هبت ريح

بارت2

#هبة__ريح

رقل الكناني

#بارت٢

ﺗﻐﻴﺮ ﺣﺎﺗﻢ ﻋﻠﻴﻪ ﻭﺻﺎﺭ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻳﻨﻚ ﻋﻞ ﺭﺍﺳﻲ ﻓﻼﻥ ﻋﻨﺪﻩ ﻭﻟﺪ ﻭﻋﻼﻥ ﻋﻨﺪﻩ ﺛﻨﻴﻦ ﻭﺍﻟﻴﻮﻡ ﺩﺍﺭﺿﻊ ﺿﺤﻰ ﻭﺩﺧﻞ ﻋﻠﻴﻪ ﻣﺰﻧﺒﺮ ﻭﻛﻒ ﻛﺒﺎﻟﻲ ﻭﻛﺎﻝ
ﺭﺟﺎﺀ ﺍﻧﻲ ﺍﺭﻳﺪﺍ ﻭﻟﺪ
ﻳﺎﺍﺍ ﺣﺎﺗﻢ ﺗﺤﺠﻲ ﺻﺪﻙ ﻭﺍﻧﻲ ﻣﻨﻴﻦ ﺍﺟﻴﺒﻠﻚ ﺍﻟﻮﻟﺪ ﺷﻨﻮ ﻳﺒﻴﻌﻮﻭ ﺩﺍﺭﻭﺡ ﺍﺷﺘﺮﻱ
ﻻﺗﺘﻤﻬﺰﻳﻦ ﻋﻠﻴﻪ ﺷﻮﻓﻴﻠﺞ ﺟﺎﺭﻩ ﻭﺣﺒﻠﻲ ﻭﺟﻴﺒﻠﻲ ﺍﻟﻮﻟﺪ
ﻻﺍﻟﻪ ﺍﻻ ﺍﻟﻠﻪ ﺍﺩﺭﻱ ﺍﻟﻮﻟﺪ ﺷﺮﺍﺡ ﻳﺴﻮﻳﻠﻚ ﺍﻳﺪﺧﻠﻚ ﺍﻟﺠﻨﻪ ﻗﺎﺑﻞ ﺑﻌﺪﻳﻦ ﺍﻧﻲ ﺣﺘﻰ ﺍﻷﺭﺑﻌﻴﻦ ﻣﻄﺎﻟﻌﺘﻪ ﺍﺩﺭﻱ ﻗﺎﺑﻞ ﺍﻧﻲ ﺑﺰﻭﻧﻪ ﻳﻮﻣﻴﻪ ﺧﺒﻼﻧﻪ ﻭﺟﺎﻳﺒﻪ ﺷﻮﻑ ﺷﺼﺎﻳﺮ ﺑﺤﺎﻟﻲ ﺣﻨﻲ ﻋﺠﻮﺯ ﻣﻦ ﻭﺭﺍﻩ ﺍﻟﻌﻴﺸﻪ ﻫﻨﺎ
ﺍﻧﻲ ﻣﺎﻋﻠﻴﻪ ﻫﺎﻱ ﻣﺸﻜﻠﺘﺞ ﻻﺗﻜﻠﺒﻴﻦ ﺍﻟﻤﻮﺿﻮﻉ ﻋﻞ ﻋﻴﺸﺘﻨﻪ ﺗﺮﺍﻧﻪ ﻋﺎﻳﺸﻴﻦ ﻭﺍﻟﺤﻤﺪ ﺍﻟﻠﻪ
ﻫﻒ ﺍﻟﺒﺎﺏ ﻭﻃﻠﻊ ﺧﻠﻴﺖ ﺍﻳﺪﻱ ﻋﻞ ﺧﺪﻱ ﻭﻛﻌﺪﺕ ﺑﻠﻪ ﻫﺬﺍ ﺷﺤﺎﺟﻲ ﺍﻟﻨﺎﺱ ﺗﺘﺤﺼﺮ ﻋﻞ ﺿﻨﻪ ﻭﻫﻮﻩ ﻣﺘﺒﻄﺮ ﺭﺑﻲ ﻋﺎﻳﻦ ﻋﻞ ﺣﺎﻟﻲ ﻭﺳﻮﻳﻠﻲ ﺟﺎﺭﻩ ﺧﻠﻴﺖ ﺿﺤﻰ ﺑﻔﺮﺍﺷﻪ ﺑﻌﺪ ﻣﻨﺎﻣﺖ ﻭﻧﺰﻟﺖ ﻟﻜﻴﺖ ﺍﻟﺴﻨﻚ ﻣﻠﻴﺎﻥ ﻣﻮﺍﻋﻴﻦ ﻣﻮ ﺟﺪﻳﺪﻩ ﻋﻠﻴﻪ ﻫﻮﻩ ﻣﻴﻔﺮﻍ ﺍﺑﺪ ﺗﺸﻠﻬﺖ ﻭﺑﺪﻳﺖ ﺍﻏﺴﻞ ﺍﻭﺍﺟﺎﻧﻲ ﺻﻮﺕ ﻋﻤﺘﻲ ﻣﻦ ﻭﺭﺍﻩ ﻭﻫﻴﻪ ﺩﻛﻮﻝ
ﻋﻴﻨﻲ ﻳﻠﺤﻀﺮﻳﻪ
ﻫﺎﺍﺍ ﻋﻤﻪ
ﺯﻫﺒﻲ ﻧﻔﺴﺞ ﻣﻦ ﺑﺎﺟﺮ ﺗﻄﻠﻌﻴﻦ ﻭﻳﺎﻩ ﺳﻠﻔﺎﺗﺞ ﻟﻠﺤﻠﺐ ﻭﻣﺮﺍﻋﺎﺕ ﺍﻟﺤﻼﻝ
ﺑﺲ ﻋﻤﻪ ﺍﻧﻲ ﺩﺍﻃﻠﻊ ﻟﻠﺤﺶ ﻭﺍﻟﺒﻴﺖ ﻛﻠﻪ ﻋﻠﻴﻪ ﻭﻋﻨﺪﻱ ﻃﻔﻠﻪ ﺯﻏﻴﺮﻩ ﺷﻠﻮﻥ ﺍﻋﻮﻓﻪ
ﻣﺎﻋﻠﻴﻬﻪ ﺷﻲ ﻛﻞ ﺍﻟﻌﺮﺑﺎﻥ ﻋﺪﻫﻢ ﻓﺮﻭﺥ ﺟﺎﺀ ﺑﺲ ﺍﻧﺘﻲ ﻳﺰﻱ ﻋﺎﺩ ﺧﺪﻩ ﻭﻧﻮﻡ
ﺣﺠﺘﻪ ﻭﻃﻠﻌﺖ ﻫﺎﻱ ﻛﻞ ﻋﻘﻠﻪ ﻳﻌﻨﻲ ﻋﺪﻫﻢ ﺍﻟﻴﻜﻌﺪ ﻭﻳﺎﻩ ﺍﻟﻔﺠﺮ ﻭﻳﻄﻠﻊ ﻳﺤﺶ ﻭﻳﺮﺟﻊ ﺍﻧﻮﺏ ﻋﻞ ﺑﻴﺖ ﻫﺬﺍ ﺑﺮﺍﺣﻪ ﻻﺯﻡ ﺍﺣﻮﻱ ﻭﺍﺣﺶ ﻭﺍﺣﻠﺐ ﻭﻫﻢ ﻣﺎﻗﺼﺮ ﺑﻠﺒﻴﺖ ﺍﺩﺭﻱ ﺍﻧﻲ ﺷﻨﻮ ﻣﻜﻴﻨﻪ ﺧﻮﻣﺎ ﻣﻜﻴﻨﻪ ﺍﻟﻴﻮﻡ ﻻﺯﻡ ﺃﺣﺎﺟﻲ ﺣﺎﺗﻢ ﺍﻧﻲ ﺻﺒﺮﻱ ﺑﺪﺍ ﻳﻨﻔﺬ ﻟﻠﻴﻞ ﻣﻨﺘﻀﺮﻩ ﺣﺎﺗﻢ ﻋﺒﺎﻟﻲ ﺭﺟﺎﻝ ﻭﺍﻟﻪ ﻛﻠﻤﻪ ﻭﺭﺍﺡ ﻳﻮﻛﻒ ﻭﻳﺎﻱ ﺑﺲ ﺻﺎﺭ ﺍﻟﻌﻜﺲ
ﺍﻛﻠﺞ ﺍﻧﺘﻲ ﺷﻨﻮﻭ ﻛﻞ ﺣﺎﺟﻴﻪ ﻭﺍﻟﺜﺎﻧﻴﻪ ﻭﻛﻠﺘﻲ ﺍﻫﻠﻚ ﻭﺍﻫﻠﻚ ﺷﺘﺮﺩﻳﻦ ﺍﺳﻮﻳﻠﺞ ﺍﺣﻄﺞ ﺑﺠﺎﻡ ﺧﺎﻧﻪ ﻭﺍﺗﻔﺮﺝ ﻋﻠﻴﺞ ﺳﻮﻱ ﻣﺜﻞ ﻣﻴﺮﺩﻭﻥ ﻭﺍﺳﻜﺘﻲ
ﺣﺎﺗﻢ ﺍﻧﺖ ﻟﻴﺶ ﻫﻴﺞ ﺗﻐﻴﺮﺕ ﻭﻻﺟﻨﻚ ﺣﺎﺗﻢ ﻛﺒﻞ
ﻻﺗﻐﻴﺮﺕ ﻭﻻ ﺷﻲ ﺑﺲ ﺍﻧﺘﻲ ﺻﺎﻳﺮﻩ ﻭﻻﺗﻨﺠﺮﻋﻴﻦ ﻭﺍﻟﻜﻌﺪﻩ ﻭﻳﺎﺝ ﺗﻜﺼﺮ ﺍﻟﻌﻤﺮ ﻫﺴﻪ ﺍﺳﻜﺘﻲ ﺧﻞ ﺍﻧﺎﻡ ﻭﻻﺩﺧﻠﻴﻨﻲ ﺑﻤﻌﻤﻌﻪ ﺍﻟﻨﺴﺎﻭﻳﻦ
ﺣﺎﺗﻢ ﺭﺍﻋﻲ ﺍﻟﻠﻪ ﺑﻴﻪ ﺑﻨﺎﺗﻚ ﻭﺍﻟﺒﻴﺖ ﻭﺍﻧﻮﺏ ﻃﻠﻌﺘﻮﻟﻲ ﺍﻟﺰﺭﻉ ﻭﺍﻟﺤﻼﻝ ﻭﺑﻨﺘﻚ ﺭﺿﻴﻌﻪ ﻋﻞ ﺻﺪﺭﻱ ﺷﻠﻮﻥ ﻳﻨﻄﻴﻚ ﻛﻠﺒﻚ ﺍﻋﻮﻓﻪ ﺑﻠﺴﺎﻋﺎﺕ
