صفحات ممزقة ( روايات ليبية )

حلقة 4🔥

صفحات ممزقة
(قصة واقعية)
الحلقة(4)
بقلم.. القطة الشريرة

خنساء.. صلحت وشاحها وطلعت من الدار وخشت للصالة وفتحت الضي وشهقت
حي يدي كيف رايح منظرها كانت منفوخة وسودة
أمين.. كان طالع من دار خالدة وشاف ضي الصالة والع مش كان طافي بكري وخش للصالة
كانت خنساء تلمس ف يدها بصبعها
أمين.. وقف وقعد يشوفلها
خنساء.. رفعت راسها ولقاته أمين
أمين.. قرب منها وقعد يشوف ليدها توجع فيك
خنساء.. لا
أمين.. اي واضح من عيونك المنفخات
خنساء.. مادخلك فيا
أمين.. سنفور غضبان إرخي روحك من تواضع لله رفعه ياغوريلا
خنساء.. شافتله وكانت معصبة مريض وطلعت
أمين.. قعد واقف ف مكانه فيها شي يجدب فيا مش عارف شن هوا
___________________________
ف الصبح
خنساء .. واقفة ف المطبخ ودير ف الشاهي بعد ماصلت الفجر
زهرة.. صباح الخير يابنتي
خنساء .. صباح النور
زهرة.. شافت ليد خنساء خيرك يابنتي
خنساء.. تبزع عليا براد الشاهي أمس
زهرة.. سلامتك يابنتي وليش ماقلتي خليتيه لين دار فرافيط وتزلط
خنساء.. درتله العسل لكن نضت اليوم لقيته هكي
مديحة.. صباح الخير
زهرة.. صبح شني شوفي يد بنتك
مديحة.. حي عليك هذا شن
خنساء.. ساكته لأنها واخدة ع خاطرها من أمها
زهرة.. تبزع عليها براد الشاهي
مديحة.. خيرك ماقلتي
خنساء .. تشوف لأمها خليتي من يفتح فمه انتي
مديحة.. تعالي معايا ورفعتها للمربوعة
موسى ومحمود.. مقعمزين يدخنو
مديحة.. شوف يد بنتك
موسى.. ياساتر ياساتر هذا شنو
محمود.. خيرك ياخنساء
خنساء.. تبزع عليا الشاهي
زهرة.. وهيا جايبة سفرة الفطور تبي مستشفى ضروري
محمود.. نفطرو ونرفعوها
________________________________
داليا .. شوفو حنتي صبغت
دلال.. صحة ليك الا أنى ماعندي فيها حظ
رانيا.. انا امس مارقدت بكل يابنات ضايقتني
____________________________
أمين .. صباح الخير
عزو .. صباح النور
أمين.. خيره الحوش فاضي
عزو.. نضت لقيت غير جتي وصلتها عند أختها ورجعت
أمين.. جدي وين
عزو.. راقد حقا بنسألك
أمين.. يصب ف الحليب ع الشاهي لا
عزو.. 😒😒 الى تكلم فيها غفران مني
أمين.. غفران.....
عزو.. برا اقتل روحك معناها
أمين .. شن قصدك
عزو.. صورها عند معتز وامس تكلم فيه بحدانا
أمين.. حط الطاسة كانها بصارة فووت امها
عزو.. وراسك انت ياولد أمي
أمين.. من قالك هيااااا
عزو.. انت خير اصلك حمار مش مرة وقفت بيكم السيارة وجيتك انا وسلمت عليها
أمين.. قعد ساكت وبعدها طلع
__________________________
مديحة.. خيرك مطرمة شواربك عليا انتي
خنساء.. انا شن قتلك مش قتلك معاش تعيطي عليا قدام الناس عندك حاجة بتقوليها قوليهالي بروحي
مديحة.. تستاهلي باش لما نقول حاجة تفهميها
خنساء.. ناضت من جنب أمها ووقفت جنب بوها
الممرضة.. فتحت الباب للمريض الى كان قبل خنساء ودخلت خنساء ودخل معاها موسى
الدكتور شاف ليد خنساء مافيش مشكلة الحرق من الدرجة الثالتة مش خطير ورفعها لغرفة تانية عشان التنظيف
خنساء.. مدت يدها للدكتور وقعد ينظفلها فيها
الممرضة كانت متدربة هيا .. ماتحسيش فيه
خنساء.. لااااااااااا
الممرضة.. كان انا مكانك نهبل
الدكتور.. ياممرضة مش هكي تعاملي المريض يعني كان خفتي انتي حايخاف هوا
الممرضة.. اسفة دكتور
الدكتور.. هيا كملنا ياخنساء توا نديرلك لصقه الجروح ونربطها ويوم بعد يوم تجيني باش نغيرهالك
خنساء.. تمام
_____________________________
أمين .. ماتقعديش تتبكيلي ياحقيرة ياواطية وهذا انا الى كنت مقدرك وكنت ناوي نخطبك
غفران.. وهيا تبكي أسمعني حبيبي
أمين.. لانسمعك لاتسمعيني من اليوم نشوف رقمك ف تلفوني تندمي وسكر عليها
