بقلم ازهار الجبوري
................
اخذوني عروس بثوبي الاسود
اخذوني غصب عبالهم انحب
لبست كلشي اسود عباية دشداشة جواريب ثخان سود
امي مقبلت وكالت فال موزين
كتلها نو شضل زين موزين عوفيني هيه حياتي سودة من يومها بقت على هاي
اخذت جنطتي ودكيت باب الاستقبال كلي منذر اطب
طبيت وكتلهم معندي شي حضرت كلشي
عمتي نجية باوعتلي وشهكت كالت يمه ليش لابسة اسود
كتلها عادي عمه اني لسه مفكيت حزني على ابوية
كالت ادري غير عروس ولابسة اسود
كتلها والله ما اكدر ابوية وما اريد انزع الاسود تجبربني انزعه اي عادي عدكم مثل مجبرتوني على الزواج
ياسر وجه احتقن كال يلا بوية نخفف الزحمه
راسم ومنذر وعمتي نجيه عمي سالم كامو منذر ما حجه ابد عيونه الشرار يطلع منهن
راسم يفتهمه من عيونه باوع لياسر وكاله دبرلالك على بت عمي وكفني راسم وباوع لعيني كلي شتحتاجين هذا اخوج واني اخوج حاضرين
كتله الله يخليك
اول مرة اباع لراسم وانتبهله وكأني اريد ابقى نضرتي اكله الزم بيه لا تخليني اروح بعد عينه عني وكال توكلي بت عمي الله يوفقج
لشتي ترجف وكلبي مقبوض امي ودعتني بوستني كالت باجر امر عليج قبل لا اروح لبغداد مشت بينه السيارة ودخلنه الشارع نزلنه يم باب البيت طبعا بيت عمي نفس الشارع وياي ززلت وعمتي نجية وصتني ٢يري حبابة وهذا رجلج شاريج ويريدج واني اهز براسي بس كوة احس جبل على راسي نايم راحو واحس روحي راحت وياهم
البيت مأثث وكامل مكمل بس يحتاجلة شوية تنظف لان بي تراب متروك بلعت ريك ورجيلة ثكلن احاول بكل قوة اكون قوية دخلت للهول وياسر دخل قبلي كعدت على الكرويته عيني بالكاع ذبيت جنطتي ودموعي تجري ما حسيت الا قطرات تنزل على عباتي
الخنكة الصارت بيه ممرت ببشر من قبل رجعت لذباحي رجعت وعفت احلامي الوردية ويا اسامة اخخ يا نار كلبي احس ثلجت وبردة سرت بعظامي حسيت اصابيعه على خدي تمسح دموعي بس ولا اي ردة فعل جنت متبنجة وصوت احسه مثل الصدى
ياسر..ليش تبجين هاي حياتنه جديدة وطوينه صفحة الماضي كلشي دفنا واني وياج نبدي من جديد
يحجي واحس كلبي يريد يطلع كارهته كره العمى احسه الموس الواكف بلعومي مثل السجان سجني هذا مو زواج هذا سجن ابلع بريكي كوة لزمني من جف ايدي نزني يريدني احجي
ياسر .....رؤى وياي احجي شبيج ليش ساكتة
من كد مختنكت صعدت الخنكة ببلعومي عيوني كمت كوة افتحها جسمي كان متقلص وبي برودة انخفرت روحي ركض جابلي مي ذب على وجهي ويصيح رؤى جاوبيني بيج شي شيوجعج ليش تخربطتي خاف ضغطج نازل
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