ﺟﻨﺖ ﺍﺣﺠﻲ ﻭﻫﻮﻩ ﻏﻄﻪ ﺭﺃﺳﻪ ﻭﻧﺎﻡ ﺍﻟﺠﺎﻥ ﺍﻟﺤﺎﻳﻂ ﺭﺩ ﺣﺎﺗﻢ ﻳﺮﺩ ﺧﻼﻧﻲ ﻣﺸﺘﻌﻠﻪ ﺑﻨﺎﺭﻱ ﻭﺣﺪﻱ ﻭﻣﺎﻏﻤﻀﺘﻠﻲ ﻋﻴﻦ ﺑﻨﺎﺗﻲ ﻧﺎﻣﻦ ﻭﺍﻧﻲ ﺍﻟﻨﻮﻡ ﺟﺎﻓﺎﻧﻲ ﻟﻠﻔﺠﺮ ﻛﻌﺪﺕ ﺿﺤﻰ ﻏﺴﻠﺘﻪ ﻭﺑﺪﻟﺘﻬﺎ ﻭﺭﺿﻌﺘﻪ ﺷﺒﻌﺘﻪ ﺣﺘﻰ ﻣﻦ ﺍﺭﻭﺡ ﻣﺘﻜﻌﺪ ﻧﻮﻣﺘﻪ ﻭﻧﺪﻫﺖ ﻭﺭﺩﻩ ﻭﻛﻌﺪﺕ ﺗﻔﺮﻙ ﺑﻌﻴﻮﻧﻪ
ﻭﺭﺩﻩ ﻳﻤﻪ ﺣﺒﻴﺒﺘﻲ ﺩﻳﺮﻱ ﺑﺎﻟﺞ ﻋﻞ ﺍﺧﺘﺞ ﺿﺤﻰ ﺍﺧﺎﻑ ﺗﻜﻌﺪ ﺍﻧﺰﻟﻲ ﺻﻴﺤﻲ ﻭﺣﺪﻩ ﻣﻦ ﻋﻤﺎﺗﺞ ﺍﻧﻲ ﺭﺍﻳﺤﻪ ﻟﻠﺰﺭﻉ ﺣﺘﻰ ﻣﻦ ﺍﺟﻲ ﺍﺳﻮﻳﻠﻜﻢ ﺭﻳﻮﻙ
ﻫﺰﺕ ﺭﺃﺳﻪ ﺍﻱ ﻭﺭﺟﻌﺖ ﻧﺎﻣﺖ ﻭﺍﻧﻲ ﺗﺤﺰﻣﺖ ﺑﻌﺒﺎﺗﻲ ﻭﺗﻠﺜﻤﺖ ﻭﻃﻠﻌﺖ ﻟﻜﻴﺖ ﺭﺿﻴﻪ ﻭﻓﺘﺨﺎﺭ ﻭﻣﻨﻰ ﻭﺑﻬﻴﻪ ﻫﻢ ﻣﺘﺤﻀﺮﺍﺕ ﻳﻌﻨﻲ ﻧﻮﺭﻳﻪ ﺗﻀﻞ ﺑﻠﺒﻴﺖ ﻭﺻﻴﺘﻪ ﻋﻞ ﺑﻨﺎﺗﻲ ﻭﻃﻠﻌﻨﻪ ﻭﺍﺗﻔﻘﻨﺎ ﻣﻦ ﺍﻟﻴﻮﻡ ﻳﻮﻣﻴﻪ ﻭﺣﺪﻩ ﺗﺒﻘﻰ ﺑﻠﺒﻴﺖ ﺗﻮﺟﻬﻨﺎ ﺍﻭﻝ ﺷﻲ ﻟﻠﺤﻠﺐ ﻭﺍﻧﻲ ﻣﺎﻋﺮﻑ ﻛﻤﺖ ﺍﺑﺎﻭﻉ ﺷﻴﺴﻮﻥ ﺍﺳﻮﻱ ﻭﺑﻌﺪﻳﻦ ﻟﻠﺤﺸﻴﺶ ﻭﺍﺧﺮ ﺷﻲ ﻟﻠﺤﻮﻱ ﺟﺎﻧﻮ ﺯﺍﺭﻋﻴﻦ ﺑﺎﻣﻴﻪ ﻭﻫﺬﺍ ﻣﻮﺳﻢ ﺣﻮﻳﻪ ﺷﺘﻐﻠﻨﺎ ﻟﺤﺪ ﻣﺎﻋﻠﺖ ﺍﻟﺸﻤﺲ ﻭﺩﻛﺘﻨﻪ ﻭﺍﻧﻲ ﺻﺪﺭﻱ ﻳﺬﺭ ﻭﻳﻌﻠﻦ ﻟﻮﻋﺔ ﺑﻨﺘﻲ ﺟﻮﻋﺎﻧﻪ ﻋﻠﻴﻪ ﺑﻠﺤﻀﺘﻪ ﻛﺮﻫﺖ ﺭﻭﺣﻲ ﻭﻛﺮﻫﺖ ﺍﻟﺴﺎﻋﻪ ﻟﺘﺰﻭﺟﺖ ﺑﻴﻪ ﻫﻴﺞ ﺯﻭﺍﺟﻪ ﻛﺸﺮﻩ ﺟﺎﺑﺘﻲ ﻟﻬﺬﺍ ﺍﻟﻀﻴﻢ ﻣﺎﺭﺟﻌﺖ ﺍﻝ ﻭﺍﻧﻲ ﺭﻭﺣﻲ ﻃﺎﻟﻌﻪ ﺃﻭﻝ ﻣﺎﻭﺻﻠﻨﺎ ﻟﻜﻴﺖ ﺿﺤﻰ ﻣﻔﺮﻓﺤﻪ ﻭ ﻭﺭﺩﻩ ﺗﻬﺰ ﺑﻴﻪ ﻭﺭﻏﺪ ﺑﻴﺪﻩ ﺍﻟﺰﻏﻴﺮﻭﻧﻪ ﺗﺼﻔﻜﻠﻪ ﺣﺘﻰ ﺗﺴﻜﺖ ﺍﺧﺬﺗﻪ ﻟﺤﻀﻨﻲ ﻭﻫﻴﻪ ﺍﻟﻮﺟﻬﻪ ﻣﻄﻌﻮﻥ ﻣﻦ ﺍﻟﺒﺠﻲ ﺭﺿﻌﺖ ﻭﻫﻴﻪ ﺗﺸﻬﻚ ﺳﺤﺒﺖ ﻛﻞ ﺫﺭﻩ ﺣﻠﻴﺐ ﻣﺤﻤﻠﻪ ﻭﺧﻒ ﺍﻻﻟﻢ ﻣﺎﻟﻪ ﺑﺲ ﺿﻞ ﺍﻟﻠﻢ ﺭﻭﺣﻲ ﺷﻠﻮﻥ ﻳﺮﻭﺡ ﻭﺍﻧﻲ ﺷﻬﻜﺘﻪ ﺩﻙ ﺑﻜﻠﺒﻲ ﻭﺍﻧﻲ ﺍﺗﺨﻴﻠﻪ ﻣﻦ ﺭﺣﺖ ﻋﻞ ﻫﺎﻱ ﺍﻟﺒﺠﻴﻪ ﺣﺘﻰ ﺩﻣﻮﻋﻲ ﺟﺮﻥ ﻭﺍﻧﻲ ﺃﺗﺨﻴﻞ ﻣﺴﺤﺖ ﻭﺟﻬﻲ ﺑﻌﺒﺎﺗﻲ ﺍﻟﻤﺎﻧﺰﻋﺘﻪ ﻭﻟﺘﻔﺘﺖ ﻋﻞ ﻭﺭﺩﻩ
بيج قصص عراقيه حقيقيه من واقعنا.روعه الطائي..ﻳﻤﻪ ﻟﻴﺶ ﻣﺎﺻﺤﺘﻲ ﻋﻤﺘﺞ
ﺧﻔﺖ ﺍﻧﺰﻝ ﻭﺍﻋﻮﻑ ﺭﻏﺪ ﻭﺣﻴﺪﻩ ﻛﻠﺖ ﺧﺎﻑ ﺗﻨﺰﻝ ﻭﺗﻮﻛﻊ
ﺣﺒﻴﺒﺘﻲ ﺟﺎﻥ ﺳﺪﻳﺘﻲ ﻋﻠﻴﻪ ﺍﻟﺒﺎﺏ ﺑﻴﻦ ﻣﺼﺤﺘﻲ ﻋﻤﺘﺞ
ﻣﺎﺩﺭﻱ ﻳﻤﻪ ﻣﻔﻜﺮﺕ
ﺧﻠﻴﺖ ﺷﻌﺮﻩ ﻭﺭﻩ ﺍﺫﻧﻪ ﻭﺍﺑﺎﻭﻉ ﻋﻞ ﻣﻼﻣﺤﻪ ﺑﻨﺖ ﺍﻟﺨﻤﺲ ﺳﻨﻮﺍﺕ ﺗﻔﻜﺮ ﺑﺎﺧﺘﻪ ﺍﺧﺎﻑ ﺗﻮﻛﻊ ﻭﻋﻤﺘﻲ ﻭﺣﺎﺗﻢ ﻣﻔﻜﺮﻭ ﺷﻠﻮﻥ ﻋﺎﻳﻔﻪ ﺟﻬﺎﻟﻲ ﻭﺣﺪﻫﻢ ﻭﻣﺮﺣﻤﻮﻭ ﺑﺤﺎﻟﻲ ﺿﺤﻰ ﻧﺎﻣﺖ ﻭﺍﻟﺪﻣﻌﻪ ﺑﻌﻴﻨﻪ ﺧﻠﻴﺘﻪ ﺑﻤﻜﺎﻧﻪ ﻭﻛﻤﺖ ﻟﻠﺤﻤﺎﻡ ﺳﺒﺤﺖ ﻭﺭﺟﻌﺖ ﻟﻤﻴﺖ ﺍﻟﻔﺮﺍﺵ ﻭﻧﺰﻟﺖ ﺑﻨﺎﺗﻲ ﺭﻳﻜﺘﻬﻢ ﻭﻣﺮ ﺍﻟﻴﻮﻡ ﻣﺜﻞ ﻛﻞ ﻳﻮﻡ ﻟﻠﻤﻐﺮﺏ ﺟﻨﺖ ﺍﺷﺠﺮ ﺍﻟﻨﺘﻮﺭ ﺍﻧﻲ ﻭﻣﻨﻰ ﺩﻧﺨﺒﺰ ﺻﺎﻳﺮ ﺑﺴﺎﺣﻪ ﺍﻟﺒﻴﺖ ﺑﻴﺘﻬﻢ ﺟﺎﻥ ﻣﺎﺑﻲ ﺳﻴﺎﺝ ﺑﺲ ﺻﻔﺤﻪ ﺣﺪﻳﻘﻪ ﻭﺻﻔﺤﻪ ﺳﺎﺣﻪ ﻓﺎﺭﻏﻪ ﻣﻮﺑﺲ ﻫﻤﻪ ﻛﻞ ﺍﻟﺒﻴﻮﺕ ﺍﻟﺪﺍﻳﺮ ﻣﺪﺍﻳﺮ ﻫﻴﺞ ﻳﻌﺘﺒﺮﻭﻥ ﻣﻜﺎﻧﻬﻢ ﻫﺬﺍ ﺑﺲ ﺍﻫﻞ ﻣﺎﺑﻴﻬﻢ ﻏﺮﻳﺐ ﺍﻧﻲ ﻭﻣﻠﺜﻤﻪ ﻭﻟﻤﺤﺖ ﺳﻴﺎﺭﻩ ﺑﺮﺍﺯﻳﻠﻲ ﻣﺪﺭﻱ ﻭﻳﻦ ﺷﺎﻳﻔﺘﻪ ﺟﺘﻲ ﺑﺘﺠﺎﻩ ﺑﻴﺘﻪ ﺿﻠﺖ ﻋﻴﻨﻲ ﻋﻠﻴﻪ ﺣﺴﻴﺖ ﺑﻴﻬﻪ ﺭﻳﺤﻪ ﻋﺰﺍﺯ ﻭﺻﺪﻙ ﺗﻮﺻﻞ ﻳﻤﻨﻪ ﻭﻳﻄﻠﻌﻮﻥ ﺑﻴﻪ ﺍﻣﻲ ﻭﺍﺑﻮﻳﻪ ﻳﺎﺑﻪ ﺭﻭﺣﻲ ﻃﺎﺭﺕ ﻭﺫﺑﻴﺖ ﺍﻟﻠﺜﺎﻡ ﻭﺭﻛﻀﺖ ﻋﻠﻴﻬﻢ ﺣﺮﺕ ﺍﻟﻤﻦ ﺍﺣﻀﻦ ﺑﻴﻬﻢ ﺻﺎﺭ ﺳﻨﻪ ﻭﻧﺺ ﻣﺸﺎﻳﻔﺘﻬﻢ ﺑﺲ ﺍﺧﺎﺑﺮﻫﻢ ﺑﻠﺸﻬﺮ ﻣﺮﻩ ﻋﻞ ﺍﺭﺿﻲ ﻧﺴﻴﺖ ﻧﻔﺴﻲ ﻭﻧﺴﻴﺖ ﻛﻠﺸﻲ ﻭﺩﻣﻮﻋﻲ ﺗﻜﺖ ﻭﺍﻧﻲ ﻻﺯﻣﺘﻬﻢ ﺛﻨﻴﻨﻬﻢ ﻭﻋﺎﻧﻲ ﻋﻤﻲ ﻣﻦ ﺍﺟﻪ ﻳﻤﺸﻲ ﻋﻞ ﻋﻮﺟﻴﻪ ﻭﻳﺼﻴﺢ ﻳﺎ ﻫﻼ ﻳﺎ ﻫﻼ ﺗﺴﺎﻟﻤﻮﻭ ﻫﻮﻩ ﻭﺍﻫﻠﻲ ﻭﺩﺧﻠﻨﺎﻫﻢ ﺟﻮﻩ ﻭﺍﻟﺴﺎﻳﻖ ﻭﻳﺎﻫﻢ ﺳﺒﺤﺎﻥ ﺍﻟﻠﻪ ﻫﺬﺍ ﺍﻟﺮﺟﺎﻝ ﺷﺎﻳﻔﺘﻪ ﺑﺲ ﻣﺎﺩﺭﻱ ﻭﻳﻦ ﺍﺣﺎﻭﻝ ﺃﺗﺬﻛﺮ ﺑﺲ ﻣﺎﻛﻮﻭ ﻭﻣﺎﺭﺗﺤﺖ ﺍﻝ ﺳﺎﻟﺖ ﺍﻣﻲ
ﻳﻤﻪ ﻫﺬﺍ ﺍﻟﺠﺎﻳﺒﻜﻢ ﻣﻨﻴﻦ
ﻳﺎﺍ ﺭﺟﺎﺀ ﻧﺴﻴﺘﻲ ﻫﺬﺍ ﺳﺎﻟﻢ ﺗﺬﻛﺮﻱ
ﻫﻮﻩ ﺍﻧﻲ ﺷﺎﻳﻔﺘﻪ ﺑﺲ ﻣﺪﺭﻱ ﻭﻳﻦ
ﺗﺬﻛﺮﻳﻦ ﻛﺒﻞ ﺟﺎﻥ ﻳﺠﻴﻨﻪ ﺭﺟﺎﻝ ﺷﺎﻳﺐ ﺃﻋﻤﻰ ﻳﺘﻌﻠﻞ ﻳﻢ ﺍﺑﻮﺝ ﻭﻳﺎﻩ ﻭﻟﻴﺪ ﻛﺎﻳﺪﻩ
ﺍﻱ ﺍﻱ ﺍﺗﺬﻛﺮﻩ ﺍﺑﻮ ﺳﺎﻟﻢ
ﻫﻬﻬﻬﻪ ﺍﻱ ﻫﻮﻩ ﻫﺬﺍ ﺳﺎﻟﻢ ﺧﻄﻴﻪ ﺍﻟﺸﺎﻳﺐ ﻣﺎﺕ ﻗﺒﻞ ﺳﻨﻪ ﻭﺗﺪﺭﻳﻦ ﺍﻣﻪ ﻫﻢ ﻣﻴﺘﻪ ﺿﻠﺖ ﺑﺲ ﺑﻨﺘﻬﻢ ﻫﻨﺎﺀ ﻣﺘﺰﻭﺟﻪ ﻭﻣﺴﺎﻓﺮﻩ ﻭﺍﺑﻮﺝ ﻛﻠﻪ ﻣﺪﺍﻣﻚ ﻭﺣﻴﺪ ﻭﺍﺣﻨﺎ ﻫﻢ ﻣﺎﻟﻨﻪ ﺃﺣﺪ ﺗﻌﺎﻝ ﻋﻴﺶ ﻳﻤﻨﻪ ﺧﻄﻴﻪ ﻣﺎﻛﺎﻝ ﻻ ﻭﺻﺎﺭﻟﻪ ﺳﺖ ﺃﺷﻬﺮ ﻋﺎﻳﺶ ﻳﻤﻨﻪ ﻭﻫﺴﻪ ﺳﻤﻊ ﺍﻧﺮﻳﺪ ﻧﺠﻲ ﻋﻠﻴﺞ ﻓﺠﺎﺑﻨﻪ
ﺧﻄﻴﻪ ﺍﻟﻠﻪ ﻳﻨﻄﻲ
ﻭﺍﻟﻠﻪ ﻳﻤﻪ ﺷﺎﻳﻠﻨﻪ ﺍﻟﺰﺍﻳﺪﻩ ﻭﺍﻟﻨﺎﻗﺼﻪ ﺑﻠﺒﻴﺖ ﻛﺎﺿﻴﻪ ﻫﻮﻩ ﺗﻌﺮﻓﻴﻦ ﺍﺑﻴﺞ ﻛﺒﺮ ﻭﺑﻌﺪ ﻣﺎﺑﻲ ﺣﻴﻞ ﻓﺘﺸﻮﻓﻲ ﺍﻟﻨﻬﺎﺭ ﻛﻠﻪ ﺍﻟﺒﻮﺭﻱ ﺍﻟﺨﺮﺑﺎﻥ ﺍﻟﻜﻠﻮﺏ ﺍﻟﻤﺤﺮﻭﻙ ﺍﻟﺮﻭﺣﻪ ﻟﻠﺴﻮﻙ ﻛﻠﻪ ﻫﻮﻩ ﺣﺘﻰ ﺣﺘﻰ ﺍﻟﻔﺠﺮ ﻳﻮﺻﻞ ﺍﺑﻮﺝ ﻟﻠﻤﺴﺠﺪ ﻻﻥ ﻧﻀﺮﻩ ﻣﻮ ﻫﻠﻜﺪ
ﺍﻟﻠﻪ ﻳﺠﺎﺯﻱ ﻛﻞ ﺧﻴﺮ ﻭﺍﻧﻲ ﻫﻨﺎ ﺷﺎﻳﻠﻪ ﻫﻤﻜﻢ ﺍﺛﺎﺭﻱ ﻳﻤﻜﻢ ﻣﻨﻮ ﻳﺪﺍﺭﻳﻜﻢ
ﺭﺑﺞ ﻣﻴﻜﻄﻊ ﻳﺴﺨﺮ ﺍﻝ ﻛﻞ ﺑﻨﻴﺎﺩﻡ ﻣﻦ ﻳﻌﻴﻨﻪ
ﺿﻠﻴﺖ ﺍﺳﻮﺍﻟﻒ ﻭﻳﺎﻩ ﺍﻣﻲ ﻭﻧﺴﻴﺖ ﺣﺘﻰ ﻣﻨﻰ ﻭﺍﻟﺨﺒﺰ ﻭﻳﻦ ﺍﻝ ﻓﻄﻨﺖ ﻭﺭﺣﺖ ﻟﻜﻴﺘﻪ ﻣﺨﻠﺼﻪ ﻭﺩﺗﺴﻮﻱ ﺑﻠﻌﺸﻪ
ﺑﻌﺪ ﻛﻠﺒﻲ ﻣﻨﻮﻩ ﺍﻋﺬﺭﻳﻨﻲ ﺧﻠﻴﺘﺞ ﻭﺣﻴﺪﺝ ﻭﺍﻟﻠﻪ ﻣﻦ ﺷﻔﺖ ﺍﻫﻠﻲ ﻧﺴﻴﺖ ﺭﻭﺣﻲ
ﻋﺎﺩﻱ ﻳﻌﻴﻨﻲ ﺷﻜﻮ ﻣﻨﻪ ﻣﻌﺬﻭﺭﻩ ﺑﺲ ﻛﻠﻴﻠﻲ ﻫﺬﺍ ﻟﺤﻠﻴﻮﻩ ﺍﻟﺠﺎﻳﺐ ﺍﻫﻠﺞ ﻣﻨﻴﻦ
ﻫﻬﻬﻬﻬﻬﻪ ﻻﺯﻡ ﻋﺠﺒﺞ
ﻭﺍﻟﻠﻪ ﺭﺟﻴﻮﻩ ﻣﻮﺵ ﺭﺟﺎﻝ ﺟﻨﻪ ﻛﻴﻤﺮ ﺍﻟﺴﺪﻩ ﻣﺎﺷﺎﻳﻔﻪ ﺑﺤﻼﺗﻪ ﺑﺪﻳﺮﺗﻨﻪ..ﻫﺬﺍ ﻛﺮﺍﻳﺐ ﺍﻣﻲ ﺍﺑﻦ ﻋﻤﺖ ﺃﺑﻮﻩ
ﺍﻟﻠﻪ ﻳﺤﻔﻀﻪ ﺷﻠﻮﻥ ﺟﻬﺮﻩ
ﺍﻥ ﺷﺎﻟﻠﻪ ﺍﻟﻠﻪ ﻳﺪﺯﻟﺞ ﻭﺍﺣﺪ ﻧﻔﺴﻪ
