#هبة__ريح
رفل الكناني
#بارت٢٩
ﻛﻮﻥ ﺍﻣﻮﺕ ﺍﻟﻴﻮﻡ ﻭﺍﻋﺪﻝ ﺛﺎﻧﻲ ﻳﻮﻡ
ﺣﺘﻪ ﺍﺷﻮﻑ ﺷﻠﻮﻥً ﺗﺼﺒﺢ ﻋﺎﺯﺗﻲ
ﺍﺭﺩ ﺍﺷﻮﻓﻦ ﻳﺎﻫﻮﻩ ﺍﻟﻴﺸﻚ ﺛﻮﺑﻪ ﺣﻴﻞ
ﻭﻳﺎﻫﻮﻩ ﻳﺘﻤﻀﺤﻚ ﺑﻨﺺ ﻭﻻﻳﺘﻲ 😔
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ﺍﻟﻮﻭﻭ ﻋﺒﺪﺍﻟﻠﻪ ﺍﻟﻠﻪ ﻳﺴﺎﻋﺪﻙ
ﻫﻼ ﺿﺮﺍﺭ ﻫﻼ ﻭﻳﺴﺎﻋﺪ ﺑﺨﺘﻚ ﺷﻠﻮﻧﻚ ﺧﻮﻳﻪ
ﺍﻟﺤﻤﺪﺍﻟﻠﻪ ﻋﻠﻰ ﺍﻟﻠﻪ ﺍﻧﺖ ﺷﻠﻮﻧﻚ
ﺑﺨﻴﺮ ﺑﻌﺪ ﺧﻮﻙ ﺍﻧﺸﺪ ﻋﻠﻴﻚ
ﺗﻨﺸﺪ ﻋﻠﻴﻚ ﺍﻟﻌﺎﻓﻴﻪ ﻋﺒﺪﺍﻟﻠﻪ ﺍﻧﺖ ﻛﺘﻠﻲ ﻛﺒﻞ ﻳﻤﺘﻰ ﻣﺎﺭﺩﺗﻨﻲ ﺍﻧﺎ ﺣﺎﺿﺮ ﺻﺤﻴﺢ ﻟﻮ ﺍﻧﺎ ﻣﺘﻮﻫﻢ
ﻭﺍﻧﺎ ﻋﺪ ﻛﻠﻤﺘﻲ ﻭﻋﺪ ﻋﻴﻨﺎﻙ ﺑﺲ ﺍﺍﻣﺮﻧﻲ
ﺭﺣﻤﻪ ﺍﻟﻠﻪ ﻭﺍﻟﺪﻳﻚ ﻣﺎﺗﻘﺼﺮ ﻛﻠﻲ ﻫﺴﻪ ﺍﻧﺖ ﻭﻳﻦ
ﺍﻧﺎ ﺑﻐﺪﺍﺩ ﻣﻮﺗﺪﺭﻱ ﺍﺷﺘﻐﻞ ﻫﻨﺎﻙ
ﺟﺎﺀ ﺧﻮﺵ ﺍﻧﺎ ﻋﻨﺪﻱ ﻳﻤﻚ ﻃﻠﺐ
ﻋﻴﻮﻧﻲ ﺍﻟﻚ ﺟﺎ ﺍﻧﺎ ﻣﺎﺻﺪﻛﺖ ﺗﺨﺎﺑﺮﻧﻲ ﺿﻨﻴﺘﻚ ﻣﺎﺧﺬ ﻣﻨﻲ ﻣﻮﻗﻒ ﻭﻣﺎﻟﻲ ﻭﺟﻪ ﺑﻌﺪ ﺍﺑﺎﻭﻉ ﺑﻮﺟﻬﻚ
ﻋﺒﺪﺍﻟﻠﻪ ﺍﺭﻳﺪﻙ ﺗﺴﻮﻳﻠﻲ ﺧﺪﻣﻪ ﺻﻐﻴﺮﻩ ﻭﺑﻌﺪﻩ ﺍﻧﺎ ﻣﺴﺎﻣﺤﻚ ﻣﻦ ﻛﻠﺒﻲ ﻋﻞ ﻧﻌﺮﻓﻪ ﺛﻨﻴﻨﻪ
ﻭﺍﻧﺎ ﺧﺎﺩﻡ
ﺧﺪﻡ ﺭﺑﻚ ﺍﺳﻤﻌﻨﻲ ﺍﻧﺖ ﻭﻳﻦ ﻋﺎﻳﺶ
ﻭ ﺍﻟﻠﻪ ﺑﻔﻨﺪﻕ ﺍﺑﺎﺕ ﺑﻲ ﺑﺲ ﺑﻠﻴﻞ ﻭﺍﻟﺼﺒﺢ ﺍﻧﺎ ﺑﺸﻐﻞ
ﺟﺎ ﺧﻮﺵ ﺍﻧﺖ ﺑﻌﺪﻙ ﺗﺘﻮﺍﺻﻞ ﻭﻳﺎﻩ ﺍﻣﻴﺮ ﻭﻫﺎﺷﻢ ﺍﻛﻴﺪ
ﺍﻱ ﺑﺲ ﻗﻠﻴﻞ ﻣﺎﺑﻴﻨﻨﻪ ﺻﺎﺭ ﺑﺲ ﺍﻟﺴﻼﻡ ﺑﻠﻜﻬﻮﻩ
ﺍﻟﻤﻬﻢ ﺍﺭﻳﺪﻙ ﻫﻞ ﻣﺮﻩ ﻣﻦ ﺗﻨﺰﻝ ﺗﻄﻮﺥ ﻭﻳﺎﻫﻢ ﺑﻠﻜﻌﺪﻩ ﻭﺍﻟﺴﻼﻡ ﻭﺍﻟﺸﻘﻪ ﻭﺗﺴﻮﻟﻔﻠﻬﻢ ﻫﻮﺍﻱ ﻋﻠﻰ ﺑﻐﺪﺍﺩ ﻭﺷﻐﻠﻚ ﺍﺭﻳﺪﻫﻢ ﻛﻮﻥ ﻣﺎﻳﻤﻠﻮﻥ ﻣﻦ ﻛﻌﺪﺗﻚ ﻭﺧﺼﻮﺻﺎ ﻫﻤﻪ ﻳﺤﺒﻮﻥ ﺍﻟﺴﻮﺍﻟﻒ ﻟﻤﻜﺴﺮﻩ ﺟﺜﺮﻟﻬﻢ ﻣﻨﻪ
ﻫﺎﺍﺍ ﺿﺮﺍﺭ ﺷﻨﺎﻭﻱ
ﻋﺒﺪﺍﻟﻠﻪ ﺍﻧﺖ ﻛﺘﻠﻲ ﺍﻧﺎ ﺍﺳﺎﻋﺪﻙ ﻭﺍﻧﺎ ﻣﺎﻃﺎﻟﺐ ﻣﻨﻚ ﻫﻮﺍﻱ ﻫﺎﻱ ﻣﻬﻤﻪ ﻭﺭﺍﻫﻪ ﻣﻬﻤﻪ ﻭﺑﻌﺪﻩ ﺍﻟﻠﻪ ﻭﻣﺤﻤﺪ ﻭﻋﻠﻲ ﻭﻳﺎﻙ
ﻭﺷﻨﻲ ﺍﻟﻤﻬﻤﻪ ﺍﻟﺜﺎﻧﻴﻪ
ﺳﻬﻠﻪ ﻭﺩﺍﻋﺘﻚ ﺳﻬﻠﻪ ﺑﺲ ﺭﺍﺡ ﺍﻛﻠﻜﻴﺎﻩ ﺑﻮﻛﺘﻬﻪ ﻫﺴﻪ ﺷﻜﻠﺖ
ﻣﻮﺍﻓﻖ ﻫﻮﻩ ﺍﻧﺎ ﺍﻛﺪﺭ ﺍﺭﺩﻙ
ﻣﻤﻨﻮﻥ ﻣﻨﻚ ﺍﺭﻳﺪﻙ ﻛﻮﻥ ﺗﻔﻮﺕ ﺑﻨﺺ ﻛﻠﺒﻬﻢ ﻭﺗﺤﺒﺒﻬﻢ ﺑﻴﻚ ﺣﺘﻰ ﺷﺘﺴﻮﻱ ﻳﻨﻔﺬﻭﻥ ﻭﻣﻦ ﺗﺤﺲ ﻛﻠﺸﻲ ﺗﻤﺎﻡ ﺧﺎﺑﺮﻧﻲ
ﺧﻮﺵ ﺍﺩﻟﻞ
ﻣﺸﻜﻮﺭ ﻭﺍﻧﺘﻀﺮ ﻣﻜﺎﻟﻤﻪ ﻣﻨﻚ
ﺍﻥ ﺷﺎﻟﻠﻪ
ﻣﻊ ﺍﻟﺴﻼﻣﻪ
ﺍﻟﻠﻪ ﻭﻳﺎﻙ
ﻭﻫﺎﻱ ﺍﻭﻝ ﺧﻄﻮﻩ ﺣﺘﻰ ﺍﻧﻔﺬ ﺍﻧﺘﻘﺎﻣﻲ ﻣﻦ ﺍﻣﻴﺮ ﻭﻫﺴﺎﻉ ﻣﺮﺍﺡ ﺍﺣﺎﺳﺒﻪ ﻋﻞ ﺳﻴﺎﺭﻩ ﻳﺠﻲ ﻭﻛﺘﻪ ﻭﺍﻟﻠﻪ ﻛﺮﻳﻢ ﻳﻮﻣﻴﻦ ﻭﺭﺩﻳﺖ ﻟﺒﻐﺪﺍﺩ ﻭﺭﺟﻌﺖ ﺍﺷﺘﻐﻞ ﻭﻛﻠﺸﻲ ﻣﺎﻛﻮ ﻫﺎﺟﺮ ﻣﺘﻮﺍﺻﻞ ﻭﻳﺎﻩ ﺑﺲ ﻣﻨﺘﻀﺮ ﻋﺒﺪﺍﻟﻠﻪ ﻳﻜﻤﻞ ﺍﻟﻄﻠﺒﺘﻪ ﻣﻨﻪ ﻭﺑﺎﻟﻲ ﻫﻮﺍﻱ ﺍﺷﻴﺎﺀ.بيج قصص عراقيه حقيقيه من واقعنا.روعه الطائي
ﺍﻟﻴﻮﻡ ﻛﺎﻋﺪ ﺑﻠﺴﻴﺎﺭﻩ ﻭﺍﺧﺎﺑﺮ ﺑﻬﺎﺟﺮ ﺷﻔﺖ ﺍﺑﻮ ﻣﺎﺟﺪ ﻳﻤﺸﻲ ﺟﺎﻱ ﺑﺘﺠﺎﻫﻲ ﺳﺪﻳﺖ ﺍﻟﺨﻂ ﻭﻋﺪﻟﺖ ﻛﻌﺪﺗﻲ ﺩﻛﻠﻲ ﺍﻟﺠﺎﻣﻪ ﻛﻠﺒﺖ ﺧﻠﻘﺘﻲ ﻭﻓﺘﺤﺘﻪ ﻛﺎﻝ
ﻫﺎﺍﺍ ﺑﺎﺷﺎ ﻣﺎﻛﺘﻠﻚ ﺍﻟﺒﺮﺩ ﺍﻣﺸﻲ ﻓﻮﺕ ﺟﻮﻩ
ﺯﻣﺨﺖ ﺑﻲ
ﻭﺍﻧﺖ ﻳﺎﻫﻮﻩ ﻣﺎﻟﺘﻚ ﺍﻧﺎ ﺷﺎﻛﻴﻠﻚ
ﺗﻤﺎﻡ ﺑﺮﺍﺣﺘﻚ ﻟﻌﺪ ﺣﻀﺮ ﻧﻔﺴﻚ ﺑﻌﺪ ﺳﺎﻋﻪ ﻃﺎﻟﻌﻴﻦ ﻟﺒﻴﺖ ﺍﺑﻮ ﺟﻤﺮﻩ
ﻣﻦ ﻛﺎﻝ ﻫﻴﺞ ﺑﺴﺮﻋﻪ ﻓﺘﺤﺖ ﻋﻴﻮﻧﻲ ﻭﺭﻛﺰﺕ ﻭﻳﺎﻩ ﺣﻴﻞ ﻣﺘﺸﻮﻕ ﺍﺷﻮﻑ ﺍﺑﻮ ﺟﻤﺮﻩ ﻻﻥ ﻫﻮﺍﻱ ﺍﺳﻤﻊ ﺑﻲ ﺟﺎﻭﺑﺘﻪ ﺑﻜﻞ ﺣﻤﺎﺱ
ﻭﺍﻧﺎ ﺟﺎﻫﺰ ﺷﻮﻛﺖ ﻣﺎﺗﻄﻠﻊ
ﺍﻭﻙ ﻣﻦ ﻳﺠﻴﻨﻲ ﺍﻷﻣﺮ ﻭﻧﻄﻠﻊ
ﺧﻮﺵ
