حكايتي مع الزمن

بارت 15

مساء العافية

...............

دارولها دم رحت بسرعة اخذت نقال من احد الناس الي بالفاعة وخابرت اثير بسرعة وكتلة الحكني اني بالمستشفى كلي شكو وليش كتلة تعال بسرعة وتفهم

اجة للمستشفى وسالني شسوي هنا وشاف على ملابسي دم .....
طبعا خفت اكلة على شغلة رؤى استخيت وبنفس الوقت لا يكلب علية خفت هواي اسباب هواي شغلات كتلة رؤى اتعاركت ويا ياسر واخوتي ضربوها سجينة ما اعرف بس كامت تصيح رجعوني لأهلي ما ادري شبيها الله يخليك اثير تلاحكها استغرب كلامي بالبداية وكتله انطيني تلفونك اخابر منذر لان ابوية متخربط واخذو هم

ابوج هم متخربط عرس الاكشر هذا شنو. سالفتكم

كتلة بدون اسالة الحك اختي وانطيني تلفونك

خابرت منذر كتلة وين انته كلي هنا بالطوارئ بالقلبية ابوج صابته جلطة بنات #$#### اذا صار بي شي الله ما يخلصجن من ايدي يحجي بصوت عالي

كتلة خوية اني جبت رؤى هيه وامها ودنيا ودنيا كلي راح اجي وحدي لان اذا شافجن صلاح لو علاء يسويها دماية انت وين

اجه منذر لزمني على صفحة وكلي حسابجن بالبيت هسه يلا امشن ارجعجن كلتلة امها اني ما ارجع. واعوف بنتي لو اعرف اموت هنا. ابو محمد. ابني يمكم الله يخليك جيبة يمي وتلفوني عند ابني خابر او علاوي وكلة اني بلمستشفى مراح اكدر اجي

ياسر. .....بعد الي صار وعمي تخربط اخذنا للمستشفى حسيت نفسي فد نكرة وكرهت رؤى ونعلت اليوم ااي شفته بيها هذا شكل واحد عريس كوة افتح عيوني من السبعة الصبح كاعد وهسه اربعة الفجر وراسي طبل صاير كلت للولد اروح لبيت اهلي اغير ملابسي واجي طبعا كلواي روح قبل لا اروح لزمني

صلاح ........كلي انته خوي. ومأذيك ابد ولا تحسبني غشيتك وشفتني سويت وبس ابوي يصحة اروح اكمل الصار ولا عبالك اصدك كلام نرجس طمطم لاختها ...ومن هاي الركبة اخذ حكك وركبتي سدادة . بس شغلة وحدة واذا اني اخوك من صدك لا تفضح اختي ولا تفضحنه لان فضيحتها مرجعها علينه واحنه اخوتك مروتك ياسر طمطم السالفة من يم ابوك وعمتي خليهم لا يسولفون ولا اخواتك يسولفن اذا صارت حجاية بحلك النسوان هايهية اقرة علينه السلام واحنه زلم ياسر وكدها بس ابوي يموت والله ربانا وتعب علينه وتالي نصير علج بحلك العالم والنسوان تزود حجي وهيبة ابوي تروح بنص العالم ترضى عمك يمشي بشارع بنص الزلم راسة بالكاع بروح اعزازك ياسر لا تطلع السالفة واذا على العالم التجي كول عليها اي شي مخبلة طلعت وتريد اهلها كول اي شي بس لا تفضحنه اخوي اخوي

كتلة ما تقصر

رحت للبيت تلكاني ابوي وامي ذبيت السويج على الطبلة وكعدت مهدود حيلي

كلي ابوي هاا ولك شسويت بطايحة الحظ بسلا عفتها عد اهلها وراحت هيج واني ما اسكت ابد ما تجيت وراك ردت اشوفك شسوي وحارث لساني ما يطخ لسانه واني متبري منه ليوم القيامة على هيج عطية هيج يربي بناته