مساء الفل
ازهار الجبوري
......لمت عباتها فاطمة واكفة باب الاستقبال تنتضر صلاح يجي ياخذها
رحاب .....ولج اشون بيج هذا لسانج راح يودينه بداهية اسكتي
رؤى ......اكلج رحاب وحق الله لهنا واصلتلي وماعندي مانع كلشي يصير خلي يصير طز الزلم الي اجتي محد فتح حلكه وحجه وكله ليش طلكتها بالاساس وليش هسه تريد تؤجعها وليش عصب على اخوها
واذا جنج على اهلي بايعيني من زمان وطز ميهمني وخري عني اريد اكمل وياها حجي قبل لا يجي اخوي العزيز
رحت لفاطمة بعدها واكفة تباع للتليفون
رؤى........اكولج ليش واكفة برة انتضري بشارع اذا تريدين خاف نبززج واذا صار شي وبطفلج نطلع مو خوش لهذا طبي جوة انتضري حتى اخوي المصون يشوف اشون مستقبليج
فاطمة .....لا عيني هسه يجي واروح هيج بيت اول مطبيتله محد يحترمني ويحترم اخوية مالي كعدة بي
رؤى .....عليش عيني من ضيم كلبي حجيت غير بيوم الي شفت نفسي اخوج طلعلي صفح ومدامج هنا اريد رقم زوجي السابق اذا ممكن خاف تصير زحمه
باوعتلي فاطمة وكالت اي ليش لا عاد انتي كليله الكلام الي حجيتي مو اني اوصله والله مالي عين اكابل اخوي واكله هيج يمكن انتي عينج كوية وتكدرين
كتلها .....همزين حجيتي اني عيني كوية واكدر ردتلي الرقم بتلفون رحاب
واندك الباب طلعت لصلاح الي حتى مفكر يسال عني لو يسلم عليه من الباب بايعين القضية من زمان
سديت الباب وكمت اخذت جهازي عبيته رصيد طبعا محد يدري عندي جهاز بس رحاب
رحاب.....ولج رؤى لحاطر الله لا سويلنه سالفة اكعدي يمعودة لخاطري
رؤى خليني بحالي اليل ما نمته من ورة استاذ ياسر يومية احلم باسامة يعاتبني ولج اشون اشون فهميني
رحت للغرفة سديتها دكيت رقمه واتصلت
يدك مرة اثنين تلاثة كلبي يدك سريع غمضت عيوني وايدية ترجف سمعت صوته
ياسر.......الوو
وكع التلفون من ايدي لزمته بسرعة ورجعته على اذني اسمه يصيح منو الووو منو وياي
سد الخط واني النفس انكطع من صدري
دكيت مرة ثانية فتح خط بسرعة وصاح بصوت كال شعدكم انعل والديكم فارغلكم اني
رؤى......اءءءء الو.....ااوو اني رؤى
ياسر .....رؤى...... رؤى
رؤى .....اي هاي اني
ياسر .......دقيقة بس خلي ابتعد جماعة يمي
رؤى النفس صار بعيد عمري متوقعت ارجع لياسر ولا باي شكل وهسه احجي ويا شحال لو اصير يمه
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