ﻋﺎﻓﻨﻲ ﻭﻓﺎﺕ ﻟﻠﺒﻴﺖ ﺻﻌﺪﺕ ﺍﻟﺠﺎﻣﻪ ﻭﺳﺘﺮﺧﻴﺖ ﺃﻓﻜﺮ ﺟﺒﺘﻪ ﻣﻦ ﺍﺑﻮ ﻣﺎﺟﺪ ﻭﺃﺑﻮ ﺟﻤﺮﻩ ﺇﻟﻰ ﺃﻣﻴﺮ ﻭﺍﻟﺪﺍﺧﻄﻄﻠﻪ ﻭﺷﻮﻳﻪ ﺷﻮﻳﻪ ﺍﺩﺭﺱ ﻛﻞ ﻭﺍﺣﺪ ﻭﺣﺴﺎﺑﻪ ﻭﻣﻦ ﺍﻭﺻﻞ ﻟﺬﻭﻟﻪ ﺍﻟﺴﻔﻠﻪ ﻋﻘﻠﻲ ﻳﺘﺒﻨﺞ ﻭﻳﺮﻓﺾ ﺍﻟﻜﻪ ﻭﺳﻴﻠﻪ ﺣﺘﻰ ﺍﺗﺨﻠﺺ ﻣﻨﻬﻢ ﻋﻞ ﺍﺟﺮﺍﻡ ﺍﻟﺪﺍﺷﻮﻓﻪ ﺑﻌﻴﻨﻲ ﻳﻮﻡ ﻭﺭﻩ ﻳﻮﻡ
ﻗﺮﺭﺕ ﺍﺑﻘﻰ ﺑﻌﻴﺪ ﺣﺘﻰ ﻟﻮ ﺑﺲ ﻫﺎﻱ ﺍﻟﻔﺘﺮﻩ ﺣﺘﻰ ﺍﻧﻔﺬ ﻋﻘﻮﺑﺘﻲ ﺑﺎﺍﻣﻴﺮ ﻭﺭﺍﻩ ﺍﺗﻔﺮﻍ ﻟﺬﻭﻟﻪ
ﺳﺎﻋﻪ ﻭﺷﻮﻳﻪ ﻭﺍﺟﺎﻩ ﺍﺑﻮ ﻣﺎﺟﺪ ﻳﻬﻒ ﻭﺍﻟﺤﻤﺎﻳﻪ ﻭﺭﺍﻩ ﺻﻌﺪ ﺑﺼﻔﻲ ﻭﺣﺮﻛﺖ ﺍﻟﺴﻴﺎﺭﻩ ﻭﺳﻮﻙ ﺳﻮﻙ ﻟﻤﻨﻄﻘﻪ ﺑﻨﺺ ﺑﻐﺪﺍﺩ ﺭﺍﻗﻴﻪ ﺣﻴﻞ ﻭﻛﻔﻨﻪ ﺍﻟﺴﻴﺎﺭﻩ ﻛﺪﺍﻡ ﻗﺼﺮ ﻣﻮﺑﻴﻴﺖ ﻭﻧﺰﻟﻠﻨﻪ ﻭﻧﻔﺘﺤﺖ ﺑﺎﺏ ﺳﻼﻳﺖ ﺍﻭﻝ ﺧﻄﻮﻩ ﻭﺟﺎﻥ ﻳﺸﺐ ﺟﻠﺐ ﺑﻮﻟﻴﺴﻲ ﻋﻠﻴﻨﻪ ﻛﻤﺰﻧﻲ ﻛﻤﺰﻩ ﺑﺤﻴﺎﺗﻲ ﻣﻜﺎﻣﺰﻩ ﺍﺻﻼ ﺷﻤﺪﺭﻳﻨﻲ ﺍﻛﻮ ﺟﻠﺐ ﻭﻟﻮ ﻫﻤﻪ ﺍﻟﺠﻼﺏ ﺍﻟﻤﺜﻞ ﺫﻭﻟﻪ ﺷﻴﺨﻠﻮﻥ ﻏﻴﺮ ﺟﻼﺏ ﻣﺜﻠﻬﻢ
ﺑﺲ ﺷﻨﻮ ﻋﺒﺎﻟﻚ ﺫﻳﺐ ﻣﻮﺟﻠﺐ ﺿﻞ ﻳﻨﺒﺢ ﻭﻳﺸﻴﻞ ﺑﺮﻭﺣﻪ ﻭﻳﻠﻄﺦ ﺍﻝ ﺍﺟﻮﻱ ﺍﻟﺤﻤﺎﻳﻪ ﺳﻜﺘﻮ ﺑﺎﻭﻋﺖ ﻋﻞ ﺑﻴﺖ ﺍﻧﻜﺲ ﻣﻦ ﺑﻴﺖ ﺍﺑﻮ ﻣﺎﺟﺪ ﺣﺘﻰ ﺑﺮﺝ ﻭﺑﻲ ﺣﻤﺎﻳﻪ ﻫﻢ ﻣﻮﺟﻮﺩ ﺑﻲ ﺍﺑﻮ ﻣﺎﺟﺪ ﻛﺪﺍﻣﻨﻪ ﻭﺍﺣﻨﺎ ﻭﺭﺍﻩ ٤ ﺩﺧﻠﻨﻪ ﻭﻛﻌﺪﻧﻪ ﺻﺎﻟﻪ ﻓﺎﺭﻏﻪ ﻭﻫﺪﻭﺍﻩ ﻗﺎﺗﻞ ﺩﻗﺎﻳﻖ ﻭﻓﺎﺕ ﺭﺟﺎﻝ ﺗﻼﺛﻴﻨﻲ ﺿﻌﻴﻒ ﺣﻴﻞ ﻭﺷﻜﻠﻪ ﻣﻮﻣﺎﻝ ﻫﺬﺍ ﺍﻟﺒﻴﺖ ﻭﻫﺬﺍ ﺍﻟﺘﺮﻑ ﺍﻟﻬﻮﻩ ﺑﻲ ﺍﺑﻮ ﻣﺎﺟﺪ ﻟﻮﻛﻲ ﻛﺎﻡ ﺳﻠﻢ ﻋﻠﻴﻪ ﻭﺑﻌﺪ ﺷﻮﻳﻪ ﻳﺒﻮﺱ ﺍﻳﺪﻩ ﻭﺍﻧﻲ ﺻﺎﻓﻦ ﻫﺎﻱ ﺍﻟﺠﻬﺮﻩ ﺷﺎﻳﻔﻪ ﺑﺲ ﻣﺎﺩﺭﻱ ﻭﻳﻦ
ﻭﺻﻞ ﻳﻤﻲ ﻣﺪﻟﻲ ﺍﻳﺪﻩ ﺑﺘﺴﻢ ﺑﻴﻦ ﺳﻨﻪ ﺍﻟﻤﻜﺴﻮﺭ ﺿﻠﻴﺖ ﺟﺎﻣﺪ ﻭﺍﺭﻳﺪ ﺃﺗﺬﻛﺮ ﻭﻳﻦ ﺷﺎﻳﻔﻪ ﻭﻳﻦ ﺍﺷﺮﻟﻨﻪ ﺍﻛﻌﺪﻭ ﻭﻫﻮﻩ ﻛﻌﺪ ﻭﺿﻞ ﻳﺴﻮﻟﻒ ﻫﻮﻩ ﻭﺃﺑﻮ ﻣﺎﺟﺪ ﺑﻄﻮﻻﺗﻬﻢ ﺍﻟﻨﻜﺴﻪ ﻭﺻﻔﻘﺎﺗﻬﻢ ﻭﻋﻠﺴﻬﻢ ﻟﻠﻌﺎﻟﻢ ﻭﺍﻧﺎ ﺑﺲ ﺍﺑﺎﻭﻉ ﻭﻣﺮﻛﺰ ﻋﻠﻴﻪ ٣ﺍﺭﺑﺎﻉ ﺍﻟﺴﺎﻋﻪ ﻭﻛﺎﻡ ﺷﻮﻳﻪ ﻭﺭﺟﻊ ﺟﺎﺏ ﺟﻨﻄﻪ ﺩﺑﻠﻤﺎﺳﻴﻪ ﺳﻠﻤﻪ ﻟﺒﻮ ﻣﺎﺟﺪ ﻭﺑﻌﺪﻩ ﺑﺎﻭﻉ ﻋﻠﻴﻨﻪ ﻭﻛﻞ ﻭﺍﺣﺪ ﻧﻄﺎﻩ ﻛﻠﻴﺸﻪ ﺷﻄﻮﻟﻪ ﻣﺮﻩ ﻳﺜﻨﻲ ﻋﻠﻰ ﻋﻤﻠﻨﻪ ﻭﻣﺮﻩ ﻳﻬﺪﺩ ﺍﺫﺍ ﻟﻌﺒﻨﻪ ﻣﻦ ﻭﺭﺍﻫﻢ ﺷﻴﺴﻮﻱ
ﺑﻌﺪﻩ ﻃﻠﻌﻨﻪ ﻭﺍﻧﻲ ﺑﻌﺪﻧﻲ ﺍﺟﺰﻡ ﻫﺬﺍ ﺍﻟﺮﺟﺎﻝ ﺷﺎﻳﻔﻪ ﻭﻃﻮﻝ ﺍﻟﻄﺮﻳﻖ ﺍﻋﺼﺮ ﺑﺪﻣﺎﻏﻲ ﺇﻟﻰ ﺃﻥ ﺗﺬﻛﺮﺕ ﺍﻟﻤﺴﻄﺮ ﻭﻫﺬﺍ ﺧﻠﻔﻪ ﻫﻨﺎﻙ ﺑﻠﺤﻀﺘﻪ ﺿﺮﺑﺖ ﺑﺮﻳﻚ ﻗﻮﻱ ﺍﻧﻠﻄﻢ ﺍﺑﻮ ﻣﺎﺟﺪ ﺑﺪﺷﺒﻮﻝ ﺻﺎﺡ
ﺿﺮﺭﺭﺭﺭﺍﺭ ﺷﺒﻴﻚ
ﻟﻴﺸﺸﺸﺶ ﺗﺼﻴﺢ ﺷﺴﻮﻳﻠﻚ ﺍﻧﻲ ﻫﻴﻪ ﻃﺴﻪ
ﻳﻤﻌﻮﺩ ﻛﻠﺒﻲ ﻭﻛﻒ ﺻﺪﻙ ﺗﺤﺠﻲ ﻏﻴﺮ ﺗﻨﺘﺒﻪ
ﻣﺎﺩﺭﻱ ﻛﺘﻠﻚ ﻃﺴﻪ
ﺩﻳﻠﻪ ﺣﺮﻙ ﺷﻜﻮ ﺭﺍﺡ ﺗﺨﻨﻜﻨﻲ ﺑﻌﻴﻮﻧﻚ
ﻧﺪﻛﺖ ﺍﻟﺠﺎﻣﻪ ﻟﺒﺼﻔﻲ ﺍﻟﺤﻤﺎﻳﻪ ﺍﻟﻮﺭﺍﻧﻪ ﻭﻛﻔﻮ ﻻﻥ ﻭﻛﻔﻨﻪ ﺍﺷﺮﺗﻠﻬﻢ ﻣﺎﻛﻮ ﺷﻲ ﺿﻠﻮ ﻳﺒﺎﻭﻋﻮﻥ ﻋﻠﻰ ﺍﺑﻮ ﻣﺎﺟﺪ ﻭﻫﺬﺍ ﺍﻟﺠﺒﺎﻥ ﻭﺟﻬﻪ ﺻﻔﺮ ﻧﺘﺮﺕ ﺑﻲ
ﻛﻠﻬﻢ ﻣﺎﻛﻮ ﺷﻲ ﺧﻞ ﻳﺮﺟﻌﻮﻥ ﺧﺎﻳﻔﻴﻦ ﻋﻠﻴﻚ ﻋﺒﺎﻟﻬﻢ ﺭﺍﺡ ﺍﻏﺘﺼﺒﻚ
ﺧﺰﺭﻧﻲ ﻭﺍﺷﺮﻟﻬﻢ ﺭﻭﺣﻮﻭ ﻭﺍﻧﻲ ﺷﺨﻄﺖ ﺍﻟﺴﻴﺎﺭﻩ ﻭﻃﻠﻌﺖ ﻭﺍﻟﻌﻴﻨﺘﻴﻦ ﻓﺘﺢ ﺭﺑﺎﻃﻪ ﻭﺩﻛﻢ ﺍﻟﻘﻤﻴﺺ ﻣﺨﻨﺚ ﻳﺨﺎﻑ ﻣﻦ ﺍﻟﺴﻴﺎﺭﻩ ﺃﻛﺜﺮ ﻣﻦ ﻣﻴﺨﺎﻑ ﻣﻦ ﺍﺟﺮﺍﻣﻪ ﻭﺍﻟﻠﻪ ﻟﺨﻠﻲ ﻣﻮﺗﻚ ﻋﻠﻰ ﺍﺩﻳﻪ ﻭﺑﻠﺴﻴﺎﺭﻩ ﻭﻫﺴﻪ ﺗﺸﻮﻑ
ﺫﺑﻴﺘﻪ ﻭﺭﺟﻌﺖ ﻟﻠﺒﻴﺖ ﻣﺴﻄﻮﺭ ﺍﺑﻮ ﺟﻤﺮﻩ ﺍﻧﺎ ﺷﺎﻳﻔﻪ ﺑﻠﻤﺴﻄﺮ ﻭﻣﺘﺎﻛﺪ ﻭﺣﺘﻰ ﺣﺎﺟﻲ ﻭﻳﺎﻩ ﻋﻠﻰ ﺷﻐﻞ ﺍﻧﻲ ﻣﻮﻣﺨﺒﻞ ﻭﻻﻓﺎﻛﺪ ﺍﻟﺬﺍﻛﺮﻩ ﻭﺍﻟﺒﺸﺮ ﻣﺎﻧﺴﺎﻩ ﺿﻠﻴﺖ ﺍﺩﺧﻦ ﻭﺍﺣﺮﻙ ﺑﺮﻭﺣﻲ ﻭﺑﻌﺪﻳﻦ ﺗﺎﻛﺪﺕ ﺍﻧﻲ ﺣﺴﺎﺳﻲ ﺻﺤﻴﺢ ﻭﺍﻟﺴﺎﻓﻞ ﻳﺮﻭﺡ ﻫﻨﺎﻙ ﻭﻣﻨﺎﻙ ﻳﻠﻜﻂ ﺷﻜﻮ ﻭﺍﺣﺪ ﺣﻮﻙ ﻳﻔﻴﺪﻩ ﻭﻳﺨﻠﻲ ﺍﺑﻮ ﻣﺎﺟﺪ ﻳﺼﻴﺪﻩ ﺷﻠﻮﻥ ﺻﺎﺩﻭﻧﻲ
ﺍﻟﻠﻪ ﺍﻛﺒﺮ ﻋﻠﻴﻬﻢ ﻳﻠﻜﻄﻮﻥ ﺑﻠﻨﺎﺱ ﺍﻟﻔﻘﺮﻩ ﻭﻳﻮﺭﻃﻮﻫﻢ ﺫﻭﻟﻪ ﺟﻬﻨﻢ ﻋﻠﻴﻬﻢ ﺷﻮﻳﻪ ﺑﺎﻟﻠﻪ ﺍﻟﻌﻀﻴﻢ
ﺍﻡ ﻫﺎﺟﺮ ....... ﻫﺴﻪ ﺷﺮﺍﺡ ﺗﻠﺒﺴﻴﻦ ﻫﺎﺟﺮ ﻳﻤﻪ
ﻳﻤﻪ ﻭ ﺍﻟﻠﻪ ﻣﺎﺩﺭﻱ ﺍﺩﺭﻱ ﺷﻌﻨﺪﻩ ﺭﺍﻳﺤﻴﻦ ﻫﻴﻪ ﺧﻄﻮﺑﻪ ﺧﻠﻴﻬﺎ ﻋﻞ ﻋﺮﺱ ﻓﺪﻧﻮﺏ
ﻳﺎﺍﺍ ﻫﺎﻱ ﻣﻨﻮﻭ ﻳﺤﺠﻲ ﻫﺠﻮﻭﻭ ﻟﺒﻜﻞ ﻋﺰﻩ ﻟﻄﺎﻣﻪ ﻭﻟﺞ ﺷﻠﻮﻥ ﻣﻨﺮﻭﺡ ﻋﻤﺘﺞ ﻫﻨﺎ ﺗﺰﻋﻞ ﻭﺷﻴﺨﻠﺼﺞ ﻣﻦ ﻟﺴﺎﻥ ﺳﺘﺒﺮﻕ ﺍﺫﺍ ﻣﺮﺣﺘﻲ ﺑﺨﻄﻮﺑﺘﻪ
ﻫﻢ ﺻﺪﻙ ﺑﺲ ﻣﺎﻣﺎ ﻭﺍﻟﻠﻪ ﻋﻨﺪﻱ ﺩﻭﺍﻡ ﻭﻧﻬﺎﻳﻪ ﺳﻨﻪ ﺷﻠﻮﻥ ﺭﺍﺡ ﺍﻟﺤﻚ
ﻳﻌﻨﻲ ﻫﻨﻪ ﻳﻮﻣﻴﻦ ﻣﻴﺎﺛﺮﻥ ﻧﺌﺎﺩﻱ ﺍﻟﻮﺍﺟﺐ ﻭﻧﺮﺟﻊ
ﺍﻭﻙ
ﺗﻌﺎﻱ ﻭﻳﻦ ﺭﺍﻳﺤﻪ ﻣﻜﻠﺘﻲ ﺷﺘﻠﺒﺴﻴﻦ
ﺍﻧﺎﻡ ﻭﺍﻛﻌﺪ ﻭﺍﻛﻠﺞ ﻫﺴﻪ ﺗﻌﺒﺎﻧﻪ
ﺳﺘﻐﻔﺮﺍﻟﻠﻪ ﺍﺑﺪ ﻣﻮﻛﺖ ﺍﻟﺴﻔﺮﻩ ﻫﺴﻪ ﻭﻻﻭﻛﺖ ﻋﺰﻳﻤﻪ ﺿﺮﺍﺭ ﺻﺎﻳﺮ ﺑﺎﺭﻭﺩ ﻫﻞ ﻳﻮﻣﻴﻦ ﺍﺫﺍ ﺍﻛﻠﻪ ﺭﺍﺡ ﻧﻄﻠﻊ ﻟﻠﺸﻤﺎﻝ ﻳﻤﻜﻦ ﻳﻌﺰﻳﻨﻲ ﻭﻳﺼﺨﻤﻨﻲ ﺧﻞ ﺍﺩﻛﻠﻪ ﻧﺎﻋﻢ ﻭﺍﻗﻨﻌﻪ
ﺩﻛﻴﺖ ﻋﻠﻴﻪ ﻛﻠﻲ ﻃﺎﻟﻊ ﻣﻦ ﺍﺭﺟﻊ ﺍﺧﺎﺑﺮﺝ ﺳﺎﻋﻪ ﺳﺎﻋﺘﻴﻦ ﻣﻨﺘﻀﺮﺗﻪ ﺗﻌﺒﺖ ﻭﺍﻧﻲ ﻛﺎﻋﺪﻩ ﻣﻦ ﺍﻟﺼﺒﺢ ﻟﻠﺪﻭﺍﻡ ﻭﻧﻮﺏ ﺭﺣﺖ ﻟﻠﻤﺤﻞ ﻳﻌﻨﻲ ﺻﺎﻳﺮﻩ ﺧﺮﻳﻄﻪ ﻧﻤﺖ ﻭﻣﺎﺣﺴﺖ ﺍﻝ ﻋﻠﻰ ﺩﻛﺖ ﺍﻟﻔﻮﻥ ﻛﻤﺰﺕ ﺑﺎﻭﻋﺖ ﺍﻟﺴﺎﻋﻪ ١١ﻭﻧﺺ ﻛﻤﺖ ﻗﻔﻠﺖ ﺍﻟﺒﺎﺏ ﻭﺭﺟﻌﺖ ﺗﻠﻔﻠﻔﺖ ﻭﺧﻠﻴﻴﺖ ﺍﻟﺴﻤﺎﻋﻪ ﻧﻔﺼﻞ ﻭﺭﺟﻊ ﺩﻙ ﻣﺮﻩ ﺛﺎﻧﻴﻪ
ﺣﺒﻴﺒﻲ ﺷﻠﻮﻧﻚ
ﻳﺎﺑﻌﺪ ﺣﺒﻴﺒﺞ ﻭﺍﻫﻠﻪ ﻧﺎﻳﻤﻪ ﻣﻮﻭ
ﺍﻱ ﻏﻔﻴﺖ ﻻﻥ ﺷﻔﺘﻚ ﺗﺄﺧﺮﺕ
ﻫﺴﺘﻮﻧﻲ ﻓﺘﺖ ﺍﻟﺒﻴﺖ
ﻣﻤﻤﻢ ﻭﻳﻦ ﺩﺗﺮﻭﺡ
ﺷﻜﺪ ﺗﺴﺌﻠﻴﻦ ﻫﺬﺍ ﺍﻟﺴﻮﺍﻝ ﻭﺷﻜﺪ ﺍﻛﻠﺞ ﺑﻠﺸﻐﻞ
ﺣﺒﻴﺒﻲ ﻏﻴﺮ ﺑﺎﻟﻲ ﻳﻤﻚ
ﻻﻳﻀﻞ ﺑﺎﻟﺞ ﻭﻻﺗﻔﻜﺮﻳﻦ ﺑﺸﻲ ﻫﺎﻱ ﺍﻧﺎ ﻛﻞ ﻣﺎﻓﺮﻕ ﺧﺎﺑﺮﺝ
ﺿﺮﺍﺭ ﻃﺮﺷﺘﻨﻲ ﺷﺪﻃﻜﻂ
ﺩﺍﺳﻮﻱ ﻋﺸﻪ
ﺗﻌﺮﻑ ﺗﻄﺒﺦ
ﻻ ﻭﺍﻟﻠﻪ ﺑﺲ ﺍﻟﺠﻮﻉ ﺿﺎﻟﻢ
ﺍﺩﺭﻱ ﺟﺎﻥ ﺍﻛﻠﺖ ﺑﺮﻩ
ﻳﻤﻌﻮﺩﻩ ﻭﺍﻟﻠﻪ ﺑﻄﻨﻲ ﻋﻔﻨﺖ ﻣﻦ ﺍﻛﻞ ﺍﻟﺒﺮﻩ ﺻﺮﺕ ﺣﺎﻓﻀﻪ ﺣﻔﺾ
ﺳﻮﺩﻩ ﻋﻠﻴﻪ
ﺍﺳﻢ ﺍﻟﻠﻪ ﻋﻠﻴﺞ
ﺷﻨﻮ ﺩﺗﺴﻮﻱ
ﺑﻴﺾ ﻭﻃﻤﺎﻃﻪ
ﻻ ﺍﻟﻠﻪ ﻋﻠﻴﻚ
ﻟﻴﺶ
ﺍﻣﻮﺕ ﻣﻨﻬﺎ
ﺧﺎﻳﺒﻪ ﻫﻮﻩ ﺍﻛﻮ ﻭﺍﺣﺪ ﻳﻜﺮﻫﻪ ﻏﻴﺮ ﺗﺨﺒﻞ
ﺍﺳﻜﺖ ﺗﺮﻩ ﻣﻦ ﺍﻟﺴﻮﺍﻟﻒ ﺑﻴﻬﻪ ﺭﺍﺡ ﺍﺗﺨﺮﺑﻂ
ﺟﺎ ﺷﻠﻮﻥ ﺗﺴﻮﻳﻠﻴﺎﻩ ﻟﻮ ﺗﺰﻭﺟﻨﻪ
ﻭﻳﻌﻌﻌﻌﻌﻌﻌﻊ
ﻫﻬﻬﻬﻬﻬﻬﻬﻬﻪ ﻫﺎﻱ ﺷﻨﻮ ﺍﻟﻨﻮﺏ
ﺿﺮﺍﺭ ﻛﻞ ﻋﻘﻠﻚ ﺍﻟﻤﺲ ﺍﻟﺒﻴﺾ ﻏﻴﺮ ﺍﺗﺨﺒﻞ
ﺣﺒﻴﺒﺘﻲ ﻭﺍﻧﺎ ﺍﺣﺒﻪ ﺷﻠﻮﻥ ﻣﺎﺗﺴﻮﻳﻠﻲ ﻟﻮ ﻃﻠﺒﺖ ﻣﻨﺞ
ﻻ
ﺧﺎﺏ ﻭﻳﻦ ﺍﻛﻞ ﻣﺎﺗﻜﻠﻴﻠﻲ
ﻋﻮﺩ ﺧﺎﻟﻪ ﺗﺴﻮﻳﻠﻚ ﺍﺫﺍ ﺷﺘﻬﻴﺖ
ﺑﺲ ﺍﻧﺎ ﺍﺭﻳﺪﻩ ﻣﻦ ﺍﻳﺪﺝ
ﺿﺮﺍﺭ ﻻﺗﻀﻞ ﻧﺪﺍﻫﺮ ﺑﻴﻪ ﻏﻴﺮ ﺍﻟﻤﻮﺿﻮﻉ
ﺍﻭﻛﻔﻲ ﺑﺲ ﺍﺧﺒﻂ ﺍﻟﺒﻴﺾ
ﺿﺮﺍﺍﺍﺭ
ﻫﻬﻬﻬﻪ ﺍﺷﺎﻗﻪ ﻭﻳﺎﺝ
ﻣﻤﻢ ﺷﻠﻮﻧﻚ
ﺟﻮﻋﺎﻥ
ﻫﺴﻪ ﻣﻮﺭﺍﺡ ﺗﺎﻛﻞ
ﺑﻌﺪﻩ ﻣﺴﺘﻮﺕ
ﻳﻠﻪ ﺗﻌﺸﻰ ﻭﺭﺍﻩ ﺍﺧﺎﺑﺮﻙ
ﻻ
ﻟﻴﺶ
ﺍﺑﻘﻲ ﻋﻞ ﺣﻂ ﻭﺍﻧﺎ ﺍﻛﻞ
ﺍﻭﻙ .. ﻭﻳﻦ ﺻﺮﺕ
ﺟﺎﻱ ﺍﺑﺪﻝ
ﻣﻤﻢ
ﺍﻭﻛﻔﻲ ﺩﻗﻴﻘﻪ ﺗﻨﺪﻙ ﺍﻟﺒﺎﺏ
ﻣﻨﻮ ﻳﺠﻴﻚ ﻫﺴﻪ
ﻣﺎﺩﺭﻱ ﻳﻠﻪ ﺳﺪﻱ
ﻣﺎ ﻣﻮ ﺍﻟﺴﻤﺎﻋﻪ ﺑﺬﻧﻚ ﺍﻓﺘﺢ ﺍﻟﺒﺎﺏ ﻭﺍﻧﻲ ﻋﻞ ﺧﻂ ﺍﺭﻳﺪ ﺍﺷﻮﻑ ﻣﻨﻮﻭ
ﻟﺞ ﺑﻮﻳﻪ ﺭﻭﺣﻲ ﺷﻮﻳﻪ ﻭﺧﺎﺑﺮﺝ
ﺿﺮﺍﺭ ﻭﺍﻟﻘﺮﺁﻥ ﺍﺫﺍ ﺳﺪﻳﺘﻪ ﺍﺯﻋﻞ
ﻣﺴﻮﺩﻧﻪ ﻭ ﺍﻟﻠﻪ ﻣﺴﻮﺩﻧﻪ
ﺩﻓﺘﺢ ﺍﻟﺒﺎﺏ ﻋﺎﺩ
ﺑﻘﻴﺖ ﺳﺎﻛﺘﻪ ﺑﺲ ﺍﺳﻤﻊ ﻧﻔﺴﻪ ﻣﻦ ﻳﻤﺸﻲ ﻭﺻﻮﺕ ﺍﻟﺒﺎﺏ ﺑﻌﺪﻳﻦ ﻛﻤﺖ ﺍﺳﻤﻊ ﺣﺠﻲ
ﺍﻧﻌﻞ ﻏﻴﺮﺗﻚ ﻫﻢ ﺷﺎﺭﺏ
