يمه حبيبتي مشتاقتلج
شونج رؤى ماماتي احجي
كمت ابجي بهدوء لان اثنينهن كاعدين كبالي الدموع عشرة عشرة
شنو ذنبي ضحية زواج فاشل شنو ذنبي انحرمت من طفولتي شنو ذني ما عندي عائلة ام انام بحضنها
كوة الكلمات تطلع من بلعومني الحسرة خنكتني
...كتلها ما ما اني ززينه انتي شونج ابوية باوعلي ورجع باوع على التلفزيون
كلتلي حبيبتي راح اخابرج دوم يا عمري
ادري مقصرة وياج ادري بنفسي غلطانه
ماما انتي وين
اني بيت اهلي ماما
ماما تعالي الله يخليج اريد اشوفج مشتاقتلج حيل
ماما ...
بسرعة ابوي اخذ التلفون مني وسدة
......شنو تكليلها تعاي واشوفج واله وعوزج توبسين رجلها حتى ترجع هذا الكلام متحجي بعد بابا فمتي امج ازوجت وبعد مترجع
ظليت صافنه بوجهه .....امي ازوجت شوكت وبعد ما اشوفها
كلي الي تكدر علية تخابرج وبعد كلمه اريد اشوفج وتعالي الية بعد ما اخليج تخابريها .....التلفون جان يدك بأيدة
رحت للغرفة وتلكتني سحر ها يالعوبة خابرت المصونه بسلا زوجها طلكها وتريد ترجع النه
كتلها لا ماما تسال عني
ديله عاد اشون ام الله يزيدها وتكفنه شرهاا
مرت الاشهر وما احصل من امي غير بس اسمع صوتها الفراك صعب حيل هاي دخلت بسن المراهقة منو يوعيني منو يعلمني
كلمة امي ......صارت غصة من اسمعها
غيمه سودة تمر علية اذا اسمع كلمة امي
كلبي ينتفض وروحي ترفرف
ودموعي تجري
خاصة من اسمع البنات يصيحن يمه اريد هيج يمه اشريلي هاي يمه شوفي دشداشتي حلوة علية وياناقشن ويا امهم اله اني انحرمت من امي
ياما مرت علية ليالي ابقى للصبح كاعدة اكضيها بجي وحسرة على امي واليقهرني ما اكدر اصرح بمشاعري لاي احد بالبيت يفترسوني
سنين جبتها بحرمان وقهر والمراهقة صعبة
اليوم عمري 14 سنه كاعدة من الصبح انظف البيت واعزل والبنات يتراكض منا ومنا اليوم العقد مال نرجس
نرجس خطبها ابن خالها اثير
دوم من يجيون اشوف النظرات القاتلة بينهم وما افتهم هاي النضرات من يجون تلفي المطبخ وسوي نفسها ام بيت وشاطرة ومن تطلع للطارمة
اشوفه يسوي نفسه يريد يطلع من اليبت عندة شغلة ويتلاكون بالطارمه هيج لحضات يوكف يمها وهيه تبتسم مدري شنو يشاورها
وتجي تركض للاستقبال وتكعد يم خالها ومرت خالها والبتهم
اثير اتخرج معهد ويشتغل بالمستشفى معاون طبيب
وهاي اول سنه اله يشتغل بيها واجو خالها ومرت خالها لنرجس وخطبو الخطبة مطولت هواي بسرعة النيشان وثاني يوم العقد سحر ونرجس بصالون
واحنه نعزل البيت
اجن مرت عمي سالم وبناتها الاثنين فاطمة وزهراء
ومرت عمي الجبير غالب وبتها رجاء طبعا مرت عمي غالب ولدهم كلهم كبار ومزوجين اصغر وخدة بيهم رجاء الي تطلع بكد منذر اعتقد
مزوجه قريبه مو بعيدة عن اهلها واجتي ويا امها
ومرت اخو سحر الصغير هيه وجهالها والبيت انترس ترس وطبت نرجس وسط هلاهل وطشت جكليت وجبنه كرسي وكعدناها على كرسي جانت لابسة ثوب ذهبي وابيض يسمو قفطان يخبل يلمع ويسحل وراها ماكو دقايق اجو الزلم احنه كعدنا بالهول والزلم بالاستقبال
مرت منذر ويانا اجتي همين بطنهت لخشمها وساعدتنه بالبيت دوم تجي تسالني شونج شخبارج دون العالم احسها زينه وياي
اشتغلت الهوسات والهلاهل بعد ما كالت نرجس نعم وانته وكيلي وزعنه الكيك والعصائر للزلم والنسوان
باركن لسحر وهاي تنطي هدية وهاي تطش جكليت وابن منذر حاط الجكليت ويخلي بشيرته ويفتح وياكل
اخر شي اجتي ام اثير وكالت الاستقبال فرغ بس اثير بي خلي يشوف مرته طبعا اخذناها للاستقبال وكعدناها يمه وطلعنه والباب بقة مفتوح شوية النسوان خفن وبقت بس مرت عمي سالم وام اثير
اجيت جبت مي واني للنسوان شافتني مرت عمي
.......يا عمه جا ليش ما مبدلة مثلهن شوفي خواتج لابسات ليش ضالة بدشداشة
طبعا هاي اجدد دشداشة عندي لابستها
كتلها هاا مو استعجلت ملحكت البس .. بداخلي هوة اني اصلا منيلي
كلتلي ......يا يلا على الجايات
طبعا البنات فاطمة وزهراء كاعدات ويا مها ودنيا اجيت كعدت يمهم وحدة تسولف ويا الثاني
مها تسولف ويا فاطمة ....وتكلها يمه هيج ويجي ياسر هسه يمه اطير والله وج اخوج صاك بمعنى الكلمه
كالتلها .....فاطمة اثكلي ولج شعاجبج من ياسر متكليلي الله يزيدة اشونه هوة واحد مجعمر
ودومه مطنكر
هاي شبيج عيني هذا ليش تحجين علية اخنكج والله
...
كتلتلها اوي يمعودة عفتي الدنيا كلها رحتي لاخوي اني اخته اعرف دماراته شلج بي
طب علاء وكال عمه ام ياسر ها ياسر بالباب يكول خلي يتحضرن خلي نروح
كالتله امه طببه ليش باقي برة خلي يجي ماكو غريب والنسوان راحت هاي ام اثير وبس
اجه ياسر وطب اني والبنات شردنه طبينه لبسنه حجاب وطلعنه
ياسر ..طويل وجسمة متروس وصاخب لحية خفيفة ....جان لابس بنطرون كابوي اسود وتشيرت ابيض وسترة سودة
طب سلم على سحر والموجودين ....مها تكول لدنيا يماي شوف الطول بوياي باع اللحية
نضرة وحدة هسه اوكع لزميني دنيا حبابة
هنه طلعن للهول واني بقيت باب الغرفة
يتبع
متابعة الحساب واظغطو على النجمة
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
