حكايتي مع الزمن

بارت 17

مساء الخير

........بقلمي

همسات الامل

دخلت لبيت عمي .....بقيت واكفة ما اعرف اطب واشون هوة اصلا عبرني ودخل واصلا عبالك مموجودة ......بقيت واكفة بالطارمة

وكلما اخطي خطوة يمر كدامي الي صار مثل الفيديو طلعت منا ذليلة كالي قيمة
طلعت دمي مباح دمي مهدور انفظحت بين اهلي وعمامي
اذكرمن هذا الباب لازمني من زندي ويغلط ويسب فشار وحجي ميلبس علية ثوب وصعدني بسيارة عبالك يحجي على سلعة مغشوشة

هاي رجعت غصبن علية ...مورايدته ابد ولا اطيقة
احس رجعتي هاي خنجر بنص كلبي اخخخخ
سحر اخ شسوي بية كلة من وراي ضليت ساكتة طول عمري جبااانة

اي جبانة واستسلم بسرعة الدموع اتجمعت بعيني رجعوني .
ذلوني .
كرامتي نزلت للكاع في سبيل محد يحجي علية اخخخ
........رضاء الناس غاية لا تدرك .....

بصفنتي طلعت زهراء ليش مطبين عليش واكفة برة
كتلها. ....هوة اكو من يستقبل حتى اطب ميصير احد يطب دون اذن احاول الملم ما تبقى من كرامتي

زهراء ....فوتي عيني فوتي هاي امي وابوي منتظريج
دخلت سلمت ....وكلما ادوس اكثر بالبيت تكنخني العبرة لان مرة دخلته وكلي فرح وسعادة وراسمه للمستقبل هواي وهواي وطول فترة خطبتي يسموني مرت المدلل ندللها

جان عشت فرحانه جان عشت مدلله بجال عمي وعمتي بس ممقسوملي

جان عمي وعمتي بالهول كاعدين

دنكت بوستهم هوة وعمتي بس ماكو وجوهم مكلوبة كوة يحجون جنهم بالغصب قسما بذات الله
حسيت روحي بنص عالم غرب ما اعرفهم
رفعت عيني زهراء كلتلي تعاي وراي اترخصت ورحت وراها للغرفة لكيت فاطمة

تقرة بكتاب سلمت علية بمكانها ولا كامت ولا شي

زهراء ....عيني رؤى منا ورايح هذا مكانج هنا هذا فراشج اتأشرلي على النضد
من الواجبات الي تسويها مصعدين فوق ابد ولا اصعدين الدرج حدج الطابق الجوة عليج والفوك لمرت ياسر وانتي مكانج ويانا اني وفاطمة اتحملينة ونتحملج ماشي ومالج علاقة ولا تتدخلين ولا تحجين ولا بينكم اي شي حسبي روحج متشوفيها لمرت ياسر ابد ابد هاي تعليمات ياسر
حجاها قبل لا يجيبج

اصلا مستغرب الوظع بس اني مرته مثل ما هيه مرته شنو انام ويا البنات مالي غرفة وحدي هيته قليلة غرف بيت عمي بي غرفتين جوة وغرفتين فوق

الفوق غرفة جبيرة وغرفة ضغيرة جانت مثل المخزن بس سوو مخزن بصفة من جهزو غرفتي كلتلي عمتي منظفيها ومرتبيها بس ممخلين بيها غرفة سووها للجهال

تالي يستحسف بيه غرفة نزعت ملابسي اصلا اني كارها الوضع كله اشون اكمل لوضع يا ربي منك القوة والصبر