صفحات ممزقة ( روايات ليبية )

حلقة 14🔥

#صفحات ممزقة
(قصة واقعية)
الحلقة(14)
بقلم.. القطة الشريرة

أمين.. مش قادر يقاوم حركاتها وهيا تغري فيه وقرب منها وصار ال... 🔞
خنساء.. وصلت للباب واول ماخشت
شافت شي عمرها ماكانت متوقعة انها تشوفه حبيبها وأختها قعدت خنساء واقفة وتشوف للمنظر المقزز الى قدامها
أمين.. بالصدفة قام راسه وشافها خنساء
داليااا.. شافت ولقت أختها تشوفلها
خنساء.. إتفو عليكم وحتى هدي كبيرة عليكم ونزلت تجررري
أمين.. حط ايديه ع وجهه
داليااا.. تصلح ف دبشها انا قتلها انك خاين بس هيا ماتبيش تصدق
أمين.. وهوا معصب خنقها من رقبتها خاطري نقتلك ياحشرة
----------------------------------------------
خنساء.. خشت للحمام وقعدت تبكي وتشهق وصورة أمين وداليا بين عيونها كانت حاسة بخنقة احساس أصعب من المووت اول مرة ذوق مرارة الحب ومرارة الخيانة ومصعبها لما تكون من أقرب شخصين ليك
----------------------------------------------
أمين .. نزل بعد مانزلت داليا وقعد يدور ف الحوش مش عارف كيف يدير
كانت الخطة متع أمين انه يدير علاقة غير شرعية مع خنساء عشان يضمن انها ماتسيبه كان فضحاته داليا بقصته مع ثريا وصار العكس
خنساء.. توضت وطلعت للدار بس شافت داليا ع طول رجعت ع وراها وخشت للصالة وقعدت تصلي لعند أذن الفجر وهيا تبكي وتدعي
--------------------------------------------
الساعة.. 9.30 صباحآ
خنساء.. ايوا يما
مديحة أهلين
خنساء.. بدت تبكي
مديحة.. خيرك
خنساء.. أمتى بتروحو هيا نبي نروح
مديحة.. غدوة ان شاء الله مروحين ومعاش تبكي
خنساء.. باهي بنمشي نقعد ف حوش عمي عادل نعاون سارة عادي
مديحة.. اي عادي بري وأسالي جتك قبل
خنساء..باهي
مديحة.. سلمي عليهم واهم خالاتك وخوالاك يسلمو عليك
خنساء.. سلمي عليهم
مديحة.. أصبري اهو حتى صاحبك فاضل يسلم عليك
خنساء.. ضحكت لأن عندها دكريات مع فاضل ولد خالتها شن حاله هوا وراسه الكبير وخيرهم معاش يجونا
مديحة.. كان تشوفيه كبر مشاء الله وبدا شخصية
خنساء.. هههه ان شاء الله الأحول بدا شخصية باهي باه
مديحة.. تحشمي هيا خلاص توا بالسلامة
خنساء.. خشت للدار ولمت دبشها
دلال .. وين ماشية
خنساء.. بنقعد ف حوش عمي عادل
دلال.. شن عندك غادي
خنساء.. كلمت امي وقاتلي بري
دلال.. ماقاتلك امتى مروحين
خنساء.. غدوة
دلال.. كويس بكل
________________________________
زايد.. كان مقعمز يفطر ف المطبخ خشت عليه داليا
داليا.. صباح الخير
زايد.. صباح النور كيف حالك
داليا.. الحمد لله وانت
زايد.. ف نعمة انتي ماتبي شي ماناقصك شي
داليا.. لااااا وحطت الطاسة وطلعت
زايد.. ااااخخخخ وخلاص
-----------------------------------------
أمين.. صباح الخير جتي
خالدة.. أهلين ياأهلين صباح النور
أمين.. قعمز جنب خالدة ع السرير وقعد يهدرز معاها
رانيا.. ف العشية توا نلحقوك
خنساء.. لااااا انا هاربة من شكالاتكم بتلحقوني
رانيا.. انا حماتك راه مفروض ماتزعليني
خنساء.. تشوف لداليا وتضحك أول مايتحدد موعد الفرح بعدها نعاملك كويس
دلال.. ههههه اي قولو لأمين يستعجل خاطرنا ف عرس
داليا.. هذا كانه يفكر اصلآ انه بيعرس
خنساء.. انا بنوض نسلم ع تيتا قبل مايجي عمي وناضت
داليا.. غبية
خنساء.. خشت لجدتها وشافت لأمين ورجعت وراها لكن خالدة شافتها
خالدة.. تعالي ياخنساء شفتك
خنساء.. عضت ع صبعها ودفت نظارتها وخشت نعم ياتيتا
خالدة.. خيرك واقفة ع الباب خشي
أمين.. يشوف لخنساء عيونها الحمر المنفخات من البكي وللبحة الى ف صوتها ولملامحها الحزينة
خنساء.. جيت بنسلم عليك بس
خالدة.. جاء عمك
أمين.. يشوفلهم ومش فاهم شي
خنساء.. قالي قريب يوصل
خالدة.. مانسيتي شي رفعتي دبشك كله
خنساء.. ايه ورن تلفونها اهو عمي
خالدة.. توكلي يابنتي ف امان الله
خنساء .. سلمي ع جدي حتى كان مابيتفكرني خشيتله ولقيته راقد
خالدة.. ان شاء الله
أمين.. بعد ماطلعت خنساء وين ماشية
