟﻨﻄﻲ ﺍﻣﻲ ﺍﻟﻤﺴﻜﻴﻨﻪ ﺗﺒﺠﻲ ﻭﻳﺠﻮﺯ ﺍﻧﻲ ﺿﻠﻤﺘﻪ ﺑﻬﺬﺍ ﻗﺮﺍﺭﻱ ﻻﻥ ﺭﺍﺡ ﺍﻋﻮﻓﻪ ﻭﺣﺪﻫﻪ ﻭﻫﻴﻪ ﺗﻌﺒﺎﻧﻪ ﻭﻣﺤﺘﺎﺟﺘﻨﻲ ﺑﺲ ﻫﻴﺞ ﺍﺣﺴﻦ ﺍﺭﻳﺪ ﺍﻟﻠﻤﻠﻢ ﺭﻭﺣﻲ ﻟﻄﺸﺮﺕ ﺣﺘﻰ ﺍﺭﺟﻊ ﻫﺎﺟﺮ ﺍﻟﻘﺪﻳﻤﻪ ﻭﻣﺎﻋﻴﺪ ﺍﻟﻐﻠﻄﻪ ﻭﺍﻋﻴﺶ ﻫﺎﺟﺮ ﺍﻗﻮﻩ ﻣﻦ ﻗﺒﻞ
ﻭﺩﻋﺖ ﺍﻣﻲ ﻭﺍﺳﻴﻞ ﻭﺳﻴﻮﻓﻲ ﻭﻋﻔﺖ ﻭﺭﺍﻳﻪ ﺣﺒﻲ ﺍﻟﻤﺎﺗﻬﻨﻴﺖ ﺑﻲ ﻭﺃﺣﻼﻣﻲ ﺍﻟﻤﺎﺣﻘﻘﺘﻬﻦ ﻭﻧﻄﻠﻘﻨﻪ ﺑﺴﻴﺎﺭﻩ ﻋﻤﻮ ﺑﻬﺠﺖ ﺍﻟﺠﺎﻥ ﻳﺒﺎﻭﻋﻠﻲ ﻭﺣﻴﻞ ﻗﻠﻖ ﻣﻦ ﻣﻨﻀﺮﻱ ﺍﻟﺒﺎﻫﺖ ﻭﻭﺟﻬﻲ ﺍﻻﺻﻔﺮ ﻭﻋﻴﻮﻧﻲ ﻟﻤﻨﻮﻛﺮﻩ ﻣﻦ ﺍﻟﺒﺠﻲ ﻭﻗﻠﺖ ﺍﻟﻨﻮﻡ ﻭﺍﻟﺴﻬﺮ
ﻭﺻﻠﻨﻪ ﻭﺭﺍﻩ ﺳﺎﻋﺎﺕ ﻃﻮﻳﻠﻪ ﻭﺍﻭﻝ ﻳﻮﻡ ﺳﺘﻘﺒﻠﻮﻧﻲ ﻭﻃﺎﻳﺮﻥ ﺑﻴﻪ ﻭﺍﻧﻲ ﺑﺲ ﺍﺟﺎﻣﻞ ﺣﺘﻰ ﺍﻟﺒﻨﺎﺕ ﺳﺘﻐﺮﺑﻮ ﺣﺎﻟﺘﻲ
ﻋﻤﻪ ﻫﻨﺎ ﻧﻄﺘﻨﻲ ﻏﺮﻓﻪ ﺭﻏﻢ ﺍﻟﺒﻨﺎﺕ ﺩﺍﻫﺮﻭﻫﻪ ﻭﻛﺎﻟﻮ ﺷﻨﻮ ﺗﺒﻘﻪ ﻭﺣﺪﻩ ﺍﺣﻨﺎ ﺷﻔﻨﻪ ﻣﻨﻬﺎ ﺑﺲ ﻋﻤﻪ ﻭﺍﻋﻴﻪ ﻭﺟﻨﻬﻪ ﻋﺮﻓﺖ ﺑﻴﻬﻪ ﺷﻲ ﻃﻠﻌﺘﻬﻦ ﻭﻛﻠﺘﻠﻲ
ﻫﺎﻱ ﻏﺮﻓﺘﺞ ﻭﻫﺬﺍ ﺑﻴﺘﺞ ﻭﺍﻧﻲ ﺍﻣﺞ ﺍﻟﺜﺎﻧﻴﻪ ﺍﻟﺮﺑﺘﺞ ﻭﺍﻧﻲ ﺍﻋﺮﻑ ﺷﻤﺮﺑﻴﻪ ﻭﺑﻨﺘﻲ ﻣﺘﻐﻠﻂ ﻟﻐﻠﻂ ﻟﺒﺎﻟﻲ ﻟﻬﺬﺍ ﺭﺍﺡ ﺍﻋﻮﻓﺞ ﺗﺮﺗﺎﺣﻴﻦ ﻭﻣﻦ ﺗﺮﺩﻳﻦ ﺗﺤﺠﻴﻦ ﺍﻧﺘﻲ ﺭﺍﺡ ﺗﺤﺠﻴﻦ
