حكايتي مع الزمن

25

بقلم ازهار الجبوري

ايام وليالي واسامة مفارقني ابد كلامه باحترام بس مليان حب شكد حاولت ويا ما اريد ارتبط ولا اريد حب بس جذبني بكل شي .........والبيني وبين اسامة يكبر يوم بعد يوم ما اعرف شنو وليش السبب

شنو الي فقدته حتى الكي باسامة شنو مرات يتصل يبقى يسولف ويسولف واني ساكتة واخر شي يصيح الووو نمتي وين  اجاوبة موجودة اسمعك. يكلي لعد احجي سمعيني صوتج
اظل مرتبكة ومتوترة احير شاحجي بداخلي ...صراع  زينه تحبة مو بس تحية تموت عليه. هوة ابد عندة زينة مجرد بنت خالتة ابد ميكنلها اي مشاعر  احتاريت كلما يحجي  وياي خاصة شوالف غزل

مشتاق لشوفتج.......لصوتج ......كلشي بيج يعجبني  يحجيهن متقطعات  اسمعه  وضميري يحاجيني يكلي  وزينة الي تحبة

اكوله ذني المفروض لزينة مو الية .....يسكت وبعدين يكول مية مرة كتلج زينة متعنيلي شي لا احبها ولا شي اذا جانت تحبني هاي مو مشكلتي .....كتله لعد مشكلة من تخابرني واشوف رقمم اذكر زينة بسرعة تجي بالي اختنك لخاطر الله ليش دخلتني بهلدوامه ما اريد هلحب ولا شي اووف راسي حينفجر  جان ساكت

أسامة ......شثبرتيني بزينة  الله يطيح حظج وحظها اني شكو دا اكولج ما اريدها ولا عندي وياها شي مابينه غير بس السلام  شبيج خبلة شنو ما اريد هلحب ولج هيج اني رخيص عندج  ثم تعاي انتي تغارين من زينة لو تشفقين عليها  كلما اخابرج كلتي زينة ...زينة شعليه بيها لا تخبليني عمي اذا هيج. انتي لا تريدن حبي وعندج استعداد هسه تبيعيني لزينة عبالي تفتهمين واعية ولكيت منو التفهمني روحي الله وياج

رؤى.........دقيقة مو هشكل اكلتني بكشوري

اسامة ..... لعد شنو مشكلتج خلتيني اكره اتصالي بيج  لا تسولفين لا تضحكين لا تحجين عبالك وحدة مجبورة واذا حجيتي كلتي زينة اني احبج انتي لا زينة ولا غيرها لخاطر الله 

رؤى ......اسفة. بس افهمني بقاموس كل مرأة ميصير وحدة تاخذ شي من الثانية  وانته حق وحدة غيري تحبك قبلي وتعشقك للجنون مثل متكول .....حبي الطفولي يعني من الصغر تحبك

أسامة......هاي اعترفتي بلسانج انتي تحبيني بس زينة تحبني قبلج معناها انتي تحبيني هيج اعترفيلي دوم هيج اريد....اسمعج تكولين احبك .......لوما طاري زينة فلا اعترفتي ...يا بنت الحلال اني احبج الج ورايدج الج لا زينة وعدال زينة لخاطر سدي موضوع زينة

جر نفس وزفره ....كالي اذا تفاهمنا وحبيتيني مثل ما احبج ثقي بذات الله اخليج عروس تنورين غرفتي لا تكولين يدور علاقات بس اريد نتفاهم ونعيش سوة احباب وصدكي محد بالعالم يكدر يفرقني عنج

من حجة هيج بلعت ريكي وغصيت اذكرت اهلي عاداتهم تقاليدهم ينطون للغريب ينطون لاهل امي لا خوش وجمالة ابن اختها والله ابوي مينطيني لو يموت هسه
اشون هيج ...... وشلون صار  وليش حبني اني بذات لو هذا هم حظي جابة الية ...اسامة شاب ميتعيب كل الصفات موجودة بي
لا والاحلى منو يقبل من اهله يجوز مطلقة خوش اخلي امي واختها يتكارهن من وراي
بقيت بدوامة مالها.....ساس ....ولا راس...