حكايتي مع الزمن

بارت 11

انخطبت رسمي عمتي نجية اهتمت بكل التفاصيل لان عرفت سحر مقابلة على هاي الخطبة لان فضلتني على بناتها

كامت عمتي تجي وتاخذني وياها للسوق وياسر وياهم بس عمتي تروح لان سحر تتحجج متكدر وعمتي نجية اخذت الاذن من ابوية تاخذني للسوق اجهزني طول اصعد السيارة

وياسر كدامي يباوع علية من كد الارتباك حتى ما اسلم علية احس هذا شي غريب اني اطلع وحدي وللسوق شي غريب صعب اشون امشي

عمتي .....ياا رؤى شمالج ما سلمتي على زلمتج
شنوو عاد غريب هوة

ياسر لا يمة عوفيها براحتها خجلانه

غطيت بملابسي من حجة هيج عبالك زعطوطة
عركت شالي مبهذل وطالعة بدشداشة عادية

وشحاطة مالت دنيا لان ما عندي وحجاب عادي حتى ما اعرف البسة والعباية خوب سوتني سوالف اجيت ابجي من ورة العباية

رحنه الصبح نزلنه وعمتي تمشي كدامنه وياسر اتقرب علية عيني بالكاع وهوة يمشي يمي اباع لرجلية
حذاء سودة وبنطرون حليبي على ابيض وقميص اسود مباوعت لوجة استحيت نزلت عيني ايدة طخت ايدي توترت وبعدت بتجاه هماي واجيت يمها

كلشي يختارو اني اكول اي ما ارفض ابد كلشي اشترو عبالك لعابة ويتشرولها مقصرت عمتي كلشي اشترتلي بس اكو شغلة انتبهت عليها ياسر يعرف اكثر مني بملابس البنات

ياسر .....اريد اعرف شيعجبج كولي ليش مستحية من طبينة لسة وانتي كولة اي اي واحنه نشتري كولي شيعجبج باعيلي وكولي

باوعت علية كتلةةة هاا بكيفج بس عجبني هذا البدي كولش حلوو احسة يوالم بشرتي مو صح

ياسر .....اشتري هسه انزلة الج بس ضلي باعيلي هيج عيونج يخبلن

بسرعة نزلت عيني من عدة ....هذا شديحجي عززة بعينج رؤى هذا شبي

طبية لابو الذهب بعد مخلصنة الملابس بطعان الروح اشترو السوق كلة
كعدت واباع لنفسي اشون مبهذلة وهوة قمة الاناقة .....اني وين وهوة وين خريج جامعة يرتبط بخريجة رابع ابتدائي لا وكلشي متعرف

كعدنة عند ابو الذهب وبشلو اني اباوع وياسر وعمتي يقترحون ويلبسوني ويشترون

3 محابس وحلقة و4 بتوت وكلادة خناكية وكلادة طويلة قرأن كريم مداليتها ....وسوار وتراجي صب يخبلن ورق ياسر 6 ملايين ونص
طلعنه وكفنه بمحل مكياج كلتله عمتي عروس ونريد نجهزها وطلع اشكال والوان من عطور كريمات حمر حكل اشكال حتارينه من كل نوع اشترة ياسر وشيكلة ابو المحل ياخذ حتى الشسوار اخذ نوعين

اخر محطة ملابس النوم كال لامه اطب وردت اطب لزمني كلي اختاري على ذوقج اني ابقالج هنا
بلعت ريك وطبيت ورة
.......عمتي عوجت حلكها وكالت دهر طرك ياسر مخليتني اجيت خواتك وياي شعرف اني بذني الحوايج ....اختاري عمه اني راح اكعد هنا وانتي اختاري شمالج مو مرته من اجيتي لسة اني اجيبلج طاحت رجلية