ﺭﺗﻤﻴﺖ ﺑﺤﻀﻨﻪ ﺍﺑﺠﻲ ﻭﻛﻨﻤﺎ ﻛﻠﺘﻠﻲ ﻃﻠﻌﻲ ﻛﻞ ﺍﻟﺒﻜﻠﺒﺞ ﺑﺪﻣﻮﻋﺞ ﻭﻣﺮﺍﺡ ﺍﺳﺌﻠﺞ ﺷﻨﻮ ﺍﻟﺴﺒﺐ
ﻟﺤﺪ ﻣﺮﺗﺎﺣﻴﺖ ﻃﻠﻌﺖ ﻭﻋﺎﻓﺘﻨﻲ ﻭﺍﻧﻲ ﺑﺪﻟﺖ ﻭﻧﻤﺖ ﻧﻮﻡ ﻋﻤﻴﻖ ﻣﻨﺎﻳﻤﺘﻪ ﻣﻦ ﺍﻭﻝ ﻣﺼﺎﺭﺕ ﻫﺎﻱ ﺍﻟﺤﺎﺩﺛﻪ ﻳﻤﻜﻦ ﻣﻄﻤﺌﻨﻪ ﻭﻧﻤﺖ ﻫﻴﺞ ﻧﻮﻡ ﻻﻥ ﻫﻨﺎ ﺍﻟﻤﺪﻳﻨﻪ ﻣﺎﺑﻴﻬﻪ ﻣﻦ ﺭﻳﺤﻪ ﺍﻟﻤﺤﺒﻮﺏ
ﻳﻮﻡ ﺍﻟﺜﺎﻧﻲ ﻭﺍﻟﺜﺎﻟﺚ ﻭﺍﻟﻮﺭﺍﻩ ﻭﺍﻟﻮﺭﺍﻩ ﻭﺍﻧﻲ ﺑﻴﺖ ﻋﻤﻪ ﻫﻨﺎﺀ ﺍﺗﺼﻨﻊ ﺍﻟﻘﻮﻩ ﻭﺍﻟﻬﻲ ﻧﻔﺴﻲ ﻭﻳﺎﻫﻢ ﺣﺘﻰ ﻣﺎﺑﻴﻨﻠﻬﻢ ﻭﺑﻠﻴﻞ ﻳﺒﺪﺃ ﻭﻧﻴﻦ ﺭﻭﺣﻲ ﺻﺤﻴﺢ ﻣﺘﻌﺬﺑﻪ ﺑﻔﺮﺍﻙ ﺿﺮﺍﺭ ﺑﺲ ﻣﺮﺗﺎﺣﻪ ﻻﻥ ﻣﻨﻌﺰﻟﻪ ﻭﻣﺤﺪ ﻳﻜﻠﻲ ﺷﺒﻴﺞ ﻻﻥ ﺍﻛﻴﺪ ﻣﺎﻋﻨﺪﻱ ﺟﻮﺍﺏ ﻟﻬﺬﺍ ﺍﻟﺴﻮﺍﻝ
ﺍﻣﻲ ﺟﻨﺖ ﺍﺧﺎﺑﺮﻩ ﺑﻌﺪ ﻣﺎﺷﺘﺮﻳﺖ ﻓﻮﻥ ﻭﺷﺮﻳﺤﻪ ﺟﺪﺩ ﻭﻛﻞ ﻣﻜﺎﻟﻤﻪ ﺩﻛﻠﻲ ﻳﻤﻪ ﻟﻴﺶ ﺿﻴﻌﺘﻲ ﺷﻐﻠﺞ ﻭﺩﺭﺍﺳﺘﺞ ﺍﻏﻴﺮ ﺍﻟﻤﻮﺿﻮﻉ ﻟﻮ ﺍﺳﺪﻩ ﺍﻟﻌﺎﺋﻠﻪ ﻛﻠﻪ ﺳﻌﻴﺪﺍ ﺑﻮﺟﻮﺩﻱ ﻭﻳﺤﻴﺮﻭﻥ ﺷﻠﻮﻥ ﻳﺒﻴﻨﻮﻟﻲ ﻳﻮﻣﻴﻪ ﻃﻠﻌﻪ ﺷﻜﻞ ﻳﻮﻣﻴﻪ ﻭﻧﺴﻪ ﺷﻜﻞ ﺑﺲ ﺍﻧﻲ ﻛﻞ ﻫﺬﺍ ﻣﻮﺑﻌﻴﻨﻲ ﻭﺻﻮﺭ ﺿﺮﺍﺭ ﻳﻮﻣﻴﻪ ﺍﺫﺍ ﻣﺎﺷﻮﻓﻮﻫﻦ ﻭﺍﺧﺮ ﻧﻀﺮﻩ ﻗﺒﻞ ﺍﻟﻨﻮﻡ ﺗﺼﻴﺮ ﻋﻠﻴﻬﻦ ﻓﻼ ﺍﻏﻔﻪ..بيج قصص عراقيه حقيقيه من واقعنا.روعه الطائي
