مساء الخير
بقلمي *همسات الامل*
ادنت بت عمي وكلتلي تسولفيلي كلشي سوتلجياه القابلة كلشي من طبت الباب لحد لعت وخلت اذنها قريب علية
......حجيلتها كلشي راحت لاعمي وسولفتله ولدة واكفين من سمع ابنه هاشم
كال...الله واكبر من النسوان ولزم عكال وكال هيبتنة طاحت بالكاع من ورة غيرة نسوان تكوم تلعب بشرفها باوع لمنذر وطلع واخوته وراة طلعوو بس راسم .
باوعلي وبعيونة نظرة شفقة وقهر
استحقرت نفسي من باوعت علية وشفت هاي النظرة
عمي كاظم ......ابشري بوية حكج من هاي الركبة اذا طلعتي صدك بريئة وبعد نشوف حجي ام منذر
يلا بوية نطلع لزمته بتة ام سرمد من ايدة وطلعتة
كلشي مفتهمت بس صوت صياح عالي منذر ياسر صلاح وولد عمي دخلتلي رحاب
رحاب .....عزززة رؤى ولج علكت اشون ولج كوليلهم اني راضية بطلاق هذا منذر وولد عمج معاندين ميقبلون وهذا الهراتي ياسر يكمز يريد يطلكج
بلعت ريك وكتلها دخيل الله وحدة وحدة مكاعد افهم شصاير وليش يريد يطلكني ياسر احجي
رحاب.....شوف الثولة شبيج انتي غير لان طلعتي مو بنية يعني ماكو لا غشاء ولا شي وهذا ياسر مو متخبل حتى خطب وراح يزوج باجر واهلج مقابلين
من كالت هيج ......صدك اتخبلت شنو زواج شنو صخام هاي شدا تخرط
كتلها زين سحر وين اشو ماكو
كالت شوف الثولة يربي ولج فرفحتي كلبي غير سحر هية راس البلة ولج غير نرجس فضحت امها وكالت امي هيه الي جابت ام تحسين عود على اساس تفحصج بس ثاري متفقة وياها على شرفج عيوني وباعتج بمليون باعت عذريتج بمليون
ادري جاااا انتي هلكد ثولة من كسرتج محسيتي بشي مكلتي ليش سوت هيج زين من ازوجتي امج مكلتلج الزوج شيسوي بالعرس مذكرتي ام تحسين شسوتلج اصلا في سبيل اخوتج يكتلوج وتخلص منج فتحي عيونج زين وين نايمة انتي
من حجت هيج لو احس روحي شاغت للسما يعني
..........كمت والكانوة بايدي العملية بعدها خضرة وكوة اكوم كمت وطلعت الهم لغرفة الخطار وباوعت
اخواتي بالهول خانسات باوعت عليهن وكتلهن بصوت خافت جنتن تدرن بالي سوته امج نزلن عيونهن بس مها تخوزرني جنها ما تهنت بموتي
فتحت الباب هذا ياسر يهوبز يصيح عمي ما اريدها فتحت الباب شوية واشوف ابوي مكسور الخاطر
فتحت واخر كلمات من ياسر
شنو وتجبروني اني عريس وخربتو فىحتي وهسه خطبت وكملت وباجر عرسي ودخلتي عليها ومن حقي زوجتي كاملة مكملة
ولا انتو ولا غيركم تمنعوني الشرع محلل اربعة
وشنو شايفيني مو زلمة اريد ازوج واريد لا هيه بكيف منو اني هاي كدامكم رؤى طالق
أنت تقرأ
حكايتي مع الزمن
ChickLitيتيمة واهلها عايشين كانت ضحية زواج فاشل وضحية عادات وتقاليد شراح يسوي بيها الزمن #رؤى
