[Миү]
Хаалга дуугарах чимээгээр цочин сэрээд харвал Тэхён зогсож байлаа.
Үнэндээ өрөө харанхуй байсан учир цонхоор нэвт тусах сарны туяанд тэрнийг бүдэг бадаг харна.
-Тэхёнаа?
Тэр хөдөлсөнгүй.Дуугарсан ч үгүй,зөвхөн над руу тийм гэхийн аргагүй харцаар ширтэнэ.
Орноосоо босоод түүний зүг жаахан ойртвол ямар нэг эхүүн үнэр ханхлах нь тэр.
-Чи зүгээр үү?
Сая л нэг юм над руу гөлрөх харцаа салгаж:
-Би усанд ороод ирье.
Түүнийг хажуугаар зөрж явахад эхүүн үнэр юу болохыг хэлээд өглөө.
Итгэмээргүй ч энэ цусны үнэр.
-Хүлээ!
Угаалгын өрөөний хаалганы бариулаас барин зогсох тэр миний үгэнд гацаж орхив уу гэлтэй зогсоно.
-Чамаас цус үнэртэж байна?
-Хүнтэй зодолдчихсон юмаа.
Ноцтой зүйл биш болохоор усанд орлоо.
Итгэх үгүй дээ бага зэрэг эргэлзэнэ.
Хүнтэй зодолдсон байж болох ч ингэж ихээр цус үнэртэх үү?
Орны хажуу дахь утсаа аван харвал цаг шөнийн [03:24] -тэй золгожээ.
Тэрнийг хүлээн нойр хүрэхгүй суухад цаг шахуу гарны дараа гарж ирэв.
Шүгээн дээрх гэрлээ асаасан учир Тэхёныг одоо л нэг юм бүтэн сайн харж чадна.
Тэрээр үсээ сэгсэрсээр хажууд ирж суугаад,хацар дээр минь нэг үнсээд:
-Чимээтэй орж ирээд сэрээсэнд уучлаарай.
-Яагаад хүнтэй зодолдсон юм?
-Зүгээр л яриа зөрөөд.
-Чамайг бэртээгүй байгааг харвал нөгөө хүн чинь?
-Одоо энэ талаар март даа.Би зүгээр байна.Энэ хангалттай биш гэж үү?
Тийм дээ.Тэр минь бэртээгүй байна.Энэнээс өөр надад юу хэрэгтэй юм?
-Ойлголоо.
-Тэгвэл унтацгаая.
-Миний нойр хүрэхгүй байна.
-Сайн унтаж амрах хэрэгтэй шүү дээ.Алив миний гарыг дэрлээд хэвтчих.Би чамд дуу дуулж өгье.
Толгой дохисоор гарыг нь дэрлэн хэвтээд нүдээ аних гэсэн ч Тэхёны царайг харах хүсэл минь нэмэгдээд байсан тул зүгээр л түүнийгээ ширтэнэ.