ﺿﺮﺍﺭ ﻭﺧﺮ ﺍﺭﻳﺪ ﺍﻧﺎﻡ
ﺍﺑﻦ ﺍﻟﺴﺎﻗﻂ ﻳﻮﻣﻴﻪ ﺍﺣﻨﺎ ﻋﻞ ﻫﻞ ﺭﻧﻪ
ﻫﺴﻪ ﺗﺴﻜﺖ ﻟﻮ ﺭﺍﺟﻊ
ﺍﻣﺸﻲ ﻓﻮﺕ ﺍﻣﺸﻲ
ﺑﺮﺩﺍﻥ
ﻫﺴﻪ ﺗﻨﺨﻤﺪ ﻭﺗﺪﻓﻰ ﺑﺲ ﺗﻌﺎﻝ ﺍﻏﺴﻞ ﻭﺟﻬﻚ ﺷﻜﺪ ﻣﺘﺰﻗﻨﺐ ﻟﺨﺎﻃﺮ ﺭﺑﻚ
ﻟﻚ ﻭﻭﻭﻭﻭﻭﻭﻭﻭﺧﺮ ﺍﻟﻤﻲ ﺑﺎﺭﺩ
ﻃﺒﻚ ﻣﺮﺽ ﺷﻮﻑ ﺭﻳﺤﺘﻚ ﺗﻜﺘﻞ
ﻫﺎﻫﻴﻪ ﺑﺲ ﻭﺧﺮ
ﻟﻚ ﺍﻣﺸﻲ ﻋﺪﻝ ﺣﺘﻰ ﺍﻧﻲ ﺭﺍﺡ ﺗﻮﻛﻌﻨﻲ ﻳﻠﻪ ﺍﻧﺰﻉ ﺣﺬﺍﺋﻚ ﻭﻧﻄﻤﺮ
ﻏﻄﻴﻨﻲ
ﺍﻱ ﻣﻮﺍﻧﻲ ﺍﻟﺨﺎﺩﻡ ﻣﺎﻝ ﺍﺑﻮﻙ ﺍﻟﻜﻮﺍﺩ ﺍﻟﻤﺎﺕ ﻭﺫﺑﻚ ﻋﻠﻴﻪ
ﺍﺳﻤﻊ ﻭﺣﻴﻠﻲ ﻛﻠﻪ ﺭﺟﻒ ﻣﻦ ﻛﺎﻡ ﻳﻔﺸﺮ ﺧﻔﺖ ﻳﻄﻮﺥ ﻫﻤﺴﺖ
ﺿﺮﺍﺭ ﻭﻳﺎﻩ ﻣﻨﻮ ﺩﺗﺤﺠﻲ
ﺻﺮﺥ
ﻻﺗﻜﻔﺮﺭﺭﺭﺭﺭﺭﺭﻳﻨﻲ ﺍﻧﺖ ﻟﻴﻬﺴﻪ ﻋﻞ ﺧﻂ ﻣﻦ ﺍﻧﻌﻞ ﺣﻀﺞ
ﻃﻮﻁ ﻃﻮﻁ ﻃﻮﻁ .. ﺳﺪﻩ ﻟﺰﻣﺖ ﻭﺟﻬﻲ ﺍﺣﺲ ﺭﻭﺣﻲ ﺻﺨﻨﺖ ﻛﻤﺖ ﺍﻣﺴﺢ ﻋﻠﻰ ﻛﺼﺘﻲ ﺍﺑﺮﺩﻩ ﺛﻮﺍﻧﻲ ﻭﺍﻧﻲ ﻓﺎﺻﻠﻪ ﻭﻛﻠﺸﻲ ﻣﻤﻔﺘﻬﻤﻪ ﻭﺍﺣﺪ ﻭﻳﺎﻩ ﺑﻠﺒﻴﺖ ﻭﻣﺒﻴﻦ ﺣﻴﻞ ﻳﻌﺮﻓﻪ ﺟﺎﻱ ﺷﺎﺭﺏ ﻫﺬﺍ ﻛﻞ ﺍﻟﺴﺘﻨﺘﺠﺘﻪ ﻣﻦ ﺍﻟﺴﻤﻌﺘﻪ ﺭﺟﻊ ﺩﻙ ﻓﺘﺤﺖ ﺧﻂ ﺍﺭﻳﺪ ﺍﻋﺮﻑ ﺍﻟﺴﺎﻟﻔﻪ
ﺿﻠﻴﺖ ﺳﺎﻛﺘﻪ
ﻧﺘﺮ
ﻭﻭﻭﻳﻨﺞ
ﻭﻳﺎﻙ .. ﻛﻮﻩ ﻛﻠﺘﻪ
ﻣﻦ ﺳﻤﻌﺘﻴﻨﻲ ﺍﻣﻀﺮﻁ ﺷﻜﻮ ﺑﻘﻴﺘﻲ ﺍﻟﺨﻂ ﻣﻔﺘﻮﺡ ﻭﻭﻭﻭﻭﺍﻧﻲ ﺷﻜﺘﻠﺞ ﻣﻮﻛﺘﻠﺞ ﺳﺴﺴﺪﻱ
ﻭﺍﻧﺖ ﺷﻜﻮ ﺗﺼﻴﺢ ﻋﻠﻴﻪ ﺻﺎﺣﺒﻚ ﻣﺪﺭﻱ ﺷﻴﺼﻴﺮ ﻣﻨﻚ ﺳﻜﺮﺍﻥ ﺍﻧﻲ ﺷﻜﻮﻭ
ﺍﺳﻜﺘﻲ ﻋﺎﺩ ﺧﻞ ﺍﺗﺴﻤﻢ
ﺿﺮﺍﺭ ﻣﻨﻮﻭ ﻫﺬﺍ
ﻣﻮﻛﺘﻠﺞ ﻛﺎﻋﺪ ﺍﺗﺰﻫﺮﻡ
ﺍﻧﺖ ﺷﺒﻴﻚ ﺗﺮﻩ ﻟﺴﺎﻧﻚ ﻓﺪﻣﺮﻩ
ﺟﺎ ﺳﻜﺘﻲ ﺍﺣﺴﻠﺞ
ﻣﺎﺳﻜﺖ ﺍﺫﺍ ﻣﺘﺤﺠﻴﻠﻲ ﻛﻠﺸﻲ
ﺷﻌﻠﻴﺞ ﺍﻧﺘﻲ ﺍﻧﺎ ﻭﺻﺎﺣﺒﻲ ﺍﻧﺘﻲ ﻳﺎﻫﻮ ﻣﺎﻟﺘﺞ
ﺑﺲ ﺍﻧﺖ ﻣﺎﻛﺎﻳﻠﻲ ﺍﺣﺪ ﺑﻠﺒﻴﺖ ﻋﺎﻳﺶ ﻭﻳﺎﻙ
ﺑﻮﻳﻪ ﻭﻟﺪ ﺻﺎﺣﺒﻲ ﺍﺩﺭﻱ ﺍﻧﺎ ﻣﻜﺮﻥ ﻭﺍﻛﻌﺪ ﺍﺳﻮﻟﻔﻠﺞ ﻋﻠﻰ ﺻﺤﺒﺎﻧﻲ
ﻻﻣﺤﺸﻮﻡ ﺑﺲ ﻫﺬﺍ ﻣﺒﻴﻦ ﻭﺍﺣﺪ ﻣﻮﺯﻳﻦ ﺷﻨﻮ ﻳﺸﺮﺏ ﻭﻣﻠﻔﻲ
ﻫﺎﺍﺍﺍﺍﺍﺍﺍﺍﺍﺍﺍﺟﺮ
ﺟﻔﻠﺖ
ﻣﻮﻭﻭﻭﻭﻭﻳﺎﺝ
ﺷﻜﻮﻭ
ﻻﺗﺪﺧﻠﻴﻦ ﺑﺸﻲ ﻣﺎﻳﺨﺼﺞ
ﻟﻴﺶ ﺍﻧﺖ ﻣﺘﺨﺼﻨﻲ
ﻫﺴﻪ ﺷﻠﻮﻥ ﻧﻀﻞ ﻟﻠﺼﺒﺢ ﻫﻴﺞ ﺍﻟﻒ ﻣﺮﻩ ﻛﺎﻳﻠﺞ ﻻ ﺗﺮﺩﻳﻦ ﺍﻟﻜﻠﻤﻪ ﺑﻜﻠﻤﻪ
ﺧﻠﺺ ﻻ ﺍﺭﺩﻙ ﻭﻻ ﺍﺑﺪ ﺍﻧﻲ ﺷﻌﻠﻴﻪ ﺻﺪﻙ ﺍﺻﻼ ﺍﻧﺖ ﻳﻮﻣﻴﻪ ﻃﺎﻟﻌﻠﻲ ﺑﺴﺎﻟﻔﻪ ﺷﻜﻞ
ﻳﻠﻪ ﺭﻭﺣﻲ ﺍﺭﻳﺪ ﺍﻧﺎﻡ
ﻭﺍﻧﻲ ﻫﻢ ﺑﺲ ﻗﺒﻞ ﻣﺘﺴﺪﻩ ﺍﻧﻲ ﻃﺎﻟﻌﻪ ﻟﺴﻠﻴﻤﺎﻧﻴﻪ ﻟﺒﻴﺖ ﺧﺎﻟﻲ ﺑﺎﺟﺮ ﺍﺿﻬﺮ
ﺑﻮﻳﻪ ﺭﻭﺣﻲ ﻧﺎﻣﻲ ﻭﺗﻐﻄﻲ ﺯﻳﻦ ﺍﺣﺴﻠﺞ ﻭﺗﺮﻛﻲ ﻋﻨﺞ ﻫﻞ ﺳﺎﻟﻔﻪ
ﺗﺮﻩ ﻣﺎﻛﺎﻋﺪ ﺍﺧﺬ ﺷﻮﺭﻙ ﺑﺲ ﺩﺍﺑﻠﻐﻚ ﺍﺧﺎﻑ ﺍﻧﺸﻐﻞ ﻭﻣﺎﺧﺎﺑﺮﻙ
ﺍﻱ ﺣﻜﺞ ﻃﺮﻃﻮﺭ ﺍﻧﺎ ﻭﻛﻮﺍﺩ ﺗﺎﺧﺬﻳﻦ ﺭﺃﻳﻲ ﺷﻨﻮ ﺍﻧﺎ ﺑﻴﺶ ﺍﻟﺤﻜﻪ ﺍﺻﻼ
ﻣﺤﺸﻮﻡ ﺍﻧﻲ ﻣﺎﻛﻠﺖ ﻫﻴﺞ ﻟﻴﺶ ﻣﻜﺒﺮﻩ
ﺟﺎ ﻛﻌﺪﻱ ﻭﺳﻜﺘﻲ ﺍﺣﺴﻠﺞ
ﻳﻌﻨﻲ ﺷﻨﻮﻭ
ﺍﻫﻮﻭﻭﻭﻭﻭﻭﻭﻭ ﺍﻧﺘﻲ ﻭﺗﺎﻟﻲ ﻭﻳﺎﺝ ﻛﻞ ﻋﻜﻠﺞ ﺍﺧﻠﻴﺞ ﺗﺮﻭﺣﻴﻦ ﻟﺘﻠﻔﺎﺕ ﺍﻟﺪﻧﻴﻪ ﻭﺍﻧﺎ ﻫﻨﺎ ﺍﺿﻞ ﺧﺮﺍﻉ ﺧﻀﺮﻩ
ﻃﺒﻌﺎ ﺍﻧﺖ ﻣﺪﺗﺘﻔﺎﻫﻢ ﻛﻠﺶ ﺭﺍﺡ ﺍﺭﻭﺡ ﺍﻧﺎﻡ ﻭﺍﻟﺼﺒﺢ ﻧﺤﺠﻲ
ﺑﺲ ﻣﺎﺗﺮﻭﺣﻴﻦ ﻫﺎﺍﺍ
ﺍﻱ ﻋﻮﺩ ﻣﺎﺭﻭﺡ
ﺭﻭﺣﻲ ﻃﻠﻊ ﺍﻟﻌﺸﻪ ﺳﻢ ﻋﻠﻴﻪ
ﻭﺍﻧﻲ ﻟﻮ ﺻﺎﺣﺒﻚ ﻭﺍﻧﺖ ﻫﺴﻪ ﺩﺫﺏ ﺣﺮﻛﺘﻚ ﺑﻴﻪ
ﺍﺍﺍﺥ ﺍﻟﻠﻪ ﺍﻧﺘﻲ ﻣﺎﺗﻌﺮﻓﻴﻦ ﺗﻌﺒﺮﻳﻦ ﻛﻠﻤﻪ ﻻﺯﻡ ﺗﺮﺩﻳﻦ ﺧﺎﻳﺒﻪ ﺗﺼﺒﺤﻴﻦ ﻋﻠﻰ ﺧﻴﺮ
ﻭﺍﻧﺖ ﻣﻦ ﺍﻫﻠﻪ
ﺳﺪﻳﺘﻪ ﻭﻣﺎ ﺍﺧﺬﺕ ﻣﻨﺎ ﻻﺣﻖ ﻭﻻﺑﺎﻃﻞ ﻻﺳﻮﻟﻔﻠﻲ ﻋﻠﻰ ﻫﺬﺍ ﺍﻟﺴﻤﻌﺘﻪ ﻭﻻ ﻗﺒﻞ ﻳﺘﻨﺎﻗﺶ ﺑﺮﻭﺣﺘﻲ ﻋﺮﻓﺖ ﺭﺍﺡ ﺗﺼﻴﺮ ﻣﺸﻜﻠﻪ ﺑﺴﺒﺐ ﻫﻞ ﺷﻲ