ﺷﻬﺮ ﻋﻞ ﻫﺬﺍ ﺍﻟﻮﺿﻊ ﻣﺤﺪ ﺿﺎﻳﻘﻨﻲ ﻭﻻﻋﻤﻪ ﺻﻐﻄﺖ ﻋﻠﻴﻪ ﺑﺲ ﺍﻣﻲ ﻃﻜﺖ ﺭﻭﺣﻪ ﻭﻛﻌﺪﺕ ﺑﻴﻮﻡ ﺍﻟﺼﺒﺢ ﻟﻜﻴﺘﻪ ﺟﺎﻳﻪ ﺗﺤﺎﺿﻨﻪ ﻭﺛﻨﻴﻨﻪ ﻧﺒﺠﻲ ﻭﻣﻦ ﺷﻔﺖ ﻭﺟﻬﻪ ﻭﻋﻴﻮﻧﻪ ﺷﻠﻮﻥ ﺫﺑﻼﻧﻪ ﻧﻘﻬﺮﺕ ﺷﻠﻮﻥ ﻋﻔﺘﻪ ﻭﺣﺮﺕ ﺑﺮﻭﺣﻲ ﻭﻣﺼﻴﺒﺘﻪ ﺿﻠﻴﺖ ﻧﺎﻳﻤﻪ ﺑﺤﻀﻨﻪ ﻭﺗﻤﺴﺪ ﻋﻞ ﺭﺍﺳﻲ ﻭﺗﺒﻮﺱ ﺑﻴﻪ ﻭﺷﻮﻳﻪ ﺷﻮﻳﻪ ﻫﺪﻳﻨﻪ
ﻭﺑﺪﺕ ﻋﻤﻪ ﻫﻨﺎﺀ ﺗﺴﺌﻠﻪ ﻋﻞ ﺍﺧﺒﺎﺭﻩ ﻭﺍﻣﻲ ﺗﺴﻮﻟﻒ ﻭﻧﻄﻠﻘﺖ ﻭﻣﻨﻬﻪ ﻋﺮﻓﺖ ﺷﺼﺎﻳﺮ ﺑﺨﺎﻟﻲ ﺣﺎﺗﻢ ﻭﺍﺑﻨﻪ ﺟﺎﻧﺖ ﺍﻣﻲ ﺗﺤﺠﻲ ﻭﺗﻤﺴﺢ ﺑﺪﻭﻣﻌﻪ ﺣﺴﻴﺘﻪ ﻫﻮﺍﻱ ﻣﺘﺎﺛﺮﻩ ﻭﻋﻤﻪ ﻏﻴﺮﺕ ﻋﻠﻴﻬﻪ ﺍﻟﻤﻮﺿﻮﻉ ﻭﻛﻮﻣﻨﻬﺎ ﻟﻠﺤﺪﻳﻘﻪ ﻭﺍﻧﻲ ﻻﻃﺸﻪ ﺑﻴﻬﻪ ﻣﻦ ﻛﺪ ﻣﻤﺸﺘﺎﻗﺘﻠﻪ ﻭﻣﻘﺼﺮﻩ ﺑﺤﻘﻪ ﺑﻌﺪﻱ ﻋﻨﻬﻪ
ﻳﻮﻣﻴﻦ ﺻﺎﺭ ﻋﻠﻰ ﺟﻴﺘﻬﻪ ﻭﺍﻟﻌﺼﺮﻳﺎﺕ ﺧﺎﺑﺮﺕ ﺧﺎﻟﻪ ﺯﻫﺮﻩ ﻋﻠﻰ ﺍﻣﻲ ﻭﻓﺠﺎﻩ ﺍﻣﻲ ﺣﺎﻟﻪ ﻧﻜﻠﺐ ﻭﻛﺎﻣﺖ ﺗﺒﺠﻲ ﺳﺤﺒﺖ ﺍﻟﻔﻮﻥ ﻭﻃﺒﻜﺘﻪ ﺑﻮﺟﻪ ﺧﺎﻟﻪ ﺯﻫﺮﻩ ﻫﺎﻱ ﺍﻟﻤﺮﻩ ﻛﻤﺖ ﺍﻛﺮﻫﻪ ﻻﻥ ﺍﻣﻲ ﻛﻞ ﻣﺘﺨﺎﺑﺮﻩ ﺗﺴﻤﻊ ﻣﺼﻴﺒﻪ ﻟﺘﻤﻴﻨﻪ ﻛﻠﻨﻪ ﻓﻮﻛﺎﻩ ﻧﺮﻳﺪ ﻧﺴﻜﺘﻪ ﻣﺘﺴﻜﺖ ﺗﺎﻟﻲ ﺻﺎﺣﺖ
