صفحات ممزقة ( روايات ليبية )

حلقة 18🔥

#صفحات ممزقة
(قصة واقعية)
الحلقة(18)
بقلم.. القطة الشريرة
الدكتور تقدرو تتفضلو
خنساء.. وقفت
صابرين.. حيييييي
خنساء.. خيرك يافرخه
صابرين.. أقعدي مقعمزة ردبالك تنوضي
خنساء.. بخوف شن فيه
صابرين.. قعمزي بس
خنساء.. قعمزت زعما شن فيه
فضت القاعة وطلعو الطلبة والدكتور
خنساء.. وقفت وشافت وراها حيييييي ياعاري
صابرين .. كيف كيف قعمزتي عليه الكرسي وهوا ملبز بالقهوة
خنساء.. لما وقفت حسيت بروحي كأني لاصقة ع الكرسي لكن درتها بطمة الجاكة حصلت 😭😭😭😭
صابرين.. ولابسة ع الابيض ياعيني ع المنظر
خنساء.. ع اساس نغير ف حياتي ونلبس ف حاجة فاتحة ماهذا كله كلامكم فيا كمية قهر حاليآ مش حايتحملها حد الا كاظم الساهر
صابرين.. وليش هوا
خنساء.. هوا قال اريد إمرءة تجعلني أحزن ترا بري أطلعي شوفي الوضع
صابرين .. طلعت ورجعت حي كمشة ولاد ف الممر
خنساء.. يشماتي اكيد ف محاضرة تانية هنا
صابرين.. انتي خليك هنا وتوا نشوفلك راي
خنساء.. ماتعطلي بالله توا يستفردو بيا
صابرين.. نزلت دور ع حاجة لخنساء تستر بيها روحها بس الى تحكيلها تقعد تضحك وخلاص وكانت راجعة للقاعات
حسين.. معليش لو سمحتي
صابرين.. وقفت تكلم فيا
حسين.. ايه نبي نكلمك بخصوص خنساء
صابرين.. خنساء تكبت عليها القهوة وهيا حاليآ مش قادرة تطلع من القاعة وشوفلي راي
حسين.. تمام شوي بس
صابرين.. مشت تجري لخنساء
خنساء.. ها شن صار
صابرين.. مالقيت بكل
خنساء.. تعرفي من بكري خاش عليا ولد طالع ولد وانا نشهد وخلاص
صابرين .. أسكتي ساكته وقفني هذاك الولد الى باسك
خنساء.. حسين قصدك
صابرين.. ايه مش عارفة شن قالي خنساء ماخنساء قتله خنساء تكبت عليها القهوة وحاصلة ف القاعة
خنساء.. وانتي ليش قلتيله هوا شن دخل أمه
صابرين.. مانعرف انا توترت وخايفة ولد عمي يشوفني واقفة معاه ويخبر بوي
خنساء.. نكلمو دعاء بالك ديرلنا راي مزال نص ساعة ع المحاضرة الجاية
صابرين.. اي حق اكيدا عندها راي ورنت عليها
خنساء.. تضرب ف راسها بالمدكرة
صابرين .. ماتردش
خنساء..والحل بنبكي انا خلاص
صابرين.. ا.. ونفتح الباب
حسين .. السلام عليكم
صابرين.. وعليكم السلام
حسين .. حط الكيسة فوق الكرسي ان شاء الله تجي عليك
خنساء.. ومن قالك نبي منك شي
حسين.. مش وقت خلافات توا لأمتى بتقعدي هنا انا عندي فيها محاضرة القاعة هدي بعد نص ساعة
صابرين.. توا تلبسها مشكور انت
حسين.. تمام وطلع
خنساء.. وواك هدي أخرتها نلبس حاجة جابها الكلب هذا
حسين.. قعد واقف البرا يبي يشوفها كيف بتطلع عليها
خنساء.. هيا انتي حولي ماليتك وعطيهالي وهاك البسي الفانيلة الى جابها هوا
صابرين.. مصحك لا
خنساء.. وراس عمي نصر ان شاء الله تحجي
صابرين..وااك منك صكرو الرواشن
خنساء .. وقفت ع الباب لعند ماغيرت صابرين
صابرين.. شدت الباب لعند ماغيرت خنساء وطلعو
