صفحات ممزقة ( روايات ليبية )

حلقة 17🔥

#صفحات ممزقة
(قصة واقعية)
الحلقة(17)
بقلم.. القطة الشريرة

دعاء.. الخطة رقم 3
صابرين.. هيا إنطلقييييي
دعاء.. لازم تفتحي فيس وتشوفي العالم الخارجي
خنساء.. كيف يعني
دعاء.. فتحت تلفونها شوفي هذا اسمه فيس بوك تقدري من خلاله تعرفي شن صاير ف العالم وتقدري من خلاله تتعرفي ع ناس جدد
خنساء.. محلاه بس مرات يلهيني ع قرايتي
دعاء.. انتي ديري كنترول ع روحك نحنا فاتحينه عشان الكلب أمين يشوفك كيف انتي عايشة
خنساء.. تمام
دعاء..هاتي جاى تلفونك واشتركتلها ف نت الشفرة بعد مابعتتلها الفيس بنسميك أنثى متمردة
خنساء .. لامش حلو
صابرين.. اممممم شن رأيك أنثى من ضوء
خنساء .. لاااااااا مش حلو
دعاء.. حلو أنثى من ضوء
خنساء.. سميه بإسمي هكي باش ينقهر هوا
دعاء.. العب ياخطيرة انتي ايوااا
صابرين.. حتى انا نبي فيس
دعاء.. حاضر
خنساء.. بدت ضيف ف الأصدقاء وكلهم بنات
دعاء.. توا الساعة 11.30 لازم نوصلو للكلب امين انك فتحتي فيس بس كيف كيف كيف
صابرين.. تكلم أخته وتقوللها فتحت فيس ضيفيني
خنساء.. بالك بيحس إني قصدآ ندير هكي
دعاء.. لا بالعكس مش حايحس بشي هيا باش غدوة يشوف للصور الى بنزلوهم
خنساء.. تمام فتحت تلفونها ورنت ع رانيا الى كانت مكسدة مع عزو ف الدار
رانيا.. هلا وغلا
خنساء.. بيك ياسرو شن جوك وشن أخبارك وشن حال ناسك الكل
رانيا.. كلهم كويسين خنوس وانتي شن مدايرة وشن جو غريان معاك
خنساء.. الحمد لله تمام التمام
عزو.. سلمي عليها
رانيا.. يسلم عليك عزو
خنساء.. سلمك وسلمه
رانيا .. هيا حبيبتي مانكترش عليك صحيتي
خنساء.. ماعندي فيه جميل واسمعي انا توا فتحت فيس ضيفيني باش نهدرزو مرة مرة
رانيا.. والله مبروك شن اسمك
خنساء ..اسمي خنساء موسى
رانيا .. حي عليك من موسى هههههه وشن صورتك باه
خنساء.. حاطة صورتي وانا ف البار
دعاء وصابرين.. ههههههه
رانيا.. ياحيوانة هههههه حتى عزو سمعك قالك ماتكتريش بس
خنساء.. هههههه حاطة صورة بابا
رانيا.. تمام خنوسة هيا خلي نضيفك
خنساء.. تم
دعاء.. هيا قبل ماضيفك هاتي يدك وانتي صابرين هاتي يدك ديرو علامة النصر عشان الزمالطو لحظة بس بري البسي الساعة الى ع الطاولة
خنساء.. تمام
دعاء.. قعدت تصور في ايديهم وحطتها ف صفحة خنساء
------------------------------------------------
عزو.. صار سنفور غضبان فتحت الفيس
رانيا.. الواضح انها من اليوم سنفور ضاحك ياعيني شوف الصور انا وصديقاتي ربي يحفظهم
عزو.. ترا نشوف وينها خنساء
رانيا.. هدي
عزو.. كذب كيف عرفتي
رانيا.. شوف أثر الحرق متع إيدها أهوا
عزو .. اي حق اضرب يابنت عمي من يوم سيبت خوك وجه الفقر نفتحت ف وجهها
أمين وزايد.. السلام عليكم
رانيا شافت لعزو وقعدو يضحكو
زايد.. نشم ف ريحة قرمة
عزو.. اي والله نقرمو ف خوك هذاك
أمين.. نقز ع عزو شن كنت تقرم
عزو.. اااي ياثور بعد
رانيا.. هههههه قتلته خلاص
زايد.. أمين قفز عليهم الزوز
رانيا.. هههههههه الله يرحمهم
عزو.. مزال نبي نعيش
أمين.. توفيت انا
زايد.. محلا الراحة
امين..نوض يافرخ
زايد.. حول من عنهم
أمين.. توا قول شن كنت تقرم
رانيا.. مسكين ماقال شي
عزو.. قتلها خنساء من يوم سيباتك نفتحت ف وجهها
امين.. شن قصدك
