هبت ريح

بارت45

ﻣﺴﺎﺀ ﺍﻟﺨﻴﺮ ﻋﻠﻰ ﺍﺣﻠﻰ ﻣﺘﺎﺑﻌﻴﻦ
ﺍﻟﺒﺎﺭﺕ ﺍﻟﺨﺎﻣﺲ ﻭﺍﻻﺭﺑﻌﻮﻥ ﻣﻦ
#ﻫﺒﺔ__ﺭﻳﺢ
،،،،،،،،،،،،،،،،،،،،،،،،،،،،،،،،،،،،،،

#رفل_الكناني
ﻟَﻘَﺪ ﻧﻤﺎ ﺣُﺒﻲّ ﻟَﻚِ ﻳﺎ ﻋَﺎﺷِﻘﺔ
ﺣَﺘَّﻰ ﺃﺻْﺒَﺢَ ﺷَﺠﺮﺓً ﺑﺎﺳِﻘﺔ
ﻭﺍﻟﺘﻬَﺒﺖْ ﻓﻲ ﺻَﺪْﺭﻱ ﻟَﻮْﻋَﺔُ ﺍﻟﺤَﻨِﻴﻦِ ﺍﻟﺤَﺎﺭِﻗَﺔ
ﻭﺑﺎﺗَﺖْ ﺭُﻭﺣِﻲ ﻓﻲ ﺑﺤْﺮِﻙِ ﻏَﺎﺭِﻗﺔ
ﺣُﺒُّﻚِ ﺭَﻭْﺿَﺔٌ ﻧَﺎﺿِﺮَﺓٌ ﻋَﺎﺑِﻘَﺔ
ﺗُﻨِﻴﺮُﻫَﺎ ﺃﺷِﻌَّﺔُ ﺷَﻤْﺴِﻚِ ﺍﻟﺒَﺎﺭِﻗَﺔ
ﺗُﺜِﻴﺮُ ﻧَﺒَﻀَﺎﺕ ﻗَﻠﺒﻲ ﺍﻟﺮَّﺍﺋِﻘَﺔ
ﻭﺗُﻨْﻌِﺶ ﺭُﻭﺣِﻲ ﺍﻟﻤﺘَﺸَﻮِّﻗﺔ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﺩﺧﻠﺖ ﺍﻟﻐﺮﻓﻪ ﺻﺎﺭﺕ ﺷﻴﻤﺎﺀ ﺑﻮﺟﻬﻲ ﻭﺍﻛﻔﻪ ﻋﻞ ﻣﻴﺰ ﺍﻟﻤﺮﺍﻳﻪ ﺭﻓﻌﺖ ﺗﻚ ﺣﺎﺟﺐ ﻧﺘﺮﺕ
ﺧﻴﺮ ﺷﻌﻨﺪﺝ ﺑﻐﺮﻓﺘﻲ
ﺑﺘﺴﻤﺖ ﺑﺒﺘﺴﺎﻣﻪ ﻛﺬﺍﺑﻪ ﻭﺷﺎﻟﺖ ﻗﻠﻢ ﺣﻤﺮﻩ ﻣﻦ ﺍﻟﻤﻴﺰ ﺗﺒﺎﻭﻉ ﻋﻠﻴﻪ ﻭﺗﺤﺠﻲ
