حكايتي مع الزمن

بارت 6

بقيت واكفة باب الغرفة  جنت لابسة دشداشة لونها عنابي  والحجاب الي ذبيته على شعري لونه رصاصي  حتى مسلمت استحى اسلم

واصلا ما اعرف اشون احجي ويا ولد واسلم  كلهم سلمو علية وحجه وياهم وهوة واكف مكعد اثناء ميحجون وعلاء واكف هيج عينه اجت علية ودار

وجه علية نزل حواجبه على عيونه مستغربني باوعت على عيونه نزلت وجهي بسرعةترجعت خطوتين ورجعت يسولف وياهم .

بعدين راحو وبقو بس ام اثير واثير وشوية وصاح على امه وراح وتحدد يوم العرس الخميس الجاي

الايام تركض ركض وصار الخميس  احتاريت شلبس  توسلت بنرجس تعلمني شلبس لان ما اعرف
انطتني نرجس ملابسها القديمات بنطرون كابوي لونه ازرق فاتح  وتيشرت ابيض غلست وجهي

ولبست الملابس بعد ما عزلنه البيت وكاعدين من الخمسة الصبح والبيت انترس نسوان غريب وكرايب الهول الاستقبال كلها نسوان واجتي نرجس بدلة عرس شبعنه ركص  شوية حسيت بفرحة

كالو اجتي الزفة كلها لبست احجبة وجبب اني اخذت حجاب لبسته وعباية لبستها وذبيتها على جتافي وشلته ورحت ....
طب اثير انيق طالع كلش حلوة بقاط العرس
ولد خوالها لنرجس واخوته ويا اخذوها وراحو كلها راحت للزفة بس اني بقيت  جبرتني سحر ابقى اعزل البيت  ومرت عمي سالم وبناتها مراحن  عمي مقبل يروحن

البيت فرغ علاء وصلاح اختفوو مدري وين ابوية بالمحل
مرت منذر اختها اجت وياها  واول مطلعت الزفة راحت جانت حامل وتعبانه حيل

بدلت ملابسي  وبدست انظف وفاطمة وزهراء ساعدني مقصرن البنات كلتلي زهراء  انتي ليش متحجين ويا احد  احنه بنات عمج ترة مو غريبات

...كتلها لا معندي شي بس......بشنو احجي ....ما اعرف احجي مثلجن يعني شنو احطي وياجن

وحدة كام تباوع على الثانية وضحكن كالن يابة انتي شكد فقيرة يلا عادي احنه نعلمج ههههه وضحكن  اني ضحكت وياهن اندك الجرس 
..

.....رحت افتح الباب  خليت حجاي على راسي وفتحته

هذا ياسر 

..شافني دنك

.....هلا خوية امي والبنات هنا كليلهن يلا خلي نروح

اني ظليت امتمت...

اء ءء اي اي

شردت  فاطمة فاطمة هاي شبيج منو يركض وراج.
اءء ه ه هذا اخوج بالباب يردجن واتنفس سريع

ضحكت وكالت اي شنو راح ياكلج شبيج فحطانه
كتلها لا لا مبيه شي والله  وابلع بريكي بس

بس شنو  اني ما اعرف خفت محاجية وي ولد ابد
خفت اشون احجي وياا اهلي ميقبلون

طكت من الضحك كالت صدك جذب شبيج خايفة عبالي اكو شي
زهراء  وامها تجن وفاطمة لبست عبايتها كللن محتاجة شي

كتلهن لا ممحتاجة ابد

طلعن هنا راح للطارمه واني رحت وراهم بس وصلت لباب الهول وكفت  ياسر منطينه ضهرة التاف  اجت عينه بعيني نزلتها

كالن يلا رايحين رايدة شي كتلهن سلامتجن

يلا مع السلامة.....طبكو الباب وراهم

كعدت سويت عشى صرت خردة  صارت ساعة 8
بليل ابوية على جية كبقت الجدورة مال العشى

لان اكلنه بليل ثكيل  ماكو بس خليت راسي على المخدة نمت بسابع نومة وللصبح يلا كعدت

نرجس تجينه بشهر مرة او مرتين
صار سنه  على زواجها  وماكو حمل تجينه للبيت تكضيها بواجي

تكلها يمه اثير يريد جهال ومرت خالة مسالمه من لسانه ....مدفع اتذب قنابل منه  كلساع مفجرتني

يمه شسوي مخلت طبيب يعتب عليها وجياتها النه تخلص بس روحه للاطباء

اني نفس الوضع وكلما اكبر يزيد الخناق علية ماكو طبعة ولا روحي اذا اشم عور رب العالمين حدي للطارمة

من تطلع سحر وبناتها لعرس او مناسبة هنه يطلعن واني ابقى بالبيت لازم انظفه

علمتني على الخبز والطبخ  واستلمت كل شغل البيت تقريبا

مرة  طلعن للسوق هيه وبناتها اخذهن علاء  شكد توسلت بدنيا تاخذني وياها بس ماكو  تضحك علية

وتكلي نوو ابد مستخيل اطلعين هاا وياج اغسلي ملابسي

وحضري العشى جنت مأيسة ....

عجنت  وغلست الملابس مال بيت كله عزلت البيت  ذبيت الطبخ على النار
اختمر العجين
 فتحت التنور

بديت اخبز محد بالبيت  صلاح ايد ابوية اليمنى بشغل  والبيت يصوصي

جنت اخبز على السريع  لان الطبخ على النار

جنت معلية نار التنور
اريد الخبزة تستوي سريع
اندك الباب  رحت افتحة  طلعت مرت عمي سالم باوستها وكتلها تفضلي خالة خبزاتي بتنور اروح اطلعهن
احنه طارمتنه جبيرة والتنور يم الترك صاير بلوفة كدام باب الحوش  رحت ركض فتحت التنور 

...ياا راح يحتركن الخبزات

عمه نجية ....امج وين عمه اشون صنته التفتت احاجيها وايدي بطن التنور  والتنور عالية  النار حلفت ايدي وردان دشداشتي 

شاغت روحي  واني اشوف النار بدشداشتي

اجتي تركض عمة وصيح يمه البنية راحت  وطفي بعباته النار النار دازت وكمت اعيط بعلو حسي زندي راح لان النار تاكل بقماش الدشداشة  طبت للبيت  سحلت بطانية وذبتها علية

يلا طفت النار جلد وكع مني كمت اكمز من الالم كلتلي اهلج وين  اصيح طالعين محد موجود

.....طلعت تلفونها  صرصور  وخابرت على ياسر

....يمه تعالي بسرعة بت عمك حارث احترك ايدها وخابر واحد من اخوتها شوفهم وينها 

اي يمه اجيتج  انتي بيتهم

اي بسرعة الحك

متابعة بلييز والنجمة مو تنسوها