صفحات ممزقة ( روايات ليبية )

حلقة 27🔥

#صفحات ممزقة
(قصة واقعية)
الحلقة(27)
بقلم.. القطة الشريرة
---------------------------------------------------
المتصل.. الو خنساء بالله ماتسكري لين تسمعيني
خنساء.. هوا انت شن تبي
فاضل .. والله نادم يابنت خالتي أقسم بالله نادم سامحيني بالله عليك
دعاء.. تهز براسها لاااا
خنساء.. انت كسرت كل شي حلو بينا كنت معتبراتك خويا نبصر عليك وجونا حلوو لكن انت خيبت ظني فيك
فاضل.. أسف أسف أسف والله كانت لحظة ضعف وعارف ان غلطتي كبيرة بس متأكد ان قلبك أكبر وحاتسامحيني
خنساء.. تمام سامحتك بس مستحيل نرجع خنساء الى تعرفها
فاضل.. والله عارفك قلبك كبير وأسف مرة تانية
خنساء.. حصل خير
فاضل..وانا زي قبل زي توا تبي اي شي قوليلي
خنساء.. مانبي غير سلامتك وتخلوني ف حالي
-----------------------------------------------
إبراهيم..فتح الباب وكانت الصدمة
ثريا.. نخلعت وقعدت تستر ف روحها
أمين.. واقف ويشوف لإبراهيم ومتمني يكون هذا حلم
إبراهيم..ف حوشي يانجس ف بيتي ياحقير ياتافه
ثريا.. تبكي وترعش مع بعضها
أمين .. ياعمي نفهمك
ابراهيم.. دف امين ولاكلمة انت وشد بنته من شعرها ياحقيرة ياواطية انا هكي ربيتك وديني الما نقتلكم ياكلاب
مفيدة.. صوت عياط وطلعت تجري هيا ومنتهى
زايد.. كان راقد وناض ع صوت العياط
مفيدة.. حي ياحي البنت قتلتها
إبراهيم .. شادها ويريش فيها
أمين.. خلاص ياعمي ابراهيم ودفه
ابراهيم .. انا تمد عليا يدك يا......🔞
زايد.. خش بينهم وسعو بالكم الناس تسمع
مفيدة.. جبدت ثريا الى كانت دايخة ودخلتها
إبراهيم .. الليلة تعقد عليها تسمع الليلة
زايد.. الى تبيه نحنا فيه ياعمي ابراهيم وسع بالك بس
ابراهيم.. انا كلامي مع بوكم لأنه لو هوا راجل مادار العار وف حوشي
----------------------------------------------
دعاء.. علاش سامحتيه
خنساء.. لأني مش زيهم يادعاء نقدر ننزل لمستواهم بس وقتها مش حانفرق عنهم بشي
صابرين.. صح صدقتي توا هوا بيحس روحه صغير قدامها وبيقعد يأنب فيه ضميره لأنه غلط معاها
-----------------------------------------------
محمود.. كيف صار وفهمني وحدة وحدة معاش فهمت شي
ابراهيم.. شن بنفهمك أكثر من هكي انا نبيه يعقد عليها ويرفعها
محمود.. وسع بالك خلي نتفاهمو الولد راه ماعنده شي
ابراهيم .. ان شاء الله يسكنها معاه ف دار مانعرفش حد
محمود.. غدوة بإذن الله نكون عندك
--------------------------------------------------
زايد.. قتلك انا قتلك فوت الموضوع
أمين.. غير سوق توا مش وقت كلامك
زايد.. نمشو لفندق وخلاص ماعندنا وين نقعدو
----------------------------------------------------
مفيدة.. عاجبك هكي ياكلبة الكلاب خسارة الثقة الى كنت حاطتها فيك كنت نحسابك عاقلة وتعرفي مصلحتك طلعتي رخيصة
ثريا .. تبكي والله مش قصدي والله مش قصدي وتبوس ع راس امها سامحيني بالله سامحيني
مفيدة.. دفتها كنتي فكرتي فينا قبل ماديري عملتك وطلعت وصكرت عليها الدار بالمفتاح
ابراهيم .. قعد ع الكرسي وهوا داهش ومخدول ياريتني متت ولاشفت منظرهم ياريتني متت
منتهى.. تسمع ف كلام بوها وتبكي
-------------------------------------------
موسى.. اهدا يا محمود اهدا
محمود.. قشرلي وجهي قدام الناس كيف بنقابل الناس قولي
عادل.. شباب طايش شن بديرلهم هييي
محمود.. هيا نطلعو توا مافيا صبر لغدوة
موسى.. هدي ياخوي الحاجة هدي تبي الصبر والعقل غدوة نمشو ونحلو القصة
محمود.. ماسك تلفونه والله لما نسمعه الى عمره ماسمعه
موسى.. خدا منه التلفون مش حاينفع شي توا الى صار صار
--------------------------------------------
أمين.. يولع سبسي يطفي سبسي هذا كله من نيتها أيه ربي قاعد ياخدلها ف حقها