ﺳﻼﻣﺘﺞ ﻣﺎﻋﻨﺪﻱ ﺷﻲ ﺑﺲ ﻣﺸﺎﻳﻔﻪ ﻏﺮﻓﺘﺞ ﻭﺣﺒﻴﺖ ﺍﺷﻮﻓﻪ
ﺗﻤﺸﻴﺖ ﺻﺮﺕ ﻛﺒﺎﻟﻪ ﺳﺤﺒﺖ ﺍﻟﻘﻠﻢ ﺣﻴﻞ ﺷﻤﺮﺗﻪ ﻋﻞ ﻣﻴﺰ ﺩﺭﺕ ﻭﺟﻬﻲ ﻭﺗﺨﻮﺻﺮﺕ ﻛﺘﻠﻪ
ﺍﻧﺘﻲ ﻋﺮﺳﻲ ﻣﺤﻀﺮﺗﻲ ﻭﺳﻼﻡ ﻣﺴﻠﻤﺘﻲ ﻋﻠﻴﻪ ﻫﺴﻪ ﺟﺎﻳﻪ ﺗﺸﻮﻓﻴﻦ ﻏﺮﻓﺘﻲ ﻋﻠﻰ ﺷﻨﻮ ﺑﻠﻪ
ﻧﺨﻄﻒ ﻟﻮﻧﻪ ﺑﻌﺪﺗﻨﻲ ﻣﻦ ﻛﺪﺍﻣﻪ ﺑﻴﺪﻩ ﻭﻛﻠﺘﻠﻲ ﺑﺮﺗﺒﺎﻙ
ﺷﺒﻴﺞ ﻫﺎﺟﺮ ﺗﺮﻩ ﺍﻧﺎ ﺑﻨﺖ ﺧﺎﻟﺞ ﻟﻴﺶ ﻫﻴﺞ ﺗﺤﺎﺟﻴﻨﻲ
ﺳﺘﻐﺮﺑﺖ ﻛﻼﻣﻪ ﺑﻬﻞ ﺣﻴﻠﻪ ﺑﺎﻭﻋﺖ ﻋﻞ ﻣﻜﺎﻥ ﻧﻀﺮﻩ ﺷﻔﺖ ﺧﺎﻟﻪ ﻧﻮﺭﻳﻪ ﻭﺍﻛﻔﻪ ﻭﺧﺎﺯﺭﺗﻪ ﺿﻠﻴﺖ ﺍﺑﺎﻭﻉ ﻋﻠﻴﻬﻢ ﺛﻨﻴﻨﻬﻢ ﺗﺎﻟﻲ ﺷﻴﻤﺎﺀ ﻋﺎﻓﺘﻨﻪ ﻭﻃﻠﻌﺖ ﺧﺎﻟﻪ ﻧﻮﺭﻳﻪ ﺩﺧﻠﺖ ﺍﻟﻐﺮﻓﻪ ﻭﺳﺪﺕ ﺍﻟﺒﺎﺏ ﻛﺎﻟﺖ
ﻫﺎﻱ ﺷﻌﺪﻩ ﺑﻐﺮﻓﺘﺞ
ﻣﺎﺩﺭﻱ ﻋﻤﻪ ﺍﻧﻲ ﺍﺟﻴﺖ ﻟﻜﻴﺘﻪ ﺑﻠﻐﺮﻓﻪ ﺷﺒﻴﺞ ﻫﻴﺞ ﺗﺒﺎﻋﻴﻦ ﻋﻠﻴﻬﺎ ﻭﻫﻴﻪ ﻟﻴﺶ ﻣﺘﻜﺪﺭ ﺗﺮﻓﻊ ﻋﻴﻨﻪ ﺑﻌﻴﻨﺞ ﻗﺒﻞ ﻣﺘﺠﻴﻦ ﺟﺎﻧﺖ ﺗﺤﺠﻲ ﺑﻜﻞ ﻭﻗﺎﺣﻪ