عزو.. وريه وجه الفقر هذا قريب قتلني
رانيا.. مدتله التلفون
زايد.. قعد يشوف اشيه فتحت فيس وتصور وجو
رانيا.. هههههه ايه نفعتها مشية غريان
أمين.. طارتله وحفظ اسم ايميلها
----------------------------------------
ف الصبح
خنساء..نايضة وهيا ناشطة وتنوض ف البنات للفجر
دعاء.. صلي انتي وفوتيني
خنساء.. نوضي يابنت هياااا بلاجو
دعاء.. يودي انا مانصليش خلوني ف حالي
خنساء.. هيا من اليوم بتبدي تصلي معانا نوضي
دعاء.. ناضت وهيا تنفخ
صلو الفجر وقرو شوية قرأن
خنساء.. صابرين ولعي الفرنيلو خلي نطيبو الشاهي ونفطرو
دعاء.. خلي توا يفتح المطعم
خنساء.. مزال وقت عليه
صابرين.. ولعت الفرنيلو وحطت عليه البراد
دعاء.. اليوم مافيش كلية راه
خنساء.. اصلآ الدكتور متع اليوم مش جاي
دعاء.. تمام معناها متافهمين حطو الفطور وقعمزو يفطرو
فاطمة.. من برا دعاء يادعاء
دعاء.. ها ياحبي تفضلي
فاطمة.. فتحت الباب صباحو يابنات
كلهم .. صباح النور
خنساء.. تفضلي
فاطمة.. الله تمر دقلة
صابرين.. تفضلي ذوقي تمر درج
فاطمة.. قعمزت معاهم اسمعو يابنات اليوم ف الغفارة توكة عبد السلام مابنقدر نقوله بنرفع البنات يديرلي مشكلة بس عندي خطة إنتو البسو باهي واول مايمشي الباص أطلعو وهكي انا نكلم خوي ويجينا ونقترح نوصلكم
دعاء.. تم حبي
فاطمة.. وأمتى بتعطيني رقم بوك
دعاء.. قعدت تضحك شفتوها يابنات الحب هذا كله عشان بوي مرة شافاته ف صورة كتيب العائلة ومنها صاحبتني
فاطمة.. بوها يهبل
خنساء وصابرين.. هههههههه
فاطمة.. ناضت هيا نتلاقو يابنات
----------------------------------------
أمين.. ناض يدخن وفتح تلفونه وخش ع ايميل خنساء الى كانت مصورة الفطور وكاتبة صباح الورد مع أحلا صديقات وحس روحه بينفجر
----------------------------------------
دعاء.. هيا فطومة رنت عليا
خنساء.. يبنات انا مش ماشية حاسة روحي عريانة باللبسة هدي
دعاء.. للمرة المليون أقسم بالله مستورة وطويلة وطالعة تهبلي
صابرين.. ايه صح
خنساء.. مرات يقولو عليا صايعة
دعاء.. الصبررررر ياربي نريش روحي ولاشن انسى كلام الناس وبعدين اللبس مش مقياس راه العقول المريضة هيا بس الى تحكم ع البنت من لبسها فهمتي
خنساء.. هزت راسها كانت لابسة سروال أسود ومالية طويلة لتحت الركبه وفوقها جاكة سودة ووشاح اسود ف الأصفر
دعاء.. هيا وطلعو
فاطمة.. اهما جو
دعاء.. ياعمي ماتقولش الباص مشى
عبد السلام.. قبل شوي كيف طلع
دعاء.. حي توا الدكتور معاش يدخلنا
فاطمة.. نزلت من السيارة تعالو نوصلكم
عبد السلام.. برو معاها معناها ولحقو ع المحاضرة
دعاء.. هيا بسرعة بالله الدكتور نظامه تجي بعده يطردك
فاطمة .. أركبو هي
البنات .. السلام عليكم
أشرف.. خو فاطمة وعليكم السلام
دعاء.. أشرف شن الجو
اشرف .. تمام وإنتي
دعاء .. تمام
فاطمة .. طبعآ هذا خوي مواليد94
خنساء وصابرين .. متحشمات وساكتات اما دعاء وفاطمة ضاربينها هدرزة وأشرف مرة مرة يشارك فيهم
اشرف .. أهو وصلنا اليوم فتحت بكري ع خاطرنا
---------------------------------------------------
منتهى.. أمتى بتردي عليها خالتي زهرة
مفيدة.. بعدين الضحى نكلمها
منتهى.. كان رديتي عليها أمتى بيجونا رسمي
مفيدة.. مش عارفة وتلحلحي حتى انتي شدي ف زايد