ﺭﻓﻌﺖ ﺍﺩﻳﻪ ﻭﻛﺎﻟﺖ ﺍﻣﻴﻦ ﻭﺍﻧﻲ ﺃﺿﺤﻚ ﻋﻠﻴﻪ ﻣﻨﻰ ﺍﻟﻮﺣﻴﺪﻩ ﺍﻟﺘﺨﺘﻠﻒ ﻋﻦ ﻛﻞ ﺍﻟﺒﻴﺖ ﻃﻴﺒﻪ ﻭﺣﺒﺎﺑﻪ ﻭﺟﺘﻤﺎﻋﻴﻪ ﻭﻟﺴﺎﻧﻪ ﻣﻌﺴﻮﻝ ﺿﻠﻴﻨﻪ ﻧﺴﻮﻱ ﺑﻠﻌﺸﺎ ﻭﺗﻌﺸﻴﻨﻪ ﻭﺑﻌﺪﻩ ﺍﺧﺬﺕ ﺍﻣﻲ ﻟﻐﺮﻓﺘﻲ ﻣﻦ ﺩﺧﻠﺖ ﺗﻔﺎﺟﺎﻩ ﺑﻴﻪ ﺧﺎﻟﻴﻪ ﻣﻦ ﺍﻟﻐﺮﺿﺎﻥ ﻭﺿﻠﺖ ﺗﺴﻞ ﺑﻴﻪ ﻟﻴﺶ ﻫﻴﺞ ﻭﺍﺷﻮﻭ ﺗﻌﺒﺎﻧﻪ ﻭﺟﻨﺞ ﻛﺒﺮﺍﻧﻪ ﺿﻌﺎﻑ ﻋﻤﺮﺝ ﺗﺘﻠﻤﺲ ﺍﺩﻳﻪ ﺍﻟﺨﺸﻨﻪ ﻭﻣﺘﻔﻄﺮﻩ ﻣﻦ ﺍﻟﺸﻐﻞ ﻭﻋﻴﻮﻧﻪ ﻣﻐﻮﺭﻛﻪ ﻣﺎﺭﺩﺕ ﺍﻗﻬﺮﻩ ﺿﻠﻴﺖ ﺍﺑﺮﺭ ﺍﻟﻌﻴﺸﻪ ﻫﻨﺎ ﻭﻫﻤﺘﻪ ﺍﻧﻲ ﻣﺮﺗﺎﺣﻪ ﺑﺲ ﻛﻠﺐ ﺍﻻﻡ ﻳﻌﻠﻢ ﻭﻣﻘﺘﻨﻌﺖ ﺧﺼﻮﺻﺎ ﻣﻦ ﺷﺎﻓﺖ ﺣﺎﻟﻲ ﺛﺎﻧﻲ ﻳﻮﻡ ﻭﺍﻧﻲ ﺟﺎﻳﻪ ﻣﻦ ﺍﻟﺰﺭﻉ ﺿﻠﺖ ﻻﺗﺎﺧﺬ ﻭﻻﺗﻨﻄﻲ ﻋﻴﻦ ﻋﻠﻴﻪ ﻭﻋﻴﻦ ﻋﻞ ﺑﻨﺎﺗﻲ ﻣﺎﻛﺪﺭﺕ ﻧﻔﺴﻲ ﺿﻠﻴﺖ ﻓﺮﺣﺎﻧﻪ ﺑﻴﻬﻢ ﻭﻣﺮﻥ ﺍﻟﻴﻮﻣﻴﻦ ﺍﻟﻀﻠﻮﻫﻦ ﻳﻤﻲ ﻣﺜﻞ ﻟﻤﺢ ﺍﻟﺒﺼﺮ ﻭﺭﺟﻌﻮ ﺍﻝ ﺑﻐﺪﺍﺩ ﺳﺒﻮﻉ ﻭﺭﻩ ﺭﺟﻌﺘﻬﻢ ﻭﺧﺎﺑﺮﺗﻨﻲ ﺍﻣﻲ ﻋﻞ ﺍﺭﺿﻲ ﻛﺎﻟﺖ ﻋﺠﺒﺘﻨﻲ ﻣﻨﻰ ﻭﺍﺭﻳﺪﻩ ﺍﻝ ﺳﺎﻟﻢ ﻭﺍﻟﻠﻪ ﺑﻴﻨﻲ ﻭﺑﻴﻦ ﻧﻔﺴﻲ ﻓﺮﺣﺖ ﻣﻨﻰ ﺗﺴﺘﺎﻫﻞ ﻭﻋﻴﺸﺖ ﺑﻐﺪﺍﺩ ﺗﻠﻮﻛﻠﻪ ﻭﺣﺘﻰ ﺳﺎﻟﻢ ﺧﻮﺵ ﺍﻧﺴﺎﻥ ﺩﺍﺭﺱ ﻭﻣﺜﻘﻒ ﺑﻨﻔﺲ ﺍﻟﻴﻮﻡ ﻓﺎﺗﺤﺖ ﺣﺎﺗﻢ ﻭﻫﻮﻩ ﻛﺎﻝ ﺍﻻﻫﻠﻪ ﻃﺎﺭﻭﻭ ﻣﻦ ﺍﻟﻔﺮﺡ ﻻﻥ ﺷﺎﻓﻮﺍ ﻫﻮﻩ ﺷﻨﻮ ﻣﻦ ﺍﺟﻰ ﻭﻣﻨﻰ ﻫﻢ ﻛﻴﻔﺖ ﻭﺭﺟﻌﺖ ﺧﺒﺮ ﺍﻻﻣﻲ ﺑﻤﻮﺍﻓﻘﺘﻬﻢ ﻛﺎﻟﺖ ﺑﺲ ﻳﻔﻀﻰ ﻧﺠﻲ ﻧﺨﻄﺒﻪ ﺭﺳﻤﻲ ﻃﺶ ﺍﻟﺨﺒﺮ ﺑﻴﻦ ﻋﻤﻮﻣﺘﻬﻢ ﺑﺎﻥ ﻣﻨﻰ ﺭﺍﺡ ﺗﺰﻭﺝ ﺑﻐﺪﺍﺩﻱ ﻭﺍﻟﺒﻨﺎﺕ ﻛﻠﻪ ﺣﺎﺳﺪﺗﻪ ﻭﻣﻨﺘﻀﺮﻳﻦ ﻳﺼﻴﺮ ﻋﺪﻧﻪ ﻋﺮﺱ ﺟﻨﺖ ﻓﺮﺣﺎﻧﻪ ﺍﻟﻤﻨﻰ ﻭﺳﺎﻟﻢ ﺑﻨﻔﺲ ﺍﻟﻮﻗﺖ ﺑﺲ ﺣﺎﺗﻢ ﻭﻳﻦ ﻳﺨﻠﻴﻨﻲ ﻣﺮﺗﺎﺣﻪ ﻛﺎﻡ ﻳﺪﻭﺱ ﺑﻤﺼﺎﺭﻳﻨﻲ ﻭﻳﺸﻮﻓﻨﻲ ﻭﻳﺸﻮﻑ ﺑﻨﺎﺗﻲ ﻳﺘﺨﺒﻞ ﺃﻳﺎﻡ ﻭﺍﻧﻲ ﺍﺧﺬ ﺑﻨﺎﺗﻲ ﻭﺍﺳﺪ ﺍﻟﺒﺎﺏ ﻋﻠﻴﻪ ﻭﻫﻮﻩ ﺟﻮﻩ ﻳﺤﻴﺮ ﺷﻴﺤﺠﻲ ﻭﺑﻨﺎﺗﻲ ﺻﺎﻓﻨﺎﺕ
ﻳﻤﻪ ﻫﺎﻱ ﺍﺑﻮﻳﻪ ﻋﻠﻴﻤﻦ ﻳﻐﻠﻂ
ﺍﺳﻜﺘﻮ ﻳﻤﻪ ﺍﻧﺘﻮ ﻣﺎﻋﻠﻴﻜﻢ
ﻳﻤﻪ ﺍﺑﻮﻱ ﻣﺎﻳﺤﺒﻨﻪ ﻣﺜﻞ ﻋﻤﻮ ﺭﺣﻴﻢ ﻭﻋﻤﻮ ﻛﺮﻳﻢ ﻭﻋﻤﻮ ﺭﺷﺪﻱ ﻛﻠﻬﻢ ﻳﺤﺒﻮﻥ ﺟﻬﺎﻟﻬﻢ ﺑﺲ ﺍﺑﻮﻱ ﻣﺎﻳﺤﺒﻨﻪ
ﻭﺭﺩﻩ ﺣﺒﻴﺒﺘﻲ ﻣﺎﻛﻮ ﺍﺏ ﻣﻴﺤﺐ ﺃﻭﻻﺩﻩ ﺑﺲ ﻫﻮﻩ ﻋﺼﺒﻲ ﻭﺟﺎﻱ ﻣﻦ ﺍﻟﺸﻐﻞ ﺗﻌﺒﺎﻥ ﺑﻌﺪﻳﻦ ﺍﻧﻲ ﺍﺣﺒﻜﻢ ﻫﺬﺍ ﻣﻴﻜﻔﻲ
ﺑﺘﺴﻤﺖ ﻭﻛﺎﻟﺖ
ﻳﻤﻪ ﻟﻴﺶ ﻣﻨﻌﻴﺶ ﺑﻴﺖ ﺟﺪﻭ ﺧﻠﻴﻞ ﻭﺑﻴﺒﻲ ﺯﻛﻴﻪ
ﺗﻨﻬﺪﺕ ﻭﻛﻠﺖ ﺑﻜﻠﺒﻲ ﻏﻴﺮ ﻟﻮ ﺗﺮﻫﻢ ﺩﻗﻴﻘﻪ ﻣﺎﺍﺑﻘﻰ ﺑﺲ ﺍﻛﻴﺪ ﻳﺄﺧﺬﻭﻥ ﻣﻨﻲ ﺑﻨﺎﺗﻲ ﻭﺍﻧﻲ ﺍﻣﻮﺕ ﺑﻠﻴﺎﻫﻦ ﻫﻤﻪ ﻣﻤﻴﺘﻴﻦ ﻋﻠﻴﻪ ﺑﺲ ﺣﺘﻰ ﻳﺤﺮﻛﻮﻥ ﻛﻠﺒﻲ
ﻳﻤﻪ ﻭﻳﻦ ﺻﻔﺘﻨﻲ
ﺣﺒﻴﺒﺘﻲ ﻋﻮﻓﻲ ﻫﺬﺍ ﺍﻟﻜﻼﻡ ﻣﺎﻝ ﻟﻜﺒﺎﺭ ﻣﻴﺮﻫﻢ ﻧﻌﻮﻑ ﺍﺑﻮﺝ ﻣﺤﺪ ﺭﺍﺡ ﻳﻘﺒﻞ ﻻﺗﺤﺠﻴﻦ ﻛﺪﺍﻡ ﺃﺣﺪ ﻫﺬﺍ ﺍﻟﺤﺠﻲ ﻭﻫﺴﻪ ﺍﻧﺴﻲ ﻫﺎﻱ ﺍﻟﺴﺎﻟﻔﻪ ﺍﻧﻲ ﺧﻴﻄﺘﻠﺞ ﺑﺪﻟﻪ ﺗﺨﺒﻞ ﺗﻠﺒﺴﻴﻪ ﺑﻌﺮﺱ ﻋﻤﻪ ﻣﻨﻰ
