Spoken Poetry

Spoken Poetry #29

#Dating tayo

Mahal, maaari bang ibalik ang dating tayo?
Yung ako lang yung mahal mo
Mahal, yung ako lang ang laman ng puso mo
Yung ako lang bukambibig mo
Yung ako lang ang babaeng sinasabihan mo ng I love you
Yung babaeng sinasabihan mo ng I miss you

Mahal, maari bang ibalik ang dating tayo?
Yung ako lang ang siyang bumubuo ng araw mo
Yung ako lang ang dahilan ng pagngiti mo
Mahal, yung ako lang yung babaeng binibigyan mo ng bulaklak na paborito ko
Yung babaeng hindi mo kayang mawala sa buhay mo
Yung dating tayo na ikaw at ako
Mahal yung ikaw at ako lang, yung walang siya sa buhay mo

Mahal, maaari bang ibalik ang dating tayo?
Yung walang ibang nakakapagpangiti sayo kundi ako
Ako lang yung kailangan mo, mahal paano ba ibalik ang dating tayo
Mahal, yung pangako mo
Na walang iwanan kahit anong mangyari man hindi mo ako bibitawan
Dahil sabi mo, hindi mo ako papakawalan

Mahal, maaari bang ibalik ang dating tayo?
Yung ako lang ang nagmamay-ari ng puso mo
Yung ako lang ang babaeng papakasalan mo
Mahal, yung hindi mo pa siya nakikilala
Yung mga panahong hindi ka pa nahuhulog sa kaniya

Mahal, maari bang ibalik ang dating tayo?
Yung masasayang lambingan at harutan
Yung pangako natin na magpapakasal tayo sa simbahan
Yung hindi mo ako papalitan kahit maraming ibang babae diyan

Mahal, paano ba ang makalimot sa ating relasyon
Paano ba ang mag-move on?
Paano ko haharapin ang bawat araw na wala ka na sa piling ko?
Mahal, paano ko tatanggapin sa sarili ko na iba na yung mahal mo

Paano maibabalik ang dating tayo kung hindi na ako ang mahal mo
Mahal, pakiusap naman bumalik ka na sa piling ko
Mahal, sandali lang wag ka munang bumitaw hahanap ako ng solusyon
Mahal, wag mo akong iwan dahil lang sa matinding emosyon
Patawad sa aking pagiillusyon
Sa aking mga imahinasyon

Dahil alam ko mahal, na hanggang dito na lang tayo
Na sa imahinasyon ko nandoon parin ang ikaw at ako, ang dating tayo