منتهى.. كل شي قسمة ونصيب
----------------------------------------------------
حسين.. يدور ف الكلية شكلها ماجت اليوم لكن كيف بنعرف جدولها
--------------------------------------------
أمينة.. بنت عم فاطمة.. هذا الإطار يمشي معاك وحلو
خنساء.. لونه بيج ماحبيته
دعاء.. بالعكس اللون الفاتح حلو
فاطمة.. اي صح والله حلو راه
خنساء.. تمام
أمينة .. انتي عيونك حلوات شن رايك ديري عدسات
خنساء.. عدسات طبية
أمينة.. ايه تلبسيهم لما يبدا عندك مناسبة ومايقيدوك زي النظارة بس يبو محافظة
خنساء.. اي عادي لكن خليهم مرة تانية لإن ماعندي حقهم توا
أمينة.. مادوريش اعتبريهم هدية
فاطمة.. هيا بحبحي هييي
خنساء.. والله مش شرط صحيتي
فاطمة.. مادخلك ديريلها ديري
امينه.. قعمزي خلي نديرلك كشف
خنساء.. قعمزت وامينه دارتلها القياسات توا بعد ثلاتة ساعات يبدو واتيات
فاطمة.. معناها هيا نمشو للمحلات لبين ماوتت
--------------------------------------------------
زهرة.. وهيا مقعمزة مع خالدة ومحمود ويهدرزو رن تلفونها اهلين مفيدة
مفيدة.. ياهلا صباح الخير
زهرة.. صباح النور كيف حالك اليوم
مفيدة.. الحمد لله وإنتي
زهرة.. الحمد لله
مفيدة.. بخصوص موضوع امس ثريا سألت البنت وبوها ماعندهم مشكلة
زهرة.. ربي يقدم الى فيه الخير
مفيدة.. أمتى بتجو
زهرة.. الحق مزال ماهدرزت ف الموضوع مع امين
مفيدة.. لازم تجو وراهو نبو بيان مش يشدلي بنتي زي خنساء وبعدها يفوتها
زهرة.. إن شاء الله
مفيدة.. سلمي عليهم وصكرت
زهرة.. تسلم عليكم مفيدة
خالدة.. سلمها شن حالها
زهرة.. حالها باهي تخبر فيا انهم وافقو ع أمين
خالدة.. ربي يتمملهم ع خير
محمود..واحد ماعنده حوش مش عارف كيف يبي يخطب لين أمتى بيقعد شادها
زهرة.. شن بنديرله هيييي
محمود.. توا نهدرز معاه بعدين
-------------------------------------------------
خنساء.. يابنات انا طلعولي الدوالي من كثر المشي خلاص أرحموني وعيوني بدو يدمعو ستاحشت نظارتي
فاطمة.. نقصت10كيلو اليوم انا
دعاء.. حصلت هلبااا ارقام وكلهم طروف
صابرين.. انا شبحني ولد عمي نجبجب توا بيخبر بوي
أشرف .. كان طول الوقت مركز مع صابرين
فاطمة.. امينة ترن عليا هيا مشينا
وركبو ف السيارة
وصلو عند امينة وخدو النظارة والعدسات
خنساء.. شكرآ أمينه ومدتلها عطر هذا هدية مني ليك
امينة.. بارك الله فيك وتشرفت بيكم
ف السيارة
توا الدبش كيف يصير فيه
دعاء.. اسمعي حطينا جنب كليه التربية ونخشو للداخلي من غادي
فاطمة.. حق فكرة ع الاقل كلية التربية فيها كشك ملابس ومواد زينه ع اساس شريتو منه
خنساء.. بصوت واطي ع اساس مابيزبطنا توا متاعين الصبح
دعاء.. يفوتو عليه اشكال والوان كل يوم تحسابيه غير بيشد فيك انتي بس
وصلو للكلية التربية وخشو خدو فيها دورة ورجعو للداخلي وفعلآ ماكلمهم حد
خنساء.. تلوحت ع السرير واخيرآ يابنات
دعاء.. هيا نوضي قيسي لبسك
خنساء.. خليه لبعدين وحق ربي فاشلة
صابرين.. انا ولد عمي شافني وحق ربي بيخبر بوي
خنساء.. مانظني زبطك
صابرين.. والله قعد يشبحلي مشوار متع زبطتك
دعاء..طنشي بس غيرنا جو
------------------------------------------
محمود.. خش للمبروعة السلام عليكم
امين.. عدل قعدته بعد مشاف بوه وعليكم السلام
