صفحات ممزقة ( روايات ليبية )

حلقة 5🔥

صفحات ممزقة
(قصة واقعية)
الحلقة(5)
بقلم.. القطة الشريرة
أمين.. كان منسجم مع نورة ويبوس فيها ويحضن فيها
خنساء.. طيحت محبس الغسيل
أمين&نورة..😨😱
خنساء.. قعدت واقفة ومصدومة
نورة.. بدت تشوف لأمين وتبكي
أمين.. مدلها عبايتها روحي انتي وتوا نتفاهم معاها
خنساء.. رفعت المحبس من الأرض
نورة.. فاتت من جنب خنساء بدون ماتشوفلها
أمين.. واقف ويشوف لخنساء
خنساء.. بدون ولاكلمه وخرت خطوتين ونزلت
أمين.. نزل يجري وراها وهوا ينادي ع إسمها خنساء خنساء
خنساء.. قعدت تسرع ف خطواتها لأنها كانت تبي توصل للحمام وتسكره عليها
أمين.. قعد يجري ومسكها من يدها
خنساء.. سحبت يدها بقوة لدرجة شعرها الى كان مرخي نفتح وقاتله بتقزز وهيا معصبة ردبالك تحط ايدك مرة تانية عليا
أمين.. وهوا يشوف لمنظرها ولشعرها الطويل ولتفاصيل جسمها الى كانت تخبي فيهم ورا العباية
خنساء.. فاقت ع روحها بأنها قاعدة من غير وشاح وبتوتها المضغوطة الصفرا قعدت تفك ف الوشاح من خصرها
أمين .. مسكلها يدها وانا مرة تانية لما نقولك أوقفي مكانك توقفي مش طرطور انا باش نقعد نعيطلك وانتي ولا ع بالك
خنساء.. تبعدله ف يده وهيا عاضة ع سنونها قتلك معاش تقربني وبعدين حشاه منك الطرطور يا وسكتت
أمين.. كملي
خنساء.. مافيش داعي نكمل
أمين.. معناها اسمعي بخصوص الى ريتيه
خنساء.. حطت ايديها ع وذانها مانبيش نسمع ومايهمني
امين.. بصوت عالي حولي يديك
خنساء.. مانبيش نسمع مانبيش نسمع
أمين.. مسكها من يديها الزوز وخضها بقوة لعند طاحت النظارة ونزلت قصتها ع وجها انتي مني باش تعماليني هكي قولي
خنساء.. اطلقني ياأمين أطلقني
أمين.. امس بس طالعة من الدحية وقاعدة تعاملي فيا هكي
خنساء.. بدت تبكي انت شن تبي مني حول عني مانبيش نسمعك ليش تبررلي شن دخلي فيك
أمين.. حتى انا مش عارف ليش نبي نبررلك مش عارف ليش هامتني نظرتك ليا مش عارف ليش واجعتني انك شفتيني مع وحدة تانية انا صح زير نساء وأوباري كلها تعرف اني مخروم بنات بس الوحيدة الى خلتني نفكر فيها هيا انتي حتى لما كنت نفكر فيهم كنت نفكر فيهم تفكير شهوة لكن انتي لا فيه هلبة احلا منك واسلوبهم ارقى منك بس ليش نفكر فيك مش عارف وسمعو صوت الجرس يرن
خنساء.. فاقت ع روحها بعد ماكانت منسجمة ف كلام امين حي توا يلقوك هنا يفهوني غلط يمي يمي كيف بندير
أمين.. متخافيش اسكتي خليك عادية توا نطلع من الباب الخلفي
خنساء.. لبست عبايتها وشالها وطلعت للباب منو
موسى.. أفتحي
خنساء.. فتحت لبوها وخشو
أمين.. قاعد يتمشى لأن سيارته درسها بعيد عشان الشبهة
نورة.. زعما شن صار فيه حي عليا من خوتي كان تخبر فيا
____________________________
داليا.. كيف طالعة
دلال.. وين ماشية بيه الكحل هذا كله
داليا.. مادخلك فيا خودي التلفون وصوريني وقعدت دير ف اللقطات ورن تلفونها
دلال.. زايد
رانيا.. فنصت عيونها زايد خوي إن شاء الله
داليا.. تضحك زيزو هذا وخطفت التلفون من أختها وتباعدت عليهم
رانيا.. بديت نكرها الفرخة هدي
_____________________________
خنساء.. كانت مولعة العصارة وحاسة بحرارة غير طبيعية وقلبها كان بينفجر مش معقولة الى صار قبل شوي كأنه مسلسل
أمين.. ركب ف سيارته ومشى للمزرعة والطريق كله يفكر ف منظر خنساء شن هوا الشعور هذا خنساء مش ستايلي ليش قاعد نحس هكي
________________________________
موسى.. ياخنساء هيا كملتي