ﻟﺜﺎﻧﻲ ﺧﺎﺑﺮﻧﻲ ﻫﺎﺩﻯ ﺟﺎﻥ ﻭﺍﻧﻲ ﻣﺎﻓﺘﺤﺖ ﻣﻮﺿﻮﻉ ﺻﺪﻳﻘﻪ ﻛﻞ ﻫﻤﻲ ﻫﺴﻪ ﺍﻗﻨﻌﻪ ﺑﺮﻭﺣﻪ ﺍﻟﺸﻤﺎﻝ ﻭﻟﻪ ﺷﻜﻮﻝ ﺍﻻﻣﻲ ﻭﻓﻌﻼ ﺿﻠﻴﺖ ﺍﺗﻐﺰﻝ ﺑﻲ ﻭﻫﻮﻩ ﻫﻢ ﻣﻦ ﺣﺴﻴﺘﻪ ﻓﻚ ﻭﻧﺪﻣﺞ ﻛﺘﻠﻪ ﻭﺿﺤﺘﻠﻪ ﻣﺎﻛﺪﺭ ﻣﺎﺭﻭﺡ ﻗﻨﻊ ﺑﺴﺮﻋﻪ ﺳﺪﻳﺘﻪ ﻗﺒﻞ ﻣﻴﻐﻴﺮ ﺭﺍﻳﻪ..بيج قصص عراقيه حقيقيه من واقعنا.روعه الطائي
ﻭﺑﺪﻳﻨﻪ ﻧﺠﻬﺰ ﺍﺳﻴﻞ ﺭﺍﺣﺖ ﻭﻳﺎﻧﻪ ﺑﻘﻴﻨﻪ ﻳﻮﻣﻴﻦ ﺣﻴﻞ ﺗﻮﻧﺴﻨﻪ ﺣﺘﻰ ﺍﻣﻲ ﻧﻔﺴﻴﺘﻪ ﺭﺗﺎﺣﺖ ﻭﺿﺮﺍﺭ ﺍﻧﻲ ﻭﻳﺎﻩ ﻟﺤﻀﻪ ﺑﻠﺤﻀﻪ ﺳﺘﺒﺮﻕ ﻃﺎﻟﻌﻪ ﺗﺠﻨﻦ ﻭﺍﻟﻤﻬﺮ ﺗﺤﻔﻪ ﺷﻲ ﺧﻴﺎﻟﻲ ﻭﻛﻠﻪ ﻓﻴﻜﺎﺕ ﻭﺭﺍﻗﻲ
ﺍﻟﺘﺼﻮﻳﺮ ﺟﺎﻥ ﻟﻌﺒﺘﻲ ﻭﺛﻘﺖ ﻛﻠﺸﻲ ﻭﺷﻜﻮ ﺷﻲ ﺑﻨﻔﺴﻲ ﺍﺧﺬﺕ ﻓﻜﺮﺗﻪ ﻣﻦ ﻣﻬﺮ ﺳﺘﺒﺮﻕ ﺍﺣﺠﻲ ﻟﻀﺮﺍﺭ ﻭﺍﻛﻠﻪ ﻫﻴﺞ ﻧﺴﻮﻱ ﺑﻤﻬﺮﻧﻪ ﻭﻫﻮﻩ ﻣﻴﺠﺎﻭﺑﻨﻲ ﻏﻴﺮ
ﺻﺎﺭ
ﺍﺩﻟﻠﻲ
ﻋﻴﻮﻧﻲ ﺍﻟﺞ ﺑﺲ ﺍﺭﺟﻌﻠﻲ ﻣﻮﺷﺘﻌﻠﺖ
ﺍﻟﺴﻔﺮﻩ ﻛﻠﻪ ﻣﺎﺣﺴﻴﺖ ﺍﻧﻲ ﺧﺎﺭﺝ ﺑﻐﺪﺍﺩ ﻋﺎﻳﺸﻪ ﺑﻘﻮﻗﻌﺖ ﺿﺮﺍﺭ ﻭﺑﺲ
ﺭﺟﻌﻨﺎ ﻭﺑﺪﻳﺖ ﺍﺣﻀﺮ ﻟﻠﻤﺘﺤﺎﻧﺎﺕ ﺣﺘﻰ ﺿﺮﺍﺭ ﻧﺸﻐﻞ ﻭﻣﻄﻤﺌﻦ ﺍﻧﻲ ﻫﻨﺎ ﻭﺍﻧﻲ ﻫﻢ ﺫﺑﻴﺖ ﻛﻞ ﺟﻬﺪﻱ ﺣﺘﻰ ﺍﻋﺒﺮ ﻟﻠﻤﺮﺣﻠﻪ ﺍﻟﺜﺎﻧﻴﻪ ﺑﺤﻴﺎﺗﻲ ..........
ﺭﻏﺪ ....... ﺃﻳﺎﻡ ﻣﺮﺕ ﻭﺍﻧﻲ ﻭﺃﻣﻴﻦ ﺍﻳﺎﻣﻨﻪ ﺍﺣﻠﻰ ﻣﻦ ﺍﻟﻌﺴﻞ ﻳﺤﻴﺮ ﺷﻴﺠﻴﺒﻠﻲ ﻭﺷﻴﻨﻜﻞ ﻭﺍﻟﻐﺰﻝ ﻭﺍﻟﺤﺐ ﺑﺤﺚ ﺁﺧﺮ ﺭﻏﻢ ﻭﺭﺩﻩ ﻣﻌﺎﻓﺘﻨﻲ ﻭﺩﻭﻣﻪ ﺗﻐﺜﻨﻲ ﻭﺗﺨﻠﻴﻨﻪ ﻧﺘﻼﺳﻦ ﻭﺩﻛﺒﺐ ﺍﻣﻲ ﺗﺨﻠﻴﻪ ﺩﻛﻮﻡ ﻋﻠﻴﻨﻪ ﺛﻨﻴﺘﻪ ﺗﺨﺮﻁ ﻭﺍﻧﻲ ﺍﻋﺒﺮ ﻭﺍﻋﺒﺮ ﻭﺧﺎﻳﻔﻪ ﻣﻦ ﻋﻼﻗﺘﻪ ﺑﺸﻴﻤﺎﺀ ﺻﺎﻳﺮﺍﺕ ﻳﺪﻫﻴﻨﻪ ﻻﺗﻨﻜﺘﻴﻦ ﻭﻛﻞ ﻣﺎﻳﺠﻲ ﺿﺮﺍﺭ ﻭﺭﺩﻩ ﺩﺯ ﻋﻞ ﺷﻴﻤﺎ ﻭﺫﻳﺞ ﺗﻠﻄﺶ ﻳﻤﻨﻪ ﻋﺮﻓﺖ ﺍﻟﻤﻐﺰﻩ ﻭﺭﺩﻩ ﺗﻮﻫﻢ ﺷﻴﻤﺎ ﺑﺤﺐ ﺿﺮﺍﺭ ﺣﺘﻰ ﻣﻦ ﺧﻼﻟﻪ ﺗﻜﺴﺐ ﺷﻴﻤﺎﺀ
ﻣﺘﺤﻤﻠﺖ ﻭﺩﺧﻠﺖ ﻋﻠﻴﻪ ﻟﻠﻐﺮﻓﻪ ﻭﻛﻔﺖ ﻛﺎﺑﻠﻪ ﺩﺍﺭﺕ ﻭﺟﻬﻪ
ﻭﺭﺩﻩ ﻭﻳﻦ ﺗﺮﺩﻳﻦ ﺗﻮﺻﻠﻴﻦ
ﺧﻴﺮ ﻳﺎ ﻃﻴﺮ ﺷﻜﻮ ﺍﻧﻮﺏ
ﻛﻮﻟﻲ ﻳﺨﺘﻲ ﺷﻌﻨﺪﺝ ﻭﻳﺎﻩ ﺷﻴﻤﺎﺀ ﻭﺑﺸﻨﻮ ﻏﺎﺳﻠﻪ ﻣﺦ ﺍﻟﺒﺖ
ﻭﺍﻧﺘﻲ ﺷﻌﻠﻴﺞ ﺗﻐﺎﺭﻳﻦ ﺑﻨﺖ ﻋﻤﻲ ﻭﺍﻧﺎ ﻭﻳﺎﻩ ﺻﺤﺒﻪ ﻟﻮﻫﻢ ﺗﺮﺩﻳﻦ ﺗﺎﺧﺬﻳﻬﻪ
ﺷﺎﺧﺬ ﻭﺭﺩﻩ ﺷﺎﺧﺬ ﺗﺮﻩ ﻻﺗﺸﻮﻓﻴﻨﻲ ﺳﺎﻛﺘﻪ ﺗﺮﻩ ﺍﻋﺮﻑ ﻛﻞ ﺗﺪﺍﺑﻴﺮﺝ ﻻﻋﺒﺎﻟﺞ ﺍﻧﺎ ﺍﻣﻲ ﻭﺗﺴﻜﺘﻴﻬﻪ ﺑﺤﺠﺎﻳﺘﻦ ﻻﺗﻮﺭﻃﻴﻦ ﺷﻴﻤﺎﺀ ﻭﻳﺎﻩ ﺿﺮﺍﺭ ﺗﺮﻩ ﺗﺼﻴﺮ ﻛﺎﺭﺛﻪ ﻭﺍﻧﺘﻲ ﺳﺒﺒﻬﻪ
ﻭﺍﻧﻲ ﺷﻜﻮ ﺑﻨﺖ ﻋﻤﺞ ﻣﻠﻜﻮﻓﻪ ﻭﺗﺤﺐ ﺍﺧﻮﺝ
ﻭﺍﺧﻮﻧﺎ ﻣﺎﻳﺤﺒﻪ ﻳﻮﺭﺩﻩ ﻟﻮﻧﺴﻴﺘﻲ ﺿﺮﺍﺭ ﻳﺮﻳﺪ ﺑﻨﺖ ﺑﻐﺪﺍﺩ ﻭﻋﺎﺷﻜﻬﻪ
ﻭﺍﻧﻲ ﻳﺎﻫﻮ ﻣﺎﻟﺘﻲ
ﺷﻠﻮﻥ ﺍﻧﺖ ﻳﺎﻫﻮﻩ ﻣﺎﻟﺘﺞ ﺟﺎ ﻣﻨﻮ ﻣﻜﺎﺑﻞ ﺷﻴﻤﺎﺀ ﺑﻠﺴﺎﻋﺎﺕ ﻭﻳﺤﺸﻲ ﺑﺮﺍﺳﻬﻪ
ﻃﻠﻌﻲ ﺑﺮﻩ ﻻﺗﺪﺧﻠﻴﻦ ﻳﻜﻮﻥ ﺍﺣﺴﻦ
ﺍﻧﺎ ﻃﺎﻟﻌﻪ ﺑﺲ ﻗﺒﻞ ﻣﺎﺍﻃﻠﻊ ﺍﻛﻠﺞ ﻳﺎﻭﺭﺩﻩ ﺟﻮﺯﻱ ﻣﻦ ﻣﺨﻄﻄﺎﺗﺞ ﺗﺮﺍﺝ ﻳﺠﻲ ﻳﻮﻡ ﻭﺗﻮﻛﻌﻴﻦ ﺑﺸﺮ ﺍﻋﻤﺎﻟﺞ
ﺩﺍﺭﺕ ﻭﺟﻬﻪ ﻭﻛﻠﺒﺖ ﻋﻴﻮﻧﻪ ﺑﺘﺴﻬﺰﺍﺀ ﻭﺍﻧﻲ ﻃﻠﻌﺖ ﺍﺑﺠﻲ ﻋﻠﻰ ﺣﻀﻲ ﻭﻋﻞ ﺩﻳﺼﻴﺮ ﺑﻴﻨﻪ ﺍﺧﺘﻲ ﺗﺴﻮﺩﻧﺖ ﻭﻛﺎﻣﺖ ﺗﺸﺒﺞ ﻟﺤﻴﻪ ﺑﻠﺤﻴﻪ ﻭﺣﺘﻰ ﺿﺮﺍﺭ ﻣﺎﻋﺎﺩﺕ ﺗﻬﺎﺑﻪ ﻭﺗﺸﺘﻐﻞ ﺿﺪﻩ ﻟﺠﻞ ﺗﺨﺮﺏ ﻋﻠﻴﻪ
ﻣﻌﻘﻮﻟﻪ ﻫﺎﻱ ﺍﺧﺘﻲ ﻫﺎﻱ ﻭﺭﺩﻩ ﺍﻟﻬﺎﺩﻯ ﺍﻟﻌﺎﻗﻠﻪ ﺍﻟﺮﺍﻛﺰﻩ ﺑﻴﻮﻡ ﻭﻟﻴﻠﻴﻪ ﻃﺎﺭ ﻋﻘﻠﻪ ﻭﺗﺴﻮﺩﻧﺖ ؟
ﺍﺭﻳﺪ ﺍﻃﻠﺐ ﻣﻦ ﺍﻣﻴﻦ ﻳﻌﺠﻞ ﺑﺰﻭﺍﺟﻨﻪ ﻋﺒﻦ ﺍﻧﺎ ﻛﻤﺖ ﺍﺧﺎﻑ ﻣﻨﻬﻪ ﻭﺍﺗﻮﻗﻊ ﻛﻠﺸﻲ ﺗﺴﻮﻳﻠﻲ ﻳﻮﻡ ﻳﻮﻣﻴﻦ ﻋﺸﺮﻩ ﻭﺭﺩﻩ ﻫﻴﻪ ﻫﻴﻪ ﻋﻤﻲ ﺭﺷﺪﻱ ﺳﻮﻩ ﻋﻤﻠﻴﻪ ﻭﺍﺟﺎﻩ ﺃﻣﻴﻦ ﻣﻦ ﺍﻟﺼﺒﺢ ﺍﺧﺬﻧﻲ ﻛﺎﻝ ﻣﺴﻮﻳﻦ ﻏﺪﻩ ﻋﻠﻰ ﺳﻼﻣﺘﻪ ﺭﺣﺖ ﻭﺍﻣﻲ ﻭﺍﻓﻘﺖ ﺍﺭﻭﺡ ﻛﺎﻟﺖ ﺑﻴﺖ ﻋﻤﺞ ﻭﺭﺟﻠﺞ ﺍﺟﺎﺝ ﺍﻭﻛﻔﻲ ﻭﻳﺎﻫﻢ ﻭﺳﺎﻋﺪﻳﻬﻢ ﻭﺍﺣﻨﺎ ﻭﻛﺖ ﺍﻟﻐﺪﺍ ﻋﻮﺩ ﻧﺠﻲ ﺑﺪﻟﺖ ﻭﻣﻜﻴﺠﺖ ﺧﻔﻴﻒ ﻟﺒﺴﺖ ﻓﺴﺘﺎﻥ ﻣﺤﺠﺒﺎﺕ ﻣﺨﺼﺮ ﻭﻓﻮﻛﺎﻩ ﺗﺼﻴﺮ ﺳﺘﺮﻩ ﻃﻠﻌﺖ ﺣﻴﻞ ﻣﺮﺗﺒﻪ ﺍﺑﺪﻝ ﻭﺭﺩﻩ ﺗﺨﻮﺯ ﺑﻴﻪ