محمود.. قعمز اسمع ياولد بنقولك كلمتين
أمين.. نعم يابوي
محمود.. ردبالك تشد بنت الناس وانت مش ناوي تخدم ع راسك ولاطور من روحك تبدا مش راجل بعدين انت قاعد تشد ف بنات الناس وحوش ماعندك بلكتين ع بعضهم ماعندك امتى تبي تكون روحك كانك تراجي فى الدنيا تصلح مرات تخرب اكثر من هكي ياتجري ع روحك ياأقعد ديما راقد لكن ردبالك تشد بنت الناس وبعدها ترخي بيها وراهو كل ماطوالت العلاقة تخرب وانت دير رايك
أمين.. إن شاء الله
------------------------------------------------
زايد.. قاعد ف السيارة ويتصل بنورة بس نورة ع غير عادتها ماردت عليه
نورة.. تشوف للهاتف انت الى طلبت هكي
زايد.. والله تغيرتي هلباااا يانورة زعما من هوا الى خداك مني
-------------------------------------------------
دعاء.. وهيا تاكل ف البطاطا المقلية نزلي الصور متع بكري
خنساء.. لافكيني مرات توصل الدوة للباب
دعاء.. تي عادي قوليله نقصوني شوية حاجات ومشيت شريتهم شن بيقولك
خنساء.. انتي بتوديني ف داهية
دعاء.. هاتي جاي ونزلت صور المحلات وكتبت عليهم احلا جو مع البنات ف السوق
---------------------------------------
أمين.. كان كل شوي يخش ع خنساء ويشوف ف مناشيرها وجوه يتعكر
---------------------------------------------
فاتو الأيام
وخنساء.. زادت ثقتها بنفسها وبدت تحب حياتها الجديدة وكانت تقرا ومجتهدة لأن النجاح من أهم أسباب الإنتقام
حسين.. كان يراقب ف خنساء من بعيد لبعيد وكان مصدوم من التغيير الى شافه عليها
زهرة.. مشت خطبت ثريا رسمي ودارو جو تلبيسة بسيطة
----------------------------------------------------
خنساء.. بنتصفح شوي وبعدها بنوض نغسل دبشي
دعاء.. غدوة جمعة راه
خنساء.. غدوة نبي نرتاح وقعدت تتصفح لعند شافت منشور منزلاته رانيا ألف مبروك خوي الغالي الخطوبة وعقبال مانشوفك عريس ومدايرتله تاق
دعاء.. تشوف لخنساء خيرك يافرخة تبكي شن فيه
خنساء.. الحقير الواطي خطبها رسمي وتعالي شوفي الدبلة والهدايا
دعاء.. ماتبكيش ولاتزعلي هذي محاولة يأسة منه باش يحطمك واضحة يبي يغيضك زي ماإنتي تغيضي فيه
خنساء.. المهم خطبها ودارلها بيان
صابرين.. خشت عليهم خيرك خنساء تبكي
دعاء.. الحقير أمين خطب ثريا رسمي
صارين.. النجس الواطي مادوري حبيبتي هذا من كثر ماهو مقهور منك معاش عرف شن يدير
خنساء.. أكيد يحبها كان هذا ماخطبها
دعاء.. حبه برص ان شاء الله والله لايحبها لاشي والنوعية هدي ماهي متع حب
صابرين .. تقرا ف التعليقات اهوا الواطي وين معلق
دعاء.. ترا شن كاتب
صابرين.. مشكورة وخيتي الحلوة والله يبارك فيك وعقبال لكل العزابة
دعاء.. مقدم كلامه عليك عوج
صابرين.. خلي نعلقو مدامه هوا معلق اكيدا بيشوف التعليق
دعاء.. فكرة خليه يعرف إن خنساء مش معدلة
خنساء.. تمسح ف دموعها شن بنكتبو
دعاء.. اكتبي ألف مبروك لولد عمي وعقبال مانحضرو فرحك وعقبال لخوته نسيت اساميهم
خنساء.. عزو وزايد
دعاء.. وعقبال لعزو وزايد مع الوجوه 😍😍😍
خنساء.. تمام بعتها
صابرين.. والله مايستاهلك فوتيه ومعاش تزعلي روحك
خنساء.. بنوض ننزل نتمشى شوي
---------------------------------------------------