غفران.. ووواك الزح كيف عرف
___________________________
زهرة ..كملتو
خنساء.. ايه
موسى.. وين محمود
زهرة.. البرا قاعد
مديحة.. شن دارلك
خنساء .. تنظيف وطلعو
ف السيارة
محمود.. وين تبو توا
زهرة.. حطنا ف الحوش نرفعو دبشنا بنباتو عند سالمة
خنساء.. زي الهم عليك جية
ووصلو للحوش
__________________________
رانيا.. مبرده زايد
داليا.. خيره
رانيا.. كلمته باش نمشو للمحلات قالي بعيد وعالق
داليا.. كلمي أمين
رانيا.. لاهوا لاعزو مايحبو يرفعو حد زايد الوحيد الى متسخر فيهم
داليا.. ف خاطرها وأخيرآ حصلت حجة باش نكلمه معليش عطيني تلفونك نكلم أمي ماعنديش رصيد
رانيا.. خودي
داليا.. تباعدت عليها وسجلت رقمه
____________________________
عزو.. كان قاعد ف الجنان ويدخن
محمود.. دف الباب الى كان مردود وخش
عزو.. نصدم وحدف الدخان
محمود.. دخن ياحيوان
عزو.. من يدخن هدو حوش الجيران يحرقو ف الكناسة
موسى.. هههههه تي خليه ياراجل
محمود.. شن نخليه الا الدخان انا قتلهم مش مسامحكم عليه
زهرة.. خليه يعطيه ع راسه يستاهل
عزو.. غير استهدو بالله مش دخان هذا
محمود.. شن هوا الى حدفته امالا
عزو.. حلوة سبسي يابوي غير لما شفتك نخلعت
أمين.. يسمع ف الدوشة طلع
محمود.. انت تحسابني خرفت ولاشني بتمشيها عليا
موسى.. وسع بالك هذا جيل هالوقت ماعندك مابديرله
أمين.. يشوف لخنساء الى ايدها مربوطة
محمود.. أخرلك مرة تسمع
عزو.. حاضر وطلع
أمين .. وين كنتو
زهرة.. ف المستشفى وقعدت تحكيله
خنساء.. خشت مع امها وقعدت ضم ف دبشها والله مانبي نمشي عارفتيني الزحمه مانحبها ولانتحملها
مديحة.. بري شوفي البنات بالك ديري قلب
خنساء.. انا هكي عاجبتني روحي ومادخلي ف حد
مديحة.. المهم ماك قاعدة هنا
خنساء قعدت تنفخ وناضت باش تجيب كتابها من دار جدتها كانت تمشي بسرعه وهيا معصبة وبوووم خشت ف عزو
عزو.. ياعن 🙊 وقعد يشوفلها
خنساء.. كملها باش تسمع الى عمرك ماسمعته
عزو.. والله لاياواعرة
خنساء .. ضم فمك واحترم نفسك
عزو.. ماتخليني نغلط معاك باهي
امين.. كان قاعد ف المربوعه ويشوفلهم لأنهم واقفين ف الممر الى مقابل المربوعه
خنساء.. انا قتلك جرب وشوف
عزو.. مسكلها يدها ولواها ليها وجبدها عنده
خنساء.. حول عني وكانت تبي تفك روحها لكن عزو زاد لواها وجبدها لعند لصقت فيه
عزو.. يشوفلها ف عيونها تأسفي
أمين.. وقف من مكانه وكان بيمشي يفكها بس وقف وقعد يفكر شن دخلي فيها
خنساء.. حول يدك ياعزو احسلك
عزو.. تأسفى
خنساء.. نتأسف لما نغلط بس
عزو .. زاد ضغط ع يدها
خنساء.. عيطت لأنها توجعت وتفلتله ع وجهه ودفاته بيدها التانية
عزو.. رفع يده وكان بيضربها
امين.. عزو هني روحك
خنساء.. عيلة زبالة وفاتت
عزو.. مشى يغسل ف وجهه
أمين.. لحقه وقعد واقفله قدام الباب ويضحك عليه تستاهل تعرف
عزو.. شرسة الفرخة هدي
زايد.. يسمع فيهم شن ديرو هنا
أمين.. جاكم الدب القطبي
عزو.. رسمي بينتو ام لوز وسكر
زايد.. راهو نقتلكم بيد وحدة
__________________________
داليا.. طلعت للجنان ورنت ع أمين
أمين.. شاف لهاتفه رقم غريب وربي تطلع الكلبة غفران لما نمسح بيها وفتح الخط
داليا.. بدلع متصنع ألوووو
أمين.. تباعد ع خوته مني
داليا.. معجبة
أمين.. أي وحدة فيهم بالزبط معجباتي هلبة
داليا.. انى من الأقربون وانت عارف ان الأقربون اولى بالمعروف
أمين.. قعد يضحك باهي مني باش نقوم بواجبي
داليا.. توا معقولة ماعرفتني بنت عمك داليا
امين.. هوا انتي هكي لسانك طويل
داليا.. ع اساس ماتعرفش يعني
أمين.. مانحسباش لدرجة هدي
داليا.. ماريت شي انت اصلآ
أمين.. من وين جاك رقمي
داليا.. مش مهم المهم طالباتك ف خدمة ولد عمو
