حكايتي مع الزمن

بارت 9

امهن طلعت من الغرفة واني فضولي اشتغل كملت على السريع دخلت لكيت مها كالبة كنتورها وطلع احلى ملابس عدها ملابس طلعة وتحجي ويا دنيا

.....دنيا شلبس كوليلي فدوة يمه ممصدكة ولا راح اصدك اجه هليوم الي انتضرة من سنين وياسر راح يصير الي

دنيا ....خفي علينه شبيج انتي هذا مدلل اعلة وكلشي يريدة ياخذة وصدكي مراح يثبت عليج انتي تعرفين ماضي كلة بنات جامعة وغيرها عود هسه شوية عقل ...اذكرج بحجي فاطمة مو بطلهن غصب عليهن من المدرسة مع العلم عمي سالم راضي يداومن لان هنا ماعدهن بس هلاخ وعمي من دون عمامي راضي بناته يكملن بس خلة كلمة ابنه فوق كلمه وبطل خواتي وفوق ها كلة شكوكي اكشر شتريدين بعد

مها ......اهوووووووو شبيج اكلتي وشربتي الولد وذبيتي عظام

دنيا ....مو هذا الصدك عيوني اتقبلي كلنه نعرفه عصبي وميتفاهم واهلة شميسوي راضين بعد مدلل امه وابو

............اليل كلة افكر راح تصير زوجتي اكثر شي عجبني بيها خجلها خبلتني بخجلها وجهة محبوب

كون اضل هيج طفلة اني اعلمها اني اربيها على ايدي هاي حتى الشارع متعرفة ولا تندل كلشي يمكن مطالعة عمرها كلة بوياي وتصير بين ضلوعي تفكيري ياخذني ويجبني وتنام هلى ايدي بشعرها والله موتني شعرها هاي عود شفته بس مرة وحدة

.....يمه ام ياسر

ها يبعد امك اكعد اشرب جاي حار هسه سوتة زهراء

....انتي مو خابصني اريد اشوف وليداتك

اي يبعد امك جاا ليش وتفرحني وتفرح ابوك

اي بوية شتكول بنات عمي حارث

سالم .....ها بوية ليش لا ونعم

نجية ...صدك يمة ناوي تزوج

كمت عنهم وكلت اني رايح يمه ما اوصيج تروحين اليوم العصر الهم انطيت خبر لصلاح راح يجوكم
اشرتلها تجيني

هااا يمه كول اسمعي تخطبيلي البنية من مرت عمي الثانية
باوعتلي امي .....هاااا زين ليش هاي مها ودنيا شبيهن

....لا لا ...تخطبيلي الصغيرة كلش وهذا هو رايح اني

يااا....سالم شفت ابنك يريد بت اخوك الصغيرة رويوة بت نهاد يزوجها

سالم ......وشنو يعني كلهن بنات حارث

ما ادري يا سالم بس خاف سحر تزعل وهاي سحر كلش تضوج اذا جبنه طاري نهاد ما ادري اشون اتقبلت وربت بتها.....تشوف دم سنونها ولا تشوف نهاد وتسمع بطاريها اشلون ربت بتها ما ادري

......يوم الخميس الي مها منتضرته على نار سوينه كيك وعصاير اني ودنيا ودزينا جكلبت بتيفور وحلويات وياهن

للعصر اندكت الباب واجن عمتي نجية وفاطمة وزهراء اجتني سحر للمطبخ

سحر ....اسمعي لج اطبين اسلمين وبس وطلعين ومتكعدين يمنه تكلج مرت عمج اكعدي كليلها راسي يوجعني اكمل شغلي اتحجي واطلعين لا تكعدين سمعتي واذا كعدتي ويانا حسابج عسير

...بلعت ريكي وكلت اي صار يمة ما اكعد
طبت دنيا سلمت عليهن وطلعت مها من الغرفة لابسة نفنوف طويل لونه ماروني وهيه بيضة طالعة توب ورافعة شعرها كباية تجنن اني صفنت بيها

طبت سلمت عليهن وصوت ضحكهن خلاني احس روحي غريبة بوسط داري ......اهت صينينة عصاير وحلويات وكيك وطبيت قدمت الهن وسلمت عليهن وعمتي نجية حاطتني دك محاضن وبوس شلونج ما زينة ردت اروح لزمت بيه

تعاي وين رايحة اكعدي خل نشبع منج شوف شون صارت ايدج انشالله زينة

.....رؤى لا زينة عمه حمد لله

وتباوعلي صايرة شحلاتج يمة صلوات على النبي تخبلين عمه

اني عقلي طار كاعدة على نار نظرات مها تكلي كومي

سحر اخذت عمتي نجية بسوالف ولهتها وكمت عنهم بدون ميدرون

وطبيت للغرفة وحدي دعمتي صارت بطرف عيني اخ يا يمه ليش عفتيني حتى الاجواء العائلية محرومه منها

نجية يااا جا وين راحت رؤى

دنيا هاا عمه راحت للغرفة يمكن راسها يوجعها شوية

نجية فطومة وزهراء كومن اخذن البنات ورحن يمها
مها .....حلمي من جنت صغيرة ياسر ابن عمي مدلل اهلة ابيضاني وكل البنات معجبات بي لمن جنه نلعب سوة لو بيت عمي سالم لو بيتنه جان شكد يحاميلي ويلاعبني احبة حب طفولي وسكد احلم بي ومنتضرة هليوم على نار يوم البس بدلة بيضة اله بس لياسر .......صوت فاطمة نززني وطلعني من حلمي

مها ...لج مها شبيج دا احجي وياج وين رحتي بغير دنيا

لا عيني هناا لزمتها من ايديها جنه واكفين بالهول اخذتها للمطبخ وكتلها احجي فاطمة انتي صديقتي وتعرفين الي بداخلي علبمن جايين

فاطمة ....لج خلي نطب انشوف اختج غير مريضة

مها ....لا تغيرين الموضوع احجي

فاطمة .... ما اعرف امي مكلتلي المن ولا تحلفيني ولا شي ما اعرف
شردت طبت للغرفة الي بيها رؤى

جنت كاعدة وطبن البنات علية زهراء زفاطمة وهنا يكللي لعد ليش مكعدتي يمة صدك مريضة

اني ظليت متلبكة اءءءء ا اي اي راسي شوية مأذيني
فاطمة ما عندج غير العافية
زهراء اخذتي علاج لراسج
اخذي وتعاي يمنة غير بت عمنه انتي تعاي وكومتني واخذتني يم امهن رحت يمهن سحر وجها ينطي الوان وميكصة الطبر منفوخة حيل بودها تاكلني اثاري مكملات السوالف بين ضحكة وسالفة

طلعن وانطن موعد يوجون الزلم بي يخطبون رسمي بس لحد هلحضة ما اعرف منوو رحت اشيل المواعين من الكاع ...محسيت غير

النجمة بليييز ومتابعة