أمين.. فتح الفيس وخش ع الإشعارات وخش ع تعليق خنساء وقراه مرة وتنين وثلاته مش معقولة ورن تلفونه ورد
ثريا.. حبيبي ستاحشتك
أمين.. بعدين نكلمك مش فاضي توا
ثريا.. تمام وصكرت
أمين.. رجع فتح تعليق خنساء بعد ماردت عليها رانيا تسلمي حبيبتي الفال ليك إن شاء ولازم تحضري
خنساء.. قرت رد رانيا وردت عليها حتى أنا قريب ان شاء الله وأكيد حانكون أول الموجودين
أمين.. قرا رد خنساء وضرب ايده ع الطاولة وهوا معصب
رانيا.. غرياني شكله ولامن العيلة
خنساء.. براني ماهو من العيلة فوق رموش العين نشيله 😍😘
رانيا .. ياخطيرة وخشولها بنات عماتها وقعدو يقصقصو فيها
أمين.. كان يقرا ومقهور من طريقة رد خنساء
----------------------------------------------------
خشت سنة2014
خنساء.. صفت موادها بتقدير ممتاز ورجعت لدرج هيا وصابرين
موسى.. كان فرحان بنجاح خنساء
داليا.. زاد حقدها ع أختها خاصة بعد شافتها كيف حلوت وتغيرت
دلال.. سمعتو أخر الأخبار
مديحة.. شن فيه
دلال.. حددو عرس رانيا بعد أسبوعين
مديحة.. ربي يتمملها ع خير اشبح بوك يرفعنا ولايكفر فينا
خنساء.. انا وحدة مسافرة بعد غدوة ماني طامعه فيه
دلال.. لازم يقتنع من زمان ماسافرنا
مديحة .. توا نكلمه بعدين بالك نحصل مشية لطرابلس من غادي
----------------------------------------------
زايد.. اسمعي يابنت الناس بنجيك من الأخر انا ديما كنت نعامل فيك زي أختي وماعمري توقعت اني بنحب حد بعد داليا رغم انه كان حب من طرف واحد لكن حبيتك
نورة.. مش مصدقة الى قاعدة تسمع فيه
زايد.. ف الفترة الأخيرة الى سيبتيني فيها عرفت قيمتك وتأكدت من حبي ليك
نورة.. درت هكي لأنى كنت نتعذب ماقدرتش نتحمل فكرة نكونو أصدقاء
زايد.. نحبك ياصديقتي وياحبيبتي الى هونت عليا هلبة حاجات
نورة.. نموت فيك بس ف شي هكي نبي نقوله
زايد.. قولي نسمع فيك
نورة.. بخصوص الماضي وعلاقتي مع أمين نبيك تعرف اني نسيته وحق ربي نسيته ومعاش يعنيلي شي
زايد.. مصدقك وحتى انا داليا ماضي ونتهى بالنسبة ليا ومستحيل نفكر فيها
--------------------------------------------------
بدت الدراسة وصابرين وخنساء رجعو لغريان
دعاء..قداش ستاحشتكم
خنساء.. حتى نحنا ستاحشناك والله
-----------------------------------------------
أمين.. عايش حياته ف الليل يكلم ف ثريا وف النهار يكلم ف اللامبات قصدي البنات😂😂😂😂
--------------------------------------------------
ف الصبح
خنساء.. وهيا واقفة ع المراية وتزبط ف روحها
دعاء..طالعة تهبلي
صابرين.. هيا توا يمشي علينا الباص
طلعو البنات وركبو ف الباص ومشو للكلية
خنساء وصابرين .. اليوم نازلات بثقة
صابرين.. عندنا ف القاعة اليوم
خنساء.. عينك ف المدرج
صابرين.. ف القاعة
خنساء.. متاكدة ف المدرج
صابرين.. هيا نمشو نشوفو
طبعآ دعاء كانت تقرا ف كلية القانون مش معاهم
صابرين.. ف المدرج ف المدرج قتلك انا
خنساء.. معناها اجري تأخرنا
وصلو للقاعة وخبطو الباب
الدكتور .. تفضلو
خنساء وصابرين خشو وقعمزو
---------------- --------------------
موسى.. ضروري يعني
مديحة.. نرفعو البنات يغيرو جو وانا نبي طرابس
موسى.. ساهل ساهل
-----------------------------
الدكتور تقدرو تتفضلو
خنساء.. وقفت
صابرين.. حيييييي
يتبع