ﻫﺎﺟﺮ ﺿﺮﺍﺭ ﻛﺎﻟﺞ ﻗﺒﻞ ﻭﺍﻧﺎ ﻫﺴﻪ ﺍﺍﻛﺪ ﻋﻠﻴﺞ ﺷﻴﻤﺎﺀ ﻋﻜﺮﺑﻪ ﺻﻔﺮﻩ ﻻﺗﻨﻄﻴﻪ ﻣﺠﺎﻝ ﺩﻛﺮﺏ ﻣﻨﺞ ﻭﻻﺗﺼﺪﻛﻴﻦ ﺑﻴﻪ ﻭﻏﺮﻓﺘﺞ ﻻﺗﻌﻮﻓﻴﻬﺎ ﻣﻔﺘﻮﺣﻪ ﻭﺍﻟﺮﺍﻳﺢ ﻭﺍﻟﺠﺎﻱ ﻳﻔﻮﺕ ﺑﻴﻪ ﺑﻌﺪﺝ ﻣﺎﺗﻌﺮﻓﻴﻦ ﺍﻫﻠﻨﻪ ﻫﻨﺎ ﺗﺮﻩ ﻋﺪﻫﻢ ﻋﺎﺩﻱ ﻳﻔﻮﺗﻮﻥ ﺑﺪﻭﻥ ﺳﺘﺌﺬﺍﻥ
ﻣﻌﺮﻓﺖ ﺷﺘﻘﺼﺪ ﺧﺎﻟﻪ ﺧﻠﺘﻨﻲ ﻭﻃﻠﻌﺖ ﻃﻠﻌﺖ ﻭﺭﺍﻩ ﻣﺎﻟﻜﻴﺖ ﺷﻴﻤﺎﺀ ﻣﻜﺸﻮﺭﻩ ﺧﻠﺼﺖ ﺍﻟﻴﻮﻡ ﺑﻴﻨﻬﻢ ﻭﺑﺎﻟﻲ ﻛﻠﻪ ﻳﻢ ﺿﺮﺍﺭ ﺍﻟﻌﺼﺮ ﺧﺎﺑﺮﻧﻲ ﻛﻠﻲ ﺍﺣﺎﻭﻝ ﺍﺟﻲ ﺭﺣﺖ ﺳﺒﺤﺖ ﻭﺑﺪﻟﺖ ﻭﺗﻤﻜﻴﺠﺖ ﻭﻫﺴﻪ ﻳﺠﻲ ﻭﻫﺴﻪ ﻳﺠﻲ ﻏﻮﺭﺑﺖ ﻭﺿﻠﻤﺖ ﻭﻫﻮﻩ ﻣﺎﻛﻮ ﺧﺘﻨﻜﺖ ﺣﻴﻞ ﻭﺭﺣﺖ ﻛﻌﺪﺕ ﺑﻠﺤﺪﻳﻘﻪ ﻋﻞ ﻛﺮﺳﻲ ﺍﻫﺰ ﺑﺮﺟﻠﻲ ﻭﺍﻓﻜﺮ ﺑﻲ ﻓﻮﻙ ﺍﻟﺴﺎﻋﻪ ﻭﺧﺎﻟﻪ ﺭﺟﺎﺀ ﻣﺪﺕ ﺭﺃﺳﻪ ﺻﺎﺣﺖ
ﻫﺎﺟﺮ
ﺻﺪﻳﺖ .. ﻫﺎﺍ ﺧﺎﻟﻪ
ﻳﻤﻪ ﻓﻮﺗﻲ ﺟﻮﻩ ﺍﻟﺪﻧﻴﻪ ﺿﻠﻤﺖ ﻭﺍﻧﺘﻲ ﻋﺮﻭﺱ ﻣﻮﺯﻳﻦ ﻋﻠﻴﺞ ﺍﻟﻜﻌﺪﻩ ﺑﺮﻩ ﻻﺗﻨﺪﺍﺳﻴﻦ ﻛﻮﻣﻲ ﻳﻤﻪ
ﺧﺎﻟﻪ ﻣﻨﺘﻀﺮﻩ ﺿﺮﺍﺭ ﺑﻠﻜﺖ ﻳﺠﻲ