ﻭﻭﻭﻭﺩﻭﻧﻲ ﻋﻞ ﺍﻫﻠﻲ
ﺧﻠﺘﻨﻪ ﺻﺎﻓﻨﻴﻦ ﻭﺍﺣﺪ ﻳﺒﺎﻭﻉ ﻋﻞ ﺛﺎﻧﻲ ﺭﺟﻌﺖ ﺗﺒﺠﻲ ﻭﺩﻛﻮﻝ
ﺍﻫﻠﻲ ﻧﺴﺒﻮﻭ ﺍﺧﻮﻱ ﻣﻴﺖ ﻭﺑﺲ ﺍﻟﺮﻭﺡ ﺗﺼﻌﺪ ﻭﺗﻨﺰﻝ ﻭﺍﻣﻲ ﻫﺴﻪ ﻣﻮﺟﻬﻴﻬﻪ ﻋﻞ ﻗﺒﻠﻪ ﻟﻮ ﺍﻟﺤﻚ ﻋﻠﻴﻪ ﻟﻮ ﻣﺎﻟﺤﻚ ﺍﻧﻲ ﺷﻤﻨﺘﻀﺮﻩ
ﺧﻠﺘﻨﻲ ﺻﺎﻓﻨﻪ ﻭﺍﻛﻠﻪ
ﻳﻤﻪ ﺍﻧﺘﻲ ﺻﺪﻙ ﺗﺤﺠﻴﻦ ﻳﻌﻨﻲ ﻣﻤﻨﻬﺎﺭﻩ ﻭﻫﻴﺞ ﺩﺩﻛﻮﻟﻴﻦ
ﻻﻻ ﻛﻠﺸﻲ ﻣﺎﺑﻴﻪ ﺑﺲ ﻭﺩﻭﻧﻲ ﻭﺍﻧﻲ ﺍﺩﻓﻊ ﻛﻔﺎﺭﻩ ﺍﻟﻴﻤﻴﻦ ﺍﻟﺤﻠﻔﺘﻪ ﺍﺭﻳﺪ ﺍﺣﻠﻞ ﺍﻣﻲ ﻭﻭﻫﺒﻪ ﻣﺎﺭﻳﺪﻩ ﺗﻤﻮﺕ ﺷﻴﻠﻪ ﺫﻧﺐ ﺑﺮﻛﺒﺘﻪ
ﺍﺑﺎﻭﻉ ﻋﻞ ﺍﻣﻲ ﻭﻣﻤﺼﺪﻛﻪ ﺍﻟﺪﺩﻛﻮﻟﻪ ﻭﻋﻤﻮ ﺑﻬﺠﺖ ﻳﺸﺠﻌﻪ ﻭﻋﻤﻪ ﻫﻨﺎﺀ ﻫﻢ ﻛﺎﻣﺖ ﻛﻮﻩ ﺗﺠﺮ ﺍﻟﻨﻔﺲ ﺭﻛﻀﺖ ﺟﺒﺖ ﻣﻲ ﺍﺷﺮﺑﻪ ﺗﺒﻌﺪﻩ ﺍﻟﺒﻨﺎﺕ ﻳﻬﻔﻦ ﻋﻠﻴﻪ ﻭﺍﻧﻲ ﺑﺲ ﺻﺎﻓﻨﻪ ﺗﺎﻟﻲ ﻋﻤﻮ ﻛﺎﻝ ﺣﻀﺮﻱ ﻧﻔﺴﺞ ﺧﻞ ﺍﺩﻳﺞ ﺑﺎﻭﻋﺘﻠﻪ ﺭﺩﺕ ﺍﺣﺠﻲ ﺧﺰﺭﻧﻲ ﻭﺳﺤﺒﻨﻲ ﻋﻞ ﺻﻔﺤﻪ
