حكايتي مع الزمن

بارت 8

.....اندارتلي .
وانتي شكو لج خاف عبالج جاية تستفحلين براسي
وشنو انتي وتكوليلي هيج ولزمتني من دشداشتي
 
عتيت ايدها وكتلها شنوو خاف تريدين اضربيني
اكول لعلاء عليج تخلين حمرة
دفعتني لج كلبة اني اكوله عليج حقيرة يصير خير

ظليت ارجف خفت من كلامها كلشي يسون وهذا علاء مسودن ايدة والظرب  لان الصغير محد يحاجي ..........راحت سلمت عليهم همه كاعدين صلاح وعلاء وياسر
.......جان ياسر مدنك راسة من يسلم عليهن هيه ومها

اضطريت امر من يمهم واروح للمطبخ لبست حجابي وطلعت  سلمت على ياسر .....
.....شونك خوية انشالله زين

رفع عينة عليه حمد لله انتي شونج
ابد مستحه مني وعينه بنص عيوني ويباوع بتركيز

اتلبكت وطفرت للمطبخ واني امسح العرك من كصتي ....بديت اسوي عشى وياسر راح

ياسر...... اني هلولد لهلي مدلل عد ابوي  وعندي بس اثنين خوات ابوي اصغر واحد عد اهلة

شكد ما مدلل هواي صادقت بجامعة بنات بس معجبني الاسلوب وطريقة كلامهن جريئات وما مال طبعنا وعاداتنا  شكد مرت علية امور كل فترة الجامعة كضيتها  وبنات وعلاقات عابرة ومطير فكرة اتزوج بنيه متحررة لان المرن عليه يريدن بس ونسسة

.....لمن شفتها  اي شفت كل البراءة بيها بريئة بشكل مو طبيعي خجلها وجها الناعم  وعلامات حزن مبينه عليها ما اعرف ليش حزينة
اترسخت بالي هلبنية شكلها خاصة خجلها عينها بالكاع متشيلها شكد حاولت اشوف وجها عدل متنطيني فرصة  تظل عينها بالكاع

مرة من خابرتني امي من احتركت وجان شعرها طالع لأول مرة اغض بصري عن بنية واريد احميها من عيوني ومن نفسي  .....شعرها الطالع وكصيبتها الطوية وعيونها من تبجي جان بودي احضنها بس ما اكدر بت عمي

رحت ورة الحادث مرة واثنين جانت تستحي تطلع كدامي بس كثرت جياتي كامت تنغصب تطلع من الغرفة .....طلعت من الغرفة مها الي ادري بيها تركض وراي وين ما اروح وشكد تحاول تغريني بتصرفاتها بس اني ذني الحركات ميمشن عندي ولا يصرفلي .....طلعت وراها ام ضفيرة احسها انجبرت تسلم
خليت عيني بعينها  وركزت بملامح وجها جنت بداخلي اكول اثبتي مكانج لا تروحين خلي اشوفج
.....عكدت حواجبها  وتحاول تعرف شنو هلنظرة

وراحت تركض .....حليوة ما تتعيب حنطاوية بنية عادية وشعرها اسود فاحم وعليها رموش يخبلن وسطرني سطر 
 
رجعت للبيت وكلما نكعد على العشى تبدي سوالف اني ازوج اريد اشوف جهالك انته وحيدي خليني افرح بيك يسوري يمه شعندي غيرك

حجت فاطمة: اي يمه واحنه شنو مقامنه من الاعراب
نجية : والله يمه انتن تزوجن وكلمن تحير بروحها 
بس يسوري هيج يمه وتخليني افرح واشيل جهالك وافرح بيهم

سالم ....ام ياسر اتعشى وعوفي الولد  راكبه شيطان يكله لا تزوج خلي ليش متعبة روحج قبلج حجيت وشكد بس الاخ معاند هسه لو عندة وحدة بالة الم العشيرة من الراس كلها ونروح نخطب بس ابنج قافل

فاطمة وزهراء ...وحدة تباوع على الثانية اخوهن يسمع ابوة وامه يحجون بدون ما يحجي ساكت وياكل جان دوم يزاكط ما اريد مرة ولا ازوجوني

هسه ساكت مو من عوايدة عوجت حلكها فاطمة وتهمس لزهراء تكلها اخوج وكع ومحد سمه علية

همست زهراء .....اي ولج واكع وغركان ويمكن هسه مخنتك

يلا الحمد لله وشكر
....يا يمه وين شكلت

لا يمه شبعت اني اروح يم بيت عمي حارث شوية وارجع ......طلعت من البيت وخابرت صلاح .

...هاا صلاح وين انته ضايج اريد نغير جوة
.......هاا ابو عمار اني بالكهوة تعال  وجماعتي وياي

سديته منه....ابن الذين شعدك ساف برة اركد عد اهلك ..

رحتله وصلبني ساعتين بالكهوة صارت ب 10 بليل مو حلوة اروح ويا لبيت اهلة

........ كتله صلاح كبل لا تروح عندي شغلة وياك واريدك تكضيها وانته اخوي الماجابته امي

كلي ...كول ياسر صدك جذب هاي الركبة سدادة ومن هسه اكلك مكضية......

جنه واكفين برة باب البيت كتله لا طببني بغرفة الخطار 

كلي اي فوت دخلني كلي اجيبلك ماي لزمت بي كتله دكعد اني اريد اروح الوكت اتأخر

كعد كلي كول شغلتك شنووو

مسحت لحيتي متردد اشون اكله......

كتله من الاخير صلاح امي تجيكم الخميس الجاي تخطب مرة منكم........ اتنفس سريع وعركت عبالك حمل على كلبي وانزاح وانتضر الرد

ضحك وضرب جتفي تحجي صدك وكوة تحجيها وعبالي مسوي جريمه  صدك جذب  عني اني اخطبك لاخواتي بعد شتريد  وضحك

كتله اريد انطيك علم انته بحسبة اخوي

كلي صدك جذب بس هااا يوم الخميس مو تتاخر راح اطيهم علم كتله ماشي

رحت لهلي انتضر الصبح شوكت يصبح
البنية دخلت بالي كلش اريد اربيها على ايدي نظيفه ومحد شاخط برائتها وكلشي متعرف هيج بنية اريد  هم حلوة وهم بريئة وهادئة  شوكت احصلها هيج جوهرة ما تتعوض.......
 
الصبح .....كعدنه على الريوك وصلاح كال لامة يمه خلي البنات يتريكن بالمطبخ  رحنه للمطبخ

ما نعرف شيبسبسون  بس اعتقد هيه
....................

ورة ساعة  البنات كالن شنوو بصوت عالي
ركضت للغرفة اشوف شبيهن....
.دخلت كلت شكوو

سحر وانتي شكو عوبة اطلعي برة الغرفة وكملي شغلج بالبيت يلا

رحت اكمل شغل  واني اسمعهن شنو نلبس وشراح نسوي حلويات

.......امهن طلعت من الغرفة

النجمة وياكم