ﺗﻌﺎﻱ ﻛﻌﺪﻱ ﻳﻤﻲ ﻭﻟﻮ ﺍﺟﻪ ﻳﻨﻄﻴﺞ ﺧﺒﺮ ﻓﺪ ﻛﻮﻣﻲ
ﻛﻤﺖ ﻣﻘﻤﻮﺗﻪ ﺩﺧﻠﺖ ﺟﻮﻩ ﻛﻌﺪﺕ ﻳﻤﻬﻢ ﺑﺪﻭﻥ ﻭﺍﻫﺲ ﻭﻛﻠﺸﻲ ﺑﻴﻪ ﻣﻜﺴﻮﺭ ﻋﺒﺎﻟﻚ ﺿﺮﺍﺭ ﺍﺧﺬ ﻭﻳﺎﻩ ﺭﻭﺣﻲ ﻭﺭﺍﺡ ﺟﻠﻴﻠﻴﻪ ﺗﺒﺎﻭﻉ ﻋﻞ ﻣﻜﻴﺎﺟﻲ ﻭﺗﺘﻨﻬﺪ ﺭﻭﻧﻖ ﺣﺒﺎﺑﻪ ﻧﻮﻋﺎ ﻣﺎ ﻫﺎﺩﺀ ﻧﻄﻴﻪ ﺗﻠﻔﺰﻳﻮﻥ ﻭﻛﺎﻋﺪﻩ ﺑﻘﻴﺖ ﺍﺗﻜﺮﺿﻢ ﻋﺎﺩ ﻣﺘﺤﻤﻠﺖ ﺭﺣﺖ ﺧﺎﺑﺮﺗﻪ ﻭﺻﺪﻣﻨﻲ ﻣﻦ ﻛﻠﻲ
ﺣﺒﻴﺒﺘﻲ ﻣﺎﻛﺪﺭ ﺍﺟﻲ ﺭﺍﺡ ﺍﺑﺎﺕ
ﺿﺮﺍﺭ ﺗﺤﺠﻲ ﺻﺪﻙ ﻭﺍﻧﻲ
ﺑﻮﻳﻪ ﻣﻮﺑﻴﺪﻱ ﻫﺬﺍ ﺍﻟﺪﻭﻧﻲ ﻋﺎﻧﺪ ﻭﻻﺑﺪ ﺍﺳﺎﻳﺮﻩ ﻣﺠﺒﻮﺭ
ﺧﻨﻜﺘﻨﻲ ﺍﻟﻌﺒﺮﻩ ﺳﻜﺘﺖ
ﻫﺎﺟﺮ ﻻﺗﺰﻳﺪﻳﻪ ﻋﻠﻴﻪ ﺍﻧﺎ ﻟﺤﺎﻟﻲ ﻣﻄﺎﻳﻖ ﺭﻭﺣﻲ ﻣﺸﺘﺎﻛﻠﺞ ﻭﺑﺎﻟﻲ ﻳﻤﺞ ﺑﺲ ﻣﻦ ﻏﺼﺒﺎ ﻋﻠﻴﻪ ﻳﺸﻬﺪ ﺍﻟﻠﻪ
ﻫﺎﻫﻴﻪ ﺣﺒﻴﺒﻲ .. ﻛﻠﺘﻬﺎ ﻛﻮﻩ
ﺍﺧﺬ ﻧﻔﺲ ﻗﻮﻱ ﺯﻓﺮﻩ ﺑﻌﺪﻳﻦ ﻛﺎﻝ
ﻻ ﺗﻨﺎﻣﻴﻦ ﻭﺣﺪﺝ ﺑﻠﻐﺮﻓﻪ ﻧﺎﻣﻲ ﻭﻳﺎﻩ ﺍﻣﻲ ﻭﻋﻤﺘﻲ
ﺍﻱ
ﺑﻮﻳﻪ ﺷﺒﻴﺞ ﻛﻮﻩ ﺻﻮﺗﺞ ﻳﻄﻠﻊ ﻻﺗﻜﺪﺭﻳﻨﻲ ﻭﺍﻧﺎ ﻣﻜﺪﺭ
ﺣﺒﻴﺒﻲ ﻣﺎﺑﻴﻪ ﺷﻲ ﻻﻳﻀﻞ ﺑﺎﻟﻚ
