မက်မွန်ပွင့်တို့သက်သေတည်၍ [Own Creation/Yizhan fanfiction]

အခန်း ၄၀ - ကိုယ်က..ငါးအချိုပြုတ်စားချင်တာမဟုတ်ဘူးယုန်သားစားချင်နေတာ...

အခန်း ၄၀ - ကိုယ်က..ငါးအချိုပြုတ်စားချင်တာမဟုတ်ဘူးယုန်သားစားချင်နေတာ...

[Love Knot]

ကောင်းကင်ထက်ရှိ သူရိန်နေမင်းက လောကတစ်ခွင်ကို အပူရှိန်နှင့်အတူ အလင်းရောင်ပေးလျက်ရှိနေသည်။ လေပြည်ညှင်းကတော့ သင်းသင်းကလေးနှင့် သန့်ရှင်းလတ်ဆတ်နေသည်။ ငှက်ငယ်တို့ကတော့ ကောင်းကင်တွင်ပျံ၀ဲကာ အစာရှာလို့နေလျက်။

နှစ်ထပ်တိုက်လေး၏ အပေါ်ထပ်၀ရံတာမှတစ်ဆင့် ဟိုးအေ၀းရှုခင်းကို ငေးကြည့်နေသူက ပိုင်စစ်ယွမ်။

"ငါလည်းမင်းတို့လိုပဲ လွတ်လပ်ပေါ့ပါးတဲ့ ဘ၀လေးတစ်ခုလောက် ပိုင်ဆိုင်ချင်ခဲ့တာ"

တစ်ဦးတည်းကြားသာရုံမျှ တိုးတိုးကလေးရေရွတ်လိုက်မိသည်။ ဖေဖေရယ်၊ မေမေရယ်၊ ကျွန်တော်ရယ်ဆိုသည့် ပျော်ရွှင်သော မိသားစုဘ၀လေးကို သူတမ်းတဖူးသည်။

သို့သော်ငြား ကံကြမ္မာက သူ့အပေါ်ကျီစားလွန်းခဲ့သည်။ ပျော်ရွှင်သောမိသားစုဘ၀လေးကို လိုချင်မိသူအပေါ်ကိုမှရက်စက်ခဲ့သည်။

မိခင်ကအိမ်ပေါ်က ဆင်းသွားခဲ့ပြီး ဖခင်ဖြစ်သူကလည်း သူ့ကိုရောင်းစားခဲ့သည်မို့ ကလေးတစ်ယောက်နှင့် မမျှတစွာပင် လောကဓံကိုခါးစည်းခံခဲ့ရသည်။

ထိိုနောက်ပိုင်း ဖေဖေသေဆုံးသွားသည်ဟု သတင်းကြားရပြီး မေမေ့ကိုလည်း ရှာဖွေခဲ့ပေမယ့် သေသည်ရှင်သည်ပင် မသိရ။

အကယ်၍မေမေသာ ထိုစဉ်ကသူတို့နှင့်မခွဲခွာဘဲ အတူရှိနေခဲ့မည်ဆိုပါလျှင် သူလည်းအခုလိုမျိုး ကြေးစားလူသတ်သမားတစ်ယောက် ဖြစ်လာနိုင်ပါ့မလား။

မေမေ။ တပည့်နှစ်ယောက်၏ အုပ်ထိန်းသူအဖြစ် သိကျွမ်းခင်မင်နေသော ထိုအမျိုးသမီးက သူ့မေမေတဲ့လေ။ မနေ့ကမှ အဖွဲ့ထဲမှ သူ့ကိုစောင့်ကြည့်ရန် စေလွှတ်ထားသည့်သူ၏ ပြောစကားကြောင့် သိလိုက်ရတာဖြစ်သည်။

သိသိချင်း ဘယ်လိုမှ မယုံကြည်နိုင်ပေ။ မယုံလျှင် ခေါင်းဆောင်ကိုမေးကြည့် ဆိုတာကြောင့် မေးမိတော့ အမှန်ပင်ဖြစ်နေခဲ့သည်။

ခေါင်းဆောင်က သိနေလျက်နှင့် သူ့ကိုစေလွှတ်ရက်ခဲ့သည်။ မိခင်ကိုစောင့်ရှောက်ထားသောထိုမိသားစုထံ ၀မ်းနည်းခြင်းတွေကို ဆောင်ကြဉ်းပေးဖို့ပေါ့။