#صفحات ممزقة
(قصة واقعية)
الحلقة(24)
بقلم.. القطة الشريرة
--------------------------------------
فاضل.. قرب من خنساء ولصق فيها من خلف وحط ايديه ع الحوض
خنساء.. شن دير انت
فاضل .. إرخي روحك متخافيش وبدا يتلمس فيها
خنساء.. فاضل كانك تبصر فوتها البصارة هدي
فاضل.. زاد لصق فيها بقوة تي اما بصارة وقعد يبوس فيها من رقبتها
خنساء.. قعدت تتحرك وتحاول تبعده خالتي ياخالتي
فاضل.. فاق ع روحه وطلع من المطبخ
خنساء.. خشت تجري للحمام وسكرت ع روحها وقعدت تبكي مش مصدقة الى صار معاها ليش ياربي الناس الى المفروض تكون سند لينا ف الدنيا هما نفسهم الى يطعنو فينا ليش الشخص الى وجوده يفرحنا لازم هوا الى يجرحنا ويبكينا
فاضل.. تي شن درت أنا شن درت مش معقولة الى صار توا كيف بنرقعها كيف
خنساء.. مستحيل نزيد نقعد هنا مستحيل وطلعت
حدهم.. انتي قاعدة نايضة
خنساء.. كلمتني صاحبتي وقاتلي عندنا إمتحان السبت
حدهم.. مش ماعندكش السبت
خنساء .. هذا الدكتور بيسافر للخارج وقال بيديره لينا من توا
حدهم .. مبردهم معناها غدوة لازم تروحي
خنساء .. ايه
حدهم.. خلي نكلم عبسي ونقوله
-------------------------------------------
عزيز.. عندي ليك مفجأة
دلال.. شن هيا
عزيز .. بنجو لدرج
دلال.. بجديات
عزيز.. ايه خالتي خالدة من يوم جت عندكم وهيا تشكر ف درج وتعالو وتعالو قالت امي نمشي جنب أختي وخلاص
دلال.. باهي كويس ع الأقل نبدا مطمنة عليك
عزيز.. وأول مابنجي بنتكلم فيك رسميى
دلال.. فرحت هلبااااا
---------------------------------------------
ف الصبح
خنساء.. لبست عبايتها ووشاحها وسلمت ع جدتها
امنة.. ماشبعت منك بكل
خنساء.. الله غالب ياتيتا امتحان نهائي هذا
امنة.. عادي يابنتي اهم شي قرايتك
خنساء.. هيا بالسلامة
حدهم.. نوض فاضل تودعيه
خنساء.. لاااااا خليه
حدهم.. هههههه خايفة يتبرد عليك
خنساء.. تبسمت بمجاملة ايه
عبسي .. هيا أطلعو
------------------------------------------------
صابرين.. كانت اغلب وقتها مكسدة مع بنات درج لكن كانت مكسدة من غير خنساء ودعاء
----------------------------------------------------
حسين.. كان يفكر هل تفكيره ف خنساء مجرد انه يبيها تسامحه ولاحاجة تانية يعني لو عتذر منها وسامحاته هايبطل يفكر فيها او حايقعد يفكر فيها
جعفر.. وين سرحان
حسين.. لاسرحان لاشي
جعفر.. الإمتحانات الأسبوع الجاي وصاحبك مش فاهم شي
حسين.. أنا أحرف منك
جعفر.. انت تقدر تاخد إذن بحكم إصابتك
حسين.. ونضيع السيمستر أكيد لا
جعفر.. شن رايك نقولو لدعاء تلخبطلنا خنساء وتقرينا ف المواد الى منزلينهم مع بعض محاسبة 2 واحصاء 2
حسين.. لافكينا توا نقرو بروحنا وكيف ماجت تجي
جعفر.. باهي الحاسوب بس بالله عاجبك
نكركرو فيها من السنة الى فاتت
حسين.. مش حاترضى البنت
جعفر.. ماتسكرها خلي نجربو بس
----------------------------------------------
حدهم .. ودعت خنساء ردبالك ع روحك وان شاء الله تجاوبي غدوة
خنساء.. سلمت ع خالها وخشت
صابرين.. كانت مقعمزة البرا وشافت خنساء خاشة ومشت تجريلها خنوس وحضنتها
خنساء.. حاضنة صابرين بقوة وتبكي
صابرين .. خيرك