ﺟﺎ ﺧﻮﺵ ﺍﻧﺎ ﻫﻢ ﺍﺭﺩ ﺍﺧﺎﺑﺮﺝ ﻋﻮﺩ
ﺍﻭﻙ
ﻓﻴﻤﺎﻟﻼ
ﺍﻟﻠﻪ ﻭﻳﺎﻙ
ﺳﺪﻳﺘﻪ ﻣﺘﺤﻤﻠﺖ ﺑﺠﻴﺖ ﻫﻮﻩ ﻋﺒﺎﻟﻚ ﺣﺲ ﺭﺟﻊ ﺩﻙ ﺃﻛﺜﺮ ﻣﻦ ﻣﺮﻩ ﻣﺠﺎﻭﺑﺖ ﻣﺮﺩﺕ ﺍﻗﻠﻘﻪ ﺭﺗﺤﺖ ﺷﻮﻳﻪ ﻣﺴﺤﺖ ﻭﺟﻬﻲ ﻭﻃﻠﻌﺖ ﻳﻤﻬﻢ ﺗﻌﺸﻴﻨﻪ ﻭﺑﺪﺕ ﺗﻌﺎﻟﻴﻠﻬﻢ ﻧﺎﺱ ﻃﺎﺑﻪ ﻭﻧﺎﺱ ﻃﺎﻟﻌﻪ ﻣﻲ ﻭﺟﺎﻱ ﻭﻓﻮﺍﻛﻬﻪ ﺭﻭﻧﻖ ﺗﺮﻛﺾ ﺑﺪﻭﻥ ﻋﺠﺰ ﻭﻛﻞ ﺷﻮﻳﻪ ﻣﺼﺨﺮﻳﻬﺎ ﻭﺍﻧﻲ ﻛﺎﻋﺪﻩ ﻭﺍﻳﺪﻱ ﻋﻞ ﺧﺪﻱ ﻃﺒﻌﺎ ﻫﻤﺎ ﻣﻦ ﺍﻭﻝ ﻳﻮﻡ ﺍﺟﻴﺖ ﻫﻴﺞ ﺑﺲ ﺍﻧﻲ ﺿﺮﺍﺭ ﺟﺎﻥ ﻣﻮﺟﻮﺩ ﻭﺟﻨﻪ ﻣﻨﻄﻠﻊ ﻣﻦ ﺍﻟﻐﺮﻓﻪ ﻫﻴﺞ ﻭﻗﺖ ﻟﻬﺬﺍ ﻣﻼﺣﻀﺖ ﻫﺬﺍ ﺍﻟﺸﻲ ﺟﻨﻪ ﻧﺴﻤﻊ ﺍﺻﻮﺍﺗﻬﻢ ﺁﺧﺮ ﺷﻲ ﺍﺟﺘﻲ ﺿﺤﻰ ﻣﻦ ﺷﻔﺖ ﺍﺑﻨﻪ ﻏﻴﺮﺕ ﻋﻠﻴﺎ ﺍﻟﻮﺩ ﻛﻠﻪ ﺍﺑﻴﺾ ﻭﻣﺪﻧﻔﺶ ﺫﻛﺮﻧﻲ ﺑﺴﻴﻮﻓﻲ ﺍﺑﻦ ﺍﺳﻴﻞ ﻛﻌﺪﺗﻪ ﺑﺤﻀﻨﻲ ﺑﻴﻘﺖ ﺍﺑﻮﺱ ﺑﻲ ﻭﺍﻟﻠﻌﺒﻪ ﻟﺤﺪ ﻣﺎﺗﻌﺐ ﻭﻫﻮﻩ ﺣﻴﺎﻝ ﻣﻴﺴﺘﻐﺮﺏ ﻣﺘﺖ ﻋﻠﻴﻪ ﻝ١٢ ﻳﺎﻟﻪ ﺭﺍﺣﻮ ﺟﻴﻜﺖ ﺍﻟﻔﻮﻥ ﻻﻣﻜﺎﻟﻤﻪ ﻭﻻﺭﺳﺎﻟﻪ ﺩﻛﻴﺖ ﻋﻠﻴﻪ ﻣﻐﻠﻖ ﺭﺣﺖ ﻟﻠﻐﺮﻓﻪ ﻛﻌﺪﺕ ﻭﺭﺍﺳﻲ ﺑﻴﻦ ﺭﺟﻠﻴﻪ ﻃﺎﻓﺮﻩ ﺭﻭﺣﻲ ﻧﺪﻛﺖ ﺍﻟﺒﺎﺏ ﻓﺘﺤﺘﻪ ﺧﺎﻟﻪ ﺭﺟﺎﺀ