ﺑﺘﺴﻤﺖ ﻭﺑﺎﺳﺘﻨﻲ ﻭﺍﻧﻲ ﺍﺩﻋﻲ ﺍﻟﻠﻪ ﻳﻬﺪﻱ ﺣﺎﺗﻢ ﻋﻠﻴﻪ ﻭﻋﻞ ﺑﻨﺎﺗﻪ ﺑﺲ ﻭﻳﻦ ﻭﻋﻤﺘﻲ ﻭﺭﺍﻩ ﺃﻳﺎﻡ ﻣﺮﺕ ﻭﺍﻧﻲ ﺻﺎﺑﺮﻩ ﻭﻣﺘﺤﻤﻠﻪ ﻛﻠﻪ ﻟﺨﺎﻃﺮ ﺑﻨﺎﺗﻲ ﻭﻣﻨﻰ ﺧﻄﺒﻪ ﺳﺎﻟﻢ ﻭﺭﺍﺩ ﺍﻟﻌﺮﺱ ﻳﻜﻮﻥ ﺑﻴﺖ ﺍﻫﻠﻲ ﺑﻐﺪﺍﺩ ﻛﺎﻝ ﺍﻟﻄﺮﻳﻖ ﺑﻌﻴﺪ ﻣﻨﻠﺤﻚ ﻧﺠﻲ ﻧﺎﺧﺬﻩ ﻭﻧﺮﺟﻊ ﻭﺑﺪﺕ ﻣﻨﻰ ﺗﺠﻬﺰ ﻭﺍﻧﻲ ﻣﺎﻋﻔﺘﻪ ﻣﺎﻋﻠﻴﻪ ﺑﺤﺎﺗﻢ ﻭﺍﻣﻪ ﺍﻟﺒﻨﻴﻪ ﺯﻳﻨﻪ ﻭﻳﺎﻱ ﻭﺣﺎﺗﻢ ﻭﺍﻣﻪ ﺍﻛﻮ ﻣﻮﺍﻝ ﺑﺮﺍﺳﻬﻢ ﻣﺎﻋﺮﻓﺘﻪ ﻻﻥ ﻗﺒﻞ ﻋﺮﺱ ﻣﻨﻰ ﺑﺴﺒﻮﻉ ﺻﺎﺭ ﻫﺪﻭﻯ ﻻﺣﺎﺗﻢ ﻋﻠﻴﻪ ﺑﻴﻪ ﻭﻻﺣﺘﻰ ﻋﻤﺘﻲ ﻛﻠﺖ ﻳﺎﻟﻠﻪ ﺟﻨﻬﻢ ﻏﺰﺭ ﺑﻴﻬﻢ ﺍﻫﻠﻲ ﺟﺎﺑﻮﻟﻬﻢ ﻋﺮﻳﺲ ﺍﻧﻲ ﺍﺩﺭﻱ ﺷﻤﻀﻤﻮﻣﻠﻲ ﻟﻮ ﺍﺷﻢ ﺍﻳﺪﻱ ﻃﻠﺒﻮ ﻣﻨﻲ ﺍﺭﻭﺡ ﻭﻳﺎﻩ ﻣﻨﻰ ﻭﺣﺎﺗﻢ ﻛﻠﻲ ﺍﺑﻘﻲ ﺷﻜﺪ ﻣﺘﺮﺩﻳﻦ ﻳﻢ ﺍﻫﻠﺞ ﺍﺭﺗﺎﺣﻲ ﻭﺍﻧﻲ ﻣﺎﺻﺪﻛﺖ ﻟﻤﻴﺖ ﻏﺮﺍﺿﻲ ﻭﺟﻬﺎﺯ ﻣﻨﻰ ﺍﻟﻲ ﺳﻮﺕ ﺣﻨﻪ ﺑﻴﺖ ﺃﻫﻠﻪ ﻭﺛﺎﻧﻲ ﻳﻮﻡ ﻏﺒﺸﻨﻪ ﺍﻝ ﺑﻐﺪﺍﺩ ﻭﺻﻠﻨﺎ ﺭﺷﺪﻱ ﻭﺑﻘﻴﻨﻪ ﻳﻮﻣﻴﻦ ﺑﻴﺖ ﺍﻫﻠﻲ ﺭﺗﺎﺣﻴﻨﻪ ﻣﻦ ﺍﻟﻄﺮﻳﻖ ﻭﺗﻌﺒﻪ ﻭﻳﻮﻡ ﺛﺎﻟﺚ ﺭﺣﻨﻪ ﻟﺒﻴﺖ ﺳﺎﻟﻢ ﻣﻨﻰ ﺷﺎﻓﺖ ﺍﻟﺒﻴﺖ ﺟﺎﻥ ﻣﺮﺗﺐ ﻭﻋﻞ ﻛﺪﻫﻢ ﻭﻛﻀﻴﻨﻪ ﺷﻜﻢ ﺷﻐﻠﻪ ﻧﺎﻗﺼﻪ ﺑﻲ ﻭﺑﻌﺪﻩ ﺭﺣﻨﺎ ﺣﺠﺰﻧﺎﻟﻪ ﺑﺪﻟﻪ ﻭﺻﺎﻟﻮﻥ ﻭﺭﺟﻌﻨﻪ ﺍﻣﻲ ﻣﺎﻗﺼﺮﺕ ﻭﻳﺎﻩ ﺳﺎﻟﻢ ﺻﺎﺭﺗﻠﻪ ﺍﻡ ﻭﺍﺧﺘﻪ ﻫﻢ ﺍﺟﺘﻲ ﻋﻠﻤﻮﺩﻩ ﻭﻋﺰﻣﻨﻪ ﻛﺮﺍﻳﺒﻨﻪ ﻭﺳﻮﻳﻨﻪ ﺫﻳﺞ ﺍﻟﺰﻓﻪ ﻟﻤﻌﺪﻟﻪ ﻭﺭﺍﺣﺖ ﻣﻨﻰ ﻟﺒﻴﺖ ﺭﺟﻠﻪ ﻭﻫﺴﻪ ﺍﺟﻪ ﺩﻭﺭﻱ ﺣﺘﻰ ﺍﺭﺗﺎﺡ ﺷﻜﺪ ﻣﺎﺟﻨﺖ ﺑﺰﻋﺎﻧﻪ ﻣﻦ ﻋﻴﺎﻟﻲ ﺑﻘﻴﺖ ﺷﻬﺮ ﻭﻋﺸﺮﻳﻦ ﻳﻮﻡ ﻳﻢ ﺍﻫﻠﻲ ﻭﺣﺎﺗﻢ ﻧﻮﺑﺘﻴﻦ ﺧﺎﺑﺮ ﻋﻠﻴﻨﻪ ﻭﻛﻞ ﻧﻮﺑﻪ ﻳﻜﻮﻝ ﺍﺑﻘﻲ ﺗﺮﻩ ﺑﻌﺪ ﻣﺎﺟﻴﺒﺞ ﻫﻠﻜﺪ ﻣﺪﻩ ﺍﺑﻘﻲ ﻗﺎﺑﻞ ﻫﻤﻪ ﺑﺼﻔﻨﻪ ﻭﺍﺟﻴﺒﺞ ﻛﻞ ﺷﻬﺮ ﺟﻨﺖ ﻣﻦ ﺍﺳﻤﻊ ﻫﻴﺞ ﺍﺑﻘﻰ ﻻﻥ ﻣﻦ ﺃﺗﺬﻛﺮ ﺍﻟﻀﻴﻢ ﻟﻬﻨﺎﻙ ﻛﻠﺒﻲ ﻳﻮﺟﻌﻨﻲ ﻫﻨﺎ ﻣﺮﺗﺎﺣﻪ ﻋﻞ ﺁﺧﺮ ﺣﺘﻰ ﻧﻮﻡ ﺷﺒﻌﺎﻧﻪ ﻭﻋﺎﻓﻴﺘﻲ ﺭﺩﺗﻠﻲ ﻭﺍﻟﺪﻡ ﻣﺸﻰ ﺑﻌﺮﻭﻛﻲ ﻭﺑﻨﺎﺗﻲ ﻣﺮﺗﺎﺣﺎﺕ ﻭﻳﻠﻌﺒﻦ ﺑﻬﺪﻭﻯ ﻻﻳﻤﻪ ﺍﻳﻤﻦ ﺿﺮﺑﻨﻲ ﻫﺎﻱ ﻭﺭﺩﻩ ﻫﻴﻪ ﻭﺍﺑﻦ ﺭﺣﻴﻢ ﻋﺪﺍﻭﻩ ﻭﻻﻳﻤﻪ ﻏﻔﺮﺍﻥ ﻛﺴﺮﺕ ﻟﻌﺎﺑﺘﻲ ﻫﺎﻱ ﺭﻏﺪ ﻫﻴﻪ ﻭﺑﻨﺖ ﺭﺷﺪﻱ ﺭﺍﺳﻲ ﺑﺎﺭﺩ ﻣﻦ ﻓﻼﻥ ﻭﻋﻼﻥ ﺑﺲ ﻻﺑﺪ ﻳﺠﻲ ﻳﻮﻡ ﻭﺃﺭﺟﻊ ﻭﻓﻌﻼ ﺭﺟﻌﺖ ﺻﺎﺭﺕ ﺟﻴﻪ ﻟﻜﺮﻳﻢ ﻟﺒﻐﺪﺍﺩ ﻭﺣﺎﺗﻢ ﻣﻮﺻﻲ ﻳﻤﺮ ﻋﻠﻴﻪ ﻭﺻﻠﻨﺎ ﺍﻟﺒﻴﺖ ﻭﺳﻠﻤﺖ ﻋﻠﻴﻬﻢ ﻭﺣﺎﺗﻢ ﺍﺧﺬﻧﻪ ﺑﺤﻀﺎﻧﻪ ﻭﺑﻌﺪﻩ ﻋﻞ ﻫﺪﻭﻩ ﻭﺍﺣﺲ ﺑﻌﻴﻮﻧﻪ ﻛﻼﻡ ﻣﻴﻜﺪﺭ ﻳﺤﺠﻲ ﻛﻢ ﻣﺮﻩ ﺳﺄﻟﺘﻪ ﺣﺎﺗﻢ ﺷﺒﻴﻚ ﻭﻳﺠﺎﻭﺑﻨﻲ ﻛﻠﺸﻲ ﻣﺒﻴﻪ ﺷﻬﺮ ﻭﺭﻩ ﺭﺟﻌﺘﻲ ﻭﺍﻧﻲ ﻛﻠﺒﻲ ﻣﻤﺮﺗﺎﺡ ﻟﻬﺬﺍ ﺍﻟﻬﺪﻭﻯ ﺍﻝ ﻋﺪ ﺣﺎﺗﻢ ﻣﻨﻰ ﻋﺰﻣﻮﻩ ﻭﺍﺟﺘﻲ ﻳﻮﻡ ﻭﺍﺣﺪ ﺟﺎﻥ ﻣﺒﻴﻦ ﻋﻠﻴﻪ ﺍﻟﺮﺍﺣﻪ ﻭﺍﻟﻌﺰ ﻭﻋﻤﺘﻲ ﺳﻤﻌﺘﻪ ﺗﺴﺄﻟﻪ ﺳﺎﻟﻢ ﺷﻌﻨﺪﻩ ﻣﺎﻋﻨﺪﻩ ﺃﻣﻼﻙ ﻭﻫﻴﻪ ﺍﺟﺎﻭﺑﻪ ﺑﻠﻲ ﺗﻌﺮﻓﻪ ﻭﺍﻧﻲ ﺍﻟﻲ ﺍﻋﺮﻓﻪ ﺳﺎﻟﻢ ﻣﺎﻋﻨﺪﻩ ﻏﻴﺮ ﺍﻟﺒﻴﺖ ﺍﻟﻲ ﺳﺎﻛﻨﻴﻦ ﺑﻲ ﻭﻫﺎﻱ ﺍﻟﺴﻴﺎﺭﻩ ﻭﺿﻴﻔﺘﻪ ﺑﻤﻌﻤﻞ ﺍﻟﻨﺴﻴﺞ ﻭﺛﺎﻧﻲ ﻳﻮﻡ ﺍﻟﻲ ﺭﺍﺣﺖ ﻣﻨﻰ ﻭﺑﻠﺼﺪﻓﻪ ﺍﺿﻬﺮ ﻧﺰﻟﺖ ﻭﺭﻩ ﻣﻨﻮﻣﺖ ﺍﻟﺒﻨﺎﺕ ﻭﻋﻞ ﺩﺭﺝ ﻭﺍﻧﻲ ﺷﺎﻳﻠﻪ ﺳﻠﺖ ﻫﺪﻭﻣﻬﻦ ﻭﺻﻠﺖ ﻏﺮﻓﻪ ﻋﻤﺘﻲ ﺍﻟﻲ ﺑﺼﻒ ﺍﻟﺤﻤﺎﻡ ﻭﻗﺒﻞ ﻣﺎﺗﻌﺪﺍﻩ ﺳﻤﻌﺖ ﺻﻮﺕ ﺣﺎﺗﻢ ﻳﻤﻪ ﻛﻠﺖ ﺷﺠﺎﺑﻪ ﻫﻮﻩ ﻣﺎﻳﺠﻲ ﻫﻴﺞ ﻭﻛﺖ ﻟﻼﺭﺑﻌﻪ ﺍﻝ ﺍﻟﻮﻟﺪ ﻳﺮﺟﻌﻮﻥ ﻳﺎﻟﻪ ﻳﺠﻲ ﻋﻮﺩ ﻳﺴﻮﻥ ﺗﺒﺎﺩﻝ ﺍﻟﻜﻼﻡ ﺍﻟﺴﻤﻌﺘﻪ ﻛﻌﺪﻧﻲ ﺑﻤﻜﺎﻧﻲ ﻭﺷﻞ ﺣﺮﻛﺘﻲ..بيج قصص عراقيه حقيقيه من واقعنا.روعه الطائي
ﺣﻮﻳﺘﻢ ﺍﺷﻮ ﺳﺎﻛﺖ ﻻﺗﻮﺭﻃﻨﻲ ﻭﻳﺎﻩ ﺍﻟﻌﺎﻟﻢ ﺑﻌﺪ ﻣﺎﺧﻄﺒﺖ ﺑﺘﻬﻢ ﻭﺻﺎﺭ ﻓﻮﻙ ﺍﻟﺸﻬﺮ ﻣﻨﺘﻀﺮﻳﻦ
ﻳﻤﻪ ﺍﺻﺒﺮﻱ ﺑﻠﻜﺖ ﺭﺟﺎﺀ ﺗﻄﻠﻊ ﺣﺎﻣﻞ ﻭﺑﻠﻜﺖ ﺗﺠﻴﺐ ﺍﻟﻮﻟﺪ
ﻭﻟﻚ ﻳﻤﺼﺨﻢ ﺣﺘﻰ ﻟﻮ ﺣﺎﻣﻞ ﻣﺎﺗﺠﻴﺐ ﺍﻟﻮﻟﺪ ﻟﻮ ﺗﻨﻂ ﻫﺎﻱ ﺑﺰﺭﺗﻪ ﺑﺲ ﺑﻨﺎﺕ ﻭﻟﻚ ﺗﺮﻳﺪ ﺗﺒﻘﻰ ﺗﺴﻄﺮ ﺑﻨﺎﺕ ﻭﻟﻚ ﻣﻮ ﻣﺤﺪ ﺗﺄﺧﺬﻙ ﺷﻮﻑ ﺭﺍﺳﻚ ﺷﻠﻮﻥ ﺍﻟﺸﻴﺐ ﻏﺰﺍﻩ ﻭﺍﻧﺖ ﻳﻨﺎﺩﻭﻙ ﺍﺑﻮ ﺍﻟﺒﻨﺎﺕ
ﻳﻤﻪ ﻭﺭﺟﺎ ﺷﻠﻮﻥ ﺑﻴﻪ
ﺷﻜﻮﻭ ﻋﻠﻴﻪ ﺧﻠﻴﻪ ﻋﻞ ﺑﻨﺎﺗﻪ ﻭﺍﻧﺖ ﺟﻴﺐ ﺍﻟﻲ ﺗﺠﻴﺒﻠﻚ ﺍﻟﻮﻟﺪ
ﻻ ﻳﻤﻪ ﻣﺎﻛﺪﺭ
ﺟﺎﺀ ﺷﻨﻲ ﻣﺎﻛﺪﺭ ﺍﻧﺖ ﺣﺮﻣﻪ ﻫﺎﻱ ﺍﺯﻻﻡ ﺍﻟﺴﻠﻒ ﻛﺪﺍﻣﻚ ﻛﻠﻤﻦ ﻣﺄﺧﺬ ﺛﻨﻴﻦ ﻭﺗﻼﺛﻪ ﺍﻧﺖ ﺷﻤﺎﻟﻚ ﺯﻳﻦ ﺍﻧﻲ ﻋﻨﺪﻱ ﺍﻟﻚ ﺭﺃﻱ ﻭﺍﻧﻲ ﻣﺘﻮﻛﺪﻩ ﺭﺍﺡ ﺗﻮﺍﻓﻖ ﻋﺒﻦ ﺍﺑﻨﻲ ﺍﻭﻋﺮﻓﻚ ﺗﻤﻮﺕ ﻋﻞ ﻓﻠﻮﺱ
ﺷﻨﻬﻮ ﻫﻮﻩ
ﺍﻧﻲ ﻋﻨﺪﻱ ﻭﺻﻴﻪ ﺍﺑﻮﻙ ﻣﺎﻝ ﻛﻞ ﺍﻻﻣﻼﻙ ﺷﻮﻓﺖ ﻋﻴﻨﻚ ﻫﻮﻩ ﺭﺟﺎﻝ ﺟﺒﻴﺮ ﻭﻣﻮﺩﻉ ﺭﺍﺡ ﺍﻧﻄﻴﻪ ﺍﻟﻚ ﺗﺪﻳﺮ ﺣﺼﺖ ﺍﺧﺘﻚ ﻣﻨﻰ ﻛﻠﻪ ﺑﺴﻤﻚ ﻭﺑﺪﺍﻝ ﺍﻟﺤﺼﻪ ﺗﺼﻴﺮ ﻋﻨﺪﻙ ﺣﺼﺘﻴﻦ ﻫﺎﺀ ﺷﻜﻠﺖ
ﻭﻟﻴﺶ ﻣﻨﻰ ﺑﺬﺍﺕ
ﻻﻥ ﻣﻨﻰ ﺑﻌﻴﺪﻩ ﺑﻐﺪﺍﺩ ﻭﻷﻧﻪ ﺍﺧﺬﺕ ﻭﺍﺣﺪ ﻭﺣﻴﺪ ﺍﻫﻠﻪ ﻳﻌﻨﻲ ﺑﺎﺟﺮ ﻟﻮ ﺣﻂ ﺭﺃﺳﻪ ﻭﻣﺎﺕ ﺍﻻﻛﻮ ﻭﺍﻟﻤﺎﻛﻮ ﻳﺼﻴﺮ ﺍﻟﻪ ﻭﻟﻔﺮﻭﺧﻪ ﺑﻮﻛﺘﻪ ﺗﻜﻮﻥ ﻣﺎﻣﺤﺘﺎﺟﻪ ﺣﺼﺘﻪ ﻭﺍﻧﺖ ﺍﻭﻟﻪ ﺑﻴﻪ ﻻﻧﻚ ﺻﺎﺣﺐ ﺑﻨﺎﺕ ﻭﻧﺴﻮﺍﻥ ﺛﻨﻴﻦ ﺑﺤﺴﺎﺏ ﻋﺎﻳﻠﺘﻴﻦ
ﻳﻤﻪ ﺍﻧﺘﻲ ﻟﻴﺶ ﺩﺳﻮﻳﻦ ﻛﻞ ﻫﺬﺍ ﺗﺮﻩ ﺣﻴﺮﺗﻴﻨﻲ
ﻻﺗﺤﻴﺮ ﻭﻻ ﺍﺑﺪ ﺗﺮﺿﺎﻩ ﻧﺴﻮﺍﻥ ﺍﻟﺴﻒ ﻳﺎﻫﻴﻪ ﺍﻻﻛﺘﻲ ﻭﻛﺎﻟﺖ ﺷﻌﺠﺐ ﺣﺎﺗﻢ ﻣﺎﻋﻨﺪﻩ ﻭﻟﻴﺪ ﻭﻟﻴﺶ ﻣﺎﺗﺰﻭﺟﻲ ﺍﺧﺎﻑ ﺗﺨﺎﻓﻮﻥ ﻣﻦ ﺍﻟﺒﻐﺪﺍﺩﻳﻪ ﻭﺍﻧﺘﻲ ﻋﺰﻳﺰﻱ ﻭﺑﺰﺭ ﺍﻟﻜﻌﺪﻩ ﺑﻮﻳﻼﺩﻱ ﻭﻣﺎﺭﺿﻪ ﻋﻠﻴﻚ ﺍﻟﻜﻠﻤﻪ ﺍﻟﺸﻴﻨﻪ ﻻﺗﺼﻔﻦ ﻛﻮﻝ ﺗﻢ ﻭﺧﻠﻲ ﻛﻠﺸﻲ ﻋﻠﻴﻪ
ﻭﺷﻮﻛﺖ ﺗﺤﻮﻟﻴﻦ ﺍﻟﺤﺼﻪ ﺑﺈﺳﻤﻲ
ﻛﻮﻡ ﻧﺎﻭﺷﻨﻲ ﻣﻔﺘﺎﺡ ﺍﻟﺒﻮﻓﻴﻪ ﺣﺘﻰ ﺍﻧﻄﻴﻚ ﺍﻟﻮﺭﻗﻪ ﻭﺗﻐﺒﺶ ﺍﻟﺼﺒﺢ ﺗﻐﻴﺮ ﺍﻟﻮﺻﻴﻪ ﻭﺍﻧﻲ ﻋﻨﺪﻱ ﻭﻛﺎﻟﻪ ﻳﺤﻘﻠﻲ ﺍﺗﺼﺮﻑ ﺑﻜﻠﺸﻲ
ﻣﻦ ﺳﻤﻌﺖ ﻫﻴﺞ ﻭﺷﻔﺖ ﺣﺎﺗﻢ ﺟﻨﻪ ﺭﺍﺿﻲ ﻧﺘﻔﻀﺖ ﻭﻋﻘﻞ ﻣﺎﺿﻞ ﺑﺮﺃﺳﻲ ﻭﻫﺠﻤﺖ ﻋﻠﻴﻬﻢ ﻟﻠﻐﺮﻓﻪ ﺍﺻﻴﺢ ﻭﺍﻋﻴﻂ ﻭﺍﺑﺠﻲ