ﻭﻳﻜﻠﻲ ﺣﺮﺍﻡ ﻋﻠﻴﺞ ﺫﻭﻟﻪ ﺍﻫﻠﻪ ﻭﻫﺎﻱ ﺍﻣﻬﻪ ﺷﻠﻮﻥ ﻫﻴﻪ ﺍﻣﺞ ﻻﺗﺪﺧﻠﻴﻦ ﻭﺗﻤﻨﻌﻴﻪ ﺧﺎﻑ ﺗﺮﻭﺡ ﺗﻤﻮﺕ ﺍﻣﻬﻪ ﻭﺗﺤﻤﻠﺞ ﺍﻟﺬﻧﺐ ﻟﺤﻀﺎﺕ ﺻﻌﺒﻪ ﻭﻣﺎﻛﺪ ﺍﺣﺠﻲ ﺑﻴﻬﻪ ﺿﻠﻴﺖ ﺑﺲ ﺍﺑﺠﻲ ﻭﺍﻟﺒﻨﺎﺕ ﻳﻠﺒﺴﻮﻥ ﺑﺎﻣﻲ ﻋﺒﺎﻳﺘﻪ ﻭﺟﻮﺭﺍﻳﺒﻪ ﻣﻦ ﺷﻔﺖ ﺍﻟﺸﻐﻠﻪ ﺻﺎﺭﺕ ﺻﺪﻙ ﺭﺣﺖ ﻳﻤﻬﻪ ﻭﻟﺰﻣﺖ ﺍﺩﻳﻪ ﺍﻟﻴﺮﺟﻔﻦ ﻭﻫﻤﺴﺖ ﻳﻤﻪ ﺍﺟﻲ ﻭﻳﺎﺝ ﻣﺎﻋﻮﻓﺞ ﺑﻬﺬﺍ ﺍﻟﻮﺿﻊ ﺑﺲ ﻧﺘﻀﺮﻳﻨﻲ ﺍﻏﻴﺮ ﻣﻼﺑﺴﻲ
ﻫﺰﺕ ﺭﺃﺳﻪ ﺍﻱ ﻭﺩﻣﻮﻋﻪ ﻣﺒﻠﻠﻪ ﻭﺟﻬﻪ
ﻫﺪﻳﺖ ﺍﺩﻳﻪ ﻭﺭﺣﺖ ﻟﻠﻐﺮﻓﻪ ﻟﺒﺴﺖ ﻋﻞ ﺳﺮﻳﻊ ﺷﻠﻮﻥ ﻣﺠﺎﻥ ﻭﺻﻌﺪﺕ ﻭﻳﺎﻫﻢ ﻛﻌﺪﻧﻪ ﻟﻴﻮﺭﻩ ﺍﻧﺎ ﻭﻳﺎﻫﻪ ﻭﻋﻤﻮ ﺑﻬﺠﺖ ﺍﺧﺬﻧﻪ ﺍﻟﻄﺮﻳﻖ ﻛﻠﻪ ﺍﻣﻲ ﻣﺎﺳﻜﺘﺖ ﻭﻻﻫﺪﺕ ﺍﻟﻄﺮﻳﻖ ﺣﻴﻞ ﺑﻌﻴﺪ ﻭﺍﻟﺴﻴﺎﺭﻩ ﺍﺩﻙ ﻭﺗﺮﺟﻊ ﻟﻴﻮﺭﻩ ﻭﻣﻦ ﻭﺻﻠﻨﺎ ﻣﻨﻄﻘﻪ ﺯﺭﺍﻋﻴﻪ ﺍﻣﻲ ﻛﻠﺒﻪ ﻛﺎﻡ ﻳﻠﻜﻒ ﻭﺍﻧﻲ ﺍﻓﺮﻙ ﺑﺪﻳﻪ ﺍﻟﺒﻴﺖ ﻣﻨﻨﺪﻟﻪ ﺑﻀﺒﻂ ﺿﻞ ﻋﻤﻮ ﺑﻬﺠﺖ ﻳﻤﺸﻲ ﻭﻳﻮﻛﻒ ﻳﺴﺌﻞ ﺑﻠﻨﺎﺱ ﻭﺑﻌﺪ ﻋﻨﺎ ﻭﺗﻌﺐ ﻭﺻﻠﻨﺎ ﺑﻴﻮﺕ ﻣﺮﺗﺒﻪ ﻭﺑﻴﺖ ﻛﺒﺎﻝ ﺑﻴﺖ ﺻﺎﻳﺮﺍﺕ ﻣﺜﻞ ﺍﻟﺪﺍﺋﺮﻩ ﺍﻣﻲ ﺷﺒﻬﻪ ﺭﺍﺡ ﻳﻐﻤﻰ ﻋﻠﻴﻪ ﻭﻛﻮﻩ ﺍﻧﻲ ﻭﻋﻤﻮ ﺑﻬﺠﺖ ﺳﻨﺪﻧﺎﻫﻪ ﻭﻧﺰﻟﻨﺎﻩ ﺍﻟﻮﻗﺖ ﺟﺎﻥ ﻣﺘﺎﺧﺮ ﺑﺲ ﻣﺒﻴﻨﻦ ﻛﺎﻋﺪﻳﻦ ﻻﻥ ﺑﻮﺑﻬﻢ ﻣﻔﺘﺤﻪ