ﻛﻠﻤﻪ ﻣﺎﺟﺎﺟﺒﺘﻪ ﺧﻠﻴﺖ ﻭﻃﻠﻌﺖ ﻭﻳﺎﻩ ﺃﻣﻴﻦ ﻭﻫﻴﻪ ﺗﺒﺎﻭﻉ ﻣﻦ ﺷﺒﺎﺝ ﺍﻟﺼﺎﻟﻪ ﺃﻣﻴﻦ ﻣﺎﻳﺪﺭﻱ ﺑﻴﻬﻪ ﺑﺲ ﺍﻧﻲ ﺍﺷﻮﻓﻬﻪ ﻭﺻﻠﺖ ﺑﻴﺖ ﻋﻤﻲ ﻭﺃﻣﻴﻦ ﻟﺘﻬﻪ ﺑﻠﺨﻄﺎﺭ ﻭﺍﻧﻲ ﺑﻠﻤﻄﺒﺦ ﻭﻳﺎﻩ ﻣﺮﺕ ﻋﻤﻲ ﺍﺳﺎﻋﺪﻩ ﻭﺧﻮﺍﺗﻬﻪ ﻭﻋﻤﺎﺗﻲ ﻭﺑﻨﺎﺗﻬﻢ ﻭﻛﻞ ﻛﺮﺍﻳﺒﻨﻪ ﻣﻮﺟﻮﺩﻳﻦ ﻧﻄﻠﻘﺖ ﻭﻛﻤﺖ ﺍﺷﺘﻐﻞ ﺑﺮﺍﺣﻪ ﻭﺍﻣﻴﻦ ﻛﻞ ﻣﺎﻳﻔﻮﺕ ﻳﻐﻤﺰﻟﻲ ﻟﻮ ﻳﺒﻮﺳﻨﻲ ﺑﻠﻬﻮﻩ ﻳﺨﻠﻲ ﻟﻜﻞ ﻳﻀﺤﻚ ﻭﻳﻜﻠﻪ ﻳﻠﻪ ﺳﺘﻌﺠﻞ ﻭﺗﺰﻭﺟﻮ ﻭﺍﻧﻲ ﺍﺧﺠﻞ ﻭﺍﺩﻧﻚ
ﻟﺤﺪ ﻭﻛﺖ ﺍﻟﻐﺪﺍ ﺍﺟﻮﻱ ﺍﻣﻲ ﻭﺭﺩﻩ ﻭﺿﺤﻰ ﻭﻛﺘﻜﻮﺗﻪ ﻟﺠﺎﺑﺘﻪ ﻭﻧﻮﺭ ﻋﻠﻴﻨﻪ ﺍﻟﺪﻧﻴﻪ ﺍﻟﻤﻬﻢ ﺑﺪﻳﻨﻪ ﻧﺼﺐ ﻭﺻﺎﺣﺖ ﻭﺭﺩﻩ ﻛﺪﺍﻡ ﺍﻟﻜﻞ
ﻳﺎﺍﺍ ﺭﻏﺪ ﺍﻟﺴﺘﺮﻩ ﺍﺩﻣﺮﺕ ﺷﻮﻓﻲ
ﺑﺎﻭﻋﺖ ﻋﻠﻰ ﺟﺘﻔﻲ ﻃﻔﺎﺭ ﻣﺎﻋﺮﻑ ﻣﺎﻝ ﺷﻨﻮﻭ ﻋﻤﺘﻲ ﻛﺎﻣﺖ ﺗﺴﻮﻱ ﺫﺑﻴﻬﻪ ﻳﻤﻪ ﻭﺧﻀﻴﻬﻪ ﻻﻳﺠﻠﺐ ﺑﻴﻬﻪ ﺫﺑﻴﺘﻪ ﻋﻞ ﻛﺮﺳﻲ ﻭﻛﻠﺖ ﻣﻦ ﻧﻜﻤﻞ ﺻﺐ ﺍﺧﻀﻪ ﻭﺍﻟﺒﺴﻪ ﻭﺍﻟﻤﻄﺒﺦ ﻣﺎﻳﻔﻮﺕ ﺍﺣﺪ ﺑﺲ ﺍﻣﻴﻦ ﻻﻥ ﺍﻟﻔﺴﺘﺎﻥ ﻣﻦ ﻓﻮﻡ ﺣﻴﻞ ﺿﻴﺞ ﺣﺘﻰ ﺍﻟﺤﻤﺎﻟﻪ ﻣﺒﻴﻨﻪ ﻭﻃﺎﺑﻌﻪ
ﻣﻠﺘﻬﻴﻪ ﻭﺍﻛﻔﻪ ﺍﺧﻠﻲ ﺍﻟﺨﻀﺮﻩ ﺑﻠﺴﻼﺕ ﻭﺳﻤﻌﺖ ﺻﻮﺕ ﻗﻴﺲ ﺍﺑﻦ ﻋﻤﻲ ﻛﺮﻳﻢ ﺍﻟﺰﻏﻴﺮ ﻫﺬﺍ ﻓﺪ ﻭﺍﺣﺪ ﻋﻮﻳﻨﺠﻲ ﻭﻧﺴﻴﻮﺍﻧﻲ ﻭﻻ ﻋﺒﺎﻟﻚ ﺭﺿﺎ ﺃﺧﻮﻩ ﻫﻮﻩ ﺷﺎﻓﻨﻲ ﻭﺿﻞ ﻳﺨﺰ ﺑﻴﻪ ﻣﻦ ﻓﻮﻙ ﻟﻴﺠﻮﻩ
ﺭﺗﺒﻜﺖ ﻭﺩﺭﺕ ﺍﻟﺒﺲ ﺳﺘﺮﺗﻲ ﺣﺘﻰ ﻟﻮ ﺗﻮﺻﺨﺖ ﺑﺲ ﻣﺎﻟﻜﻴﻨﻪ ﻋﻞ ﻛﺮﺳﻲ ﺧﺮﺏ ﺗﻮﻧﻲ ﺣﻄﻴﺘﻪ ﻭﻳﻦ ﺭﺍﺣﺖ ﻗﺒﻞ ﻣﺎﻋﻮﻑ ﺍﻟﻤﻜﺎﻥ ﻭﺍﻃﻠﻊ ﻓﺎﺕ ﺃﻣﻴﻦ ﻭﺻﺎﺡ
ﺷﻨﻲ ﺍﻟﺴﺎﻟﻔﻪ ﻭﻳﻦ ﻏﺪﺍﺟﻦ
ﺣﺠﺎﻫﻪ ﻭﺑﺎﻭﻉ ﻋﻠﻴﻪ ﻟﻮﻭﺟﻬﻪ ﻧﻜﻠﺐ ﻛﻠﺐ ﺭﺟﻊ ﺑﺎﻭﻉ ﻋﻠﻰ ﻗﻴﺲ ﻭﺯﻣﺦ..بيج قصص عراقيه حقيقيه من واقعنا.روعه الطائي
ﺍﻧﺖ ﺷﻌﻨﺪﻙ ﻳﻢ ﺍﻟﻨﺴﻮﺍﻥ
ﺩﺍﻧﺸﺪ ﻋﻞ ﻏﺪﻩ ﺍﺑﻮﻙ ﺩﺯﻧﻲ
ﺍﻣﺸﻲ ﺭﻭﺡ ﻫﻨﺎ ﺍﻛﻌﺪ ﺍﻧﺎ ﻳﻢ ﺍﻟﻐﺪﺍ
ﻗﻴﺲ ﻃﻠﻊ ﻳﻬﺰ ﺑﻴﺪﻩ ﻭﺃﻣﻴﻦ ﺗﻮﺟﻬﻪ ﻋﻠﻴﻪ ﻛﺪﺍﻣﻬﻢ ﺟﺮﻧﻲ ﻣﻦ ﺍﻳﺪﻱ ﻭﻳﺼﻴﺢ
ﺍﻧﺘﻲ ﻣﺎﺗﺴﺘﺤﻴﻦ ﺷﻨﻮ ﻫﺬﺍ ﻟﺒﺴﺞ ﻣﻔﺼﻞ ﺗﻔﺼﻞ ﻭﻗﻴﺲ ﻭﺍﻛﻒ
ﺍﺭﻳﺪ ﺍﺣﺠﻲ ﻣﺎﻛﺪ ﺑﺲ ﻋﻴﻨﻲ ﺗﺪﻭﺭ ﻋﻠﻰ ﺃﻣﻴﻦ ﻭﻋﻠﻰ ﻛﻞ ﻭﺣﺪﻩ ﻣﻦ ﺍﻟﻜﺎﻋﺪﺍﺕ ﻳﺒﺎﻭﻋﻦ ﻋﻠﻴﻨﻪ ﺭﺟﻊ ﻫﺰﻧﻲ ﺣﻴﻞ ﻭﻳﻜﻠﻲ
ﺷﻨﻮ ﺩﺗﺴﺘﻌﺮﺿﻴﻦ ﻧﻔﺴﺞ ﻟﻮ ﺻﺪﺭﺝ ﻭﺍﻟﺼﺨﺎﻣﺎﺕ ﺍﻻﺑﺴﺘﻬﻦ ﺟﻮﺍﻩ ﻫﺪﻭﻣﺞ ﺍﻧﺘﻲ ﺷﻨﻮﻭﻭ ﻣﺎﻋﻨﺪﺝ ﺣﻴﻪ ﻣﺎﻋﻨﺪﺝ ﺍﺣﺘﺮﺍﻡ
ﺑﺮﻃﻤﺖ ﻭﺍﻟﺪﻣﻌﻪ ﺣﺼﺮﺗﻨﻲ ﻭﺍﻣﻪ ﻭﺍﻣﻲ ﻭﻋﻤﺘﻲ ﻧﻮﺭﻳﻪ ﻭﺧﺮﻧﻪ ﻣﻨﻲ ﻛﺘﻠﻪ
ﻭ ﺍﻟﻠﻪ ﺃﻣﻴﻦ ﺳﺘﺮﺗﻲ ﺩﻣﺮﺕ ﻭﺍﺻﻼ ﺍﻧﻲ ﺗﻮﻧﻲ ﺩﺍﻓﻮﺕ ﺟﻮﻩ ﻣﻦ ﺷﻔﺖ ﻗﻴﺲ ﻭﺍﻧﺖ ﺩﺧﻠﺖ ﺣﺘﻰ ﺳﺘﺮﺗﻲ ﺧﻠﻴﺘﻬﺎ ﻫﻨﺎ ﻋﻞ ﻛﺮﺳﻲ ﻭﺩﻭﺭﺍﺗﻪ ﻣﺎﻟﻜﻴﺘﻪ
ﺩﺍﺷﺮﻩ ﻭﺍﻟﻜﻪ ﺍﻟﺴﺘﺮﻩ ﺑﻤﻜﺎﻧﻪ ﻭﺍﻟﻜﻞ ﻳﺒﺎﻭﻉ ﻭﻳﻦ ﻣﺪﺍﺷﺮ ﻧﻘﻬﺮﺕ ﺃﻛﺜﺮ ﻭﻛﻤﺖ ﺍﺑﺠﻲ ﺑﻘﻮﻩ ﻭﺍﺣﻠﻔﻪ ﻣﺎﻣﺠﺎﻧﺖ ﻣﻮﺟﻮﺩﻩ ﻭﻫﻮﻩ ﻳﺘﻮﻋﺪﻟﻲ ﺑﻌﺪﻳﻦ ﻳﺤﺎﺳﺒﻨﻲ
ﻃﻠﻊ ﻭﻋﺎﻓﻨﻪ ﻭﺧﻼﻩ ﻧﺎﺱ ﺗﺮﻓﻊ ﻭﻧﺎﺱ ﺗﻜﺒﺲ ﻭﺃﺷﻜﺎﻝ ﺍﻟﺤﺠﻲ ﻭﺣﺪﻩ ﺩﻛﻮﻝ ﻣﺨﺒﻞ ﻭﻣﺎﻳﺘﻔﺎﻫﻢ ﻭﺍﻟﺜﺎﻧﻴﻪ ﺩﻛﻮﻝ ﺣﻘﻪ ﺟﺬﺑﺖ ﻋﻠﻴﻪ ﻋﻴﻨﻚ ﻋﻴﻨﻚ ﻭﺍﻧﻲ ﺑﺲ ﺍﺑﺠﻲ ﻭﺭﺩﻩ ﺗﺒﺘﺴﻢ ﺑﺨﺒﺚ ﻭﻛﺎﻋﺪ ﻛﺪﺍﻣﻲ ﻭﺣﺎﻃﻪ ﺭﺟﻞ ﻋﻠﻰ ﺭﺟﻞ ........
