حكايتي مع الزمن

بارت 10

 محسيت غير انشاليت من شعري وركعت راسي بالحايط بكل قوتها اباوع هاي سحر  هية ضخمة نامت علية نوم ما اعرف الكفخات منين تجيني شعري اتهلس وارسي احسة طار من قوة الظربة من غير الغلط علية وعلى امي  واصيح مو كتلج لا اكعدين حقيرة مسمعين كلامي اليوم اطلع التوبة بيج

مها دنيا واكفات يباعن ويصيحن حيل وياج وابو زايد امهن سحلت صوندة الماطور احس داخلة معركة  بلعت ريكي وكتلها اني مسويت شي هنا جلبن بيه اكعد
كلتلي حقيرة اعلمج اشون اسمعين كلامي رفعت ايدها رادت تظربني

كتلها اكول لابوية والله اني مو صغيرة ظربتني  على وجهي وحميت وجهي بأيديه الصوندة قوية كمت اكمز واصيح فدوة اروحلج عوفيني والله مسويت شي كل ظربة جانت تاخذ من جلدي لحم انحصرت بالزاوية وجهي احامي بايدي واحسها طارت من الام  ساعة الزم ايدي وساعة الزم رجلية
واصيح فدوة انتي ربيتني عوفيني الله يخليج دخيلج لا اظربين  يمة اروحلج فدوة ابوس رجلج عوفيني ولج يمة يمة  اخخ اخ بوية وين انته والله مسويت شي لحد ما تعبت ايدها من الصوندة وخواتي واكفات يباعن علية متخوصرات ويكولن حتى اسمعين كلامها مرة لخ

تعبت وعافتني ونيدة اريد احرك ايد رجل ما اكدر جسمي يوجعني سحلت روحي سحل للغرفة اخذت شرشف وتغطيت بي بس منايمة من وجع جسمي الصوندة خلت روحي تفرفح بس جوع افراك امي ابوية جان اقوى من هذا الالم بمية مرة  حتى دموعي الي سرسحت عل خدي تجويني احسها نار وطلعت من عيني  ليش هيج سويتو بيه ليش هيج بهذلتوني مراح اسامحج مراح اغفرلج طول عمري عفتيني ويا هيج عالم مراح اسامج امي .....انتي سبب مطالبتي بيه ولا تعبتي علية ......

وانته ابوية اشبعت نفسك بمرأة عجبتك بس محافضت علية خليت كرامتك فوقي وحمل الكرامة والرجلة داسني وسواني رماد اشكركم  كفيتو ووفيتو  نمت شكد وما ادري بنفسي بعد

 كعدت ساعة  9 الصبح ثاني يوم بعد دفرة مها الية اكوم اشتغل بالبيت  كمت ساكتة ولميت البيت كلة مالي رغبة بكلشي لا اكل ولا اريد اهل ولا اريد احد

اتمنى اموت ولا ابقى عايشة هيج وضعية يارب الك الفرج  ياررب لو اموت لو تفرجها علية  دا اشتغل وطبت نرجس جابها رجلها

سلمت على البنات  واني ما اريد احد ابد ولا سلمت ولا شي سويت نفسي ما اعرف احد وبقيت على شغلي اجتي للمطبخ ضربتني على جتفي

هاا ولج ليش مسلمين شبينه منعجب ...جانت بشهر السادس بطنها مبينة

انداريت عليها  .....

شهكت يمة هاي شبي وجهج

كتلها شبي  اني مشفت وجهي ابد من بعد الي صار

كتلها شنوو شبي ما اعرف

كلتلي تعاي واخذتني على المراية  وشفت وجهي شكد حاميته بس لاحتني صوندة بحنجي وخدي الايسر  واذني وطكع زرق خفيفة بس خدي الايسر حيل مبينات زرق واثر صوندة

كتلها هاا هاي امج البارحة والله ضربتني لان كعدت يم عمه نجية هيه وبناتها اجن يخطبن من عدكم مرة حسستها اني مو منكم

كلتلي امي لو امج هم لو نسيتي من الرباج  هااا....اءءءء واكيد انتي خاف مسوية شي اكبر من هذا

عفتها ورحت اكمل شغل

راحت نرجس لامها ...يوم هاي شبيها  رؤى حتى هيج ضاربتها

سحر ويطبها طوب  متسمع كلام 

نرجس ......صدك عمتي نجية اجت تخطب من عدنه
منو خطبتها

دنيا خطبت رؤى  ......نرجس  شنوو رؤى

ليش رؤى 

مها عافتهم وراحت 

سحر كالت هذا الي اريد اعرفة ليش رؤى ونجية تعرف كلش زين اني اكره نهاد وتجي تخطب بتها قبل بناتي  والله ما اخليها هلزواجة تمشي بسلام لو اموت  ونار كلبي لسة مطفة 

نرجس بس ماما رؤى ملها علاقة بلصار

سحر ....انجبي لج شنوو تريدين اخر وكت ادافعين لبت ابوج  ابوج الي كسرني وازوج علية  هاي ثمرة حبة ظل متمسك بيها حتى من طلكها مقبل ينطيها لنهاد يريد ذكرى من نهاد تبقى يمه وجابها على كلبي  الج عين تحجين نرجس  تقبلين اثير يزوج عليج

نرجس اسم الله ماما محجينه شي لا ادافعلها ولا شي  يطبها طوب

سحر  جان مخطط براسها عضيم وجبير راح ينهي حياتها نهائي لرؤى وراح تطلع من السالفة مثل الشعرة من العجين

..................... ورة اسبوع  اجت مشية عمي سالم وياسر وعمي الجبير كاظم جان يمشي على عكازة لأن هوة الجبير بيهم ومن بعدة أدوية ومن بعدة سالم. عمي كاظم كل ولدة أجواء ويا  عمي كاظم أبو هاشم  عندة تسع ولد وثلاثة  بنات  بنات عمي اشوفهن بس بالمناسبات......متزوجات بعيد عن منطقتنا.

اتفقوا على كلشي وتمت الخطبة ولا عبالك اني المخطوبة أركض منا ....ومنا منتبهت ابدا لمن لزمتني عمتي نجية وكعدتني يمها حتى ملابس حلوة مخلني البس نرجس تخاف تدنالي وتعدلني بأمر من امها

طبعا ماكو احد اخذ رائي وكلي توافقين لا اصلا هلامر حسمو الزلم من يوم الكال صلاح لابوي اني اعرف اختي تحبة وبين نفسي مراضية ابد بس حكم القوي بعد ....لبست جادر صلاة بيوم الي صاحوني ورادو يسمعون موافقتي .....كلت نعم وانته وكيلي وهلهلت عمتي نجية فرحانة هذا عقدي باهت مابي اي تغيير. جنت انام اليل واكول راح اطيعة واسمع كلشي يكوله مراح ارفضلة طلب  بلكي  يكون زين وياي مو مثل اخوتي

النجمة حبابين اريد دعم كاتبة جديدة