اذا اسمع حس اموتج لوة اذاني وراح قفل الباب علية لطشت رجلية لطش اريد احصرها ما اكدر بللت نفسي واني ابجي وين ماما وين رحتي وعفتيني هنااا.......ظليت بحدود الساعتين بدلت ملابس الي بدون غسل لبست ملابس شسوي ....
سمعت الخطار راحوو بسرعة شلت الملابس الي الوسخه اريد الباب ينفتح متت من الجوع اني الصبح كعدت اتريكت لفة جبن وبس وهسه الساعة بالاربعة العصر اجت (مها). فتحتها وطبت للغرفة اني بساع فلتت هيه ركضة هيه طبه للحمام عاطت بيه
.......نرجس لج رؤى غضب نعل وينج
ماكو برمشة عين
غلست رجلية ورجعت لبست ...اجيت ها نرجس صحتيني ....
...نرجس.وسم وسرطان تعاي غسلي مواعين الغدة اي جاية جنت اكل من الاكل الباقي بالمواعين من جوعي شسوي
كملت كلشي جنت تعبانه من كلشي امي بعيدة علية ااااااخ امي ليش عفتيني ليش كالتني الضيم وميته من الجوع من المفروض اني هسه اللعب بعلاباتي كوة اغسل المواعين السنك عالي وافكر بمدرستي ولعاباتي العرايس
من بدت المدرسة
طبعا جانت امي ادرسني وهسه محد يدرسني منو البنات اذا اجيهن يطردني فجنت اقرة وحدي صف ثاني ابتدائي درجاتي ضعيفة دوم اروح مبهذلة ملابسي
محد يغسلهن اغسلهن بايدي هيج افرهن منا ومنا مثل الدائرة اذكر امي جانت هيج تغسل الملابس من تنظفي الكهرباء ومتغسلهن بالغساله
اكعد الصبح اطلع جواريبي الي بيهن لون جوزي من جوة شكد ما افرك ما يروح وكالوني القديم لسة عندي امي اشترتة الية الصدرية نيلي قماش بعدها بيها رطوبة لان غسلتها متأخره وقميصي الابيض ولونه رايح لبستهن كلهن وحضرت كتبي وبقت مشكلتي الاصعب شعري اشلون امشطه وكفت على المراية
بللته مشطت ككوة اسحب منه واسحب منا احسه اتهلس شكد اسحب بي بس بعدة عكش ايدي تعبت والوقت يمشي ب7:40 صارت اتاخرت واني حتى ما اعرف اضفر بجيت بصمت اشون بيه البنات نايمات لان مبطلات من المدرسة
اصغر وحدة دنيا بطلت قبل سنتين بصف الخامس بطلوها ميخلوها تكمل هذا طبعهم البنية مكانها البيت مو المدرسة اجيت يم دنيا .......
دنيا ...دنيا ....ممممه هااا شبييج شكو مكعدتني
رؤى......دنيا حبابة اظفريلي شعري اتأخرت ع المدرسة حبابة دنيا ......
.هوووهوهوو ولي من يمي مكعدتني علمود شعرج ولي حقيرة ولي من وجهي رحت من يمها ودموعي على خدي دموعي تجوي
اني يتيمة الي اهلها عايشين اني بلا سند واخوانها موجودين اني محرومة من السعادة واخواتي يمي وعلى فراشي نايمين اني مشردة من عندي بيت وعائلة
بس بالاسم وبس .......رجعت لفيت شعري هيج شلون مجان ابوية جان طالع قبلي بحوالي ساعة هيج لان يفتح المحل من وكت ومرت ابوية مسويتلة ريوك وراجعة نايمة لبست جنطتي ولسبت حذائي جنت حيل جوعانة رحت للمطبخ كلشي ماكو ومحد يقبل افتح الثلاجة لو افتح الطباخ اطك بيضة ممنوع كلشي اسوي بدون علم سحر شفت صينية صغيرة
بيها استكان جاي بي قليل جاي حثالة ويمها ماعونين فارغات الجبن ممسوح وماعون البيض بي قليل كلش بطني تقرقر من الجوع اخذت الباقي من البيض هيج بس لطعة اريد اسد جوعي وطلعت خبزة من جدرية الخبز واكلتها شربت مي وطلعت
رحت داومت من صار الاصطفاف بقيت اخر البنات حتى محد يشوفني مبهذلة بس شلون بيه اذا كعدت بالصف المعلمة تشوفني كمت ابجي
رحنه للصفوف كعدنه اجت المعلمة صبحت علينه وبدات تشرح شوية وانتبهت علية كومي رؤى
....نعم ست ..شنو هذا شعرج ليش ممشط وين نظام المدرسة المفروض اسوين ضفيرتين ماشاء الله هيج امج طلعتج .....عفية نسوان شكد فاهيات
كما ابجي بحركه ست....قاطعتني تعاي يلا روحي للادارة ....خل انشوف امج شسوي ....كليلها اليوم انتي معاقبة ......ست امي مو يمي والله مو امي اني ما اعرف امشط وابجي دخيلج ست لا توديني
جان تصيح علية لعد امج وين متكوليلي هيج طالعه
بجيت ست امي مو هنا بغداد امي مو هنا
امي عايشة بغداد واني بيت اهل ابوية عايشة والله امي مو يمي......صفنت علية وطلعتني من الصف كلتلي يعني فهميني امج وين وليش عايشة بغداد وانتي هناا ....
ما ادري هيه عافتني وراحت من زمان اني سمعت ابوية طلقها بس هيج اعرف شكد كتلها اخذيني وياج ما قبلت وحتى ابوي ما قبل
زين انتي شسمج ....اسمي رؤى حارث عبد الحميد
وين سامعة هذا الاسم .....جنت امسح بدموعي انتي اخت دنيا حارث عبد الحميد اي ست اختها
لعد اختج صلفة وكحة اشو انتي ماكو صوت وذيج جانت مثل القرد
يا عيني اكيد امكم عايفتكم زين انتي واختج وين عايشات اشون امدبراتها اختج هم تبجي على امج
كتلها لا ست امي تختلف عن امها هيه امها موجودة اسمها سحر ست واني امي اسمها نهاد المعلمة بقت صافنة بيه تباوع علية من فوق ليجيوة قميصي الباهت وشعري الفوضوي وحذائي من سودة الى ملحة ودكم القميص مو مسدودة عدل عيوني الى ادور امان بعيون معلمتي
اخذت نفس المعلمة وافتهمت كلشي بطريقتها اني عايشة تحت رحمه مرت الاب دارتني وفتحت شعري سوته ذيل حصان فرتني مره ثانية عليها عدلت دكم قميصي الفوق مو عدلة وسحبته من جوة الصدرية بيدها كلنكس مسحت وجهي بأيديها حيل جنت اخاف من المعلمات بس هاي معلمة القراءة اتعاطفت وياي
كلتلي اريدج تعتمدين على نفسج وتقرين زين الدراسة سلاحج كتلها نعم ست راح اقرء زين
كالت امشي طبي واخذت نفس وذبته وحسرة بينت على ملامح المعلمه
من ذاك الوكت كلما يجي درسها الوحيدة الي تعلمتي وتنزل لمستواي وتخليني افهم الدرس وتقريبا نص معلمات الصف اتعاطفن وياي شكيت ست عفراء كاليتليهن عن حالتي حتى بعد مكامن يحجن من اجي مبهذلة
يتبع ازهار الجبوري
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