ﻳﻤﻪ ﺭﺍﺡ ﺗﻨﺎﻣﻴﻦ
ﻫﺰﻳﺖ ﺭﺍﺳﻲ ﺍﻱ
ﺷﺮﺍﻳﺞ ﺗﻨﺎﻣﻴﻦ ﻳﻤﻨﻪ ﺧﺎﻑ ﺗﺴﺘﺎﺣﺸﻴﻦ ﻭﺣﻴﺪﺝ ﺑﻠﻐﺮﻓﻪ
ﺳﻜﺘﺖ ﺻﺪﻙ ﺍﻧﻲ ﺍﺧﺎﻑ ﺑﺲ ﺍﺳﺘﺤﻲ ﺍﻛﻮﻝ
ﺑﺘﺴﻤﺖ ﺗﻘﺮﺏ ﻳﻤﻲ .. ﻳﻤﻪ ﻣﻴﺨﺎﻟﻒ ﺯﻟﻤﺘﺞ ﻋﻞ ﺑﺎﺏ ﺍﻟﻠﻪ ﺍﺩﺭﻳﺞ ﻋﺮﻭﺱ ﻭﺍﻟﻤﻔﺮﺽ ﻣﺎﻳﻌﻮﻓﺞ ﻻﻛﻦ ﻣﺮﺍﺕ ﺍﻟﺒﺸﺮ ﻳﻨﺠﺒﺮ ﺟﺎ ﺷﻴﺮﻳﺪ ﻳﺴﻮﻱ ﻭﺍﺣﻨﺎ ﻳﻤﺞ ﺗﺮﺩﻳﻦ ﺗﻨﺎﻣﻴﻦ ﻳﻤﻨﻪ ﺗﺮﺩﻳﻦ ﺍﺩﺯﻟﺞ ﺧﺎﻟﺘﺞ ﻧﻮﺭﻳﻪ ﺗﻨﺎﻡ ﻳﻤﺞ
ﺗﻨﻔﺴﺖ ﻗﻮﻱ ﻗﺒﻞ ﻣﺘﻄﻔﺮ ﺩﻣﻌﺘﻲ ﻛﺘﻠﻪ .. ﻻﺧﺎﻟﻪ ﺍﻧﻲ ﺭﺍﺡ ﺍﺟﻲ ﺍﻧﺎﻡ ﻳﻤﻜﻢ
ﺍﻱ ﻓﺪﻭﻩ ﻟﻮﺟﻬﺞ ﺣﺘﻰ ﻻﻳﺒﻘﻰ ﺑﺎﻟﻲ ﻋﻠﻴﺞ
ﺳﺪﻳﺖ ﺍﻟﺒﺎﺏ ﻃﻠﻌﺖ ﻭﻳﺎﻫﻪ ﺧﺎﻟﻪ ﻧﻮﺭﻳﻪ ﺩﺗﻤﺪ ﺍﻟﻔﺮﺍﺵ ﺷﺎﻓﺘﻲ ﺭﻛﺼﺖ ﺣﻮﺍﺟﺒﻪ
ﺗﻌﺎﻱ ﺗﻌﺎﻱ ﺗﻌﺎﻱ ﻧﺎﻣﻲ ﺟﺎﺭﻱ ﺍﻟﻴﻮﻡ ﻓﺪ ﻫﺎﺍﺍ ﻣﻮ ﺑﻠﻴﻞ ﺗﻬﺠﻤﻴﻦ ﻋﻠﻴﻪ ﺣﺴﺒﺎﻟﺞ ﺿﺮﺍﺭ ﺗﺮﻩ ﺍﺷﻤﺮﺝ ﺑﻠﺤﻮﻟﻲ