ﺟﻨﺖ ﻣﺪﻧﻜﻪ ﺩﺍﻛﻒ ﻋﺒﺎﻳﻪ ﺍﻣﻲ ﻭﺭﻓﻌﺖ ﺭﺍﺳﻲ ﻣﻦ ﺍﻣﻲ ﺻﺎﺣﺖ ﻭﻭﻭﻭﻭﺝ ﺧﻴﻪ ﺯﻫﺮﻩ ﻭﻣﺮﻳﻪ ﻃﻠﻌﺖ ﻣﻦ ﺑﻴﺖ ﻓﺎﺗﺤﻪ ﺍﺩﻳﻪ ﻭﺗﺒﺠﻲ ﻭﺗﺼﺤﻴﺢ ﻣﻤﻤﻨﻰ ﻭﺍﺟﺘﻲ ﺑﺘﺠﺎﻫﻨﻪ ﺍﻣﻲ ﻛﺎﻣﺖ ﺩﻛﻮﻡ ﻭﺗﻮﻛﻊ ﺇﻟﻰ ﺃﻥ ﻭﺻﻠﻦ ﻭﺗﺤﺎﺿﻦ ﻭﺿﻠﻦ ﻳﺒﺠﻦ ﻭﺣﺪﻩ ﺗﺒﻮﺱ ﺑﺜﺎﻧﻴﻪ ﻭﺑﻌﺪﻳﻦ ﻃﻠﻌﻮ ﻣﻦ ﻛﻞ ﺑﻴﺖ ﺷﺨﺺ ﻭﺍﻟﺘﻤﻮﻭ ﺯﻟﻢ ﻭﻧﺴﻮﺍﻥ ﻓﻮﻙ ﺍﻣﻲ ﻭﺍﻣﻲ ﺗﺤﻴﺮ ﻋﻠﻴﻤﻦ ﺗﺼﺪ ﻭﺗﺒﺠﻲ
ﺑﺠﻴﺖ ﻣﻦ ﻛﻞ ﻛﻠﺒﻲ ﻭﺍﻟﻤﻮﻗﻒ ﻳﻘﺸﻌﺮ ﺍﻟﺒﺪﻥ ﺟﻨﺖ ﻣﺠﻠﺒﻪ ﺣﻴﻞ ﺑﻌﻤﻮ ﺑﻬﺠﺖ ﻭﺍﻣﻲ ﺑﻨﺼﻔﻬﻢ ﺍﺟﻪ ﺭﺟﺎﻝ ﺟﺒﻴﺮ ﺳﻠﻢ ﻋﻠﻰ ﻋﻤﻮﻭ ﺑﻬﺠﺖ ﻭﻳﻜﻠﻪ ﺗﻔﻀﻞ
ﺍﻟﻨﺴﻮﺍﻥ ﻛﻮﻣﻦ ﺍﻣﻲ ﻣﻦ ﺍﻟﻜﺎﻉ ﻋﻤﻮ ﺑﻬﺠﺖ ﺍﺷﺮﻟﻲ ﻋﻠﻴﻪ ﻋﻮﺩ ﻻﺗﻌﻮﻓﻴﻪ ﺗﻤﺸﻴﺖ ﻟﻴﻤﻬﻪ ﻭﻫﻴﻪ ﺻﺪﺕ ﻋﻠﻴﻪ..بيج قصص عراقيه حقيقيه من واقعنا.روعه الطائي
ﻣﺪﺗﻠﻲ ﺍﻳﺪﻩ ﺗﺮﻳﺪ ﺗﺤﺠﻲ ﻣﺘﻜﺪﺭ ﺗﻠﻬﺚ ﺟﻬﻪ ﺩﺭﻥ ﻋﺮﻓﺖ ﺭﺗﻔﻊ ﺳﻜﺮﻩ ﺍﺑﺠﻲ ﻭﺍﻛﻠﻪ ﻣﺎﻣﺎ ﻋﻔﻴﻪ ﻋﻞ ﻛﻴﻔﻔﺞ ﻭﻳﺎﻩ ﻧﻔﺴﺞ ﺍﻧﺘﻲ ﻣﺮﻳﻀﻪ ﻭﺍﻟﻨﺴﻮﺍﻥ ﻛﻠﻪ ﺗﺴﺌﻞ ﺍﻣﻲ ﻫﺎﻱ ﺑﻨﺘﺞ ﻭﺍﻣﻲ ﺗﻬﺰ ﺭﺍﺳﻪ ﺍﻱ
