ဆရာမရှိသည့်နှယ် ကျွန်တော်မှာ ဇောင်းထဲကလွတ်တဲ့ မြင်းလို ထက်ထက်နှင့် ဟိုဟိုဒီဒီ ခြေရှည်တတ်နေသည် ။ဟဲ့--ဟိုနားမှာ ဘာပွဲရှိတယ်တဲ့ ဆို ရောက်သွား ပြန်ပြီ နှစ်ယောက်သား။ တပ်ဘေးနားက ရပ်ကွက်ကလုပ်တဲ့ နတ်ကနားပေးပွဲပါမကျန် နတ်အကတွေ သွားထိုင်ကြည့်ပြီး ဝေလေလေလုပ်နေတာ ခုချိန်ကျလည်း တည့်နေတာပဲ မိထက်နဲ့ ။ သူ့ခွက်ရ်ှနဲ့ အဆင်ပြေနေတော့ ဟုတ်နေတာ အရင်လို ပွစိပွစိမနိုင်တော့ပဲ သိမ်မွေ့နေတာ တောင်ကြီးသားအစွမ်းပေါ့ ။ ကြမ်းတမ်းပြီး လက်ယဉ်နေတဲ့ထက်လေး ပျောက်သွားတော့ နေရတာ တစ်မျိုးလို ။ဟာသ တစ်ခုပြောရအုံးမယ် အမြဲ တစ်ငါငါနဲ့ပြောတဲ့သူက ခုသူ့ကိုသူ သုံးတဲ့နာမ်စားက ဘာတဲ့ ထက် တဲ့ ။
ခနနေ သူတို့ ဒိတ်လုပ်တာ လိုက်သွားပေးရအုံးမယ် အတင်းခေါ်တာမဟုတ်ပေမဲ့ အခန်းထဲအောင်းနေရင် ဆရာ့လွမ်းတဲ့စိတ်နဲ့ တမှိုင်မှိုင် မို့ စိတ်ပြေလက်ပြောက်လိုက်သွားပေးမလို့။ဆရာ မရှိတော့ ဘာလုပ်လို့ဘာကိုင်ရမှန်းမသိ အားရင်စာဖတ် ပျင်းရင်အိပ် လွမ်းရင်ဖုန်းဆက်တဲ့ သုံးခုမှာ နောက်ဆုံးတစ်ခုပဲလုပ်မိတယ် ။
ဆရာရှိတဲ့ မြို့ ဆီ ပြေးသာသွားလိုက်ချင်တော့တယ် လွမ်းစိတ်နဲ့ မွန်းကြပ်နေ ပြီ ။ ရုပ်မြင်ပြီးအသံ ကြားအောင်လုပ်ပေးတဲ့ခေတ်မီဆက်သွယ်ရေးတွေနှင့်လည်း လွမ်းစိတ်မပြေပါ မတင်းတိမ်နိုင်ပါ ရင်ခွင်ထဲခေါင်းထိုးကာချွဲ ချင်လှပါ ပြီ။တီတီတာတာ ပြောမိရင် အူယားဖားယားပါးကိုဖျစ်ပြီး ရင်ခွင်ထဲထည့်ကာ နဖူးအားတယုတယနမ်းရိုက်ပေးသော အနမ်းလေးလည်း သတိရနေပါသည် ။ရေမွှေးမဆွတ်ပဲ ကိုယ်သင်းနံ့ရနေသောဆရာ့ကိုဖက်ထားကာ ဘယ်မှမလွတ်ပဲသိမ်းထားချင်မိတော့သည် ။ကျွန်တော့်အလွမ်း ထုထည်မှာ သိပ်သည်းဆ အတော်ကြီးမားနေသောကြောင့် ။
ဘယ်နေရာ ကြ ည့်ကြည့် သစ်ပင်တွေရယ် မြေကွင်းပြင်ကျယ်ကျယ်ရယ် ကောင်းကင်က နေလုံးထီးထီးကြီးရယ် ကလေးကိုပဲသတိရနေတဲ့အလွမ်းတွေရယ် ။
ကျင်တွယ်ဖမ်းတော့ ပိုက်သာဂိုရသီအိုရမ်အစား ရွတ်မိတာက မင်းနာမည် ။ survey တိုင်းပြီး footing position နေရာချတယ် ။ footing နေရာတွေထုံးဖြူး ပြန်တော့ အ ဖြူရောင်ထုံးလိုင်းပေါ် ပြုံးစိစိမင်းမျက်နှာလေး မြင်ယောင် ပြန်ရော ။ ဒီတိုင်းသာ ဆက်လုပ် အလွဲအလွဲအချော်ချော်နဲ့ မကောင်းတွေ ဖြစ်ကုန်တော့မှာ ငဘုန်း ။ကိုယ်ကမှစိတ်မပါရင် လေဘာတွေလည်း ပေါ့လျော့တော့မယ် ။
