حكايتي مع الزمن

بارت 22

بقلم ازهار الجبوري

خالاتي كلهن اجمعن بالمطبخ هاي التصب وهاي تسوي زلاطة لينة وحوراء فرشن سفرتين وحدة لازلم وحدة النه النسوان بالهول  وبدن ينكلن اني وياهن  اذن اذان الضهر واندك الباب

فتحة علاوي وطبو اثنين زلم متوسطين بالعمر طلعو ذولي ازواج خالاتي هناء وفاء وطبت وراهم بنية تقريبا بكد حوراء او لبنة لابسة تنزرة طويلة سودة وقميص ابيض وسترة كابوي  حجاب ابيض

اول مطبت سلمت على خالاتي كلهن بوستهن وبوست البنات اني استغربتني اله امها كالتلها

زينة .....هاي بنت خالتج رؤى استغربت عاكدة حواجبها مستغربة ادور اتفأجت كال ....معقولة

زينة ..... شوونج كلبي اني بت خالتج زينة بوستني جانت مثل طكة البنات تسولف وتضحك غسلت وجها وكالت يمه متنه من الحر راح نموع شنوو هاي

امها كلتلها زينة غسلي وشوفي اخوتج 

زينة يا صلاة محمد اشون اني ابتليت بهلاثنين

عود ماما شنوو اني مخلفتني الجبيرة كلشي براسي وذولي ولدج دخيل الله ملائكة

كالت امها دولي روحي شوفيهم

هيه راحت  مرت من يمها لينة اخذتها وراحت تشوفهن بالحديقة

حوراء واني بقينة نودي المواعين ونخلي بسفرة

الزلم بغرفة الخطار الي همه كل خالاتي وزوجها جاي بس خالتي صفاء ما تجة لا زوجها ولا ابنها الجبير بس ولدها الاثنين اجو وبيت خالتي هنا قريب على بيت جدي وابوها عازمه خالي مبارك وزوج خالتي وفاء كذلك

كعدنة احنه النسوان بالهول يم بيبتي الي متربعة ومادة رجل من رجليها  كاعدة بمقدمه السفرة وعلى اليمن خالتيرصفاء وعلى اليسرة امي وخالتي هنا وفاء واحنه اني كعدت وبيميني حوراء وباليسرة لينه وكعدت بصف لينه زينة الي لازمتها مثل ضلها ناكل ونضحك وخالةتي يسولفن والجهال تكمز وتاكل بس بيبي اكلت قليل

نادة رجلها الي مبين عليها شوية مورمه وبيها دك على شكل نقاط جوة كل اصبع بس التجاعيد والكبر مضيع جمالهن

وحنجها مدكدك  دك اماهتنا القديم وتحجي ويا بناتها ومل شوية وتكول فلانة هذا ما اكل وتباع على الجهال وانته اكل شبعتي يمه لو بعدج  .....بناتها يصيح انتي اكلي وراج اشربين علاج اكلي

دنكت اكل واسمع زينة تكول وج ....لينووو بداعتي بس نخلص سويلج فد شي خلي الحاتة يطلع ارد اشوفة بداعتي

لينة .....وج برعة شبيج ذالة نفسج هسه غير هو اخوية بس ميريدج الله اليعلط كم وحدة بجيبة هسه وشكم وحدة تركض وراه حاليا شبيج خبلة هسه لو هوة يباوعلج جان لعبت جولة واجمعكم بس هذا راسه يابس