ازهار الجبوري
...........................
بقيت بيت منذر للأربعين مال ابوية
هم سوو جادر ولطم واجي بيت امي من خالي مبارك وامي وخواتي طبعا اكيد دعدو بيت منذر مستحيل يرحون لبيت سحر
حوراء تلكتني وتبجي وياي صار اربعين يوم مشايفتها تواسيني وتبجي وياي وعلاوي حضني ويكلي اني اعوضج انتي اخيتي حتى نور حضنتني كلش فرحت بجيتهم
طول شغلي بالفاتحة والدمعة مفاركت عيني فقدت ابوي مو هينه علي مشبعت من حنانه
على طول شغلي بالفاتحة وعيون هبة مرت ياسر وراي وزعاطيطها وراها اثنين ولد وبنية وين ما تروح يصيحلها فاطمة وزهراء ام عمار وام عمار
اني طنشت الوضع مها الي ازوجت واحد من المنطقة ناس على كد حالهم عرفت صلاح وعلاء جابريها اول مداكين الباب وبدون مقدمات لان يعرفون الولد بالمنطقة بسرعة متممين زواجهم ......مها ابد مطيقني ليش ما ادري اعتقد الي بالها لسة موجود وين ما اروح تكرهني بمكاني الكاعدة بي
خلصت الفاتحة وكالو الصبح نروح للمقبرة
لبسنه ورحاب كالت لمنذر ام علاوي والبنات يردون يرتاحون
لبسنه وردنه نطلع طبعا البيت فرغ من النسوان الغريبة وبس بنات عمي ومرت ياسر موجودة ونجية مرت عمي سالم
امي مجنبة كلشي منهم لبسنة عبينه و
حوراء ....تكلي ولج ما اعرف البسها
رؤى .....عادي اتحملي ولازم تلبسيها احنه هنا نختلف اخوتي مالين الباب ولد هم ميصير
امي يلا بنات طلعنه ومنذر دخل هوو وعلاء وصلاح وياسر وياهم
من شفت ياسر صارت عيني بعينه بسرعة نزلتها وبقيت مدنجة سلمنه وطلعنه بسارة منذر بت رحاب نامت بحضني
تحبني من اجيت لسة اتعلمت يمي واصلا خففت من رحاب مسؤلية البيت شوية
..................
صبح الصبح ساعة اربعة الفجر جهزنه ومنذر جابر صلاح يطلعون بسيارة كية
اجتي السيارة وركبنه اني وامي ورحاب حوراء بس علاوي رجع ويا خالي لبغداد ونور بقت
ركبنه من الصبح ومنذر كعد يم السايق
مرينه على بيت اهلي وسحر ومها ودنيا وعلاء وصلاح وفاطمة صعدو السيارة امتلت امي الطريق كلة تسبح وتقرة ايات امي كدرت تجنب الاحتكاك بسحر او بناتها ولدها لان هلشي راح يسبب مشكلة جبيرة خاصة سحر من تشوف امي الوجه ينكلب ويصير احمر على ازرق
السيارة تمشي واسمع صلاح يخابرة ويكلة طلعنه انتو وين ....ثاري كية ثانية بيها عمتي نجية وعمي سالم وياسر ومرته وزهراء
وعمتي اخت ابوي وياهم جاية هيه ولدها عمتي جليلة وياهم مرة كبيرة بالعمر وهيه اصغر من عمي كاظم واجتي على راسة ولدها اثنين اجتي وياهم جنت اشوفها بس بالاعياد تجي طريقهم طويل كاعدة بغير محافظة
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