حسين.. كان واقف مقابل الباب وأول ماشافهم نصدم
خنساء.. ريتيه وين واقف هذا كله باش يقود
صابرين.. توا يقول خسارة مادفعت فيها
خنساء.. غدوة .. نجيبهم ونحدفهم ع وجهه
----------------------------------------------------
داليا.. مافيش حد حبني وهتم بيا وعاملني كإنسانة الا زايد ولازم كان مشينا لأوباري نكسبه من جديد ونخليه يخطبني عشان ننتقم من الكلب أمين ومرته
----------------------------------------------------
دعاء.. ههههههههههههههههههههه ووه تخيلته منظرك كيف
صابرين.. كان مش حسين راهو رحنا فيها
دعاء.. ومنو حسين هذا بطل جديد
خنساء.. هذا ياستي وحكتلها عليه
دعاء..طرف ولاشين
خنساء.. هوا مواليد 94 معاود الشهادة ودراه
صابرين.. تكذب محلاه طويل وشعره طويل لكتافه مشاء الله عليه شخصية وأسلوبه حلو
خنساء.. تبالغ الفرخة هدي
دعاء.. غدوة ماشية معاك باش نشوفه
---------------------------------------------------
أمين.. فتح إيميل جديد بإسم بنت وبعت لخنساء طلب صداقة توا هكي بنعرف ميتك وين تصب
----------------------------------------------------
دلال .. يما ماعندنا مانلبسو ف العرس
مديحة.. مادخلني قولي لبوك
دلال.. قوليله انتي باه
مديحة.. باش ياكلني
--------------------------------------------------
ف اليوم التاني
دعاء .. هيا انتي وياها
خنساء.. وانتي ليش مستعجلة
دعاء .. بنشوف حسين متاعك شن شكله
خنساء.. وهيا تتصفح لقت طلب صداقة واصلها من امين بإسم أنثى الصحراء قبلاته
------------------------------------------
ف الكلية
دعاء.. محلاهم ولادكم يهبلو
صابرين.. أوينه حسين
دعاء.. اااه محلاه
خنساء.. هاكي الفلوس صابرين أعطيهمله
صابرين.. لا مانقدر ولد عمي اوينه وين يفنص
دعاء.. هاتي نعطيهمله
خنساء.. خودي قوليله كان ناقصات توا نجيبلك الباقي
دعاء.. بكل ثقة مشت معليش ياحسين
الشباب الى معاه ااااااو واسطات
حسين.. قعد يضحك تفضلي
دعاء.. انا من طرف خنساء وهدو فلوس امس وقاتلك لو ناقصات توا نجيبلك الزيادة
حسين.. ارفعي الفلوس وقوليلها حسين مايبي منك شي غير تعطيه خمسة دقايق تسمعيه شن بيقولك
دعاء .. تم معناها هات رقمك باش نقولك شن ردها تمام
حسين.. تمام وشكرآ وخيتي
دعاء.. مانحصلش منك خو
حسين.. ههههه للأسف لا
---------------------------------------------------
صابرين.. راسي يابنات مش قادرة بينفجر
خنساء.. اووف حتى الدكتور عطل
صابرين .. التانية مش حاضرتها
خنساء.. فتحت الفيس ولقت رسايل من أنثى الصحراء السلام عليكم
خنساء.. وعليكم السلام
انثى الصحراء.. كيف حالك
خنساء.. تمام
أنثى الصحراء.. انا اسماء من سبها
خنساء.. عاشت الأسامي وانا خنساء من درج
انثى الصحراء .. اهلين بيك ممكن نكونو اصدقاء
خنساء .. تمام
-----------------------------------------------
زهرة.. تعيط ان لله وان اليه راجعون
يتبع