ﺿﺮﺍﺭ .. ﺗﺎﻛﺪﺕ ﺍﺑﻮ ﺟﻤﺮﻩ ﻣﺜﻞ ﻣﺎﻭﺻﻔﺘﻪ ﻋﻼﺱ ﻭﻳﻠﻜﻂ ﻭﻳﻦ ﺍﻟﻔﻘﻴﺮ ﺍﻟﻤﺜﻞ ﺣﺎﻟﻲ ﻣﻦ ﺍﻟﻤﺴﻄﺮ ﻭﻳﻮﺭﻃﻪ ﺳﻮﻟﻔﺖ ﺍﻟﺼﻔﺎﺀ ﻭﻭﺻﻔﺘﻪ ﺍﻟﻪ ﻭﻛﻠﻲ ﺷﺎﻳﻔﻪ ﺻﺤﻴﺢ ﻋﺠﺰﺕ ﺷﺴﻮﻱ ﺍﺩﺭﻱ ﺍﺭﻭﺡ ﺍﻓﺘﺮ ﻋﻠﻰ ﻋﻤﺎﻝ ﺍﻟﻤﺴﻄﺮ ﻭﺍﻧﺒﻬﻢ ﺯﻳﻦ ﺷﻜﻢ ﻣﺴﻄﺮ ﻭﻣﺴﻄﺮ ﺑﻐﺪﺍﺩ ﻟﻮﺍﻟﺰﻡ ﺳﻤﺎﻋﻪ ﻭﺍﺻﻴﺢ ﺑﻠﻤﺴﺎﻃﺮ ﻻﺗﺘﻮﺭﻃﻮﻥ ﻭﺭﻃﺘﻲ ﺭﺍﺡ ﺍﺗﺨﺒﻞ ﻭﺍﻟﻠﻪ
ﻭﻫﺬﺍ ﺻﻔﺎﺀ ﺍﻟﺜﺎﻧﻲ ﻫﻢ ﻏﺴﻠﺖ ﺍﻳﺪﻱ ﻣﻨﺎ ﻭﻧﺠﺮﻑ ﻭﻳﺎﻫﻢ ﻭﻃﻚ ﻭﺻﺎﺭ ﻳﻠﻌﺐ ﺑﻠﻔﻠﻮﺱ ﻟﻌﺐ ﻣﻮﺻﻔﺎﺀ ﺍﻟﻔﺎﻫﻲ ﻣﺎﻝ ﻗﺒﻞ ﻫﺴﻰ ﻛﺎﻡ ﻳﻮﻛﻒ ﻛﺪﺍﻡ ﺍﺑﻮ ﻣﺎﺟﺪ ﻭﻳﺘﻘﺎﺳﻢ ﻭﻳﺎﻩ ﺍﻟﻔﻠﻮﺱ ﻧﺺ ﺑﻨﺺ ﻋﻤﻠﻴﺘﻴﻦ ﺧﻄﻒ ﻃﻠﻌﻮﻭ ﺑﻴﻬﻦ ﻛﺒﺎﻟﻲ ﻭﺍﻧﻲ ﺑﺲ ﺍﺑﺎﻭﻉ ﻭﻣﻦ ﺭﺟﻌﻨﺎ ﻛﻠﺒﺖ ﺍﻟﺪﻧﻴﻪ ﺑﻨﺺ ﺍﻟﻤﺰﺭﻋﻪ ﻋﻠﻴﻬﻢ ﻭﻣﺎﺣﺼﻠﺖ ﻏﻴﺮ ﺑﺲ ﺍﻟﺘﻬﺪﻳﺪ ﺍﻟﻤﺸﻜﻠﻪ ﺻﺮﺕ ﻋﻨﺼﺮ ﺭﺋﻴﺴﻲ ﻭﺍﻟﻴﺨﻄﻔﻮ ﻣﻴﺼﻌﺪﻭ ﺍﻝ ﺑﺠﻨﻄﻪ ﺍﻟﺴﻴﺎﺭﻩ ﻻﺳﻮﻕ ﺑﻴﻪ ﻭﻛﻞ ﻣﺎﺍﺣﺠﻲ ﻭﻛﺎﻝ ﺍﻟﺰﻋﻴﻢ ﺍﻟﻨﺬﻝ
ﺑﺎﺷﺎ ﺍﻧﺖ ﻭﻳﻦ ﺍﻛﻮ ﻣﺜﻞ ﺳﻴﺎﻗﺘﻚ ﺇﻋﺼﺎﺭ ﻭﺗﻤﺸﻲ ﺑﻠﺸﺎﺭﻉ
ﻛﻼﻣﻪ ﻫﺬﺍ ﺧﻼﻧﻲ ﻣﺮﻩ ﺍﺗﻬﻮﺭﺕ ﻭﻛﻤﺖ ﺍﺷﻄﺢ ﺑﻠﺴﻴﺎﺭﻩ ﺑﻠﺸﺎﺭﻉ ﺍﺣﺎﻭﻝ ﺍﻛﻠﺒﻪ ﺑﻴﻨﻪ ﺣﺘﻰ ﺍﻣﻮﺗﻬﻢ ﻭﺍﻣﻮﺕ ﻧﻔﺴﻲ ﺑﺲ ﻣﺎﺣﺴﻴﺖ ﺍﻝ ﺍﻟﻤﺴﺪﺱ ﺑﺨﺎﺻﺮﺗﻲ ﻭﺍﻟﺴﻴﺎﺭﺕ ﺍﻟﻘﺒﻠﻲ ﻭﺍﻟﻮﺭﺍﻳﻪ ﺍﻟﺘﺎﺑﻌﻪ ﺍﻟﻬﻢ ﺣﺎﺻﺮﻭﻧﻲ ﻭﺻﺎﺭﻭ ﻛﺪﺍﻣﻲ ﻭﺭﺍﻳﻪ
ﻫﺬﺍ ﺍﻟﺘﺼﺮﻑ ﺩﻓﻌﻨﻮﻧﻲ ﻋﻠﻴﻪ ﺍﻟﺜﻤﻦ ﻏﺎﻟﻲ ﻣﻦ ﺍﺧﺬﻭ ﺻﻔﺎ ﻳﻮﻣﻴﻦ ﺧﻠﻮﻧﻲ ﻣﺜﻞ ﺍﻟﻤﺨﺒﻞ ﺍﺩﻭﺭ ﻋﻠﻴﻪ ﺭﻳﻜﻲ ﻧﺸﻒ ﻭﻣﻴﻪ ﻣﺮﻩ ﻫﺪﻳﺖ ﻋﻠﻴﻬﻢ ﻭﺗﻼﻏﻴﺖ ﺍﻧﺎ ﻭﺃﺑﻮ ﻣﺎﺟﺪ ﻭﺧﻼﻧﻲ ﺍﺣﻠﻒ ﻣﺎﻋﻴﺪﻩ ﺑﺲ ﺣﺘﻰ ﻳﻄﻠﻌﻮ ﻻﻥ ﺫﻭﻟﻪ ﻣﺎﻋﺪﻫﻢ ﻣﺎﻧﻊ ﻳﻤﻮﺗﻮ ﺑﺴﺒﺒﻲ ﻭﺍﺷﻴﻞ ﺫﻧﺒﻪ ﻃﻮﻝ ﻋﻤﺮﻱ
ﺍﻳﺴﺖ ﻭﺷﻠﺘﻬﻢ ﻣﻦ ﺭﺍﺳﻲ ﻧﻬﺎﺋﻲ ﻭﺣﺮﺕ ﺏ ﻋﺒﺪﺍﻟﻠﻪ ﺍﻟﻴﻮﻣﻴﻪ ﻳﺨﺎﺑﺮﻧﻲ ﻭﻳﺠﻴﺒﻠﻲ ﻛﻞ ﺍﻟﻤﻌﻠﻮﻣﺎﺕ ﻋﻠﻰ ﺣﻤﻴﺮ ﻭﻫﺎﺷﻢ ﻭﺍﻧﻮﺏ ﻛﻠﻲ ﻋﻠﻰ ﺳﺎﻟﻔﻪ ﺍﻟﺴﻴﺎﺭﻩ ﻭﺣﻤﻴﺮ ﺍﻟﻜﻠﺐ ﺷﻠﻮﻥ ﻳﺴﻮﻟﻒ ﺑﻄﻮﻻﺗﻪ ﻟﺮﺑﻌﻪ ﻭﺍﻟﺴﻮﺍﻩ ﺑﺴﻴﺎﺭﺗﻲ ﻫﺎﻱ ﻃﻌﻨﻪ ﺍﺧﺮﻩ ﺍﺧﺎﻑ ﺟﻨﺖ ﺑﺲ ﺷﺎﻙ ﻻﻫﺴﻪ ﺑﻠﺴﺎﻧﻪ ﻣﻌﺘﺮﻑ
ﺍﺷﻬﺮ ﻭﻋﺒﺪﺍﻟﻠﻪ ﻣﺴﺎﻳﺮﻫﻢ ﻭﺭﺟﻊ ﻋﻼﻗﺘﻪ ﺑﻴﻬﻢ ﻭﺍﻟﻴﻮﻡ ﺧﺎﺑﺮﺗﻪ ﺣﺘﻰ ﻳﻨﻔﺬ ﺍﻟﻤﻬﻤﻪ ﺍﻟﺜﺎﻧﻴﻪ ﻭﻛﺘﻠﻪ ﺗﻌﺰﻡ ﺍﻣﻴﺮ ﻭﻫﺎﺷﻢ ﺑﻐﺪﺍﺩ ﻭﻣﻦ ﻳﻮﺻﻠﻮﻥ ﺗﺨﺎﺑﺮﻧﻲ
ﺳﻮﻩ ﻣﺜﻞ ﻣﺎﻛﺘﻠﻪ ﻭﺍﺧﺬﻟﻪ ﺍﺳﺒﻮﻉ ﻋﻠﻰ ﻣﺎﺩﺑﺮ ﺍﻣﻮﺭﻩ ﻭﺣﺪﺣﻮ ﻳﻮﻡ ﻳﺠﻮﻥ ﺑﻲ ﻭﺍﻧﺎ ﻫﻢ ﺣﻀﺮﺕ ﻧﻔﺴﻲ ﻭﺑﺪﺃ ﺍﻟﻌﺪ ﺍﻟﺘﻨﺎﺯﻟﻲ ﺣﺘﻰ ﺍﺧﺬ ﺑﺜﺎﺭﻱ ﺑﻴﻮﻣﻪ ﺣﺘﺎﺟﻴﺖ ﺍﺣﺪ ﻭﻳﺎﻱ ﻭﻣﺎﻟﻜﻴﺖ ﻏﻴﺮ ﺻﻔﺎﺀ ﻋﺒﻨﻪ ﺻﺎﺭ ﺍﺳﺘﺎﺫ ﺑﻬﺎﻱ ﺍﻟﺴﻮﺍﻟﻒ ﻭﻛﻠﺒﻪ ﻣﻴﺖ ﻣﻮ ﻣﺜﻞ ﻛﺒﻞ
ﺍﺟﻴﺖ ﻟﻠﺒﻴﺖ ﻟﻜﻴﺘﻪ ﻋﻠﻰ ﻧﻮﻣﻪ ﺍﻟﺒﺎﺭﺣﻪ ﺳﻜﺮﺍﻥ ﻃﺎﻓﻲ ﻭﻧﺎﻳﻤﻪ ﺑﺤﺬﺍﺀ ﺩﻓﺮﺗﻪ
ﻛﻮﻡ ﻟﻚ ﻛﻮﻡ ﺍﻟﻴﻮﻡ ﺍﻧﺎ ﻣﺤﺘﺎﺟﻚ
ﺿﺮﺍﺭ ﻋﻮﻓﻨﻲ ﺑﺮﻭﺡ ﺍﻟﻐﻮﺍﻟﻲ ﻭﻟﻚ ﺍﻟﻔﺠﺮ ﻧﺎﻳﻢ ﻭﺍﻟﻠﻪ
ﻃﺒﻚ ﻣﺮﺽ ﻃﺒﻌﺎ ﺗﻨﺎﻡ ﺍﻟﻔﺠﺮ ﻣﻦ ﺍﻟﺸﺮﺏ ﻭﺍﻟﻜﺢ .......
