#صفحات ممزقة
(قصة واقعية)
الحلقة(9)
بقلم.. القطة الشريرة
خنساء.. مانفهمش وتوا خليني ف حالي متأخرة هلبا اليوم
أمين.. بنمشي معاك
خنساء .. شن تمشي معايا تبي تشوه سمعتي انت
أمين.. معناها ياتقبلي التلفون وتفتحيه يانمشي معاك
خنساء.. نروح بعدين ساهل وطلعت
ف نص الطريق
كانت خنساء ماسكه كتابها وتقرا وفجأة قعدت تسمع ف صوت تصفير شافت خلفها ووقفت بعد مادفت نظارتها انت شن دير هنا
أمين.. ماخديتش منك الكلام الأكيد
خنساء.. قعدت تشوف ف بنات جايات ووواك توا بيفهوني غلط انت شن تبي قول
أمين.. تفتحي النقال
خنساء .. تمام خلاص برا تربحك
أمين.. من عيوني
خنساء.. قلبها بينفجر من الخوف والحشمة وكملت للمدرسة
أمين .. كان بيمشي لكنه قعد يشوف ف الطريق انا من وين جيت الفرخة هدي خدتلي عقلي وشاف الغفير متع المدرسة الى كانت مقابلاته نمشي نكسد معاه لين تروح باش نروح معاها
________________________________
داليا.. خشت للمربوعة وقعدت ضم فيها وجابت عطرها وبخاته ع مخدة أمين وكتبت ع ورقة نحبك وحطتهاله ف وسط المخدة
خنساء.. طلعت من الإمتحان وعطت ورقتها لهاجر وخدت ورقة هاجر وعطتها لياسمين أحسن شي مانراجيهم نمشي نروح باش مايسألوني ع أمين وسمعت صوت ينادي فيها خنساء خنساء وشافت وراها انت شن تبي مني وقعدت تمشي بسرعة
حسين .. استني يابنت بنقولك حاجة
خنساء.. طلعت من المدرسة بسررررعة وقعدت تبكي
أمين.. هيا نستأذنك توا
الغفير .. مرحبتين بيك ونتلاقو ان شاء الله
أمين.. هدي سمينه هكي وسريعه امالا كان جت ضعيفة شن دارت
حسين.. الزح كنت نبي نتأسف
جعفر .. ههههه قصدك بعد حركتك الى درتها مزال تبيها توقفلك تسخف انت
حسين .. كله منكم ومن ضرب العناد متاعكم
______________________________
أمين.. انتي يابنت هووي
خنساء .. هذا أمين مسحت دموعها لكن ماتبيش تشوفله
أمين.. سبحان الله هالبنت
وصلو للحوش
خنساء .. بدون ماتكلم حد خشت دوشت ورقدت
أما .. أمين فتح التلفزيون وقعد يتفرج لين خداه النوم
_____________________________
ف العشية
موسى وأمين طلعو
خنساء.. هدي فرصتي رفعت التلفون وحطاته ف شنطة أمين وطلعت
__________________________
ف الليل
امين.. فتح الشنطة بيطلع دبشه لقى التلفون ومعاه ورقة اهو التلفون مفتوح زي ماطلبت وضحك ع حركاتها لكن حسابها عندي ف الصبح
____________________
داليا.. زعما قراها الورقة لازم تحبني ياأمين والليلة
أمين.. خش لفراشه وأول ماحط راسه ع المخدة فاحت عليه ريحه عطر نسائي زعما من دايره قلب المخدة وحط راسه لكن قعد يسمع ف صوت غريب ناض قعمز وحول الغلاف ولقى الورقة فتحها وقراها نحبك حراكات داليا مافيش حد غيرها الفرخة هدي لو مادرتلها حل متأكد حاديرلي المشاكل
داليا.. خدت دورة ف الحوش وكانو كلهم راقدين فتحت الباب وخدت المفتاح لأن المربوعة كانت خاريجة وطلعت
أمين.. متكي ويدخن وسمع صوت الباب نفتح بس كان ظلام خدا التلفون وفتح الكاشف
داليا.. هدي أنا متخافش وسكرت الباب بالمفتاح
امين ..شن ديري هنا انتي
دالياااا.. نبي نحكي معاك
امين.. شن بتحكي ف نص الليل
دالياااا.. قربت منه وقعمزت جنبه خيرك متعصب وولعت حتى فلاش تلفونها انا نحبك ياأمين والله نحبك بس انت خيرك تعامل فيا هكي وناضت حولت عبايتها كانت لابسة شرت وبدي
أمين.. مايبيش يضعف رجاءآ نوضي أطلعي لو ع الى صار ف حوشنا كانت غلطة مني ومستحيل نعاودها وانتي حاولي تنسيها وانا مستحيل نفكر ف وحدة خوي يحبها وطلبها