ﺍﻧﻮﺏ ﻟﺰﻣﻨﻲ ﻣﻦ ﺣﻀﻦ ﺍﻟﺤﻀﻦ ﻭﺍﻧﻲ ﺟﺎﻣﺪﻩ ﻭﻛﻞ ﺍﻟﺸﺎﻏﻞ ﺑﺎﻟﻲ ﺍﻣﻲ ﻭﺑﺲ ﺩﺧﻠﻨﻪ ﺟﻮﻩ ﻭﻛﺎﺩﻭ ﺍﻣﻲ ﻣﻦ ﺍﺩﻳﻪ ﻟﻐﺮﻓﻪ ﻭﺍﻧﻲ ﻭﺭﺍﻩ ﻭﺭﺍﻩ ﻣﻌﻔﺘﻪ ﺩﺧﻠﻨﻪ ﻟﻐﺮﻓﻪ ﻭﻧﺎﻳﻤﻪ ﺑﻴﻬﻪ ﻣﺮﻩ ﻃﺎﻋﻨﻪ ﺣﻴﻞ ﺑﻠﺴﻦ ﺍﻣﻲ ﺟﻴﺘﺖ ﻓﻮﻛﺎﻩ ﻭﺿﻠﺖ ﺗﺼﺮﺥ ﻭﺛﻨﻴﻨﻬﻦ ﻳﺒﺠﻦ ﻋﺮﻓﺖ ﻫﺎﻱ ﺑﻴﺒﻲ ﻭﻣﺒﻴﻨﻪ ﺑﻨﻔﺎﺳﻪ ﺍﻻﺧﻴﺮﻩ ﺗﻔﺘﺢ ﺑﺤﻠﻜﻪ ﻭﺗﺴﺪ ﻭﻣﺪﺭﻱ ﺷﺪﺩﻛﻮﻝ ﻣﻦ ﺍﻟﻬﻮﺳﻪ ﻣﺪﺍﺳﻤﻊ ﺑﺲ ﺻﻮﺕ ﺍﻣﻲ ﻭﺷﻬﻜﺎﺗﻪ ﻣﺴﻤﻮﻋﻪ ﻭﺗﺼﻴﺢ
ﻳﻤﻪ ﻣﺴﺎﻣﺤﻪ ﻭﻣﺤﻠﻠﻪ ﻭﻣﺎﻫﻮﺑﻪ ﻳﻤﻪ ﺍﻧﻲ ﺑﻨﻴﺘﺞ ﻣﻨﻰ ﺍﺟﻴﺘﺞ ﻭﻣﺎﺑﻜﻠﺒﻲ ﻋﻠﻴﺞ ﺷﺸﺸﻲ ﻳﻤﻪ ﻓﺪﻭﻩ ﻫﻤﺰﻳﻦ ﺷﻤﻴﺖ ﺭﻳﺤﺘﺞ ﺍﻱ ﺍﻱ ﺍﻧﻲ ﻣﺴﺎﻣﺤﺘﺞ ﻭﺟﻴﺖ ﺍﺷﻮﻓﺞ
ﻳﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻪ
ﺻﺮﺧﺖ ﺍﻣﻲ ﺭﺟﺖ ﺍﻟﺒﻴﺖ ﻣﻦ ﻃﻠﻌﺖ ﺭﻭﺡ ﺑﻴﺒﻲ ﻭﺍﻟﺒﻴﺖ ﻧﻜﻠﺐ ﻳﻌﻨﻲ ﺍﻣﻲ ﻟﺤﻜﺖ ﻋﻠﻰ ﺁﺧﺮ ﺩﻗﺎﻳﻖ ﻣﻦ ﻋﻤﺮ ﺑﻴﺒﻲ ﺻﺎﺭﺕ ﻫﻮﺳﻪ ﻭﻋﻴﺎﻁ ﻭﺍﻣﻲ ﻭﺧﺎﻻﺗﻲ ﻓﻘﺪﻥ ﻭﺍﻧﻲ ﺑﺰﺍﻭﻳﻪ ﺍﻟﻐﺮﻓﻪ ﺍﻳﺪﻱ ﻋﻠﻰ ﺣﻠﻜﻲ ﻛﺎﺗﻤﻪ ﺷﻬﻜﺎﺗﻲ ﻭﻛﻠﺒﻲ ﻣﺘﻔﻄﺮ ﻋﻠﻰ ﺍﻣﻲ ﻟﻤﺎﻟﺤﻜﺖ ﺗﺸﺒﻊ ﺑﺎﺍﻣﻪ
