إنتقام صارم (مُكتمِلة).

توضيح بسيط

توضيح ..
فيه ناس قالت اني الرواية مِش واقعية؟
طيب انا افهم ايه فيها مِش واقعي؟

انا ما جبتش حاجة من المريخ، معظم اللي فيها بيحصل في الواقع .. معظم أحداثها موجودة، وانا لازم اجيب بعض المشاهد الخيالية علشان الرواية اصلا بتبقي مُعظمها خيال سواء ابطال او قصة ومش كٌل حاجة واقعي لازم يبقي فيه شوية خيال علشان نستمتع اكتر .

لما احُط أحداث واقعية ايه الفرق فيها يعني ايه هتحبو فيها ايه او هتقرأوها ليه اصلا، ؟؟ ما هي بتحصل ف الواقع،  انتوا بتقرأو علشان تنعزلوا عن الواقع شوية وتعيشوا جو خيالي يخرجكٌم من اكتئاب الواقع ...
ومع ذالك معظم أحداثها حقيقية ...

فيه ناس قالت البارتات قصيرة، طيب انا طالبة في تالتة ثانوي ، وعلشان كده بكتب قصير، وف نفس الوقت فيه ناس هتقول ما تكتبيش طالما في ثانوي، هقول اني بحب الكتابة جدا وهي بتديني طاقة اكمل ايامي، وعلشان كده بكتب اللي اقدر عليه وبتعب في الفصول جدا جدا.

فيه ناس قالت مافيش أحداث جديدة ، شوفوا انا مش هكتب كُل أحداث الرواية في بارت او اتنين، فيه تسلسل للاحداث، البارت اللي قبل اللي فات ، حصل فيه حادث مُهم ما ينفعش اقطع عليه وابدء حدث جديد لا هكمله براحة علشان نوصل للحدث اللي بعده ، الرواية كٌل مدي كُل ما الأحداث بتكتر، انا ف الاول ركزت علي عاصم ومريم ، علشان نعرف نبدء الحكاية ونركز علي الباقي  ...

فيه ناس قالت ليه جد عاصم ما تصرفش بم انه عارف بقرف ابنه واللي بيعمله؟ مستعجلين ليه هنعرف ده في الأحداث..

عاصم اتكتب ب اسم العائلة، لأن عمران بيحب امه جدا جدا وعاصم اتربي علي ايده غير ما فيش الا عاصم وأيمن ولورا، احفاد ليه وهو شاف اني عاصم يستحق لكفائته واعتبره حفيدة لانه رباه، ولما ناهد ام عاصم اتجوزت ابن عمران، ف عمران قرر يكتب عاصم ب اسم العائلة،  ودي حاجة عادية ومٌمكن تحصل في الواقع جدا جدا ...

النقد انا بحبه وبيفدني، بس لازم يكون نقد منطقي مش اي نقد والسلام ومع ذالك بحترم اي حد قالي نقد كويس .

الرواية ما فيش عليها قُراء كتير ولا تفاعل رغم اللي بيشوفها كتير، آخر فصل هينزل المرة الجاية وياريت قلاقي تفاعُل ولُو ما فيش هوقفها لان مِش هضيع وقتِ ومجهودي، ف حاجة ما حدش بيقدرها وبيتفاعل فيها!!

واللي حاسس وقته هيضيع ف الرواية ، فقط يطلع ويبحث عن رواية تانية تفيدُه أكثر، وما يفضلش يعصبني علي الفاضي

شكراً للبنات اللي بتدعمني سواء ب فوت او كُومنِت ، شُكرا لجبركُم بخاطِري 🤷‍♀️🖤!