زايد.. مدله طاسة قهوة اشرب وياسرك من الدخان
أمين.. بنهرب
زايد.. شن هوا
امين.. بيزوجني وانا مش قد المسؤولية
زايد.. خليك راجل مرة وحدة وتحمل نتيجة غلطك
امين.. شن قصدك انا مش راجل
زايد.. لو درتها وهربت قسمآ بالله انا اول واحد بندور عليك وبنقتلك خلاص عاد زودتها بنات الناس مش لعبة تحمل نتيجة اغلاطك
--------------------------------------------------
ف صباح يوم الأحد
خنساء.. لابسة فانيليا سودة لتحت الركبة وسروال أمريكي ووشاح وردي مورد بالرصاصي والأسود
دعاء.. الله عالشياكة
خنساء.. عشان نفسي بس
صابرين.. ايوا نحنا ناس عايشة عشان نفسها وسعادتها
دعاء.. وبطنها ههههه
خنساء.. تعرفو خايفة كيف بنقريهم المفرخ هدوكا
دعاء.. انتي قدها حبي
صابرين .. انا معاك متخافيش
خنساء.. هيا وقت ع الباص
------------------------------------------
زهرة.. ياغبارتي السودة ياغبارتي السودة
مديحة.. وحدي الله وحدي الله
رانياا.. تبكي ودلال تواسي فيها
زهرة.. انا ولدي يدير هكي ياحشمتي يافضيحتي بين الناس
مديحة.. لاحول ولاقوة الا بالله
-------------------------------------------------
موسى.. حصلت ومفرش
نصر.. ايه لكن ب1000
موسى.. عادي راضيين بيه
نصر .. تمام معناها
موسى.. بالله كان المراءة تعرفه خليها تفوت عليهم ف الحوش باش ترفعهم يشوفو شن ناقصه
نصر.. بإذن الله وصكرو
موسى.. اهو حصلنا حوش هدي مشكلة نحلت
محمود.. حاط ايده ع راسه لكن العار بيقعد بيقعد
----------------------------------------------
حسين.. لابس سروال أمريكي وتشيرت اسود وفوقه كبوط جلد وواقف ع المراية يبخ ف عطر
جعفر.. يكح قتلتنا بالعطر
حسين.. مسك العكازات هيا
جعفر.. انا مزال ندور ف شخشيري
حسين.. تبي تأخرنا انت ولاشن
جعفر.. والله من بكري قالب عليه الدنيا
حسين.. معناها انا نسبقك وانت ألحق
جعفر.. بالك طيح ياولد ولاشي
حسين .. توا الجماعة يوصلوني مادورش
جعفر.. تمام
---------------------------------------------------
زايد.. كلمتني أمك قريب تهبل قالت بوك وعمامك من الصبح طالعين
أمين.. ساكت وخلاص
----------------------------------------------
مفيدة.. توا نجي طالعة نشري لأختك شوية حاجات وكانو عيونها منفخات من كثر البكي
منتهى.. باهي حرام يما أفتحيلها الباب
مفيدة.. لانفتحلها لاشي
----------------------------------------------
عزيز.. كيف بنطلع من القريات
دلال.. ردبالك من الطريق وتوصلو بالسلامة
عزيز.. ان شاء الله
------------------------------------------
صابرين وخنساء.. مقعمزات ف المكتبة
خنساء.. قلبي يدق
صابرين.. أحرف منك حتى انا
حسين.. السلام عليكم
خنساء وصابرين وعليكم السلام
حسين.. اسف ع التأخير
خنساء.. لابالعكس جيت ع الموعد
حسين.. جعفر توا يجي
خنساء.. شن حالك توا
حسين.. الحمد لله
صابرين.. ان شاء الله هذا حد السو
حسين.. ان شاء الله
خنساء.. كانت متوترة هلبة وشابكة ايديها ف بعضهم
حسين.. كان مركز فيها ويشوفلها
صابرين.. هدي أمي تتصل شوية نكلمها ونرجع
خنساء.. تفنص فيها ماتبيها تطلع وتسيبهم مع بعض
حسين.. قعد يضحك ع حركتها
خنساء.. احم احم صاحبك معطل شكله
حسين.. اهو بعتله مسج
خنساء .. تمام
حسين.. طلع الهدية الى عطتهاله دعاء وحطها فوق الطولة ودفها لخنساء
خنساء.. وهيا مستغربة شنو هذا
حسين.. الهدية الى قالو منك انا متأكد انها مش منك
خنساء.. وكيف عرفت
حسين.. احساسي قالي هكي كان واضح عليك انك محطوطة تحت الأمر الواقع
خنساء.. ولنفرض انه صح شن حايتغير يعني
حسين.. انا مانبي منك شي غير انك تسامحيني ع الشي الى درته معاك يعني مش عارف كيف درت هكي المهم نبيك تسامحيني وربي يسامح الى كان السبب
خنساء.. حصل خير وهذا شي كان ف الماضي يعني انا لو مانسيته ماكنت قعدت معاك ع نفس الطاولة
حسين.. يعني توا نقدر نرقد وانا مستريح
جعفر.. السلام عليكم وعليكم السلام عارف روحي عطلت هيا بسم الله
خنساء.. الحاسوب ساهل نخلوه أخر واحد اليوم بنقرو ف المحاسبة2
جعفر.. كيف ماتبي يادكتورة
خنساء.. كان تقولهالي طول فترة الشرح حانعطيك مسأل ساهلة للحل
حسين.. فرحان لأن خنساء سامحاته وف نفس الوقت شافها تضحك
-----------------------------------------------
إبراهيم .. تفضلو تفضلو
محمود وخوته خشو للمربوعة وبدو يتناقشو ف الموضوع بدون اي مقدمات
ابراهيم.. انتو حطو روحكم مكاني مش ساهل عليا الى شفته حرام عليكم
موسى.. والله معدور وحقك وقنالك الى تبيه نحنا فيه بس ولدنا نازح وماعنده كيف بيفتح حوش
إبراهيم.. يعقد عليها اليوم ويرفعها ماعنديش علاقة
محمود.. خلاص كيف ماتبي اليوم اليوم
موسى.. ايوا يازايد جيب خوك وتعال لحوش عمك ابراهيم
زايد.. هيا مسافة الطريق
------------------------------------------
زهرة.. اااه ياوخيتي والله ماني عارفة شن نقولك
مفيدة.. تبكي كنت بنديرلها عرس تحكي بيه أوباري كلها وشوفي شن دارت
زهرة.. تمسح ف دموعها سامحيني ياوخيتي سامحيني
مديحة.. بري انتي وسارة ورانيا وجيبو شوية فواكه وعصاير وصحينات وطواسي عطيتهم من عندي
دلال .. كان دكرتي شي قوليلي
------------------------------------------------
خنساء.. وهكي كملنا اعداد قيود الإقفال وفتح الدفاتر فهمتو
حسين.. ايه انا فهمت
جعفر.. انا افتحولي راسي زي الدفاتر عاودي مرة تانية
خنساء.. نعطيك مثال وحله
جعفر.. مش فاهم شي
خنساء.. لما تحله توا نعرفو شن المشكلة عندك
حسين.. أعطيني حتى انا باش نشدها المعلومة
خنساء.. تمام
---------------------------------------------
أمين.. كان بيبكي وقعد يرجع ف شريط حياته وعلاقته مع البنات حس روحه انه انسان تافه انسان متحكمة فيه شهوته
زايد.. راهو كل محنة وراها خير وسيورها تفرج وتفوت الأيام وتقعد مجرد دكرى وخلاص
أمين.. ساكت بس
زايد.. هيا انزل لكن ردبالك تتعارك مع بوك خليها تمشي ع خير ونزلو
أمين.. خانوه دموعه وطاحت منه دمعة وطول مسحها ونزل
زايد.. السلام عليكم
كلهم وعليكم السلام وكان معاهم الشيخ الى بيعقد عليهم
أمين.. خش وهوا ساكت
محمود.. مايبيش يشوف لوجه أمين
-------------------------------------------------
مفيدة.. تسكر ف شنطة بنتها بعد ماحطتلها فيها الحاجات الأساسية ودموعها ينزلو ومحروقة ع بنتها
منتهى.. حاضنة أختها وتبكي هيا وياها
----------------------------------------------
جعفر.. وأخيرآ توا هدي ماتقوليش عليها غلط
خنساء.. قاعدة تقرا ترا البيرو الأحمر 30\30 ممتاز مع الشكر
جعفر وحسين.. هههههه
جعفر.. دكرتو أبلة حياة
حسين.. هيا الى عقدتني من القراية
خنساء.. احلا أبلة عندي الحق
جعفر.. ايه عاد هيا ديما نوضي ياخنساء أقريلهم الحمير هدو
خنساء.. هههه
حسين.. هيا نوض وقت ع المحاضرة
جعفر.. هيا هي مشكورة يادكتورة خنساء
حسين.. شكرآ
خنساء.. ولايهمكم
صابرين.. هذا غير ماتبي تقريهم
خنساء.. ههههه نسجمت تعرفي ورن تلفونها
--------------------------------------------
موسى.. الف مبروك وحضن أمين خلاص توا الى صار صار المهم انت صلحت غلطتك وانا وبوك وعمك عادل حانوقفو معاك
عادل.. كلام عمك صح وانت يامحمود خلاص خليها لربك اهو الولد وتزوجها وفاتت ع خير
محمود.. انا متبري منه الولد هذا
موسى.. يامحمود استهدي بالله مش هكي
محمود.. لاإله الا الله
ابراهيم .. وتي بنتك بيطلعو توا
مفيدة.. هكي فيسع فيسع
ابراهيم بالك تبي نجيبو الزكرة طلعي الخرا بسرعة
----------------------------------------------
خنساء.. شن هوا كيف صار وبدت تبكي
صابرين.. خيرك
خنساء.. يتبع