حكايتي مع الزمن

بارت 2

بارت ثاني .....بقلمي.....

دخلت لبيت ابوية جان انقلاب جبير بحياتي  امي انفصلت عن ابوية بالعطلة مال اخير السنة توني نجحت للثاني ابتدائي جانت ماما تقريني ...اول يومين دخلت بيهن للبيت اخوتي واخواتي يجنبوني ومحد يتقربلي عبالك غريبة بينهم

الي عرفته اخوية منذر الجبير متزوج وكاعد بيت وحده هوة شغلة نقيب ابد ما اذكر شكلة اصلا اخوتي اباوع بوجوهم مستغربتهم  طبعا ابوية اصر ان اكول لسحر ماما جنت اصيحلها خالة وهسه كلي لا صيحيلها ماما  اصلا هيه متطيق تسمع صوتي وادور اصيحلها ماما جانت تستلمني تصخيرات خاصة من يطلع ابوية

لان ابوية عندة محل ادوات سيارات يبيع بيهن حالتة زينة لهذا من يطلع ابوية متخليني اشوف الكاع ابد جيبي هاي وسوي هاي وبناتها كاعدات

صار شهر عدهم كاعدة تعبت بشكل منهم اصلا حتى اللعب نسيته لعاباتي ما اعرف وين الحمام ما اذكر اخر مرة سبحت جانت تمنعني من كل شي مرة كلتلي كومي جيبي مكناسة وروحي كنسي الغرفة اني بيه طبيعة انام ع الكاع  كنست الغرفة والنعاس بعيني

وكفت كنس وخليت راسي ع الكاع وغفيت ما امدري بنفسي ما احس الا انشاليت من شعري وما اعرف الراشديات منين تجيني تظرب بيه وتصيح بت الجايفة بت الوصخه بواكه الزلم امج الجايفة

تخلف وتذب خلفتها علينه تزوج بكيفها وتطلك بكيفها بت النعالة وتهلس بشعري وتفرني وتظرب راشديات واني احامي وجهي واكلها ماما ما ادري نمت جنت نعسا.....هسه اكنسها.....اجت نرجس اختي الجبيرة اخذتني منها وتكول لامها ماما عوفيها هسه اني أدبها  لا تحركين دمج لهاي الجلبة

اجت نرجس تمممتني ظرب احس وجهي ورم بقيت ابجي وحدي من وجع وجهي

........اجه ابويه من الشغل بليل هوة وصلاح اخويه وعلاء اصغر منه وصبو عشى ابوية دز عليه اجي للسفرة من اجيت شاف وجهي اثار ضرب  كلي شبيج كتله باب....... قاطعتني كلتله بتك متسمع كلام وترادد اكولها يمه روحي جيبيلي مي تكلي انتي جيبي عندج رجلين  ادور كتلها جيبي المكناسة  وكنسي الغرفة اريد اعلمها شوية شويةحتى متسغربنة تكلي لو تموتين ما اكنس هيه بكيفج 

الظاهر نهاد ممعلمتها الاحترام ومدللتها زايد يمه اني بناتي عمري كلهن مرافعات حسهن عليه اشون تربيه مربيه بتها عود هلوحده الها ابوية سمع هيج واجاني راشدي معدل كلي لج حقيرة اشون تراددين هيج

كومي روحي للغرفه لا ابتلي بيج هسه واريد اسمع منج ما تسمعين كلام امج اله اموتج بايدي  كووووووميي مخلاني احجي خو الاخوة علاء وصلاح يردون ياكلووني نرجس مدنكة تاكل ولا يمها ومها رافعتلي حاجب ودنيا بودها تشرب من دمي  رحت للغرفه مال البنات نزلت مخدة وغطى

ونمت واني ابجي  هيج استمريت مرت ابويه معاديتني واخواتي يبسطني ع اتفه الاسباب
ومن يجي خطار للبيت لو انحبس بالغرفة لو اطلع اخدمهم  صار اكثر من شهر مسبحانه اصلا تقفل الحمام بليل وبنهار اانكتل اذا طبيت للحمام شعري مكفش كوة امشطه حتى اتعب من امشطه وعفته والي اكعد يمه يطردني من ريحتي لهذا كامت متكعدني يمهم ولا يم ابوبة لان تكله متقبل تسبح كل هذا التسوي حتى انكره وابوية يكرهني

مرة اجن نسوان جوارينه وصاحتني انطيهن مي انطيتهن مي وحده سدت خشمها تكلي خالة هاي الجيفه منج ليش ما تسبحين خالة انتي بنيه جبيرة

...سحر.....كلتلها وين تسبح غير اتوسل بيها متقبل ونرجس من اطببها للحمام اظل تصيح لمن اطلعها يلا تسكت 

..... كالت الها ام صادق خيه اكتلها واسبحها غصب انتو نظاف اله هاي البت شبيها

سحر ....كالت اي اكيد امها الجايفه معلمتها ع الجيفه متشوفين البنيه متقبل تسبح اكيد عمرها كله ممسبحتها بايدها لو مسبحتها قبل جان رادت تسبح بس البنيه كتليها ولا تسبحيها

......ردت ام عباس خيه البت تفشل لا تطلعيها للوادم  خلي ابوها يخوفها حتى اطب تسبح  يمه دهر طر امها كون هيج جايفه متشوفين

ابو منذر طلكها كالت سحر عساها بالموت انشالله المن خلفت وذبت بزرتها علينه بزرة جايفة بت  الجايفه صدك انهضمت  وهنه يهينن بامي  مع العلم امي جانت يوميه تغسل ملابس مدرستي بايدها ويوميه تمشط شعري  ومن اكل حلويات متقبل الى ع منظده ما اكل بالكاع تالي هيج يحجن عليها

خوب اذا يجون بيت اهلها لسحر لو اخوها لو بيت ط عدهم وتعزمهم يحبسوني  بالغرفه ويدزون علاء يلوي اذاني حيل ويكلي اذا تطلعين اموتج مرة اجو بيت اخوها وحبسوني كلش انحصرت اروح للحمام
دكيت الباب محد يسمع  دكيت اكثر واني اكمز  انفتح واجاني علاء ولج كلبه شكو ادكين بالباب كتله اريد الحمام  كلي اكلي نعل انجبي واذا اسمع حس اموتج .  فدوة علاء خليني اطلع الله يخليك دفعني  بالكاع وراح قفل الباب من ورة وطلع بقيت ابجي وحدي وكرفصت رجلية لصدري ونمت بالكاع  ازهار الجبوري
..يتبع ...متابعة للحساب بلييز