مساء الخير
اعتذر عن التاخير تلفوني عطلان ومنتضرة التلفون الجديد
...... ركبتي تنزف بس روحي انذبحت وماتت بيد صلاح بيد اخوي اجاني ياسر من شاف حالتي راج يكومني عتيت ايدي منا كتله بصوت قوي ومبحوح لا
.. رؤى... بالك تلمسني لو تموت ما اخليك تلمسني وديني لبيت اخوية
علاء...... انكلعي منا ولا تشوفينا خلقتج ياسر هاي مرتك وانته حر شسوي بيها سوي ملنه علاقة عزما تذبحها
صلاح اخذته امه للاستقبال وعلاء ذب حجايتين يسممن البدن وراح اجاني ياسر
ياسر.... كومي وياي شوفي ركبتج تحري دم خلي اخذج شفتي الوضع شلونه خلي اوديج للمضمد يسويلج الجرح
وخرت ايدي عن الجرح باوعت لأيدي بيها دم تحركني باوعت عليه كتله شوف.... شوف الدم جنت اغمظ عيوني لان ما اتحمل منظر الدم ابد صوتي خفيف .... كتله من وراك كله من وراك هذا وصعي هسه شوف الدم شوف ركبتي راد يذبحني بس في سبيل اقبل دنيت عليه وكتله شوف ما قبلت بيك لمن حز ركبتي يلا كلت موافقة لو ما النفس عزيزة لا اخلي هلسجينه تكمل طريقها بركبتي ولا اقبل بيك بس شوف كرامتك وين صارت انمسحت بالكاع وهذا دمي شاهد انغصبت غصب عليك لو عندك ذرة. كرام.......
بعدني ممكلمه لزمني من زندي وجه احمر صار سحلني وطلعني برة جنت لازمه ركبتي سحلني دفعني بكل قوة بسيارة وركع الباب حيل ضرب التاير
برجله بقوة
صعد بسيارة وينفخ واعصابة نار عروك وجه بينن تالي وياج الهم طولج يا روح لان ردت اصلح وضعي وياج رافضة لو شنو ليش هلكره ليش وينفخ بدخان الجكارة يمشي سريع وكل شوية يضرب الستيرن
وصلني لمضمد المنطقه جانو عالم موجودين عند المضمد وشباب برة واكفين بالباب اجه فتح الباب نزلني جنت متلفله بعباتي حتى بدون حجاب كوة نزلت دخلني لجوة وكال للمضمد
ابو محمد عجلنه شوية كتلك عدها جرح يحتاج قطب
اي جايك جايك ذب البيدة زجاني جنت كاعدة بالغرفه الجوة بيها سدية صغيرة نمت رفعت راسي خلالي تخدير على المنطقة كلي ياسر بصوت ناصي
ياسر:اتحملي شوية باوعت عليه
رؤى: كتله ترة اني اصلا متحملتك انته الجرح عادي بسيط يروح بس انته اشون تروح اشون راح تختفي مثل الجرح
اخذ نفس وزفرة بقوة اجه المضند جاب الخيط بلش خيط اربع خيطات
كلي بسيطة بنتي فترة ويروح اتحملي واخذي علاجج بأنتضام ااي استغربته المضمد ابد مسال ياسر عىى سبب الجرح بس هو اول مشاف الجرح رفع عينه لياسر نزلها واشتغلني نضرته جانت بيها الف سؤال لس الضاهر ميكدر يحجي
كلمني المضمد واني مغمظة الدموع انجمعت بعيوني مع انو خلالي تخدير بس من يدخل الابرة بلحمي احس بغرزها بوجعها واجه بالي اسامة هيج احس مثل غرز الابرة بس اقوى بمية مرة احس لو ناحرني صلاح ولا ابتعد عن سدي عن كلبي ياسر حصلني كسجد مو كروح
حرارة الجرح نسيتها بس نار كلبي اشون بيها
ليش ما عندي حض ليش محبوبي والي احبه دوم يبعدون عني ليش دخلت عالم الحب وعرفته اني اعرف نفسي عديمه الحض ليش ورطت نفسي صحاني من تفكيري صوت ياسر
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
