مساء الخير ❤❤
..........
عبالك اذني انسدت واسمع غواش وانفصلت عن العالم واني اشوف جريمة القتل الي كاعد اصير كبالي هذا موت بشر هذا قتل بدم بارد بس علمود الغيرة علمود الانتقام اني وبنتي كاعد ندقع ثمن شي ممسوينه ليش عركت واني اشوف السجينة تمر على رقبة رؤى وكلبي يتنفض انتي مشاركة بهلجريمة ربج ديباوع اذا اخوتج غفلووو الله ما يغفل ولا عينه تنام
عطت بعالي صوتي ....
لاااااااااااااااااااا صلاااااااااح رؤىىىىىىى
بريئة لااااااا
وكف سجينتة وباوعلي وكل الجوه تباوعلي كل ضنهم استرلها
صلاح طبي جووة
ركضت على ايدة واني اصيح عوفها رؤى بريئة محد لامسها عوفها ولزمت رؤى مغمي عليها
حظنتها واصيح رؤى اكعدي
صلاح لزمني من شعري وسحلني عنها كلي كلبة تسترين عليها وخري لا اذبحج وياها
ورجع عليها.
نرجس .....صلاح عوفها محد لامسها ومحد كاسرها امي سوت بيها هيج امي كسرتها امي لعبت بيها واظرب على رجليه
عم السكوت للحضة
وراشدي من ايد علاء وكلي شني ولج شنو هلتمسلت اكلي نعل اختج لاعبة ويا واحد وتسترين عليها
منذر اخذني من ايدة وكال شنوو ولج شنو هذا الحجي لزمت بمنذر خوية انته العاقل واريد اكلك ......الله يشهد هذا اليل ما انامه اكول اشون سكتت وادري تنكتل اذا عرفو عذريتها مكسورة بس امي سوت هيج والله
ياسر يصيح اي استري بعد عيني استري بعد اختج هاي عارها يرجع عليج اكيد طمطمين دكتها السودة
منذر لزم وجهي بكل قوته وكلي اتسترين عليها
اذبين عقارب براس امج ولج نرجس شصاير خاف امي ما تدري بسوالفجن احجي اختج ويامن لاعبة الضاهر انتي تدرين بسالفتها
وتعاي شنوو امي اذا طلع برؤى شي هيه هم يصير عار عليها اشو انتي تمسلتين
سحبت روحي منه وركضت لأم رؤى نهاد
كتلها كله من وراج ازوجتي ابوي وغيرة امي دمرت بنتج اي امي تريد تنتقم منج بهيج طريقة حتى يكولون على بنتج عار وتموت كدام عينج واظرب بوجهي فقدت واصيح ورحت لابوي وكتلة ليش ازوجت وظلمت بنتك
ليش خليته كدام امي تنتقم بيها اجت امي تركض على حجيي وفركت حلكي بكل قوتها
ولج نرجس شنوو هذا الحجي طايحة الحظ ليش تحجين هيج تريدين توكعيني بمصيبة هاي ولج ضبي لسانج
عطت بوجها ......علمود تقهرين نهاد مستعدة تكتلين بتها ليش يمة حرام عليج تلطخين ايدين ولدج بدم طاهر يمة اني احجي لمصلحتج انتي الغيرة والحقد على نهاد عمنج عماج الحقد على ابوية اشلون فضل نهاد عليج
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
