كعدت على صوت الجهال كمت ويا رحاب اشتغلت وعزلت البيت وهيه تضحك وسولف وياي من شافت وجهي شوية فكتها علية
ادري برحاب تحب العزلة ومتريد احد وياها بس شسوي وين اروح ماعندي غير اخوي
هيه بيها عادة بخيلة ليش ما اعرف مع العلم منذر ممقصر على البيت ولا عليها ولا على الجهال
...........
كملت كلشي وبنات منذر يلعبن يمي خولة ورقية
واصخرهن ويعاونني بكم شغلة كلساع وحدة من البنات عمه شبي وجهج
هذا شنو الزراق عمه
هاي كارصتج دودة عمه
وتأشر لوجهي رحت شفت وجهي بالمراية شكهت واخترعت وبعد ابد مباوعت بداخلي اريد امي اريد حظنها اريدها اخذت تلفون رحاب وخابرت على امي
اشهك وابجي من كل خاطري امي بس تحاول تعرف شبية
ماكا بس كليلي شبيج فهميني
كتلها م......ماما....ماما.....ياسر طلكني مرت الثانية
كلتلي يمة بنيتي سودة علية اليوم اجيج انتي وين
كتلها بيت منذر
كلتلي ماماتي ولو خلصتي منه مو اني تخابريني تكوليلي ميريدني ويفضل مرته عليج لعد ليش يا حياتي ليش تبجين
كتلها انتي متهتمين بيه فضلتي تكونين بعيدة ومتحسين بية انتي مو ام انتي مو ام كمت اعيط اريد حركة كلبي تطلع امي لعافتني سنين كلما اشوفها اريد افرغ الي بكلبي طلعته هسه
....كتلها انتي مو ام حرام بيج تصيرين ام عفتيني سنين بيد سحر وهسه جاية ليش تبجين اني من ورة غلطت وزوجج من ابوية سحر حقدت علية
سحر اذتني سحر دمرتني
سحر خلت اخوتي يكرهوني
سحر نيمتي جوعانه سحر الشتا يمر على الناس دفيانين بجال اماهتهم بس اني انتي عفتيني هاي النتيجة يا امي
اجتي رحاب على صوتي العالي عيوني غوشن ما اشوف من الدموع التارسة عيوني امسح بيهن ويرجعن
ليش يا يمة ليش
ليش ازوجتي ابوية من الاساس ليش خلفتيني اذا انتي متريدين ابوية ليش
ما اسمع من امي بس نشاغ بجيها
..الام الي تربي يا امي مو الي تخلف انتي خلفتيني وذبيتني اني الي عيشت نفسي تحملت اشكال من سحر ليش اشون اجاج نوم وغمظت عينج ومتدرين بتج جوعةنة شبعانة مريضة لا
شني من كلب يا يمة لييش حرام عليكم انتي وابوية ايام وليالي مرت علية تصعب على الكافر ليش بوكت اني جنت ابجي عليج وانتي نايمة بحضن رجلج مرتاحة
تدرين يمة لا مو يمة ام علاوي حالج من حال اي وحدة عادية ما احس باي شي تجاهج من الي كسرتني سحر حسيت بقيمت عدم وجود وياي صدك ذاك الوكت متي بعيني متي بكلبي
اسمع امي تصيح يمة رؤى لا تكولين هيج اني احبج والله رؤى لا تحجين هيج
كتلها لا احجي اصلا انتي ميتة بالنسبة الية وقريت فاتحتج من زمان هاي شوفي شكم مصيبة مرت علية اني اتحملها وحدي
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