خنساء.. نركبو الفوق ونخبرك
صابرين.. فتحت الدار هيا قولي خيرك
خنساء.. قعدت تحكيلها
------------------------------------------------
فاضل .. فتح عيونه وقعد يفكر شن دار ف الليل ياريته الى صار يطلع حلم خلي نتأسف منها اليوم لازم نخليها تسامحني
وناض دوش وطلع
أميرة .. صحة النوم
فاضل.. شن ديري هنا انتي
اميرة.. بابا جابني الصبح ماهو خالتي حدهم روحت بخنساء
فاضل.. خنساء روحت قصدك
اميرة .. خيرك مصدوم مالا ماخبراتك حبيبة القلب
فاضل.. ضربها بكراعه تكلمي باهي
أميرة.. كسرة وحق ربي توا نحرش باتي باهي
فاضل.. ماردش عليها وقعد يفكر زعما شن قاتلهم لين روحو بيها زعما خبرت خالتي
---------------------------------------------
صابرين.. الحقير الواطي
خنساء.. الواحد معاش يعرف ف من يوثق انا خلاص من امس قررت نحط حدود ف تعاملي مع الناس
صابرين.. صدقتي ديما الى مانتوقعو منهم يغدرو بينا هما الى يطلعو غدارين
خنساء.. قصدي انا والله الوحيد الى كنت نبصر عليه وجوي سمح معاه اكثر حتى من ولاد عمي كنت مدايرته زي خوي الى مانعرف وين اراضيه يدير هكي
صابرين.. خلاص ماتزعلي روحك فوتيه
خنساء.. ايه توا نحاول نشغل روحي ف الإمتحانات
-----------------------------------------------
ثريا .. بجديات بتجي حبيبي
أمين.. ايه بنعدل الرقم الوطني متاعي وبنجي نشوف حبي
ثريا.. الله حبي مش مصدقة واكيدا حادلع حبك بهدية حلوة صح
أمين.. اكيد
ثريا.. أمتى بتجي باه
أمين.. غدوة
ثريا.. ياعمري انت معناها بنديرلك كيكة الكراميل الى انت تحبها
امين.. ياحليلي انا ونبي ناكلها من فمك
ثريا.. انت تعال بس
--------------------------------------------------
دعاء.. تم ياجعفر انا نسألها ونرد عليك
جعفر.. حتى كان تبي نعطوها 5 جني ع الحصة عادي
دعاء.. ههههه مش لهدرجة
جعفر.. نراجي منك ف تلفون
دعاء.. تمام
----------------------------------------------------
فاضل.. كان طالع خاش ويفكر شن قالت خنساء باش روحو بيها لو خبرتهم أكيدا خالي جاء وضربني مرات قالت لخالتي وقاتلها ماتخبري
عبد السلام .. فتح الباب ياجربوع
فاضل.. هربة هدي ولاشن
حدهم.. روحت صاحبتك
فاضل.. طمن شوي لأن خالته وخاله جوهم مليح ليش
حدهم .. الدكتور قدملهم الإمتحان غدوة
فاضل.. أها باهي ليش ماخبرتوني
عبد السلام .. ع اساس بدير فايدة انت
-------------------------------------------------
ف اليوم التاني
أمين.. نايض الصبح يجهز ف روحه هوا وزايد
مديحة.. تحطلهم ف الفطور
زهرة.. بتعطلو
زايد.. مش هلبااا
مديحة.. بالله نعطيكم أمانة توصلوها لخنساء
أمين .. فتح عيونه
زايد.. أمانة
مديحة.. خنساء موصيتني ع فتات وشوية دبش وعمك ماحصل حد ماشي غادي
زايد.. عادي ايه شن المشكلة
مديحة.. شوية نجيبهم ليك
أمين.. يعني بنشوفها
يتبع
أنت تقرأ
صفحات ممزقة ( روايات ليبية )
Romanceللكاتبة : القطة الشريرة تتكلم عن بنت يعتبرها الناس معقدة و انطوائية و لا تملك اي صداقات و لكن عندما تجد الحب أمامها تتغير 180 درجة ؟ فهل التغير يفيدها ؟ و هل الحب صادق ام لا ؟ و ما نهايتها ؟ قصة جميلة جدا من داخل المجتمع الليبي 🔥