داليا ..بس انا مانبيه خوك نبيك انت
أمين .. أسمعي انتي قاعدة صغيرة تمام ومية الف واحد يتمنوك
داليا.. قربت منه وكانت تبي تبوسه بس أنا نحبك انت
أمين.. بدا يضعف قدام حركاتها وبدا يقرب عليها لعند رن تلفونها
داليا.. بخوف مسكت هاتفها وفصلت ع المتصل
أمين .. منو هذا
داليا.. رقم غريب مانعرفش ورن مرة تانية
داليا .. مدت التلفون لأمين عشان تبيه يتأكد ان هيا ماتعرفش صاحب الرقم خود رد عليه
أمين.. فتح السماعة وقعد ساكت
المتصل .. داليا ياحبي انا سالم هيا تعالي جنبي وقعد يقول ف كلام.....🔞
امين.. الو
سالم.. سكر
داليا.. تشوف لأمين الى كان مفنص فيها خيرك
أمين.. هذا سالم ياداليا والواضح انه متعود ياخد منك ف هلبااا حاجات
داليا.. خافت لا هذا واحد غالط
أمين.. ماتكدبيش هذا يعرفك مزبوط ترفعي روحك وتطلعي من هنا أحسن مانجيبه ونديرلك فضيحه والأحسن ليك تعقلي
داليا.. خافت وطلعت تجري
أمين.. حضن الوسادة نحبك ياسالم لأنك أنقدت حياتي
______________________________
ف الصبح
مديحة.. وين ماشية من توا مزال الوقت
خنساء.. ماهو تفاهمت مع البنات نجو بكري باش نراجعو ع مهلنا
مديحة.. سمي بسم الله
طلعت خنساء بالشويا باش مايسمعها أمين
مديحة ربي يكون ف عونها
ضرب المنبه متع أمين وناض بسرعة غسل وجهه وخش الداخل وقعد يفطر ويراجي ف خنساء
موسى.. وين خنساء توا يفوتها الوقت
مديحة.. خنساء طلعت قبل الوقت اليوم
موسى .. ليش
مديحة.. قالت بتراجع هيا والبنات بالوسع
أمين.. تغيرو ملامحه هدي شكلها تلعب معايا ف لعبة القطوس والفار
موسى.. هدي كان مانجحت حاتهبل صدقوني
__________________________
خنساء.. المدرسة فاضية ياحبيني قاعدة غير انا والغفير توا يجي حد يفهمني غلط احسن شي نوقف البرا طلعت خنساء وقعدت واقفة البرا لعند جو البنات وخشت
الى متعب خنساء انها زي بعض الناس ديما تفكر ف كلام الناس الناس بتقول والناس بتفهم النقطة هدي كانت مش مخليتها تتريح ف حياتها
__________________________
زايد.. تي وين ياجبالي
أمين.. هههه قاعد يافزاني شن الأخبار
زايد.. والله تمام انت شن مداير وشن حال الناس الى غادي
أمين .. كلهم بخير ويسلمو ع من ينشد
زايد.. شن حال الحب
أمين.. هههه والله الحب متعبتني نجيها يمين تمشي يسار وقعد يحكيله
زايد.. ههههه صحة ليها كله بطلعه من عيونك
أمين.. مش مروح لين نتفاهم معاها
زايد.. ماتضغط عليها وهيا عندها امتحانات
امين.. ان شاء الله وكملو هدرزة
____________________________
روحت الخنساء وتلاقت مع أمين قدام الباب
خنساء .. مبروك الخدمه الجديدة
أمين.. خدمة شن
خنساء .. الغفارة
أمين.. ههههه وانتي مبروك عليك خدمه الهروب
خنساء .. انا ماهربت لاشي
أمين .. طلع التلفون من جيبه خوديه نبي نكلمك ف موضوع وبعدها رديه
خنساء .. اكتبه ف ورقة
أمين.. الصبر ياربي مانعرفش الإملاء خوديه خيرلك
خنساء .. مانقدرش ناخده ولانكلمك من ورا ناسي
أمين .. تمام توا خاش لأمك وبنخبرها
يتبع
أنت تقرأ
صفحات ممزقة ( روايات ليبية )
Romansaللكاتبة : القطة الشريرة تتكلم عن بنت يعتبرها الناس معقدة و انطوائية و لا تملك اي صداقات و لكن عندما تجد الحب أمامها تتغير 180 درجة ؟ فهل التغير يفيدها ؟ و هل الحب صادق ام لا ؟ و ما نهايتها ؟ قصة جميلة جدا من داخل المجتمع الليبي 🔥