خنساء.. تصلح ف روحها ع المراية هيا هي ووصلها للعرس
كانت المنظومة ع حدها والبنات يرقصووو ومدايرين جو
مديحة وزهرة واقفات يتفرجو ع بناتهم الى يرقصو ويزعرطو عليهم
اما.. خنساء قعدت الداخل وماسكة كتابها وسرحانة وتفكر ف كلام امين كلهم نفكر فيهم تفكير شهوة الا انتي
خالدة.. خنساء ياخنساء
خنساء.. نعم ياتيتا
خالدة.. نبي مية
____________________________
زايد .. أمين وين مش باين وتصل بيه
امين.. كان مسند ع الكرسي ويفكر ايوا
زايد.. وينك انت الجماعة كلها هنا الا انت
امين.. ف المزرعة
زايد.. خيرك شن فيه
امين.. تجيني نحكو
زايد.. مايتأجل الموضوع
أمين.. لا
زايد.. تمام توا نجيك
زايد وأمين كانو قراب من بعضهم يعني غير انهم خوت كانو صحاب ومايدسو شي على بعضهم
______________________________
عزيز.. خيره وجهك مقلوب
نورة.. هاااا مماخيرني شي
عزيز.. الى يفهمكم يجي يحاسبني
نورة.. قتلك مافي شي
______________________
زايد.. درس سيارته وركب ف سيارة أمين
أمين.. طفى المسجل وشاف لخوه
زايد.. إحكي هي شن هوا الموضوع الكبير الى شاغلك
أمين.. خنساء
زايد.. نصدم وشافله خنساء بنت عمك قصدك ماتقولش صار بينكم الى بالي بالك
أمين.. لاااااا وين مشى تفكيرك
زايد.. خلعتني نحسابك ضميتها لفريق ال...... الى تعرفهم
أمين.. كأنك ماتعرفها ماتشوفش ف تصرفاتها انت
زايد.. تبي الحق ولاه والله عاجبتني مفتخر ان ف عيلتنا بنت زيها لكن انت شن موضوعك معاها
أمين.. ليا فترة نفكر فيها وشاغلة دماغي واليوم شافتني حاضن نورة فوق السطح
زايد.. لاياراجل توا بتشهدر بيك
أمين.. لاماأعتقدش وأصلآ مافكرت ف موضوع الشهدرة
زايد.. مالا ف شن تفكر
أمين.. خايف نكون طحت من عينها تخيل ياراجل ف هديكا اللحظة قريب ترجيتها تنسى الى صار وماتفهمني غلط وقعدت نبررلها
زايد.. مد يده لأمين سلم عليا ياخوي انت بديت تحب
أمين.. قعد يشوف لخوه بجنب وبعدها ضحك مش وقت صماطة ياراجل
زايد.. وعليا ليمين الا بديت تحب
أمين.. باهي كيف انت تعرف خوك وذوقه وتعرف شن نحب ف البنت
زايد.. تحب البنت الى تحركلك مشاعرك وشهواتك لكن هدي حركتلك قلبك
أمين.. هذا الى كان ناقصني يعني
زايد.. بما انك فلقت الشكارة خليني نقولك حتى انا حبيت
أمين.. شنوووو
زايد.. بنولو سلفات😁😁😁
أمين.. مولي صامط ياراجل
زايد.. بجديات حبيت داليا
أمين.. فوتها مش عاجبتني تدحنس هلبة ومتع ولاد
زايد.. عارفها لكن هكي عاجبتني
أمين.. راهو تندم مش ليك النوعية هدي
زايد.. خلي كل شي لوقته هيا توا خلي نلحقو ع الموكب نكحلو شويا
أمين.. ههههه ومشو
________________________________
مديحة.. نوضي ياطايح مزالك شوفي البنات وشوفي العروس
خنساء.. اوووف وخلاص مانبيش نشوف شي خليني ف حالي
زهرة.. خليها يامديحة بينها
________________________________بعد مرور 3ايام من العرس
كانت العيلة مجتمعة ف الصالة الا خنساء
موسى .. وتو دبشكم غدوة مروحين
داليا.. لابابا مزال خلينا
موسى.. امتحانات أختك معاش. قعدلهم شي
مديحة.. أكثر وحدة بتفرح خنساء
خالدة.. كان تفكر ف الموضوع وتجي تسكن هنا انا وبوك معاش قعدلنا شي والشبيح ف الدنيا ع الأقل كان ربك خدا أمانته تكون حاضر
كلهم بعد عمر طويل
أمين .. ف خاطره يارب يوافق يارب يوافق
موسى.. والله خدمتي غادي ومرتاح غادي ونحاول نجيكم ف العطلة
أمين حس بخيبة أمل
خالدة.. باهي انت عندك ثلاته بنات خليلي خنساء تونسني