خالدة.. قالت تبي تقعد ف حوش عمها تعاون سارة
أمين.. باهي وكان مش عاجبه الموضوع
---------------------------------------------
فات اليوم عادي مافيش أحداث
أمين.. طلع من الحوش ومعاش رجع
خنساء.. غسلت الماعين وخشت للدار وحولت قناع الإبتسامة المزيفة والبنت القوية قعمزت ف الزاوية وتكورت ف بعضها ودفنت وجهها بين رجليها وقعدت تبكي كان راسها بينفجر من كثر التساؤلات الى ف دماغها ليش وكيف وكان هذا وضعها كل ليلة وف الصبح تنوض وتحاول تكون طبيعية
رجعو مديحة وموسى وقعدو يومين ف أوباري وبعدها رجعو لدرج
طبعآ ف الوقت هذا أمين ماشافش خنساء بكل ولاتكلم معاها
---------------------------------------
خنساء.. يما تعالي شوي بنحكي معاك
مديحة.. لحقتها خيرك
خنساء.. كلمي عمتي زهرة وقوليلها فسخت أنا وامين
مديحة.. بشهقة خيركم فسختو الغلط منك ولامنه
خنساء.. الحق ماتفاهمنا
مديحة.. لاحول الله وخلاص الله غالب ماعندكم حظ يابناتي
خنساء.. كله قسمة ونصيب
مديحة.. هوا هذا توا نعطي علم لبوك وبعدها نقوللها وطلعت
خنساء.. خلاص انا توا شهادة تانوية لازم نشد حيلي كويس ونقرا
----------------------------------------------------
ف الليل
زهرة.. خشت للدار ولقت أمين مقعمز وقعمزت جنبه
أمين.. يتفرج ع التلفزيون عزوز شن حالك
زهرة.. كلمتني مديحة توا وقاتلي ان خنساء فسخت
أمين.. شن هوا
زهرة.. قاتلي انكم مش متفاهمين وتفكيركم مش زي بعض وعمك قال براحتها مايبي يغصبها ع شي تفسخ توا ولاتروحلنا مطلقة
أمين.. وجعاته حركة خنساء حرقتله قلبه صح كان يخون فيها بس حس بإحساس أخيه توقع ان هيا مستحيل تسيبه حتى بعد ماخانها بس صار عكس مايبي وطلع ومسك هاتفه وقعد يرن عليها ورقمها كان مقفل
----------------------------------------------------
فاتت سنة 2012
وخنساء مزال مانست رغم انها تحاول تلهي روحها ف القراية بس مش قادرة
دارت امتحاناتها ونجحت بتقدير ممتاز وبنسبة 98%
كان.. موسى فرحان وتصل بخوته خبرهم ودبح بالمناسبة هدي
داليا.. هيا زايد فيها ربي يدبحلها وانا خيرني
دلال.. بيدبحلك ع المقبول ولاع شن
----------------------------------------------
أمين.. خلي نتصل بدلال تعطيهالي ع أساس بنباركلها ونحكي معاها
----------------------------------------------
نصر .. توا وتيلها ملفها باش نبعتها مع بنتي لغريان
موسى.. غريان شن
نصر.. هنا مافيش تخصص اقتصاد بنات دفعتهم تقريبآ كلهم بيمشو لغريان
موسى.. انا بنتي نبعتها لقسم داخلي قصدك ابدآ
نصر.. خيرك انت شن بيصيرلها قصدك نحنا الى بنبعتو بناتنا مش خايفين عليهم لاياراجل حرام بنتك مستواها كويس دخلها لغة عربية ولاانجليزي
موسى.. ع الأقل قدام عيني
نصر قعد يناقش ف موسى لعند إقتنع
-----------------------------------------------
دلال.. الو
أمين.. أهلين دلال
دلال.. كيف حالك أمين شن اخبارك
امين.. الحمد لله
دلال.. شن حال عرب اوباري
امين.. كلهم بخير وبعدها سكت
دلال.. ألو
امين.. معاك معاك قتلك دلال بنطلب منك طلب نبي نحكي مع خنساء عطيها التلفون خلي نباركلها بس ماتقوليلها إنى انا
دلال.. ليش
أمين.. عارفه طلب بايخ بس نبي نحكي معاها
دلال تمام
صابرين(بنت نصر) توا بوي بيقنع بوك متخافيش
خنساء.. ان شاء الله لازم نسافر ياصابرين لازم خلاص نبي ننسى
صابرين.. والله الى صار معاك صعب كيف قادرة تتحملي
خنساء.. ومن قالك متحملة لكن ماعندي ماندير ربونا نكونو كويسين ف زمن كثرو فيه الى مش كويسين
صابرين.. كان من زيك نقلبها فوقهم
خنساء.. سكوتي هذا وربي قاعد يقتل فيهم وانا متأكدة
صابرين .. لكن أختك تكلمي فيها اهو مقوا قلبك
خنساء.. ايه هكي هيا تحس بروحها صغيرة قدامي
صابرين.. صحة ليك والله
دلال.. خنساء تعالي شوي
خنساء.. توا نجيك صابرين
طبعآ صابرين بدت صديقة خنساء المقربة وكل اسرارهم يحكو فيها لبعض
دلال.. رانيا تبي تباركلك
خنساء.. خدت التلفون الو
امين.. خنساء
يتبع