مساء الخير
بقلم ازهار الجبوري
طلعت للسيارة ولا اهتميت هم وانزاح عن كلبي خلصت من دوخة مرتة واهلة بعد ما بية حيل ضرب جسمي كلة يوجعني عذبني ومرمرني
تهمني بشرفي ويصيح مو محل ثقة انتي شكد حجو كدامة وشكد كالة بس ولا يفيد حتى اختي من اجت على بتها من ماتت يكلي لا عبالج صدكتج كلة جذب اضلين نكسة
اباع على وجهي بمراية السيارة مينعرف من الضرب عيني كوة افتحها احسة كل وجهي خدران ما احس بي السيارة متوجهت لبيت ابوية
كتلة منذر وين رايح كال للبيت اذا شافج ابوية هيج يصعد ظغطة
كتلة لبيت ابوية شسويتلي انته وشراح اسوي والله توديني هسه توديني كما ابجي وديني لابوية لا عندي ام اشكيلها وهسه ما عندي اب
ليش هيج ظالم منذر اريد ابوية كتلة والله افتح باب السيارة واشمر روحي رجعني لابوية بس شنو بجي
كلي اني امج وابوج رؤى ابوية مريض افتهمي
كتلة والله اذا تاخذني لبيتك انهزم واروح لابوية هسه توديني
استغفر الله موديج بس شيصير لابوية انتي السبب
دار سيارته ولبيت اهلي كوة اتحملت اطب لبيت بي وجه سحر بس اريد انتقم من الكل ابوية الي حرمني من امي وامي الي عافتني وكلمن التهى بحياتة وخلاني جوة ايد سحر
نار وتسعر بصدري المن خلفتو والمن اطلقتو جانت حياتكم اهم من حياتي دمرتوني
ابوية .........امي ......ياسر.....سحر .......صلاح ..وعلاء وكل خواتي ....... معشت بعأىلة احتوني ولا احد رايدني
طبيت لبيت ابوية انتضرت منذر يطفي السيارة ويطب طب وطبيت وراه للبيت مباشرة على باب الاستقبال
جان ابوية كاعد بالاستقبال سلم على منذر وطبيت باوعلي وسع عيونة كال هاي شبيج بوية
كتلة ابن اخوك هذا السوة بية
كتلة مرتك الي سوتة بية خلت رجلي يكرهني ويشك بية
كتلة هذا انته الي تزوجت امي وطلقتها سويتو بية
كتلة امي الي عافتني عندك عبالهت سدك امين ونامت ليلها ماهتمت بية
لا اني بت نهاد ولا بت حارث لا بتكم ولا اعرفكم
عاط بية منذر شهلحجي احجي عدل
قاطعته وكتلة خوية خليني اكمل وعاتبني عود
ابوية مبهوت من كلامي
كتلة هاي جزاتكم الية خدمتك انته وسحر ولدها وبناتها سنين هاي جزاتي اركض ليل ونهار محد مسح على راسي بيوم وكلي شمحتاجة شرايدة محد ذكرني بعيد ولا بمناسبة ظليت اخدمك وتالي شحصلت
حبيتني مثل ما حبيت نرجس حبيتني مثل محبيت علاء هذا علاء المدلل ابنك الصغير
لو دنيا لو مها اني لا تشوف بية نهاد كرهت حتى كعدتي يمك الصوج صوجكم
هاي جزاتي شنو من اهل انتو واحد دجني سجينة والثاني علن موتي والثالث طعني بشرفي وسحر عايشة ونايمة اليل مرتاحة احجي واظرب على رجلية
أنت تقرأ
حكايتي مع الزمن
أدب نسائييتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