ﺣﺮﺭﺭﺭﺭﺍﻡ ﻋﻠﻴﺞ ﻟﻴﺶ ﺗﺮﺩﻳﻦ ﺗﻬﺠﻤﻴﻦ ﺑﻴﺘﻲ ﺍﻧﻲ ﺷﻨﻮ ﺳﻮﻳﺘﻠﺞ ﺍﺫﺍ ﻋﻞ ﺑﻨﺎﺕ ﻫﺎﻱ ﺭﺯﻗﺖ ﺭﺑﺞ ﻭﻏﻴﺮﻧﻪ ﻳﺘﺤﺼﺮ ﻋﻠﻴﻬﻦ ﺑﻌﺪﻳﻦ ﺍﺍﺍﺍﺍﺍﻧﺘﻲ ﻣﺘﺨﺎﻓﻴﻦ ﻣﻦ ﺍﻟﻠﻪ ﻣﻮ ﺭﺟﻠﺞ ﺑﻠﻜﺒﺮ ﺗﺰﻭﺟﻴﻦ ﺭﺟﻠﻲ ﻭﺗﺰﻭﺭﻳﻦ ﺃﻭﺭﺍﻕ ﻭﺗﺤﺮﻣﻴﻦ ﺑﻨﺘﺞ ﻣﻦ ﺣﺼﺘﻪ ﻛﻞ ﻫﺬﺍ ﻋﻞ ﺷﻨﻮ ﻫﺎﺍﺍﺍﺍﺍﺍ
ﻛﻤﺰ ﻋﻠﻴﻪ ﺣﺎﺗﻢ ﻭﺳﺤﻞ ﻣﻦ ﺷﻌﺮﻱ ﻭﺻﻢ ﺣﻠﻜﻲ ﻭﻫﻴﻪ ﺩﻛﻠﻪ ﺣﺒﺴﻪ ﻻﺗﻔﻀﺤﻨﻪ ﻭﻳﺨﺮﺏ ﻛﻞ ﺷﻐﻠﻨﻪ ﻋﻴﺐ ﺍﻧﻲ ﻣﻄﻴﻪ ﻛﻠﻤﻪ ﻟﻠﻌﺎﻟﻢ
ﺍﻧﺘﻲ ﺗﻌﺮﻓﻴﻦ ﺍﻟﻌﻴﺐ ﺍﻟﻠﻪ ﻻﻳﻮﻭﻭﻭﻭﻭﻓﻘﺞ
ﺍﺧﺬﻩ ﺍﻟﺒﻐﺪﺍﺩﻳﻪ ﺍﻟﻮﻛﺤﻪ ﺷﻮﻑ ﻟﺴﺎﻧﻪ ﺷﻠﻮﻥ ﺟﺴﺮ ﻛﻮﻥ ﺩﻛﺼﻪ ﺍﻟﻪ ﻟﻮﻧﻚ ﺭﺟﺎﻝ ﻣﻦ ﺻﻜﺪ
ﺳﺤﻠﻨﻲ ﺻﻌﺪﻧﻲ ﺍﻟﺪﺭﺝ ﺻﺎﻡ ﺣﻠﻜﻲ ﻭﺍﻧﻲ ﺍﻫﺰ ﺑﺮﺃﺳﻲ ﻭﺩﺍﻛﻪ ﺭﺟﻠﻲ ﺑﻠﻜﺎﻉ ﺍﻟﺒﻴﺖ ﻛﻠﻪ ﻳﺘﻔﺮﺝ ﺍﺧﻮﺗﻪ ﻣﻤﻮﺟﻮﺩﻳﻦ ﻭﻋﻤﻲ ﺭﺟﺎﻝ ﺟﺒﻴﺮ ﻻﻳﺤﻞ ﻭﻻﻳﺮﺑﻂ ﺣﺘﻰ ﻣﻦ ﻳﺤﺠﻲ ﺻﻮﺗﻪ ﻣﻴﻨﺴﻤﻊ ﺍﻓﺘﺨﺎﺭ ﻭﺑﻬﻴﻪ ﻳﺮﺩﻥ ﻳﺘﻘﺮﺑﻦ ﻭﻫﻮﻩ ﻳﺼﻴﺢ
بيج قصص عراقيه حقيقيه من واقعنا.روعه الطائي..ﺍﻟﺘﻮﺻﻞ ﺍﻧﻌﻞ ﻭﺍﻟﺪﻳﻪ
ﻧﻮﺭﻳﻪ ﺻﻌﺪﺕ ﺍﻟﺪﺭﺝ ﺩﻓﻌﻪ ﻭﻛﻌﻪ ﻭﺻﻠﻨﻲ ﻏﺮﻓﺘﻲ ﺩﻓﻌﻨﻲ ﻭﺳﺪ ﺍﻟﺒﺎﺏ ﻭﺃﺧﺬ ﺍﻟﻨﻄﺎﻕ ﻣﻦ ﻭﺭﻩ ﺍﻟﺒﺎﺏ ﺿﺮﺑﻨﻲ ﺑﻲ ﺿﺮﺏ ﻳﻤﻜﻦ ﻟﻮ ﻛﺎﻓﺮ ﺟﻮﻩ ﺍﻳﺪﻩ ﻣﻴﻀﺮﺑﻪ ﻫﻴﺞ ﺑﻨﺎﺗﻲ ﻛﻌﺪﻥ ﻭﻳﺼﺮﺧﻦ ﻭﻫﻮﻩ ﻣﺎﻣﻬﺘﻢ ﻭﻳﺼﻴﺢ
ﺍﻟﺴﻤﻌﺘﻲ ﺗﻨﺴﻲ ﺧﺼﻮﺻﺎ ﺳﺎﻟﻔﻪ ﺣﺼﻪ ﻣﻨﻰ ﺍﺫﺍ ﻃﻠﻌﺖ ﺍﺫﺑﺤﺞ ﻭﺍﺩﻓﻨﺞ ﺑﺠﻮﻟﻪ ﺍﻟﻮﺭﺍﻧﻪ ﻭﻛﻮﻝ ﻟﻬﺰﻣﺖ ﻭﻣﺎﻋﺮﻑ ﺑﻴﻪ ﻭﻳﻦ ﻭﺍﺫﺍ ﺳﻜﺘﻲ ﻓﺘﺴﻜﺘﻴﻦ ﻟﻸﺑﺪ ﻭﺍﻧﻲ ﺍﺗﺰﻭﺝ ﻋﻠﻴﺞ ﺍﺗﺰﻭﺝ ﻭﻏﺼﺒﻦ ﻣﺎﺍﺍﺍﺍﺍﺍﻋﻠﻴﺞ
ﺍﺭﺭﺭﺭﺭﻳﺪ ﺍﻫﻠﻲ ﺍﺍﺍﺍﺍﺍﺍﺍﺭﻳﺪ ﺍﻫﻠﻲ ﻭﺩﻳﻨﻲ
ﺍﻧﻌﻞ ﺍﺑﻮ ﻻﺑﻮ ﺍﻫﻠﺞ ﺭﺍﺡ ﺍﻃﻠﻊ ﻭﺍﺫﺍ ﺳﻤﻌﺘﻠﺞ ﺻﻮﺕ ﺍﻣﻮﺗﺞ ﻭﺍﻟﻠﻪ
ﻳﺤﺠﻲ ﻭﻳﻀﺮﺏ ﺟﺴﻤﻲ ﺧﺪﺭ ﻣﻦ ﺍﻟﻀﺮﺏ ﻭﺿﺮﺑﻪ ﺍﺟﺘﻲ ﻋﻞ ﻭﺟﻬﻲ ﻭﺑﺤﺎﻓﻪ ﺧﺸﻤﻲ ﻧﻔﺾ ﺩﻡ ﻣﻦ ﺷﺎﻑ ﻫﻴﺞ ﻃﻠﻊ ﻭﻋﺎﻓﻨﻲ ﻭﺳﻤﻌﺖ ﺑﺲ ﻃﻜﺖ ﺍﻟﻘﻔﻞ ﺍﺑﺎﻭﻉ ﻭﺭﺩﻩ ﺣﺎﺻﺮﻩ ﻧﻔﺴﻪ ﺑﻴﻦ ﺍﻟﺤﺎﻳﻂ ﻭﺍﻟﺪﻳﻼﺏ ﻭﺭﻏﺪ ﻭﺿﺤﻰ ﻳﺼﺮﺧﻦ ﺍﺭﻳﺪ ﺍﻛﻮﻡ ﻣﺎﻛﺪﺭ ﺗﻮﺟﻴﺖ ﻋﻞ ﻛﺎﻉ ﻭﺯﺣﻔﺖ ﻳﺎﺩﻭﺏ ﺷﻠﺖ ﺿﺤﻰ ﻭﺍﺷﺮﺕ ﻋﻞ ﻭﺭﺩﻩ ﻭﺭﻏﺪ ﺭﻛﻀﻦ ﺑﺤﻀﻨﻲ ﻣﺪﺭﻱ ﺍﺳﻜﺘﻬﻦ ﻣﺪﺭﻱ ﻳﺴﻜﺘﻨﻲ ﻗﻮﻳﺖ ﻧﻔﺴﻲ ﻻﻥ ﺑﻨﺎﺗﻲ ﻣﺘﺼﺮﻛﻌﺎﺕ ﻣﻦ ﻣﻨﻀﺮ ﺣﺎﺗﻢ ﺷﻠﻮﻥ ﺟﺎﻥ ﻣﻜﻠﻮﺏ ﻭﺣﺶ ﻋﻠﻴﻪ ﻭﺷﻮﻳﻪ ﺷﻮﻳﻪ ﺑﺪﻳﺖ ﺍﻫﺪﻯ ﺑﻌﺪﻳﻦ ﻛﻤﺖ ﻋﻞ ﺑﺎﺏ ﻟﻜﻴﺘﻪ ﻣﻘﻔﻮﻝ ﺩﻭﺭﺕ ﻣﻔﺘﺎﺡ ﻣﺎﻛﻮ ﻟﻠﻴﻞ ﻭﺍﻧﻲ ﺍﻟﻮﺏ ﺍﻟﺒﺎﺏ ﻛﺴﺮﺗﻪ ﻭﻣﺤﺪ ﻓﺘﺤﻪ ﻧﻮﺭﻳﻪ ﻛﻞ ﺷﻮﻳﻪ ﺗﺠﻲ ﺩﻛﻠﻲ ﺗﻮﺳﻠﺖ ﺑﻲ ﻳﻨﻄﻴﻨﻲ ﺍﻟﻤﻔﺘﺎﺡ ﻭﻣﻴﻘﺒﻞ ﺭﺩﺕ ﺍﺳﻮﻟﻔﻪ ﻋﻞ ﻣﻨﻰ ﻭﺣﺼﺘﻪ ﺍﻟﻲ ﺭﺍﺡ ﻳﺒﻮﻛﻪ ﺑﺲ ﺧﻔﺖ ﻭﺍﻧﻲ ﻣﺎﻟﻲ ﺃﺣﺪ ﻫﻨﺎ ﻛﻠﺘﻪ ﻛﻠﺸﻲ ﻣﺎﺭﻳﺪ ﺑﺲ ﺧﺎﺑﺮﻱ ﺍﻫﻠﻲ ﺍﺭﻳﺪ ﺍﻫﻠﻲ ﺟﻨﺖ ﻣﻘﺮﺭﻩ ﺍﻋﻮﻓﻪ ﻭﺍﺭﻭﺡ ﻟﻬﻠﻲ ﻭﻣﻨﺎﻙ ﺍﺑﻠﻎ ﻣﻨﻰ ﺑﻠﺴﻤﻌﺘﻪ ﻭﻫﻴﻪ ﺗﺼﺮﻑ ﺑﺲ ﻫﻮﻩ ﺷﻴﻄﺎﻥ ﻭﻋﺮﻓﺘﻪ ﺣﺒﺴﻨﻲ ﺍﻟﻰ ﺃﻥ ﻳﻜﻤﻞ ﺍﻟﺘﻨﺎﺯﻝ ﺍﻟﻴﻞ ﻛﻠﻪ ﺍﺑﺠﻲ ﻭﺑﻨﺎﺗﻲ ﻣﺎﺗﻮ ﺟﻮﻉ ﺣﺘﻰ ﺩﺍﺧﻠﻴﺎﺕ ﻻﻳﻠﻮﻥ ﻟﺒﺴﺘﻬﻢ ﻻﻥ ﺣﻤﺎﻡ ﻣﻴﺨﻠﻴﻨﻪ ﻧﻄﻠﻊ ﻭﺭﺩﻩ ﺗﺨﺒﻠﺖ ﻻﻥ ﺟﺒﻴﺮﻩ ﻛﻮﻩ ﻗﻨﻌﺘﻪ ﺭﻏﺪ ﻧﺎﻣﺖ ﺗﺒﺠﻲ ﻭﺗﻬﺬﻱ ﺟﻮﻋﺎﻧﻪ ﻭﺍﻧﻲ ﺑﻮﺩﻱ ﺍﻛﺺ ﻣﻦ ﻟﺤﻤﻲ ﻭﺍﻧﻄﻴﻬﻢ ﺍﺑﺪ ﻣﺘﻮﻗﻌﺖ ﺣﺎﺗﻢ ﺑﻬﺬﺍ ﺍﻟﻀﻠﻢ ﻭﻫﺎﻱ ﺍﻟﻘﺴﻮﻩ ﺣﺘﻰ ﻋﻞ ﺿﻨﺎﻩ ﺑﺲ ﺍﻟﻔﻠﻮﺱ ﺗﻐﻴﺮ ﺍﻟﻨﻔﻮﺱ ﻭﺟﺒﺮﻭﺕ ﻋﻤﺘﻲ ﺍﻟﻀﺎﻟﻤﻪ ﻫﻮﻩ ﺳﺒﺐ ﻛﻞ ﺍﻝ ﺍﻧﻲ ﺑﻲ ﻫﺴﻪ ﺑﻠﻴﻞ ﻏﻔﻴﺖ ﻛﻢ ﺳﺎﻋﻪ ﻣﻦ ﻭﺟﻊ ﺟﺴﻤﻲ ﻭﻛﻌﺪﺕ ﺍﺻﺒﺢ ﻭﺍﻟﺒﺎﺏ ﺑﻌﺪﻩ ﻣﻘﻔﻮﻝ ﺣﺘﻰ ﺍﻧﻲ ﺣﺘﺎﺟﻴﺖ ﺣﻤﺎﻡ ﻣﺘﺖ ﻗﻬﺮ ﻭﻣﺎﺑﻴﺪﻱ ﺷﻲ ﻟﻬﻨﺎﻙ ﻭﺣﺴﻴﺖ ﺍﻟﻜﻴﻠﻮﻥ ﺭﺧﻪ ﻛﻤﺖ ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﻧﻔﺘﺤﺖ ﺻﺎﺭ ﺣﺎﺗﻢ ﻛﺒﺎﻟﻲ ﺍﺷﺮﻱ ﻋﻼﻣﻪ ﺳﻜﻮﺕ ﺑﺼﺒﻌﻪ ﻭﻫﻤﺲ
ﺍﺫﺍ ﻃﻠﻊ ﺣﺴﺞ ﻟﻮ ﻟﻐﻴﺘﻲ ﺍﺑﻮﺝ ﺍﺣﺮﻛﻪ
ﻫﺰﻳﺖ ﺭﺍﺳﻲ ﺍﻱ ﻭﻣﺤﺎﺟﻴﺘﻪ ﺧﺎﻳﻔﻪ ﻳﺮﺟﻊ ﻳﻘﻔﻞ ﺍﻟﺒﺎﺏ ﻭﻧﻤﻮﺕ ﺍﻧﻲ ﻭﺑﻨﺎﺗﻲ ﺭﻛﻀﺖ ﻟﻠﺤﻤﺎﻡ ﻏﺴﻠﺖ ﻭﺭﺟﻌﺖ ﻭﺑﻌﺪﻳﻦ ﻃﻠﻌﺖ ﺑﻨﺎﺗﻲ ﻏﺴﻠﺘﻠﻬﻢ ﻭﻏﻴﺮﺗﻠﻬﻢ ﻭﺧﻄﻄﺖ ﺑﺎﻥ ﺍﻟﻴﻮﻡ ﻣﺎﺑﻘﻰ ﺑﻠﺒﻴﺖ ﺑﺲ ﻻﺯﻡ ﺍﺑﻘﻰ ﻫﺎﺩﻯ ﻟﺤﺪ ﻣﺎﻃﻠﻊ ﻧﺰﻟﺖ ﻭﻧﺰﻟﺖ ﺑﻨﺎﺗﻲ ﺳﻮﻳﺘﻠﻬﻢ ﺍﻛﻞ ﻭﻛﻠﺘﻬﻢ ﻭﻣﺎﺑﻮﻋﺖ ﺑﻮﺟﻪ ﺃﺣﺪ ﻋﻤﺘﻲ ﺑﻐﺮﻓﺘﻪ ﺗﺤﺠﻲ
ﺍﻟﺒﻐﺪﺍﺩﻳﻪ ﺍﻟﺤﻀﺮﻳﻪ ﺍﻟﻜﺢ . ..... ﺍﻟﺴﺎﻕ ........ ﺍﻟﻜﻮ ....... ﻭﻭﻭﻛﻮﻣﻪ ﻛﻼﻡ
ﺍﺳﻤﻊ ﻭﺳﺎﻛﺘﻪ ﻭﺭﺩﻩ ﺩﻛﻠﺐ ﺑﻌﻴﻮﻧﻪ ﺗﻌﺮﻑ ﻋﻠﻴﻪ ﻭﺗﻌﺮﻑ ﻫﺬﺍ ﻓﺸﺎﺭ ﻻﻥ ﺍﻧﻲ ﻣﻌﻠﻤﺘﻪ ﻋﻞ ﻋﻴﺐ ﻧﻮﺭﻳﻪ ﺗﺴﻜﺖ ﺑﻴﻪ ﻭﻫﻴﻪ ﺗﺨﺮﻁ ﻓﺘﺨﺎﺭ ﻭﺑﻬﻴﻪ ﻳﺘﻌﺬﺭﻥ ﻣﻨﻲ ﻋﻞ ﻭﺍﻟﻠﻪ ﻣﺎﺑﻴﺪﻧﻪ ﺷﻲ ﻭﻣﺪﺧﻠﻨﻪ ﻻﻥ ﻧﺨﺎﻑ ﻣﻦ ﻋﻤﺘﻲ ﻭﺍﻧﻲ ﻣﺎﺟﺎﻭﺑﻬﻢ ﺑﺲ ﻭﻛﻠﺖ ﺑﻨﺎﺗﻲ ﻭﺻﻌﺪﺕ ﺣﻀﺮﺕ ﺟﻨﻄﻪ ﺧﻠﻴﺖ ﺑﻴﻬﻪ ﻣﺴﺘﻤﺴﻜﺎﺗﻨﻪ ﻭﻣﻼﺑﺴﻨﻪ ﻭﺿﻤﻴﺘﻪ ﻭﺭﻩ ﺍﻟﺪﻳﻼﺏ ﺍﻧﺘﻀﺮﺕ ﺍﻟﻀﻬﺮﻳﻪ ﺑﻠﻜﺖ ﻳﻨﺎﻣﻮﻥ ﻳﻬﺠﻌﻮﻥ ﻟﺴﺎﻋﻪ 3 ﻭﻗﺒﻞ ﺟﻴﺖ ﺣﺎﺗﻢ ﺑﺴﺎﻋﻪ ﺑﻀﺒﻂ ﻟﺒﺴﺖ ﻋﺒﺎﺗﻲ ﻭﺍﺧﺬﺕ ﺑﻨﺎﺗﻲ ﻭﻧﺰﻟﺖ ﺍﺗﺨﺘﻞ ﺟﻨﻲ ﺣﺮﺍﻣﻴﻪ ﻭﺍﻟﺨﻮﻑ ﻭﺍﻟﺮﻋﺐ ﻣﺎﻟﻲ ﻛﻠﺒﻲ ﻭﺩﻣﻮﻋﻲ ﻭﻻﺑﻄﻠﻦ ﻭﺍﻫﺰ ﺑﻴﺪﻱ ﺑﻀﺤﻰ ﺧﺎﻑ ﻃﻠﻊ ﺻﻮﺕ ﻟﻮ ﺗﺒﺠﻲ ﻣﻦ ﺍﻟﺒﺎﺏ ﺍﻻﻣﺎﻣﻴﻪ ﻣﻜﺪﺭﺕ ﺍﻃﻠﻊ ﺍﻛﻴﺪ ﺍﻟﺠﻬﺎﻝ ﻃﺎﺑﻪ ﻃﺎﻟﻌﻪ ﺩﻧﺎﺭﻳﺖ ﻣﻦ ﺟﻮﻩ ﺍﻟﺪﺭﺝ ﺩﺧﻠﺖ ﻋﻞ ﻣﻨﻮﺭ ﻭﻣﻦ ﺍﻟﻤﻨﻮﺭ ﺍﻛﻮ ﺑﺎﺏ ﻋﻞ ﺣﺪﻳﻘﻪ ﺍﻟﻮﺭﺍﻧﻴﻪ ﻓﺘﺤﺖ ﺍﻟﺴﺮﻛﻲ ﻭﺑﻴﺪﻱ ﻃﻠﻌﺖ ﻭﺭﺩﻩ ﻭﺭﻏﺪ ﻭﺩﺍﻃﻠﻊ ﻭﺍﺳﺪﻩ
ﻭﻧﺨﻠﺖ ﺍﻳﺪ ﻋﻞ ﺟﺘﻔﻲ
ﻭﻧﻠﺰﻣﺖ ﻣﻦ ﻋﺒﺎﺗﻲ .
.
.
.
.
.
.
.
. ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