حكايتي مع الزمن

مرحباا بارت توضيحي

الى كل متابعيني هواي كالو تتاخرين بالنشر

ملينه ...نسينه الاحداث

نسينه الاسماء

تتاخرين وتتاخرين

رديت على بنات هواي بتعليقات وكلت شنو وضعي والي ميعرف وضعي خلوني اكولكم

وضعي اني ام لطفل توحدي عندة مرض التوحد. عمره 6 سنوات الميعرف التوحد شنوو اني اكوله الكم

التوحد طفل غير ناطق ....وناطق بكلام ممفهوم مثل طفل عمرة اشهر يصيح ويناغي بس بصوت طفل جبير 

طفل ميكدر ينام بالنهار  ونومه بليل متاخر

طفل ميعرف شنو الخطر يعرض نفسه لكلشي يمد ايدة بغسالة الملابس وهيه تشتغل  يطلع بشارع حافي بدون حذاء تكرمون كلشي يدوس عليه ميهتم حتى لو كزاز

طفل فاقد الاحساس المشاعر بالجوع والعطش والازعاج نومة قليل

ميعرف يلبس ولا يغير ملابسة ولا يعرف ياكل ومن ياكل يطشر ويدمر نفسة بالاكل

اني مثل ضلة مثل الحارس الشخصي  لا يتأذة لا يكسر حاجة لا يدمر روحة  وووووووالخ.

فوق هذا عندة اخت اصغر منه بس بنتي صاحية سليمة العقل وهيه اصغر منه يأذيهة  يضربها يغار بشكل غير طبيعي منها النهار كله احجي ويا ولازم اداري من ناحية الكلام وكلشي

اتصورو الدكتورة تكول لازم حتى بالاكل تعلمي المشكلة هوة ميستوعب التعليم لازم فد اكثر من خمس مرات اعلم بي يجوز يستوعب شوية

واني كاعدة ويا بيت اهل زوجي. او عيالي مثل منكول

الكتابة هوااايتي من الصغر احبها بس ما صحتلي فرصة اكتب. ...دخلت الواتباد من 2018. وما نشرت بي لان ما اكدر هذا التزام وصدكوني من الزم. الفون  وكالوو عايفه ابنها المريض ومكابله التلفون  اشون تعلمه اشون يفتهم عليج. من عدا شغل البيت. اني جنه الوحدة بالبيت.

اعذروني على التأخير بس كاعد اخصص وقت للكتابة شكد ما احاول. 

وثالثا. شي بخصوص القصة اكشفة بالنهاية ويجوز راح تتفهموني

وشكرا جزيلا الكم