إنتقام صارم (مُكتمِلة).

الخاتِمة 🖤🌊

[الحلقة الخامِسة والعِشرُون والأخيرة ].
[الخاتِمة].
إذا قُلت أحِبُك.. صدقيني وأعطيني فُرصة كي أثبت لكِ صدق حُبي.
_____
وضع عاصم الخاتم في إصبع مريم، كان خاتِم فضْي اللُون ،فهي من عُشاق الفضْة وتكره الذهب كثيرا، لذلك هُو اتي لها بهذا ،قال لها بحنان وهُو يُملس علي وجهها، :
-اختاري اي مكان عايزة تروحيه وانا هوديكِ ،النهاردة بس انا مِلك ايديكِ.
قالت مريم وهي تُشير علي قلبُه :
- عايزة افضل هنا مهما حصل.. عايزة افضل موجودة في قلبك علي طول ،ده اكتر مكان بحبُه .
-وانتِ علي طول موجودة هنا مهما حصل .

أبتسمت بهدوء، ثُم قالت وهي تبتلع ريقها:
-عاصم، فيه سؤال عايزة اسآله محيرني شُوية.
-إسآلي يا مريم.
قالت وهي تبتعد عنه إنشات:
- ايه السبب في رحيل ملك؟ يعني ليه مشيت بالطريقة دي اكيد فيه سبب ورا كُل ده ،واتمني تقول الحقيقة وما تكذبش عليا .
تنهد عاصم وصمت قليلا ثُم تحدث بهدوء :
-لما وصلت فرنسا ماكُونتش اعرف حد اوي هناك، بس كُنت بقعد في كافيه هادئ دايما وهناك اتعرفت علي ملك ،جت وسالتني شكلك مصري ،وانا مصرية بس اتولدت هنا ،طبعا ما رضتش عليها، ففهمت من شكلي اني تعبان نفسيًا ، ووقتها من ساعتها بقت صديقة ليا، تتكلم معايا وخرجتني من  الحالة اللي كُنت فيها ،وبعدها قربنا وهي بقت أكثر حد ساعدني وساعدني اتغير كتير اوي ، وحاولت تخليني انساكِ بس انا كُنت بحبك اوي ف ماقدرتش، وطبعا اللي حصل أن ملك وقعت في حٌبي واعترفتلي قبل سفرها ، وطبعا هي عارفة مدي حُبي ليكِ واني ما نستكيش بقالي تلات سنين، ف صعب جدا انساكِ وخصوصا بعد ما رجعنا، فهي مشيت وده أحسن ليها وليا.

رمقته مريم بهدوء قاتِلَ، فقال عاصم بتنهيدة :
- انا فاهم انك زعلانة ومضايقة جدا ،بس هي غصبٍ عنها القلب مش بأيدينا، والحُب بييجي فجأة ومن غير اي ميعاد، وده للأسف اللي بيحصل  ...
قالت مريم بتنهيدة:
-مِش كُلنا بنطلع من معركة الحُب كسبانين، رغم اني ممكن اضايق منها بس حقيقي صعبت عليا، الحٌب من طرف واحد صعب ،ربنا يقويها ويبعتلها اللي يحبها ويقدرها.
ابتسم عاصم بإعجاب قائلا:
-لطالما حبيت فيكِ.. طيبتك ونقاءك.
عانقها بحٌبٍ فبادلتهُ هي كذلك، قال لها بثبات:
-عايزك تجهزي ريفان وتجهزي نفسك ،هترجعي معايا الفيلا
-لأ يا عاصم ياريت أفضل في الفيلا بتاعتي ،وانت تفضل معايا .
-ماينفعش أفضل في فيلا مراتي .
-عاصم لو سمحت إسمعني للنهاية ؛ ما فيش حاجة اسمها فيلتي وفيلتك املاكي املاكك واملاكك املاكي، لان كلامك ده في قانون الأغبياء وبس، احنا بنحب بعض ،وهنفضل سوا في اي مكان، وبيع الفيلا وخليك معايا، وخلينا نركز علي شٌغلنا، كمان توزيع الأملاك علي الناس اللي محتاجة، ده أهم اننا نفكر فيه صح ولا ايه؟
-معاكِ حق طبعا، وخصوصا ان ايمن وشيري اتحكم عليهم بالاعدام ،حُسام قالي ان القضية بتاعت عمران بيه اتفتحت تاني واثبت ان شيري اللي قتلت بالإضافة ان ايمن كان شريك معاها غير قضية خطفك وخطف ريفان ،كده هُما فعلا هيتعدموا وانا ماليش حق في الأملاك دي ،يكفي أن اخدت اسم عائلة الشاذِلي وهي مش من حقي ،كمان حرام شرعًا ان اتكتب بأسم حد وانا ليا كان ليا اب .