ﻳﻤﻌﻮﺩ ﺷﺘﺮﻳﺪ ﻣﻨﻲ ﻣﺘﺨﻠﻴﻨﻲ ﻣﺘﻮﻧﺲ
ﻣﺘﻮﻧﺲ ﺷﻨﻮ ﻟﻚ ﻭﺍﻟﻠﻪ ﻟﻌﺒﺖ ﻧﻔﺴﻲ ﺍﺩﺭﻱ ﺷﻠﻮﻥ ﺍﻟﻚ ﻧﻔﺲ ﺷﻮﻑ ﺭﻛﺒﺘﻚ ﺍﺩﺭﻱ ﺷﻠﻮﻥ ﺗﻄﻠﻊ ﺑﺸﺎﺭﻉ ﻭﺍﻟﻠﻪ ﺍﻟﻌﻀﻴﻢ ﻫﺴﻪ ﻳﺼﻴﺮ ﺑﻴﻚ ﻣﺮﺽ..بيج قصص عراقيه حقيقيه من واقعنا.روعه الطائي
ﺍﺍﺍﺍﺍﺍﻩ ﺍﻧﺎ ﺷﺎﻳﻒ ﻛﻮﻥ ﺍﻳﺪﺯ ﺻﺨﺎﻡ ﺑﺲ ﺍﻣﻮﺕ ﻭﺍﺧﻠﺺ ﻣﻦ ﻫﺎﻱ ﺍﻟﻤﻠﻪ ﺍﻟﺰﻓﺮﻩ
ﺩﻛﻮﻡ ﻫﺴﻪ ﻻﺗﻤﻮﺕ ﺧﻞ ﺍﻛﻤﻞ ﻣﻬﻤﺘﻲ ﻭﻋﻮﺩ ﻣﻮﺕ ﺑﺮﺍﺣﺘﻚ
ﺷﻌﻨﺪﻙ ﺍﻧﺖ ﺍﻟﺜﺎﻧﻲ ﻻﺩﻛﻠﻲ ﺻﺮﺕ ﻣﺜﻠﻬﻢ ﻭﻫﻢ ﻋﻨﺪﻙ ﻣﻬﻤﺎﺕ
ﺑﺲ ﻛﻮﻡ ﺍﻛﻌﺪ ﻭﺻﺤﺼﺢ ﻭﺍﻧﺎ ﺍﺳﻮﻟﻔﻚ ﻛﻠﺸﻲ
ﻫﺎﺍﺍ ﺍﻫﺎ ﻛﻌﺪﺕ
ﺍﺳﻤﻊ ﺻﻔﺎﺀ ﺭﺍﺡ ﺍﺳﻮﻟﻔﻠﻚ ﺑﺲ ﺍﺭﻳﺪﻙ ﺗﺼﻢ ﺣﻠﻜﻚ ﻭﺭﻩ ﻣﺘﺴﻤﻊ ﻫﻞ ﺣﺠﻲ ﺗﻨﺴﻰ ﻣﻮ ﺑﻠﻴﻞ ﺗﺴﻜﺮ ﻭﺗﺼﻔﻄﻬﻦ ﻋﻠﻴﻪ ﻛﻠﻬﻦ
ﺧﺎﺏ ﻫﺴﺎﻉ ﺍﻧﺎ ﺻﺎﺣﻲ ﺗﺴﻮﻟﻒ ﻟﻮ ﺷﻠﻮﻥ
ﺟﺎ ﺧﻮﺵ
ﻭﻛﻌﺪﺕ ﺍﺳﻮﻟﻒ ﺍﻟﺼﻔﺎﺀ ﻛﻠﺸﻲ ﻣﻦ ﺣﺮﻳﻖ ﺍﻟﻤﻌﻤﻞ ﺑﺘﻔﺼﻴﻞ ﻋﻠﻰ ﺳﻮﺍﻟﻒ ﺣﻤﻴﺮ ﻭﻫﺎﺷﻢ ﻟﺤﺪ ﺍﺧﺎﺭ ﺷﻲ ﺳﺎﻟﻔﻪ ﺍﻟﺴﻴﺎﺭﻩ ﻛﺎﻡ ﻳﻜﻤﺰ
ﺿﺮﺍﺭ ﺍﻧﺖ ﺻﻜﺪ ﺗﺤﺠﻲ ﻭﺷﻠﻮﻥ ﺳﺎﻛﺖ ﻛﻮﻡ ﻭﻳﺎﻱ ﻭﻛﻮﻡ ﻟﺒﻮﻣﺎﺟﺪ ﻧﺴﻮﻟﻔﻪ ﻭﺧﻠﻪ ﻳﻌﻠﺲ ﺣﻤﻴﺮ ﻭﻳﻨﻌﻞ ﺣﻀﻪ ﻭﺣﺾ ﻟﺨﻠﻔﻪ
ﺧﺎﻳﺐ ﺷﻤﺎﻟﻚ ﻣﺴﻮﺩﻥ ﺍﻧﺖ ﻫﺬﺍ ﺍﺧﻮﻱ ﺍﺳﻠﻤﻪ ﻟﻬﺬﺍ ﺍﻟﻨﺬﻝ ﺷﻠﻮﻥ
ﺿﺮﺍﺭ ﻻﺩﻛﻠﻲ ﺧﺎﻳﻒ ﻋﻠﻴﻪ ﻭﺣﻚ ﻋﻠﻲ ﺍﺭﻭﺡ ﺍﺷﺮﺏ ﻣﻦ ﺩﻣﻪ
ﺑﺲ ﺍﺳﻜﺘﻠﻲ ﺷﻮﻳﻪ ﺍﻧﺎ ﺍﺧﺬ ﺛﺎﺭﻱ ﺑﻴﺪﻱ ﺑﻌﻘﻞ ﻭﺑﺪﻭﻥ ﻣﺤﺪ ﻳﺪﺭﻱ ﻻﺍﺑﻮ ﻣﺎﺟﺪ ﻭﻻ ﻏﻴﺮﻩ
ﻓﻬﻤﻨﻲ ﺷﻠﻮﻥ ﻣﻮﺍﻧﻲ ﻫﺴﺎﻉ ﻛﺎﻋﺪ ﻋﻞ ﻧﺎﺭ ﻣﺎﺩﻛﻠﻲ ﺷﻠﻮﻥ ﺍﻧﺖ ﺗﺤﻤﻠﺖ ﻛﻞ ﻫﺎﻱ ﺍﻟﻤﺪﻩ ﺗﺪﺭﻱ ﻭﺳﺎﻛﺖ..بيج قصص عراقيه حقيقيه من واقعنا.روعه الطائي
ﺍﻟﻤﻬﻢ ﻫﺴﻪ ﺍﻧﺎ ﺑﺪﻳﺖ ﺍﺧﺬ ﺣﻜﻲ ﻭﻣﻦ ﺍﻟﻴﻮﻡ ﺻﻔﺎﺀ ﺧﻠﻚ ﻋﻞ ﻛﻼﻣﻲ ﻭﻻﺗﺘﻬﻮﺭ ﻭﺗﻀﻴﻊ ﻛﻞ ﺷﻐﻠﻲ ﺍﻧﺎ ﻧﺒﻬﺘﻚ ﻣﺎﺭﻳﺪ ﺍﺣﺪ ﻳﺪﺭﻱ
ﻣﺤﺪ ﻳﺪﺭﻱ ﺑﺲ ﺍﺑﺮﺩ ﻛﻠﺒﻲ ﻭﻳﺎﻙ ﺑﻲ
ﺍﺳﻜﺖ ﺍﺳﻜﺖ ﻭﻛﻮﻡ ﻭﻳﺎﻱ ﻻﺗﻀﻞ ﺗﻬﻮﺑﺰ
ﻭﻳﺎﻙ ﺍﻧﺎ ﻭﻳﺎﻙ ﻟﻠﻤﻮﺕ ﻭﻋﻴﻮﻧﻚ
ﺍﺧﺬﺗﻪ ﻭﺭﺣﺖ ﻟﻠﻤﻜﺎﻥ ﺍﻝ ﻋﺒﺪﺍﻟﻠﻪ ﻋﺎﺯﻣﻬﻢ ﻋﻠﻴﻪ ﻭﺿﻠﻴﺖ ﺍﺭﺍﻗﺐ ﻭﺻﻔﺎﺀ ﻛﺎﻋﺪ ﻳﻤﻲ ﻧﻬﺎﺭ ﻛﺎﻣﻞ ﺍﻧﺎ ﺍﻓﻬﻢ ﺑﻲ ﺷﺮﺍﺡ ﻧﺴﻮﻱ ﻭﺩﺭﺳﺖ ﺍﻟﻄﺮﻳﻖ ﻭﺍﻟﻤﻨﻄﻘﻪ ﻭﻛﻞ ﺷﻮﻳﻪ ﺍﺧﺎﺑﺮ ﻋﺒﺪﺍﻟﻠﻪ ﻟﺤﺪ ﻣﺎ ﻋﺸﺎﻫﻢ ﻭﺍﺧﺬﻫﻢ ﻭﺿﻠﻮ ﻳﺘﻌﻠﻠﻮﻥ ﺑﻠﻜﻮﻓﻲ ﻟﻮﻛﺖ ﻣﺘﺎﺧﺮ ﻫﻨﺎ ﺩﻛﺖ ﺳﺎﻋﻪ ﺍﻟﺼﻔﺮ
ﻭﻧﻄﻴﺖ ﺧﺒﺮ ﻟﻌﺒﺪﺍﻟﻠﻪ ﻛﺘﻠﻪ ﺍﻃﻠﻌﻮﻭ ﺗﻤﺸﻮﻭ ﻭﺻﺪﻙ ﻋﺒﺪﺍﻟﻠﻪ ﻃﻠﻌﻬﻢ ﻭﺗﻼﺛﺘﻬﻢ ﻳﻤﺸﻮﻥ ﺑﻠﺸﺎﺭﻉ ﻭﺍﻧﺎ ﻭﺭﺍﻫﻢ ﻋﻞ ﺧﻔﻴﻒ ﻟﺤﺪ ﻣﺎﻭﺻﻠﻮ ﺷﺎﺭﻉ ﺍﺿﻠﻢ ﻭﻓﺎﺭﻍ ﺳﺤﺒﺖ ﺍﻗﺴﺎﻡ ﺑﺴﻼﺣﻲ ﺻﻔﺎﺀ ﺷﺎﻓﻨﻲ ﺭﺍﺩ ﻳﺴﻮﻱ ﻣﺜﻠﻲ ﻣﺎﺧﻠﻴﺘﻪ ﻫﺬﺍ ﻣﺘﻬﻮﺭ ﻃﺒﻜﺖ ﺳﺮﻳﻊ ﻛﺒﺎﻟﻬﻢ ﻭﻧﺰﻟﻨﻪ ﻭﺑﻠﺤﻀﻪ ﻭﺣﺪﻩ ﺻﻔﺎﺀ ﻋﻞ ﻫﺎﺷﻢ ﻭﺍﻧﺎ ﻋﻞ ﺣﻤﻴﺮ ﺻﻤﻴﺖ ﺣﻠﻜﻪ ﻭﺧﻠﻴﺖ ﺍﻟﺴﻼﺡ
ﺑﺮﺍﺳﻪ .
.
.
.
.
.
ﻳﺘﺒﺒﻊ
ﺍﺣﺒﻜﻢ ﺍﺧﺘﻜﻢ ﺭﻓﻞ ﺍﻟﻜﻨﺎﻧﻲ
❤❤❤
أنت تقرأ
هبت ريح
Mystère / Thrillerقصة جديدة للكاتبة رفل الكناني😍ومثل كول مرة تبدددع وهاي القصة احلى من جمبذا_ادم ❤️🤩