رانيا.. وانا خيرني ياجتي معاش ننفع
كلهم يضحكو
خالدة.. انتي الخير والبركة لكن خنساء ديما مقابلتني وتهدرز معايا
مديحة.. مش عاجبها الكلام
موسى.. عندها قراية وهيا الحق مش متريحة بكل هنا وقالقة غير امتى تروح
محمود.. هيا صاحبة الشان وينها مش حاضرة
دلال.. مع جدي ف الجنان
زهرة.. الحق ف العرس كلهم يشكرو فيها ويتكلمو ع فلاحتها
إدريس .. هذا حوش من
خنساء.. هذا حوشك ياجدي
إدريس .. انا عندي حوش هكي
خنساء.. ههههه تخيل يعني
أمين.. ناض وخش للمربوعة ويسمع ف صوت الضحك وقف ع الروشن وقعد يشوف لخنساء كيف تضحك
إدريس .. انتي بنت من
خنساء.. نقولك لكن ماتقول كذابة
إدريس كذابة ونص
خنساء.. هههههههه
أمين.. أول مرة يشوف ضحكتها وكانت حلوة
رانيا.. أمين يأمين ولقاته واقف ع الروشن ويشوف لخنساء
أمين.. خيرك
رانيا.. هاتفك يرن
أمين.. رفع منها التلفون وطلع
رانيا.. ليش كان يتفرج ع خنساء زعما اس بلا هبال يعني امين الدلوع بيشوف لخنساء مستحيلا خويا ونعرفه
_______________________________
امين.. ياهلا
داليا.. أهلين
امين.. انتي وين
داليا.. ف الدار الداخل
امين.. خيرك شن تبي
داليا.. سمعت غدوة مروحين
امين.. ايه
داليا.. بنطلب طلب بايخ شويا نبي نودعك
أمين.. كيف وشن قصدك
داليا.. ماتفهم غلط باس حابة نحكي انا وياك بروحنا
أمين.. ف خاطره فرصة ننصحها تفوت الجو هذا تمام مع الساعة11 اركبي للسطح
داليا.. تم
____________________________
عزيز .. فتح الباب الى كان مردود وخش ولقى خنساء مقعمزة ع الكرسي مع جدها السلام عليكم
خنساء.. الباب حاطينه باش تخبط عليه
عزيز.. اس اس اس وانتى منظرك زي ابلة الرياضيات
خنساء.. ابلة رياضيات ع الاقل متعلمة وبشهادتها خير من حمار من غير سارح
عزيز.. تعرفي كان جيتي ولد راهو دفنتك
إدريس .. منو هذا
خنساء.. كلب الجيران شكله رايح
عزيز .. وحق الله كان ماتسكتي نخبر بوك
________________________________
زايد.. رانيا تعالي
رانيا.. نعم
زايد.. شن رايك نكلمها أمك ع داليا
رانيا.. قصدك انت تبيها بجديات
زايد.. اي مالا نلعب
رانيا.. تبي الصراحة ياخوي داليا ملعبة ومش ليك
زايد.. ايح علينا عاد لكن انا نبيها
رانيا.. انا قتلك وانت دبر راسك
عيلة محمود كانو متمسكين ببعض هلبااا يحبو يشاورو بعضهم ومايدسو ف شي ع بعض
___________________________
خنساء .. دخلت جدها وقعد محمود ينادي عليها
عزيز.. ماتقولش هدي نفسها متع النظارة
موسى.. خيرها
عزيز.. عندها لسان أطول من محمود
موسى.. ههههههه
محمود.. حدفه بالمخدة صلي ع النبي
خنساء.. نعم وماتبيش تشوف لعزيز
عزيز.. اهيا بنظارتها زي غوار
خنساء.. حمار جحا
موسى.. عيب
محمود.. زيديه يستاهل
خنساء.. شن تبي ياعمي
موسى .. وتي دبشك غدوة مروحين
خنساء.. عيونها توسعو وضحكت حق
عزيز.. خزي متخلفة الناس تفرح لما تسافر للخارج مش ماشية للفرن
خنساء.. بدون ماترد عليه مشت تجري للدار وقعدت ضم ف دبشها وهيا فرحانة
داليا.. طايح والله سعدك فرحانة بنرجعو للقبر غادي
خنساء.. ولاكلمة هذا الى كانت تراجي فيه
__________________________
أمين.. ماطلعش من الحوش بكل كان يبي يقعد يشوف لخنساء وبس ومزال ماعرف الشعور الى قاعد يحس بيه حب ولا اعجاب بس
_____________________________
ف الليل
تعشو وغسلو البنات الماعين وقعدو يهدرزو
أمين .. خش للدار وقعد يفتش ف شنطة خنساء
يتبع