حكايتي مع الزمن

بارت 26

ازهار الجبوري

هل ستتم الفرحة ذات يوم هل سأكون لحبيبي عروس كشمعة تنير طريقه هذا كلامه وهذا هو حلمي وحلم حبيبي....... ام للزمن حكاية اخرى يحكيها معي

........................

أسامة ........بقيت كلما احجي وياها تهرب مني ما اعرف قصده شنو البنية حيرتني خايفة مني على طول لحد ما فلتت حجايه جابت طاري علاقة قوية وجنها متريد ...وتكول ما اريد نتعمق هواي .......بالي أفأجئها وظاملها مفأجأة تلوك لحلوتي ..
من حاجيت امي استغربتني سولفت وياها وعرفت البنية الرايدها من بعيدة قريبة من عدنه بينه وتالي كالت

..امي صفاء .......خصم الحجي منيه احجيها من .........
..كلت رؤى بنت خالتي عكدت حواجبها

شنووووو .....ملكيت غير رؤى ليش حبيبي اجيبلك عدالها بنية بيت مو عاد منفصلة
حسيت بكلام امي غيرة نسوان ومتريد لأبنها بنية منفصلة

كتلها يمه اني البنية رايدها وراضي بيها يمه واليسلمج يمة هذا اختياري ورؤى اختياري اني رجاء وافقي ومن كل كلبج لان هاي حياتي وسعادتي واذا اعترضتي معناها تعترضين على سعادتي

.....لوت حلكها وبأيدها استكان جاي تخوط بي وكالت لازم انته مقرر هلشي ومجاي تطلب رأي جاي تنطيني علم وبس مو صح يا ابني اعتقد اني ملازم انطي وابدي،، اي رأي لانك مقرر

اسمع كلام امي الي بي نبرة حزن ومخلوطة بغيرة وشقاوة اعتقد فهمت من كلامي بأني فضلت رؤى او كلام رؤى عليها متدري امي هيه الاول والاخير بس ذيج الرعنة ضوجتني كل شوية وتكلي لا تخلينه نتعمق بالعلاقة وخايفة وحبيت استعجل الامر وحجيت لامي وكتلها خطيبها مباشرة للعلم لو باقي على تفكيري اني لا جان خليت امي وتقرر وحدها وتفكر وادري بيها مراح ترفضلي طلب واكدر اقنعها بس هيه من شافت استعجالي كل ضنها مخليتلها اعتبار ضحكت بداخلي واجيت كعدت يمها على القنفة

بست راسها وكتلها يمه كلشي بيدج ومحد يكدر يسوي شي بدونج بس اريد هلشي بسرعة مجرد احجزها خاف اهلها ينطوها لغيري .......وبعدين لكل حادث حديث من يكلج يجوز ننفصل يجوز منتراهم ياما وياما عالم توصل للعرس وتتفلش

بعد ما شربت اخر شي من الجاي البيدها.......كالت اي قشمرني وبعد شعدك من مخططات واني ما ادري

ضحكت كتلها يمه الكدامج رجال علي الاعتماد مو طفل يا مخططات اني اريدج تحجزيلي رؤر وبس هذا هو

.....الام حلو صار اسمها رؤر .....ومن شوكت تريدها واحنه مندري

كتلها يمه اني رايح انتي حاجي ابوي سويلي طريق واني هم احاجي وهااا باجر من الصبح تروحين انتي واحمد ترة كلتله اني
كالت زين نمشي كلها تدري بس اني عود امهم وتباوعلي صفح

ضحكت وكتلها ماكو منج نبع الحنان

..............
...............ركبت سيارتي اسوق وافكر بيها اشون تصير من نصيبي شسوي وشجهز واكيد راح تتفأجئ بجية امي اريد اعرف شعورها كل يوم اطب لغرفتي وافتح الاضوية اتخيل كدامي هاي البنية الخجولة ترفة بعيون سود ام الضحكة الدافية