حكايتي مع الزمن

بارت 19

ظربني راشدي وصاح ادب سزز بلا اخلاق وتحجين هيج تاج راسج شيماء

كتلة معلية بيكم ليش تضرب

ظربني مرة ثانية وكال تراددين فوكاها

ابتعدت منه وركضت انزل وكلت لعمتي بعد مال اخدم جنتج مرت ابنج لو اعرف اموت زين اني مو خدامة لشيماء انتي او بناتج خدمنها

نزل ياسر ويصيح لج تخدميها غصبن عليج افتهمتي وبوسين رجلها واكسر راسج خاف عبالج

ادمرت بداخلي مسحني بالكاع هيه السالفة مليوصة مليوصة
كتلة كافي شنوو خدامة عدكم وعد مرتك اخدمك انتة اي بس هيه لا

والله حامل شسويلها ادور اوكلها عمتي كالت يلا مخالف اخلي زهراء اصعدلها الاكل

كال لا والله انتي غصبن عليج تصعديلها افتهمتي لا عبالج انتي كلج خلك خدامة عنا زين

كتلة لو تموت ما اصير خدامة الك لو لمرتك
هجم علية ظربني ويصيح انتي خدامة هنا لمرتي ولابني والية والاهلي ادور نام علية وخنكني بكل قوتة وامة تصيح ودفع بي

ولك البت لا تموت عوفها يمة هسه تموت ويبلوك وتطلع هيه ولا عنهاا

اني اراسف جوة رجلية اختنكت وعيوني احسن طلعن

عافني لمن شافني صرت زركة
كال من تراددين هذا مصيرج يجوز مرة الثانية تموتين خلاص افتهمتي

ظليت اكح وحلفت على نفسي كلشي يريدو ما اسوي واريد اشوف شيصير

هبة سوتها مزاغل وياي الي رادت شي ما تصيح اي وحدة الة اني  وكتلها لفاطمة وزهراء هاا شوو مو كلتن لا نحطين وياها ولا تدحجين بيها هسه شوفي فوق ومخلصانها منها

................
بيوم كاعدين واجاني صلاح وياسر ويا

كلي هسه تلبسين وتجين وياي وتحاجين ابوي يرجع امي افتهمتي كافي لسة منتضرين حضرة جنابج توافقين لو لا كتلة وبدون ما اباوع لو وجها  اني ما اروح هسه عود بعدين .

كال لا هسه تروحين وتكولين لأبوي رجع سحر

كتلة والله اخابر منذر واشوفة كال بدون منذر ولا غيرة شايفتني طرطور مو بعينج يلا ولي لبسي عباتج وامشي

طلعت وكتلة والله ما اروح وفلا ترجع سحر عود من يجي منذر عود خوة ياخذني وشردت للغرفة سديت الباب  اجة ياسر دك الباب كسرة تكسر مفتحتة ابد لليل يلا فتحتة

.......بيت اهلي

علاء شني بوية رجعلنا امنا اتبهذلت بيت اختها شني كاعدة بيت اختها  يعني لو بيت اختها لو بيت منذر من بيت لبيت .........والله وجهها ما تشوفة بس رجعنا امنا الدنيا كلها درت انته مطلكها مو حلوة بحقنا احنه شباب والنه سمعتنة بوية رحمة لهلك رجعها كلشي ما نريد