أمين.. تفضلي
داليا.. نبو نمشو للمحلات ومالقينا من يرفعنا عادي تجينا
أمين .. والله شن بنقولك
داليا.. قول باهي عشان خاطري
أمين.. تمام توا بنجيب امك وامي ونرفعكم
داليا.. منور احلا ولد عم ف الدنيا وسكرت وقعدت تنقز من الفرحة
دلال.. خيرك تنقزي
داليا.. قعدت تحكيلها
________________________________
ف السيارة
خنساء.. فاتحة كتابها وتقرا
أمين.. كلموني البنات وقالو يبو المحلات وكان يسمع ف خنساء
زهرة.. وأرفعهم باه
أمين.. الحق مانحبه الجو هذا لكن عشان بنات عمي لأنهم ضيوف بنرفعهم
مديحة.. بارك الله فيك من بكري الحق نخمم ف خنساء تبي شوية حاجات
خنساء .. دفت نظارتها بصبعها وشافت لأمها شن هوا الى نبيه مانبي شي
مديحة.. تبي لبس للعرس
خنساء.. من قالك بنحظر انا بنقعد نعول بس
زهرة.. ليش يابنتي زيك زي البنات حني وألبسي
خنساء .. مش زي حد أنا والحنه مانحب حتى اسمها وشافت لأمين من مراية السيارة وحتى القوادة مانحبها
مديحة.. قرصتها بقوووة
_______________________________
رانيا .. كيف خلوني نستوعب
دالياا.. وهيا ترقص ف حواجبها قالي حاضر وبيرفعنا
رانيا.. وين لقيتيه انتي
داليا.. المهم لقيته هيا ألبسو
رانيا.. الفرخة هدي مش مطمنتلها بكل
____________________________
أمين.. نادوهم البنات
زهرة.. باهي
خنساء.. نزلت وطربقت الباب
مديحة.. خليك باش تمشي معاهم
خنساء.. خشت بدون ولاكلمة
أمين.. الفرخة قداش تتدلع
طلعو البنات وركبو مع أمين
اما.. خنساء قعدت تعول مع النساوين وكلهم عاجبتهم انها ناشطة وفالحة
___________________________
داليا.. كانت طول الوقت تحكي مع أمين وتوري ف يديها ورانيا كانت مركزة معاها هلبة
_______________________________
بدا العرس وكانت الأجواء زي اي عرس ليبي الخيمة والتنويرة والبنات ينافسو ف بعضهم ف لبس الا خنساء كانت تعول وقاعدة مع العزايز وتقرا وخلاص
_______________________________
موسى.. ماعندي مانلبس اليوم ومسك تلفونه ورن ع مديحة
مديحة..السلام عليكم
موسى.. لاسلام لاكلام وين خنساء
مديحة.. قاعدة
موسى.. قوليلها توتي روحها بنرفعها تغسلي دبشي ماعندي مانلبس
مديحة.. وخيرك ماقلت من أمس
موسى.. نسيت
مديحة.. توا نقوللها
________________________________
عزيز.. توا من وين طلعتي بقصة المرواح والحوش فاضي
نورة(أخت عزيز) نسيت قفطاني هنا وغادي زحمه ونبي ندوش قلت نروح للحوش ونوتي روحي
عزيز.. نحطك ونمشي بعد تكملي رني عليا
نورة.. تمام
___________________________
ف السيارة
موسى .. شن جو الفرح
خنساء.. مش عارفة
موسى.. ههههه من الى يعرف امالا
خنساء.. نبي نروح خلاص قلقت
موسى.. هانت ماقعد شي
خنساء.. اليوم خميس امتى بنروحو الجمعة ولا السبت
موسى.. غير وسعي بالك انتي اهو وصلنا دبشي تلقيه ف المربوعة
خنساء .. بتخليني بروحي
موسى.. بنرفع الدواء لجدك ونرجع
________________________________
نورة.. هيا أفتح انا ف الباب الخالفي
أمين.. فتحلها الباب وركبو للسطح
______________________________
خنساء.. خشت وقعدت تلم ف الدبش ورفعتهم للحمام القمصان نغسلهم بيدي أسهل والباقي ف الغسالة
_________________
أمين.. وهوا حاضن نورة استاحشتك
نورة.. حتى اني ومانقدرش نعطل راه
أمين .. حولي العباية نبي نشوفك شن لابستيلي اليوم
__________________
خنساء.. نمشي ننشرهم ونرجع كانت محولة وشاحها ورابطة بيه خصرها توا بنقعد نلبس ونحول الباب مصكر مش حايخش حد وركبت بخطوات بطيئة
______________________________
أمين.. كان منسجم مع نورة ويبوس فيها ويحضن فيها
خنساء.. طيحت محبس الغسيل
يتبع

وهدي الحلقة عشان عيونكم