حكايتي مع الزمن

بارت اول

:لج احجي ويامن لاعبة ....ولج اليوم انعل شيب الخلفج بت الكلب ساقط....ة  كووووولي ويامن لاعبة ....يل شريفة مسويه نفسج شريفة براسي

:والله ملاعبة القران .....افهمني اصلا ما اعرف شبيه دخيلك ياسر والله مظلومة والقران ملاعبة اصلا ما اعر.....

..انجبي بت النعل طرااخ راشدي ودفرة بالباب اليوم افصخج اليوم لااا واله اكلج انتي عار وراح اغسلج

رؤى..ياسر دخيلك ياسر  ارحمني اني مظلومة يااااسر لااااا

....اسمي رؤى مواليد 94  بشرتي حنطية عيوني كبار وصاحبة رموش وشعري اسود فاحم متوسطة الطول الي قريتو فوق هوة ليله الدخلة مالتي اسوء يوم بحياتي ...طبعا صاحبة النصيب الاكبر بهذا

الحدث هية ...زوجه ابويه الاولى ..سحر ام منذر
هية المستفادة من هذا الشي  ..

اني امي وابويه منفصلين ابويه عندة من زوجته الاولى 3 ولد و3 بنات  بعدين اعرفكم بيهم ابويه

من محافظة الكوت من المدينة بس طبعهم مو مال مدينه يعني طكتهم طكه عشاير  من ناحية العادات
والتقاليد سحر بنت عمه كلعادات يزوج بنت عمه اولى متروح للغريب  عمه ابويه مزوجه وساكنه بغداد بحكم شغل زوجها بسنه 93 توفت عمه ابوية

وجه سوو فاتحة وهو جان قايم بامور الفاتحة هوة واخوته هناك شاف بنت جيران بيت عمته بنية تخبل  طويله مشيتها هيبة عينها بالكاع مشالتها لان فاتحة وزلم ودخلت بجادر النسوان كلش دخلت عقله

دك رجل اله يزوجها شكد حاولت ويا مرته مقبل شكد حاولو ويا اخوته مقبل لهذا اخوته من شافو هيج

قبلو يروحون ويا ويخطبون طبعا بنت كاملة مكملة مراح تقبل بي هو  سال عليها هواي بالمنطقة كلوله اهلها ناس شبعانة عدها اثنين اخوة واربع بنات وابوهن حيل يحبهن

اجو الخطابة ترسو الباب من شيخ عشيرة ابويه لاصغر عم بيهم كلها اجت ترسو الشارع العالم طلعت

يردون يعرفون شكو منو  سيارات طبكت ونزلو الشارع دكو الباب وطلع اخوها الجبير المهم ابوها فضلهم  ودخلو وكلوله عدنه طلب وما انريدك

تصدنه ومنكعد ولا نشرب كهوتك ولا نقبل ضيافتك اله تقبل بطلبه الرجال استحى وكال طلبكم واصل بس اكعدو
كعدو وشربو الجاي نص الزلم مكفتهم الاستقبال مال بيت جدي كعدو عند الجيران
الله بالخير عمي احنه جايينك من الكوت ومتعنين وتعبانين نريد نطلب ايد كريمتك لأخونه حارث

ابو منذر  على سنه الله ورسوله طبعا بعد موافقتك
واذنك وشتريد احنه حاضرين وشتفصل احنه نلبس وكل اوامرك تتنفذ انشالله الي نكدر عليه

جدو ضل صافن اشلون منو انطي بنتي لغير محافضة بس بنتي بعيدة عليه اشلون زين انته كلت ابو منذر يعني قبل لا يكمل
كاله الشيخ اي ابو منذر مزوج وعده 6 اولاد  وخير من الله عندة هو  يريد يزوج مرة ثانيه وشافكم احسن بيت من صيت وشرف واخلاق

حجه ابويه كله عمي بيت واخلها بي واعيشها ملكه زمانها ومحد يدنه ليها هيه بيت ومرتي الاولى بيت

جدي كل هلعالم الي اجت ويرفض يشوفها صعبة كام يفرك بأيدة ميريد يفرض بنته بعيدة بغير منطقه

كللهم عندي اربع بنات قطعة من كلبي ذني ما اكدر ع فراكهن بعيدات عني حجه ابويه كال كل شهر يمك
كال الثاني وتبقى اسبوع حجه الثالث نوديها احنه ونرجعها احنه بس وافق  جدي كلش ارتبك بعد هلكلام قفلو جميع باب عليه ناس معكلة شيوخ وزلم تحلف براسها كل شارب

تحلف بي ابويه وافق ..وبقت موافقه امي طبعا جدي كللهم خل تجي نسوانكم وتخطب.. لابويه جانت بس اخت وحده اسمها جليلة راحت هيه وبناتهة بعد موصفها ابويه الها  والصدفه من كلتلها اخويه شافج من رحتي للفاتحه مال عمتي جانت

امي من دون اخوتها الوحيدة راحت للفاتحة كولو خطبوها بعد مقنعو امي شهرين انتضرها ابويه يلا امي قبلت شنو مزوج ما اقبل شنو وشنو بغير محافظه بس كلمة جدي هي التمشي

كللها شيصير وياج كلهم الي خطبوج يتحملون مسؤليه  ازوجو ابويه وامي نهاد وعزلها بيت وحد سحر جانت ساكته متحجي ابد تكتم بكلبها
سامعين بالهدوء قبل العاصفه هيج جانت سحر
امي ازوجت بعمر 21 سنه لابويه الي عمرة 36 سنه ورة سنه خلفتني للهدنيا العوجة ...ابويه يحب امي بجنون بس امي تكره عاداتهم ومتحب ابويه مثل ميحبها

لبسها جواريب وعباة واخر فترة لبسها بوشيه طبعا جان عمري  6 سنين من لبسها البوشه  لان بوشها يكللها انتي بعز شبابج وصرتي احلى من زوجتج وتردين وين مطلعين الزلم تشوف وجهج

: نهاد.........كافي مو مليت الى متى مو دفنتني بالحياة  يا اخي طكت روحي  والله متت حابسني ليل ونهار وبالسنه مره اطلع ومن اطلع اتبوش.. ....... المهم
معارك  صار وابويه قافل امي بعد مخلفتني... محبلت ابد ما ادري ليش يمكن متريد شي يربطها بي

ابد متصافو ابد خاصه ع البوشية كامت ممتحل اقل شي وتتعارك ويا اخر شي طلبت الطلاك وجدي ساندها هذا خطا ماما وياي  اهل الجنوب ظناهم ميربي الغريب

لهذا ابويه ساومها يا حياتج وياي يا تتركين بنتي اليه وتتنازلين عنها بالمحكمه ..امي عافتني تحت رحمه مرت الاب اخذني وداني لبيت سحر 
وبيته ذاك باعه عشت خدامه عشت حياتي تكفخ خوف ورعب انام اليل جوعانه ما اعرف العشى شنو ابد ابويه نساني لان يشوف امي بية لان تخلت عني  يتبع.  ازهار الجبوري