ﻣﺎﻋﺮﻑ ﺷﻜﺪ ﻣﺮ ﻭﻗﺖ ﻭﺑﺲ ﺍﻟﻬﻮﺳﻪ ﻭﺍﻟﻌﻴﺎﻁ ﻭﺍﻧﻲ ﻛﻞ ﻫﻤﻲ ﺍﻣﻲ ﻓﺘﺤﺖ ﺟﻨﻄﺘﻲ ﻃﻠﻌﺖ ﺣﺒﺎﻳﻪ ﻣﺎﻝ ﺿﻐﻂ ﻭﻣﺎﻝ ﺍﻟﺴﻜﺮ ﻛﻠﺖ ﻟﻴﺮﻭﺡ ﻳﺼﻴﺮ ﺑﻴﻬﻪ ﺷﻲ ﺑﺲ ﺍﻟﻤﺸﻜﻠﻪ ﺍﺭﻳﺪ ﻣﻲ ﻭﻳﻦ ﺍﻟﻜﺎﻩ ﻭﺍﻟﻤﻦ ﺍﻛﻮﻝ ﺑﻬﺎﻱ ﺍﻟﻬﻮﺳﻪ ﻭﻣﻨﻮ ﻳﺴﻤﻌﻨﻲ ﺍﺣﺴﻦ ﺷﻲ ﺍﺭﻭﺡ ﺍﻧﻲ ﻫﻴﻪ ﺧﺒﺼﻪ ﻭﺍﻟﺒﻴﺖ ﺍﻛﻴﺪ ﺑﻲ ﻣﻲ ﺍﻣﺸﻲ ﻭﺍﺷﻮﻑ ﺍﻟﻤﻄﺒﺦ ﻭﻳﻦ ﺍﺟﻴﺒﻠﻪ ﻛﻼﺹ ﻭﺍﺟﻲ ﺷﻨﻮ ﻗﺎﺑﻞ ﻓﺪ ﻣﻌﻀﻠﻪ
ﻃﻠﻌﺖ ﻣﻦ ﺍﻟﻐﺮﻓﻪ ﻭﻋﻔﺘﻬﻢ ﻳﻐﻄﻮﻥ ﻭﺟﻬﻪ ﺑﻴﺒﻲ ﺻﺎﺭ ﻣﻴﺰ ﻛﺒﺎﻟﻲ ﻛﻠﺖ ﺍﻱ ﻣﺒﻴﻦ ﻫﺬﺍ ﻣﻄﺒﺦ ﺩﺧﻠﺖ ﺻﺪﻙ ﻣﻄﺒﺦ ﺷﻠﺖ ﻛﻼﺹ ﻣﻦ ﺍﻟﻤﻴﺰ ﻭﻓﺘﺤﺖ ﺍﻟﺒﻮﺭﻱ ﺗﺮﺳﺘﻪ ﻭﺭﺣﺖ ﻻﺍﻣﻲ ﻛﻮﻩ ﺣﺼﺮﺗﻪ ﺑﺤﻀﻨﻲ ﻭﺣﻄﻴﺖ ﺍﻟﺤﺒﺎﻳﺎﺕ ﺑﺤﻠﻜﻪ ﻭﻫﻴﻪ ﻣﻠﺨﻪ ﻧﻔﺴﻪ ﺩﻙ ﻭﻟﻄﻢ ﺷﺮﺑﺘﻪ ﻭﺭﺟﻌﺖ ﺍﻟﻜﻼﺹ ﻋﻞ ﺳﻨﻚ ﻭﺑﺮﻩ ﻟﻤﻪ ﻣﺎﻝ ﺯﻟﻢ ﻧﺪﺍﺭﻳﺖ ﻣﺘﻮﺟﻬﻪ ﻟﻠﻐﺮﻓﻪ ﻭﻧﻠﻄﻤﺖ ﺑﺴﺨﺺ ﻳﺨﺎﺑﺮ ﻣﺎﺷﻔﺖ ﺷﻜﻠﻪ ﺑﺲ ﺟﻤﺪﺕ ﻭﺍﻧﻲ ﺍﺳﻤﻊ
ﺿﺮﺍﺭ ﺟﺪﺗﻲ ﻣﺎﺗﺖ ﺣﺎﻭﻝ ﺗﺠﻲ ﺑﺴﺮﻋﻪ ﺣﺘﻰ ﺗﻠﺤﻚ ﻋﻞ
ﺩﻓﻨﻪ
.
.
.
.
ﻳﺘﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