صفحات ممزقة ( روايات ليبية )

حلقة 3🔥

صفحات ممزقة
(قصة واقعية)
الحلقة(3)
بقلم.. القطة الشريرة

امين... كان مركز ع ايدها لعند شاف دمعه طاحت ع كم العباية
ورفع راسه وشاف لخنساء الى كانت مغمضة عيونها وعاضة ع شاربها ودموعها ينزلو
خنساء..فتحت عيونها بعد ماحست ان أمين بعد يده ولقاته يشوفلها
امين.. وجعتك شكلي
خنساء.. مسحت دموعها وجبدت يدها شكرآ ورفعت نظارتها وطلعت
أمين.. حط ايده ورا رقبته ورفع راسه ونفخ
خنساء.. خشت عند جدها وقعدت سرحانة وتفكر ف أمين
إدريس .. إنتي بنت منو
خنساء.. ضحكت بنت ولدك ياجدي
ادريس .. انتي كذابة ماعندي ولاد انا
خنساء.. قعدت تضحك وتهدرز مع جدها
أمين .. خش للدوش
________________________________
سندس.. دلال وداليا بتباتو معانا اليوم
داليا.. نسأل أمي قبل
زهرة.. هيا يامديحة زايد البرا
مديحة.. قعدت تلبس ف فرشيتها
داليا.. يما بنباتو أنا ودلال
زهرة.. خليهم بينهم
مديحة.. تمام
________________________
أمين ..طلع من الدوش وخش للدار وشاف كراسة محطوطة ع الكامدينو وشاف اسم خنساء مكتوب عليها حدف المنشف وخدها خلي نشوف خطها متع القراية هدي وفتح ع أول صفحة وقعد يقرا
أتمنى الموت لأننى أشعر بأني لاأنتمى لهذا العالم هذا العالم يحب الجمال والمظاهر ماذنبي اذا كنت لاأشبه سندريلا فأنا لست مسؤولة عن جمالي الخارجي ولكني مسؤولة عن جمال أخلاقي ولكن للأسف دائما يفوز جمال الوجه ...........
وبرم الصفحة
23.1.2010 كنت فرحانة بالكبوط الى شراه ليا بابا وأول ماوصلت للمدرسة قعدو يضحكو عليا وسموني الغوريلا
خنساء.. خشت للدار وشافت الكراسة ف يد أمين انت من سمحلك تمد ايدك ع حاجة مش ليك وفكت منه الكراسة
مديحة.. خنساء ياخنساء
خنساء.. دفت نظارتها بصبعها وطلعت
أمين.. العقدة هدي مش من فراغ معناها
مديحة.. وهيا تعيط أنا شن قتلك مش قتلك تعالي مع جتك ليش ماجيتي
خنساء.. لما حد يعيط عليها قدام الناس تتعقد هلبة وتقعد مغلولة ف داخلها
مديحة.. من أمتى نطلع ونخلي فيكم بروحكم هيا كلمة نقولها تنفديها مرة تانية
زهرة.. بالشوية ع البنت
مديحة.. باش مرة تانية تفهم درقي وجهك من قدامي توا
خنساء.. خشت لدار القعاد وقعمزت ف التركينة وقعدت تبكي
أمين .. كان ف الدار الى مقابلة دار القعاد وطفى ضي الدار وكان طالع ووقف لما شاف خنساء وهيا تبكي و كيف حاطة ايدها ع فمها وتكتم ف بكيتها وكان بيمشيلها بس رن تلفونه وكانت صاحبته رفع مفتاح سيارته وطلع
اما خنساء قعدت تبكي لين رقدت
________________________________
زايد.. رن ع رانيا بس التلفون كان عند داليا
داليا.. الووو
زايد.. سكت شويا
داليا.. طلقتها ضحكت الرقاصات زيزو شن الجو انا داليا
زايد.. اي عرفتك
داليا.. كيف عرفت
زايد.. عرفت وخلاص
داليا.. ايوا ولد عمي الخطير عنده الحاسة السادسة
زايد.. وين رانيا
داليا.. رانيا مانعرفش وين خشت تحني وخلتلي التلفون
زايد.. امممم باهي إنتي مش محنية
داليا .. مش عارفة الحق شن رايك انت
زايد.. ضحك مش عارف ديري الى يريحك لكن كان حنيتي نبي نشوف
داليا.. هههههه تم
زايد.. فرح معناها نراجي فيك تبي شي توا
داليا.. وين ماشي
زايد.. طالع مع الولاد
داليا.. نبي شكلاطة وبرنقز
زايد.. تمام غدوة نجيبلك ولاتبيهم توا
داليا .. لو تقدر توا عادي
زايد.. حاضر
________________________________
غفران.. أمين خيره جوك مش عاجبني
أمين.. ينفخ ف الدخان شي
غفران وهيا ف حضن أمين حتى جوك ع السرير أخيه
أمين.. تاعب شوي
غفران.. تاعب ولا قلقت مني
أمين.. بعد غفران قتلك تاعب
غفران.. كادبة ع ناسي عشان خاطرك باش نشوفك وانت تعامل فيا هكي
أمين.. حبي والله ماقصدي حاجة خيرك هكي
غفران .. تمام براحتك ناضت لبست دبشها
أمين.. كانت صورة خنساء وهيا تبكي بين عيونه ليش يفكر فيها وليش شاغلة تفكيره
__________________________
داليا.. واقفة ف الباب الخلفي وتراجي ف زايد
زايد .. اسف عطلت عليك ومدلها الكيسة
داليا.. تسلملي شكرآ
زايد.. لو تبي أي شي قوليلي
داليا.. ياعيني ع الدلع ع الحالة هدي بناخد رقمك
زايد.. سجلي عندك معناها
وخدو أرقام بعض
______________________________
رجع أمين للبيت
زهرة.. نحطلك عشاء
أمين.. حطيلي
زهرة.. ناضت للمطبخ ولحقها أمين
أمين .. خلاص هذا هلبة
زهرة.. زعما خنساء تنوض تتعشى ولانحطه ف الثلاجة
أمين .. خيرها ماتعشت
زهرة.. لما أمها كشخت فيها خشت لدار ومعاش طلعت
أمين .. خليلها حصتها مرات تنوض
زهرة.. وهوا هكي تعشا وجيب جتك
أمين.. تمام تعشا وناض يجيب ف جته
زهرة ومديحة خشو رقدو
خنساء.. حست بيدها تصطر فيها هلبة وقعدت تتقلب
أمين.. خلاص ياجتي ماتبي شي
خالدة.. الله يبارك فيك ياولدي
خنساء.. صلحت وشاحها وطلعت من الدار وخشت للصالة وفتحت الضي وشهقت
يتبع