مساء الورد
بقلمي ازهار الجبوري
استمرت حياتي هيج ويا ياسر بهذلني وذلاني على اتفه الاسباب شكد حاولت اجنبة واكون مطيعة مخلاني وما انطاني فرصة وحجاية والثانية وكال
ممصدك بيج اهلج طمطموها للسالفة وانتي مو بريئة انتي وحدة نكسة وحرام بيج الهوة التتنفسي
صرت خدامة الهم
اشتغل من الصبح لليل
امي اتصلت على منذر تريد تعرف اخباري
ومنذر انطاها رقم عمي سالم وبيوم اتصلت علية
شبعنا بجي اثنينة وشكد لامتني لان رجعت
كتلها مو بيدي يا امي بيد الزلم وبيد اخوتي كسروني مرة ثانية
امي كامت تدعي عليهم كتلها
يوم رجعوني حتى يسترون علية يوم اني ليش متعذبة هيج
ليش مرتاحيت من فاركتيني لسة
ليش حظي مكعدت ابد ليش
امي سكتت بس صوت بجيها
كلتلي .... هاي سحر لا تسكتيلها ابد ولج لو ما ابو علاوي والله جان اجيت سويتها نصين
عيشتج كل هلسنين حتى تموتج بالاخير
امداني من ام امداني من ام وانهارت تبجي
وهناك والتلفون اخذو منها وصوت بنية تحجي
حوراء....الووو
رؤى الووو
جنت معتقدة هذا صوت اختي حوراء امي تحجيلي عنهم
حوراء ...هلوو رؤى هاي امي شوية وتخابرج بس ترتاح
رؤى اي فدوة وديربالج عليها
حوراء..... انتي شونج انشالله زينة
رؤى ز..ز..زي...زينة
حوراء ...انشالله دومج زينة اخيتي
من كالت اختي غصة وكفتلي وصارن كدامي خواتي ....نرجس...مها...دنيا كضن عمرهن يحفرن جواي ....ولا وحدة بيهن نصفتني
بيوم كاعدين واندك الباب الحوش جان وكت غدة عمي وسالم توهم طبو للبيت عمي يتوضئ
ياسر فتح الباب
وطبت نرجس تلطم على وجها
لابسة اسود ومخرمشة وجها حالته تصعب على الكافر
هيه دخلت وزوجها وكف بالباب فضلة ياسر يطب بس هيه مثل المخروشة فاصلةوتصيح وتلطم
رؤى....حوبتج ما تعدتتني وبنتي ماتت
رؤى فاتن ماتت رؤى بنتي راحت من ايدية وكعت يم باب المطبخ
والبنات اجمعن عليها وعمتي نجية تهدي بيها شافتني ولزمتني من هدومي ولج رؤى هاي حوبتج
....حوبتج ما تعدتني
عتت حجابها تريد هوى واصيح يمة فاتن راحت مني
احنه انخبصنا بيها تزلغ وجها وتصيح بنتي رجعولي بنتي
بنتي اريد بنتي عمة بنتي اريدها وتظرب على راسها كلة من وراج يمة شسويتي بية اخخ ارحموني
اليل ما انامة اليل اليمر على الناس ما انامه
رؤى دخيلج سامحيني حتى بنتي ترجعلي بجيت على بجيها وهيه تصيح منفعلة
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
